Лоридамин Форте спрей 3 мг/мл

1 мл препараттың құрамында белсенді зат - бензидамин гидрохлориді 3.0 мг, қосымша заттар: глицерин, этанол 96 %, сахарин, натрий гидрокарбонаты, метилпарагидроксибензоат, бұрыш жалбызы майы, полисорбат 20, тазартылған су. Сыртқы түрінің иісінің, дәмінің сипаттамасы Жалбызға тән иісі бар мөлдір, түссіз ерітінді.

- Ауырсыну синдромымен (тонзиллит, гингивит, глоссит, фарингит, стоматит, афта сияқты және т.б.) қатар жүретін ауыз қуысы мен ЛОР-ағзаларындағы қабыну жағдайларын симптоматикалық емдеу. - Консервативті стоматологиялық емшаралардан немесе тіс экстракциясынан кейін жергілікті симптоматикалық емдеу.

ATХ коды A01AD02 Әсер ету механизмі Молекулалық деңгейде бензидамин басқа қабынуға қарсы цитокиндерге (IL-6, IL-8) немесе қабынуға қарсы цитокиндер сияқты (IL-10 және IL -1 рецепторларының антагонисті) айтарлықтай әсер етпестен альфа ісік некрозының факторы (TNFα) және аз дәрежеде интерлейкин 1β (IL-1β) және CCL2 (MCP-1) өндірілуін қоса, қабынуға қарсы цитокиндерге басатын әсер арқылы әсер етеді. Сонымен қатар, нейтрофилдердің тотығып жарылуын тежеуін, сондай-ақ нейтрофил түйіршіктерінің бөлінуін тежеу және лизосомалардың тұрақтануы мысалында көрсетілген жарғақшалардың тұрақтануын қоса алғанда, басқа әсер ету механизмдерін болжауға болады. Бензидамин сонымен қатар простагландин синтезінің әлсіз тежегіші болып табылады, циклооксигеназа мен липооксигеназа белсенділігін бар болғаны 1 мМ және одан жоғары концентрацияда тиімді тежейді. Қабынуға қарсы әсерден басқа, бензидамин катиондық арналармен өзара әрекеттесуге байланысты ауырсынуды басатын және жергілікті анестезиялық әсерге ие. Бензидамин (индазолдың аналогы) әлсіз негіз болып табылатынына және оның физика-химиялық қасиеттері мен фармакологиялық белсенділігі бойынша қышқылдар болатынына немесе қышқылдарға дейін метаболизденетін аспиринді ҚҚСП-тан ерекшеленетініне қарамастан, өзінің ауырсынуды басатын әсері қабыну процестерімен туындаған ауырсынуда барынша күшті көрсетеді. Клиникалық тиімділік және қауіпсіздік Клиникалық зерттеулердің деректері ауыз қуысының немесе жұтқыншақтың жергілікті қабыну процестерінде бензидаминнің тиімділігін растайды. Жергілікті қолданғанда бензидамин қабынуға қарсы және орташа анестезиялық әсері бар антисептик ретінде әсер етеді.

Дозалау режимі Препарат ересек пациенттерде, соның ішінде тамақ шаюға қиналатын адамдарда қолдануға арналған. Ересектер мен 12 жастан асқан жасөспірімдер: 2-4 рет бүркуден (дозасы), тәулігіне 2-6 рет. Ұсынылған дозадан асырмаңыз. Енгізу әдісі мен жолы Жергілікті, тамақтан кейін.

- бензидаминге немесе «Дәрілік препараттың құрамы» бөлімінде аталған қосымша заттардың кез келгеніне аса жоғары сезімталдық.

Жиі емес - фотосезімталдық Сирек - аса жоғары сезімталдық реакциялары - ауызды ашыту сезімі және құрғауы (ксеростомия) Өте сирек - ларингоспазм - бронх түйілуі - ангионевроздық ісіну Белгісіз (қолда бар деректер негізінде бағалау мүмкін емес) - анафилаксиялық реакциялар Жағымсыз дәрілік реакциялар туындаған кезде медициналық қызметкерге, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Улану бензидаминнің көп мөлшерін (> 300 мг) кездейсоқ жұтып қойған кезде ғана болуы ықтимал. Симптомдары Ішке қабылдаған кезде бензидаминмен артық дозалануға байланысты негізгі симптомдары асқазан-ішектік бұзылулар және орталық жүйке жүйесі тарапынан бұзылулар болып табылады. Асқазан-ішектің жиі кездесетін бұзылулары жүрек айнуы, құсу, іштің ауыруы және өңештің тітіркенуі болып табылады. Орталық жүйке жүйесі тарапынан бұзылуларға бас айналу, елестеу, қозу, мазасыздық және ашушаңдық кіреді. Емі Жедел артық дозалану жағдайында тек симптоматикалық ем мүмкін болады. Пациентке қатаң медициналық бақылау жүргізу және демеуші емдеу тағайындау қажет. Тиісті гидратацияны қамтамасыз ету керек.

Препаратты ұзақ уақыт қолдану препараттың құрамындағы белсенді немесе қосымша заттарға жоғары сезімталдыққа әкелуі мүмкін. Бұл жағдайда емдеуді тоқтату керек. Кейбір жағдайларда ауыр қабыну процесі ұрттың немесе жұтқыншақтың шырышты қабығының ойық жарасын тудыруы мүмкін. Егер емдеудің 3 күнінде жақсару байқалмаса немесе қабыну симптомдары күшейсе, кеңес алу үшін емдеуші дәрігерге немесе стоматологқа жүгіну қажет. Бензидаминді салицил қышқылына немесе басқа қабынуға қарсы стероидты емес препараттарға сезімталдығы жоғары пациенттерге қолдану ұсынылмайды. Бронх демікпесі бар пациенттерге (оның ішінде анамнезінде) препаратты қабылдау аясында бронх түйілудің даму мүмкіндігіне байланысты препаратты сақтықпен қолдану керек. Арнайы ескертулер Препараттың құрамында өкпеден ауыз арқылы деммен шығарылған ауада анықтауға болатын дозасына/17,0 мг этанолдың аз мөлшері бар. Препарат құрамында аллергиялық реакцияларды (баяу типті болуы мүмкін) және ерекше жағдайларда бронх түйілуін тудыруы мүмкін метилпарагидроксибензоат бар. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бензидаминді ұсынылған дозада қолдану көлік жүргізу немесе механизмдермен жұмыс істеу қабілетіне әсер етпейді.

Жүктілік кезінде Лоридамин Форте препаратын қолдану туралы деректер жоқ. Жүктіліктің үшінші триместрінде простагландинсинтетаза тежегіштерін жүйелі қолдану шаранада жүрек-өкпе және бүйрек уыттылығын тудыруы мүмкін. Жүктіліктің соңында ана мен балада ұзақ қан кету, сондай-ақ босанудың кешігуі байқалуы мүмкін. Жергілікті қолданғаннан кейін қол жеткізілген Лоридамин Форте препараты жүйелік экспозициясының эмбрионға/шаранаға зиян тигізіп-тигізбейтіні белгісіз. Сондықтан Лоридамин Форте препаратын анық қажеттілік жағдайларын қоспағанда, жүктілік кезінде қолдануға болмайды. Қолдану кезінде доза өте аз болуы керек, ал емдеу ұзақтығы мүмкіндігінше қысқа болуы керек. Бала емізу кезеңінде бензидаминді қолдану туралы жеткілікті ақпарат жоқ. Емшек сүтімен бензидамин гидрохлоридінің бөлінуі зерттелмеген. Сондықтан, бала емізу кезеңінде препаратты қолдануға болмайды.

Нұсқаулықта көрсетілмеген.

Сақтау мерзімі 3 жыл. Қаптаманы алғаш ашқаннан кейін сақтау мерзімі 6 ай. Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!