Лорноксикам лиофилизированный 8 мг/2 мл

1 мл препараттың құрамында белсенді зат – лорноксикам 4.00 мг, қосымша заттар: маннитол, трометамин, динатрий ЭДТА, натрий гидроксиді, хлорсутек қышқылы, инъекцияға арналған су Сыртқы түрінің, иісінің, дәмінің сипаттамасы Лиофилизацияланған сары түсті масса. Қалпына келтірілген ерітінді сипаттамасы: ерітінді мөлдір, сары түсті, көрінетін қоспалар мен талшықтарсыз болуы тиіс.

- ауырлығы жеңілден орташа дәрежеге дейінгі жедел ауыру синдромын қысқа мерзімді симптоматикалық емдеу

Әсер ету механизмі Лорноксикам ауырсынуды басатын қасиеттерге иеленген қабынуға қарсы стероидты емес препарат болып табылады және оксикамдар класына жатады. Лорноксикамның әсер ету механизмі негізінен простагландиндер синтезін тежеумен байланысты (циклооксигеназа ферментін тежеумен), бұл шеткері ноцицепторлардың десенсибилизациясына, салдары ретінде қабынудың басылуына әкеледі. Сондай-ақ, қабынуға қарсы әсермен байланысты емес, ноцицепторларға орталықтан әсер етуі болжанады. Фармакодинамикалық әсерлері Лорноксикам тіршілік қабілетінің негізгі көрсеткіштеріне (мысалы, дене температурасы, тыныс алу жиілігі, жүрек жиырылу жиілігі, артериялық қысым, ЭКГ, спирометрия) әсер етпейді. Клиникалық тиімділігі және қауіпсіздігі Лорноксикамның анальгезиялық қасиеттері препаратты әзірлеу үдерісінде бірнеше клиникалық зерттеуде сәтті көрсетілді. Асқазан-ішек жолдарының жергілікті тітіркенуіне және простагландиндер синтезінің тежелуіне байланысты жүйелі ульцерогенді әсерге байланысты лорноксикаммен емдеу басқа ҚҚСД жағдайында да, жиі асқазан-ішек жолы тарапынан асқынулар байқалатын жағымсыз әсерлермен қатар жүреді.

Дозалау режимі Бұл дәрілік түрі егер тез ауырсынуды жеңілдету қажет болса немесе егер препаратты таблетка түрінде немесе суппозиторийлер ретінде қолдану мүмкін болмаған жағдайда ғана қолданылады. Емдеу, әдетте, тек емді бастауға арналған бір инъекция болуы тиіс. Барлық пациенттер үшін дозалау режимі емделуге жеке реакция негізінде таңдалуы тиіс. Ауыру синдромы Ұсынылатын доза: 8 мг вена ішіне (в/і) немесе бұлшықет ішіне (б/і) инъекция түрінде. Тәуліктік доза 16 мг аспауы тиіс. Алғашқы 24 сағатта кейбір пациенттерге қосымша 8 мг препарат енгізу қажет болуы мүмкін. Дәрілік препарат тек бір рет қолдануға арналған. Жағымсыз әсерлерді симптомдарды бақылауға қажетті ең қысқа уақыт ішінде ең аз тиімді дозаны қолдану арқылы азайтуға болады. Пациенттердің ерекше топтары Балалар Лорноксикам балалар мен 18 жасқа дейінгі жасөспірімдерде қауіпсіздік және тиімділік туралы деректердің болмауына байланысты қолдануға ұсынылмайды. Егде жастағы пациенттер Бүйрек немесе бауыр функциясы бұзылған жағдайларды қоспағанда, 65 жастан асқан егде пациенттерге дозаны арнайы түзету талап етілмейді, Лорноксикам сақтықпен қолдану керек, себебі пациенттердің бұл тобында асқазан-ішек жолы тарапынан болатын жағымсыз әсерлер көтерімділігі нашар болуы мүмкін. Бауыр жеткіліксіздігі бар пациенттер Бауыр функциясының орташа дәрежелі бұзылуы бар пациенттерде дозаны төмендетуді қарастырған жөн. Бүйрек жеткіліксіздігі бар пациенттер Бүйрек функциясының жеңіл және орташа дәрежелі бұзылуы бар пациенттерде дозаны төмендетуді қарастырған жөн. Енгізу әдісі және жолы Бұл препарат тек вена ішіне (в/і) немесе бұлшықет ішіне (б/і) инъекция түрінде бір рет қолдануға арналған. Инъекцияны вена ішіне енгізу ұзақтығы кемінде 15 секунд, ал бұлшықет ішіне енгізу ұзақтығы кемінде 5 секунд болуы тиіс. Ерітіндіні дайындағаннан кейін ине ауыстырылады. Б/і ішіне инъекция үшін бұлшықет ішіне терең инъекцияны жасауға ұзындығы жеткілікті инені пайдаланған жөн. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну жөнінде нұсқаулар Осы препаратты қолдану туралы қосымша сұрақтар туындаса, емдеуші дәрігерге немесе фармацевтке хабарласу керек.

- - әсер етуші затқа немесе қосымша заттардың кез келгеніне аса жоғары сезімталдық - тромбоцитопения - қабынуға қарсы стероидты емес басқа препараттарға (ҚҚСП), оның ішінде ацетилсалицил қышқылына аса жоғары сезімталдық (бронх демікпесі, ринит, ангионевроздық ісіну немесе есекжем сияқты симптомдар) - жүректің ауыр жеткіліксіздігі. - асқазан-ішектен қан кету, цереброваскулярлық қан кету немесе қан ұюының басқа бұзылулары • анамнезінде алдыңғы ҚҚСП емімен байланысты асқазан-ішек жолында қан кетудің немесе тесілудің болуы • асқазан немесе он екі елі ішектің белсенді ойықжарасы/ анамнездегі қан кетулер (дәлелденген ойықжара немесе қан кетудің екі немесе одан да көп жеке эпизодтары) - бауырдың ауыр жеткіліксіздігі - бүйректің ауыр жеткіліксіздігі (сарысудағы креатинин деңгейі > 700 мкмоль/л) - жүктіліктің үшінші триместрі

Жиі • жеңіл және қысқа мерзімді бас ауыруы, бас айналуы • жүрек айнуы, іш ауыруы, диспепсия, диарея, құсу Жиі емес • анорексия, дене салмағының өзгеруі • ұйқысыздық, депрессия • конъюнктивит • бас айналуы, құлақтың шуылдауы • жүрек соғуының жиілеуі, тахикардия, ісінулер, жүрек жеткіліксіздігі • ысынулар, ісінулер • ринит • іш қату, метеоризм, кекіру, ауыздың құрғауы, гастрит, асқазан ойықжарасы, іштің үстіңгі бөлігінің ауыруы, он екі елі ішектің ойықжарасы, ауыз қуысының ойықжарасы • бауыр ферменттері, АЛТ немесе АСТ көрсеткіштерінің жоғарылауы • бөртпе, қышыну, гипергидроз, эритематозды бөртпе, есекжем, ангионевроздық ісіну, алопеция • артралгия • дімкәстік, беттің ісінуі Сирек • фарингит • анемия, тромбоцитопения, лейкопения, қан кету уақытының ұлғаюы • аса жоғары сезімталдық, анафилактоидты реакциялар және анафилаксия • сананың шатасуы, күйгелектік, қозу • ұйқышылдық, парестезия, дисгевзия, тремор, бас сақинасы • көру қабілетінің бұзылуы • артериялық гипертензия, ыстық құйылулар, қан құйылулар, гематомалар • тыныс алудың қиындауы, жөтел, бронх түйілуі • мелена, қан құсу, стоматит, эзофагит, гастроэзофагеальді рефлюкс, дисфагия, афтоздық стоматит, глоссит, пептидтік ойықжараның тесілуі, асқазан-ішек жолынан қан кету • дерматит, экзема, пурпура • сүйектің ауыруы, бұлшықет түйілуі, миалгия • никтурия, несеп шығару бұзылуы, қандағы мочевина азоты және креатинин деңгейінің жоғарылауы • астения Өте сирек • экхимоздар. ҚҚСД нейтропения, агранулоцитоз, аплазиялық және гемолиздік анемия сияқты потенциалды елеулі гематологиялық бұзылуларды тудыруы мүмкін екендігі туралы хабарланған • жүйелі қызыл жегісі және дәнекер тіннің аралас аурулары бар пациенттердегі асептикалық менингит • мысалы, бауыр жеткіліксіздігіне, гепатитке, сарғаюға және холестазға әкелетін гепатоуыттылық • ісіну және буллездік реакциялар, Стивенс-Джонсон синдромы, уытты эпидермальді некролиз • лорноксикам бүйрек қан ағысы бүйрек простагландиндеріне байланысты болатын анамнезінде бүйрек функциясы бұзылған пациенттерде жедел бүйрек жеткіліксіздігінің дамуын тудыруы мүмкін. Нефрит пен нефроздық синдромды қоса, түрлі көріністердегі нефроуыттылық ҚҚСД бүкіл кластың әсері ретінде қолданумен астасқан. Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қазіргі уақытта салдарын анықтауға немесе тоқтату бойынша нақты шаралар ұсынуға мүмкіндік беретін артық дозалану тәжірибесі жоқ. Дегенмен, лорноксикаммен артық дозаланудан кейін келесі симптомдар байқалуы мүмкін деп күтіледі: жүрек айнуы, құсу, церебральді симптомдар (бас айналуы, көрудің нашарлауы). Сондай-ақ, комаға ауысатын атаксия сияқты ауыр симптомдар және құрысу, бауыр мен бүйрек зақымдануы және қан ұюының ықтимал бұзылуы дамуы мүмкін. Нақты немесе күдікті артық дозаланған жағдайда препаратты қолдануды тоқтату керек. Жартылай шығарылу кезеңінің қысқалығын ескере отырып, лорноксикам организмнен тез шығарылады. Лорноксикам диализ кезінде қаннан шығарылмайды. Бүгінгі күні спецификалық антидоты белгісіз. Стандартты шұғыл емшаралардың тағайындалуын қарастыру керек. Препараттың әсер ету принциптері белсендірілген көмірді лорноксикамнан кейін бірден қабылдаған жағдайда ғана препараттың сіңуін азайтуға мүмкіндік береді. Мысалы, асқазан-ішек бұзылыстарын емдеу үшін простагландин аналогтарын немесе ранитидин қолдануға болады.

Келесі ауыруларда лорноксикамды қаупі мен пайдасының арақатынасын мұқият бағалағаннан кейін ғана тағайындау керек: - бүйрек жеткіліксіздігі: лорноксикам бүйрек қан ағымын ұстап тұрудың бүйрек простагландиндерінің деңгейіне тәуелділігіне байланысты жеңіл (сарысулық креатинин 150-300 мкмоль/л) және орташа (сарысулық креатинин 300-700 мкмоль)/л) бүйрек жеткіліксіздігі бар пациенттерге сақтықпен тағайындалуы керек. Емдеу кезінде бүйрек функциясы нашарлаған жағдайда лорноксикаммен емдеуді тоқтату керек. - келесі пациенттерде бүйрек функциясын бақылау керек: • ауқымды хирургиялық араласымды өткерген, • жүрек жеткіліксіздігі бар, • диуретиктермен қатарлас ем алатын, • бүйрек зақымдануын туындатуы мүмкін препараттармен қатар ем алатындар. - қан ұюы бұзылған пациенттер: мұқият клиникалық бақылау және зертханалық зерттеуді орындау ұсынылады (мысалы, белсенді ішінара тромбопластиндік уақыт (БІТУ)). - бауыр жеткіліксіздігі (мысалы, бауыр циррозы): бауыр жеткіліксіздігі бар пациенттерде жүйелі клиникалық бақылау мен зертханалық зерттеулердің қажеттілігін қарастыру керек, өйткені тәуліктік 12-16 мг дозада емдеу кезінде лорноксикамның жиналуы (AUC жоғарылауы) байқалуы мүмкін. Дегенмен, бауыр жеткіліксіздігі сау еріктілермен салыстырғанда лорноксикамның фармакокинетикалық параметрлеріне әсер етпейтін сияқты. - ұзақ емдеу (3 айдан астам): гематологиялық көрсеткіштерге (гемоглобин), бүйрек функциясына (креатинин) және бауыр ферменттеріне жүйелі зертханалық зерттеулер ұсынылады. - 65 жастан асқан егде жастағы пациенттер: бүйрек және бауыр функциясын бақылау керек. Хирургиялық араласуды бастан өткерген егде жастағы пациенттерді емдеу кезінде сақтық таныту қажет. Лорноксикамды ҚҚСП, оның ішінде циклооксигеназа-2 селективті тежегіштерімен бір мезгілде қолданудан аулақ болу керек. Препараттың жағымсыз әсерлерін симптомдарды бақылауға қажетті ең қысқа уақыт ішінде ең аз тиімді дозаны қолдану арқылы азайтуға болады. Асқазан-ішек қан кетулері, ойық жаралануы және тесілуі: өлімге әкелуі мүмкін асқазан-ішектен қан кету, ойық жаралану немесе перфорация, барлық ҚҚСП қабылдау кезінде емнің кез келген уақытында, ескерту симптомдарымен немесе онсыз, сондай-ақ анамнезінде асқазан-ішек жолдарының ауыр аурулары болған кезде хабарланған. ҚҚСП дозаларының жоғарылауы кезінде, анамнезінде ойық жара ауруы бар пациенттерде, әсіресе оның қан кету немесе перфорациямен асқынғанында, сондай-ақ егде жастағы пациенттерде асқазан-ішектен қан кету, ойық жаралану немесе тесілуі қаупі артады. Бұл пациенттер емдеуді қол жетімді ең төменгі дозадан бастауы керек. Бұл пациенттер үшін, сондай-ақ ацетилсалицил қышқылының төмен дозаларын немесе асқазан-ішек жолдарының бұзылуының даму қаупін арттыруы мүмкін басқа препараттарды қатар қабылдауды қажет ететін пациенттер үшін қорғаныс дәрілермен (мысалы, мизопростол немесе протон помпасының тежегіштері) біріктірілген ем жүргізу мүмкіндігін қарастырған жөн. Клиникалық мониторингті белгілі бір уақыт аралығында жүргізу ұсынылады. Анамнезінде асқазан-ішек жолдарының аурулары бар пациенттер, әсіресе егде жастағы пациенттер, кез-келген ерекше абдоминальді симптомдары (ең алдымен асқазан-ішектен қан кету белгілері) туралы, әсіресе емдеудің бастапқы кезеңдерінде хабарлауы тиіс. Ойық жаралар немесе қан кету болу қаупін арттыруға қабілетті дәрілік препараттарды, мысалы, пероральді кортикостероидтар, варфарин сияқты антикоагулянттар, серотонинді кері қармаудың селективті тежегіштері немесе ацетилсалицил қышқылы сияқты антиагреганттарды бір мезгілде алатын пациенттерге сақтық шараларын сақтау керек. Лорноксикам қабылдайтын пациенттерде асқазан-ішек жолдарынан қан кету немесе ойық жаралану туындаған кезде емдеуді тоқтату қажет. ҚҚСД анамнезінде АІЖ аурулары (мысалы, ойықжаралы колит, Крон ауруы) бар пациенттерде осы аурулардың асқынуы мүмкін болғандықтан сақтықпен қолдану керек. Егде жастағы пациенттерде ҚҚСД-ға жағымсыз реакциялардың туындауының, әсіресе өмірге қауіпті болуы мүмкін асқазан-ішектен қан кету және тесілу жоғары жиілігі байқалады. Анамнезінде артериялық гипертензиясы және/немесе жүрек жеткіліксіздігі бар пациенттерге сақ болу керек, өйткені ҚҚСП терапиясымен байланысты сұйықтықтың іркілісі және ісінуі туралы хабарланған. Анамнезінде артериялық гипертензиясы және/немесе жеңіл және орташа ауырлық дәрежесінде іркілісті жүрек жеткіліксіздігі бар пациенттерге тиісті мониторинг және медициналық кеңес беру қажет, өйткені ҚҚСП емдеу аясында сұйықтықтың кідіруі және ісіну болғаны туралы хабарланған. Клиникалық зерттеулердің және эпидемиологиялық деректер кейбір ҚҚСП (әсіресе жоғары дозаларда және ұзақ емдеуде) қолдану артериялық тромбоздық асқынулардың (мысалы, миокард инфаркті немесе инсульт) қаупінің аздаған жоғарылауымен байланысты болуын болжауға мүмкіндік береді. Лорноксикамды қабылдау кезінде мұндай қауіпті болдырмау үшін жеткілікті деректер алынған жоқ. Бақыланбайтын артериялық гипертензиясы, іркілісті жүрек жеткіліксіздігі, жүректің анықталған ишемиялық ауруы, шеткері артериялар ауруы және/немесе цереброваскулярлық ауруы бар пациенттерге лорноксикамды оның дұрыстығын мұқият бағалағаннан кейін ғана тағайындауға болады. Осындай бағалауды жүрек-қантамыр ауруларының даму қаупі факторлары (мысалы, гипертензия, гиперлипидемия, қант диабеті, шылым шегу) бар пациенттерді ұзақ мерзімді емдеу басталғанға дейін орындау қажет. ҚҚСД пен гепаринді бір мезгілге тағайындау спинальді немесе эпидуральді анестезия контекстінде спинальді/эпидуральді гематома даму қаупін жоғарлатады. ҚҚСП қолдану кезінде терінің ауыр реакциялары туралы өте сирек хабарланды, олардың кейбіреулері өлімге әкелді, соның ішінде эксфолиативті дерматит, Стивенс-Джонсон синдромы және уытты эпидермальды некролиз. Бұл реакциялардың пайда болуының көбірек қаупіне пациенттер емдеудің алғашқы кезеңдерінде ұшырайды, көбінесе реакциялар емдеудің бірінші айында пайда болады. Лорноксикамды қабылдауды тері бөртпесі, шырышты қабықтың зақымдануы немесе аса жоғары сезімталдықтың басқа белгілері пайда болған кезде тоқтату керек. Бронх демікпесі бар пациенттерге препаратты тағайындау кезінде немесе ол анамнезінде болған кезде сақ болу керек, өйткені ҚҚСП мұндай пациенттерде бронх түйілуін тудыруы мүмкін деп хабарланған. Жүйелі қызыл жегі (ЖҚЖ) және дәнекер тіннің аралас аурулары бар пациенттерде асептикалық менингиттің даму қаупі жоғары болуы мүмкін. Лорноксикам тромбоциттер агрегациясын төмендетеді және қан кету уақытын ұзартады, сондықтан қан кетуге бейімділігі жоғары пациенттерге тағайындағанда абай болу керек. ҚҚСП мен такролимусты бірге қолдану бүйректегі простациклин синтезінің азаюына байланысты нефроуыттылық қаупінің артуына әкелуі мүмкін. Сондықтан біріктірілген ем алатын пациенттерге бүйрек функциясының қатаң бақылауы керек. Көптеген ҚҚСП қабылдағандағыдай, сарысудағы трансаминазалар деңгейінің мезгіл–мезгіл жоғарылауы, сарысудағы билирубиннің деңгейінің немесе бауыр функциясының басқа да көрсеткіштерінің жоғарылауы, сондай-ақ сарысудағы креатинин және қанда мочевина азоты деңгейінің жоғарылауы және зертханалық көрсеткіштердің басқа да ауытқулары хабарланды. Егер осы ауытқулардың қай қайсысы елеулі немесе тұрақты болса, лорноксикам қабылдауды тоқтату және тиісті тексерулер тағайындау қажет. Циклооксигеназа/простагландиндердің синтезін тежейтін кез келген басқа препарат сияқты лорноксикам қолдану фертильділікті бұзуы мүмкін және жүкті болғысы келіп жүрген әйелдерге ұсынылмайды. Ұрықтандыру бойынша қиындықтарға тап болған немесе бедеулікке байланысты тексеруден өтетін әйелдерде лорноксикамды тоқтату мүмкіндігін қарастыру керек. Ерекше жағдайларда желшешек тері мен жұмсақ тіндердің тарапынан күрделі инфекциялық асқынуына себеп болуы мүмкін. Қазіргі уақытта бұл инфекциялардың асқынуында ҚҚСД-ның түрткі болатын рөлін жоққа шығаруға болмайды. Сондықтан желшешек кезінде лорноксикам қолданудан аулақ болу ұсынылады. Арнайы сақтандырулар Педиатрияда қолданылуы Лорноксикам қауіпсіздік пен тиімділік туралы деректердің болмауына байланысты 18 жасқа дейінгі балалар мен жасөспірімдерде қолдануға ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Лорноксикаммен емдеу кезінде бас айналуы және/немесе ұйқышылдық байқалған пациенттер көлік құралдарын басқарудан немесе механизмдермен жұмыс істеуден бас тартуы керек.

Лорноксикам жүктіліктің үшінші триместрінде қарсы көрсетілімде және оны жүктілік кезінде бірінші және екінші триместрлерде, сондай-ақ босану кезінде қолдануға болмайды, өйткені жүктілік кезінде болуы мүмкін қаупі туралы клиникалық деректер жоқ. Жүкті әйелдерде лорноксикам қолдану жөнінде жеткілікті деректер жоқ. Жануарларға жүргізілген зерттеулерде репродуктивтік функцияға уытты әсері анықталды. Простагландин синтезін тежеу жүктілік барысына және/немесе эмбрион/шарана дамуына кері әсер етуі мүмкін. Эпидемиологиялық зерттеулер деректері жүктіліктің ерте кезеңінде простагландин синтезінің тежегіштерін қолданғаннан кейін түсік тастау және жүрек ақауларының даму қаупінің жоғарылағаны туралы айғақтайды. Дозаның ұлғаюымен және емдеу ұзақтығымен қауіп артады деп болжанады. Жануарларда простагландиндер синтезінің тежегіштерін енгізу имплантация алдындағы және имплантациядан кейінгі өлім жиілігінің жоғарылауына және эмбриофетальді өлім жағдайына әкеп соқтырады. Жүктіліктің бірінші және екінші триместрі бойына простагландиндер синтезінің тежегіштерін, егер бұл аса қажет болмаса, тағайындауға болмайды. Жүктіліктің үшінші триместрінде простагландин синтезінің тежегіштерін қолдану шаранада жүрек-өкпелік уыттылықты (артериялық түтіктің мерзімінен бұрын жабылуы және өкпе гипертензиясының дамуы) және бүйрек функциясының бұзылуын тудыруы мүмкін, бұл бүйрек жеткіліксіздігіне дейін дамып, қағанақ суы мөлшерінің азаюына әкелуі мүмкін. Босануға дейінгі кезеңде простагландин синтезінің тежегіштерін қолдану ана мен баланы қанның ұю уақытын ұлғайту және жатырдың жиырылуын бәсеңдету қаупіне ұшыратуы ықтимал, бұл босанудың кідіруіне немесе ұзаққа созылып кетуіне әкелуі мүмкін. Сондықтан, лорноксикамды жүктіліктің үшінші триместрінде қолдануға болмайды. Бала емізу Адамның емшек сүтімен лорноксикамның бөлінуі туралы деректер жоқ. Лорноксикам лактация кезіндегі егеуқұйрықтардың сүтімен салыстырмалы түрде жоғары концентрацияда шығарылады. Лорноксикам бала емізетін әйелдерде қолданылмауы тиіс.

Лорноксикам мен мыналарды бір уақытта қолданғанда - циметидинді: плазмадағы лорноксикам концентрациясы жоғарылайды (лорноксикам мен ранитидин немесе лорноксикам мен антацидтер арасында өзара әрекеттесу анықталған жоқ). - антикоагулянттармен: ҚҚСП варфарин сияқты антикоагулянттар әсерін күшейтуі мүмкін. Халықаралық қалыптасқан қатынасты (ХҚҚ) қатаң мониторингілеу қажет. - фенпрокумонды: фенпрокумонның емдік әсері төмендеуі мүмкін. - гепаринді: гепаринмен жұлын немесе эпидуральді анестезияда ҚҚСП контексінде бір мезгілде қолданғанда жұлын немесе эпидуральді гематоманың пайда болу қаупін арттырады. - ангиотензин-өзгертуші фермент тежегіштерін (АӨФ): АӨФ тежегіштерінің гипертензияға қарсы әсері төмендеуі мүмкін. - диуретиктерді: ілмектік, тиазидті және калий жинақтаушы диуретиктердің диуретиктік және гипертензияға қарсы әсерін төмендетуі мүмкін. - бета-адреноблокаторлар: гипертензияға қарсы тиімділігі төмендеуі мүмкін. - ангиотензин II рецепторлары блокаторларын: гипертензияға қарсы тиімділігі төмендеуі мүмкін. - дигоксинді: дигоксиннің бүйрек клиренсі төмендеуі мүмкін. - кортикостероидтарды: асқазан-ішек жолында ойық жаралар түзілуінің немесе қан кетуінің даму қаупі артады. - хинолонды антибиотиктерді: құрысу дамуы қаупінің жоғарылауы. - антитромбоциттік дәрілерді: асқазан-ішек қан кетулері қаупінің жоғарылауы. - басқа ҚҚСП: асқазан-ішек қан кетулері қаупінің жоғарылауы. - метотрексатты: метотрексаттың сарысулық концентрациясының жоғарылауы, бұл уыттылық жоғарылауына соқтыруы мүмкін. Біріктірілген емді жүргізу қажет болған жағдайда қатаң мониторингті жүзеге асыру керек. - серотонинді кері қармаудың селективті тежегіштері (СКҚСТ): асқазан-ішек қан кету қаупінің жоғарылауы -литийді: ҚҚСП литийдің бүйрек клиренсін тежейді, соның нәтижесінде литийдің сарысулық концентрациясы уытты деңгейге дейін артуы мүмкін. Сондықтан сарысудағы литий деңгейі, әсіресе емнің басында, дозаны таңдау және емдеуді тоқтату кезінде бақылануы тиіс. - циклоспоринді: циклоспориннің сарысулық концентрациясының жоғарылауы. Циклоспориннің нефроуыттылығы бүйрек простагландиніне әсер етуінен ҚҚСД ықпалынан жоғарылауы мүмкін. Біріктірілген ем барысында бүйрек функциясының көрсеткіштерін қадағалау қажет. • сульфонилмочевина туындыларымен (мысалы, глибенкламид): гипогликемия қаупінің жоғарылауы. • CYP2C9 изоферменттерінің белгілі индукторлары мен тежегіштері: лорноксикам (Р450 2С9 (CYP2C9 изоферменті) цитохромына байланысты басқа ҚҚСП сияқты) CYP2C9 изоферменттерінің белгілі индукторлары мен тежегіштерімен өзара әрекеттеседі. • такролимусты: бүйректегі простациклин синтезін азайту салдарынан нефроуыттылық қаупінің жоғарылауы. Біріктірілген ем барысында бүйрек функциясының көрсеткіштерін мониторингтеу қажет. • пеметрекседті: ҚҚСД пеметрекседтің бүйрек клиренсін азайтуы мүмкін, бұл бүйрек пен асқазан-ішек жолына уытты әсердің күшеюіне, сондай-ақ миелосупрессияға әкеледі.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 25 ºС-ден аспайтын температурада сақтау керек. Балалардың қолы жетпейтін жерде сақтау керек!