Лопигрол таблетки 75 мг

Бір таблетканың құрамында белсенді зат – клопидогрел гидросульфаты 97.857 мг (75.0 мг клопидогрелге баламалы), қосымша заттар: маннитол 400, микрокристалды целлюлоза, гидроксипропилцеллюлоза, макрогол 6000, гидрогенделген майсана майы, қабықтың құрамы: Опадри II қызғылт 85F240091 (ішінара гидролизденген поливинил спирті, титанның қостотығы (Е171), полиэтиленгликоль/макрогол, тальк, темірдің (III) қызыл тотығы (Е172)), тазартылған су1. 1 – дайын өнімде болмайды Сыртқы түрінің, иісінің, дәмінің сипаттамасы Дөңгелек пішінді, екі беті дөңес, ақшыл-қызғылт түсті үлбірлі қабықпен қапталған таблеткалар.

Лопигрол таблеткалар препараты тек ересек пациенттерде қолдануға арналған. Атеротромбоздық асқынулардың екінші реттік профилактикасы үшін: - миокард инфарктісі (бірнеше күн бұрыннан 35 күн бұрынға дейінгі), ишемиялық инсульт 7 күн бұрыннан 6 ай бұрынға дейінгі) болған немесе шеткері артериялардың ауруы диагнозы қойылған пациенттерде; - жедел коронарлық синдромы бар пациенттерде: • ST сегментінің көтерілуінсіз (тұрақсыз стенокардия немесе Q тісшесінсіз миокард инфарктісі) – тері арқылы коронарлық араласымнан кейін стенттеу жүргізілген пациенттерді қоса, ацетилсалицил қышқылымен (АСҚ) біріктіріп; • ST сегментінің көтерілуімен (жедел миокард инфарктісі) – дәрі-дәрмектік ем қабылдап жүрген пациенттерде, және тромболитикалық ем жүргізуге мүмкіндік болған жағдайда, АСҚ-мен біріктіріп. Транзиторлық ишемиялық шабуылда (ТИШ), ишемиялық инсультте (ACҚ-мен біріктіріп) Инсульт дамуының орташа немесе жоғары қаупімен (ABCD2 шкаласы бойынша балмен бағалануы ≥ 4) ТИШ бар пациенттерде немесе ауырлығы жеңіл дәрежедегі ишемиялық инсультпен (NIHSS шкаласы бойынша балмен бағалануы ≤ 3) пациенттерде ТИШ немесе ишемиялық инсульттен кейінгі 24 сағат ішінде. Инсультті қоса, атеротромбоздық және тромбоэмболиялық асқынулардың профилактикасы үшін, жүрекшелердің фибрилляциясы кезінде Жүрекшелердің фибрилляциясымен және қан кетулердің даму қаупі аз, қантамырлардың асқынулары туындауының кемінде бір қауіп факторы бар, және К дәруменінің антагонистерін тағайындауға қарсы көрсетілімдері бар пациенттерде, клопидогрел АСҚ-мен біріктіріп тағайындалады.

Клопидогрел ізашар дәрі болып табылады, оны белсенді метаболиттерінің бірі тромбоциттер агрегациясының тежегіші болып табылады. Белсенді метаболиті P450 цитохромы жүйесінің ферменттері қатысатын клопидогрел биотрансформациясының нәтижесінде түзіледі, ол АДФ тромбоциттер рецепторларымен (Р2Y12) байланысуына селективті кедергі келтіреді, сол арқылы, келесі АДФ түрткі болған гликопротеин IIb/IIIa кешенінің белсенуі мен тромбоциттер агрегациясын тежейді. Р2Y12 рецепторлардың қайтымсыз блокадасы салдарынан, тромбоциттер барлық қалған тіршілік мерзімі бойына (шамамен 7-10 күн) өз функциясын жоғалтады, ал тромбоциттердің қалыпты функциясының қалпына келуі олардың жаңару жылдамдығына сәйкес жылдамдықпен орын алады. Сонымен қатар, АДФ-тен босап шыққан тромбоциттер белсенуінің күшеюі үдерісінің бәсеңдеуі есебінен, оған АДФ-тен өзге агонистер түрткі болған жағдайларда тромбоциттер агрегациясының тежелуі орын алады. Белсенді метаболиті генетикалық полиморфизмге ие немесе басқа дәрілік заттардың әсерінен тежелуі мүмкін Р450 цитохромы жүйесінің изоферменттерінің қатысуымен түзілетіндіктен, пациенттердің барлығында бірдей тромбоциттер агрегациясының талапқа сай тежелуі байқалмауы мүмкін. Клопидогрелді 75 мг дозада күнделікті қабылдағанда, қолданылуының бірінші күнінен бастап АДФ түрткі болған тромбоциттер агрегациясы үдерісінің елеулі тежелуі байқалады, тепе тең күйіне 3-7 күн ішінде жетеді. Клопидогрелді тәулігіне 75 мг дозада қолданғанда, тепе тең күйдегі тромбоциттер агрегациясының дәрежесі орташа алғанда 40-60%-ға төмендейді. Клопидогрелді қабылдау тоқтатылғаннан кейін орташа алғанда 5 күн ішінде, қан кету уақытының ұзаруы мен тромбоциттер агрегациясының мәндері біртіндеп бастапқы деңгейіне оралады.

Дозалау режимі Ересектер және егде жастағы пациенттер Клопидогрелді тәулігіне бір рет 75 мг дозада қабылдау керек. Жедел коронарлық синдроммен пациенттер: - ST сегментінің көтерілуінсіз (тұрақсыз стенокардия немесе Q тісшесінсіз миокард инфарктісі) – емделуді клопидогрелді 300 мг немесе 600 мг жүктемелік дозасында бір рет қабылдаудан бастау керек (дәрілік затты 75 жасқа дейінгі, тері арқылы коронарлық араласым жоспарланған пациенттерде 600 мг жүктемелік дозасында қолдануға болады), кейіннен емделуді ұзақ уақыт бойына, препаратты тәулігіне 1 рет 75 мг дозада қабылдана отырып (тәулігіне 75-325 мг дозадағы АСҚ-мен біріктіріп) жалғастырады. АСҚ 100 мг артық дозаларда қолдану ұсынылмайды, өйткені ол кезде қан кетулердің туындау қаупі жоғарылайды. Емнің оңтайлы ұзақтығы ресми түрде анықталмады. Клиникалық зерттеулердің деректері мұндай емдеу кестесін 12 ай бойы пайдаланудың тиімділігін көрсетіп отыр, ең жоғары оң әсері 3 айдан соң байқалған. - ST сегментінің көтерілуімен (жедел миокард инфарктісі) – емдеуді клопидогрелдің 300 мг жүктемелік дозасынан бастау және содан соң, АСҚ-мен біріктіріп, тромболитикалық дәрілерді қолданып немесе оларсыз, тәулігіне 1 рет 75 мг дозада жалғастыру керек. 75 жастан асқан пациенттерде клопидогрелдің жүктемелік дозасын қабылданбаған дұрыс. Бріктірілген емді симптомдары пайда болғаннан кейін барынша ертерек бастау және кемінде төрт апта бойы жалғастыру керек. Бұл көрсетілім бойынша төрт апталық қолдану кезеңінде АСҚ-мен біріктірілген клопидогрелдің тиімділігі зерттелмеді. ТИШ немесе ишемиялық инсультпен пациенттер Инсульт дамуының қаупі орташа немесе жоғары ТИШ бар пациенттерде (ABCD2 шкаласы бойынша балмен бағалануы ≥ 4) немесе ауырлығы жеңіл дәределі ишемиялық инсультпен пациенттерде (NIHSS шкаласы бойынша балмен бағалануы ≤ 3) клопидогрелді 300 мг жүктемелік дозасында емделуді бір рет қабылдаудан бастау керек, кейіннен емделуді, препаратты тәулігіне 1 рет 75 мг дозада қабылдана отырып (тәулігіне 75-100 мг дозадағы АСҚ-мен біріктіріп) жалғастырады. Клопидогрелмен және АСҚ-мен емдеуді ТИШ немесе ишемиялық инсульттен кейін 24 сағат ішінде бастау және 21 күн бойы жалғастыра отырып, кейіннен бір антиагрегантпен емдеуге көшу керек. Жүрекшелердің фибрилляциясымен пациенттер: Клопидогрелді тәулігіне бір рет 75 мг дозада АСҚ-мен (тәулігіне 75-100 мг) біріктіріп қабылдау керек. Дәрілік препараттың бір немесе бірнеше дозасын жіберіп алған кезде қажетті шаралар - eгер кезекті дозасын өткізіп алғаннан кейін 12 сағаттан аз уақыт өтсе, пациент препараттың өткізіп алған дозасын тез арада қабылдауы, ал келесі дозасын емдеу кестесіне сәйкес, әдеттегі уақытында қабылдауы керек; - eгер кезекті дозасын өткізіп алғаннан кейін 12 сағаттан артық уақыт өтіп кетсе, пациент препараттың келесі дозасын емдеу кестесіне сәйкес, қосарламай қабылдауы керек. Пациенттердің ерекше топтары Балалар Клопидогрелді балаларда қабылдамау керек, өйткені, пациенттердің аталған санатында оны қолданудың тиімділігі анықталмаған. Бүйректің жеткіліксіздігімен пациенттер Бүйрек функциясының бұзылулары бар пациенттерде клопидогрелді қолданудың клиникалық тәжірибесі шектеулі. Бауырдың жеткіліксіздігімен пациенттер Клопидогрелді бауыр функциясының айқындығы орташа бұзылулары бар, геморрагиялық диатез болуы мүмкін пациенттерде қолданудың клиникалық тәжірибесі шектеулі. Енгізу әдісі мен жолы Таблеткаларды ас ішуге байланыссыз ішке қабылдайды. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Дәрілік препаратты қолдану бойынша сұрақтар туындаған жағдайда дәрігерге кеңес алу үшін жүгіну керек.

- препараттың белсенді затына немесе қосымша заттарының кез келгеніне аса жоғары сезімталдық; - бауыр функциясының ауыр бұзылулары; - жедел патологиялық қан кету, мысалы, асқазанның немесе он екі елі ішектің ойық жара ауруы немесе бассүйекішілік қан құйылу кезінде.

Жиі • гематома • мұрыннан қан кету • асқазан-ішектен қан кету, диарея, іш ауыруы, диспепсия • қанталаулар • инъекция орнынан қан кету Жиі емес • тромбоцитопения, лейкопения, эозинофилия • бассүйекішілік қан құйылу (өлімге соқтырған бірнеше жағдай туралы хабарланған), бас ауыруы, парестезия, бас айналуы • көзге қан құйылу (конъюнктиваға, көз алмасына, торқабыққа) • асқазан мен он екі елі ішектің ойық жарасы, гастрит, құсу, жүрек айнуы, іш қату, метеоризм • бөртпе, қышыну, теріге қан құйылу (пурпура) • гематурия • қан кету уақытының ұзаруы, нейтрофилдер санының азаюы, тромбоциттер мөлшерінің азаюы Сирек • ауыр нейтропенияны қоса нейтропения • вертиго • ішперде артынан қан кету • гинекомастия Өте сирек • ТТП, аплазиялық анемия, панцитопения, агранулоцитоз, ауыр тромбоцитопения, жүре пайда болған А гемофилиясы, гранулоцитопения, анемия • елестеулер, сананың шатасуы • дәм сезудің бұзылуы, агевзия • ауыр қан кету, операциялық жарадан қан кету, васкулит, артериялық гипотензия • тыныс жолдарынан қан кету (қан түкіру, өкпеден қан кету), бронх түйілуі, интерстициальді пневмонит, эозинофильді пневмония • асқазан-ішектен және ішперде артынан қан кетудің өлімге соқтыруы, панкреатит, колит (ойық жаралы және лимфоциттік түрлерін қоса), стоматит • бауырдың жедел жеткіліксіздігі, гепатит, бауырдың функционалдық сынамаларының аномальді нәтижелері • буллездік дерматит (уытты эпидермалық некролиз, Стивенс-Джонсон синдромы, мультиформалы эритема, жедел жайылған экзантемалық пустулез), ангионевроздық ісіну, дәріге аса жоғары сезімталдық синдромы, эозинофилиямен және жүйелі симптомдармен жүретін дәрілік реакция (DRESS синдромы), эритемалық немесе эксфолиативтік бөртпе, есекжем, экзема, қызыл жалпақ теміреткі • бұлшықеттерге, сүйектер мен буындарға қан құйылу (гемартроз), артрит, артралгия, миалгия • гломерулонефрит, қан плазмасындағы креатинин деңгейінің жоғарылауы • қызба Жиілігі белгісіз • Коунис синдромы (аллергиялық вазоспастикалық стенокардия/аллергиялық миокард инфарктісі) клопидогрелді қабылдаудан туындаған аса жоғары сезімталдық реакциясы контексінде • сарысу құю ауруы, анафилактоидтық реакциялар, тиенопиридиндерге (тиклопидин, прасугрел сияқты) аса жоғары сезімталдықтың айқаспалы реакциялары, ауыр гипогликемияның туындауымен қатар жүруі мүмкін аутоиммундық инсулиндік синдром (АИС), әсіресе, HLA жүйесі (адамның лейкоциттік антигендері жүйесі) бойынша DRА4 аллельдері бар пациенттерде (көбінесе жапондықтарда кездеседі) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Клопидогрелмен артық дозалану кейіннен қан кетудің дамуы түріндегі асқынулармен, қан кету уақытының ұзаруына, алып келуі мүмкін. Қан кету кезінде тиісінше емдеу шараларын тағайындау қажет. Клопидогрелдің фармакологиялық әсерінің антидоты белгісіз. Қан кету уақытын жылдам түзету қажет болған жағдайда, тромбоциттер массасын құю ұсынылады.

Арнайы ескертулер Қан кетулер және гематологиялық бұзылулар Қан кетулердің және қан жүйесі тарапынан жағымсыз реакциялардың қаупін ескере отырып, клопидогрелмен емдеу кезінде қан кетудің туындағанын білдіретін клиникалық симптомдар пайда болған жағдайда, тез арада толық қан талдауын жасау және/немесе басқа тиісінше зерттеулерді жүргізу керек. Тромбозға қарсы дәрілер сияқты, клопидогрелді жарақаттармен, хирургиялық араласымдармен немесе басқа патологиялық жай-күйлермен байланысты қан кетулер қаупі жоғары пациенттерде, сондай-ақ, АСҚ, гепарин, гликопротеин IIb/IIIa антагонистерін, екінші типті циклооксигеназаның тежегіштерін (ЦОГ-2) қоса, қабынуға қарсы стероидты емес препараттарді (ҚҚСП), серотонинді кері қармайтын селективті тежегіштерді (СКҚСТ) немесе әсері күшті CYP2C19 индукторларын, немесе қабылдануы қан кетулердің туындау қаупін арттыратын басқа дәрілік заттарды, мысалы пентоксисифиллинді қабылдап жүрген пациенттерде сақтықпен қолдану керек. Қан кетудің кез келген, соның ішінде жасырын белгілерін анықтау мақсатында, пациенттердің жай-күйін, әсіресе, емдеудің алғашқы апталары ішінде және/немесе жүрекке жасалған инвазиялық манипуляциялардан немесе хирургиялық араласымдардан кейін мұқият қадағалау қажет. Клопидогрелді пероральді антикоагулянттармен бір мезгілде қолдану ұсынылмайды, өйткені ол қан кетудің күшеюіне алып келуі мүмкін. Жоспарлы операциялық араласымды жүргізілетін кезде, антиагреганттық әсері уақытша қажет емес кезде, клопидогрелді қабылдауды оған дейін 7 күн бұрын тоқтату керек. Пациенттер кез келген хирургиялық араласым жоспарланған кезде немесе алғаш тағайындалған кез келген дәрілік затты қабылданар алдында, емдеуші дәрігері мен стоматологқа клопидогрелді қабылдап жүргендігін айтуы тиіс. Клопидогрел қан кетулердің (әсіресе, асқазан-ішектік және көзішілік) дамуына бейім аурулары бар пациенттерде қан кету уақытын ұзартады және сақтықпен қолданылуы тиіс. Клопидогрелді (бөлек немесе АСҚ-мен біріктіріп) қолданғанда, пациенттер қан кетуді тоқтату үшін, әдеттегіден көп уақыт қажет болуы мүмкіндігінен, және олар, әдеттен тыс (орналасуы немесе ұзақтығы жағынан) қан кетулер туындаған барлық жағдайлар туралы емдеуші дәрігеріне хабарлауы тиіс екендігінен хабардар болуы тиіс. 75 жас шамасындағы және одан үлкен, ST сегментінің көтерілуінсіз жедел коронарлық синдромы бар пациенттерде қан кетулердің даму қаупінің жоғарылығына байланысты, клопидогрелді 600 мг жүктемелік дозада қабылдау ұсынылмайды. Тромбоздық тромбоцитопениялық пурпура (ТТП) Клопидогрелді қолданғаннан, кейде тіпті, қысқа мерзімде қолданудан кейін өте сирек жағдайда, тромбоцитопениямен және микроангиопатиялық гемолиздік анемиямен сипатталатын және неврологиялық симптомдардың дамуымен, бүйрек функциясының бұзылуларымен және қызбамен қатар жүретін ТТП дамыған жағдайлар байқалды. ТТП өмірге қауіп төндіруі ықтимал жай-күй болып табылады және плазмаферезді қоса, шұғыл емдеуді қажет етеді. Жүре пайда болған гемофилия Клопидогрелді қабылдағанда жүре пайда болған гемофилия жағдайлары байқалды. Қан кетудің дамуымен немесе онсыз, ішінара белсендірілген тромбопластиндік уақыттың (ІБТУ) оқшау артуы расталған жағдайларда, жүре пайда болған гемофилияның туындау қаупін ескеру керек. Жүре пайда болған гемофилия диагнозы расталған пациенттерді емдеу мен қадағалауды тиісінше мамандар жүзеге асыруы тиіс, бұл ретте клопидогрелді қолдануды тоқтату керек. Жуырда бастан өткерген ишемиялық инсульт Емдеуді бастау - Ауырлығы жеңіл дәрежелі жедел ишемиялық инсульт бар немесе инсульттің даму қаупі орташа немесе жоғары ТИШ бар пациенттерде антиагреганттармен біріктірілген емді (клопидогрел және АСҚ) ишемиялық инсульт немесе ТИШ дамығаннан кейін 24 сағаттан кешіктірмей бастау керек. - Ауырлық дәрежесі жеңіл жедел ишемиялық инсультпен немесе инсульт дамуының қаупі орташа немесе жоғары ТИШ бар, анамнезінде бассүйекішілік (жарақаттық емес) қан құйылу туралы хабарламалар болған пациенттерде антиагреганттармен (клопидогрел және АСҚ) қысқа мерзімді біріктірілген ем кезіндегі пайдасы/қаупінің арақатынасы туралы деректер жоқ. - Орташа немесе ауыр дәрежелі ишемиялық инсультпен пациенттерде инсульт дамығаннан кейінгі алғашқы 7 күн ішінде клопидогрелмен монотерапияны бастамау керек. Орташа және ауыр дәрежелі ишемиялық инсультпен пациенттер (NIHSS шкаласы бойынша балмен бағалануы > 4) Антиагреганттармен біріктірілген емді (клопидогрел және АСҚ) жүргізу ұсынылмайды, тиісінше деректер жоқ. Жуырда ауырлығы жеңіл дәрежелі ишемиялық инсультті немесе инсульттің даму қаупі орташа немесе жоғары ТИШ бастан өткерген, интервенциялық ем көрсетілген пациенттер Каротидтік эндартерэктомия немесе тамырішілік тромбэктомия көрсетілген пациенттерде, немесе тромболизис жүргізу немесе антикоагулянттармен емдеу жоспарланған пациенттерде, антиагреганттармен біріктірілген емнің (клопидогрел және АСҚ) тиімділігі туралы деректер жоқ. Мұндай жағдайларда антиагреганттармен біріктірілген ем (клопидогрел және АСҚ) ұсынылмайды. Р450 цитохромы жүйесінің CYP2C19 изоферменті Фармакогенетикасы: CYP2C19 метаболикалық белсенділігі төмен пациенттерде, клопидогрелді ұсынылған дозаларында қабылдағанда оның белсенді метаболитінің аздаған мөлшері түзіледі, сол арқылы тромбоциттер функциясына ықпалы азаяды. Пациентте CYP2C19 генотипін анықтауға арналған тестілер бар. Клопидогрелдің белсенді метаболитіне айналуына ішінара CYP2C19 түрткі болатындықтан, аталған изоферментті тежейтін дәрілік заттармен бірге қолданғанда, клопидогрелдің белсенді метаболитінің деңгейі төмендеуі мүмкін. Ондай өзара әрекеттесулердің клиникалық маңыздылығы белісіз. Сақтық шарасы ретінде, клопидогрелді CYP2C19 күшті немесе орташа тежегіштерімен бір мезгілде қолданбау керек. CYP2C19 белсенділігін индукциялайтын дәрілік препараттарды қолдану, клопидогрелдің белсенді метаболиті деңгейінің жоғарылауына және қан кетудің даму қаупінің артуына алып келеді. Сақтық шарасы ретінде, CYP2C19 күшті индукторларын бір мезгілде қолдану ұсынылмайды. CYP2C8 субстраттары Клопидогрел мен CYP2C8 субстраттары болып табылатын дәрілік заттардың біріктірілімдерін қабылдағанда сақтық таныту қажет. Тиенопиридиндерге аса жоғары сезімталдықтың айқаспалы реакциялары Пациенттің анамнезінде тиенопиридиндерге (клопидогрел, тиклопидин, прасугрел сияқты) аса жоғары сезімталдық реакцияларының болған-болмағандығын анықтап алу керек, өйткені, тиенопиридиндердің айқаспалы аса жоғары сезімталдығы туралы хабарланды. Тиенопиридиндер бөртпе, ангионевроздық ісіну, немесе тромбоцитопения мен нейтропенияны қоса, гематологиялық реакциялар сияқты жеңіл және ауыр аллергиялық реакцияларды тудыруы мүмкін. Бұрын тиенопиридиндер тобы препараттарының біреуіне аллергиялық және/немесе гематологиялық реакциялар туындаған пациенттерде, басқа тиенопиридиндерге дәл сондай немесе басқа да реакцияның даму қаупі жоғары болуы мүмкін. Анамнезінде тиенопиридиндерге аллергиялық реакциялар болған пациенттер, аса жоғары сезімталдық белгілерін анықтау мақсатында мұқият қадағалауда болуы тиіс. Бүйрек функциясының бұзылулары Бүйрек функциясының бұзылулары бар пациенттерде клопидогрелді қолданудың клиникалық тәжірибесі шектеулі, сондықтан, мұндай пациенттерде Лопигрол препаратын сақтықпен қабылдау керек. Бауыр функциясының бұзылулары Бауыр функциясының айқындығы орташа бұзылулары бар, геморрагиялық диатез туындауы мүмкін пациенттерде, Лопигрол препаратын сақтықпен қабылдау керек, өйткені, пациенттердің бұл санатында клопидогрелді қолданудың клиникалық тәжірибесі шектеулі. Қосымша заттар Лопигрол препаратының құрамында майсана майы бар, ол асқазан бұзылыстары мен диарея тудыруы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Клопидогрел автокөлік жүргізу немесе механизмдерді басқару қабілетіне әсер етпейді немесе болар-болмас әсер етеді.

Жүктілік Лопигрол препаратын жүктілік кезінде қабылдау ұсынылмайды, өйткені, клопидогрелді жүктілік кезеңінде қолданудың клиникалық тәжірибесі жоқ. Лактация Клопидогрелдің адамда емшек сүтіне өтетін-өтпейтіндігі белгісіз. Сондықтан, Лопигрол препаратымен емделу кезінде бала емізуді тоқтату керек.

Қолданылуы қан кетулер қаупімен байланысты дәрілік заттар Аддитивтік әсері болуы мүмкіндігіне байланысты, қан кетулердің даму қаупі жоғарылайды, сондықтан, ондай дәрілік заттар мен Лопигрол препаратын бірге қолдану сақтықты талап етеді. Пероральді антикоагулянттар Клопидогрелді пероральді антикоагулянттармен бір мезгілде қабылдау ұсынылмайды, өйткені ол қан кетудің күшеюіне алып келуі мүмкін. Тәулігіне 75 мг дозадағы клопидогрел варфаринмен ұзақ мерзімді ем қабылдаған пациенттерде S-варфариннің фармакокинетикалық параметрлерін және халықаралық қалыптастырылған қатынасты (ХҚҚ) өзгертпегеніне қарамастан, клопидогрелді варфаринмен бірге қабылдау қан кетудің туындау қаупін арттырады, өйткені олардың гемостазға әсерлері бір-біріне тәуелді емес. IIb/IIIa гликопротеині антагонистері Клопидогрелді IIb/IIIa гликопротеині антагонистерімен бірге сақтықпен қабылдау керек. АСҚ АСҚ аденозиндифосфат(АДФ)-индукциялаған тромбоциттер агрегациясының клопидогрел түрткі болған тежелу үдерісіне әсер етпейді, бұл ретте клопидогрел АСҚ-ның коллаген-индукциялаған тромбоциттер агрегациясына қатысты әсерін күшейтеді. Бір тәулік ішінде 500 мг дозадағы АСҚ екі рет қабылдағанда, клопидогрелді қолдану түрткі болған қан кету уақытының ұзақтығы артпады. Алайда, клопидогрел мен АСҚ арасында, қан кетудің туындау қаупінің жоғарылауына алып келуі мүмкін фармакодинамикалық өзара әрекеттестік болуы мүмкін, сондықтан оларды біріктіріп қолданғанда сақтық таныту керек. Сонымен қатар, клиникалық тәжірибеде клопидогрел АСҚ-мен жыл бойы бірге қолданылғаны туралы деректер бар. Гепарин Дені сау еріктілердегі клиникалық зерттеуде клопидогрел гепариннің қан ұюына әсеріне ықпалын тигізбеді, гепариннің дозасын түзету қажет болмаған. Бұл ретте гепарин тромбоциттер агрегациясының клопидогрел түрткі болған тежелу үдерісіне әсер етпеген. Алайда, клопидогрел мен гепарин арасындағы фармакодинамикалық өзара әрекеттестік қан кетудің туындау қаупінің жоғарылауына алып келуі мүмкін, сондықтан оларды біріктіріп қолданғанда сақтық таныту керек болуы мүмкін. Тромболитиктер Клопидогрелді, фибрин-спецификалық немесе фибрин-спецификалық емес тромболитикалық препараттар мен гепаринді бірге қолданудың қауіпсіздігі жедел миокард инфарктісі бар пациенттерде бағаланды, бұл ретте клиникалық тұрғыдан елеулі қан кетулердің туындау жиілігі тромболитиктер мен гепаринді АСҚ-мен бір мезгілде қолданғандағы осындаймен салыстырымды болды. ҚҚСП Дені сау еріктілердегі клиникалық зерттеуде клопидогрел мен напроксенді бірге қолданғанда жасырын асқазан-ішектік қан кетулер санының артқаны байқалды. Алайда қазіргі кезде, клопидогрелді ҚҚСП тобының басқа дәрілік заттарымен бірге қабылдағанда асқазан-ішектен қан кетудің туындау қаупі артатын-артпайтындығы белгісіз, өйткені тиісінше зерттеулер жүргізілмеді. Осыған байланысты, клопидогрелді ЦОГ-2 тежегіштерін қоса ҚҚСП-пен біріктіріп қолданғанда, сақтық таныту керек. СКҚСТ СКҚСТ тромбоциттердің белсену үдерісіне әсер ететіндіктен және қан кетудің туындау қаупін арттыратындықтан, оларды клопидогрелмен бір мезгілде қолданғанда сақтық таныту керек. Басқа дәрілік заттармен бір мезгілде қолданылуы CYP2C19 индукторлары Клопидогрел CYP2C19 көмегімен өзінің белсенді метаболитіне дейін ішінара метаболизденетіндіктен, бұл ферменттің белсенділігін индукциялайтын дәрілік заттарды қолдану, клопидогрелдің белсенді метаболиті деңгейінің жоғарылауына алып келеді деп күтіледі. Рифампицин CYP2C19 күшті индукторы болып табылады және клопидогрелдің белсенді метаболитінің деңгейінің жоғарылауына және тромбоциттер агрегациясы тежелуінің күшеюіне алып келеді. Сақтық шарасы ретінде, CYP2C19 күшті индукторларын бір мезгілде қабылдау ұсынылмайды. CYP2C19 тежегіштері Клопидогрел CYP2C19 әсерінен өзінің белсенді метаболитіне дейін ішінара метаболизденетіндіктен, осы ферменттің белсенділігін тежейтін дәрілік заттарды қолдану, клопидогрелдің белсенді метаболиті деңгейлерінің төмендеуіне алып келеді деп күтуге болады. Мұндай өзара әрекеттесулердің клиникалық маңыздылығы белгісіз. Сақтық шарасы ретінде клопидогрелді CYP2C19 күшті немесе орташа тежегіштерімен бір мезгілде қабылданбау керек. CYP2C19 күшті немесе орташа тежегіштері болып табылатын дәрілік заттарға, мысалы омепразол және эзомепразол, флувоксамин, флуоксетин, моклобемид, вориконазол, флуконазол, тиклопидин, карбамазепин және эфавиренз жатады. Протондық помпа тежегіштері Тәулігіне 80 мг дозадағы омепразол қан плазмасында клопидогрелдің белсенді метаболитінің концентрациясын, клопидогрелмен бір мезгілде қабылдағанда да, дәрілік заттарды қабылдаулар арасындағы 12 сағаттық аралықпен қолданғанда да 45%-ға (жүктемелік доза) және 40%-ға (демеуші доза) төмендеткен. Бұл ретте тромбоциттер агрегациясының тежелу дәрежесінің 39%-ға (жүктемелік доза) және 21%-ға (демеуші доза) төмендегені байқалды. Эзомепразолдың клопидогрелмен өзара әрекеттесу сипаты осыған ұқсас деп шамаланады. Жоғарыда сипатталған фармакокинетикалық/фармакодинамикалық өзара әрекеттесудің, ауыр жүрек-қантамырлық асқынулардың дамуына қатысты клиникалық маңыздылығы туралы қарама-қайшы деректер бар. Сақтық шарасы ретінде, клопидогрелді омепразолмен немесе эзомепразолмен біріктіріп қабылданбау керек. Пантопразолмен немесе лансопразолмен бірге қолданғанда, қан плазмасында клопидогрелдің белсенді метаболитінің концентрациясы төмендеуінің айқындығы аздау болғаны байқалды. Тәулігіне 80 мг дозадағы пантопразол оның концентрациясын 20%-ға (жүктемелік доза) және 14%-ға (демеуші доза) төмендеткен, бұл ретте тромбоциттер агрегациясының тежелу дәрежесі сәйкесінше 15% және 11%-ға төмендеген. Бұл деректер клопидогрел мен пантопразолды біріктіріп қолдануға болатындығын көрсетіп отыр. H2-блокаторлар немесе антацидтер сияқты, асқазанда тұзы қышқылының өндірілуін азайтатын, басқа дәрілік заттар клопидогрелдің тромбоциттерге қарсы белсенділігіне әсер ететіндігіне дәлелдер жоқ. Күшейтілген антиретровирустық ем (АРЕ) АИТВ бар, күшейтілген АРЕ қабылдап жүрген пациенттерде, қантамырлық асқынулардың даму қаупі жоғарылайды. АИТВ бар, ритонавирмен немесе кобицистатпен күшейтілген АРЕ қабылдаған пациенттерде, тромбоциттер агрегациясы бәсеңдеуінің едәуір төмендегені байқалды. Алайда, аталған нәтижелердің клиникалық маңыздылығы белгісіз. АИТВ инфекциясы бар, ритонавирмен күшейтілген АРЕ қабылдаған, эндоваскулярлық реканализациядан кейін немесе клопидогрелдің жүктемелік дозасын қолданғанда бастан өткерген тромбоз құбылыстарынан кейін қайталанған окклюзия жағдайлары байқалған пациенттер туралы тосыннан келіп түскен хабарламалар алынды. Ритонавирмен бір мезгілде қолданғанда клопидогрелдің әсері және тромбоциттердің тежелу көрсеткіштерінің орташа деңгейі төмендеуі мүмкін. Жоғарыда айтылғандарға орай, клопидогрелді күшейтілген АРЕ-мен бір мезгілде тағайындамау керек. Басқа дәрілік заттар Клопидогрел мен басқа дәрілік заттар арасындағы ықтимал фармакодинамикалық және фармакокинетикалық өзара әрекеттесулерді зерттеу үшін бірқатар клиникалық зерттеулер жүргізілді. Клопидогрелді атенололмен, нифедипинмен немесе осы дәрілік заттардың екеуімен де қолданғанда, клиникалық тұрғыдан елеуді фармакодинамикалық өзара әрекеттесулер байқалмады. Фенобарбиталмен немесе эстрогендермен бір мезгілде қолданғанда, клопидогрелдің фармакодинамикасы айтарлықтай өзгермеді. Клопидогрел дигоксин мен теофиллиннің фармакокинетикалық параметрлеріне әсер етпеді. Антацидтермен бірге қолданылғанда клопидогрелдің сіңірілу дәрежесі өзгермеген. Клиникалық зерттеулердің нәтижелері, CYP2C9 арқылы метаболизденетін фенитоин мен толбутамидді, клопидогрелмен бір мезгілде қолданудың қауіпсіз екендігін көрсетіп отыр. CYP2C8 субстраттары болып табылатын дәрілік заттар Клопидогрел дені сау еріктілерде қан плазмасындағы репаглинид концентрациясын арттырған. In vitro зерттеулер, мұның клопидогрел метаболитінің глюкурон қышқылымен конъюгацияланған CYP2C8 тежеуінің салдары болып табылатындығын көрсетті. Клопидогрелді және элиминациясына көбінесе CYP2C8 қатысатын метаболизм түрткі болатын дәрілік заттарды (мысалы, репаглинид, паклитаксел) бір мезгілде қолданғанда, қан плазмасындағы концентрацияларының жоғарылауы қаупіне байланысты, сақтық таныту керек. Жоғарыда сипатталғандардан өзге, клопидогрелдің атеротромбоздық аурулары бар пациенттерде жиі қолданылатын препараттармен өзара әрекеттесулерін зерттеуге бағытталған басқа зерттеулер жүргізілмеді. Алайда, клиникалық зерттеулерге кірістірілген және клопидогрелді диуретиктер, бета-блокаторлар, ангиотензинөзгертуші фермент тежегіштерін, кальций антагонистерін, гиполипидемиялық препараттарды, антиангинальді препараттарды, гипогликемиялық препараттарды (инсулинді қоса), эпилепсияға қарсы препараттар және GPIIb/IIIa антагонистерін қоса, басқа препараттармен біріктіріп қабылдап жүрген пациенттерде дәрілердің клиникалық тұрғыдан елеулі өзара жағымсыз әрекеттесулері байқалмады. P2Y12 басқа пероральді тежегішерімен жағдайдағы сияқты, апиындық агонистерді бір мезгілде қабылдау, шамасы, асқазанның баяуырақ босауына байланысты, клопидогрелдің сіңірілуін баяулатуы немесе азайтуы мүмкін. Клиникалық маңыздылығы белгісіз. Жедел коронарлық синдромы бар, морфинді немесе басқа апиындық агонистерді бір мезгілде қабылдау қажет болатын пациенттерде тромбоциттерге қарсы парентеральді дәріні қолдану мүмкіндігін қарастыру керек. Розувастатин Клопидогрелді 300 мг дозада қабылдаған пациенттерде, розувастатиннің жүйелі әсері («концентрация-уақыт» қисығы астындағы ауданы (AUC)) 2 есе жоғарылайтыны, ал ең жоғары концентрациясы (Cmax) 1,3 есе артатыны анықталды. Клопидогрелді 75 мг дозада бірнеше рет қолданғанда, AUC көрсеткіші 1,4 есе жоғарылайды, ал Cmax көрсеткіші өзгермейді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!