Лориста® таблетки 25 мг

Бір таблетканың құрамында белсенді зат – 25 мг, 50 мг немесе 100 мг калий лозартаны, қосымша заттар: целлактоза (лактоза моногидраты және целлюлоза ұнтағы), желатинделген крахмал, жүгері крахмалы, микрокристалды целлюлоза, сусыз коллоидты кремнийдің қостотығы, магний стеараты, қабықтың құрамы: гипромеллоза, тальк, пропиленгликоль, титанның қостотығы (Е171) (25 мг, 50 мг, 100 мг дозалар үшін), хинолинді сары (Е104) (25 мг доза үшін) Сыртқы түрінің, иісінің, дәмінің сипаттамасы Сары түсті үлбірлі қабықпен қапталған, екі жақ беті сәл дөңес, бір жақ бетінде сызығы бар сопақша пішінді таблеткалар (25 мг доза үшін). Ақ түсті үлбірлі қабықпен қапталған, екі жақ беті сәл дөңес, бір жақ бетінде сызығы және кертігі бар дөңгелек пішінді таблеткалар (50 мг доза үшін). Ақ түсті үлбірлі қабықпен қапталған, екі жақ беті сәл дөңес, сопақша пішінді таблеткалар (100 мг доза үшін).

- ересектерде эссенциальді артериялық гипертензияны емдеу үшін - артериялық гипертензиясы және протеинуриясы тәулігіне ≥0,5 г болатын 2-типті қант диабеті бар ересек пациенттерде бүйрек ауруларын, гипотензивті емнің бір бөлігі ретінде, емдеу үшін - жүректің созылмалы жеткіліксіздігін (сол жақ қарыншаның лықсу фракциясы ≤40%, клиникалық тұрғыдан тұрақты жағдай) ангиотензин өзгертуші фермент тежегіштерін, әсіресе жөтел дамығанда, оның жағымсыз болуы себебінен қолдану мүмкін емес деп саналғанда, немесе оларды тағайындауға болмайтын жағдайда емдеу үшін - артериялық гипертензиясы және ЭКГ-мен расталған сол жақ қарынша гипертрофиясы бар ересек пациенттерде инсульттің даму қаупін төмендету үшін

АТX коды С09СA01 Лориста - гипертензияға қарсы препарат, ангиотензин ІІ (АТ1 типі) рецепторларының пероральді селективті антагонисі. Ангиотензин II ренин-ангиотензин жүйесінің белсенді гормоны және артериялық гипертензия патофизиологиясының маңызды факторларының бірі болып табылады. Ангиотензин II әртүрлі тіндерде (мысалы, қантамырлардың тегіс бұлшықетіндегі тіндерде, бүйрекүсті бездерінде, бүйректе және жүректе) АТ1 рецепторларымен байланысады, және қантамырлардың тарылуын және альдостеронның босап шығуын қоса, бірқатар маңызды биологиялық әсерлерді туындатады. Ангиотензин II сондай-ақ тегіс бұлшықет жасушаларының пролиферациясын стимуляциялайды. Лозартан және оның фармакологиялық тұрғыдан белсенді Е3174 метаболиті ангиотензин II-нің барлық физиологиялық әсерлерін, оның биосинтезінің көзі мен жолдарына қарамай, бөгеттейді. Лориста АТ1 рецепторларды іріктеп бөгеттейді және басқа гормондардың рецепторларын немесе жүрек-қантамыр жүйесінің қызметін реттеуге жауап беретін иондық өзекшелерді бөгеттейді. Бәрінен бұрын, лозартан брадикининнің ыдырауына мүмкіндік беретін фермент – ангиотензинді өзгертетін ферменттің (ІІ кининазаның) белсенділігін бәсеңдетпейді. Жеңіл және орташа дәрежедегі артериялық гипертензиясы бар пациенттерде лозартан дозасын бір реттік қабылдау систолалық және диастолалық артериялық қысымды статистикалық тұрғыдан маңызды төмендететінін көрсетеді. Оның ең жоғары әсері препаратты қабылдағаннан кейін 6 сағаттан соң дамиды, емдік әсері 24 сағатқа сақталады, сондықтан оны тәулігіне бір рет қабылдау жеткілікті. Гипертензияға қарсы әсері емдеудің алғашқы аптасы ішінде дамиды, ал содан кейін біртіндеп жоғарылайды да, 3-6 аптадан соң тұрақтанады. Лориста препаратының тиімділігі еркектерде және әйелдерде, сондай-ақ егде жастағыларды (≥ 65 жас) және жастау пациенттерде (≤ 65 жас) бірдей. Лозартанды қабылдауды артериялық гипертензиясы бар пациенттерде тоқтату артериялық қысымның күрт жоғарылауына әкелмейді. Артериялық қысымның айқын төмендеуіне қарамастан, лозартан жүректің жиырылуына клиникалық тұрғыдан маңызды әсерін тигізбейді.

Дозалау режимі Ересектерге Ішке, тамақ ішуге қарамай қабылдайды. Таблетканы шайнамай, стақан сумен ішіп, жұтады. Қабылдау жиілігі – тәулігіне 1 рет. Артериялық гипертензия Көптеген пациенттер үшін бастапқы және демеуші доза тәулігіне бір рет 50 мг құрайды. Емдеуді бастағаннан кейін 3 аптадан бастап 6 аптаға дейін гипертензияға қарсы ең жоғары әсерге қол жеткізіледі. Кейбір пациенттерде препарат дозасын тәулігіне бір рет (таңертең) 100 мг-ге дейін арттыру қажет болуы мүмкін. Артериялық гипертензия протеинуриясы күніне ≥0,5 г болатын ІІ типті қант диабеті бар пациенттерде Әдеттегі бастапқы дозасы тәулігіне бір рет 50 мг құрайды. Емдеуді бастағаннан кейін бір айдан соң доза артериялық қысымның нәтижелерінің негізінде тәулігіне бір рет 100 мг-ге дейін арттырылуы мүмкін. Лозартанды гипертензияға қарсы басқа препараттармен (мысалы, диуретиктермен, кальций өзекшелерінің блокаторларымен, альфа- немесе бета- блокаторларымен және орталықтық әсері бар препараттармен) қатар, сондай-ақ инсулинмен және басқа да кеңінен қолданылатын гипогликемиялық препараттармен (мысалы, сульфонилмочевина, глитазондар, глюкозидаза тежегіштері) бірге қолдануға болады. Жүрек жеткіліксіздігі Лориста® препаратының бастапқы дозасы жүрек жеткіліксіздігі бар пациенттерде тәулігіне бір рет қабылданатын 12,5 мг құрайды. Әдетте пациенттерге жағымдылығы жақсы, тәулігіне 50 мг демеуші дозаға жеткізу үшін препарат дозасын 12,5 мг-ден бір апталық аралықпен (яғни тәулігіне 12,5 мг, тәулігіне 25 мг, тәулігіне 50 мг, тәулігіне 100 мг дозаны тәулігіне бір реттік 150 мг ең жоғары дозаға дейін) біртіндеп арттыру қажет. АӨФ тежегіштерін қолданған кезде жағдайы тұрақтанған жүрек жеткіліксіздігі бар пациенттерді лозартанмен емдеуге ауыстырмаған жөн. Артериялық гипертензиясы және ЭКГ-мен расталған сол жақ қарынша гипертрофиясы бар ересек пациенттерде инсульттің даму қаупін төмендету Әдеттегі бастапқы доза тәулігіне бір рет 50 мг лозартанды құрайды. Артериялық қысым көрсеткіштерінің негізінде гидрохлортиазидтің төмен дозасы қосылуы мүмкін және/немесе дозаны тәулігіне 100 мг-ге дейін арттырған жөн. Пациенттердің ерекше топтары Айналымдағы қан көлемі төмендеген пациенттерде қолдану Айналымдағы қан көлемі төмен пациенттерде (мысалы, диуретиктердің жоғары дозаларымен емдеу салдарынан) препаратты тәулігіне бір рет 25 мг бастапқы дозада қолдану туралы мәселені қарастыру керек. Бүйрек жеткіліксіздігі бар пациенттерде және гемодиализдегі пациенттерде қолдану Бүйрек жеткіліксіздігі бар пациенттерде және гемодиализдегі пациенттерде препараттың бастапқы дозасын түзету талап етілмейді. Бауыр жеткіліксіздігі бар пациенттерде қолдану Анамнезінде бауыр жеткіліксіздігі бар пациенттерде препаратты неғұрлым төмен дозада қолдану туралы мәселені қарастыру керек. Бауырдың ауыр жеткіліксіздігі бар пациенттерде препаратты қолданудың емдік тәжірибесі жоқ. Демек, лозартан бауырдың ауыр жеткіліксіздігі бар пациенттерге қарсы көрсетілген. Егде жастағы пациенттерде қолдану Әдетте, егде жастағы пациенттер үшін бастапқы дозаны түзету талап етілмейді, дегенмен препаратты 75 жастан асқан пациенттер үшін 25 мг бастапқы дозада қолдану мүмкіндігін ескеру керек. Енгізу әдісі және жолы Ішке қабылдау үшін. Препаратты тамақтануға байланыссыз қабылдауға болады. Таблетканы су іше отырып, шайнамай, бүтіндей жұту керек. Қолдану жиілігі және уақыты Тәулігіне бір рет. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Осы дәрілік препаратты қолдану бойынша қосымша сұрақтар пайда болған кезде дәрігердің немесе фармацевттің кеңесіне жүгіну керек.

• әсер етуші заттарға немесе қосымша заттардың кез келгеніне аса жоғары сезімталдық • бауырдың ауыр жеткіліксіздігі • қант диабеті бар пациенттерде алискиренмен бірге қолдану • жүктілік және лактация кезеңі • 18 жасқа дейінгі балалар мен жасөспірімдер • лозартанды құрамында алискирин бар препараттармен бір уақытта қолдану қант диабетімен немесе бүйрек жеткіліксіздігімен (ШСЖ < 60 мл/мин/1,73 м²) ауыратын пациенттерге қарсы көрсетілген.

Жағымсыз реакциялар жиілігінің сандық критерийлері және жүйелік-ағзалық жіктемеге сәйкес және олардың пайда болу жиілігіне сәйкес жағымсыз реакциялардың жіктемесі (Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес)). 1-кесте. Плацебо-бақыланатын клиникалық зерттеулер мен маркетингтен кейін қолдану барысында анықталған жағымсыз реакциялардың жиілігі. Жағымсыз реакция — Әртүрлі көрсетілімдер кезіндегі жағымсыз реакциялардың жиілігі — Басқа Гипертензия — Гипертензия және сол жақ қарыншаның гипертрофиясы — Созылмалы жүрек жеткіліксіздігі — Гипертензия және бүйрек ауруларымен қатар жүретін қант диабетінің II типі — Маркетингтен кейінгі тәжірибе Қан және лимфа жүйесі тарапынан бұзылулар анемия — жиі — Белгісіз тромбоцитопения — Белгісіз Иммундық жүйе тарапынан бұзылулар: гиперсезімталдық реакциялары, анафилактикалық реакциялар, ісіну*, васкулит** — сирек Психикалық бұзылулар депрессия — Белгісіз Жүйке жүйесі тарапынан бұзылулар бас айналу — жиі — жиі — жиі — жиі ұйқышылдық — жиі емес бас ауруы — жиі емес — жиі емес ұйқының бұзылуы — жиі емес парестезия — сирек бас сақинасы — Белгісіз дисгевзия — Белгісіз Есту ағзасы және лабиринт тарапынан бұзылулар бас айналу (вертиго) — жиі — жиі құлақтағы шу/шыңыл — Белгісіз Жүрек тарапынан бұзылулар жүрек қағуын сезіну (пальпитация) — жиі емес стенокардия — жиі емес синкопе — сирек жүрекше фибрилляциясы — сирек цереброваскулярлық құбылыстар — сирек Қантамырлар тарапынан бұзылулар ортостаздық гипотензия, оның ішінде дозаға тәуелді ортостаздық әсер3 — жиі емес — жиі — жиі Тыныс алу жүйесі, кеуде қуысы және көкірек ортасы ағзалары тарапынан бұзылулар диспноэ — жиі емес жөтел — жиі емес — Белгісіз Асқазан-ішек жолы тарапынан бұзылулар абдоминальды ауырсыну — жиі емес ішек бітелісі — жиі емес диарея — жиі емес — Белгісіз жүрек айну — жиі емес құсу — жиі емес абдоминальды ауырсыну — жиі емес Бауыр және өт шығару жолы тарапынан бұзылулар панкреатит — Белгісіз гепатит — сирек бауыр қызметінің бұзылыстары — Белгісіз Тері және тері асты тіндері тарапынан бұзылулар есекжем — жиі емес — Белгісіз қышыну — жиі емес — Белгісіз бөртпе — жиі емес — жиі емес — Белгісіз фотосезімталдық — Белгісіз Бұлшықет, қаңқа және дәнекер тіндері тарапынан бұзылулар миалгия — Белгісіз артралгия — Белгісіз рабдомиолиз — белгісіз Бүйрек және несеп шығару жолы тарапынан бұзылулар бүйрек функциясының бұзылысы — жиі бүйрек жеткіліксіздігі — жиі Ұрпақ өрбіту және сүт бездері тарапынан бұзылулар эректильді дисфункция, импотенция — Белгісіз Жалпы бұзылулар және енгізу орнындағы реакциялар астения — жиі емес — жиі — жиі емес — жиі қажу — жиі емес — жиі — жиі емес — жиі ісінулер — жиі емес жалпы дімкастану сезімі — Белгісіз Зертханалық және аспаптық деректер гиперкалиемия — жиі — жиі емес† — жиі‡ аланинаминотрансфераза (АЛТ) деңгейінің жоғарылауы⁶ — сирек қандағы мочевина, креатинин және калий деңгейінің жоғарылауы — жиі гипонатриемия — Белгісіз гипогликемия — жиі оның ішінде көмей мен дауыс саңылауының ісінуі, бұл тыныс алу жолдарының бітелуіне әкелуі мүмкін, және/немесе беттің, еріндердің, жұтқыншақтың және/немесе тілдің ісінуі; осындай науқастардың кейбірінде басқа дәрілерді, соның ішінде АПФ тежегіштерін қолдануға байланысты ангионевроздық ісіну болған. оның ішінде Шенлейн–Генох пурпурасы. ║ әсіресе қан тамырішілік гиповолемиясы бар науқастарда, мысалы ауыр жүрек жеткіліксіздігі бар немесе жоғары дозада диуретиктер қабылдайтын науқастарда. † бұл жағымсыз реакция лозартанның 150 мг дозасын қабылдаған науқастарда, 50 мг дозасын қабылдағандарға қарағанда жиірек байқалған. ‡ 2 типті қант диабеті және нефропатиясы бар пациенттер қатысқан клиникалық зерттеуде гиперкалиемия (>5,5 ммоль/л) лозартан қабылдағандардың 9,9 %-ында және плацебо қабылдағандардың 3,4 %-ында байқалған. § әдетте бұл жағымсыз реакция лозартанды тоқтатқаннан кейін жоғалып кеткен. Келесі қосымша жағымсыз реакциялар лозартан қабылдаған науқастарда плацебо қабылдағандарға қарағанда жиірек байқалды (жиілігі белгісіз): арқадағы ауырсыну, несеп шығару жолдарының инфекциялары және тұмауға ұқсас белгілер. Бүйрек және несеп шығару жүйесі тарапынан болатын бұзылулар: Ренин-ангиотензин-альдостерон жүйесін тежеу нәтижесінде қауіп факторлары бар пациенттерде бүйрек функциясының бұзылуы, соның ішінде бүйрек жеткіліксіздігі туралы хабарланған; бұл бүйрек функциясының өзгерістері емдеуді тоқтатқаннан кейін қайтымды болуы мүмкін. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: артериялық гипотензия және тахикардия; парасимпатикалық (вагустық) стимуляцияға байланысты брадикардия дамуы мүмкін. Емі: шаралар препаратты қабылдау уақытына, симптомдардың түріне және ауырлығына байланысты. Бірінші дәрежедегі маңыздысы қан айналымы жүйесінің тұрақтануына көңіл бөлінуі керек. Белсендірілген көмірді қолдану және өмірлік маңызды функцияларды бақылау ұсынылады. Гемодиализ тиімді емес, өйткені лозартан да, оның белсенді метаболиті де гемодиализ кезінде шығарылмайды.

Аса жоғары сезімталдық Анамнезінде ангиоэдемасы (беттің, еріннің, тамақтың және/немесе тілдің ісінуі) бар пациенттер дәрігердің мұқият бақылауында болуы керек. Артериялық гипотензия және су-электролиттік теңгерімсіздігі Күшті диуретиктерді қолданудан, тұзды пайдалануды диеталық шектеуден, диареядан немесе құсудан туындаған сұйықтық көлемі төмендеген және/немесе натрий тапшы болған пациенттерде, әсіресе алғашқы дозасынан кейін симптоматикалық гипотензия пайда болуы мүмкін. Лозартанмен емдеуді бастар алдында мұндай жағдайлар түзетуді қажет етеді немесе бастапқы өте төмен дозада қолданған жөн. Электролиттік теңгерімсіздік Электролиттік теңгерімсіздік бүйрек функциясы бұзылған (қант диабеті бар немесе онсыз) пациенттерде жиі байқалады, бұны назарда ұстаған жөн. Нефропатиямен бірге 2-типті қант диабеті бар пациенттерде гиперкалиемияның пайда болу жиілігі, плацебо қолданған топтағымен салыстырғанда, лозартан қабылдаған пациенттер тобында жоғары болды. Сондықтан, әсіресе жүрек жеткіліксіздігі бар және креатинин клиренсі минутына 30–50 мл болатын пациенттерде қан плазмасындағы калий концентрациясын және креатинин клиренсінің көрсеткіштерін ұдайы тексерген жөн. Калий жинақтайтын диуретиктерді, калий қоспаларын және құрамында калий бар тұз алмастырғыштарды лозартанмен бір мезгілде қолдану ұсынылмайды. Бауыр жеткіліксіздігі Бауыр циррозы бар пациенттерде қан плазмасындағы лозартан концентрациясының едәуір жоғарылағанын көрсететін фармакокинетикалық деректерді негізге ала отырып, анамнезінде бауыр жеткіліксіздігі бар пациенттерде өте төмен дозаны қолдануды қарастырған жөн. Бауырдың ауыр жеткіліксіздігі бар пациенттерге лозартанды емдік қолдану тәжірибесі жоқ. Сондықтан бауырдың ауыр жеткіліксіздігі бар пациенттерге лозартанды қолдануға болмайды. Бүйрек жеткіліксіздігі Ренин-ангиотензин-альдостерон жүйесінің тежелуі нәтижесінде бүйрек жеткіліксіздігін қоса, бүйрек функциясының өзгерулері байқалды (әсіресе жүректің ауыр жеткіліксіздігі бар немесе бұрыннан бүйрек функциясының бұзылулары бар пациенттер сияқты бүйрек функциясы ренин-ангиотензин-альдостерон жүйесіне тәуелді пациенттерде). Ренин-ангиотензин-альдостерон жүйесіне ықпалын тигізетін басқа дәрілік заттарды қолданған кездегі сияқты, бүйрек артерияларының екі жақты стенозы немесе жалғыз бүйрек артериясының стенозы бар пациенттерде қандағы мочевина және қан плазмасындағы креатинин деңгейлерінің жоғарылағаны байқалды, бүйрек функциясындағы осы өзгерулер емдеуді тоқтатқаннан кейін қайтымды болуы мүмкін. Лозартанды бүйрек артерияларының екі жақты стенозы немесе жалғыз бүйрек артериясының стенозы бар пациенттерде сақтықпен қолданған жөн. Бүйрек трансплантациясы Бүйрегіне трансплантация жасалған пациенттерде препаратты қолдану тәжірибесі жоқ. Алғашқы гиперальдостеронизм Алғашқы альдостеронизмі бар пациенттерде, әдеттегідей, ренин-ангиотензин жүйесін тежеу арқылы әсер ететін гипертензияға қарсы препараттарды қолдануға әсер беруі байқалмайды. Сондықтан лозартанды пациенттердің осы тобы үшін қолдану ұсынылмайды. Жүректің ишемиялық аурулары және цереброваскулярлық аурулар: Гипертензияға қарсы басқа дәрілерді қолданған жағдайлардағы сияқты, жүректің ишемиялық аурулары және цереброваскулярлық аурулары бар пациенттерде артериялық қысымның шамадан тыс төмендеуі миокард инфарктісінің немесе инсульттің дамуына әкеп соғуы мүмкін. Жүрек жеткіліксіздігі Ренин-ангиотензин-альдостерон жүйесіне ықпалын тигізетін басқа препараттарды қолданған кездегі сияқты, бүйрек функциясының бұзылуы бар немесе онсыз жүрек жеткіліксіздігі бар пациенттерде ауыр артериялық гипотензия және (жиі жедел) бүйрек жеткіліксіздігінің даму қаупі бар. Жүрек жеткіліксіздігі және бүйректің қатар жүретін ауыр жеткіліксіздігі бар пациенттерде, жүректің ауыр жеткіліксіздігі (NYHA бойынша ІV класс) бар пациенттерде, сондай-ақ жүрек жеткіліксіздігі және симптоматикалық, өмір үшін қауіпті жүрек аритмиясы бар пациенттерде лозартанды қолданудың жеткілікті тәжірибесі жоқ. Сондықтан лозартанды пациенттердің осы тобына сақтықпен қолданған жөн. Лозартанның бета-блокаторлармен біріктірілімін абайлап қолдану керек. Аортальді және митральді клапандардың стенозы, обструктивті гипертрофиялық кардиомиопатия. Басқа вазодилататорларды қолданған кездегі сияқты, препаратты аортальді және митральді клапандардың стенозы, обструктивті гипертрофиялық кардиомиопатиясы бар пациенттерге аса сақтықпен тағайындайды. Ренин-ангиотензин-альдостерон жүйесінің қосарлы блокадасы (РААЖ) АӨФ тежегіштерін, ангиотензин II рецепторларының блокаторларын немесе алискиренді бір мезгілде қолдану гипотония, гиперкалиемия, және бүйрек функциясының функциясы төмендету (бүйректің жедел жеткіліксіздігін қоса) қаупін арттыратыны жөнінде деректер бар. Сондықтан АӨФ тежегіштерін, ангиотензин II рецепторларының блокаторларын немесе алискиренді біріктіріп қолдану жолымен РААЖ қосарлы блокадасы ұсынылмайды. Егер қосарлы блокадамен емдеу абсолютті түрде қажет деп саналса, онда мұны мамандардың бақылауымен және бүйрек функциясына, электролиттерге және артериялық қысымға жиі мониторинг жасай отырып жүргізу қажет. АӨФ тежегіштері және ангиотензин II рецепторларының блокаторлары диабеттік нефропатиясы бар пациенттерде бір мезгілде қолданылмауы тиіс. Ішектің ангионевроздық ісінуі Ішектің ангионевроздық ісінуі ангиотензин II рецепторларының антагонистерін, соның ішінде лозартанды қабылдаған пациенттерде байқалған. Бұл пациенттерде іштің ауыруы, жүрек айну, құсу және диарея сияқты белгілер байқалды. Белгілер ангиотензин II рецепторларының антагонистерін тоқтатқаннан кейін жоғалып кетті. Ішек ангионевроздық ісінуі диагнозы қойылған жағдайда лозартан қабылдауды тоқтатып, симптомдар толық жойылғанға дейін тиісті бақылау жүргізу қажет. Басқа да ескертулер және сақтық шаралары АӨФ тежегіштері, лозартан және басқа да ангиотензин антагонистерінің қара нәсілді адамдарда, басқаларға қарағанда, азырақ тиімді екендігі білінді, бұл бәлкім, осы гипертензиялық тұрғындарда рениндік төмен жағдайдың басым болуымен байланысты екендігі байқалды. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Көлік құралын басқарғанда және потенциалды қауіпті механизмдерді пайдаланғанда кейде гипертензияға қарсы дәрілерді қабылдағанда, әсіресе ем басталған кезде немесе дозасын арттырғанда, бас айналу немесе ұйқышылдық пайда болуы мүмкін екендігін ескеру керек.

Жүктіліктің бірінші триместрінде ангиотензин II (АРА II) рецепторларының антагонистерін қолдану ұсынылмайды. Жүктіліктің екінші және үшінші триместрінде АРА II қолдану қарсы көрсетілген. Жүктіліктің бірінші триместрінде АӨФ тежегіштерін қолдану кезіндегі тератогенділік қаупіне қатысты эпидемиологиялық деректер сенімді болып табылмайды; алайда қауіптің шамалы ұлғаюын жоққа шығаруға болмайды. АРА ІІ қабылдаумен байланысты қауіптер туралы бақыланатын эпидемиологиялық деректердің болмауына қарамастан, препараттардың осы классы үшін де осындай қауіптер болуы мүмкін. Егер АРА ІІ емін жалғастыру қажет деп есептелмесе, жүктілікті жоспарлаған пациенттерді жүктілік кезінде қолдану кезінде қауіпсіздік бейіні зерттелген баламалы гипотензиялық препараттарға ауыстыру керек. Жүктілік анықталған кезде АРА ІІ емдеуді дереу тоқтатып, қажет болған жағдайда баламалы емді бастау керек. Екінші және үшінші триместрдегі АРА II емінің әсері адамдарда фетоуыттылықты (бүйрек функциясының төмендеуі, судың аздығы, бас сүйегінің сүйектенуінің баяулауы) және неонатальді уыттылықты (бүйрек жеткіліксіздігі, гипотензия, гиперкалиемия) тудыратыны белгілі. Егер АРА II әсері жүктіліктің екінші триместрінде пайда болса, бүйрек пен бас сүйегінің ультрадыбыстық зерттеуі ұсынылады. Аналары АРА II қабылдаған сәбилер гипотензия мәніне мұқият бақылауда болуы тиіс. Емшек емізу кезінде лозартанды қолдану туралы ақпараттың болмауына байланысты препаратты қабылдауға ұсынылмайды. Емшек емізу кезінде, әсіресе жаңа туған немесе шала туған баланы тамақтандыру кезінде көбірек зерттелген қауіпсіздік бейіні бар балама емдеу әдістері ұсынылады. Қосымша заттар туралы ақпарат Лориста® құрамында лактоза бар. Егер сіздің дәрігеріңіз сізге кейбір қанттардың жақпаушылығы бар деп айтса, осы дәрілік препаратты қабылдамас бұрын дәрігерге қаралыңыз.

Гипертензияға қарсы басқа препараттар лозартанның гипотензиялық әсерін күшейтуі мүмкін. Жағымсыз реакциялар ретінде артериялық гипотензияның пайда болуын индукциялауы мүмкін басқа препараттармен (мысалы, трициклді антидепрессанттар, психозға қарсы дәрілер, баклофен және амифостин) бір мезгілде қолдану гипотензияның туындау қаупін арттыруы мүмкін. Лозартан көбіне Р450 (CYP) 2С9 цитохромы жүйесінің қатысуымен белсенді карбоксиқышқыл метаболитке дейін метаболизденеді. Флуконазолдың (CYP2С9 тежегіші) белсенді метаболиттің экспозициясын шамамен 50%-ға азайтатыны анықталды. Сондай-ақ лозартанмен және рифампицинмен (ферменттер метаболизмінің индукторы) бір мезгілде емдеу белсенді метаболиттің плазмалық концентрациясының 40%-ға төмендеуіне әкелетіні анықталды. Осы әсердің клиникалық маңызы белгісіз. Флувастатинмен (CYP2С9 әлсіз тежегіші) бірге емдегенде әсерінде ешқандай айырмашылықтар байқалған жоқ. Ангиотензин II-ні немесе оның әсерлерін бөгейтін басқа дәрілік заттарды қолданған кездегі сияқты, құрамында калий бар (мысалы, калий жинақтайтын диуретиктер: амилорид, триамтерен, спиронолактон), немесе калий деңгейін арттыруы мүмкін басқа препараттарды (мысалы, гепарин), сондай-ақ калий қоспаларын немесе құрамында калий бар тұз алмастырғыштарды бір мезгілде пайдалану қан плазмасындағы калий деңгейінің артуына әкелуі мүмкін. Біріктіріп қолдану қолайлы емес. Литийді АӨФ тежегіштерімен, және өте сирек жағдайларда ангиотензин ІІ рецепторының антагонистерімен қатар қабылдау кезінде қан плазмасында литий концентрацияларының қайтымды жоғарылағаны білінді. Литийді және лозартанды бірге қолданғанда сақтық танытқан жөн. Егер мұндай біріктірілімді қолдану қажет болса, қатар қолдану барысында қан плазмасындағы литий деңгейін бақылау ұсынылады. Ангиотензин ІІ антагонистерін қабынуға қарсы стероидты емес заттармен (яғни, ЦОГ-2 селективті тежегіштерімен, қабынуға қарсы әсер ететін дозалардағы ацетилсалицил қышқылымен, және қабынуға қарсы стероидты емес селективті емес дәрілермен) бір мезгілде қолданғанда гипертензияға қарсы әсері азаюы мүмкін. Ангиотензин ІІ антагонистерін және диуретиктерді немесе қабынуға қарсы стероидты емес заттарды бірге қолдану, әсіресе бүйрек функциясының бұзылулары бар пациенттерде, бүйрек функциясының ықтимал жедел жеткіліксіздігін қоса, бүйрек функциясының нашарлау қаупінің ұлғаюына, сондай-ақ қан плазмасындағы калий деңгейінің артуына әкеп соғуы мүмкін. Мұндай біріктірілім әсіресе егде жастағы пациенттерге сақтықпен қолданылуы тиіс. Пациенттер сұйықтықты жеткілікті мөлшерде қабылдауы тиіс, және біріктіріп емдеуді бастағаннан кейін, сондай-ақ одан кейін мезгіл-мезгіл бүйрек функциясын тиянақты бақылау қажет. Қосарлы блокаданы (мысалы, АӨФ тежегішін ангиотензин II рецепторларының антагонисімен бірге қолдану), бүйрек функциясына тиянақты мониторинг жүргізумен бірге, әрбір жағдайды жекелей қарастыра отырып, шектеген жөн. Кейбір зерттеулер, ренин-ангиотензин-альдостерон жүйесіне ықпалын тигізетін бір препаратты қолданумен салыстырғанда, атеросклероз ауруы, жүрек жеткіліксіздігі немесе негізгі нысана - ағзаны зақымдайтын диабет диагнозы қойылған пациенттерде ренин-ангиотензин-альдостерон жүйесінің қосарлы блокадасы артериялық гипотензияның, естен танудың, гиперкалиемияның және бүйрек функциясы бұзылуының (бүйректің жедел жеткіліксіздігін қоса) пайда болуының жоғары жиілігімен астасатындығын көрсетті. Ренин-ангиотензин-альдостерон жүйесінің қосарлы блокадасы РААЖ блокаторының біреуін пайдаланумен салыстырғанда, АӨФ тежегіштерін, ангиотензин II рецепторларының блокаторларын немесе алискиренді біріктіріп қолдану арқылы ренин-ангиотензин-альдостерон жүйесінің (РААЖ) қосарлы блокадасы гипотензия, гиперкалиемия, және бүйрек функциясының төмендеуі (соның ішінде бүйректің жедел жеткіліксіздігі) сияқты жағымсыз әсерлердің өте жоғары жиілігімен байланысты болатындығы анықталды. Грейпфрут шырынында CYP450 ферменттерін тежейтін компоненттер бар және ол лозартанның белсенді метаболитінің концентрациясын төмендетуі мүмкін, бұл терапиялық әсердің әлсіреуіне әкелуі ықтимал. Лозартан таблеткаларын қабылдау кезінде грейпфрут шырынын ішуден аулақ болыңыз.

Сақтау мерзімі 5 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек.