Лютеина® таблетки 50 мг

Бір таблетканың құрамында белсенді зат – 50 мг прогестерон, қосымша заттар: лактоза моногидраты, картоп крахмалы, поливинилпиролидон (К-25 типі), этилцеллюлоза (N -22 типі), тальк, ванилин, магний стеараты. Сыртқы түрінің, иісінің, дәмінің сипаттамасы Ақ түсті, дөңгелек пішінді, бір жақ беті ойық, басқа жақ беті сәл дөңес, 9 мм таблеткалар.

• прогестеронның эндогендік тапшылығынан өршіген етеккір оралымының бұзылуларында • салдарлық аменореяда • етеккіралды синдромында • жыныс жолдарынан функциональді қан кетулерде • сары дененің жетілмеуінде • ановуляторлық циклдерде • бедеулікте, мысалы, ЭКО-да және қосымша ұрықтандырудың басқа да әдістемелерінде қосымша ем ретінде • прогестеронның эндогендік тапшылығы аясында дағдылы немесе қауіп төндіретін түсіктерде • эстрогендерді қабылдап жүрген әйелдерде (мысалы, гормон орнын алмастыру емінде) эндометриозға профилактика жүргізу үшін.

ATХ коды: G03DA04 Әсер ету механизмі Прогестерон табиғи прогестоген, сары дененің және плацентаның негізгі гормоны болып табылады. Ол эндометрийге әсер етіп, пролиферациялық фазаны секреторлыққа айналдырады. Лютеина тіл астына салатын 50 мг таблеткалар эндогендік прогестеронның барлық қасиеттері, атап айтқанда гестагенді, антиэстрогенді, сәл антиандрогенді және антиальдостеронды әсерлері бар. Лютеина 50 препаратындағы прогестерон аналық бездің сары денесінің синтетикалық жолмен алынған табиғи гормоны болып табылады. Физиологиялық жағдайларда прогестерон аналық бездің сары денесінің лютеинделген фолликулалық жасушаларында, жүктіліктің 14 - 18 аптасындағы плацента түктерінің кешенінде, бүйрекүсті бездері қыртысының шоғырлы және торлы аймағында, сондай-ақ орталық жүйке жүйесінде өндіріледі. Аналық бездің сары денесі прогестеронды етеккір оралымының екінші фазасында циклдің 20-22 күні тәулігіне шамамен 5-тен 55 мг дейін артатын және циклдің 27 күніне дейін азаятын мөлшерлерде өндіреді. Прогестеронның сары денемен бөлініп шығуы импульсті түрде жүреді. Әйелдің организмінде прогестерон тікелей жатырда, кеуде бездерінде, орталық жүйке жүйесінде және ми қосалқыларында орналасқан спецификалық рецепторлар арқылы әсер етеді. Прогестерон үшін адамдағы фактор екі изоформа түрінде болады: PR-A және PR-B (PR-прогестерон). PR-A транкрипцияның тежегіші ретінде, сонымен қатар белсенділендіргіші ретінде рөл атқаруы мүмкін, бұл сонысымен әртүрлі тіндік әсерлерге мүмкіндік береді. Прогестеронның бала туу функциясына маңыздырақ әсері Граафтық көпіршіктер қабырғаларының протеолизінің күшеюі; ұрықтанған аналық жасушалардың имплантациялануына мүмкіндік беретін эндометрийдің секреторлық өзгерулері; эстрогендердің әсер етуінен туындаған эндометрийдің шамадан тыс өсуінің тежелуі; жатыр түтіктерінің, жатыр мойнының және қынаптың бұлшықеттеріндегі циклдік өзгерулері арқылы овуляцияның жүзеге асырылуы болып табылады. Прогестерон кеуде бездеріне синергиялық түрде әсер етіп, кеуде бездерінің және ағын жолдарының бұлшықеттерінің өсуін туындатады және лактация үшін қажетті рецепторлардың экспрессиясына қатысады. Прогестерон жүктіліктің бүкіл кезеңі бойы жүктілікті демеу үшін қажетті гормон болып табылады: шарананың антигендеріне жатырдың иммундық реакциясын тежейді, шарананың глюко- және минералокортикоидтарының түзілуі үшін субстрат болып табылады, босануларды инициациялайды, жүктілік кезіндегі жатырдың өздігінен болатын жиырылғыштық белсенділігін тежейді. Прогестеронның басқа метаболизмдік әсерлері дене температурасының жоғарылауы, тыныс алудың стимуляциясы, қан плазмасындағы амин қышқылдары концентрацияларының азаюы, глюкагон концентрациясының артуы және инсулиннің гипогликемиялық әсерінің төмендеуі, кальций мен фосфордың шығарылуының артуы, тестостеронды дигидротестостеронға айналдыратын 5–альфа редуктаза белсенділігін, және андрогендердің рецепторларын бөгейтін антиандрогенді әсері, нефронның дистальді өзекшелерінде альдостеронның әсерін бөгеу арқылы диурездік әсер етуі болып табылады. Прогестеронның прекурсоры А ацетилкоферментінен (ацетилСоА) синтезделетін, сондай-ақ тығыздығы төмен липопротеидтерден (ТТЛП) түзілетін холестерин болып табылады. Митохондрияның ішкі қабығында холестерин ЛГ (лютеиндейтін гормон, лютропин) әсер етуімен прегненолонға айналады, ол прогестеронның тікелей прекурсоры болып табылады.

Дозалану режимі Ересектер Прогестеронды дозалау көрсетілімдеріне және емдеуге реакциясына байланысты әрдайым жекелей белгіленуі тиіс. Етеккір оралымының бұзылуларында және етеккіралды синдромында 50 мг прогестерон тәулігіне 3-4 рет сублингвальді түрде қолданылады. Етеккір оралымы бұзылғанда, етеккіралды синдромында прогестеронмен емдеу 3-6 цикл бойы бірізді жалғасады. Эндометрий гиперплазиясының профилактикасында (гормонмен орнын алмастыратын емдеуде) көбіне 50 мг прогестеронды эстрогендермен біріктіріп сублингвальді түрде тәулігіне 3-4 рет пайдаланады. Үздіксіз бірізді сызбада дәрілік зат 28 күндік циклдің соңғы 12-14 күні ішінде сублингвальді түрде қолданылады. Үздіксіз біріктірілген сызбада прогестерон үзіліссіз күн сайын қолданылады. Прогестеронның дозасы эндометрийді эстрогеннің пролиферациялық әсерінен қорқалуын қамтамасыз ету үшін эстрогеннің дозасына негізделуі тиіс. Салдарлық аменореяда прогестерондік сынамада прогестерон тәулігіне 3-4 рет 50 мг-ден сублингвальді түрде қолданылады. Қан кету емдеуді тоқтатқаннан кейін 7-10 күн ішінде басталуы тиіс. Функциональді генитальді қан кетулерді емдеген кезде прогестерон тәулігіне 3-4 рет 50 мг-ден сублингвальді түрде қолданылады. Емдеуді тағы 2-3 ай бойы циклдің 15 күннен бастап 25 күні ішінде жалғастыру керек. Дағдылы және өмірге қауіп төндіретін түсіктерде, ановуляторлық және индукциялайтын циклдерде прогестерон 100 мг-ден тәулігіне 3-4 рет сублингвальді түрде қолданылады. Дағдылы түсік жағдайында прогестеронды қабылдау жүктілі жоспарланатын циклден және тіпті ерте басталуы тиіс. Оны жүктіліктің 18-20 аптасына дейін үздіксіз жалғастыру керек. Экстракорпоральді ұрықтану бағдарламаларында 100-ден бастап 150 мг дейінгі прогестерон тәулігіне 3-4 рет сублингвальді түрде қолданылады. Балалар және жасөспірімдер Қолдану қауіпсіздігі және тиімділігі анықталған жоқ. Балалар мен жасөспірімдерде Лютеина дәрілік затының сублингвальді таблеткаларын қолданудың қауіпсіздігі және тиімділігі туралы деректер жеткіліксіз. Енгізу жолы мен тәсілі Сублингвальді енгізу

• әсер етуші затқа немесе қосымша заттардың кез келгеніне жоғары сезімталдық • жыныс жолдарынан диагностикаланбаған қан кетулер • бауыр функциясының ауыр жеткіліксіздігі • холестаздық гепатит • Ротор синдромы және Дубин-Джонсон синдромы • кеуде бездерінің және жыныс мүшелерінің жаңа түзілімдері • тромбоздарға бейімділік, тромбофлебиттің немесе тромбоэмболиялардың жедел түрлері • бұрыннан бар немесе жақында басынан өткерген артериялардың тромбоэмболиялық зақымданулары (стенокардия, миокард инфарктісі) • тұқым қуалайтын галактоза жақпаушылығы, лактаза (Lapp типі) тапшылығы немесе глюкоза-галактоза мальабсорбциясы • түсіктер және түсіктен кейін жатыр қуысында қалдықтардың болуы • лактация кезеңі.

Прогестерон эндогендік гормон ретінде, әдеттегідей, оның артық дозалану жағдайында туындайтын симптомдарды қоспағанда, жағымсыз әсерлерді туындатпайды. Жиілігі белгісіз (қолда бар деректер бойынша баға беру мүмкін емес): • іштің ауыруы • жүректің айнуы • шаршау • бас ауыру • ұйқышылдық • бас айналу • қынаптан бөлінділердің бөлінуі • қышыну Жекелеген жағымсыз реакциялардың сипаттамасы Ұйқышылдық немесе өткінші бас айналу препаратты қабылдағаннан кейін 1– 3 сағаттан кейін туындауы мүмкін. Ұйықтар алдында қабылдау және дозаны азайту осы әсерлерді азайтуы мүмкін. Келесі қауіптер эстрогендермен және прогестогендермен жүйелік емдеуге қатысты болады: Сүт бездері обырының туындау қаупі • Эстрогенмен және гестагенмен біріктірілген емді 5 жылдан астам бойы қабылдап жүрген әйелдерде сүт бездері обырының диагностикалану қаупінің екі есе жоғарылағаны туралы мәлімделді. • Тек эстрогендермен ғана ем қабылдап жүрген пациенттерде, эстроген-прогестоген біріктірілімін қабылдап жүрген пациенттерге қарағанда, кез келген жоғары қауіп едәуір төмен. • Қауіп деңгейі пайдалану ұзақтығына байланысты • Ең ірі рандомизацияланған плацебо-бақыланатын зерттеу (WHI жүргізілген зерттеу) және ірі эпидемиологиялық зерттеу (MWS) нәтижелері берілген. Эндометрий обырының туындау қаупі Жатыры алынбаған постменопаузадағы әйелдер Эндометрий обырының туындау қаупі МГТ қабылдап жүрмеген, жатыры алынбаған әрбір 1000 әйелде 5 жағдайға жуықты құрайды. Жатыры алынбаған әйелдерде тек эстрогендік МГТ пайдалану ұсынылмайды, өйткені ол эндометрий обырының қаупін арттырады. Эпидемиологиялық зерттеулерде тек эстрогенді ғана пайдаланудың ұзақтығына және эстрогеннің дозасына байланысты, эндометрий обырының туындау қаупі 50-ден 65 жасқа дейінгі әрбір 1000 әйелде диагностикаланған 5-тен бастап 55 қосымша жағдайға өзгеріп отырды. Прогестеронды циклдің кем дегенде 12 күні ішінде тек эстрогенмен емделуге қосу жоғарылаған осы қауіптің бетін қайтарады. Аналық бездердің обыры Тек эстрогендік және біріктірілген эстроген-прогестоген МГТ ғана пайдалану аналық бездер диагностикасының аздаған жоғары қаупімен астасады. Веналық тромбоэмболияның туындау қаупі МГТ веналық тромбоэмболияның (ВТЭ), яғни тереңдегі веналар тромбозының немесе өкпелік артериялар тромбоэмболиясының туындау қаупінің 1,3-3 есе жоғарылауымен байланысты. Мұндай жайттың туындауы кештеуге қарағанда МГТ-нің алғашқы жылында мүмкінірек болады. Коронарлы артериялар ауруының туындау қаупі • Коронарлық артериялар ауруының туындау қаупі біріктірілген эстроген-прогестоген МГТ қабылдап жүрген, 60 жастан асқан адамдарда біршама артады. Ишемиялық инсульттің туындау қаупі • Тек эстрогенмен емделу және құрамында эстроген + прогестоген бар ем қабылдау ишемиялық инсульттің туындауының салыстырмалы қаупін 1,5 есеге арттырады. Геморрагиялық инсульт қаупі МГТ пайдаланғанда артпайды. • Осы салыстармалы қауіп жасқа немесе пайдалану ұзақтығына тәуелді емес, бірақ негізгі қауіп жасқа күшті байланысты, МГТ пайдаланып жүрген әйелдерде инсульттің жалпы қаупі жастың ұлғаюымен артатын болады. Келесі жағымсыз реакциялар сондай-ақ эстрогенмен/ прогестогенмен жүйелік емдеумен байланысты тіркелді: • Бөртпе • Есекжем • Хлоазма / Мелазма • Пирексия • Ұйқысыздық • Алопеция • Жүйесіз етеккір • Аменорея • Кеуденің ауыруы / мастодиния • Сұйықтықтың кідіруі/ісіну • Салмақтың өзгеруі • Либидоның өзгеруі • Депрессия • Өт қалтасының ауруы • 65 жастан асқанда болуы мүмкін деменция • Тері және теріасты тіндері тарапынан бұзылулар: мультиформалы эритема, түйіндік эритема, қантамырлық пурпура. Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ұйқышылдық, бас айналу, депрессия. Емі: препараттың дозасын азайту немесе қабылдауды тоқтату, препараттың дозасын азайтқаннан кейін бұл симптомдар өздігінен толық жоғалады.

Арнайы ескертулер Емдеуді бастар алдында отбасылық анамнезді, гинекологиялық тексеруді, сүт бездерін саусақтармен тексеру және жатыр мойнынан алынған жағындыға цитологиялық баға беруді қоса, толық сұхбат жүргізу қажет. Жатырлық қан кетулер болған жағдайда емдеу алдында органикалық қан кетулердің бар-жоқтығын анықтау үшін диагностикалық процедура жасалуы тиіс. Депрессиясы бар пациенттер ерекше бақылауда болуы тиіс, өйткені прогестерон депрессиялық жағдайдың күшеюін туындатуы мүмкін. Күшті депрессия пайда болған жағдайда препарат қабылдауды тоқтату керек. Бауыр аурулары бар пациенттер ерекше бақылауда болуы тиіс. Препаратты бауыр жұмысының бұзылулары ауыр болған жағдайда қолданбау керек. Қант диабеті немесе глюкозаға тұқым қуалайтын толеранттылығы бар адамдарда прогестерон глюкозаның сіңуін азайтуы мүмкін. Постменопауза симптомдарын емдеу үшін МГТ өмір сүру сапасына теріс ықпалын тигізетін симптомдарда ғана бастау керек. Барлық жағдайларда қаупіне және пайдасына мұқият баға беру жылына кем дегенде бір рет жүргізілуі тиіс, ал МГТ пайдасы қаупінен басым болғанға дейін жалғастырылуы керек. Мезгілінен бұрын болған менопаузаны емдегенде МГТ-мен байланысты қауіптерге қатысты дәлелдер шектеулі. Алайда жас әйелдерде абсолюттік қауіп деңгейлері төмен болғандықтан, мұндай әйелдер үшін пайдасы мен қаупінің арақатынасы, егде жастағы әйелдерге қарағанда, қолайлы болуы мүмкін. Сақтық шаралары Медициналық тексеру/бақылау Менопаузалық (орнын алмастыратын) гормонотерапияны (МГТ) бастар немесе қайта жаңғыртар алдында аурудың жекелей және отбасылық толық тарихын құрастыру қажет. Физикалық (соның ішінде жамбасты және кеудені) тексеру осындай анамнезді және қолдануға болмайтын жағдайларды немесе қолдану кезіндегі ескертулерді ескере отырып жүргізілуі тиіс. Емделу кезінде нақты әйел үшін бейімделген жиілігі мен сипатына мезгіл-мезгіл тексеру жүргізу ұсынылады. Әйелдер өзінің кеудесіндегі қандай өзгерістерді өз дәрігеріне немесе медбикеге мәлімдеуі керектігі туралы хабардар болуы тиіс (төменде «Сүт бездерінің обыры» бөлімін қараңыз). Зерттеулер, соның ішінде тиісті аспаптар арқылы көзбен көру, мысалы, маммография адамның клиникалық қажеттілігіне бейімделген, қазіргі таңда қабылданған, скрининг әдістеріне сәйкес жүргізілуі тиіс. Бақылауды қажет ететін жағдайлар Егер келесі жағдайлардың қандай да болсын біреуі бар болса, бұрын орын алса және/немесе жүктілік кезінде немесе мұның алдындағы гормонмен емдеу кезінде өршісе, пациент қалтқысыз қадағалауда болуы тиіс. Осы жағдайлар емдеу кезінде қайталануы немесе өршуі мүмкін екендігіне назар аудару керек: • Лейомиома (жатыр миомасы) немесе эндометриоз • Тромбоэмболиялық бұзылулардың қауіп факторлары (төменді қараңыз) • Эстрогенге тәуелді ісіктердің қауіп факторлары, мысалы, сүт бездері обырында тұқым қуалаушылықтың 1-ші дәрежесі • Гипертония • Бауыр аурулары (мысалы, бауыр аденомасы) • Қантамырларды зақымданатын немесе зақымдануынсыз диабет • Өт-тас ауруы • Бас сақинасы (күшті) бас ауыру • Жүйелік қызыл жегі. • Анамнезде эндометрий гиперплазиясының болуы (төменді қараңыз) • Эпилепсия • Демікпе • Отосклероз • Депрессия • Жарыққа сезімталдық Емдеуден дереу бас тарту үшін негіздер Емдеу қолдануға болмайтын жағдайлар байқалған жағдайда және келесі жағдайларда тоқтатылуы тиіс: • Сарғаю немесе бауыр функциясының нашарлауы • Артериялық қысымның едәуір жоғарылауы • Бас ауыру түрінде бас сақинасының жаңадан басталуы • Жүктілік • Көрудің кенеттен немесе біртіндеп, ішінара немесе толық жоғалуы • Проптоз немесе диплопия • Папиллоэдема • Торқабықтың қантамырлық зақымданулары Эндометрий гиперплазиясы және карцинома Жатыры зақымданбаған әйелдерде ұзақ кезең бойы эстрогендердерді бөлек енгізген кезде эндометрий гиперплазиясы және карцинома қаупі артады. Тек эстрогенді ғана қабылдап жүрген пациенттер арасында обырдың мәлімделген қаупі, эстроген қабылдап жүрмеген адамдармен салыстырғанда, емдеу ұзақтығына және эстрогеннің дозасына байланысты артады (4.8. бөлімін қараңыз). Емдеуді тоқтатқаннан кейін қауіп кем дегенде 10 жыл бойы жоғары күйінде қалуы мүмкін. Айына кем дегенде 12 күн / 28 күндік цикл ішінде прогестерон қосу немесе эстрогенмен және прогестогенмен біріктірілген үздіксіз ем гистерэктомиясы жоқ әйелдерде құрамында тек эстроген бар МГТ-мен байланысты шамадан тыс қауіпке жол бермейді. Емдеудің алғашқы айында кезектен тыс қан кету және қан аралас бөлінділер туындауы мүмкін. Егер кезектен тыс қан кету сақталса, циклдегі 28 күн ішінде дозаны төмендету мәселесін қарауға болады. Егер емдеуді бастағаннан кейін біршама уақыттан кейін кезектен тыс қан кету және қан аралас бөлінділер пайда болса немесе емдеуді тоқтатқаннан кейін жалғасса, эндометрийдің қатерлі ісігінің бар-жоқтығын анықтау үшін эндометрий биопсиясының қатысты болуы мүмкін себептеріне зерттеу жүргізу керек. Аналық бездердің обыры Жалпы деректер біріктірілген эстроген-прогестогенмен ем және мүмкін, сондай-ақ эстрогендік МГТ қабылдап жүрген әйелдерде сүт безінің туындау қаупінің жоғарылағаны туралы айғақтайды, бұл МГТ қабылдауды ұзақтығына байланысты. Біріктірілген эстроген-прогестогенмен емдеу • Рандомизацияланған плацебо-бақыланатын зерттеу (әйелдердің денсаулығын қорғау жөніндегі Бастамалар зерттеуі (WHI)) және эпидемиологиялық зерттеулер МГТ құрамында біріктірілген эстроген-прогестоген қабылдап жүрген әйелдерде сүт бездері обыры туындауының 3 жылдан кейін көрініс беретін жоғары қаупін анықтауға мүмкіндік береді. Шамадан тыс қауіп бірнеше жыл қабылдаудан кейін көрініс береді, бірақ емдеуді тоқтатқаннан кейін бірнеше (ең көп дегенде бес жыл) жылдан соң бастапқы деңгейіне оралады. МГТ, әсіресе біріктірілген эстроген-прогестоген емі маммографиялық бейнелердің тығыздығын арттырады, бұл сүт бездері обырын рентгенологиялық анықтауға теріс ықпалын тигізуі мүмкін. Аналық бездердің обыры Аналық бездердің обыры, сүт бездерінің обырына қарағанда, едәуір сирек кездеседі. Үлкен метаталдау нәтижесінде алынған эпидемиологиялық деректер тек эстрогенді ғана немесе біріктірілген эстроген-прогестоген МГТ қабылдап жүрген әйелдерде қауіптің сәл жоғарылағанын айғақтайды, ол 5 жыл қолданудан кейін көрініс береді және қабылдауды тоқтатқаннан кейін уақыт өте келе азаяды. Кейбір басқа зерттеулер, соның ішінде WHI зерттеуі біріктірілген МГТ пайдалану ұқсас немесе шамалы аз қауіппен байланысты болуы мүмкін деп жорамалдайды (4.8. бөлімін қараңыз). Веналық тромбоэмболия МГТ веналық тромбоэмболияның (ВТЭ), яғни тереңдегі веналар тромбозының немесе өкпелік артериялар тромбоэмболиясының туындау қаупінің 1,3-3 есе жоғарылауымен байланысты. Мұндай жайттың туындауы кештеуге қарағанда МГТ-нің алғашқы жылында мүмкінірек болады. Тромбофилиялық жағдайлары белгілі пациенттерде ВТЭ туындау қаупі жоғары, ал МГТ осы қауіпті арттыруы мүмкін. Сондықтан МГТ-ні мұндай пациенттер үшін қолдануға болмайды. ВТЭ туындау қаупінің жалпыға танылған факторларының қатарына эстрогендерді пайдалану, егде жас, күрделі хирургиялық араласым, ұзақ иммобилизация, семіздік (ДСИ> 30 кг / м2), жүктілік кезеңі/босанудан кейінгі кезең, жүйелік қызыл жегі (ЖҚЖ) және обыр кіреді. ВТЭ кезінде веналардың варикоздық кеңеюінің ықтимал рөлі туралы бірыңғай пікірлер жоқ. Операциядан кейінгі барлық пациенттердегі сияқты, профилактикалық шаралар операциядан кейін ВТЭ-ні болдырмау үшін қарастырылуы тиіс. Егер ұзақ иммобилизациядан кейін жоспарлы операция жүргізу қажет болса, операция жүргізгенге дейін МГТ уақытша тоқтату ұсынылады. Емдеуді әйел толық қозғалысқа келгенге дейін қайта жаңғыртпау керек. Жеке анамнезінде ВТЭ-сіз, бірақ анамнезінде жас кезінде тромбозы болған жақын туысы бар екендігі көрсетілген әйелдерде оның шектеуге қатысты мұқият кеңес жүргізгеннен кейін скрининг жасау ұсынылуы мүмкін (скринингте тромбофилиялық ақаулардың тек бір бөлігі ғана идентификацияланады). Егер отбасы мүшелеріндегі тромбоздан бөлек тромбофилиялық ақау байқалса, немесе егер ақау «күрделі» болса (мысалы, антитромбин, S ақуызы немесе С ақуызы тапшы немесе ақаулардың біріктірілімі), МГТ қолдануға болмайды. Антикоагулянттармен ем қабылдап жүрген әйелдер үшін МГТ пайдаланудың пайдасы мен қаупінің арақатынасын мұқият зерттеу қажет етіледі. Егер ВТЭ емдеуді бастағаннан кейін дамыса, препарат қабылдауды тоқтату керек. Пациентке потенциалды тромбоэмболиялық симптом (мысалы аяқтың ауыртатын ісінуі, кеуденің кенеттен ауыруы, ентігу) туралы белгілі болған кезде дәрігерге дереу қаралауы керектігіне кеңес беру керек. Жүректің ишемиялық ауруы (ЖИА) Біріктірілген эстроген-прогестоген немесе тек эстрогендік МГТ қабылдаған, бұрыннан ЖИА бар немесе онсыз әйелдерде миокард инфарктісінен қорғауға жүргізілген рандомизациялық бақыланатын сынақтардың нәтижелері бойынша тиісті артықшылықтары немесе қаупі туралы қорытынды жасауға болмайды. Біріктірілген эстроген-прогестогенмен емдеу • Эстроген + прогестоген біріктірілімін пайдаланып МГТ пайдаланғанда ЖИА туындауының салыстырмалы қаупі біршама жоғары болады. ЖИА туындауының базалық абсолюттік қаупі жасқа байланысты болғандықтан, эстроген + прогестоген қабылдаудан туындаған ЖИА туындауының абсолюттік қаупінің саны менопаузаға жақын дені сау әйелдер арасында өте төмен, бірақ жастың ұлғаюымен артатын болады. Ишемиялық инсульт Біріктірілген эстроген-прогестогенмен емдеу және тек эстрогенмен емдеу ишемиялық инсульттің туындау қаупінің 1,5 есе жоғарылауымен байланысты. Салыстырмалы қауіп жаспен немсе менопаузадан кейін уақыт ағымымен өзгермейді. Алайда инсульттің бастапқы туындау қаупі жасқа байланысты болғандықтан, МГТ қабылдап жүрген әйелдерде жастың ұлғаюымен инсульттің жалпы туындау қаупі артатын болады. Басқа жағдайлар МГТ пайдалану когнитивтік функцияны жақсартпайды. 65 жастан кейін үздіксіз біріктірілген немесе тек эстрогендік МГТ-ні пайдалануды бастаған әйелдерде ықтимал деменция қаупінің жоғарылағанына біршама айғақтамалар бар.

Прогестерон жүктіліктің алғашқы триместрінде қауіпсіз пайдаланылуы мүмкін. Маскулиниздейтін, вирилиздейтін, кортикоидты және анаболиялық әсерлер бермейді. Жүктіліктің екінші және үшінші триместрінде прогестеронды қолдану туралы клиникалық деректер жоқ. Емшек емізу препаратты қолданудың шектелуі болып табылады. Көлік құралын немесе потенциалды қауіпті механизмдерді басқару қабілетіне ықпал ету ерекшеліктері Қынаптық қабылданатын прогестерон көлік құралдарын басқару, қозғалыстағы механизмдермен қызмет көрсету қабілетіне және психомоторлы реакциялардың жылдамдығына ықпалын тигізбейді.

Ферменттердің индукторлары Бауырдың CYP450-3A4 ферменттерінің индукциясын туындататыны белгілі болғандай, мысалы, барбитураттар, эпилепсияға қарсы дәрілері (фенитоин, карбамазепин), рифампицин, фенилбутазон, бромкриптин, спиронолактон, гризеофульвин, кейбір антибиотиктер (ампициллиндер, тетрациклиндер), сондай-ақ құрамында шайқурай (Hypericum perforatum) бар өсімдік текті өнімдері сияқты препараттар прогестеронның метаболизмін және шығарылуын арттыруы мүмкін. Ферменттердің тежегіштері Кетоконазол және CYP450-3A4 ферментінің ритонавир және нелфинавир сияқты басқа тежегіштері прогестеронның биожетімділігін арттыруы мүмкін. Прогестеронның адамның бауыр микросомаларымен метаболизмі кетоконазолмен тежелуі мүмкін (СА 50 <0,1 мкМ). Иммунодепрессанттар Прогестерон қан плазмасында циклоспориннің концентрациясын арттыруы мүмкін. Антистероидты препараттар Аминоглутетимид қан плазмасында медроксипрогестерон ацетатының және мегестролдың концентрацияларын едәуір төмендетеді, бұл бауыр ферменттерін индукциялау әсерінің арқасында болуы мүмкін. Антикоагулянттар Прогестерон кумариндердің антикоагулянттық әсерін күшейтуі немесе азайтуы мүмкін. Прогестерон фениндионның антикоагулянттық әсеріне қарсы әсер етеді. Диабет препараттары Диабет препараттарының дозасын түзету бір мезгілде прогестерон қабылдап жүрген әйелдер үшін қажет болуы мүмкін. Ұрықтануға қарсы шұғыл дәрілер Улипристал ацетатын прогестеронмен бір мезгілде пайдалану прогестерон тиімділігінің төмендеуіне әкелуі мүмкін. Диазепам Прогестерон қан плазмасында диазепамның концентрациясын арттыруы мүмкін. Тизанидин Прогестерон қан плазмасында тизанидиннің концентрациясын арттыруы мүмкін. Тербинафин Тербинафин прогестеронмен бір мезгілде пайдаланылған кезде кезектен тыс жүйесіз қан кетулер туралы мәлімдемелер болды. Зертханалық сынақтар Прогестерон бауырлық және/немесе эндокриндік функцияларды зертханалық зерттеу нәтижелеріне ықпалын тигізуі мүмкін. Препаратты бірге қолданғанда диуретиктердің, гипотензиялық дәрілік заттардың, иммунодепрессанттардың, антикоагулянттардың әсерін күшейтеді. Окситоциннің лактогендік әсерін азайтады.

Құрғақ, жарықтан қорғалған жерде, 250С-ден аспайтын температурада түпнұсқалық қаптамасында сақтау керек. Балалардың қолы жетпейтін жерде сақтау керек!