Лонгидаза® суппозитории 3000 МЕ

Бір суппозиторийдің құрамында Белсенді зат: Бовгиалуронидаза азоксимер (Лонгидаза®) – 3000 ХБ, қосымша зат: какао тұқымының майы (какао майы). Сыртқы түрінің, иісінің, дәмінің сипаттамасы Какао майының өзіне тән әлсіз иісі бар, ақшыл-сары түсті, пішінді торпеда тәрізді суппозиторийлер, мәрмәр өңді болуға жол беріледі. Кесіндіде ауа өзегінің немесе құйғыш тәрізді ойықтың болуына жол беріледі.

Ересектерге монотерапия түрінде және дәнекер тінінің гиперплазиясымен қатар жүретін аурулардың кешенді емінің құрамында, оның ішінде қабыну үдерісі аясында: • урологияда: созылмалы простатит (оның ішінде қайталанулар профилактикасы үшін), интерстициальді цистит, уретра және несепағар стриктуралары, Пейрони ауруы, қуықасты бездерінің қатерсіз гиперплазиясының бастапқы сатысы, уретраға, қуыққа, несепағарға операциялық араласымнан кейін тыртықтардың және стриктуралардың түзілуінің профилактикасы; • гинекологияда: ішкі жыныс ағзаларының созылмалы қабыну ауруларында кіші жамбастағы, гинекологиялық манипуляциялардан, оның ішінде жасанды жолмен жасалған аборттардан, бұрын кіші жамбас ағзаларына операциялық араласым жасалғаннан кейін дәнекерлеу үдерісі (профилактика және емдеу); жатырішілік синехиялар, түтіктік-перитонеальді бедеулік, созылмалы эндомиометрит; • дерматовенерологияда: шектеулі склеродермия, жыныстық жолмен жұғатын инфекциялардың фиброздық асқынуларына профилактика; • хирургияда: құрсақ қуысының ағзаларына операциялық араласымнан кейін дәнекерлену үдерісінің профилактикасы және емі; жараның ұзақ уақыт жазылмауы; • пульмонологияда және фтизиатрияда: пневмофиброз (пневмосклероз), сидероз, туберкулез (кавернозды-фиброзды, инфильтративті, туберкулема), интерстициялық пневмония, фиброзданатын альвеолит, плеврит; • урологияда, гинекологияда, дерматовенерологияда, хирургияда, пульмонологияда және т.б. бактерияларға қарсы емнің биожетімділігін арттыру үшін.

Әсер ету механизмі Лонгидаза фиброзды-гранулематоздық түзілімдерде патологиялық тұрғыдан түзілген дәнекерлеуші матриксті деполяризациялайды, сондай-ақ дәнекер тіндері компоненттерінің синтезіне бағытталған кері реттеуші реакцияны басады. Тестикулярлы гиалуронидазаның спецификалық субстраты дәнекер тіні матриксінің негізін құрайтын гликозаминогликандар (гиалурон қышқылы, хондроитин, хондроитин-4-сульфаты, хондроитин-6-сульфаты) болып табылады. Деполимеризацияның нәтижесінде (С1 ацетилглюкозамин және С4 глюкурон немесе индурон қышқылдары арасындағы байланыстың үзілуі) гликозаминогликандар өздерінің негізгі қасиеттерін өзгертеді: тұтқырлығы төмендейді, суды, металл иондарын байланыстыру қабілеті азаяды, тіндік бөгеттерінің өткізгіштігі уақытша артады, жасушааралық кеңістікте сұйықтықтың қозғалысы жеңілдейді, дәнекер тінінің серпінділігі артады, бұл тіндегі ісінушіліктің азаюмен, тыртықтардың қатаюымен, буындардың қозғалу көлемінің артуымен, контрактураның азаюымен және олардың түзілуінің алдын алумен, дәнекерлеуші үдерістің азаюымен көрініс береді. Қалыпты дәнекер тінін Лонгидазаның зақымдамайтыны, бірақ фиброз аймағында дәнекер тіннің құрамы және құрылымы бойынша өзгерген қалыпты құрылымның бұзылуын туындататыны биохимиялық, иммунологиялық, гистологиялық және электронды-микроскопиялық зерттеулермен дәлелденді. Фармакодинамикалық әсерлері Лонгидазаның әсері гиалуронидаза (ферментативті) ұзаққа созылатын белсенділігі, хелаттайтын, антиоксидантты, иммуномодуляциялайтын және қабынуға қарсы орташа айқын қасиеттері бар. Ферменттің ұзаққа созылатын әсеріне ферменттің физиологиялық тұрғыдан белсенді полимерлі тасымалдаушымен (азоксимер) ковалентті байланысуы арқылы қол жеткізіледі. Лонгидаза фиброзға қарсы қасиеттер көрсетеді, қабынудың жедел фазасының ағымын бәсеңдетеді, қабыну медиаторларының (интерлейкин-1 және ісік некрозының альфа факторы) синтезін реттейді (бастапқы деңгейіне байланысты арттырады немесе төмендетеді), гуморальді иммундық жауапты және организмнің инфекцияларға резистенттілігін жоғарлатады. Лонгидазаның фиброздарға қарсы айқын қасиеттері гиалуронидазаның таратушылар конъюгациясымен жүзеге асырылады, бұл ферменттің денатурациялайтын әсеріне және тежегіштердің әсеріне төзімділігін едәуір арттырады: Лонгидазаның ферментативтік белсенділігі 20 тәулік бойы 37°С-ге дейін қыздырған кезде сақталады, ал сол кезде табиғи гиалуронидаза осындай жағдайларда өзінің белсенділігін тәулік ішінде жоғалтады. Лонгидаза препаратында гиалуронидаза ферментінің және матрикс компоненттері гидролизінде босап шығатын фермент тежегіштерін және коллаген синтезінің стимуляторларын байланыстыруға қабілетті тасымалдаушылардың (темір, мыс иондары, гепарин және басқалар) бір мезгілде жергілікті болуын қамтамасыз етеді. Аталған қасиеттеріне байланысты Лонгидаза фиброзды-гранулематоздық түзілімдерде дәнекер тіні матриксін деполяризациялауға ғана емес, сонымен қатар дәнекер тінінің компоненттерін синтездеуге бағытталған кері реттеуші реакцияны тежеуге қабілетті. Клиникалық тиімділігі және қауіпсіздігі 18 жастан 50 жасқа дейінгі созылмалы простатитпен ауыратын 90 науқас қатысқан клиникалық зерттеуде Лонгидаза препаратын осы препаратты пайдаланбай топпен салыстырғанда кешенді терапияда қолдану СОС-ХП шкаласы бойынша клиникалық индексті 27,5%-ға және сол шкала бойынша препарат бойынша симптоматика индексін 26,3%-ға төмендетуге мүмкіндік бергені көрсетілген. Лонгидаза препаратын қолдану қуықасты безінің қатаю дәрежесін және қалдық несептің көлемін төмендетуге мүмкіндік берді. Лонгидаза препаратымен бірге кешенді ем қолданылған пациенттер тобында, плацебомен базистік ем қолданған топпен салыстырғанда, қуықасты бездері секретінде лейкоциттер саны 20%-дан көбірек төмендеді. 18 жастан 50 жасқа дейінгі 100 науқас қатысқан, ішкі жыныс ағзаларының созылмалы қабыну аурулары бар науқастарға 1 жылдан астам жүргізілген клиникалық зерттеулерде Лонгидазаны этиотроптық еммен бірге қолданған топта, плацебоны қатар қолданылатын ұқсас еммен бірге қолданған топпен салыстырғанда, ауыру симптоматикасының басылуы 15%-ға жиі болды. Лонгидаза қабылдамайтын топта 5% жағдайда, ал осы препаратты қолдану тобында 33,3% жағдайда жүктіліктің басталғаны байқалады. Лонгидаза препаратын қосу инфекциялық-қабыну аурулары қоздырғыштарының үлкен эрадикациясына, сондай-ақ гистеросальпингографиялық баға кезінде жатыр түтігінің өткізгіштігіне қол жеткізуге мүмкіндік берді. Лонгидаза мутагендік, эмбриоуыттық, тератогендік және канцерогендік әсерге ие емес. Препарат пациенттермен жақсы көтерімді, жергілікті және жалпы аллергиялық реакциялар байқалған жоқ. Операциялық емдеу кезінде немесе емдеуден кейін Лонгидазаны қолдану операциядан кейінгі кезең барысының нашарлауын немесе инфекциялық үдерістің үдеуін туындатпайды; сүйек тінінің қалпына келуін баяулатпайды.

Дозалау режимі Ересектерге ректальді: ішекті тазартқаннан кейін 1 суппозиторийден тәулігіне 1 рет. Ересектерге қынап ішіне: жатқан қалыпта қынапқа тәулігіне (түнге қарай) 1 рет 1 суппозиторийден енгізіледі. Енгізу сызбасы аурудың ауырлығына, сатысына және ұзақтығына байланысты түзетіледі: Лонгидаза® күнара немесе 2-3 күн үзіліспен тағайындалады. Ұсынылатын сызбалар мен дозалар: • урологияда: күнара 1 суппозиторийден 10 енгізу, әрі қарай 2-3 күн сайын 10 енгізу, жалпы курсы 20 суппозиторий. • гинекологияда: ректальді немесе қынап ішіне2 күн сайын 1 суппозиторийден 10 енгізу, әрі қарай қажеттілік болғанда демеуші ем тағайындалады. • дерматовенерологияда: 1-2 күн сайын 1 суппозиторийден 10-15 енгізу. • хирургияда: 2-3 күн сайын 1 суппозиторийден 10 енгізу. • пульмонология мен фтизиатрияда: 2-4 күн сайын 1 суппозиторийден 10-20 енгізу. Енгізу әдісі мен жолы Лонгидаза® суппозиторийлері 3000 ХБ 10-нан бастап 20 енгізуге дейінгі курспен, тәулігіне бір рет түнге қарай ректальді немесе қынаптық қолдану үшін ұсынылады. Емдеу ұзақтығы Қажет болған кезде Лонгидаза® препаратының курсын кем дегенде үш айдан кейін қайталау немесе ұзақ уақыт демеуші ем ретінде 3-4 ай бойы 5-7 күнде 1 рет 1 суппозиторийден ұсынылады.

– әсер етуші затқа немесе препараттың кез келген басқа компонентіне аса жоғары сезімталдық – өкпеден қан кету және қан түкіру – шыны тәрізді денеге жаңадан қан құйылу – жедел бүйрек жеткіліксіздігі – 18 жасқа дейінгі балалар (клиникалық зерттеулердің нәтижелері жоқ) – жүктілік – қатерлі жаңа түзілімдер – бала емізу кезеңі

Өте сирек: препарат компоненттеріне жекелей сезімталдығына байланысты қызару, ісіну, перианальді аймақтың қышынуы, қынаптық қышынуы түріндегі жергілікті реакциялар. Егер Сіз қандай да болсын жағымсыз әсерлерді байқасаңыз, бұл туралы дәрігерге хабарлаңыз. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану симптомдары қалтыраумен, температураның жоғарылауымен, бас айналумен, гипотензиямен көрініс беруі мүмкін. Препаратты енгізуді тоқтатады және симптоматикалық ем тағайындайды.

Анамнезінде созылмалы бүйрек ауруы, өкпеден қан кету болған науқастарда сақтықпен, аптасына 1 реттен асырмай қолдану керек. Арнайы ескертулер Препаратты қабылдаған кезде нұсқаулықта берілген нұсқауларды бұлжытпай орындаңыз. Егер сізде сұрақтар туындаса, түсіндіру үшін өз дәрігеріңізге жүгініңіз. Жағымсыз реакциялар дамыған жағдайда Лонгидаза® препаратын қабылдауды тоқтату және емдеуші дәрігерге жүгіну қажет. Инфекция ошақтарының өршуі аясында қолданған кезде таралуының алдын алу үшін, микробтарға қарсы дәрілерді бүркемелей отырып тағайындау қажет. Сіңуінің болжамсыз тездетілуі және жүйелік әсерінің артуы мүмкін болғандықтан, сақтық таныту және Лонгидаза® препаратымен біріктіріп тағайындалатын дәрілік заттардың фармакокинетикалық сипаттамасын ескеру қажет. Оның жарамсыздығының көзге көрінетін белгілері бар (қаптаманың бүлінуі, суппозиторий түсінің өзгеруі) препаратты пайдалануға болмайды. Препараттың кезекті дозасын өткізіп алған жағдайда әрі қарай әдеттегі режимде қолдану керек (екі еселенген доза енгізуге болмайды). Лонгидаза® препаратын қабылдауды тоқтату қажет болса, дозаны біртіндеп азайтусыз, бірден тоқтату арқылы жүзеге асыруға болады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Лонгидаза® препаратын қолдану көлік құралдарын басқару, механизмдермен қызмет көрсету қабілетіне және жоғары зейін қоюды және психомоторлық реакциялар жылдамдығын қажет ететін басқа жұмыс түрлеріне ықпалын тигізбейді.

Жүктілік кезінде қолдануға болмайды (жүктілік кезінде препараттың қауіпсіздігі туралы деректер жоқ). Клиникаға дейінгі зерттеулердің қолда бар деректеріне сәйкес препаратты эквитерапиялық дозадан 10 есе артық дозада енгізу лактацияға және ұрпақтың дамуына теріс әсер көрсетпейді.

Лонгидаза® препаратын антибиотиктермен, вирустарға қарсы, зеңдерге қарсы препараттармен, бронхолитиктермен біріктіруге болады. Басқа дәрілік заттармен (антибиотиктер, жергілікті анестетиктер, диуретиктер) біріктірілімде тағайындаған кезде олардың биожетімділігін арттыру және әсерін күшейту мүмкіндігін ескеру қажет. Қабынуға қарсы стероидты емес дәрілердің (ҚҚСД), кортизонның, адренокортикотроптық гормонның (АКТГ), эстрогендердің немесе антигистаминді препараттарды үлкен дозалармен бірге қолданғанда Лонгидаза® препаратының ферментативтік белсенділігі төмендеуі мүмкін. Лонгидаза® препаратын фуросемидпен, бензодиазепиндермен, фенитоинмен және адреналинмен бір уақытта қолдануға болмайды.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары 15 °С-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!