Люфи-500 таблетки 500 мг

Бір таблетканың құрамында белсенді зат – 518.52 мг левофлоксацин гемигидраты (500 мг левофлоксацинге баламалы), қосымша заттар: микрокристалды целлюлоза (РН 101), кросповидон, гидроксипропилметилцеллюлоза 5 cps, тазартылған тальк, натрий стеарил фумараты. қабығының құрамы: гидроксипропилметилцеллюлоза 5 cps, полиэтиленгликоль 400, тазартылған тальк, титанның қостотығы (Е171), темірдің қызыл тотығы (Е 172), темірдің сары тотығы (Е 172). Сыртқы түрінің, иісінің, дәмінің сипаттамасы Капсула пішінді, екі жағы дөңес, қызғылт түсті үлбірлі қабықпен қапталған, екі жағында бөлетін сызығы бар таблеткалар.

Препарат ересектерде келесі инфекцияларды емдеу үшін қолданылады: - жедел пиелонефрит және несеп шығару жолдарының асқынған инфекциялары; - созылмалы бактериялық простатит; - сібір ойық жарасының өкпелік түрі: жанасудан кейінгі профилактика және емдеу. Люфи-500 препаратын төменде көрсетілген инфекциялар жағдайында, осы инфекцияларды емдеу үшін стандартты түрде ұсынылатын антибиотиктерді қолдану қолайсыз болып табылған кезде ғана қолдану керек: - жедел бактериялық синусит; - өкпенің созылмалы обструктивті ауруның, оның ішінде созылмалы бронхиттің өршуі; - ауруханадан тыс пневмония; - тері мен жұмсақ тіндердің асқынған инфекциялары; - асқынбаған цистит. Сондай-ақ Люфи-500 препараты левофлоксацинді вена ішіне енгізетін бастапқы емді жүргізгеннен кейін жақсару байқалған пациенттерде емдеу курсын аяқтау үшін қолданылуы мүмкін. Бактерияға қарсы дәрілерді тиісінше қолдану жөніндегі ресми нұсқаулықтарды ескеру қажет.

ATX коды J01MA12 Левофлоксацин рацемат офлоксациннің S (-) энантиомері болып табылатын фторхинолондар тобының синтетикалық бактерияға қарсы дәрісі болып табылады. Әсер ету механизмі Фторхинолондар тобының бактерияға қарсы дәрісі бола отырып, левофлоксацин ДНҚ-ДНҚ-гираза және топоизомераза IV кешеніне әсер етеді. Фармакокинетика мен фармакодинамика (ФК/ФД) арасындағы арақатынас Левофлоксациннің бактерицидтік белсенділігі сарысудағы ең жоғары концентрация (Cmax) немесе «концентрация-уақыт» фармакокинетикалық қисығы астындағы (AUC) аудан мен ең төмен тежегіштік концентрация (ЕТТК) арасындағы арақатынасқа байланысты. Резистенттіліктің даму механизмі Левофлоксацинге резистенттілік II типті топоизомеразалардың, ДНҚ-гиразаның және IV топоизомеразаның екеуінде де орын-нысана сатылай мутациялану үдерісінің нәтижесінде дамиды. Микробтар жасушасының жасушалық мембранасының өткізгіштігін бұзу механизмі (Pseudomonas aeruginosa-ға тән механизм) және эффлюкс механизмі сияқты, резистенттілігінің басқа механизмдері де, микроорганизмдердің левофлоксацинге сезімталдығына ықпалын тигізуі мүмкін. Левофлоксацин мен басқа фторхинолондар арасында айқаспалы резистенттілік байқалады. Әсер ету механизмінің ерекшеліктеріне байланысты, жалпы алғанда, левофлоксацин мен бактерияға қарсы препараттардың басқа кластары арасында айқаспалы резистенттілік жоқ. Сезімталдықты анықтау кезіндегі ЕТТК шектік мәндері Сезімтал және орташа сезімтал микроорганизмдер арасында, сондай-ақ орташа сезімтал және резистентті микроорганизмдер арасында бөлу үшін ЕТТК левофлоксациннің (мг/л) шектік мәндері Еуропаның микробқа қарсы сезімталдықты анықтау жөніндегі комитеті (EUCAST) ұсынған. EUCAST ұсынған левофлоксацин үшін ЕТТК клиникалық шектік мәндері (10.0 нұсқасы, 01.01.2020 ж.) төмендегі кестеде келтірілген: ЕТТК шектік мәндері, мг/л Микроорганизмдер — Сезімтал — Резистентті Enterobacteriaceae — ≤ 0,5 мг/л — > 1 мг/л Pseudomonas spp. — ≤ 0,001 мг/л — > 1 мг/л Acinetobacter spp. — ≤ 0,5 мг/л — > 1 мг/л Staphylococcus aureus Коагулазатеріс стафилококктар — ≤ 0,001 мг/л — > 1 мг/л Enterococcus spp.1 — ≤ 4 мг/л — > 4 мг/л Streptococcus pneumoniae — ≤ 0,001 мг/л — > 2 мг/л Streptococcus A, B, C, G — ≤ 0,001 мг/л — > 2 мг/л Haemophilus influenzae — ≤ 0,06 мг/л — > 0,06 мг/л Moraxella catarrhalis — ≤ 0,125 мг/л — > 0,125 мг/л Helicobacter pylori — ≤ 1 мг/л — > 1 мг/л Aerococcus sanguinicola және urinae2 — ≤ 2 мг/л — > 2 мг/л Aeromonas spp. — ≤ 0,5 мг/л — > 1 мг/л Түрге спецификалық емес шектік мәндер (ФК-ФД) — ≤ 0,5 мг/л — > 1 мг/л 1 Тек несеп шығару жолдарының асқынбаған инфекциялары. 2 Сезімталдықты ципрофлоксацинмен тестілеу бойынша бағалауға болады. Жүре пайда болған резистенттіліктің таралуы Бактериялардың жекелеген түрлерінде жүре пайда болған резистенттіліктің таралуы уақыт пен географиялық жағдайға байланысты өзгеруі мүмкін; осыған байланысты, әсіресе ауыр инфекцияларды емдеу кезінде резистенттілік туралы жергілікті мәліметтерге сүйенген дұрыс. Қажет болған жағдайда, тұрақты штаммдардың таралуы туралы жергілікті ақпарат болған кезде және дәрілік затты қолданудың пайдасы, ең болмағанда, кейбір инфекцияларға қатысты күмән туындатса, сарапшы кеңесіне жүгіну керек. Төменде жүре пайда болған резистенттіліктің таралуы келтірілген. Әдетте сезімтал микроорганизмдер: - аэробты грамоң микроорганизмдер - Bacillus anthracis, Staphylococcus aureus (метициллин-сезімтал), Staphylococcus saprophyticus, Streptococci (C және G топтары), Streptococcus agalactiae, Streptococcus pneumoniae, Streptococcus pyogenes; -аэробты грамтеріс микроорганизмдер - Eikenella corrodens, Haemophilus influenzae, Haemophilus para-influenzae, Klebsiella oxytoca, Moraxella catarrhalis, Pasteurella multocida, Proteus vulgaris, Providencia rettgeri; - анаэробты микроорганизмдер - Peptostreptococcus; - басқа микроорганизмдер - Chlamydophila pneumoniae, Chlamydophila psittaci, Chlamydia trachomatis, Legionella pneumophila, Mycoplasma pneumoniae, Mycoplasma hominis, Ureaplasma urealyticum. Резистенттілікке ие бола алатын түрлер (жүре пайда болған резистенттіліктің таралуы > 10% құрайды): -аэробты грамоң микроорганизмдер - Enterococcus faecalis, Staphylococcus aureus (метициллин-резистентті)#, Staphylococcus spp. (коагулазонегативті); -аэробты грамтеріс микроорганизмдер - Acinetobacter baumannii, Citrobacter freundii, Enterobacter aerogenes, Enterobacter cloacae, Escherichia coli, Klebsiella pneumoniae, Morganella morganii, Proteus mirabilis, Providencia stuartii, Pseudomonas aeruginosa, Serratia marcescens; - анаэробты микроорганизмдер - Bacteroides fragilis. Резистентті микроорганизмдер: -аэробты грамоң микроорганизмдер - Enterococcus faecium. # Метициллинге резистентті S. aureus (MRSA) штаммдары левофлоксацинді қоса алғанда, фторхинолондарға айқаспалы резистенттілікке ие.

Дозалау режимі Люфи-500 препаратын тәулігіне 1 немесе 2 рет ішке қабылдайды. Доза инфекцияның типіне және ауырлығына, сондай-ақ болжанатын қоздырғыштың сезімталдығына байланысты. Люфи-500 препараты сондай-ақ левофлоксацинді вена ішіне енгізу арқылы бастапқы ем жүргізгеннен кейін жақсару байқалған пациенттерде емдеу курсын аяқтау үшін қолданылуы мүмкін; парентеральді және пероральді түрлерінің биобаламалығын ескере отырып, левофлоксациннің сондай дозасын қолдануға болады. Дозалау Препаратты дозалаудың келесі режимі ұсынылады: Бүйрек функциясы қалыпты (креатинин клиренсі > 50 мл/мин) пациенттер Қолданылуы — Тәуліктік доза (инфекцияның ауырлығына қарай) — Емдеу ұзақтығы (инфекцияның ауырлығына қарай) Жедел бактериялық синусит — тәулігіне 1 рет 500 мг — 10 - 14 күн Өкпенің созылмалы обструктивті ауруның, оның ішінде созылмалы бронхиттің өршуі — тәулігіне 1 рет 500 мг — 7 - 10 күн Ауруханадан тыс пневмония — тәулігіне 1-2 рет 500 мг — 7-14 күн Жедел пиелонефрит — тәулігіне 1 рет 500 мг — 7 - 10 күн Несеп шығару жолдарының асқынған инфекциялары — тәулігіне 1 рет 500 мг — 7-14 күн Асқынбаған цистит — тәулігіне 1 рет 250 мг — 3 күн Созылмалы бактериялық простатит — тәулігіне 1 рет 500 мг — 28 күн Тері мен жұмсақ тіндердің асқынған инфекциялары — тәулігіне 1-2 рет 500 мг — 7-14 күн Сібір ойық жарасының өкпелік түрі — тәулігіне 1 рет 500 мг — 8 апта Пациенттердің ерекше топтары Бүйрек функциясы бұзылған пациенттер (креатинин клиренсі ≤ 50 мл/мин) Креатинин клиренсі — Дозалау схемасы 250 мг/24 сағат — 500 мг/24 сағат — 500 мг/12 сағат бірінші доза: 250 мг — бірінші доза: 500 мг — бірінші доза: 500 мг 50-20 мл/мин — содан кейін: 125 мг/24 сағат — содан кейін: 250 мг/24 сағат — содан кейін: 250 мг/12 сағат 19-10 мл/мин — содан кейін: 125 мг/48 сағат — содан кейін: 125 мг/24 сағат — содан кейін: 125 мг/12 сағат < 10 мл/мин (гемодиализ және ТАПД қоса)1 — содан кейін: 125 мг/48 сағат — содан кейін: 125 мг/24 сағат — содан кейін: 125 мг/24 сағат 1 Гемодиализден немесе тұрақты амбулаториялық перитонеальді диализден (ТАПД) кейін қосымша дозаларды енгізу талап етілмейді. Бауыр функциясы бұзылған пациенттер Бауыр функциясы бұзылған кезде дозаны түзету талап етілмейді, өйткені левофлоксацин бауырда елеусіз дәрежеде метаболизденеді және негізінен несеппен шығарылады. Егде жастағы пациенттер Егде жастағы пациенттер үшін бүйрек функциясының бұзылу жағдайларын қоспағанда дозаны түзету талап етілмейді. Балалар мен жасөспірімдер Люфи-500 препараты балалар мен 18 жасқа дейінгі жасөспірімдерде қолдануға қарсы көрсетілімді. Енгізу әдісі және жолы Таблеткаларды шайнамай және жеткілікті сұйықтық мөлшерімен іше отырып, ішке қабылдайды. Дозаларды таңдағанда, таблеткаларды бөлу сызығы бойынша бөлуге болады. Люфи-500 препаратын тамақтануға қарамастан қабылдауға болады. Люфи-500 препаратын левофлоксацин сіңірілуінің ықтимал төмендеуіне байланысты темір тұздарын, мырыш тұздарын, құрамында магний немесе алюминий бар антацидтерді немесе диданозинді (құрамында магний немесе алюминий тұздары бар дәрілік түрлер ғана буферлік компоненттер ретінде) және сукральфатты қабылдаудан кемінде 2 сағат бұрын немесе 2 сағаттан кейін қабылдаған жөн.

- левофлоксацинге, басқа хинолондарға немесе препараттың қандай да бір қосымша заттарына аса жоғары сезімталдық - эпилепсия - анамнезде фторхинолондарды қабылдау кезіндегі тендинопатия - балалар мен 18 жасқа дейінгі жасөспірімдер - жүктілік - лактация

Жиі - ұйқысыздық - бас ауыруы, бас айналуы -диарея, жүрек айну, құсу -бауыр ферменттері деңгейінің жоғарылауы (аланинаминотрансфераза (АЛТ)/аспартатаминотрансфераза (АСТ), сілтілі фосфатаза, γ-глутамилтрансфераза) Жиі емес - зеңдік инфекциялар, соның ішінде Candida туындаған инфекциялар, патогендерге резистенттіліктің дамуы - лейкопения, эозинофилия - анорексия - мазасыздық, сананың шатасуы, күйгелектік - ұйқышылдық, тремор, дисгевзия - іштің ауыруы, диспепсия, метеоризм, іш қату - вертиго - ентігу - қандағы билирубин деңгейінің жоғарылауы - тері бөртпесіb, қышыну, есекжем, гипергидроз - артралгия*, миалгия -қан сарысуындағы креатинин деңгейінің жоғарылауы - астения* Сирек - ангионевроздық ісіну, аса жоғары сезімталдық - антидиуретикалық гормонның барабар емес секреция синдромы (SIADH) - гипогликемия, әсіресе қант диабеті бар пациенттерде, гипогликемиялық кома - психоздық бұзылыстар (мысалы, елестеулер, паранойя), депрессия, ажитация, ұйқының бұзылуы, түнгі үрейлер, делирий, есте сақтаудың бұзылуы - құрысулар, парестезия - көрудің бұзылуы (мысалы, көру айқындығының бұзылуы) - тахикардия**, пальпитация - гипотензия** - тромбоцитопения, нейтропения - құлақтағы шуыл - эозинофилиямен және жүйелі симптомдармен дәрілік реакция (DRESS-синдромы), тұрақты дәрілік бөртпе - тендинитті қоса алғанда сіңірлердің зақымдануы (мысалы, ахилл сіңірінің), бұлшықет әлсіздігі (әсіресе миастения гравис бар пациенттерде) - бүйректің жедел жеткіліксіздігі (мысалы, интерстициальді нефриттің дамуына байланысты) -қызба. Жиілігі белгісіз - панцитопения, агранулоцитоз, гемолиздік анемия - сүйек кемігінің жеткіліксіздігі, соның ішінде апластикалық анемия -анафилаксиялық шокa, анафилактоидты шокa - гипергликемия - өзіне-өзі зиян келтіру әрекеттерімен, соның ішінде өзіне-өзі қол жұмсау ойларымен немесе өзіне-өзі қол жұмсау әрекеттерімен қоса жүретін психоздық бұзылыстар - мания - шеткері сенсорлық нейропатия, шеткері сенсомоторлық нейропатия, паросмия, оның ішінде аносмия, дискинезия, экстрапирамидалық бұзылыстар, агевзия, естен тану, қатерсіз бассүйекішілік гипертензия - көрудің уақытша жоғалуы*, увеит* -есту қабілетінің жоғалуы, есту қабілетінің бұзылуы - бронх түйілуі, өкпенің аллергиялық аурулары -қарыншалық тахикардия** (жүректің тоқтауына әкелуі мүмкін), қарыншалық аритмия, «пируэт» типті қарыншалық тахикардия (көбінесе QT аралығының ұзару қаупі факторлары бар пациенттерде байқалған), электрокардиограммада (ЭКГ) QT аралығының ұзаруы - сарғаю және бауырдың ауыр зақымдануы (негізінен негізгі ауыр ауруы бар пациенттерде өліммен аяқталған жедел бауыр жеткіліксіздігінің даму жағдайлары), гепатит - панкреатит - геморрагиялық диарея (өте сирек жағдайларда энтероколиттің, әсіресе жалған жарғақшалы колиттің белгісі болуы мүмкін), панкреатит -уытты эпидермалық некролиз, Стивенс-Джонсон синдромыb, мультиформалы эритема, фотосенсибилизация реакциясы, лейкоцитокластикалық васкулит, стоматит гиперпигментация - рабдомиолиз, сіңірлердің үзілуі (мысалы, ахилл сіңірінің), байламдардың үзілуі, бұлшықеттердің жыртылуы, артрит -ауырсыну (әсіресе арқадағы, кеудедегі және аяқ-қолдардағы ауырсыну)*. - миоклонус aАнафилаксиялық және анафилактоидтық реакциялар кейде алғашқы дозаны қабылдағаннан кейін туындауы мүмкін. bТері және теріасты тіндері тарапынан реакциялар кейде алғашқы дозаны қабылдағаннан кейін туындауы мүмкін. Барлық фторхинолондарға қатысты басқа да ықтимал жағымсыз реакциялар: порфириядан зардап шегіп жүрген пациенттерде осы аурудың ұстамалары. * Адам ағзасының әртүрлі, кейде бірнеше жүйелеріне және сезім мүшелеріне әсер ететін (тендинит, сіңірдің үзілуі, артралгия, аяқ-қол ауруы, жүрістің бұзылуы, парестезиямен астасқан нейропатия, депрессия, шаршау, есте сақтау, ұйқы, есту, көру, дәм мен иіс сезу бұзылулары сияқты жағымсыз реакцияларды қоса алғанда) өте сирек, ұзақ (бірнеше ай немесе жылдарға созылатын), мүгедектікке апаратын, ықтимал қайтымсыз ауыр жағымсыз дәрілік реакциялардың дамуы туралы, хинолондар мен фторхинолондарды қолданумен байланысты және кейбір жағдайларда алдыңғы қауіп факторларының болуына қарамастан хабарламалар алынды. ** Фторхинолондарды қабылдайтын пациенттерде кейде үзіліспен (соның ішінде өліммен аяқталумен) асқынған аневризманың және қолқаның қатпарлануының, сондай-ақ жүрек клапандарының кез келгенінің регургитациясы/дәрменсіздігі жағдайлары тіркелген. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Постмаркетингтік қолдану тәжірибесі барысында ОЖЖ тарапынан әсерлер байқалды: сананың шатасуы, құрысулар, елестеулер және тремор. Артық дозаланған жағдайда симптоматикалық ем жүргізу керек. QT аралығының ықтимал ұзаруына байланысты ЭКГ мониторингін жүргізу қажет. Асқазанның шырышты қабығын қорғау үшін антацидті дәріні қолдануға болады. Перитонеальді диализді және ТАПД-ны қоса алғанда, левофлоксацинді организмнен шығару кезінде гемодиализ тиімсіз. Спецификалық антидот белгісіз.

Құрамында хинолондар немесе фторхинолондар бар препараттарды қабылдаумен байланысты анамнезінде елеулі жағымсыз реакциялар болған пациенттерде левофлоксацинді қолданудан аулақ болу керек. Мұндай пациенттерді левофлоксацинмен емдеуді емдеудің баламалы нұсқалары болмаған кезде және пайда/қауіп арақатынасын мұқият бағалаудан кейін ғана бастаған жөн. Егер сіз кенеттен еріксіз жиырылуды, бұлшықеттің жиырылуын немесе бұлшықеттің жиырылуын сезіне бастасаңыз - дереу дәрігерге қаралыңыз, себебі бұл миоклонустың белгісі болуы мүмкін. Дәрігерге левофлоксацинмен емдеуді тоқтатып, тиісті емдеуді бастау қажет болуы мүмкін. • Егер сізде жүрек айнуы, жалпы әлсіздік, қатты ыңғайсыздық немесе тұрақты ауырсыну немесе асқазан аймағындағы ауырсыну немесе құсу пайда болса - дереу дәрігерге қаралыңыз, себебі бұл ұйқы безінің қабынуының белгісі болуы мүмкін (жедел панкреатит). • Егер сізде шаршау, терінің бозаруы, көгеру, бақыланбайтын қан кету, қызба, тамақ ауруы және жалпы жағдайдың нашарлауы байқалса немесе инфекцияларға төзімділігіңіз төмендеуі мүмкін деп ойласаңыз, дереу дәрігерге қаралыңыз, себебі бұл қан ауруларының белгісі болуы мүмкін. Дәрігер қан анализі арқылы қан көрсеткіштерін бақылауы керек. Қан көрсеткіштері нормадан ауытқыған жағдайда дәрігерге емдеуді тоқтату қажет болуы мүмкін. Арнайы сақтандырулар Метициллинге резистентті S. aureus (MRSA) штаммдары Левофлоксацинді қоса алғанда, фторхинолондарға MRSA жоғары айқаспалы резистенттілікке ие. Сондықтан зертханалық зерттеулердің нәтижелері микроорганизмнің левофлоксацинге сезімталдығын растаған жағдайда және стандартты бактерияға қарсы ем әсер етпеген жағдайда ғана Люфи-500 препараты MRSA туындатқан белгіленген немесе болжамды инфекцияларды емдеу үшін ұсынылмайды. Жедел бактериялық синусит және созылмалы бронхиттің өршуі Егер бұл инфекциялық ауруларға дұрыс диагноз қойылса, Люфи-500 препаратын жедел бактериялық синуситті емдеу үшін және созылмалы бронхиттің өршуі кезінде қолдануға болады. Escherichia coli туындатқан инфекциялар Несеп шығару жолдарының инфекциясының ең көп таралған қоздырғышы E. coli фторхинолондарға резистенттілігі әр түрлі географиялық аудандарда өзгереді. Дәрігерлер фторхинолондарға E. coli резистенттілігінің таралуы туралы жергілікті ақпаратты ескеруі керек. Сібір ойық жарасының өкпелік түрі Адамдарда левофлоксацинді қолдану Bacillus anthracis in vitro сезімталдығы туралы деректерге және жануарларға жүргізілген зерттеулерде алынған деректерге, сондай-ақ адамда қолдану жөніндегі шектеулі ақпаратқа негізделген. Люфи-500 препаратын осы ауруға шалдыққан пациенттерде қолдану қажет болған кезде емдеуші дәрігер сібір ойық жарасын емдеу жөніндегі ұлттық және/немесе халықаралық нұсқауларды басшылыққа алуы керек. Ұзаққа созылған, мүгедектікке ұшырататын және ықтимал қайтымсыз ауыр жағымсыз дәрілік реакциялар Хинолондар мен фторхинолондарды қолданған пациенттерде, пациенттердің жасына және алдыңғы қауіп факторларына қарамастан, адам организмінің әртүрлі, кейде бірнеше жүйелеріне (қаңқа-бұлшықет, жүйке, психикалық жүйелер, сезім мүшелері) әсер ететін ұзақ (бірнеше ай немесе жылдар бойы), мүгедектікке ұшырататын және ықтимал қайтымсыз ауыр жағымсыз дәрілік реакциялардың өте сирек жағдайлары туралы хабарланды. Кез келген ауыр жағымсыз реакцияның алғашқы белгілері мен симптомдары пайда болған кезде левофлоксацинді қабылдауды дереу тоқтатып, дәрігерге жүгіну керек. Тендинит және сіңірлердің үзілуі Тендинит және сіңірлердің үзілуі (әсіресе ахилл сіңірлері), кейде екі жақты, хинолондармен және фторхинолондармен емдеуді бастағаннан кейін 48 сағат ішінде, сондай-ақ емдеуді тоқтатқаннан кейін бірнеше ай ішінде пайда болуы мүмкін. Егде жастағы пациенттерде, бүйрек жеткіліксіздігі, паренхиматозды ағзалары транспланттацияланған пациенттерде, тәулігіне 1000 мг левофлоксацин алатын пациенттерде және бір мезгілде кортикостероидтармен ем алатын пациенттерде тендиниттің және сіңір үзілуінің даму қаупі артады. Кортикостероидтар мен фторхинолондарды бір мезгілде қолданудан аулақ болу керек. Тендиниттің алғашқы белгілері пайда болған кезде (мысалы, ауырсынатын ісіну, қабыну) левофлоксацинді қабылдауды тоқтатып, баламалы емдеуді қарастыру керек. Зақымдалған аяқ-қолды тиісті түрде емдеу керек (мысалы, аяқтың иммобилизациясы). Тендинопатияның белгілері пайда болған кезде кортикостероидтарды қолдануға болмайды. Clostridium difficile астасқан диарея Диарея, әсіресе ауыр түрдегі, персистирленетін және/немесе қан аралас, Люфи-500 препаратымен емдеу кезінде немесе одан кейін (емдеуден кейін бірнеше аптадан соң пайда болатын жағдайларды қоса алғанда) Clostridium difficile (CDAD) астасқан диарея симптомы болуы мүмкін. CDAD ауырлық дәрежесі әлсізден өмірге қауіп төндіретін деңгейге дейін өзгеруі мүмкін, бұл аурудың анағұрлым ауыр түрі - жалғанжарғақшалы колит болып табылады. Осыған байланысты Люфи-500 препаратымен емдеу кезінде немесе одан кейін дамитын ауыр диареясы бар пациенттерде мұндай диагноз мүмкіндігін қарастыру маңызды. CDAD күдік туғанда немесе расталғанда препаратты дереу тоқтатып, тиісті ем тағайындау керек. Мұндай клиникалық жағдайда перистальтиканы бәсеңдететін препараттарды қолдануға болмайды. Құрысудың дамуына бейім пациенттер Хинолондар құрысу шегін төмендетуі және құрысуларды тудыруы мүмкін. Люфи-500 препаратын анамнезінде эпилепсиясы бар пациенттерге қолдануға болмайды. Басқа хинолондар сияқты, препарат құрысулардың дамуына бейім пациенттерде немесе теофиллин сияқты құрысуға бейімділік шегін төмендететін препараттарды бір мезгілде қабылдайтын пациенттерде аса сақтықпен қолданылуы тиіс. Құрысулар пайда болған кезде препаратпен емдеуді тоқтату керек. Глюкоза-6-фосфат дегидрогеназа тапшылығы бар пациенттер Латентті немесе глюкоза-6-фосфат дегидрогеназа тапшылығы диагнозы қойылған пациенттер хинолондармен емдеу кезінде гемолиздік реакцияларға бейім болуы мүмкін. Сондықтан мұндай пациенттерде Люфи-500 препаратын қолдану қажет болған жағдайда гемолиз дамуының әлеуетті қаупін бақылау керек. Бүйрек жеткіліксіздігі бар пациенттер Левофлоксацин негізінен бүйрекпен шығарылатындықтан, препарат дозасын бүйрек функциясы бұзылған пациенттерде түзету керек. Аса жоғары сезімталдық реакциялары Левофлоксацин өлімге дейін (ангионевроздық ісінуден анафилаксиялық шокқа дейін), оның ішінде Люфи-500 препаратының бірінші дозасын қабылдағаннан кейін аса жоғары сезімталдықтың ауыр реакцияларын тудыруы мүмкін. Мұндай жағдайларда емдеуді дереу тоқтатып, тиісті шұғыл шараларды жүргізу үшін дәрігерге немесе жедел жәрдемге жүгіну керек. Терінің ауыр жағымсыз реакциялары Левофлоксацинді қолданған кезде уытты эпидермалық некролизді (Лайелл синдромы деп те аталатын УЭН), Стивенс-Джонсон синдромын (СДС) және өмірге қауіп төндіретін немесе өліммен аяқталуы мүмкін эозинофилиямен және жүйелік симптомдармен дәрілік реакцияны (DRESS синдромы) қоса алғанда, терінің ауыр жағымсыз реакциялары (ТАЖР) туралы хабарланды. Препаратты тағайындаған кезде пациенттерге терінің ауыр реакцияларының белгілері мен симптомдары туралы хабарлау және олардың жай-күйіне мұқият бақылау жүргізу қажет. Осындай реакцияларға тән белгілер мен симптомдар пайда болған кезде левофлоксацинді дереу тоқтатып, баламалы емдеу мүмкіндігін қарастыру керек. Пациентте СДС, УЭН немесе DRESS синдромы сияқты ауыр реакция туындаған жағдайда, левофлоксацинді қолдану кезінде болашақта осы пациентте левофлоксацинмен емдеуді қайталауға болмайды. Дисгликемия Басқа хинолондарды қолданған жағдайдағыдай, гипер- және гипогликемияны қоса алғанда, қандағы глюкоза деңгейінің ауытқуы әдетте егде жастағы пациенттерде және әдетте, диабетке қарсы пероральді дәрілерді (мысалы, глибенкламид) немесе инсулинді қабылдайтын диабеті бар пациенттерде тіркелді. Гипогликемиялық кома жағдайлары туралы белгілі. Диабеті бар пациенттерде қандағы глюкоза деңгейіне мұқият мониторинг жүргізу ұсынылады. Егер пациентте қандағы глюкоза деңгейінің бұзылуы орын алса, препаратпен емдеуді дереу тоқтатып, фторхинолондарға жатпайтын антибиотиктермен баламалы емдеу мүмкіндігін қарастыру керек. Фотосенсибилизацияның профилактикасы Левофлоксацинді қабылдау кезінде фотосенсибилизация жағдайлары туралы хабарланды. Фотосенсибилизацияны болдырмау мақсатында пациенттерге емдеу кезінде және препаратпен емдеуді тоқтатқаннан кейін 48 сағат ішінде ашық күн сәулесінің немесе жасанды ультракүлгін сәулелердің (мысалы, кварц шамы, солярий) әсеріне қажеттіліксіз ұшырамау ұсынылады. К дәруменінің антагонистерін қабылдайтын пациенттер Коагуляциялық тестілердің (протромбиндік уақыт (ПУ)/халықаралық қалыптасқан қатынас (ХҚҚ)) мәндерінің ықтимал ұлғаюына және/немесе левофлоксацинді К дәруменінің антагонистерімен (мысалы, варфарин) біріктіріп қабылдайтын пациенттерде қан кетудің дамуына байланысты осындай препараттарды бір мезгілде қолданған кезде коагуляциялық тестілерге мониторинг жүргізу керек. Психоздық реакциялар Хинолондарды, оның ішінде левофлоксацинді қабылдау кезінде пациенттерде психоздық реакциялар байқалды. Өте сирек жағдайларда реакциялар суицидтік ойларға және өзіне-өзі зиян келтіру мінез-құлқының бұзылуына, кейде левофлоксациннің бір дозасын қабылдағаннан кейін өршіді. Егер пациентте осындай реакциялар дамыса, олардың алғашқы белгілері немесе симптомдары пайда болған кезде левофлоксацин қабылдауды дереу тоқтату керек. Пациент бұл туралы дәрігерге хабарлауы керек. Құрамында фторхинолоны жоқ антибиотиктермен баламалы емдеу мүмкіндігін қарастыру және тиісті шаралар қабылдау керек. Психоздық бұзылулары бар пациенттерге немесе анамнезінде психикалық аурулары бар пациенттерге Люфи-500 препаратын сақтықпен тағайындау керек. QT аралығының ұзаруының туа біткен синдромы QT аралығының ұзару қаупінің белгілі факторлары бар пациенттерге левофлоксацинді қоса алғанда, фторхинолондарды қабылдау кезінде сақ болу керек, мысалы: - QT аралығының ұзаруының туа біткен синдромы; - QT аралығын ұзартатыны белгілі, басқа дәрілік заттармен (мысалы, IA және III класының аритмияға қарсы препараттар, трициклді антидепрессанттар, макролидтер, психозға қарсы препараттар) бір мезгілде қабылдау; - электролиттік теңгерімнің түзетілмеген бұзылулары (мысалы, гипокалиемия, гипомагниемия); - жүрек аурулары (мысалы, жүрек жеткіліксіздігі, миокард инфарктісі, брадикардия). Егде жастағы пациенттер мен әйелдер QTc аралығын ұзартатын препараттардың әсеріне анағұрлым сезімтал болуы мүмкін. Левофлоксацинді қоса алғанда, фторхинолондарды мұндай пациенттерде сақтықпен қолдану керек. Шеткері нейропатия Хинолондар мен фторхинолондарды қабылдайтын пациенттерде парестезияға, гипестезияға, дизестезияға немесе бұлшықет әлсіздігіне әкелетін сенсорлық немесе сенсомоторлы полинейропатия жағдайлары туралы хабарланды. Левофлоксацинді қолданатын пациенттерге емдеуді жалғастырмас бұрын, әлеуетті қайтымсыз жағдайлардың дамуын болдырмау үшін ауыру, ашыту, шаншу, ұю немесе бұлшықет әлсіздігі сияқты нейропатия симптомдары пайда болған жағдайда, емдеуді жалғастырмас бұрын дәрігерге хабарлау ұсынылады. Гепатобилиарлық бұзылулар Левофлоксацинді негізінен ауыр негізгі аурулары бар, мысалы, сепсисі бар пациенттерде қолданғанда өліммен аяқталатын бауыр жеткіліксіздігіне әкеп соқтыратын бауыр некрозының даму жағдайлары туралы хабарланды. Пациенттерге емдеуді тоқтатып, анорексия, сарғаю, несептің күңгірттенуі, қышыну немесе іштің ауыруы сияқты бауыр ауруының белгілері мен симптомдары пайда болған кезде дәрігерге көріну керек. Жедел панкреатит Левофлоксацин қабылдаған пациенттерде жедел панкреатит байқалуы мүмкін. Пациенттерді жедел панкреатитке тән симптомдар жайлы хабардар ету керек. Жүрек айнуы, дімкәстік, іштегі дискомфорт, іштің өткір ауруы немесе құсуды бастан өткерген пациенттерді дереу дәрігер тексеруі керек. Егер жедел панкреатитке күдік болса, левофлоксацинді қабылдауды тоқтату керек, расталған жағдайда левофлоксацинді қайта қабылдауға болмайды. Анамнезінде панкреатит бар пациенттерге сақ болу керек. Қан аурулары Левофлоксацинмен емдеу кезінде сүйек кемігінің жеткіліксіздігі дамуы мүмкін, соның ішінде лейкопения, нейтропения, панцитопения, гемолитикалық анемия, тромбоцитопения, апластикалық анемия немесе агранулоцитоз. Егер осы қан ауруларының кез-келгеніне күдік болса, қан көрсеткіштерін бақылау қажет. Нәтижелер нормадан ауытқыған жағдайда левофлоксацинмен емдеуді тоқтату туралы мәселені қарастыру керек. Миастения гравис өршуі Левофлоксацинді қоса фторхинолондардың жүйке-бұлшықеттік бөгеу белсенділігі бар және миастения гравис бар пациенттерде бұлшықет әлсіздігін күшейтуі мүмкін. Миастения гравис бар пациенттерде қолданудың постмаркетингтік тәжірибесінде өлімді мен респираторлық қолдауды қажет ететін жағдайларды қоса алғанда, ауыр жағымсыз реакциялар жағдайлары байқалған. Люфи-500 препаратын анамнезінде миастения гравис бар пациенттерде қолдануға ұсынылмайды. Көрудің бұзылулары Көру бұзылғанда немесе көру мүшесі тарапынан жағымсыз реакциялар пайда болғанда дереу офтальмологпен кеңескен жөн. Салдарлы инфекция Люфи-500 препаратын қабылдау әсіресе ұзақ, резистентті микроорганизмдердің өсуіне әкелуі мүмкін. Препаратпен емдеу кезінде салдарлы инфекция пайда болған жағдайда тиісті шаралар қабылдау керек. Зертханалық тесттерге әсері Люфи-500 қабылдайтын пациенттерде несептегі апиындарды анықтау жалған оң нәтижелер беруі мүмкін. Оң нәтижелерді анағұрлым спецификалық әдістермен растау қажет болуы мүмкін. Левофлоксацин Mycobacterium tuberculosis өсуін тежеуі және туберкулездің бактериологиялық диагностикасында жалған теріс нәтижелерге әкелуі мүмкін. Қолқа аневризмасы және қолқаның қатпарлануы, жүрек клапанының регургитациясы/қауқарсыздығы Эпидемиологиялық зерттеулерде, әсіресе, егде жастағы пациенттерде қолқа аневризмасы мен қатпарлануы, сондай-ақ, әсіресе, фторхинолондарды қабылдағаннан кейін қолқа және митральді клапанның регургитациясы қаупінің жоғарылағаны туралы хабарланды. Фторхинолондарды қабылдап жүрген пациенттерде кейде үзілумен (соның ішінде өліммен) асқынатын қолқа аневризмасы мен қатпарлануы, сонда-ақ, жүрек клапандарының кез келгенінің регургитациясы/қауқарсыздығы жағдайлары тіркелген. Осы себепті, отбасылық анамнезінде аневризма немесе жүрек клапандарының туа біткен ақауы болған пациенттерде, сондай-ақ, қолқа аневризмасы және/немесе қатпарлануы диагнозы қойылған, немесе жүрек клапандарының жеткіліксіздігімен пациенттерде, немесе: - қолқа аневризмасы мен қатпарлануының дамуына және, онымен бір мезгілде жүрек клапанының регургитациясы/қауқарсыздығы (мысалы, Марфан синдромы немесе Элерс-Данлос синдромы, Тернер синдромы, Бехчет ауруы, гипертензия, ревматоидтық артрит сияқты дәнекер тіннің аурулары) туындауына, немесе қосымша, - қолқа аневризмасы мен қатпарлануының (мысалы, Такаясу артерииті, алыпжасушалы артериит, бұрыннан бар атеросклероз немесе Шегрен синдромы сияқты қантамырлар тарапынан бұзылудың) дамуына, немесе қосымша, - жүрек клапанының регургитациясы/қауқарсыздығы туындауына (мысалы, инфекциялық эндокардит) бейімдейтін басқа қауіп факторлары болған жағдайда, фторхинолондарды тек пайдасы/қаупі арақатынасын мұқият бағалағаннан және емнің басқа ықтимал нұсқаларын қарастырғаннан кейін ғана қолдану керек. Жүйелі кортикостероидтарды бір мезгілде қабылдап жүрген пациенттерде қолқа аневризмасы мен қатпарлануының және оның үзілуінің қаупі де жоғарылауы мүмкін. Кенеттен іштің, кеуденің немесе арқаның ауыруы пайда болған жағдайда, пациенттер дереу жедел жәрдем бөлімшесінің дәрігеріне жүгінуі керек. Жедел ентігу, жүрек соғуының жиілеуі алғаш пайда болған, сондай-ақ, құрсақ қуысының немесе аяқтардың ісінуі дамыған жағдайда, пациенттерге дереу медициналық көмекке жүгінуге кеңес беру керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралдарын және әртүрлі механизмдерді басқару қабілетіне болмашы немесе орташа әсер етеді. Кейбір жағымсыз реакциялар (мысалы, бас айналу/вертиго, ұйқышылдық, көрудің бұзылуы) зейін шоғырландыру қабілетін төмендетуі мүмкін, бұл қабілеттер маңызды болған жағдайларда (мысалы, көлік жүргізу немесе механизмдерді басқару кезінде) белгілі бір қауіп төндіреді.

Жүкті әйелдерде левофлоксацинді қолдану туралы деректер шектеулі. Адамда левофлоксацинді қолдану туралы деректер болмаған кезде және өсіп келе жатқан организмде шеміршектің, тірек буындарының фторхинолондармен зақымдану қаупін растайтын қолда бар эксперименттік деректерді ескере отырып, Люфи-500 препаратын жүктілік кезінде қолдануға болмайды. Люфи-500 бала емізу кезінде әйелдерге қолдануға болмайды. Левофлоксациннің емшек сүтімен бөлінуіне қатысты деректер жеткіліксіз, алайда басқа фторхинолондар емшек сүтімен бөлінетіні белгілі. Адамда левофлоксацинді қолдану туралы деректер болмағандықтан және өсіп келе жатқан организмде шеміршектің, тірек буындардың фторхинолондармен зақымдану қаупін растайтын қолда бар эксперименттік деректерді ескере отырып, Люфи-500 препаратын бала емізу кезеңінде әйелдерде қолдануға болмайды.

Темір тұздары, мырыш тұздары, құрамында магний немесе алюминий бар антацидтер, диданозин Левофлоксациннің сіңірілуі темір тұздарымен, құрамында магний немесе алюминий бар антацидтермен, диданозинмен (буферлік компоненттер ретінде магний немесе алюминий тұздары бар дәрілік түрлер ғана) бірге қабылдаған кезде айтарлықтай төмендейді. Фторхинолондарды құрамында мырыш бар мультивитаминді препараттармен бірге қабылдау оларды пероральді қабылдағанда сіңуін төмендететін сияқты. Темір тұздары, мырыш тұздары, құрамында магний немесе алюминий бар антацидтер, диданозин (буферлік компоненттер ретінде магний немесе алюминий тұздары бар дәрілік түрлер ғана) сияқты екі және үш валентті катиондары бар препараттарды препаратты қабылдаудан кемінде 2 сағат бұрын немесе 2 сағаттан кейін қабылдау ұсынылады. Кальций тұздары пероральді қабылдаған кезде левофлоксациннің сіңуіне аз әсер етеді. Сукральфат Люфи-500 препаратының биожетімділігі сукральфатпен бір мезгілде қолданғанда айтарлықтай төмендейді. Бірге қолдану қажет болған жағдайда сукральфатты Люфи-500 препаратын қабылдағаннан кейін 2 сағаттан соң қабылдау ұсынылады. Теофиллин, фенбуфен немесе ұқсас қабынуға қарсы стероидты емес препараттар Клиникалық зерттеуде левофлоксациннің теофиллинмен фармакокинетикалық өзара әрекеттесуі анықталған жоқ. Алайда, құрысуға дайындық шегінің едәуір төмендеуі хинолондарды теофиллинмен, қабынуға қарсы стероидты емес препараттармен немесе құрысуға дайындық шегін төмендететін басқа препараттармен бір мезгілде қолданған кезде пайда болуы мүмкін. Левофлоксацин концентрациясы бір левофлоксацин қабылдаған кездегі концентрациялармен салыстырғанда фенбуфенмен бір мезгілде қабылдаған кезде шамамен 13% жоғары болды. Пробенецид және циметидин Пробенецид және циметидин левофлоксациннің шығарылуына статистикалық мәнді әсерін көрсетті. Левофлоксациннің бүйректегі клиренсі циметидинді (24%) немесе пробенецидті (34%) қолдану кезінде төмендеді. Бұл екі препараттың да бүйрек түтікшелеріндегі левофлоксацин секрециясын тежеуге қабілетті екендігімен байланысты. Алайда, зерттеу барысында қолданылған дозаларда кинетикалық параметрлердің статистикалық маңызды айырмашылықтары клиникалық мәнге ие болу ықтималдылығы аз. Люфи-500 пробенецид пен циметидин сияқты бүйрек өзекшелерінің секрециясына әсер ететін препараттармен бірге, әсіресе, бүйрек функциясының бұзылулары бар пациенттерде сақтықпен қолдану керек. Басқа маңызды ақпарат Клиникалық-фармакологиялық зерттеулер мынадай дәрілік заттармен: кальций карбонатымен, дигоксинмен, глибенкламидпен, ранитидинмен бір мезгілде қолдану левофлоксацин фармакокинетикасына клиникалық маңызды әсер етпегенін көрсетті. Левофлоксациннің басқа препараттарға әсері Циклоспорин Левофлоксацин циклоспоринмен бірге қолданғанда циклоспориннің жартылай шығарылу кезеңін 33% - ға арттырады. K дәруменінің антагонистері K дәруменінің антагонистерімен (мысалы, варфарин) біріктірілімде левофлоксацин қабылдайтын пациенттерде коагуляциялық тестілердің (ПУ/ХҚҚ) мәндерінің жоғарылауы және/немесе қан кетудің дамуы (ауыр болуы мүмкін) туралы хабарланды. К дәруменінің антагонистерін қабылдайтын пациенттерде коагуляциялық тестілерге мониторинг жүргізу керек. QT аралығын ұзартатын дәрілік препараттар Левофлоксацинді, басқа фторхинолондар сияқты, QT аралығын ұзартатын препараттарды бір мезгілде қабылдайтын пациенттерде сақтықпен қолдану керек (мысалы, IA және III класының аритмияға қарсы препараттары, трициклді антидепрессанттар, макролидтер, психозға қарсы дәрілер). Басқа маңызды ақпарат Фармакокинетикалық өзара әрекеттесуді зерттеу нәтижелері левофлоксациннің теофиллин фармакокинетикасына (CYP1A2 үшін субстрат) әсерін анықтаған жоқ, бұл левофлоксациннің CYP1A2 тежегіші болып табылмайтындығын куәландырады. Өзара әрекеттесудің басқа түрлері Азық-түлік өнімдері Азық-түлікпен клиникалық маңызды өзара әрекеттесу жоқ. Люфи-500ті тамақтануға қарамастан қабылдауға болады.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!