Глицеринді Люголь ерітіндісі раствор

100 г препараттың құрамында белсенді заттар: 1.0 г йод 2.0 г калий йодиді қосымша заттар: глицерин, тазартылған су Сыртқы түрінің, иісінің, дәмінің сипаттамасы Мөлдір, йод иісі бар қызыл-қоңыр-түсті шәрбат тәрізді сұйықтық.

- ересектер мен балаларда ауыз қуысы мен жұтқыншақтың шырышты қабығының инфекциялық-қабыну аурулары.

Әсер ету механизмі Негізгі әсер етуші заты антисепикалық және жергілікті тітіркендіретін әсері бар молекулярлы йод болып табылады. Фармакодинамикалық әсерлері Грамтеріс және грамоң флораға қатысты бактерицидті әсер етеді, сондай-ақ патогенді зеңдерге (оның ішінде ашытқылар) әсер ететін біріктірілген препарат; Staphylococcus spp.Йодқа тұрақты, алайда препаратты ұзақ қолданғанда 80 % жағдайда стафилококк флорасын басуы байқалады; Pseudomonas aeruginosa препараттың әсеріне тұрақты. Терінің және шырышты қабықтардың көлемді беткейіне жаққан кезде йод сіңіріледі: зат алмасуғабелсенді әсер етеді, диссимиляция процестерін күшейтеді, Т3 және Т4 синтезіне қатысады, протеолитикалық әсерге ие.

Дозалау режимі Жергілікті. Ауыз қуысының, жұтқыншақтың, аңқаның шырышты қабығын майлау үшін күніне 4-6 рет қолданады. Емдеу курсының ұзақтығы аурудың сипатына және оның ауырлығына байланысты. Зақымданған аумақты препаратпен суланған таяқша-тампонмен майлайды. Егер қабыну симптомдары 2-3 күн емдеуден кейін азаймаса немесе күшейсе, дәрігермен кеңесу керек. Ұзақ қолдану үшін (2 аптадан артық) ұсынылмайды. Енгізу әдісі және жолы Жергілікті. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Препаратты дәрігердің кеңесінсіз ұзақ уақыт қолдануға болмайды.

• әсер етуші заттарға немесе қосымша заттардың кез келгеніне аса жоғары сезімталдық • бауыр мен бүйректің ауыр түрдегі аурулары • 6 жасқа дейінгі балалар • жүктілік кезеңі

• аллергиялық реакциялар • ұзақ қолдану йодизм құбылыстарын туғызуы мүмкін (ринит, есекжем, Квинке ісінуі, жастың ағуы, сілекейдің ағуы, безеулі бөртпе). Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі «Медициналық жәнефармацевтикалық бақылау комитеті» «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жоғарғы тыныс жолдарының тітіркенуі (күю, ларинго, бронхтың түйілуі); ішке қабылдағанда – асқазан-ішек жолдары шырышты қабығының тітіркенуі, гемолиз, гемоглобинурия; өлімге ұшырататын доза – шамамен 3 г. Емі: асқазанды натрий тиосульфатының 0,5 % ерітіндісімен, натрий гидрокарбонаты ерітіндісімен шаю, вена ішіне 300 мл дейін 30 % натрий тиосульфаты ерітіндісін енгізу.

Препараттың көзге түсуіне жол бермеңіз. Арнайы ескертулер Педиатрияда қолдану Балаларға 6 жастан бастап қолданылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді

Жүктілік кезеңінде қолдануға болмайды. Бала емізу кезеңінде, егер ана үшін күтілетін пайдасы бала үшін потенциалды қауіптен асып кетсе, препаратты қолдануға болады. Препаратты бала емізу кезеңінде қолданар алдында дәрігермен кеңесу керек.

Фармацевтикалық эфир майларымен, аммиак ерітінділерімен үйлесімсіз. Сілтілік немесе қышқыл орта, майдың, іріңнің, қанның болуы антисептикалық әсерін әлсіретеді. Натрий тиосульфаты йодтың белсенділігін жояды. Препарат ішке түскен жағдайда қалқанша безінің қызметін бәсеңдететін дәрілік заттардың әсерін төмендетуі мүмкін, сонымен қатар қалқанша безі қызметінің көрсеткіштері өзгеруі мүмкін. Йод препараттары асқазан-ішек жолдары шырышты қабықтарына кейбір дәрілік заттардың (оның ішінде ацетилсалицил қышқылын) тітіркендіретін әсерін ішке кездейсоқ түскенде күшейтуі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25о С-ден аспайтын температурада сақтау керек. Балалардың қолы жетпейтін жерде сақтау керек!