Лорбрена® таблетки 100 мг

Лорбрена® 25 мг үлбірлі қабықпен қапталған таблеткалар Үлбірлі қабықпен қапталған бір таблетканың құрамында белсенді зат – 25 мг лорлатиниб, қосымша заттар: микрокристалды целлюлоза, сусыз қос негізді кальций фосфаты, натрий крахмалы гликоляты, магний стеараты. Opadry® II 33G200010 Tan үлбірлі қабығына арналған кешенді жүйе. Opadry® II 33G200010 Tan құрамында: НРМС 2910/гипромеллоза (Е464), лактоза моногидраты, макрогол 4000/полиэтиленгликоль 3350 (Е1521), триацетин, титанның қостотығы (Е171), темірдің қара тотығы (E172), темірдің қызыл тотығы (Е172). Лорбрена® 100 мг үлбірлі қабықпен қапталған таблеткалар Үлбірлі қабықпен қапталған бір таблетканың құрамында белсенді зат – 100 мг лорлатиниб, қосымша заттар: микрокристалды целлюлоза, сусыз қос негізді кальций фосфаты, натрий крахмалы гликоляты, магний стеараты. Opadry® II 33G200003 Lavender үлбірлі қабығына арналған кешенді жүйе. Opadry® II 33G200003 Lavender құрамында: НРМС 2910/гипромеллоза (Е464), лактоза моногидраты, макрогол 4000/полиэтиленгликоль 3350 (Е1521), триацетин, титанның қостотығы (Е171), темірдің қара тотығы (E172), темірдің қызыл тотығы (Е172). Сыртқы түрінің, иісінің, дәмінің сипаттамасы Лорбрена® 25 мг үлбірлі қабықпен қапталған таблеткалар Дөңгелек пішінді, үлбірлі қабықпен қапталған, ашық қызғылт түсті, таблетканың бір жағында «Pfizer», ал екінші жағында - «25» және «LLN» нақыштамасы (өрнегі) бар таблеткалар. Лорбрена® 100 мг үлбірлі қабықпен қапталған таблеткалар Сопақ пішінді, үлбірлі қабықпен қапталған, қара қызғылт түсті, таблетканың бір жағында «Pfizer», ал екінші жағында - «LLN 100» нақыштамасы (өрнегі) бар таблеткалар.

Лорбрена® препараты монотерапия ретінде бұрын ALK тежегішімен ем алмаған, анаплазиялық лимфома киназасы (ALK)-оң таралған өкпенің ұсақ жасушалы емес обыры (ӨҰЖО) бар ересек пациенттерді емдеу үшін көрсетілген. Лорбрена® препараты монотерапия ретінде ALK-оң таралған ӨҰЖО бар, ауруы келесі препараттарды қолданғаннан кейін өршіген ересек пациенттерді емдеу үшін көрсетілген: • алектиниб немесе церитиниб ALK бірінші желісінің тирозинкиназа тежегіштерімен ем ретінде; немесе • кризотиниб және кем дегенде тағы бір ALK тирозинкиназа тежегіші. Лорбрена® препаратының әсер ету механизмі Лорбрена® препараты тирозинкиназа деп аталатын ферменттің типін тежейді және ALK гендерінің өзгеруі бар пациенттерде обыр жасушаларының өлімін тудырады. Лорбрена® препараты ауруы ALK тирозинкиназа генінің өзгеруінен туындаған пациенттерге ғана тағайындалады. Егер Сізде Лорбрена® препаратының әсер ету механизмі немесе неге бұл препарат Сізге тағайындалғаны туралы сұрақтарыңыз болса, дәрігеріңізбен кеңесіңіз.

ATХ коды L01ED05 Әсер ету механизмі Лорлатиниб бұл аденозинтрифосфатпен (АТФ) бәсекеге қабілетті ALK рецепторларының және c-ros 1 (ROS1) тирозинкиназасы онкогенінің селективті тежегіші. Клиникаға дейінгі зерттеулерде лорлатиниб рекомбинантты ферменттердің талдауларында және жасушалық талдауларда мутантты емес ALK және ALK киназаның клиникалық маңызды мутантты формаларының катализдік белсенділігін тежеді. Лорлатиниб микротүтіктермен астасқан тікентерілілер ақуызының бірігуін білдіретін ісікті ксенотрансплантаттары бар тышқандардағы ісікке қарсы белсенділікті көрсетті, ALK L1196М, G1269A, G1202R және I1171T мутацияларын қоса алғанда, 4-типті (EML4) 1 (v1) ALK нұсқасымен. ALK, G1202R және I1171T гендерінің осы екі мутациясы алектиниб, бригатиниб, церитиниб және кризотиниб препараттарына резистенттілікті қамтамасыз ететіні белгілі. Лорлатиниб сонымен қатар гематоэнцефалдық бөгеттен өтуге қабілетті болды. Лорлатиниб EML4ALK немесе EML4ALKL1196M ми ісіктерінің ортотопиялық импланттары бар тышқандарда белсенділік көрсетті. Клиникалық тиімділігі және қауіпсіздігі Бұрын ем алмаған ALK-оң таралған ӨҰЖО бар пациенттер (CROWN зерттеуі) Бұрын метастаздық ауру себебі бойынша жүйелі ем алмаған ALK-оң ӨҰЖО бар пациенттерді емдеудегі лорлатинибтің тиімділігі B7461006 белсенді бақылауымен (CROWN зерттеуі) ашық, рандомизацияланған көп орталықты зерттеуде анықталды. Пациенттер үшін зерттеуге қосудың критерийі Шығыс біріккен онкология тобының (ECOG) шкаласы бойынша функционалдық класын бағалау 0-2 балл және VENTANA ALK (D5F3) CDx диагностикалық жүйесінің көмегімен анықталған ALK-оң ӨҰЖО болуы болды. Зерттеуге лептоменингеальді метастаздарды қоса алғанда, ОЖЖ-де симптомсыз метастаздарға байланысты ем алған немесе алмаған тұрақты неврологиялық статусы бар пациенттер енгізілді. Пациенттерге рандомизациядан кем дегенде 2 апта бұрын сәулелік терапиядан, оның ішінде стереотаксикалық терапиядан немесе мидың ішінара сәулелік терапиясынан немесе рандомизациядан кем дегенде 4 апта бұрын бүкіл мидың сәулелік терапиясынан өту қажет болды. Пациенттерді тәулігіне бір рет 100 мг дозада пероральді лорлатиниб немесе тәулігіне екі рет 250 мг дозада пероральді кризотиниб алу үшін 1:1 қатынасында рандомизациялады. Рандомизация этникалық шығу тегі бойынша стратификациямен (азиялық vs азиялық емес нәсілдің өкілі) және ОЖЖ бастапқы деңгейде метастаздардың болуымен немесе болмауымен жүзеге асырылды. Екі топта да емдеу аурудың өршуіне немесе қолайсыз уыттылықтың пайда болғанға дейін жалғасты. Тиімділіктің негізгі көрсеткіші терапияға тығыз ісіктердің жауабын бағалау критерийлеріне сәйкес жасырын режимде тәуелсіз орталықтандырылған бағалау (BICR — Blinded Independent Central Review) арқылы анықталған аурудың өршуінсіз тірі қалу (ӨТҚ) болды (RECIST — Response Evaluation Criteria in Solid Tumours), 1.1 редакциясы (ред.1.1). Тиімділіктің қосымша көрсеткіштері зерттеушінің бағалауы бойынша жалпы тірі қалу (ЖТҚ), зерттеушінің бағалауы бойынша ӨТҚ, ӨТҚ2 және объективті жауаптың жиілігін (ББЖ), жауаптың ұзақтығын (ЖҰ) және ісіктің бассүйекішілік өршуіне дейінгі уақытты (БІ-БӨУ) қоса алғанда, BICR арқылы алынған ісікті бағалауға қатысты деректер болды. ОЖЖ-де метастаздары бар пациенттерде бастапқы деңгейде тиімділіктің қосымша көрсеткіштері BICR арқылы белгіленген бассүйекішілік зақымдану кезіндегі объективті жауаптың жиілігі (БІ-ОЖЖ) және бассүйекішілік зақымдану кезіндегі (БІ-ЖҰ) жауаптың ұзақтығы болды. Лорлатиниб (n = 149) және кризотиниб (n = 147) қабылдау үшін барлығы 296 пациент рандомизацияланды. Жалпы зерттелген популяцияның демографиялық сипаттамалары келесідей болды: жас медианасы 59 жас (диапазоны: 26-дан 90 жасқа дейін), жас ≥ 65 жас (35 %), әйелдердің 59 %, еуропалық нәсілді пациенттердің 49 %, азиялық нәсілді пациенттердің 44% және негроид нәсілді пациенттердің 0,3%. Пациенттердің көпшілігінде аденокарцинома болған (95 %) және ешқашан темекі шекпеген (59 %). BICR арқылы нейрорадиолог анықтаған орталық жүйкежүйесіндегі метастаздар пациенттердің 26% - ында (n = 78) болды: олардың ішінде 30 пациентте ОЖЖ-де өлшенетін ошақтар болды. CROWN зерттеуінде алынған нәтижелер 3-кестеде жинақталған. Деректерді жинау аяқталған күні ЖТҚ және ӨТҚ2 бағалау нәтижелері әлі алынған жоқ. 3-кесте.CROWN зерттеуінде алынған жалпы тиімділік нәтижелері Тиімділікті бағалау көрсеткіші — Лорлатиниб N = 149 — Кризотиниб N = 147 Кейінгі бақылаудың ұзақтық медианасы, айлар (95 % СА)a — 18 (16; 20) — 15 (13; 18) BICR арқылы анықталған өршуінсіз тірі қалу Құбылысы бар пациенттердің саны, n (%) — 41 (28 %) — 86 (59 %) Аурудың үдеуі, n (%) — 32 (22 %) — 82 (56 %) Өлім нәтижесі, n (%) — 9 (6 %) — 4 (3 %) Медиана, айлар (95 % СА)a — БЖ (БЖ; БЖ) — 9 (8; 11) Қауіптер қатынасы (95% СА)б — 0,28 (0,19; 0,41) p-мәні* — < 0,0001 Жалпы тірі қалуы Құбылысы бар пациенттердің саны, n (%) — 23 (15 %) — 28 (19 %) Медиана, айлар (95 % СА)a — БЖ (БЖ; БЖ) — БЖ (БЖ; БЖ) Қауіптер қатынасы (95% СА)б — 0,72 (0,41; 1,25) ЗБ нәтижелері бойынша өршуінсіз тірі қалу Құбылысы бар пациенттердің саны, n (%) — 40 (27 %) — 104 (71 %) Аурудың үдеуі, n (%) — 34 (23 %) — 99 (67 %) Өлім нәтижесі, n (%) — 6 (4 %) — 5 (3 %) Медиана, айлар (95 % СА)a — БЖ (БЖ; БЖ) — 9 (7; 11) Қауіптер қатынасы (95% СА)б — 0,21 (0,14; 0,31) p-мәні* — < 0,0001 BICR арқылы анықталған жалпы жауап Жауаптың жалпы жиілігі, n (%) — 113 (76 %) — 85 (58 %) (95 % СА)в — (68; 83) — (49; 66) Бассүйекішілік зақымданудың өршуіне дейінгі уақыт Медиана, айлар (95 % СА)a — БЖ (БЖ; БЖ) — 16,6 (11; БЖ) Қауіптер қатынасы (95% СА)б — 0,07 (0,03; 0,17) Жауаптың ұзақтығы Емдеуге жауап берген пациенттердің саны — 113 — 85 Медиана, айлар (95 % СА)a — БЖ (БЖ; БЖ) — 11 (9; 13) ОЖЖ-де бастапқы деңгейде өлшенетін ісік ошақтары бар пациенттерде бассүйекішілік зақымдану кезіндегі жалпы жауаптың жиілігі — N = 17 — N = 13 Бассүйекішілік зақымдану кезіндегі жауап жиілігі, n (%) — 14 (82 %) — 3 (23 %) (95 % СА)в — (57; 96) — (5; 54) Толық жауап жиілігі — 71 % — 8 % Жауаптың ұзақтығы Емдеуге жауап берген пациенттердің саны — 14 — 3 Медиана, айлар (95 % СА)a — БЖ (БЖ; БЖ) — 10 (9; 11) ОЖЖ-де бастапқы деңгейде кез келген өлшенетін немесе өлшенбейтін ісік ошақтары бар пациенттерде бассүйекішілік зақымдану кезіндегі жалпы жауаптың жиілігі — N = 38 — N = 40 Бассүйекішілік зақымдану кезіндегі жауап жиілігі, n (%) — 25 (66 %) — 8 (20 %) (95 % СА)в — (49; 80) — (9; 36) Толық жауап жиілігі — 61 % — 15 % Жауаптың ұзақтығы Емдеуге жауап берген пациенттердің саны — 25 — 8 Медиана, айлар (95 % СА)a — БЖ (БЖ; БЖ) — 9 (6; 11) Қысқартулар: BICR — жасырын режимдегі тәуелсіз орталық бағалау (Blinded Independent Central Review); СА — сенімді аралық; ОЖЖ – орталық жүйке жүйесі; ЗБ — зерттеушінің бағалауы; N/n — пациенттер саны; БЖ — бағаланған жоқ. *рмәні бір жақты стратификацияланған логранг критерийін қолдана отырып есептелген. аБрукмейер және Кроули әдісі бойынша есептелген. бҚауіптер қатынасы Кокстың пропорционалды қауіптер моделінің көмегімен есептеледі; пропорционалды қауіптер шегінде < 1 қауіптер қатынасы лорлатинибтің пайдасына қауіп жиілігінің төмендеуін көрсетеді. вБиномиальдық үлестіруге негізделген нақты әдісті қолдана отырып. Қауіптер қатынасы (Hazard Ratio) = 0,2895 % СА (0,19, 0,41)p < 0,0001Қауіптер қатынасы (Hazard Ratio) = 0,2895 % СА (0,19, 0,41)p < 0,0001Лорлатиниб (N = 149)Медианаға қол жеткізілген жоқКризотиниб (N = 147)Медиана 9,3 айЛорлатиниб (N = 149)Медианаға қол жеткізілген жоқКризотиниб (N = 147)Медиана 9,3 айЛорлатинибКризотинибЛорлатинибКризотинибҚауіпке ұшыраған пациенттер саныҚауіпке ұшыраған пациенттер саныУақыт (айлар)Уақыт (айлар)Аурудың өршуінсіз тірі қалу ықтималдығы (%)Аурудың өршуінсіз тірі қалу ықтималдығы (%)1-сурет.CROWN зерттеуінде жасырын режимде тәуелсіз орталықтандырылған талдау арқылы анықталған аурудың өршуінсіз тірі қалуға арналған Каплан — Мейер кестесі Қысқартулар: СА — сенімді аралық, N/саны — пациенттер саны. Лорлатинибпен емдеудің пайдасы бастапқы деңгейде ОЖЖ-да метастаздары бар пациенттерді (n = 38, ТҚ = 0,2, 95% СА: 0,10;0,43) және бастапқы деңгейде ОЖЖ-де метастаздары жоқ пациенттерді (n = 111, ТҚ = 0,32, 95% СА: 0,20;0,49) қоса пациенттердің әртүрлі сипаттамалары және бастапқы деңгейдегі аурулары бар қосалқы топтарда салыстырмалы болды. Бұрын ALK-киназа тежегішімен ем қабылдаған, ALK-оң таралған ӨҰЖО бар пациенттер Екінші буындағы ALK тирозинкиназа тежегіштерінің (ТКТ) кем дегенде біреуімен емделгеннен кейін ALK-оң үдемелі ӨҰЖО емдеуде лорлатинибті қолдану бір топпен 1/2 фазаның А — көп орталықты зерттеуінде және бір топпен 4 фазаның В көп орталықты зерттеуінде зерттелді. Жалпы алғанда, А зерттеуінде ALK – оң үдемелі ӨҰЖО бар 139 пациент кемінде бір ALK ТКТ- екінші буын ALK біреуінің емінен кейін 2 фаза зерттеуінің 2-бөлігіне енгізілді. B зерттеуіне алдыңғы ALK ТКТ-мен (алектиниб немесе церитиниб) ем алғаннан кейінгі, ALK-оң таралған ӨҰЖО бар, барлығы 71 пациент енгізілді. Пациенттер екі зерттеуде лорлатинибті ұсынылған 100 мг дозада тәулігіне бір рет үздіксіз пероральді қабылдады. А зерттеуінде 2-фазадағы тиімділіктің бастапқы соңғы нүктесі RECIST түрлендірілген критерийлеріне сәйкес тәуелсіз орталықтандырылған талдауға (ТОТ) сәйкес бассүйекішілік (БІ) - ОЖЖ қоса алғанда, ОЖЖ болды, ред.1.1. Екінші соңғы нүктелер ЖҰ, БІ-ЖҰ, ісіктің жауап беру уақытын (ІЖУ) және ӨТҚ қамтыды. B зерттеуінде тиімділікті бағалаудың бастапқы соңғы нүктесі RECIST 1.1 редакциясындағы критерийлеріне сәйкес ICR ТОТ бойынша ОЖЖ болды. Екінші соңғы нүктелер БІ-ОЖЖ, ЖҰ, БІ-ЖҰ, ісіктің жауабына дейінгі уақыт (ІЖУ), ісіктің үдеуіне дейінгі уақыт (ІҮУ) және ҮТҚ қамтыды. А зерттеуінде ALK-оң үдемелі ӨҰЖО бар 139 пациенттің демографиялық сипаттамалары кем дегенде бір екінші буын ALK ТКТ емделгеннен кейін төмендегідей ұсынылды: 56% әйелдер, 48% еуропалық нәсіл, 38% азиялық нәсіл, ал жас медианасы 53 жасты құрады (диапазоны: 29-83 жас), пациенттердің 16% үлесі ≥ 65 жастағылар. ECOG өлшемдеріне сәйкес жалпы жағдайдың көрсеткіші бастапқы деңгейде пациенттердің 96% - ында 0 немесе 1-ді құрады. Мида метастаздар пациенттердің 67%-ында бастапқы деңгейде болды. 139 пациенттің 20%-ы кризотинибті қоспағанда, 1 алдыңғы ALK ТКТ, 47% -ы — 2 алдыңғы ALK ТКТ, ал 33% - ы — 3 және одан да көп алдыңғы ALK ТКТ алды. В зерттеуінде химиотерапиямен немесе онсыз бір ALK ТКТ (алектинибпен немесе церитинибпен) алдыңғы емінен кейінгі аурудың үдеуімен байқалатын ALK-оң таралған ӨҰЖО бар 71 пациенттің демографиялық көрсеткіштері келесідей болды: 42 % - әйелдерді, 76 % - еуропеоидтық нәсілдің өкілдерін, 21 % - моңғолоидтық нәсілдің өкілдерін, ал жас медианасы 59 жасты құрады (диапазоны: 26-87 жас), бұл ретте пациенттердің 32 % - ы ≥ 65 жаста болды. Бастапқы деңгейде ECOG критерийлері бойынша жалпы жағдайдың көрсеткіші пациенттердің 52%-ында 0 немесе пациенттердің 48%-ында 1 құрады. Мидағы метастаздар пациенттердің 42%-ында бастапқы деңгейде болды. 71 пациенттің 84% -ы алектиниб, ал 16% -ы алдыңғы ALK ТКТ ретінде церитиниб қабылдаған. Жалпы тиімділік бойынша А зерттеуінің және В зерттеуінің нәтижелері 4 және 5-кестелерде берілген. 4-кесте.Алдыңғы терапияға байланысты жалпы тиімділік бойынша А зерттеуінің және В зерттеуінің нәтижелері Тиімділік параметрі — Бір алдыңғы ALK ТКТа алдыңғы химиотерапиямен немесе онсыз — Екі немесе одан да көп алдыңғы ALK ТКТ алдыңғы химиотерапиямен немесе онсыз (N = 99)б — (N = 111)в Объективті жауаптардың жиілігіг (СА 95 %) Толық жауап, n Ішінара жауап, n — 42,4 % (32,5; 52,8) 5 37 — 39,6 % (30,5; 49,4) 2 42 Жауаптың ұзақтығы Медиана, айлар (СА 95 %) — БЖ (7,8; БЖ) — 9,9 (5,7; 24,4) Өршуінсіз тірі қалу Медиана, айлар (СА 95 %) — 8,3 (6,3; 16,5) — 6,9 (5,4; 9,5) Қысқартулар: ALK — анаплазиялық лимфоманың киназасы; СА — сенімді аралық; ТОТ — тәуелсіз орталықтандырылған талдау (Independent Central Review); N/n — пациенттер саны; БЖ — бағаланған жоқ; ТКТ — тирозинкиназа тежегіші. аАлектиниб, бригатиниб немесе церитиниб. б А және В зерттеулеріндегі тиімділікті бағалаудың біріктірілген нәтижелері. в Тек А зерттеуіндегі тиімділікті бағалау нәтижелері гТОТ сәйкес. 5-кесте.Алдыңғы емге байланысты бассүйекішілік* тиімділік бойынша А зерттеуінің және В зерттеуінің нәтижелері Тиімділік параметрі — Бір алдыңғы ALK ТКТа алдыңғы химиотерапиямен немесе онсыз — Екі немесе одан да көп алдыңғы ALK ТКТ алдыңғы химиотерапиямен немесе онсыз (N =19)б — (N = 48)в Объективті жауаптардың жиілігіг (СА 95 %) Толық жауап, n Ішінара жауап, n — 63,2 % (38,4; 83,7) 4 8 — 52,1 % (37,2; 66,7) 10 15 Бассүйекішілік жауаптың ұзақтығы Медиана, айлар (СА 95 %) — БЖ (4,2; БЖ) — 12,4 (6,0; БЖ) Қысқартулар: ALK — анаплазиялық лимфоманың киназасы; СА — сенімді аралық; ТОТ — тәуелсіз орталықтандырылған талдау (Independent Central Review); N/n — пациенттер саны; БЖ — бағаланған жоқ; ТКТ — тирозинкиназа тежегіші. *Миға бастапқы деңгейде кем дегенде бір өлшенетін метастазы бар пациенттерде. аАлектиниб, бригатиниб немесе церитиниб. б А және В зерттеулеріндегі тиімділікті бағалаудың біріктірілген нәтижелері. в Тек А зерттеуіндегі тиімділікті бағалау нәтижелері гТОТ сәйкес. 210 пациенттің жалпы тиімділігін бағалау популяциясында 86 пациентте 1,4 айлық медианалық ісік жауабының уақыт медианасымен (ІЖУ) ТОТ сәйкес расталған объективті жауап болды (диапазоны: 1,2 айдан 16,6 айға дейін). Азиялық нәсіл өкілдеріндегі ОЖЖ 48,5 % (95% СА: 36,2; 61,0) және азиялық емес нәсіл өкілдерінде 35,7% (95% СА: 27,4; 44,6) құрады. БІ расталған ісіктердің объективті жауабы бар және мида бастапқы деңгейде кем дегенде бір өлшенетін метастазы бар 37 пациенттің арасында, ТОТ-қа сәйкес, медианалық БІОЖЖ 1,4 айды құрады (диапазоны: 1,2 айдан 16,2 айға дейін). БІ-ОЖЖ азиялық нәсіл өкілдері үшін 58,3%-ды (95% СА: 36,6; 77,9) және азиялық емес нәсіл өкілдері үшін 47,2%-ды (95% СА: 30,4; 64,5) құрады. Балалар Еуропалық дәрілік препараттар жөніндегі агенттік бұдан былай өкпе карциномасы (ұсақ жасушалы және ұсақ жасушалы емес карцинома) кезінде балалар популяциясының барлық қосалқы топтарында лорлатинибпен жүргізілген зерттеулердің нәтижелерін ұсынуды талап етпейді (балаларда қолдану туралы ақпарат алу үшін 4.2-бөлімді қараңыз).

Дозалау режимі Бұл препаратты әрдайым Сіздің емдеуші дәрігеріңіз тағайындағандай қабылдаңыз. Егер Сізде препаратты қолдану бойынша сұрақтар болса, емдеуші дәрігеріңізбен кеңесіңіз. • Ұсынылатын доза — тәулігіне бір рет пероральді қабылдау үшін 100 мг дозалы бір таблетка. Кейбір жағдайларда дәрігер Сіздің дозаңызды төмендетіп, емдеуді қысқа уақытқа тоқтата алады немесе егер Сізге ем жақпаса, оны толығымен тоқтата алады. Енгізу әдісі мен жолы • Дозаны күн сайын бір уақытта қабылдауға тырысыңыз. • Таблеткаларды тамақпен бірге немесе тамақтану арасында қабылдауға болады, грейпфрут пен грейпфрут шырынын тұтынудан аулақ болыңыз. • Таблеткаларды тұтастай жұтып қойыңыз және таблеткаларды ұсақтамаңыз, шайнамаңыз және ерітпеңіз. Лорбрена® препаратын қабылдағаннан кейін құсу пайда болған кезде • Лорбрена® препаратының дозасын қабылдағаннан кейін құсу пайда болған кезде артық дозаны қабылдамаңыз, келесі дозаны әдеттегі уақытта қабылдаңыз. Дәрілік препараттың бір немесе бірнеше дозасын өткізіп алған кезде қажетті шаралар Егер Сіз таблетка қабылдауды ұмытып кетсеңіз, келесі дозаға дейін қанша уақыт қалғанына байланысты болады. • Егер келесі дозаны қабылдауға дейін 4 сағат немесе одан да көп уақыт болса, өткізіп алған таблетканы есіңізге түсе салысымен қабылдаңыз. Содан кейін келесі таблетканы әдеттегі уақытта қабылдаңыз. • Егер Сіздің келесі дозаны қабылдау уақытыңыз 4 сағаттан аз болса, өткізіп алған таблетканы қабылдамаңыз. Содан кейін келесі таблетканы әдеттегі уақытта қабылдаңыз. • Өткізіп алған дозаны қабылдаудың орнын толтыру үшін қосарлы дозаны қабылдамаңыз. • Лорбрена® препаратын қабылдауды тоқтату • Лорбрена® препаратын күн сайын емдеуші дәрігердің ұсынымдарын сақтай отырып қабылдау маңызды. Егер Сіз дәрігердің ұсынымдарына сәйкес дәрі қабылдай алмасаңыз немесе осы препаратпен емдеуді қажет етпейтін болсаңыз, дереу өз дәрігеріңізбен сөйлесіңіз. Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну бойынша ұсынымдар • Егер Сізде осы препаратты қолдану бойынша қосымша сұрақтар туындаса, өзіңіздің дәрігеріңізбен кеңесіңіз.

• лорлатинибке немесе осы дәрілік препараттың «Қосымша мәліметтер» бөлімінде аталған қандай да бір өзге компонеттеріне аллергияның болуы. • күшті CYP3A4/5 индукторларын қатар қолдану («Қолдану кезіндегі қажетті сақтандыру шаралары» және «Басқа дәрілік препараттармен өзара әрекеттесуі» бөлімдерін қараңыз). • келесі препараттарды қабылдау: • рифампицин (туберкулезді емдеу үшін қолданылады) • карбамазепин, фенитоин (эпилепсияны емдеу үшін қолданылады) • энзалутамид (простата обырын емдеу үшін қолданылады) • митотан (бүйрекүсті безінің обырын емдеу үшін қолданылады) • құрамында шайқурай бар препараттар (Hypericum perforatum, өсімдік тектес заттар).

Бұл препарат, барлық басқа дәрілік препараттар сияқты, барлық пациенттерде болмаса да, жағымсыз әсерлерді тудыруы мүмкін. • Кейбір жағымсыз әсерлер ауыр болуы мүмкін. • Егер Сіз келесі жағымсыз әсерлердің біреуін байқасаңыз, дереу дәрігеріңізге хабарлаңыз. • Дәрігер Сіздің дозаңызды азайтып, емдеуді қысқа уақытқа тоқтата алады немесе емдеуді толығымен тоқтата алады: - жөтел, тыныс алудың қиындауы, кеудедегі ауырсыну немесе тыныс алу қиындықтарының нашарлауы; - баяу пульс (минутына 50 соққы немесе одан аз), шаршау сезімі, бас айналу немесе талма не естен тану; - іш қуысының (іштің) ауыруы, арқаның ауыруы, жүрек айну, құсу, терінің және көздің қышуы немесе сарғаюы; - психикалық жағдайдың өзгеруі; когнитивтік өзгерістер, оның ішінде сананың шатасуы, есте сақтау қабілетінің жоғалуы, назар аудару қабілетінің төмендеуі; көңіл-күйдің өзгеруі, оның ішінде ашушаңдық пен көңіл-күйдің өзгеруі; сөйлеудің өзгеруі, оның ішінде сөйлеу қиындықтары, түсініксіз немесе баяу сөйлеу сияқты; немесе шындықпен байланыстың жоғалуы, мысалы, есту, көру және басқа елестеулердің пайда болуы. • Лорбрена® препаратының басқа да жағымсыз әсерлері келесілерді қамтуы мүмкін: • Өте жиі: 10 адамның 1-інде және одан да көбінде байқалуы мүмкін • холестерин мен триглицеридтер деңгейінің жоғарылауы (қан талдамасының нәтижелері бойынша анықталған қандағы липидтер) • көңіл-күйге әсер ету (оның ішінде аффективті бұзылыс, аффективті тұрақсыздық, озбырлық, ажитация, ыза, үрейлену, I типті биполярлық бұзылыс, депрессиялық көңіл-күй, депрессия, депрессиялық симптом, эйфория, ашушаңдық, мания, көңіл-күйдің өзгеруі, көңіл-күйдің өзгергіштігі, үрейлі шабуыл, тұлғаның өзгеруі, стресс) • аяқ-қолдың немесе терінің ісінуі • қатты қажу • бір немесе екі көзбен көрудің қиындауы, көзге қос көріну немесе жарық жарқылы көріну сияқты көру проблемалары • қол мен аяқтағы жүйке жүйесінің тарапынан бұзылулар (оның ішінде ауырсыну, ұйып қалу, күйдіру немесе шаншу сияқты ерекше сезімдер, жүру қиындықтары немесе күнделікті өмірдегі және іс-әрекеттегі қиындықтар, мысалы, жазудағы) • қандағы липаза және/немесе амилаза ферменттерінің жоғары деңгейі, бұл қанның биохимиялық талдамасында анықталуы мүмкін • қанның жалпы талдамасында анықталуы мүмкін анемия деп аталатын эритроциттердің аз мөлшері • диарея • жүрек айнуы • іш қату • буындардың ауыруы • дене салмағының артуы • бас ауыруы • бөртпе • бұлшықет ауыруы • артериялық қысымның артуы. Жиі: 10 адамның 1-інде байқалуы мүмкін • қандағы қант мөлшерінің жоғарылауы • несепте ақуыздың көп болуы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер Сіз кездейсоқ тым көп таблетка қабылдасаңыз, бұл туралы емдеуші дәрігерге дереу хабарлаңыз. Сізге медициналық көмек қажет болуы мүмкін.

Гиперлипидемия Лорлатинибті қолдану сарысулық холестерин мен триглицеридтер деңгейінің жоғарылауымен байланысты. Сарысулық холестерин мен триглицеридтер деңгейінің күрт жоғарылауының уақыт медианасы сәйкесінше 201 күнді (диапазоны: 29-дан 729 күнге дейін) және 127 күнді (диапазоны: 15-тен 1367 күнге дейін) құрайды. Сарысулық холестерин мен триглицеридтердің деңгейін лорлатиниб қабылдауды бастамас бұрын, лорлатиниб қабылдауды бастағаннан кейін 2, 4 және 8 аптадан кейін, содан кейін тұрақты негізде бақылап, анықтау қажет. Егер көрсетілген болса, липидті төмендететін дәрілік заттардың дозасын қабылдауды бастау немесе арттыру керек. Орталық жүйке жүйесі тарапынан бұзылулар Лорлатиниб қабылдайтын пациенттерде орталық жүйке жүйесі (ОЖЖ) тарапынан бұзылулар, оның ішінде психоздық бұзылулар және когнитивтік функциялардың, көңіл-күйдің, психикалық жағдайдың немесе сөйлеудің өзгерістері байқалды. Орталық жүйке жүйесі тарапынан бұзылулар дамитын пациенттерде дозаны түзету немесе емді тоқтату қажет болуы мүмкін. Атриовентрикулярлық блокада Лорлатиниб екінші немесе үшінші дәрежелі АВ-блокадасы бар (егер кардиостимулятор орнатылмаған болса) немесе PR >220 мсек аралықпен кез келген АВ-блокадасы бар пациенттер популяциясында зерттелді. Лорлатиниб қабылдайтын пациенттерде PR және АВ-блокада аралығының ұзаруы туралы хабарланды. Лорлатиниб қабылдауды бастар алдында және одан кейін ай сайын, әсіресе клиникалық маңызды кардиологиялық оқиғалардың туындауына бейімділігі бар пациенттерде электрокардиограмма (ЭКГ) көмегімен мониторинг жүргізген жөн. AВ-блокада дамитын пациенттерде дозаны түзету қажет болуы мүмкін. Сол жақ қарыншаның шығару фракциясының төмендеуі Бастапқы деңгейде СҚШФ бағалау және кемінде бір кейінгі бағалау жүргізілген лорлатиниб алған пациенттерде сол жақ қарыншаның шығару фракциясының (СҚШФ) төмендегені туралы хабарланды. Қолда бар деректер негізінде жүректің жиырылғыштығы мен лорлатиниб өзгерістеріне әсер ету арасындағы себеп-салдарлық байланысты анықтау мүмкін емес. Жүрек-қантамыр ауруларының қауіп факторлары бар пациенттерде және СҚШФ-ға әсер етуі мүмкін аурулары бар пациенттерде бастапқы деңгейде және емдеу кезінде СҚШФ-ны бағалауды қоса алғанда, кардиомониторинг жүргізу мүмкіндігін қарастыру керек. Емдеу кезінде жүрек тарапынан тиісті белгілер/симптомдар дамитын пациенттерде СҚШФ бағалауды қоса алғанда, кардиомониторинг жүргізу қажеттілігін қарастыру керек. Липаза мен амилаза деңгейінің жоғарылауы Лорлатиниб қабылдайтын пациенттерде липаза және/немесе амилаза деңгейінің жоғарылауы орын алды. Сарысудағы липаза мен амилаза деңгейінің жоғарылауының медианалық уақыты сәйкесінше 169 күн (диапазоны: 1-ден 1755 күнге дейін) және 158 күн (диапазоны: 1-ден 1932 күнге дейін). Лорлатиниб қабылдайтын пациенттерде қатар жүретін гипертриглицеридемия және/немесе әлеуетті ішкі механизм салдарынан туындайтын панкреатиттің даму қаупін ескерген жөн. Пациенттерде лорлатинибпен емдеуді бастар алдында липаза және амилаза деңгейінің жоғарылауына, содан кейін клиникалық көрсеткіштер бойынша тұрақты негізде мониторинг жүргізген жөн. Өкпенің интерстициальді ауруы/ пневмонит Лорлатиниб қабылдаған кезде өкпе тарапынан ӨИА/пневмонитке сәйкес келетін ауыр немесе өмірге қауіп төндіретін жағымсыз реакциялар туындады. Тыныс алу жүйесі тарапынан ӨИА/пневмонитті (мысалы, ентігу, жөтел және температураның жоғарылауы) көрсететін симптомдардың нашарлауы байқалатын кез келген пациентті ӨИА/ пневмонитке жедел тексеру қажет. Лорлатиниб қабылдауды ауырлық дәрежесі негізінде тоқтата тұру және/немесе толық тоқтату керек. Артериялық гипертензия Лорлатиниб қабылдаған пациенттерде артериялық гипертензия жағдайлары тіркелген. Лорлатинибпен емдеуді бастағанға дейін пациенттің артериялық қысымы жақсы бақылануы керек. Лорлатинибпен емдеу кезінде 2 аптадан кейін және айына кемінде бір рет артериялық қысымға мониторинг жүргізу қажет. Лорлатиниб қолданудан бас тартқан және төмендетілген дозада қабылдауды қайта бастаған немесе ауырлық дәрежесін бағалау негізінде препаратты қабылдауды толық тоқтатқан жөн. Гипергликемия Лорлатиниб қабылдаған пациенттерде гипергликемия жағдайлары орын алды. Лорлатинибпен емдеу басталғанға дейін және емдеу басталғаннан кейін кезең-кезеңімен ұлттық ұсынымдарға сәйкес ашқарынға қан сарысуындағы глюкоза деңгейін бағалау керек. Лорлатиниб қолданудан бас тартқан және төмендетілген дозада қабылдауды қайта бастаған немесе ауырлық дәрежесін бағалау негізінде препаратты қабылдауды толық тоқтатқан жөн. Дәріаралық өзара әрекеттесу Бұрын CYP3A4/5 күшті индукторы лорлатиниб пен рифампицинді бір мезгілде қолдану жалпы билирубин мен сілтілі фосфатаза деңгейін арттырмай аланинаминотрансфераза (АЛТ) және аспартатаминотрансфераза (АСТ) деңгейінің жоғарылауымен байланысты екені хабарланды. Күшті CYP3A4/5 индукторын бір мезгілде қолдануға болмайды. Қалыпты CYP3A4/5 модафинил индукторымен біріктірілімде лорлатиниб алған дені сау субъектілерде бауыр функциясының биохимиялық көрсеткіштерінің клиникалық елеулі өзгерістері байқалған жоқ. Лорлатинибті тар емдік көрсеткіштері, оның ішінде альфентанил, циклоспорин, дигидроэрготамин, эрготамин, фентанил, гормондық контрацептивтер, пимозид, хинидин, сиролимус және такролимус сияқты CYP3A4/5 субстраттарымен бір мезгілде қолданудан аулақ болу керек, өйткені бұл препараттардың концентрациясы лорлатинибті қолданған кезде төмендеуі мүмкін. Ұрпақ өрбіту функциясына, жүктілікке әсері Лорлатинибпен емдеу кезінде және соңғы дозаны қабылдағаннан кейін кемінде 14 апта ішінде ұрпақ өрбіту әлеуетті жұптастары бар ер пациенттер тиімді контрацепция құралдарын, оның ішінде мүшеқаптарды пайдалануы тиіс, ал жүкті жұптастары бар ер пациенттер — мүшеқаптарды пайдалануы тиіс. Лорлатинибпен емдеу кезінде ерлердегі фертильділік функция нашарлауы мүмкін. Емдеуді бастамас бұрын ер адамдар фертильділікті сақтау туралы ұсынымдар алуы керек. Ұрпақ өрбіту әлеуеті бар әйелдерге лорлатинибпен емдеу кезінде жүктіліктен сақтану ұсынылады. Лорлатинибпен емдеу кезінде әйел пациенттерге контрацепцияның тиімділігі жоғары гормондық емес әдісін пайдалану қажет, өйткені лорлатиниб қабылдау гормондық контрацептивтерді тиімсіз етеді. Егер контрацепцияның гормондық әдісін қолданбау мүмкін болмаса, онда гормондық әдіспен бірге мүшеқапты қолдану керек. Ем аяқталғаннан кейін кем дегенде 35 күн бойы контрацепцияның тиімді әдістерін пайдалануды жалғастыру қажет. Лорлатинибтің әйелдердің фертильділігіне әсер ететіні белгісіз. Арнайы сақтандырулар Педиатрияда қолдану Бұл дәрілік препарат тек ересектерге арналған және балалар мен жасөспірімдерге қолдануға арналмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Лорбрена® препаратын қабылдау кезінде оның Сіздің психикалық жағдайыңызға әсер етуі себебінен жүргізу және механизмдерді пайдалану кезінде ерекше сақтық танытқан жөн. Лорбрена® препаратының құрамында лактоза мен натрий бар Бұл препараттың құрамында қосымша зат ретінде лактоза бар. Егер Сіздің дәрігеріңіз Сізге кейбір қанттарға жақпаушылық бар екенін айтса, осы дәрілік препаратты қабылдамас бұрын емдеуші дәрігерге қаралыңыз. Бұл препараттың құрамында 25 мг немесе 100 мг таблеткаға кемінде 1 ммоль натрий (23 мг) бар, яғни ол натрийсіз препарат болып саналады.

• Контрацепция — әйелдерге арналған ақпарат Осы дәрілік затты қолданған уақытта жүкті болуға болмайды. Ұрпақ өрбіту әлеуеті бар әйелдерге емдеу кезінде және лорлатинибті қабылдау аяқталғаннан кейін кемінде 5 апта бойы тиімділігі жоғары контрацепция құралдарын (мысалы, мүшеқап және диафрагма сияқты қосарлы бөгеттік контрацептивтер) пайдалану қажет. Лорлатиниб гормондық контрацепция әдістерінің тиімділігін төмендетуі мүмкін (мысалы, ұрықтануға қарсы таблеткалардың), сондықтан гормондық контрацептивтердің тиімділігі жоғары деп санауға болмайды. Егер гормондық контрацепцияны қолданбау мүмкін болмаса, оны мүшеқаппен қоса қолдану керек. Өзіңіздің дәрігеріңізбен Сіз және Сіздің жұптасыңыз үшін контрацепцияның дұрыс тәсілдері туралы сөйлесіңіз. • Контрацепция — ерлерге арналған ақпарат Лорбрена® препаратымен емдеу кезінде бала көтертпеген жөн, өйткені бұл дәрілік препарат шаранаға зиян келтіруі мүмкін. Егер Сіз осы дәрілік затты қабылдау кезінде әке болуыңыз мүмкін болса, емдеу кезінде және терапия аяқталғаннан кейін кем дегенде 14 апта бойы мүшеқапты қолдануыңыз керек. Дәрігермен Сіз және Сіздің жұптасыңыз үшін контрацепцияның дұрыс әдістері туралы сөйлесіңіз. • Жүктілік • Егер Сіз жүкті болсаңыз, Лорбрена® препаратын қабылдамаңыз. Бұл аталған препараттың Сіздің балаңызға зиянын тигізуі мүмкіндігімен байланысты. • Егер Сіздің ер жұптасыңыз Лорбрена® препаратымен емделсе, ол емдеу кезінде және терапия аяқталғаннан кейін кем дегенде 14 апта бойы мүшеқапты қолдануы керек. • Егер Сіз дәрілік затты қабылдау кезінде немесе соңғы дозаны қабылдағаннан кейін 5 апта ішінде жүкті болсаңыз, дереу дәрігерге хабарлаңыз. - Бала емізу Сіз осы препаратты қабылдаған кезде және соңғы дозаны қабылдағаннан кейін 7 күн бойы балаңызды емізбеуіңіз керек. Бұл Лорбрена® препаратының емшек сүтіне еніп, сол арқылы Сіздің балаңызға зиянын тигізетіні белгісіз болуымен байланысты. - Фертильділік Лорбрена® препараты ерлердің фертильділігін нашарлатуы мүмкін. Лорбрена® препаратын қабылдамас бұрын дәрігеріңізбен фертильділікті сақтау туралы сөйлесіңіз. Тексеру және дәрігерге бару Емдеуді бастамас бұрын және емдеу кезінде Сізге үнемі қан талдамасы жасалады. Бұл талдауларға Лорбрена® препаратымен емдеу басталғанға дейін және емдеу кезінде үнемі қандағы холестерин, триглицеридтер және амилаза немесе липаза ферменттерінің деңгейін анықтау кіреді.

Фармакокинетикалық өзара әрекеттесу In vitro деректері лорлатиниб негізінен CYP3A4 және уридиндифосфатглюкуронозилтрансферазамен (UGT)1А4 метаболизденетінін көрсетеді, бұл ретте CYP2C8, CYP2C19, CYP3A5 және UGT1A3 елеусіз үлес қосады. Дәрілік препараттардың лорлатинибке әсері CYP3A4/5 индукторлары Рифампицин, күшті индуктор CYP3A4/5, 12 күн бойы тәулігіне бір рет 600 мг дозада пероральді қолданған кезде, дені сау еріктілерде лорлатинибтің фармакокинетикалық қисығы астындағы орташа ауданның (AUCinf) 85% - ға және 100 мг лорлатинибтің бір реттік пероральді дозасында Cmax 76% - ға азаюына әкелді; сондай-ақ АСТ және АЛТ деңгейлерінің артуы байқалды. Лорлатинибті күшті CYP3A4/5 индукторларымен (мысалы, рифампицин, карбамазепин, энзалутамид, митотан, фенитоин және шайқурай) бір мезгілде қабылдау қан плазмасындағы лорлатинибтің концентрациясының төмендеуіне әкелуі мүмкін. Күшті CYP3A4/5 индукторын лорлатинибпен қолдануға болмайды. Дені сау еріктілерде CYP3A4/5 қалыпты индукторы модафинилімен (19 күн ішінде тәулігіне бір рет 400 мг) бір мезгілде 100 мг дозада лорлатинибті бір рет пероральді қабылдағаннан кейін бауыр функциясының биохимиялық көрсеткіштерінің клиникалық елеулі өзгерістері байқалған жоқ. Модафинил лорлатинибпен бірге қолданған кезде оның фармакокинетикасына клиникалық маңызды әсер еткен жоқ. CYP3A4/5 тежегіштері Итраконазол, CYP3A4/5 күшті тежегіші, тәулігіне бір рет 200 мг дозада 5 күн ішінде пероральді қолданғанда сау еріктілерде лорлатинибтің орташа AUCinf 42% - ға, ал лорлатинибтің бір реттік 100 мг пероральді дозасында Cmax 24% - ға ұлғаюына алып келді. Лорлатинибті күшті CYP3A4/5 тежегіштерімен бір мезгілде қабылдау (мысалы, боцепревир, кобицистат, итраконазол, кетоконазол, позаконазол, тролеандомицин, вориконазол, ритонавир, паритапревир ритонавирмен және омбитасвирмен және/немесе дасабувирмен үйлесімде, сондай-ақ ритонавир эльвитегравирмен, индинавирмен, лопинавирмен немесе типранавирмен үйлесімде) қан плазмасындағы лорлатинибтің концентрациясының артуына әкелуі мүмкін. Грейпфрут өнімдері қан плазмасындағы лорлатинибтің концентрациясын жоғарылатуы мүмкін және оларды қолданудан аулақ болу керек. CYP3A4/5 тежелу әлеуеті төмен баламалы қатарлас дәрілік препаратты қарастыру керек. Егер күшті CYP3A4/5 тежегішін бір мезгілде қолдану қажет болса, лорлатинибтің дозасын төмендету ұсынылады. Лорлатинибтің басқа дәрілік препараттарға әсері CYP3A4/5 субстраттары In vitro зерттеулері лорлатиниб уақытқа тәуелді тежегіш, сондай-ақ CYP3A4/5 индукторы болып табылатынын көрсетті. 15 күн ішінде тәулігіне бір рет 150 мг лорлатинибтің пероральді дозасы бір реттік пероральді 2 мг мидазолам дозасының AUCinf және Cmax (CYP3A сезімтал субстраты) тиісінше 61% және 50% - ға төмендетті; демек, лорлатиниб CYP3A қалыпты индукторы болып табылады. Сондықтан лорлатинибті тар емдік көрсеткіштері бар, оның ішінде альфентанил, циклоспорин, дигидроэрготамин, эрготамин, фентанил, гормондық контрацептивтер, пимозид, хинидин, сиролимус және такролимус сияқты CYP3A4/5 субстраттарымен бір мезгілде қолданудан аулақ болу керек, өйткені бұл препараттардың концентрациясын лорлатиниб төмендетуі мүмкін. CYP2B6 субстраттары 15 күн ішінде тәулігіне бір рет 100 мг дозада лорлатиниб қолдану 100 мг бір реттік пероральді дозаны (CYP2B6 және СYР3А4 біріктірілген субстратты) қабылдағаннан кейін бупропионның AUCinf және Cmax тиісінше 49,5% және 53% - ға төмендеуіне әкелді. Осылайша, лорлатиниб CYP2B6 әлсіз индукторы болып табылады және лорлатинибті негізінен CYP2B6 метаболизденетін дәрілік препараттармен біріктіріп қолданған кезде дозаны түзету талап етілмейді. CYP2C9 субстраттары 15 күн ішінде тәулігіне бір рет 100 мг дозада лорлатиниб қолдану 500 мг бір реттік пероральді дозаны (CYP2C9 сезімтал субстраты) қабылдағаннан кейін толбутамидтің AUCinf және Cmax тиісінше 43% және 15% - ға төмендеуіне әкелді. Осылайша, лорлатиниб әлсіз CYP2C9 индукторы болып табылады және негізінен CYP2C9 метаболизденетін дәрілік препараттар үшін дозаны түзету талап етілмейді. Алайда CYP2C9 метаболизденетін (мысалы, кумариндік антикоагулянттар) тар терапиялық диапазоны бар дәрілік препараттармен қатар ем алып жүрген пациенттердің жағдайына бақылау жүргізу керек. UGT субстраттары 15 күн ішінде тәулігіне бір рет 100 мг дозада лорлатиниб қолдану тиісінше 500 мг бір реттік пероральді дозаны қабылдағаннан кейін (UGT, SULT және CYP1A2, 2A6, 2D6 және 3A4 субстраты) ацетаминофеннің AUCinf және Cmax 45% және 28% - ға төмендеуіне әкелді. Осылайша, лорлатиниб UGT әлсіз индукторы болып табылады және негізінен UGT метаболизденетін дәрілік препараттардың дозасын түзету қажет емес. Алайда UGT метаболиздейтін емдік ауқымы тар дәрілік препараттармен қатарлас ем алатын пациенттердің жағдайына бақылау жүргізу керек. P-гликопротеин субстраттары 15 күн ішінде тәулігіне бір рет 100 мг дозада лорлатиниб қолдану 60 мг бір реттік пероральді дозаны [P-гликопротеиннің сезімтал субстраты (P-gp)] қабылдағаннан кейін фексофенадиннің AUCinf және Cmax тиісінше 67% және 63% - ға төмендеуіне әкелді. Осылайша, лорлатиниб P-gp орташа индукторы болып табылады. P-gp субстраттары (мысалы, дигоксин, дабигатран этексилаты) болып табылатын емдік ауқымы тар дәрілік препараттарды осы субстраттардың плазмадағы концентрациясының төмендеу ықтималдығына байланысты лорлатинибпен бірге сақтықпен қолдану керек. Басқа CYP ферменттерінің тежелуі мен индукциясын in vitro зерттеу In vitro лорлатинибтің CYP1A2 индукциясы жолымен дәріаралық өзара әрекеттесуді туындату әлеуеті төмен. P-gp-ден басқа тасымалдаушылармен in vitro зерттеулер In vitro зерттеулері лорлатиниб клиникалық маңызды концентрацияларда BCRP (асқазан-ішек жолында), OATP1B1, OATP1B3, OCT1, MATE1 және OAT3 тежеуі мүмкін екенін көрсетті. Лорлатинибті BCRP, OATP1B1, OATP1B3, OCT1, MATE1 және OAT3 субстраттарымен бірге сақтықпен қолдану керек, өйткені плазмадағы осы субстраттардың экспозициясындағы клиникалық маңызды өзгерістерді жоққа шығаруға болмайды. • Лорбрена® препаратын тамақпен және сусындармен қабылдау • Лорбрена® препаратымен емдеу кезінде грейпфрут шырыны мен грейпфруттарды пайдалануға болмайды, өйткені олар Сіздің организміңіздегі Лорбрена® препаратының мөлшерін өзгерте алады.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 30 ºС-ден аспайтын температурада сақтау керек. Балалардың қолы жетпейтін жерде сақтау керек!