Люголит-DF® спрей 1%

1 г препараттың құрамында: белсенді зат - йод 0,01 г; қосымша заттар: калий йодиді, глицерин 85 %, тазартылған су. Сыртқы түрінің, иісінің, дәмінің сипаттамасы Йод иісі бар қызыл-қоңыр түсті мөлдір шәрбат тәрізді сұйықтық

- катаральді баспа - жедел және созылмалы тонзиллит, фарингит - афтозды стоматит

Әсер ету механизмі Антисептикалық және жергілікті тітіркендіргіш әсері бар молекулалық йод негізгі әсер етуші зат болып табылады. Калий йодиді йодтың суда еруін жақсартады. Глицерол жұмсартқыш әсер береді. Препарат аз уытты. Фармакодинамикалық әсерлері Грамтеріс және грамоң флораға қатысты бактерицидтік әсер етеді, сондай-ақ патогенді зеңдерге (оның ішінде ашытқыларға) әсер етеді; Staphylococcus spp. йодқа неғұрлым төзімді, алайда препаратты ұзақ уақыт қолданған кезде 80% жағдайда стафилококкты флораның бәсеңдеуі байқалады; Pseudomonas aeruginosa препарат әсеріне төзімді. Тері мен шырышты қабаттардың кең қабаттарына жаққан кезде йод резорбтивті әсер етеді: зат алмасуға белсенді әсер етеді, диссимиляция процестерін күшейтеді, ТЗ және Т4 синтезіне қатысады, протеолитикалық әсерге ие. Клиникалық тиімділігі және қауіпсіздігі Деректер жоқ Балалар 8 жасқа дейінгі балаларға қолдануға болмайды.

Дозалау режимі Баспаны, тонзиллитті немесе фарингитті емдеу үшін бүріккішті ауыз қуысына 2-3 см енгізіңіз, деміңізді ұстап, бір бүрку оңға, екіншісі солға жасалатындай етіп бүріккіштің Стоматитті емдеу кезінде ауыз қуысының шырышты қабығына бүрку керек. Енгізу әдісі мен жолы Жергілікті, сыртқа. Емдеу ұзақтығы Қолдану ұзақтығы аурудың сипатына, оның ауырлығына байланысты және дәрігермен анықталады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрігердің кеңесінсіз ұзақ уақыт бойы препаратты қолдануға болмайды.

- йодқа және қосымша заттардың кез келгеніне аса жоғары сезімталдық - жүктілік кезеңі - қалқанша безінің гиперфункциясы - декомпенсацияланған жүрек, бүйрек жеткіліксіздігі - диагностикалық зерттеулер немесе радиоактивті йодпен емдеу (зерттеуге немесе емдеуге дейін және одан кейін 2 апта кезеңінде) - Дюрингтің герпетиформды дерматиті - 8 жасқа дейінгі балалар

Өте жиі (>1/10) - жергілікті тітіркендіргіш әсер (ашыту) Сирек (>1/10 000-нан ≤1/1 000-ға дейін) - аллергиялық реакциялар (қышыну, гиперемия, есекжем) Өте сирек - йодизм (металл дәмі, ринит, есекжем, Квинке ісінуі, сілекей ағуы, жас ағуы, асқазан-ішек жолдарының бұзылуы, безеулі бөртпе). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жоғарғы тыныс алу жолдарының тітіркенуі (күйік, ларинго-, бронхоспазм); ішке түскен кезде - АІЖ шырышты қабығының тітіркенуі, гемолиз, гемоглобинурия; өлімге әкелетін дозасы - шамамен 3 г. Емі: асқазанды натрий тиосульфатының 0,5% ерітіндісімен, натрий гидрокарбонаты ерітінділерімен, в/і натрий тиосульфатымен 30% - 300 мл-ге дейін шаю.

Гипертиреоз (тиротоксикоз) бар пациенттерде тұрақты пайдаланудан аулақ болу керек. 8 жасқа дейінгі балаларда дәрігермен кеңескеннен кейін қолдану керек. Қалқанша безінің гормондарын зерттеу кезінде зертханалық нәтижелерге әсер етуі мүмкін. Препараттың көзге түсуіне жол бермеу керек. Көзге түскен жағдайда көп мөлшердегі сумен немесе натрий тиосульфатының ерітіндісімен шаю керек. Арнайы сақтандырулар Педиатрияда қолдану 8 жасқа дейінгі балаларда дәрігермен кеңескеннен кейін қолдану керек.

Жүктілік кезеңінде қолдануға болмайды. Бала емізу кезеңінде, егер ана үшін күтілетін пайдасы бала үшін потенциалды қауіптен асып кетсе, препаратты қолдануға болады. Препаратты бала емізу кезеңінде қолданар алдында дәрігермен кеңесу керек. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Препарат көлік құралын немесе потенциалды қауіпті механизмдерді басқару қабілетіне әсер етпейді.

Эфир майларымен, аммиак ерітінділерімен фармацевтикалық үйлесімсіз. Сілтілі немесе қышқыл орта, майдың, іріңнің, қанның болуы антисептикалық белсенділікті әлсіретеді. Йод натрий тиосульфатымен инактивацияланады. Препарат ішке түскен жағдайда қалқанша безінің қызметін бәсеңдететін дәрілік заттардың әсерін төмендетуі мүмкін, сонымен қатар қалқанша безі қызметінің көрсеткіштері өзгеруі мүмкін. Йод препараттары асқазан-ішек жолдары шырышты қабықтарына кейбір дәрілік заттардың (оның ішінде ацетилсалицил қышқылын) тітіркендіретін әсерін ішке кездейсоқ түскенде күшейтуі мүмкін.

Сақтау мерзімі 3 жыл. Бүріккішпен жиынтықтағы құтыны ашқаннан кейінгі қолдану кезеңі – 28 тәулік. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25ºС-ден аспайтын температурада сақтау керек. Балалардың қолы жетпейтін жерде сақтау керек!