ЛУНИЗОЛ – сановель капсулы 150 мг

Бір капсуланың құрамында әсер етуші зат –150 мг флуконазол, қосымша заттар: лактоза моногидраты, жүгері крахмалы, кремнийдің коллоидты қостотығы, магний стеараты, натрий лаурилсульфаты, капсуланың құрамы: титанның қостотығы Е171, желатин. Сыртқы түрінің, иісінің, дәмінің сипаттамасы Корпусы және қақпағы ақ түсті, мөлдір емес қатты желатинді №1 капсулалар. Капсуланың ішіндегісі – ақ түсті біртекті ұнтақ

- жедел немесе қайталанатын қынаптық кандидоз, - кандидозды баланит - дерматомикоздар, табан дерматофитиясын, дене дерматофитиясын, шап дерматофитиясын, түрлі-түсті теміреткіні және терінің кандидозды инфекцияларын (жүйелі емдеу көрсетілгенде); тырнақ дерматофитиясын (онихомикоз) (басқа препараттармен емдеу мүмкін болмағанда) қоса. ЛУНИЗОЛ-сановель ересектерде келесі аурулар профилактикасы үшін көрсетілген: - қынаптық кандидоздың қайталануларының жиілігін төмендету үшін (жылына 4 немесе одан көп көрініс) Емді өсірінді және басқа зертханалық зерттеулер нәтижелерін алғанға дейін бастауға болады, алайда осы нәтижелерді алудан кейін зеңге қарсы емдеуді тиісті үлгіде түзету керек. Зеңге қарсы дәрілерді тиісті пайдалану жөніндегі ресми нұсқаулықтар ескерілу керек.

Триазол және тетразол туындылары. Флуконазол АТХ коды J02AC01 Әсер ету механизмі Флуконазол – триазолдар тобына жататын зеңге қарсы препарат. Флуконазолдың негізгі әсер ету механизмі зеңді эргостерол биосинтезінің ажырамайтын сатысы болып табылатын Р-450 цитохромы арқылы 14 альфа-ланостерол-деметилдену реакциясының тежелуімен жүзеге асады. 14 альфа-метилстеролдар жиналуы зең жасушасының жарғақшасынан болатын кейіннен эргостерол жоғалуымен өзара байланысты болады; бұл үдеріс флуконазолдың зеңге қарсы әсер ету негізінде жатыр. Флуконазол, сүт қоректілердің Р-450 цитохромы ферментінің әртүрлі жүйелеріне қарағанда, Р-450 цитохромының зеңді ферменттеріне барынша селективті болып табылады. Флуконазолды 28 күн бойы тәулігіне 50 мг дозада қолдану плазмада тестостерон деңгейіне немесе бала туу жасындағы әйелдердегі стероидтар деңгейіне әсер етпейді. Флуконазолды 200 - 400 мг дозада күнделікті қолдану дені сау ерлерде эндогенді стероидтар деңгейіне және АКТГ арқылы көтермеленетін жауабына клиникалық мәнді әсерін көрсетпеді. Флуконазолды 50 мг дозада бір рет немесе көп рет қабылдау оларды бір мезгілде қабылдау кезінде антипирин метаболизміне әсер етпеді. Іn vitro сезімталдығы Іn vitro флуконазол клиникалық практикада ең көп таралған Candida зеңді түрлеріне қатысты (C. albicans, C. parapsilosis, C. tropicalis қоса) зеңге қарсы белсенділік танытады. C. glabrata зеңі кең диапазонда сезімталдық танытады, ал C. krusei флуконазол әсеріне төзімді. Флуконазол Cryptococcus neoformans және Cryptococcus gattii қатысты, сондай-ақ Blastomyces dermatiditis, Coccidioides immitis, Histoplasma capsulatum және Paracoccidioides brasiliensis эндемиялық өңезді зеңдеріне қарсы іn vitro белсенділік те танытты. Фармакокинетикалық / Фармакодинамикалық өзара әрекеттесулері Жануарларға жүргізілетін зерттеулер нәтижелеріне сәйкес, ең төмен тежегіш концентрациясы мен Candida түрлері туғызған микоздардың тәжірибелік үлгілеріне қарсы тиімділігінің арасында өзара байланыс бар. AUC және флуконазол дозасының арасында желілік (шамамен 1:1) тәуелділік болады. Сонымен қатар, AUC немесе дозаның және оральді кандидозды емдеуге оң клиникалық жауаптың және аз дәрежеде – кандидемияның арасында тікелей, бірақ жеткіліксіз байланыс болады. Флуконазолдың жоғары ең төмен тежеу концентрациясын көріністейтін штаммдар туғызған инфекцияларды осыған ұқсас емдеудің қанағаттандыруы аз дәрежеде болады. Төзімділігінің даму механизмі Candida тегі өкілдерінде азолдар тобына жататын антимикотиктер әсер етуіне қарсы бірқатар қорғаныс механизмдері анықталды. Осындай бір немесе бірнеше төзімділік механизмдерін өндірген зең штаммдары үшін флуконазолдың ең төмен тежеу концентрациясы ұлғайған, бұл in vivo зерттеулерінде және клиникалық практикада препарат тиімділігіне теріс әсер етеді. C. Albicans штаммы ғана емес, cондай-ақ флуконазолға табиғатынан сезімтал (мысалы, Candida krusei) Candida тектес басқа штаммдар туғызған асқын инфекцияның туындауы туралы мәліметтер бар. Ондай жағдайларда зеңге қарсы баламалы ем қолдану талап етіледі. Бақылау нүктелері (Еуропалық микробқа қарсы сезімталдық зерттеулері жөніндегі комитетпен келісім бойынша) Фармакокинетикалық/фармакодинамикалық ақпарат, in vitro сезімталдығы және клиникалық жауап (Еуропалық антибиотиктердің микробқа қарсы сезімталдығын тестілеу комитетінің – зеңге қарсы сезімталдықты анықтау жөніндегі қосалқы комитеттің) зерттеулерін негізге ала отырып, Candida тектес микроорганизмдер үшін флуконазолға тән (EUCAST ұтымдылық құжатынан флуконазол (2007) – 2 нұсқа) бақылау нүктелері айқындалды. Олар көп дәрежеде фармакокинетикалық/фармакодинамикалық ақпарат негізінде анықталған белгілі бір түрмен байланысты емес және ең төмен тежеу концентрациясы бойынша белгілі бір түрлерге бөлуге тәуелденбейтін бақылау нүктелеріне және бәрінен жиірек адамдағы инфекциялармен астасатын белгілі бір түрмен байланысты бақылау нүктелеріне бөлінді. Осы бақылау нүктелері төменде берілген: Зеңге қарсы дәрі — Белгілі бір түрмен байланысты бақылау нүктелері S≤/R> — Белгілі бір түрмен байланысты емес бақылау нүктелері А S < / R> Candida albicans — Candida glabrata — Candida krusei — Candida parapsilosis — Candida tropicalis Флуконазол — 2/4 — IE — -- — 2/4 — 2/4 — 2/4 S = сезімтал, R = төзімді A = бақылау нүктелері, S = сезімтал, R = төзімді нүктелермен байланысты емес A = көп дәрежеде фармакокинетикалық/фармакодинамикалық ақпарат негізінде анықталған белгілі бір түрмен байланысты емес және ең төмен тежеу концентрациясы бойынша белгілі бір түрлерге бөлуге тәуелденбейтін бақылау нүктелері. Олар спецификалық бақылау нүкесі болмайтын микроорганизмдер үшін ғана зерттелді. -- = аталған түр дәрілік ем мақсаты емес екендіктен сезімталдық зерттеулері ұсынылмайды. IE = аталған түрдің дәрілік ем мақсаты екеніне қатысты дәлелдер жеткіліксіз.

Дозалау режимі Дозаны таңдау зеңдік инфекцияның типі мен ауырлығына қарай жүзеге асырылады. Көп реттік дозаларын қолдану қажет болатын инфекция түрлерін емдеуді клиникалық көрсеткіштер немесе зертханалық тестілер белсенді зеңдік инфекцияның басылғанын айғақтағанша жалғастырған жөн. Жеткіліксіз емдеу курсы белсенді инфекцияның қайталануына әкелуі мүмкін. Генитальді кандидоз 1. Жедел қынаптық кандидоз: бір рет 150 мг. 2. Кандидозды баланит: бір рет 150 мг. 3. Қынаптық кандидоз қайталануларын емдеу және профилактикасы (жылына 4 немесе одан көп көрініс): әр үш күн сайын 150 мг - жиынтығы 3 доза (1-ші, 4-ші және 7-ші күні), одан кейін демеуші доза - 6 ай бойы аптасына бір рет 150 мг. Дерматомикоз 1. Табан дерматофитиясы, дене дерматофитиясы, шап дерматофитиясы, кандидоздар: аптасына бір рет 150 мг немесе күніне бір рет 50 мг 2-4 апта бойы, бірақ табан дерматофитиясын емдеу үшін 6 аптаға дейін созылатын ем қажет болуы мүмкін. 2. Түрлі-түсті теміреткі: аптасына бір рет 300-400 мг ұзақтығы 1-3 апта немесе 2-4 апта бойы күніне бір рет 50 мг. 3. Тырнақ дерматофитиясы (онихомикоз): аптасына бір рет 150 мг. Емдеуді инфекция түскен тырнақ жаңасымен алмасқанша (инфекция түспеген тырнақ өсіп шыққанша) жалғастырған жөн. Қол мен аяқ тырнақтарын қалпына келтіру үшін, әдетте, тиісінше 3-тен 6 айға дейін және 6-дан 12 айға дейін қажет болады. Дегенмен де, өсу жылдамдығы әртүрлі тұлғаларда және жас шамасына қарай едәуір ерекшеленуі мүмкін. Кейбір жағдайларда ұзаққа созылатын тырнақ инфекциясын емдеу сәтті аяқталған соң тырнақтар деформацияланған күйі қалады. Пациенттердің ерекше топтары Егде жастағы пациенттер Дозасы бүйрек функциясының жай-күйіне байланысты түзетілуі тиіс. Бүйрек жеткіліксіздігі бар пациенттер Бір реттік дозамен емді түзетудің қажеті жоқ. Бүйрек функциясы бұзылған пациенттерге флуконазолдың дозаларын көп рет қолдану кезінде ұсынылатын бастапқы тәуліктік доза көрсетілімдерге байланысты 50 - 400 мг құрайды. Бастапқы екпінді дозаны қолданғаннан кейін, тәуліктік дозаны (көрсетілімдерге байланысты) төмендегі кестеге сәйкес анықтайды: Креатинин клиренсі (мл/мин) — Ұсынылатын доза пайызы >50 — 100% ≤50 (диализсіз) — 50% Тұрақты диализдегі пациенттер — Әр диализден кейін 100% Тұрақты диализдегі пациенттер диализдің әрбір сеансынан кейін ұсынылатын дозаны 100% қабылдауы керек; диализ жүргізілмейтін күні, пациенттер креатинин клиренсіне байланысты төмендетілген дозаны қабылдауы тиіс. Бауыр жеткіліксіздігі бар пациенттер Бауыр функциясы бұзылған пациенттердегі мәліметтер шектеулі; сондықтан флуконазолды бауыр функциясы бұзылған пациенттерге сақтықпен қолдану керек. Енгізу әдісі мен жолы Емдеуді зертханалық талдау нәтижелеріне дейін бастауға болады, содан кейін, олар түсінікті болысымен, емдеуді осы талдауларға сәйкес жалғастырған жөн. Капсулаларды бүтіндей және тамақ ішуге байланыссыз қабылдау керек.

- флуконазолға немесе химиялық құрылымы бойынша ұқсас басқа да азольді заттарға, қосымша заттардың кез келгеніне жоғары сезімталдық - QT аралығын ұзартатын препараттармен (пимозид, хинидин, цизаприд, астемизол, эритромицин, амиодарон) бір мезгілде қабылдау - терфенадинмен бір мезгілде қабылдау (флуконазолдың 400 г және одан жоғары дозаларын қолдану кезінде) - 18 жасқа дейінгі балалар мен жасөспірімдер - тұқым қуалайтын глюкоза, лактоза, галактоза жақпаушылығы, мальабсорбция синдромы

Жиі - бас ауыру - жүректің айнуы, құсу, іштің ауыруы, диарея - тері бөртпелері - бауыр ферменттері (АЛТ, АСТ, сілтілік фосфатаза) белсенділігінің жоғарылауы Жиі емес - вертиго - анемия - дәмнің бұзылуы, бас айналу, ұйқышылдық, ұйқысыздық, парестезия, құрысулар - ауыздың кеберсуі, іштің кебуі, диспепсия, тәбеттің нашарлауы, іш қату - холестаз, сарғаю, билирубин деңгейінің жоғарылауы - терінің қышынуы, гипергидроз, есекжем, дәрілік препараттың әсерінен туындаған дерматит - бұлшықеттің ауыруы - шаршау, көңіл-күйдің нашарлауы, астения, температураның жоғарылауы Сирек - анафилаксиялық реакция, эксфолиативті дерматит, Стивенс-Джонсон синдромы, ангионевроздық ісіну, уытты эпидермалық некролиз, жедел жайылған экзантематозды пустулез, беттің ісінуі, алопеция - лейкопения, нейтропения, агранулоцитоз, тромбоцитопения - гиперхолестеринемия, гипертриглицеридемия, гипокалиемия - гепатит, гепатоцеллюлярлы некроз, бауыр функциясының жеткіліксіздігі, гепатоцеллюлярлы зақымданулар - тремор - «пируэт» типті полиморфты қарыншалық тахикардия, QT аралығының ұзаруы Белгісіз - эозинофилиямен және жүйелі симптомдармен (DRESS синдром) болатын дәрілік реакция Жағымсыз дәрілік реакциялар туындаса, дәрілік препараттардың тиімсіздігі туралы хабарламаны қоса, медицина қызметкеріне, фармацевтика қызметкеріне немесе тікелей дәрілік препараттардың жағымсыз реакциялар (әсерлер) бойынша ақпараттық деректер базасына хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық отралығы» ШЖҚ РМК http://www.ndda.kz

Симптомдары: елестеулер және параноидты мінез-құлық туралы хабарланды. Емі: асқазанды шаю және симптоматикалық ем ұсынылады. Флуконазол несеппен бірге шығарылатын болғандықтан, қарқынды диурез оның шығарылуын тездетеді. Диурез жүргізу 3 сағат ішінде плазмадағы флуконазолдың концентрациясын 50% дерлік төмендетеді. Препаратты қабылдауға кіріспес бұрын, препаратты қолдану бойынша ұсынымдар туралы түсіндірме алу үшін медицина қызметкерімен кеңесіңіз.

- препаратты дәрігердің тағайындауы бойынша қолданыңыз - препаратты қолданар алдында қосымша-парақшаны мұқият оқып шығыңыз - түпнұсқалық қаптамасында, балалардың қолы жетпейтін жерде сақтаңыз. Арнайы ескертулер Бастың шашты бөлігінің дерматофитиясы Препарат тиімділігі жағынан гризеофульвиннен аспайды; емдеудің жалпы сәттілігі 20% құрады, осылайша, флуконазолды бастың шашты бөлігінің дерматофитиясын емдеуге пайдалануға болмайды. Криптококкоз Флуконазолдың басқа аумақтардың криптококкозын (мысалы, өкпенің және терінің криптококкозын) емдеу тиімділігі туралы дәлелді деректер жеткіліксіз, сондықтан препаратты дозалау жөнінде нұсқаулар беру мүмкіндігі жоқ. Терең эндемиялық микоздар Флуконазолдың паракокцидиоидомикоз, тері-лимфа споротрихозы және гистоплазмоз сияқты эндемиялық микоздардың басқа түрлерін емдеу тиімділігі бойынша дәлелді деректер шектеулі, соның салдарынан дозалауға қатысты қандай да бір нұсқаулар беру мүмкіндігі жоқ. Бүйрек функциясының бұзылуы Флуконазол бүйрек функциясының бұзылуы бар пациенттерде сақтықпен қолданылу керек. Бүйрек үсті бездері жеткіліксіздігі Кетоконазолдың бүйрек үсті бездерінің жеткіліксіздігін туындататыны белгілі, ал оны сирек болса да флуконазол қолдану кезінде де байқауға болады. Бүйрек үсті бездерінің жеткіліксіздігі преднизолонмен қатарлас емделумен байланысты. Бауыр және өт шығару жолдары функциясының бұзылуы Флуконазол бауыр функциясының бұзылуы бар пациенттерге абайлап тағайындалу керек. Сирек жағдайларда флуконазол қолдану, ең алдымен, күрделі қатарлас аурулары бар пациенттерде бауырдың уыттылық бұзылыстарымен, оның ішінде өліммен аяқталуымен қатар жүрді. Флуконазолмен байланысты гепатоуыттылық жағдайларында жалпы тәуліктік дозасымен, ем ұзықтығымен, пациенттердің жынысымен немесе жасымен қандай да бір айқын өзара байланысы байқалмады. Флуконазол гепатоуыттылығы әдетте қайтымды сипатта болды және емдеуді тоқтатудан кейін басылды. Флуконазолмен емдеу кезінде бауыр функциясының зертханалық көрсеткіштерінің ауытқулары бар пациенттер бауырдың өте ауыр зақымдануларының дамуынан сақтану мақсатында тұрақты қадағалауда болуы тиіс. Емдеуші дәрігер бауыр үшін ауыр зардаптарға тән симптомдар (астения, анорексия, үнемі жүрек айну, құсу және сарғаю) туралы пациенттерді хабарландыруы тиіс. Флуконазол қабылдауды дереу тоқтату керек, ал пациент дәрігерге қаралу керек. Жүрек-қантамыр жүйесі Кейбір азолдарды, оның ішінде флуконазолды қабылдау кезінде электрокардиограммада QT аралығының ұзару жағдайлары орын алды. Басқа препараттардан (мысалы, амиодарон) туындаған QT аралығының ұзаруы P450 (CYP) 3A4 цитохромын тежеу ​​арқылы күшеюі мүмкін. Флуконазол қабылдаған пациенттерде тіркеуден кейінгі қадағалау барысында QT аралығы ұзаруының және полиморфты қарыншалық тахикардияның өте сирек жағдайлары тіркелді. Осы жағдайлар арасында жүректің құрылымдық ауруы, электролиттік бұзылулар және оқиғаға әсер етуі де мүмкін қатарлас препараттар сияқты көптеген қатарлас қауіп факторлары бар ауыр науқасты пациенттер туралы хабарламалар болды. Гипокалиемиясы және жүректің ауыр жеткіліксіздігі бар пациенттерде өмірге қауіп төндіретін қарыншалық аритмия және полиморфты қарыншалық тахикардия даму қаупі жоғары. Флуконазол ықтималды аритмия жағдайындағы пациенттерге сақтықпен тағайындалу керек. QT аралығын ұзартатыны және P-450 CYP3A4 цитохромы көмегімен метаболизденетіні белгілі басқа дәрілік препараттарды бір мезгілде қолдану қарсы көрсетілімді. Галофантрин Галофантрин ұсынылатын емдік дозасында QT аралығын ұзартады және CYP3A4 субстраты болып табылады. Сондықтан флуконазол мен галофантринді бір мезгілде қолдану ұсынылмайды. Тері реакциялары Сирек жағдайларда флуконазолмен емделу кезінде пациенттерде Стивенс- Джонсон синдромы және уытты эпидермалық некролиз сияқты эксфолиативті тері реакциялары дамиды. АИТВ инфекциясын жұқтырған пациенттер көптеген дәрілік препараттарға ауыр тері реакцияларының дамуына бейім болып келеді. Беткейлік зең инфекциясынан емделіп жүрген пациентте флуконазол әсеріне жатқызуға болатын бөртпе білінгенде осы дәрілік препаратпен емдеуді тоқтату керек. Инвазиялық/жүйелі зең инфекциялары бар пациенттерде бөртпе пайда болғанда оларды мұқият қадағалау және буллезді зақымданулар немесе көп пішінді эритема білінгенде флуконазолды тоқтату керек. Жоғары сезімталдық Анафилаксиялық реакцияның сирек жағдайлары тіркелді. P-450 цитохромы Флуконазол CYP2C9 және CYP3A4 изоферментінің изоферментінің орташа тежегіші, сондай-ақ CYP2C19 изоферментінің күшті тежегіші болып табылады. Флуконазолды CYP2C9, CYP2C19 және CYP3A4 изоферменттерімен метаболизденетін емдік диапазоны тар дәрілік препараттармен бір мезгілде қабылдайтын пациенттерге қадағалау жүргізген жөн. Терфенадин Тәулігіне 400 мг дозалардан аз флуконазол мен терфенадинді бір мезгілде қолдануды емдеуші дәрігердің мұқият қадағалауымен жүргізген жөн. Кандидоз Зерттеулер C. albicans-тен басқа Candida түрлері тудыратын инфекциялар таралуының артқанын көрсетті. Олар көбінесе флуконазолға табиғи төзімділікті (мысалы, C. krusei және C. auris) немесе (C. glabrata) төмен сезімталдықты көрсетеді. Мұндай инфекциялар емдеудің сәтсіздігіне байланысты альтернативті зеңге қарсы терапияны қажет етуі мүмкін. Сондықтан дәрігерлерге Candida-ның әртүрлі түрлерінің флуконазолға төзімділігінің таралуын ескеру ұсынылады. Қосымша заттар ЛУНИЗОЛ-сановель капсуласының құрамында лактоза бар. Сирек тұқым қуалайтын галактоза жақпаушылығы, Лапп лактаза тапшылығы немесе глюкоза-галактоза мальабсорбциясы бар пациенттерге аталған дәрілік препаратты қабылдауға болмайды. Балаларда қолданылуы 18 жасқа толмаған балалар мен жасөспірімдерде препаратты қолданудың қауіпсіздігіне зерттеулер жүргізілген жоқ. Мұндай жағдайларда препаратты зеңге қарсы ем қажет болғанда және балама дәрілер жоқ болғанда ғана тағайындайды.

Егер сіз жүкті немесе бала емізетін болсаңыз, жүкті болуыңыз мүмкін деп ойласаңыз немесе балалы болуды жоспарласаңыз, бұл препаратты қабылдамас бұрын дәрігеріңізбен немесе фармацевтпен кеңесіңіз. Егер сіз жүкті болуды жоспарласаңыз, жүкті болмас бұрын флуконазолды бір рет қабылдағаннан кейін бір апта күткен дұрыс. Флуконазолмен емдеудің ұзақ курстарын жүргізген кезде дәрігермен емдеу кезінде тиісті контрацепцияның қажеттілігі туралы кеңес алыңыз, ол соңғы дозаны қабылдағаннан кейін бір апта бойы жалғасуы керек. Егер дәрігер сізге қабылдау туралы айтпаса, сіз жүкті болсаңыз, жүкті болуыңыз мүмкін деп күдіктенсеңіз, жүкті болуға тырыссаңыз, флуконазол қабылдауға болмайды. Егер сіз осы препаратты қабылдау кезінде немесе соңғы дозаны қабылдағаннан кейін 1 апта ішінде жүкті болсаңыз, дәрігерге қаралыңыз. Жүктіліктің бірінші немесе екінші триместрінде қабылданған флуконазол түсік тастау қаупін арттыруы мүмкін. Бірінші триместрде төмен дозада қабылданған флуконазол балада жүрек, сүйек және/немесе бұлшықет даму ақауларының қаупін аздап арттыруы мүмкін. Үш немесе одан да көп ай бойы кокцидиоидомикоздан флуконазолдың жоғары дозаларын (күн сайын 400-800 мг) қабылдаған әйелдерде бас сүйегінің, құлақтың және жамбас пен шынтақ сүйектерінің даму ақауларымен туылған нәрестелер туралы хабарламалар болды. Флуконазол мен осы жағдайлардың арасындағы байланыс түсініксіз. Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері Флуконазолдың көлік құралын немесе аса қауіпті механизмдерді басқару қабілетіне ықпал ету зерттеулері жүргізілмеген. Флуконазол қабылдау кезінде пациенттер бас айналу немесе құрысу ұстамаларын сезінуі мүмкін, сондықтан осы симптомдардың кез келгені туындағанда автокөлік құралдарын басқарудан және механизмдермен жұмыс істеуден аулақ болу керек.

Келесі дәрілік препараттарды бір мезгілде қолдануға болмайды Цизаприд: флуконазол мен цизапридті бір мезгілде қабылдаған пациенттерде жүрек тарапынан жағымсыз құбылыстар жағдайлары, соның ішінде көп формалы қарыншалық пароксизмальді тахикардия жағдайлары тіркелді. Күніне бір рет 200 мг флуконазол мен күніне төрт рет 20 мг цизапридті бір мезгілде қолдану цизапридтің қан плазмасындағы деңгейлерінің елеулі артуына және QTс аралығының ұзаруына алып келеді. Флуконазол мен цизапридті бір мезгілде қолдануға болмайды. Терфенадин: зеңге қарсы азолдық препараттарды терфенадинмен бірге қабылдаған пациенттерде QTс аралығының ұзаруы себебінен күрделі жүрек аритмиялары дамиды. Флуконазолды тәулігіне 200 мг дозада қолданғанда QTс аралығының ұзаруы байқалған жоқ. Флуконазолды тәулігіне 400 мг және одан көп (800 мг) дозаларда қабылдау терфенадиннің плазмалық деңгейлерінің елеулі артуына алып келеді. 400 мг және одан артық дозалардағы флуконазол мен терфенадинді бір мезгілде қолдануға болмайды. Тәулігіне 400 мг-ден аз дозалардағы флуконазол препараты мен терфенадинді бір мезгілде қолдануды дәрігердің мұқият қадағалауымен жүргізу керек. Астемизол: флуконазол мен астемизолды бір мезгілде қолдану астемизол клиренсінің төмендеуіне алып келуі мүмкін. Астемизолдың плазмадағы жоғары концентрациялары QT аралығының ұзаруына және сирек жағдайларда, көп формалы қарыншалық пароксизмальді тахикардияның туындауына алып келуі мүмкін. Флуконазол мен астемизолды бір мезгілде қолдануға болмайды. Пимозид: флуконазол мен пимозидті бір мезгілде қолдану пимозид метаболизмінің тежелуіне алып келуі мүмкін. Пимозидтің плазмалық концентрацияларының жоғарылығы QT аралығының ұзаруына, және сирек жағдайларда көп формалы қарыншалық пароксизмальді тахикардияның туындауына алып келуі мүмкін. Флуконазол мен пимозидті бір мезгілде қолдануға болмайды. Хинидин: флуконазол мен хинидинді бір мезгілде қолдану хинидин метаболизмінің тежелуіне алып келуі мүмкін. Хинидинді қолданғанда QT аралығының ұзаруы және көп формалы қарыншалық пароксизмальді тахикардияның сирек жағдайлары байқалды. Флуконазол мен хинидинді бір мезгілде қолдануға болмайды. Эритромицин: флуконазол мен эритромицинді бір мезгілде қолдану кардиоуыттылықтың әлеуетті қаупін (QT аралығының ұзаруы, көп формалы қарыншалық пароксизмальді тахикардия) және соның салдары ретінде, кенеттен жүректен болатын өлім қаупін арттырады. Флуконазол мен эритромицинді бір мезгілде қолдануға болмайды. Келесі дәрілік препараттарды бір мезгілде қолдану ұсынылмайды Галофантрин: флуконазол CYP3A4 ферментіне тежегіштік әсеріне байланысты, галофантриннің плазмалық концентрациясын арттыруы мүмкін. Флуконазол мен галофантринді бір мезгілде қолдану кардиоуыттылықтың әлеуетті қаупін (QT аралығының ұзаруы, көп формалы қарыншалық пароксизмальді тахикардия) және соның салдары ретінде, кенеттен жүректен болатын өлім қаупін арттырады. Мұндай біріктірілімін болдырмау керек. Келесі дәрілік препараттарды бір мезгілде қолдану сақтықты қажет етеді Амиодарон: флуконазол мен амиодаронды бір мезгілде қолдану QT аралығының ұзаруына алып келуі мүмкін. Флуконазол мен амиодаронды бір мезгілде қолдану қажет болған жағдайда, әсіресе, флуконазолды жоғары дозаларында (800 мг) қолданған кезде сақтық таныту керек. Келесі дәрілік препараттарды бір мезгілде қолдану сақтықты және олардың дозасын түзетуді қажет етеді Басқа дәрілік препараттардың флуконазолға әсері Рифампицин: флуконазол мен рифампицинді бір мезгілде қолдану флуконазолдың AUC мәндерінің 25 %-ға төмендеуіне және жартылай шығарылу кезеңінің 20 %-ға қысқаруына алып келеді. Рифампицинді бірге қабылдап жүрген пациенттерге флуконазолдың дозасын арттыру керек. Флуконазолды тамақпен, циметидинмен, антацидтермен немесе сүйек кемігін ауыстырып салғаннан кейінгі организмнің жаппай сәулеленуімен бірге ішу арқылы қабылдау флуконазолдың сіңірілуінің клиникалық тұрғыдан елеулі нашарлауына алып келмейді. Гидрохлортиазид: флуконазолмен бір мезгілде гидрохлортиазидті көп рет қолдану қан плазмасында флуконазол концентрациясының 40% жоғарылауына әкеледі. Осындай әсері болғанда бір мезгілде диуретиктер алатын пациенттерде флуконазол қабылдау режимін өзгерту қажет емес. Флуконазолдың басқа дәрілік препараттарға әсері Флуконазол P - 450 цитохромының – CYP2C9 және CYP3A4 изоферменттерінің орташа тежегіші болып табылады. Сондай-ақ флуконазол CYP2C19 изоферментінің де күшті тежегіші болып табылады. Сонымен қатар, CYP2C9, CYP2C19 және CYP3A4 ферменттерімен метаболизденетін және флуконазолмен бір мезгілде қолданылатын басқа құрамдастарының плазмалық концентрациясының арту қаупі бар. Сондықтан бұл препараттарды сақтықпен үйлестіру керек, және пациенттер дәрігердің мұқият қадағалауында болуы тиіс. Флуконазолдың ферменттерге тежегіштік әсері, оның жартылай шығарылу кезеңінің ұзақтығына байланысты, аталған препаратпен емдеуді тоқтатқаннан кейін 4 - 5 күн бойы жалғасады. Алфентанил: флуконазол (400 мг) мен венаішілік алфентанилді (20 мкг/кг) бір мезгілде қолдану барысында дені сау адамдарда алфентанилдің AUC10 мәні 2 есе артады, бұл CYP3A4 изоферментінің тежелуінен болуы мүмкін. Алфентанилдің дозасын түзету қажеттілігі туындауы мүмкін. Амитриптилин, нортриптилин: Флуконазол амитриптилин мен нортриптилиннің әсерін күшейтеді. 5 - нортриптилиннің және (немесе) S - амитриптилиннің концентрациясын қатарлас емдеуді бастар алдында және одан кейін бір аптадан соң өлшеуге болады. Қажет болған жағдайда, амитриптилиннің немесе нортриптилиннің дозасына түзету жүргізу керек. Амфотерицин В: флуконазол мен амфотерицин B бір мезгілде қолдану келесі нәтижелерді көрсетеді: C. albicans-тен туындаған жүйелі инфекциялар кезіндегі зеңге қарсы әлсіз аддитивтік әсері, Cryptococcus neoformans-тен туындаған бассүйекішілік инфекция кезінде ешқандай өзара әрекеттестігі жоқ, Aspergillus fumigatus-тен туындаған жүйелі инфекция кезіндегі екі препараттың антагонизмі. Бұл өзара әрекеттесудің клиникалық маңызы белгісіз. Антикоагулянттар: флуконазолды варфаринмен бірге қабылдап жүрген пациенттерде, протромбиндік уақыттың ұзаруымен қатар жүретін қан кетулер (қанталаулар, мұрыннан қан кету, асқазан-ішектен қан кету, гематурия және мелена) анықталды. Флуконазолмен және варфаринмен қатарлас емдеу кезінде протромбиндік уақыт 2 есе артады, бұл варфарин метаболизмінің CYP2C9 изоферменті арқылы тежелуіне байланысты болуы мүмкін. Кумариндік немесе индандиондық антикоагулянттарды флуконазолмен бірге қабылдап жүрген пациенттерде протромбиндік уақытты бақылау керек. Антикоагулянттың дозасын түзету қажеттілігі туындауы мүмкін. Бензодиазепиндер (әсері қысқа) (мысалы, мидазолам, триазолам): мидазоламды ішу арқылы қабылдағаннан кейін флуконазол мидазолам концентрацияларының елеулі жоғарылауына және психомоторлық әсерлерге алып келеді. 200 мг флуконазол мен 7,5 мг мидазоламды бір мезгілде ішу арқылы қабылдау мидазоламның AUC мәнінің артуына және жартылай шығарылу кезеңінің 3,7 және 2,2 есе ұзаруына алып келеді. 200 мг флуконазолды күн сайын 0,25 мг триазоламмен бірге ішу арқылы қабылдау мидазоламның AUC мәні мен жартылай шығарылу кезеңінің 4,4 және 2,3 есе артуына алып келеді. Флуконазол мен триазоламды бір мезгілде қолданғанда триазоламның әсерінің күшейгені мен ұзарғаны байқалады. Флуконазолды қабылдап жүрген пациенттерді бензодиазепинмен қатарлас емдеу қажет болған жағдайда, бензодиазепиннің дозасын азайту және пациенттерге тиісінше қадағалау жүргізу керек. Карбамазепин: Флуконазол карбамазепиннің метаболизмін тежейді және соңғысының қан сарысуындағы концентрациясын 30 %-ға арттырады. Карбамазепиндік уыттылықтың даму қаупі бар. Карбамазепиннің дозасын концентрациясы көрсеткіштеріне немесе әсеріне байланысты түзету қажет болуы мүмкін. Кальций өзекшелерінің блокаторлары: кальций өзекшелерінің кейбір антагонистері (нифедипин, исрадипин, амлодипин, верапамил және фелодипин) CYP3A4 ферменті арқылы метаболизденеді. Флуконазол кальций өзекшелері антагонистерінің жүйелі әсерін айтарлықтай арттыруы мүмкін. Жағымсыз әсерлеріне жиі мониторинг ұсынылады. Целекоксиб: флуконазолмен (тәулігіне 200 мг) және целекоксибпен (200 мг) қатарлас емдеу кезінде, целекоксибтің Cmax және AUC сәйкесінше 68 % және 134 %-ға артады. Целекоксиб дозасының флуконазолмен үйлестірілген жағдайда жартысы қажет болуы мүмкін. Циклофосфамид: циклофосфамид пен флуконазолды біріктіріп емдеу қан сарысуындағы билирубин мен креатинин деңгейлерінің артуына алып келеді. Біріктірілімін билирубин мен қан сарысуындағы креатинин мөлшерінің арту қаупі жоғарылайтынын ескере отырып пайдалануға болады. Фентанил: өлімге соқтырған, фентанил мен флуконазолдың өзара әрекеттесуінен туындауы мүмкін бір жағдай тіркелді. Бұдан өзге, дені сау адамдарда флуконазол фентанилдің элиминациясын едәуір кідіртетіні көрсетілді. Фентанилдің жоғары концентрациялары тыныс алу жеткіліксіздігіне алып келуі мүмкін. Пациенттерге тыныстың тарылу қаупінің болуы мүмкіндігіне байланысты мұқият қадағалау жүргізу керек. Фентанилдің дозасын түзету қажет болуы мүмкін. Гидроксиметилглутарил - кофермент A - редуктаза (ГМГ - КоA - редуктаза) тежегіштері: Флуконазол аторвастатин және симвастатин сияқты CYP3A4 арқылы, немесе флувастатин сияқты CYP2C9 арқылы метаболизденетін ГМГ - КоA - редуктаза тежегіштерімен бір мезгілде тағайындалғанда, миопатия мен қаңқа бұлшықеттерінің жедел некрозының (рабдомиолиз) даму қаупі артады. Қатарлас емдеу қажет болған жағдайда, пациент миопатия мен рабдомиолиз симптомдарының пайда болуына қатысты дәрігердің қадағалауында болуы тиіс, сондай-ақ организмдегі креатинкиназа деңгейіне бақылау жүргізілуі тиіс. Егер креатинкиназа деңгейінің елеулі артуы немесе миопатия немесе рабдомиолиз диагнозы қойылса немесе дамуына күдік болса, ГМГ - КоA - редуктаза тежегіштерін қабылдауды тоқтату керек. Ибрутиниб: Флуконазол сияқты CYP3A4 орташа тежегіштері ибрутинибтің қан плазмасындағы концентрациясын жоғарылатады және уыттылық қаупін арттыруы мүмкін. Егер препараттарды біріктірілімде қолданбау мүмкін болмаса, тежегішті қолдану кезеңінде ибрутиниб дозасын тәулігіне бір рет 280 мг (2 капсула) дейін шектеу қажет және мұқият клиникалық мониторингті қамтамасыз ету керек. Ивакафтор: муковисцидоз кезінде трансжарғақшалық өткізгіштік реттегіші генінің стимуляторы (CFTR) ивакафтормен бір мезгілде қолдану, ивакафтордың әсер ету деңгейін 3 есе, ал гидроксиметил - ивакафтордың (M1) әсер ету деңгейін - 1,9 есе арттырады. Ивакафтордың дозасын тәулігіне бір рет 150 мг дейін төмендету, флуконазол және эритромицин сияқты CYP3A орташа тежегіштерін бір мезгілде қабылдап жүрген пациенттерге ұсынылады. Олапариб: CYP3A4 орташа тежегіштері, флуконазол сияқты, олапарибтің қан плазмасындағы концентрациясын жоғарылатады; бір мезгілде қолдану ұсынылмайды. Егер аталған препараттарды біріктіру өте қажет болса, олапарибтің дозасын тәулігіне екі рет 200 мг дейін шектеу керек. Иммунодепрессанттар (циклоспорин, эверолимус, сиролимус және такролимус) Циклоспорин: Флуконазол циклоспориннің концентрациясы мен AUC мәнін едәуір арттырады. Флуконазолмен (тәулігіне 200 мг дозада) және циклоспоринмен (тәулігіне 2,7 мг/кг дозада) бір мезгілде емдеген кезде циклоспориннің AUC мәнінің 1,8 есе артқаны байқалды. Препараттардың бұл біріктірілімін циклоспориннің дозасын концентрациясына байланысты төмендете отырып пайдалануға болады. Эверолимус: CYP3A4 ферментінің тежеуіне байланысты, флуконазол эверолимустың қан сарысуындағы концентрациясын арттыруы мүмкін. Сиролимус: Флуконазол сиролимустың плазмалық концентрациясын, шамасы, сиролимус метаболизмін CYP3A4 арқылы және Р - гликопротеинді тежеуі арқылы арттырады. Бұл біріктірілімін сиролимустың дозасын әсері мен концентрациясының көрсеткіштеріне байланысты түзеткен кезде пайдалануға болады. Такролимус: Флуконазол ішу арқылы қолданғанда такролимустың қан сарысуындағы концентрациясын CYP3A4 ферментінің ішекте тежелуі салдарынан такролимус метаболизмінің тежелуі себепті 5 есеге дейін арттыруы мүмкін. Такролимусты вена ішіне қолданғанда елеулі фармакокинетикалық өзгерістері байқалған жоқ. Такролимус деңгейлерінің жоғарылауы нефроуытылықтың дамуына алып келді. Ішу арқылы қолданған кезде такролимустың дозасын оның концентрациясына байланысты азайту керек. Лозартан: Флуконазол, лозартанмен емдеу кезінде орын алатын ангиотензин II рецепторлары антагонизмінің көп бөлігіне жауап беретін, лозартанның белсенді метаболитіне (Е 3174) дейінгі метаболизмін тежейді. Пациенттер артериялық қысымды үнемі бақылап отыруы тиіс. Луразидон: флуконазол сияқты CYP3A4 орташа тежегіштері плазмадағы луразидон концентрациясын жоғарылатуы мүмкін. Егер бір мезгілде қолданбауға мүмкін болмаса, луразидонды қолдану жөніндегі нұсқаулықта көрсетілгендей луразидон дозасын азайту қажет. Метадон: Флуконазол қан сарысуындағы метадон концентрациясын арттыруы мүмкін. Метадонның дозасын түзету қажет болуы мүмкін. Қабынуға қарсы стероидты емес препараттар (ҚҚСП): флурбипрофенмен монотерапияны салыстырғанда, флурбипрофеннің Cmax және AUC флуконазолмен бір мезгілде тағайындағанда 23 % және 81 %-ға артады. Осы сияқты, флуконазол ибупрофеннің рацемиялық қоспасымен бір мезгілде тағайындалғанда (400 мг), соңғысының монотерапиясымен салыстырғанда, фармакологиялық тұрғыдан белсенді изомерінің (S - (+) - ибупрофен) Cmax және AUC 15 % және 82 %-ға артады. Флуконазол, CYP2C9 арқылы метаболизденетін басқа ҚҚСП (мысалы, напроксен, лорноксикам, мелоксикам, диклофенак) жүйелі әсерін арттыруы мүмкін. ҚҚСП-мен байланысты жағымсыз әсері мен уыттылығына жиі мониторинг жүргізу ұсынылады. ҚҚСП дозасын түзету қажет болуы мүмкін. Фенитоин: Флуконазол фенитоиннің бауырлық метаболизмін тежейді. Флуконазолды 200 мг дозада және фенитоинді 250 мг дозада вена ішіне бір мезгілде бірнеше рет қолдану фенитоиннің AUC24 мәнінің 75 %-ға және Cmin мәнінің 128 %-ға жоғарылауына алып келді. Бір мезгілде қолданғанда фенитоиннің уыттылық көріністерін болдырмау үшін, фенитоин концентрациясының қан сарысуындағы деңгейлері тексерілуі тиіс. Преднизон: бауыр трансплантациясынан кейін преднизонмен ем қабылдаған пациентте, флуконазолмен үш айлық емді тоқтатқаннан кейін бүйрекүсті безі қыртысының жедел жеткіліксіздігі дамыған жағдай анықталды. Флуконазолды тоқтату CYP3A4 ферменті белсенділігінің жоғарылауына алып келді, бұл өз кезегінде преднизон метаболизмінің күшеюін туғызды деп шамаланады. Флуконазолды және преднизонмен ұзақ уақыт ем қабылдаған пациенттерді флуконазолды тоқтатқаннан кейін бүйрекүсті безі қыртысы жеткіліксіздігінің дамуына қатысты қадағалау керек. Рифабутин: Флуконазолмен бір мезгілде қолдану қан сарысуындағы рифабутиннің AUC шамасының 80 %-ға дейін артуына алып келеді. Флуконазол мен рифабутин бір мезгілде тағайындалған пациенттерде увеит дамыған жағдайлар туралы хабарланды. Рифабутин мен флуконазол препаратын бір мезгілде қабылдап жүрген пациенттердің жағдайын, рифабутин уыттылығының біліну симптомдарына қатысты мұқият қадағалау қажет. Саквинавир: CYP3A4 ферментінің қатысуымен саквинавирдің бауырлық метаболизмін тежеуіне, сондай-ақ P-гликопротеинді тежеуіне байланысты, флуконазол ферменттердің қатысуымен саквинавирдің AUC және Cmax мәндерін сәйкесінше 50 % және 55 %-ға арттырады. Саквинавирмен/ритонавирмен өзара әрекеттесуі зерттелген жоқ және анағұрлым айқын болуы мүмкін. Саквинавирдің дозасын түзету қажеттілігі туындауы мүмкін. Сульфонилмочевина препараттары: флуконазол бір мезгілде қабылдаған қан плазмасынан сульфонилмочевина препараттарының (мысалы, хлорпропамид, глибенкламид, глипизид, толбутамид) жартылай шығарылу кезеңін ұзартады. Қандағы глюкозаны жиі бақылау және сульфонилмочевинаның дозасын тиісінше азайту ұсынылады. Теофиллин: Флуконазолды 14 күн бойы 200 мг қабылдау теофиллин клиренсінің орташа жылдамдығының 18 %-ға төмендеуіне алып келеді. Флуконазол мен теофиллинді жоғары дозаларда қабылдап жүрген пациенттерді немесе теофиллиннің уытты әсерінің қаупі жоғары пациенттерді, теофиллиннің артық дозалану симптомдарын дер кезінде анықтау мақсатында мұқият қадағалау қажет; олар пайда болған жағдайда, емдеуді тиісінше өзгерту керек. Тофацитиниб: тофацитинибтің экспозициясы CYP3A4 орташа тежелуіне және CYP2C19 күшті тежелуіне әкелетін препараттармен (мысалы, флуконазол) бір мезгілде тағайындаған кезде ұлғаяды. Осылайша, аталған препараттармен бірге тағайындаған кезде тофацитинибтің дозасын күніне бір рет 5 мг дейін азайту ұсынылады. Толваптан: CYP3A4 субстраты толваптанды CYP3A4 орташа тежегіші флуконазолмен бір мезгілде қолданғанда, жағымсыз реакциялардың, әсіресе елеулі диурез, дегидратация және жедел бүйрек жеткіліксіздігі, айтарлықтай жоғарылау қаупімен бірге, толваптанның экспозициясы айтарлықтай артады (AUC 200%; Cmax 80%). Бір мезгілде қолданған жағдайда толваптанды қолдану жөніндегі нұсқаулықта көрсетілгендей, толваптанның дозасын азайту керек, ал пациентті толваптанмен байланысты кез келген жағымсыз реакцияларға мұқият бақылау керек. Қабыршөп алкалоиды: Флуконазол қабыршөп алкалоидының плазмалық деңгейлерін арттыруы (мысалы, винкристин және винбластин) және CYP3A4-ке тежегіштік әсеріне байланысты, нейроуыттылыққа алып келуі мүмкін. А дәрумені: толықтай транс - ретиной қышқылымен (A дәруменінің қышқыл түрі) және флуконазолмен біріктіріп емдеуден өткен пациенттің бір клиникалық жағдайының сипаттамасында ОЖЖ тарапынан флуконазолды қабылдауды тоқтатқаннан кейін басылған идиопатиялық бассүйекішілік гипертензия түріндегі жағымсыз әсерлердің дамығаны анықталды. Бұл біріктірілімін пайдалануға болады, бірақ ОЖЖ-мен байланысты жағымсыз әсерлерін анықтау мақсатында пациенттерді қадағалау керек. Вориконазол (CYP2C9, CYP2C19 және CYP3A4 тежегіші): пероральді вориконазолды (1-ші күні әр 12 сағат сайын 400 мг, одан кейін 2,5 күн бойы әр 12 сағат сайын 200 мг) және пероральді флуконазолды (1-ші күні 400 мг, одан кейін 4 күн бойы әр 24 сағат сайын 200 мг) бір мезгілде қолдану вориконазол концентрациясының және AUC мәнінің, тиісінше, орта есеппен 57% (90% C1: 20%, 107%) және 79% (90% CI: 40%, 128%) артуына әкелді. Вориконазол мен флуконазолдың дозасы және/немесе жиілігін төмендету осы әсердің жойылуына әкелген жоқ. Вориконазолды флуконазолдан кейін бірден қолданған жағдайда вориконазол қолданумен байланысты жағымсыз реакцияларға мониторинг өткізу ұсынылады. Зидовудин: Ішу арқылы қабылдағанда зидовудин клиренсінің шамамен 45 %-ға төмендейтіндігіне байланысты, флуконазол зидовудиннің Cmax және AUC на 84 % және 74 %-ға арттырады. Зидовудиннің жартылай шығарылу кезеңі флуконазолмен біріктіріп емдеуден кейін шамамен 128 %-ға ұзарады. Бұл біріктірілімді қабылдап жүрген пациенттер зидовудинді қабылдаумен байланысты жағымсыз реакцияларды анықтау мақсатында қадағалауда болуы тиіс. Зидовудиннің дозасын азайту қажет болуы мүмкін. Азитромицин: 18 сау еріктілердің қатысуымен өткен ашық рандомизацияланған үш жақты айқаспалы зерттеу барысында азитромициннің 1200 мг бір реттік пероральді дозасының флуконазолдың 800 мг бір реттік пероральді дозасының фармакокинетикасына әсері, сондай-ақ флуконазолдың азитромицин фармакокинетикасына әсері бағаланды. Флуконазол мен азитромициннің арасында елеулі фармакокинетикалық өзара әрекеттесу анықталған жоқ. Пероральді контрацептивтер: біріктірілімдегі оральді контрацептивті және флуконазолдың көп реттік дозаларын қолданумен екі фармакокинетикалық зерттеу жүргізілді. Флуконазол 50 мг дозасының гормондар деңгейіне ешқандай елеулі әсері байқалған жоқ, ал тәуліктік 200 мг дозасы кезінде, этинилэстрадиол мен левоноргестрелдің AUC (концентрация - уақыт қисығы астындағы ауданы) 40 % және 24 %-ға артты. Осылайша, флуконазолды жоғарыда көрсетілген дозаларда бірнеше рет қолдану ұрықтануға қарсы ішілетін біріктірілген препараттардың тиімділігіне әсер етпейді.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары 25 °С -ден аспайтын температурада сақтау керек. Балалардың қолы жетпейтін жерде сақтау керек!