Лонгидаза® лиофилизат 3000 МЕ

әсер етуші зат - бовгиалуронидаза азоксимер (Лонгидаза®) 3000 ХБ, қосымша зат - маннитол 20 мг дейін. Сыртқы түрінің, иісінің, дәмінің сипаттамасы Ақ түсті немесе сарғыш немесе қоңырқай реңді ақ түсті кеуекті масса, гигроскопиялы.

Ересектерде дәнекер тіннің гиперплазиясымен қатар жүретін аурулардың емі және профилактикасы үшін кешенді ем құрамында қолданылады: гинекологияда – ішкі жыныс ағзаларының қабыну аурулары кезіндегі, соның ішінде түтікті-перитонеальді бедеулікте, жатырішілік синехияларда, созылмалы эндометритте кіші жамбастағы жабыспа үдерісінің емі және профилактикасы үшін урологияда – созылмалы простатиттің, интерстициальді циститтің емі үшін хирургияда – құрсақ қуысының ағзаларына операциялық араласымнан кейін дәнекерлену үдерісінің және ұзақ уақыт жазылмайтын жаралардың емі және профилактикасы үшін дерматовенерологияда және косметологияда – шектеулі склеродермияның, инфекциялық емес ониходистрофияның, пиодермиядан, жарақаттан, күйіктен, опрациядан кейінгі келоидтық, гипертрофиялық тыртықтардың, II-IV дәрежедегі тыртықты деформациялары бар тұрпайы безеулердің (безеуден кейінгі іздер) емі үшін пульмонологияда және фтизиатрияда – пневмосклероздың, фиброзданатын альвеолиттің, туберкулездің (кавернозды-фиброздық, инфильтративтік, туберкулема) емі үшін ревматологияда – буындардың контрактураларының, соның ішінде Дюпюитреннің контрактураларының және қол буындарының бүгілетін тендогенді контрактураларының, артроздардың, анкилозденетін спондилоартриттің, гематомалардың емі үшін.

Әсер ету механизмі Бовгиалуронидаза азоксимер - полиолен-1,4-этиленепиперазин N-оксид туындылары тобынан жоғары молекулалық тасымалдағышпен протеолитикалық ферментінің гиалуронидаза конъюгаты болып табылады. Бовгиалуронидаза азоксимер гиалуронидаза белсенділігі бар дәрілік заттарға тән барлық фармакологиялық қасиеттерге ие. Гиалуронидазаның ерекше субстраты гликозаминогликандар (гиалурон қышқылы, хондроитин, хондроитин-4-сульфат, хондроитин-6-сульфат) - дәнекер тіннің «цементтейтін» заты болып табылады. Гидролиз (деполимеризация) нәтижесінде гликозаминогликандардың тұтқырлығы және су мен металл иондарын байланыстыру қабілеті төмендейді. Нәтижесінде тіндердің өткізгіштігі жоғарылайды, олардың трофикасы жақсарады, ісіну төмендейді, гематомалар тарайды, тыртықтанып өзгерген жерлердің серпімділігі артады, контрактуралар мен жабысқақтар жойылады, буындардың қозғалғыштығы артады. Эффект патологиялық процестің бастапқы кезеңінде айқын көрінеді. Бовгиалуронидаза азоксимерінің клиникалық әсері нативті гиалуронидазаның әсерінен едәуір жоғары. Конъюгация ферменттің температура мен ингибиторлардың әсеріне төзімділігін арттырады, оның белсенділігін арттырады және әсер етудің ұзаруына әкеледі. Бовгиалуронидаза азоксимерінің ферментативті белсенділігі 37 ° С-та 20 тәулік қыздырылған кезде сақталады, ал нативті гиалуронидаза дәл осы жағдайда белсенділігін жоғалтады. Бовгиалуронидаза азоксимерінде, сонымен қатар хелатты, антиоксидантты, қабынуға қарсы және иммуномодулярлық белсенділігі бар тасымалдаушының фармакологиялық қасиеттері сақталады. Бовгиалуронидаза азоксимер гликозаминогликандардың - бос радикал реакцияларының активаторларының, гиалуронидаза ингибиторларының және коллаген синтезінің стимуляторларының гидролизі кезінде бөлінетін темір иондарын байланыстыра алады және осылайша дәнекер тін компоненттерінің синтезіне бағытталған кері реакцияны басады. Бовгиалуронидаза азоксимерінің политроптық қасиеттері пневмофиброз үлгісінде биохимиялық, гистологиялық және электронды микроскопиялық зерттеулермен тәжірибе жүзінде дәлелденген айқын антифибротикалық әсерде жүзеге асырылады. Бовгиалуронидаза азоксимер қабыну медиаторларының синтезін реттейді (бастапқы деңгейге байланысты жоғарылатады немесе азайтады) (интерлейкин-1 және альфа-ісік некрозының факторы), қабынудың жедел фазасының ағынын әлсірете, гуморальдық иммундық реакцияны және организмнің инфекцияға төзімділігін арттыра алады. Бұл қасиеттер бұдырлы тыртықтар мен жабыспа үдерісінің алдын алу мақсатында хирургиялық емдеу кезінде немесе одан кейін Бовгиалуронидаза азоксимерін қолдануға мүмкіндік береді. Бовгиалуронидаза азоксимерін оперативті ем кезінде немесе одан кейін емдік дозада қолдану операциядан кейінгі кезеңнің нашарлауына немесе инфекциялық процестің өршуіне әкелмейді; сүйек тінінің қалпына келуін баяулатпайды. Бовгиалуронидаза азоксимер тері астына немесе бұлшықет ішіне енгізгенде дәрілік заттардың сіңуін жоғарылатады, жергілікті анестетиктер енгізген кездегі ауырсынуды жеңілдетеді. Бовгиалуронидаза азоксимер іс жүзінде уытты емес қосылыстарға жатады, иммундық жүйенің қалыпты жұмысын бұзбайды, еркек және ұрғашы егеуқұйрықтардың репродуктивті функциясына әсер етпейді, ұрпақтарының пре- және постнатальды дамуына, мутагенді және канцерогенді әсері жоқ. Бовгиалуронидаза азоксимерінде гиалуронидаза ферментінің тітіркендіргіш және аллергенді қасиеттері төмен екендігі тәжірибе жүзінде дәлелденген. Терапиялық дозаларда Бовгиалуронидаза азоксимер пациенттерге жақсы төзімді. Бовгиалуронидаза азоксимер бактериялық биопленкаларға, соның ішінде E. coli, E. faecalis, S. aureus түзетіндерге жойғыш әсер етеді. Әсер микроорганизмдердің грамоң және грамтеріс колонияларында байқалады. Бовгиалуронидаза азоксимер микробқа қарсы препараттардың бактерияға қарсы әсерін күшейтеді, бұл олардың биопленкадағы бактериялық жасушаларға енуінің жақсаруына байланысты. E. faecalis биопленкасындағы КТБ санын 3 ретке азайту үшін қажетті ципрофлоксацин мен амоксициллин концентрациясы 16 есе азаяды, E. coli биопленкасындағы КТБ санын 3 ретке азайту үшін қажетті цефуроксим, фосфомицин, ципрофлоксацин және амикацин концентрациясы 16 есе азаяды, ал цефуроксимнің 4 есе төмен концентрациясы S. aureus биопленкасындағы жасушаларға бактерицидтік әсер етеді. Бовгиалуронидаза азоксимерінің бұл әсері қабыну ошағында бактерияға қарсы препараттардың концентрациясын жоғарылатуға және осылайша терапияның этиологиялық және клиникалық тиімділігін арттыруға мүмкіндік береді. Фармакодинамикалық әсерлері Лонгидаза гиалуронидазалы (ферментативті) ұзаққа созылатын белсенділікке, хелаттайтын, антиоксидантты, иммуномодуляциялайтын және қабынуға қарсы орташа білінетін қасиеттерге ие. Ферменттің ұзаққа созылатын әсеріне ферменттің физиологиялық тұрғыдан белсенді полимерлі тасымалдаушымен (азоксимер) ковалентті байланысуы арқылы жетеді. Лонгидаза фиброзға қарсы қасиеттер танытады, қабынудың жедел фазасының ағымын бәсеңдетеді, қабыну медиаторларының (интерлейкин-1 және альфа-ісік некрозының факторы) синтезін реттейді (бастапқы деңгейіне байланысты арттырады немесе төмендетеді), гуморальді иммундық жауапты және организмнің инфекцияларға резистенттілігін арттырады. Лонгидаза препаратының фиброздарға қарсы айқын қасиеттері гиалуронидазаның тасымалдаушымен конъюгациясы арқылы жүзеге асырылады, бұл ферменттің денатурациялайтын әсеріне және тежегіштердің әсеріне төзімділігін едәуір арттырады: Лонгидазаның ферментативті белсенділігі 37 ° С-та 20 тәулік қыздырылған кезде сақталады, ал нативті гиалуронидаза дәл осы жағдайда белсенділігін жоғалтады. Лонгидаза препаратында гиалуронидаза ферментінің және матрикс компоненттері гидролизінде босап шығатын фермент тежегіштерін және коллаген синтезінің стимуляторларын байланыстыруға қабілетті тасымалдаушылардың (темір, мыс иондары, гепарин және басқалар) бір мезгілде жергілікті болуы қамтамасыз етіледі. Клиникалық тиімділігі және қауіпсіздігі Жатыр қосалқыларының қабыну аурулары, эндометриоз фонында кіші жамбаста жабыспа үдерісі бар 60 пациенттің қатысуымен жүргізілген клиникалық зерттеуде құрсақ қуысы мүшелеріне оперативті араласудан кейінгі препараттың фибротикалық, қабынуға қарсы, иммуномодулярлық әсерін көрсетті. Жабыспа үдерісінің ауырлығының төмендеуі анықталды: Лонгидазамен емдеу кезінде 1 дәрежелі жабыспа үдерісі бар науқастардың саны 2 есеге өсті, 2 дәрежесі бар науқастардың саны 1,4 есеге, 3 және 4 дәрежесімен - 2 есе азайды. Салыстыру тобында 1 дәрежелі жабыспа үдерісі бар науқастардың саны 1,2 есеге өсті, 3 дәрежесі бар науқастардың саны 1,5 есеге азайды. Салыстыру тобындағы 2 және 4 дәрежелі жабыспа үдерісі бар науқастардың саны өзгерген жоқ. Лонгидаза препаратымен емдеуден кейін түтікті-перитонеальді бедеулігі бар науқастар тобында жүктілік 66,6% жағдайда пайда болған (салыстыру тобында - 20%). Интерстициалды циститпен ауыратын 60 пациент қатысқан клиникалық зерттеуде Лонгидазаны енгізудің клиникалық тиімділігі (стандартталған O'Leary сауалнамалары бойынша) 46,7% жағдайда, 23,3% жағдайда қанағаттанарлық және 26,7% -да ішінара анықталды. Бақылау тобында бұл көрсеткіштер сәйкесінше 26,7%, 30% және 33,3% құрады. Тәжірибелік топта детрузордың икемділігі жоғарылауы, қуық сыйымдылығының ұлғаюы, қуық қабырғасындағы қабыну өзгерістерінің ауырлығының төмендеуі байқалды. Лонгидаза препаратын қолданған кезде әртүрлі локализацияланған шектеулі склеродермасы бар 55 пациент қатысқан клиникалық зерттеуде 53,3% (бақылау тобында - 32%) жағдайларда айтарлықтай жақсаруға қол жеткізілді, ол перифериялық өсу жұлығының жоғалуы немесе төмендеуі, түсінің өзгеруі, бөртпелер аймағының, зақымданулардың саны мен тереңдігінің азаюы, индурацияның, шаншудың, жану және ыңғайсыздық сезімінің төмендеуі. Лонгидазаны қабылдаған топтағы созылмалы спецификалық емес простатитпен ауыратын 50 науқас қатысқан клиникалық зерттеуде созылмалы простатиттің клиникалық индексінің 36,8-ден 17,3-ке (53%-ға) төмендеуі анықталды. Бақылау тобында бұл көрсеткіш 34%-ға төмендеді. Лонгидазаның қабынуға қарсы және иммуномодуляциялық әсері де атап өтілді: қуық асты безінің икемділігінің жоғарылауы, зәрдің көлемдік ағынының оң динамикасы және қуықтың тиімді көлемінің артуы. Өкпе туберкулезінің белсенді формалары бар 60 пациент қатысқан клиникалық зерттеуде Лонгидаза препаратының науқастардың кешенді дәрі-дәрмек терапиясына қосылуы емдеудің тиімділігін арттыруға мүмкіндік берді, өкпе тініндегі инфильтративті өзгерістердің тез қайтуына және ыдырау қуыстарының жабылуына ықпал етті. Лонгидаза препаратын қабылдаған пациенттерде емдеу курсынан кейін (56-күні) өкпеде инфильтрацияның айтарлықтай қайтуы 4 есе жиі байқалды, ал ыдырау қуыстары бақылау тобына қарағанда 3,4 есе аз байқалды. Клиникалық сынақтың 122-ші күнінде негізгі топта өкпеде инфильтрацияның айтарлықтай қайтуы 6 есе жиі байқалды, ал ыдырау қуыстары бақылау тобына қарағанда 5,5 есе аз анықталды. Бақылау тобында спонтанды және индукцияланған хемилюминесценция сәйкесінше 10% және 31% төмендеді. Лонгидаза препаратын қолдану тәжірибелік топ пациенттерінде емдеу тиімділігі коэффициентінің бақылау тобымен салыстырғанда 1,7 есеге өсуіне әкелді. Эндоскопиялық оперативті емдеуден өткен уретральды стриктурасы бар 80 пациентте препараттың тиімділігі мен қауіпсіздігін бағалайтын клиникалық зерттеуде, төсек күнінің азаюы, операциядан кейінгі кезеңде инфекциялық және қабыну асқынуларының азаюы және сонымен қатар уретрия стриктурасының қайталану жиілігінің төмендеуіне қол жеткізілді. Фотофорез әдісімен қолданылған «Лонгидаза 3000 ХБ инъекция үшін ерітінді дайындауға арналған лиофилизат» препаратының тиімділігі мен қауіпсіздігін бағалаған клиникалық зерттеуде инфекциялық емес ониходистрофиясы бар 128 пациентте NAPSI ұпайы бойынша плацебодан сенімді басымдылық көрсетілді, қолдың ониходистрофиясы бар пациенттерде де (p <0,05), қол мен аяқтың аралас зақымдануы бар пациенттерде де (p <0,05). Зерттелетін препаратқа байланысты жағымсыз құбылыстар анықталған жоқ. «Лонгидаза 3000 ХБ инъекция үшін ерітінді дайындауға арналған лиофилизат» препаратының тиімділігі мен қауіпсіздігін бағалайтын клиникалық зерттеуде бұлшықет ішілік инъекциялар мен фотофорез және ультрафонофорез түрінде аралас емдеу аясында тұрпайы безеу және тыртықты деформациясы бар (безеуден кейінгі іздер) 92 пациенттерде тұрпайы безеуінің фонында дамыған цикатриялық деформациялардың (безеуден кейінгі іздер) жүйелі және жергілікті ретиноидтары бар пациенттерді емдеуде Лонгидаза препаратын біріктірілген емнің бөлігі ретінде қолданғанда жоғары тиімділік көрсетті (плацебомен салыстырғанда). Зерттеу барысында ауыр АҚ, ауыр АҚ немесе өлім болған жоқ. Дюпюитреннің контрактурасы мен қол буындарының бүгілетін тендогенді контрактуралары бар 120 пациент қатысқан зерттеуде Лонгидаза 3000 ХБ инъекция үшін ерітінді дайындауға арналған лиофилизат препаратының плацебо тобындағыдан жоғары тиімділігі контрактура аймағына екі курспен тері астына инъекция енгізу кезінде байқалды. Лонгидаза 3000 ХБ инъекция үшін ерітінді дайындауға арналған лиофилизат препаратының жоғары тиімділігі, оны контрактура аймағына фонофорездің екі курсын қолданған кезде де байқалды. Лонгидаза препаратын тері астына инъекция түрінде қолдану жергілікті ауыр емес немесе орташа ауырлықтағы жағымсыз құбылыстардың дамуымен қатар жүрді, препаратты фонофорезді қолданғанда жағымсыз құбылыстар дамымады. Балалар Балалардың қатысуымен клиникалық зерттеулер жүргізілмеген.

Дозалау режимі Ерітіндіні дайындау: 1. Тері астына немесе бұлшықет ішіне енгізу үшін құтының ішіндегі Лонгидаза® 3000 ХБ препаратын 1,0-2,0 мл прокаин (новокаин) 0,5% ерітіндісінде ерітеді. Прокаинге (новокаин) төзімсіздік бар болған жағдайда, Лонгидаза® препаратын сол көлемде инъекцияға арналған 0,9 % натрий хлориді ерітіндісінде немесе инъекцияға арналған суда ерітеді. 2. Ониходистрофияны емдеу үшін фотофорез көмегімен қолданған кезде құтының ішіндегі Лонгидаза® 3000 ХБ препаратын 0,5 мл дистилденген суда ерітеді, 3-4 минут ерітеді, саусақтардың дистальды фалангтарына 1 тамшыдан (шамамен 300 ХБ Лонгидаза® препараты) жағады. 3. Безеулерді емдеу кезінде фотофорез немесе ультрафонофорез жүргізу үшін 1 құты Лонгидаза® 3000 ХБ препараты 2-5 мл ультрадыбыстық гельде («Медиагель-Т») сұйылтылып, зақымданған жерге жағылады. 4. Контрактураларды емдеуде препаратты ультрадыбысты қолдану арқылы енгізу үшін құтының ішіндегі 3000 ХБ Лонгидаза 1,0 мл физиологиялық ерітіндіде ерітеді, 5-7 г вазелинмен араластырылып, тыртық аймағына жағылады. 5. Биожетімділігін арттыру мақсатында қолданған кезде құтының ішіндегі Лонгидаза® 3000 ХБ препаратын 2,0 мл, ал 1500 ХБ дозасын 1,0 мл инъекцияға арналған 0,9% натрий хлоридінің ерітіндісінде ерітеді. Еріткішті құтыға баяу енгізу қажет, 2-3 минут ұстап, ақуыз көбіктенбеуі үшін сілкілемей, ақырын араластыру қажет. Парентеральді түрде енгізу үшін әзірленген ерітінді сақтауға келмейді. Вена ішіне енгізуге болмайды! Ұсынылатын профилактика мен емдеу сызбалары Жабыспа ауруларының және құрсақ қуысындағы және кіші жамбастағы ағзаларына операциялық араласымдардан кейін түзілетін бұдырлы тыртықтанудың профилактикасы үшін 3000 ХБ дозасы бұлшықет ішіне 5 инъекциядан тұратын курспен 3 күнде 1 рет қолданылады. Қажет болған жағдайда Лонгидаза® препаратын қолдану 5 күнде 1 рет енгізілетін 10 инъекцияға дейінгі курспен жалғастырылуы мүмкін. Емдеу үшін гинекологияда: - ішкі жыныс ағзаларының қабыну аурулары кезіндегі кіші жамбастағы жабыспа үдерісін емдеу үшін 3000 ХБ дозада бұлшықет ішіне 10-15 инъекциядан тұратын курспен 3-5 күнде 1 рет енгізіледі; - түтікті-перитонеальді бедеулікте бұлшықет ішіне 3000 ХБ-ден, жалпы курсы 15 инъекцияға дейін: алғашқы 5 инъекция 3 күнде 1 рет, әрі қарай 5 күнде 1 рет; урологияда: - созылмалы простатитте бұлшықет ішіне 3000 ХБ-ден 10-15 инъекциядан тұратын курспен 5 күнде 1 рет енгізіледі; - интерстициальді циститте бұлшықет ішіне 3000 ХБ-ден 10 инъекцияға дейінгі курспен 5 күнде 1 рет енгізіледі; хирургияда: - құрсақ қуысының ағзаларына операциялық араласымнан кейінгі жабыспа ауруларында бұлшықет ішіне 3000 ХБ дозада 10-нан 15-ке дейінгі инъекциядан тұратын курспен 3-5 күнде 1 рет енгізіледі; - ұзақ уақыт жазылмайтын жараларда бұлшықет ішіне 3000 ХБ дозада 5-10 инъекциядан тұратын курспен 5 күнде 1 рет енгізіледі; дерматовенерологияда, косметологияда: - шектеулі склеродермияда бұлшықет ішіне 3000 ХБ-дан 20 инъекцияға дейінгі курспен 3-5 күнде 1 рет енгізіледі. Дозаны және курсты аурудың клиникалық барысына, сатыларына, орнығуына және пациенттің жекелей ерекшеліктеріне байланысты жекелей таңдап алады; - инфекциялық емес ониходистрофияда: дайындалған ерітіндінің 1 тамшысы (шамамен 300 ХБ Лонгидаза® препараты) артқы тырнақ буылтығының проекция аймағына, уақыт аралығынсыз, төмен қарқынды инфрақызыл лазерлік сәулеленумен импульс қайталану жиілігі 80-1500 Гц, импульс ұзақтығы 110-160 нс, импульс қуаты 4-6 Вт қолданылады. Фотофорез контактілі-тұрақты әдісін қолдана отырып жүзеге асырылады, алаңда 1 минуттан, әсер етудің жалпы уақыты қолдың немесе аяқтың тырнақтарының оқшауланған зақымдануымен 10 минутқа дейін, ал қолдың немесе аяқтың тырнақтарының аралас зақымдануымен 20 минутқа дейін. Курсы - 15 емшара, күн сайын; - пиодермиядан, күйіктерден, операциялардан, жарақаттардан кейінгі келоидтық, гипертрофиялық және түзілген тыртықтарда: зақымданған жерге жақын маңайдағы тыртық ішіне немесе теріастына 3000 ХБ дозада 15 инъекцияға дейінгі курспен 3 күнде 1 рет енгізіледі. Лонгидаза® препаратының сұйылту көлемін дәрігер енгізу нүктелерінің санына байланысты таңдайды. Қажет болған жағдайда курс 5 күнде 1 реттік сызба бойынша 25 инъекцияға дейін жалғастырылуы мүмкін. Терінің зақымдану ауданына, тыртықтың түзілген уақытына байланысты, 3000 ХБ дозада 20 инъекцияға дейінгі курспен 5 күнде 1 рет енгізу теріастына және бұлшықет ішіне енгізу кезектестірілуі мүмкін; - II-IV дәрежедегі тыртық деформациясы бар тұрпайы безеулері (безеуден кейінгі іздер): бұлшықет ішіне 3000 ХБ дозада 10 инъекцияға дейінгі курспен аптасына 2 инъекция енгізіледі. Лонгидаза® препаратын фотофорез немесе ультрафонофорез емшараларын қолдана отырып, 3000 ХБ дозада, әр курста 15 сеанспен аптасына 5 күн - 3 апта бойы күнделікті енгізуге болады. Дайындалған ерітінді зардап шеккен аймаққа жағылады және уақыт аралығынсыз импульстің қайталану жиілігі 80-1500 Гц немесе жиілігі 880 кГц – 1 МГц ультрадыбыстық үзіліссіз немесе импульстік режимде төмен қарқынды инфрақызыл лазерлік сәулеленуге ұшырайды. Бет жағындағы зақымданудың оқшаулануымен ультрадыбыстық әсер ету қарқындылығы 0,2-0,4 Вт/см2 құрайды. Әсер ету аймағына байланысты шағын сәулелендіргіш қолданылады - 1 см2, орташа - 2 см2, немесе үлкен - 4 см2. Әсер ету әдісі контактілі-лабильді. Жалпы әсер ету алаңы 50 см2 аспауы керек. Жалпы әсер ету уақыты - 5 минут. пульмонологияда және фтизиатрияда: - пневмосклерозда бұлшықет ішіне 3000 ХБ-дан 10 инъекциядан тұратын курспен 5 күнде 1 рет енгізіледі; - фиброзданатын альвеолитте бұлшықет ішіне 3000 ХБ дозада 15 инъекциядан тұратын курспен 5 күнде 1 рет, әрі қарай демеуші ем үшін 25 енгізуге дейінгі жалпы курспен 10 күнде 1 рет енгізіледі; - туберкулезде бұлшықет ішіне 3000 ХБ дозада 25 инъекцияға дейінгі курспен 5 күнде 1 рет енгізіледі. Аурудың клиникалық көрінісіне және аурудың ағымының ауырлығына байланысты емдеу ұзақ болуы мүмкін (3000 ХБ дозада 6 айдан бастап 1 жылға дейін 10 күнде 1 рет енгізу). ревматологияда: - буындар контрактуралары, соның ішінде Дюпюитрен контрактуралары мен қол буындарының бүгілетін тендогенді контрактуралары, контрактура аймағына терінің астына тәулігіне 1 рет 3000 ХБ дозада 15 инъекцияға дейінгі курспен күнделікті 5 күн бойы, әрі қарай екі күндік үзіліспен енгізіледі. Қайталанатын курс - 1,5 айдан кейін. Лонгидаза® препаратын инъекциялық енгізуге жергілікті реакциялар дамығанда контрактура аумағына фонофорез әдісі арқылы курспен 12 емшараға дейін аптасына 3 рет күнара енгізуге болады. Дайындалған ерітінді үздіксіз режимде ультрадыбыстық датчиктің әсерімен лабильді әдістемеге сәйкес 0,2 Вт/см2 ультрадыбысты интенсивтілігінде тыртық аймағына қолданылады, емшараның ұзақтығы 10 минутты құрайды. Қайталанатын курс - 1,5 айдан кейін; - артроздарда, анкилозденетін спондилоартритте зақымданған жерге жақын маңайдағы теріастына 3000 ХБ дозада 15 инъекцияға дейінгі курспен 3 күнде 1 рет енгізіледі; қажет болғанда ем 5 күнде 1 реттік инъекцияға жалғастырылуы мүмкін. Демеуші емнің ұзақтығын дәрігер аурудың ауырлығына байланысты таңдайды; - гематомада зақымданған жерге жақын маңайда теріастына 3000 ХБ дозада 5 инъекцияға дейінгі курспен 3 күнде 1 рет енгізіледі.

- әсер етуші затқа немесе қосымша заттардың кез-келгеніне аса жоғары сезімталдық - жедел инфекциялық аурулар - өкпеден қан кету және қан түкіру - шыны тәріздес денеге жаңадан қан құйылу - бүйрек функциясының жедел жеткіліксіздігі - 18 жасқа дейінгі балалар мен жасөспірімдер (клиникалық зерттеу нәтижелері жоқ) - жүктілік Физиотерапиялық емшараларды қолдану арқылы препаратты енгізу кезіндегі қарсы көрсетілімдер: - лазерлік сәулеленуге және ультрадыбыстық әсерге жоғары сезімталдық - фотодерматит - стероидты гормоналды дәрілерді қабылдайтын пациент - буындардағы қабыну процесі - физиотерапиялық емшараларды жүргізуге болмайтын соматикалық аурулар Сақтықпен: - созылмалы бүйрек жеткіліксіздігі (аптасына 1 реттен жиі қолданылмайды).

Жиі – енгізген жердің ауырсынуы. Кейде – енгізген жерде терінің қызаруы, қышуы және ісіну түріндегі реакциялар болуы мүмкін. Барлық жергілікті реакциялар 48-72 сағаттан кейін өздігінен қайтады. Өте сирек – аллергиялық реакциялар. Егер Сіз қандай да болсын жағымсыз әсерлерді байқасаңыз, олар жайында дәрігерге хабарлаңыз. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: қалтыраумен, температураның көтерілуімен, бас айналумен, гипотензиямен көрініс беруі мүмкін. Емі: Препарат енгізуді тоқтатады және симптоматикалық ем тағайындайды.

Егер оның жарамсыздығының көзге көрінетін белгілері болған кезде (қаптаманың ақауы, ұнтақ түсінің өзгеруі) препаратты қолданбаңыз. Арнайы ескертулер Емдеуді бастар алдында Сіз қабылдап жүрген барлық дәрілік препараттар туралы дәрігерге айтыңыз. Препаратты қолданар алдында дәрігерден кеңес алыңыз. Препаратты қолдану жөніндегі нұсқаулықпен танысып шығыңыз және оны сақтап қойыңыз. Осы нұсқаулықтағы препаратты қолдану жөніндегі нұсқауларды мүлтіксіз орындаңыз. Егер сізде сұрақтар туындаса, онда түсініктеме алу үшін өз дәрігеріңізге немесе фармацевтке барыңыз. Лонгидаза® препаратын қабылдауды тоқтату қажет болған кезде, дозаны біртіндеп азайтусыз, бірден тоқтату арқылы жүзеге асыруға болады. Препараттың кезекті дозасын енгізуді өткізіп алған жағдайда оның кейінгі қолданылуын осы нұсқаулықта көрсетілгендей немесе дәрігер ұсынғандай әдеттегі режимде жүргізген жөн. Пациент өткізіп алған дозаның орнын толтыру үшін екі еселенген дозаны енгізбеуі тиіс. Бүйрек функциясының созылмалы жеткіліксіздігі жағдайында препарат аптасына 1 реттен артық тағайындалмайды. Жағымсыз реакция дамыған кезде, осы қосымша парақта көрсетілген реакцияларды қоса, Лонгидаза® препаратын қолдануды тоқтатату қажет және дәрігерге қаралған жөн. Жарамсыздығының көзге көрінетін белгілері бар (қаптаманың бүлінуі, ұнтақ түсінің өзгеруі) препаратты пайдаланбау керек. Инфекцияның немесе жануарлар шаққандағы удың таралу қаупіне байланысты, Лонгидаза® препаратын жедел қабыну аймағына енгізбеген жөн. Инфекция ошақтарының өршуі аясында қолданғанда, оның таралуына жол бермеу үшін, Лонгидаза® препаратын микробтарға қарсы заттарды қалқалай отырып тағайындау қажет. Сіңуінің болжамсыз тездетілуі және жүйелік әсерінің артуы мүмкін болғандықтан, сақтық таныту және Лонгидаза® препаратымен біріктіріп тағайындалатын дәрілік заттардың фармакокинетикалық сипаттамасын ескеру қажет.

Жүктілік кезінде қолдануға тыйым салынады (жүктілік кезінде қолданудағы препараттың қауіпсіздігі туралы мәліметтер жоқ). Клиникаға дейінгі зерттеулердің қолда бар деректері бойынша препаратты эквитерапевтікке қарағанда 10 есе жоғары дозада енгізу лактацияға және ұрпақтың дамуына кері әсерін тигізбейді. Көлік құралын және потенциалды қауіпті механизмдерді басқару қабілетіне дәрілік заттың ықпал ету ерекшеліктері Лонгидаза® препаратын қолдану жоғары зейін қоюды және психомоторлы реакциялардың жылдамдығын қажет ететін қауіпті жұмыс түрлерін орындау қабілетіне ықпалын тигізбейді.

Лонгидаза® препаратын антибиотиктермен, вирустарға қарсы, зеңдерге қарсы препараттармен, бронхолитиктермен біріктіруге болады. Басқа дәрілік заттармен (антибиотиктер, жергілікті анестетиктер, диуретиктер) біріктіріп қолданғанда, Лонгидаза® препараты олардың биожетімділігін арттырады және әсерін күшейтеді. Гепаринмен, қабынуға қарсы стероидты емес дәрілердің (ҚҚСД), кортизонның, адренокортикотроптық гормонның (АКТГ), эстрогендердің немесе антигистаминдік препараттардың үлкен дозаларымен бірге қолданғанда, Лонгидаза® препаратының ферментативтік белсенділігі төмендеуі мүмкін. Лонгидаза® препаратын фуросемидпен, бензодиазепиндермен, фенитоинмен және адреналинмен бір мезгілде қолданбаған жөн.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары 2 °C-ден 8 °C-ге дейінгі температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!