ЛЮГОЛЬ СПРЕЙІ спрей 1%

1 г препарат құрамында: белсенді зат – 0,01 г йод; қосымша заттар: калий йодиді, глицерин 85%, тазартылған су. Сыртқы түрінің, иісінің, дәмінің сипаттамасы Йод иісі бар қызыл-қоңыр түсті мөлдір шәрбат тәрізді сұйықтық.

• катаралдық баспа • жедел және созылмалы тонзиллит, фарингит • афтозды стоматит

Әсер ету механизмі Антисептикалық және жергілікті тітіркендіргіш әсері бар молекулалық йод негізгі белсенді зат болып табылады. Калий йодиді йодтың суда еруін жақсартады. Глицерол жұмсартатын әсер етеді. Препараттың уыттылығы аз. Фармакодинамикалық әсерлер Грамтеріс және грамоң флораға қатысты бактерицидтік әсер етеді, сондай-ақ патогенді зеңдерге (оның ішінде ашытқыларға) әсер етеді; Staphylococcus spp. йодқа төзімдірек, алайда препаратты ұзақ уақыт қолданған кезде 80% жағдайда стафилококкты флораның бәсеңдеуі байқалады; Pseudomonas aeruginosa препараттың әсеріне төзімді. Терінің және шырышты қабықтардың кең қабаттарына жаққан кезде йод резорбтивті әсерін тигізеді: метаболизмге белсенді әсер етеді, диссимиляция процестерін күшейтеді, Т3 және Т4 синтезіне қатысады, протеолитикалық әсерге ие болып табылады. Клиникалық тиімділігі және қауіпсіздігі Деректер жоқ Балалар 8 жасқа дейінгі балаларға қолдануға болмайды.

Дозалану режимі Баспаны, тонзиллитті немесе фарингитті емдеу үшін бүріккішті ауыз қуысына 2-3 см енгізіңіз, деміңізді ұстап, бір бүрку оңға, екіншісі солға жасалатындай етіп бүріккіштің басына 2 рет басыңыз. Стоматитті емдеу кезінде ауыз қуысының шырышты қабығын сулау керек. Енгізу әдісі мен жолы Жергілікті, сыртқа. Емдеу ұзақтығы Қолдану ұзақтығы аурудың сипатына, оның айқындылығына байланысты және дәрігермен анықталады.

• йод немесе қосымша заттардың кез келгеніне аса жоғары сезімталдық • жүктілік кезеңі • қалқанша безінің гиперфункциясы • декомпенсацияланған жүрек, бүйрек жеткіліксіздігі • диагностикалық зерттеулер немесе радиоактивті йодпен емдеу (зерттеуге немесе емдеуге дейін және одан кейін 2 апта кезеңінде) • Дюрингтің герпетиформды дерматиті • 8 жасқа дейінгі балалар

Дәрігердің кеңесінсіз ұзақ уақыт бойы препаратты қолдануға болмайды. ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар Өте жиі (>1/10) • жергілікті тітіркендіргіш әсері (ашыту) Сирек (>1/10 000-нан <1/1 000 дейін) • аллергиялық реакциялар (қышыну, гиперемия, есекжем) Өте сирек • йодизм (металл дәм тату, тұмау, есекжем, Квинке ісінуі, сілекейдің ағуы, жас ағуы, асқазан-ішек жолдарының бұзылысы, безеу) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жоғарғы тыныс алу жолдарының тітіркенуі (күйік, ларинго-, бронх спазм); ішке түскен кезде - АІЖ шырышты қабығының тітіркенуі, гемолиз, гемоглобинурия; өлімге әкелетін дозасы - шамамен 3 г. Емі: асқазанды 0,5% натрий тиосульфаты ерітіндісімен, натрий гидрокарбонаты ерітінділерімен, в/і натрий тиосульфатымен 30% - 300 мл-ге дейін шаю.

Гипертиреоз (тиротоксикоз) бар пациенттерде тұрақты пайдаланудан аулақ болу керек. 8 жасқа дейінгі балаларда дәрігермен кеңескеннен кейін қолдану керек. Қалқанша безінің гормондарын зерттеу кезінде зертханалық нәтижелерге әсер етуі мүмкін. Препараттың көзге түсуіне жол бермеу керек. Егер мұндай жағдай орын алса, көзді көп мөлшердегі сумен немесе натрий тиосульфаты ерітіндісімен шаю керек. Арнайы сақтандырулар Педиатрияда қолдану 8 жасқа дейінгі балаларда дәрігермен кеңескеннен кейін қолдану керек. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралын немесе қауіптілігі зор механизмдерді басқару қабілетіне әсер етпейді.

Жүктілік кезеңінде қолдануға болмайды. Бала емізу кезеңінде, егер ана үшін болжамды пайда бала үшін ықтимал қауіптен асып кетсе ғана препаратты қолдануға болады. Препаратты бала емізу кезеңінде қолданар алдында дәрігермен кеңесу керек.

Фармацевтикалық тұрғыдан эфир майларымен, аммиак ерітінділерімен үйлеспейді. Сілтілі немесе қышқыл реакция, майдың, іріңнің, қанның болуы антисептикалық белсенділікті әлсіретеді. Йод натрий тиосульфатымен инактивацияланады. Препарат ішке түскен жағдайда, қалқанша безінің қызметін тежейтін дәрілік заттардың әсері төмендеуі мүмкін, сонымен қатар қалқанша безінің жұмысының көрсеткіштері өзгеруі мүмкін. Йод препараттары кейбір дәрілік заттардың (оның ішінде ацетилсалицил қышқылының) ішке кездейсоқ түскен жағдайда асқазан - ішек жолының шырышты қабығына тітіркендіргіш әсерін күшейтуі мүмкін.

Сақтау мерзімі 2 жыл. Бүріккішпен жиынтықтағы құтыны ашқаннан кейін қолдану кезеңі - 28 тәулік. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25˚С-ден аспайтын температурада сақтау керек. Балалардың қолы жетпейтін жерде сақтау керек!