Мавенклад® таблетки 10 мг

Бір таблетканың құрамында белсенді зат − кладрибин 10 мг, қосымша заттар: гидроксипропилбетадекс (2-гидроксипропил-β-циклодекстрин), сорбит (Е 420), магний стеараты. Сыртқы түрінің, иісінің, дәмінің сипаттамасы Дөңгелек, екі беті дөңес, бір жағында «С» және екінші жағында «10» деген бедері бар ақ түсті таблеткалар.

Қайталанатын жайылған склерозы (ЖС) бар, клиникалық немесе көріністеумен жүретін тексерулердің негізінде ауру белсенділігінің жоғарылығы анықталған ересек пациенттерді емдеу үшін.

Әсер ету механизмі Кладрибин - дезоксиаденозиннің нуклеозидті аналогы. Пуриндік сақинада хлор атомының орнын басуы кладрибинді аденозиндезаминазаның ыдыратуынан қорғап, ізашар дәрі кладрибиннің жасуша ішінде болу уақытын ұзартады. Кейіннен кладрибиннің өзінің трифосфат – 2-хлордезоксиаденозин трифосфат (Cd-ATP) түріндегі белсенді түріне дейін фосфорлануына – оларда тиімді дезоксицитидин киназаның (DCK) жоғары деңгейлерінің және 5'-нуклеотидазаның (5'-NTазы) салыстырмалы түрде төмен деңгейлері тұрақты түрде болатынының арқасында, әсіресе, лимфоциттерде қол жеткізіледі. DCK 5'-NTазаға қатынасының жоғарылығы Cd-ATP жинақталуына ықпал етеді, бұл жасушаның өлуіне лимфоциттерді айрықша сезімтал етеді. DCK/5'-NTаза арақатынасының төменірек болуы салдарынан, жұлыннан өндірілетін басқа жасушалар лимфоциттерге қарағанда азырақ зақымданады. DCK ізашар дәрі кладрибиннің өзінің белсенді трифосфатталған түріне өзгеру жылдамдығын шектейтін фермент болып табылады, бұл бөлінетін және бөлінбейтін Т- және В-жасушалардың селективті жойылуына алып келеді. Апоптозды қоздыратын Cd-ATP негізгі әсер ету механизмі ДНҚ синтезі мен митохондрия функциясына тікелей және жанама әсер етеді. Бөлінетін жасушаларда Cd-ATP редуктаза рибонуклеотидін тежеу арқылы ДНҚ синтезіне әсер етеді және ДНҚ полимеразаларының қатысуымен ДНҚ-ға ену үшін дезоксиаденозин трифосфатымен бәсекелеседі. Қалған жасушаларда кладрибин ДНҚ-ның бір тізбекті бұзылуын, никотинамид аденин динуклеотидінің тез тұтынылуын, АТФ-ның сарқылуын және жасуша өлімін тудырады. Кладрибин сонымен қатар С цитохромының бөлінбейтін жасушалары мен апоптозды тудыратын факторды цитозолға босатып шығару арқылы тікелей, тәуелді және каспазаға тәуелсіз апоптозды тудыруы мүмкін екендігінің дәлелі бар. Жайылған склероздың (ЖС) патогенезі шешуші рөлді аутореактивті Т- және В-жасушаларды қоса, иммундық жасушалардың түрлі типтері атқаратын құбылыстардың кешенді каскадын қамтиды. Кладрибиннің ЖС кезіндегі емдік әсер ету механизмі, оның В- және Т-лимфоциттерге негізгі ықпалы ЖС үшін шешуші мәні бар иммундық құбылыстардың каскадын үзеді деп саналса да, әлі толық зерттелмеген. Иммундық жасушалардың қосалқы типтеріндегі DCK мен 5'-NTаза экспрессиясының түрлі деңгейлерінен иммундық жасушалардың кладрибинге сезімталдық айырмашылықтарын түсінуге болады. Аталған экспрессия деңгейлерінің арқасында жүре пайда болған иммундық жүйе жасушаларына қарағанда, туа біткен иммундық жүйенің жасушалары әсерге аз ұшырайды. Фармакодинамикалық әсерлері Кладрибин көбінесе ЖС патофизиологиясына қатысқан лимфоциттер мен аутоиммундық үдерістерге бағытталған ұзақ әсер беретіні көрсетілген. Зерттеулерде 3 немесе 4 дәрежелі лимфопениясы бар пациенттердің ең көп үлесі (<500-ден 200 жасуша/мм³ немесе < 200 жасуша/мм³) емдеудің әрбір жылында кладрибиннің бірінші дозасын қабылдағаннан кейін 2 айдан соң байқалды, бұл кладрибиннің плазмада болуы мен ең жоғары гематологиялық әсер арасындағы уақыт аралығының болуын көрсетеді. Ұсынылған дене салмағының 3.5 мг/кг кумулятивтік дозасы үшін клиникалық зерттеулерде алынған деректер кладрибиннің бірінші дозасын (кладрибиннің соңғы дозасын қабылдағаннан кейін шамамен 30 аптадан соң) қабылдағаннан кейін 84-ші аптада лимфоциттер медианалық санының қалыпты диапазонға дейін біртіндеп жақсарғанын көрсетеді. Пациенттердің 75%-дан астам лимфоциттер саны кладрибиннің бірінші дозасын қабылдағаннан кейін (кладрибиннің соңғы дозасын қабылдағаннан кейін шамамен 90 аптадан соң) 144-ші аптаға дейін қалыпты диапазонға оралды. Пероральді кладрибин препаратымен емдеу қан ағымында CD4+ және CD8+ Т-жасушалардың жылдам азаюына алып келеді. CD4+, T-жасушаларға қарағанда, CD8+ T-жасушалар үшін азаюының айқындығы азырақ және қалпына келуі жылдамырақ жүреді, бұл CD8-ге CD4 арақатынасының уақытша азаюына алып келеді. Кладрибин CD19+ B-жасушалар мен CD16+/CD56+ табиғи киллер жасушаларының санын азайтады, CD4+ T-жасушалар санына қарағанда, олар сондай-ақ қайта қалпына жылдамырақ келеді. Клиникалық тиімділік және қауіпсіздік Қайталанатын-ремиссияланатын ағымы бар ЖС Кладрибиннің тиімділігі мен қауіпсіздігі рандомизацияланған қосарлы жасырын плацебо-бақыланатын клиникалық зерттеуде (CLARITY) ЖС қайталанатын-ремиссияланатын ағымы бар 1326 пациенттің қатысуымен бағаланды. Зерттеудің мақсаты кладрибиннің плацебомен салыстырғанда рецидивтің бір жылға қайта есептелген жиілігін (бастапқы соңғы нүкте) азайту, мүгедектікке ұшыраудың үдеуін бәсеңдету және МРТ деректері бойынша белсенді ошақтардың азаюы бойынша тиімділігін бағалау болды. Пациенттер плацебо (n = 437) немесе кладрибиннің кумулятивтік дозасын 3.5 мг/кг (n = 433) немесе дене салмағының 5.25 мг/кг (n = 456) 2 емдік курстан тұратын 96 апталық (2 жылдық) кезеңі ішінде қабылдаған. Пациенттерді рандомизацияланған тәсілмен емдеудің бірінші курсы бойына бірінші жылдың 1 және 5 апталарында 3.5 мг/кг кумулятивтік дозасын және екінші жылдың 1 және 5 апталарында емдеудің екінші курсын қабылдауға бөлді. Пациенттерді рандомизацияланған тәсілмен емнің қосымша кезеңі ішінде бірінші жылдың 9 және 13 апталарында 5.25 мг/кг кумулятивтік дозасын қабылдауға бөлді. Плацебо тобындағы (87.0 %) және кладрибинмен емдеу топтарындағы пациенттердің көпшілігі 3.5 мг/кг (91.9 %) және 5.25 мг/кг (89.0 %) дозаларда толық 96 апталық зерттеу кезеңін аяқтады. Алдыңғы 12 айда пациенттер кем дегенде 1 рецидив болуы керек еді. Жалпы зерттелген популяцияда медианалық жас мөлшері 39 жас (18-ден 65 жасқа дейін), ал әйелдердің еркектерге арақатынасы шамамен 2 : 1 болды. Зерттеуге енгізілгенге дейін ЖС ауруының орташа ұзақтығы 8.7 жасты құрады, ал Куртцке мүгедектікке әкелуді бағалаудың кеңейтілген шкаласы (EDSS) бойынша құрылған неврологиялық мүгедектікке әкелудің медианалық базалық индексі барлық емдеу топтарында 3.0 (0-ден 6.0-ге дейін) болды. Зерттеуге қатысқанға дейін пациенттердің үштен екісінен астамы ЖС ағымын өзгертетін препараттарды қабылдаған жоқ. Қалған пациенттер бұрын интерферон бета-1а, интерферон бета-1b, глатирамер ацетаты немесе натализумабпен емделді. Кладрибинді 3.5 мг/кг дозада қабылдаған РС рецидивті-ремиттелген ағымы бар пациенттер көрсеткіштердің статистикалық маңызды жақсарғанын көрсетті: плацебо қабылдаған пациенттермен салыстырғанда бір жылға қайта есептелген рецидив жиілігі, 96 апта бойы рецидивсіз пациенттердің үлесі, 96 апта бойы тұрақты мүгедектікке ұшыраусыз пациенттердің үлесі және EDSS 3 айлық прогрессияға дейінгі кезең (3-кестені қараңыз). 3-кесте: CLARITY зерттеуінің клиникалық нәтижелері (96 апта) Параметр — Плацебо (n = 437) — Кладрибиннің кумулятивтік дозасы 3.5 мг/кг (n = 433) — 5.25 мг/кг (n = 456) Бір жылға қайта есептелген қайталану жиілігі (95% СА) — 0.33 (0.29; 0.38) — 0.14* (0.12; 0.17) — 0.15* (0.12; 0.17) - Салыстырмалы төмендеу (плацебомен салыстырғанда кладрибин) — 57.6 % — 54.5 % 96 апта бойы рецидивсіз болған пациенттердің үлесі — 60.9 % — 79.7 % — 78.9 % 3 айлық EDSS үдеуіне дейінгі уақыт, 10-ші процентиль (ай) — 10.8 — 13.6 — 13.6 - Қауіп қатынасы (95% СА) — 0.67 (0.48; 0.93) р =0.018 — 0.69 (0.49, 0.96) р =0.026 *р < 0.001 плацебомен салыстырғанда СА-сенімділік аралығы Кладрибинмен 3.5 мг/кг дозада емдеу тобы зерттеудің толық 96 аптасы бойы мидың МРТ-дағы T1 Gd+ ошақтарының, белсенді T2 ошақтарының және аралас спецификалық емес ошақтарының саны мен салыстырмалы түрде азаюына қатысты плацебо тобынан статистикалық тұрғыдан айтарлықтай асып түсті. Кладрибин қабылдаған пациенттер плацебо тобымен салыстырғанда T1 Gd+ ошақтарының орташа санының 86 %-ға салыстырмалы түрде азайған (3.5 мг/кг кладрибин тобы үшін және плацебо тобы үшін түзетілген орташа саны тиісінше 0.12 және 0.91 құрады), белсенді T2 ошақтар орташа санының 73 %-ға салыстырмалы азаюы (3.5 мг/кг кладрибин тобы және плацебо тобы үшін түзетілген орташа саны тиісінше 0.38 және 1.43 құрады) және бір томограммада біріктірілген спецификалық емес ошақтардың бір пациентке орташа санының 74 %-ға салыстырмалы азаюы (кладрибин тобы үшін 3.5 мг/кг және плацебо тобы үшін түзетілген орташа саны тиісінше 0.43 және 1.72 болды) (МРТ барлық 3 нәтижесі бойынша p < 0.001). 6 айлық расталған прогрессияға дейінгі уақытты ретроспективті талдау EDSS плацебо тобымен салыстырғанда 3.5 мг/кг дозада кладрибин қабылдаған топта мүгедектікке әкелудің өршу қаупінің 47 %-ға төмендегенін анықтады. Жоғарыдағы 3-кестеде көрсетілгендей, жоғары кумулятивті дозалар клиникалық маңызды артықшылықтар бермеді, бірақ 3 және одан жоғары дәрежелі лимфопенияның жиілігімен байланысты болды (3.5 мг/кг тобындағы 25.6 %-бен салыстырғанда 5.25 мг/кг тобында 44.9 %). CLARITY зерттеуіне қатысуды аяқтаған пациенттер CLARITY Extension зерттеуіне қатыса алады. Бұл кеңейтілген зерттеуде 806 пациент 96 апталық кезең ішінде 3.5 мг/кг кладрибиннің плацебо немесе кумулятивтік дозасын (CLARITY-де қолданылған режимге сәйкес) қабылдады. Бұл зерттеудің негізгі мақсаты қауіпсіздікті бағалау болды, ал тиімділіктің соңғы нүктелері зерттеу мақсатында белгіленді. 2 жыл бойы 3.5 мг/кг дозасын қабылдаған пациенттерде рецидив жиілігінің азаюынан және мүгедектікке ұшыраудың үдеуінің баяулауынан көрінетін әсердің шамасы 3 және 4 жылдары сақталды. Аурудың белсенділігі жоғары пациенттерді емдеудегі тиімділік Ұсынылған 3.5 мг/кг кумулятивтік дозада кладрибинді пероральді қабылдаған, аурудың белсенділігі жоғары пациенттердің кіші топтарында тиімділікке ретроспективті талдау жүргізілді. Бұл кіші топтарға мыналар кірді: • өткен жыл ішінде 1 рецидив және кем дегенде 1 рет T1 GD+ ошағы немесе 9 немесе одан да көп T2 ошағы бар пациенттер аурудың ағымын өзгертетін басқа препараттармен емдеу кезінде, • өткен жыл ішінде 2 немесе одан да көп рецидивтері бар пациенттер, олар аурудың ағымын өзгертетін препараттармен емделген, емделмегеніне қарамастан CLARITY зерттеуінде алынған деректерді талдау емдеудің рецидив жиілігіне тұрақты әсерін көрсетті, бұл ретте бір жылға қайта есептелген рецидив жиілігі кладрибин топтарында 0.16-дан 0.18-ге дейін және плацебо тобында 0.47-ден 0.50-ге дейін болды (p < 0.0001). Қайталама-үдемелі ағыммен қайталанатын ЖС Плацебо және интерферон бета қабылдаумен салыстырғанда кладрибинді бета интерферонына қосымша қабылдаған пациенттерді емдеуді қосымша зерттеу, сондай-ақ ЖС қайталама-үдемелі ағымы бар пациенттердің шектеулі санын (26 пациент) қамтыды. Мұндай пациенттерде кладрибинмен 3.5 мг/кг дозада емдеу плацебомен салыстырғанда (0.30-мен салыстырғанда 0.03; қауіптің арақатынасы: 0.11; P < 0.05) бір жылға қайта есептелген рецидив жиілігінің азаюына әкелді. Рецидивтері бар рецидивті-ремиттациялаушы РС және қайталама-үдемелі ЖС ағымы бар пациенттер арасында рецидивтердің бір жылға қайта есептелген жиілігінде айырмашылықтар байқалған жоқ. Осы кіші топтардың әрқайсысында препараттың мүгедектікке әкелудің өршуіне әсері көрсетілмеген. ЖС қайталама-үдемелі ағымы бар пациенттер CLARITY зерттеуінен шығарылды. Алайда, екінші реттік үдемелі ағымы бар ЖС индикаторы ретінде EDSS ≥ 3.5 базалық индексі бойынша айқындалған CLARITY және ONWARD зерттеулерінен пациенттер аралас топтарының ретроспективті талдауы EDSS < 3 индексі бар пациенттермен салыстырғанда бір жылға қайта есептелген рецидив жиілігінің осыған ұқсас төмендеуін көрсетті.

Бұл препаратты әрдайым дәрігердің нұсқауы бойынша қабылдаңыз. Егер сіз бір нәрсеге сенімді болмасаңыз, дәрігермен кеңесіңіз. Дозалау режимі Мавенклад® препаратын 2 жыл бойы екі емдеу курсы түрінде қабылдау керек. Әр емдеу жылының басында әр емдеу курсы бір айлық аралықпен 2 аптадан тұрады. Емдеу аптасы 4 немесе 5 күннен тұрады, оның барысында күніне 1 немесе 2 таблетка қабылдау керек (1-кестені қараңыз). Мысал. Егер пациент емдеуді сәуір айының ортасында бастаса, төмендегі кестеде көрсетілгендей таблеткаларды қабылдау керек. 1-кесте 1-жыл — 2-жыл Емдеудің 1-ші аптасы — 4 немесе 5 күн бойы күніне 1 немесе 2 таблетка, сәуір айының ортасы — Емдеудің 1-ші аптасы — 4 немесе 5 күн бойы күніне 1 немесе 2 таблетка, сәуір айының ортасы Емдеудің 2-ші аптасы — 4 немесе 5 күн бойы күніне 1 немесе 2 таблетка, мамыр айының ортасы — Емдеудің 2-ші аптасы — 4 немесе 5 күн бойы күніне 1 немесе 2 таблетка, мамыр айының ортасы Емдеу курсы басталғанға дейін дәрігер лимфоциттердің саны рұқсат етілген диапазонда екенін тексеру үшін пациентті қан тапсыруға талдауға жібереді. Олай болмаған жағдайда Мавенклад® препаратымен емдеу кейінге қалдырылады. Емдеудің 2 курсы аяқталғаннан кейін дәрігер пациентке Мавенклад® қабылдау қажет болмаған кезде келесі 2 жыл бойы пациенттің жай-күйін бақылауды жалғастыратын болады. • Емдеудің әр аптасы үшін пациентке 2-кестеде көрсетілгендей, оның дене салмағына қарай таблеткалардың дұрыс саны тағайындалады. • Емдеуді бастамас бұрын, пациент онда таблетканың қажетті мөлшері бар екеніне көз жеткізуі керек. • 2-кестенің сол жақ бағанында сіз өзіңіздің дене салмағыңызды (кг-да) тауып, содан кейін емдеу аптасына қажет таблеткалар санын тексеруіңіз керек. • Дене салмағының кейбір диапазондары үшін емдеудің бірінші және келесі апталарына арналған таблеткалар саны әртүрлі болуы мүмкін екенін есте ұстаған жөн. Мысал. Егер науқастың дене салмағы 85 кг болса және 1 апта емделсе, пациентте 8 таблетка болуы тиіс. 2-кесте Пациенттің дене салмағы — Қабылдауға арналған таблеткалар саны Емдеу курсы – 1-жыл — Емдеу курсы – 2-жыл Емдеудің 1-ші аптасы — Емдеудің 2-ші аптасы — Емдеудің 1-ші аптасы — Емдеудің 2-ші аптасы 40 кг-нан аз — Дәрігер қабылдау үшін таблетка санын көрсетеді 40-тан 50 кг-ға дейін — 4 — 4 — 4 — 4 50-ден 60 кг дейін — 5 — 5 — 5 — 5 60-тан 70 кг дейін — 6 — 6 — 6 — 6 70-тен 80 кг дейін — 7 — 7 — 7 — 7 80-ден 90 кг дейін — 8 — 7 — 8 — 7 90-нан 100 кг дейін — 9 — 8 — 9 — 8 100-ден 110 кг дейін — 10 — 9 — 10 — 9 110 кг және одан жоғары — 10 — 10 — 10 — 10 Енгізу әдісі мен жолы Таблеткаларды күннің шамамен бір уақытында қабылдау керек. Таблеткаларды шайнамай жұту керек. Таблеткаларды тамақтануға қарамастан қабылдауға болады. Мавенклад® таблеткаларын қабылдауға арналған нұсқаулық • Бір стақан су дайындаңыз. Таблетканы қабылдамас бұрын, қолыңыз құрғақ және таза екеніне көз жеткізіңіз. • Қолыңызға препараты бар қорапты алып, оның нұсқаулық жазылған жағын өзіңізге қаратып ұстаңыз. • (1) Қораптың сол жағындағы клапанды ашыңыз. (2) Сұқ саусақ және бас бармағыңызбен қатар қораптың екі жағындағы ілмектерін басыңыз және оларды сол қалпында ұстап тұрыңыз. (3) Пішінді ұяшықты қаптаманы түбіне дейін тартыңыз. Назар аударыңыз: ішінді ұяшықты қаптаманы қораптан суырып алмаңыз. • Қораптан медициналық қолдану жөніндегі нұсқаулықты алып шығыңыз. Таблеткаларды өз бетінше қабылдауға арналған нұсқауларды қоса, оның мазмұнымен Өзіңіздің мұқият танысып шыққаныңызға көз жеткізіңіз. • Блистерді көтеріңкіреп, пішінді ұяшықты қаптамадағы тесікті саусағыңызбен басыңыз. Қолыңызды блистердің астына салыңыз және Сізге дәрігер тағайындағандай, 1 немесе 2 таблетканы қолыңызға итеріп шығарыңыз. • Таблеткаларды сумен ішіп қабылдаңыз. Таблеткаларды тұтастай, шайнамай және таблеткалардың ауызда еруіне жол бермей жұтып жіберу қажет. Таблеткалардың терімен жанасуы шектелуі тиіс. Қолыңызды мұрынға, көзге немесе дененің басқа бөліктеріне тигізбеңіз. • Таблеткаларды қабылдағаннан кейін қолыңызды сабынды сумен мұқият жуыңыз. • Пішінді ұяшықты қаптаманы қорабына салыңыз. Препаратты ылғалдан қорғау үшін түпнұсқалық қаптамасында сақтаңыз. Келесі дозаны қабылдағанға дейін таблеткаларды блистерде сақтаңыз. Блистерден таблеткаларды сығып алмаңыз және оларды басқа контейнерде сақтамаңыз. Емдеу аптасының ұзақтығы Қабылданатын таблеткалардың жалпы санына байланысты оларды емдеудің әр аптасында 4 немесе 5 күн ішінде қабылдау керек. 3-кестеде күн сайын қанша таблетка (1 немесе 2 таблетка) қабылдау керек екендігі көрсетілген. Егер күніне 2 таблетка қабылдау қажет болса, оларды бір уақытта бірге қабылдау керек. Мысал. Егер пациентке бір апта ішінде 8 таблетка қабылдау қажет болса, ол күніне 2 таблеткадан 1-ші, 2-ші, 3-ші күні, содан кейін 1 таблеткадан 4-ші күні және 5-ші күні қабылдауы керек. 3-кесте Емдеу аптасына арналған таблеткалардың жалпы саны — 1-ші күн — 2-ші күн — 3-ші күн — 4-ші күн — 5-ші күн 4 — 1 — 1 — 1 — 1 — 0 5 — 1 — 1 — 1 — 1 — 1 6 — 2 — 1 — 1 — 1 — 1 7 — 2 — 2 — 1 — 1 — 1 8 — 2 — 2 — 2 — 1 — 1 9 — 2 — 2 — 2 — 2 — 1 10 — 2 — 2 — 2 — 2 — 2 Дәрілік препараттың бір немесе бірнеше дозасын өткізіп алған кезде қажетті шаралар Егер пациент дозаны өткізіп жіберіп, сол күні есіне түскенде — Егер пациент дозаны өткізіп жіберіп, келесі күні есіне түскенде Қабылданбаған дозаны сол күні қабылдау керек. — Өткізіп алған дозаны келесі тағайындалған дозамен бірге қабылдауға болмайды. Қабылданбаған дозаны келесі күні қабылдау керек және емдеудің осы аптасындағы күндер санын үлкейту керек. Мысал. Егер пациент 3-ші күні дозаны қабылдауды ұмытып, оны 4-ші күнге дейін есіне түсірмесе, ол 3-ші күні 4-ші күні тағайындалған дозаны қабылдап, емдеу аптасындағы күндердің жалпы санын бір күнге үлкейтуі керек. Егер пациент қатарынан 2 доза қабылдауды өткізіп алса (мысалы, 3-ші күні және 4-ші күні қабылдауға тағайындалған дозалар), ол өткізіп алған дозаларды келесі 2 күн ішінде қабылдап, содан кейін емдеу аптасын 2 күнге ұзартуы тиіс. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Препаратты қолдану туралы қосымша сұрақтар туындаған жағдайда дәрігермен кеңесу керек.

- препараттың белсенді затына немесе кез келген қосымша заттарына аса жоғары сезімталдық; - адам иммунитет тапшылығы вирусы (АИТВ) инфекциясын жұқтыру; - белсенді созылмалы инфекциялар (туберкулез немесе гепатит); - иммуносупрессиялық немесе миелосупрессиялық ем қабылдап жүрген пациенттерді қоса, иммунитеті әлсіреген, пациенттерге кладрибинмен емдеуді бастауға болмайды; - белсенді қатерлі жаңа түзілімдер; - бүйрек функциясының орташа немесе ауыр бұзылуы (креатинин клиренсі < 60 мл/мин); - жүктілік және бала емізу

Барлық дәрілік препараттар сияқты, Мавенклад® жағымсыз реакциялар туғызуы мүмкін, бірақ олар әрбір пациентте дамымайды. Жағымсыз реакциялардың жиілігін жіктеу үшін мынадай терминология пайдаланылады: өте жиі (≥ 1/10); жиі (≥1/100-ден < 1/10-ға дейін); жиі емес (≥1/1000-нан < 1/100-ге дейін); сирек (≥1/10000-нан < 1/1000-ға дейін); өте сирек (< 1/10000); жиілігі белгісіз (қолда бар деректер негізінде бағалау мүмкін емес). Ауыр немесе күрделене түсуі мүмкін кейбір жағымсыз реакциялар Лимфопения және белдемелі герпес Ең маңызды жағымсыз әсері - лимфоциттер санының төмендеуі (лимфопения), ол өте жиі кездеседі және ауыр түрде өтуі мүмкін. Лимфопения инфекцияның даму қаупін арттыруы мүмкін. Мавенклад® препаратын қабылдау аясында жиі байқалатын инфекция - бұл белдемелі герпес. Егер пациентте белдемелі герпес симптомдары пайда болса, мысалы, қатты ауырсынудың «жолақ» және әдетте дененің жоғарғы бөлігінің бір жағында немесе бетінде везикулалар пайда болса, дереу дәрігерге хабарлау керек. Басқа симптомдарға бас ауыруы, күйдіру сезімі, қышыну, ұйқышылдық немесе терінің қышуы, инфекцияның алғашқы кезеңдерінде жалпы әлсіздік немесе қызба сезімі кіруі мүмкін. Белдемелі герпес емдеуді қажет етеді сондықтан инфекция жойылғанша Мавенклад® препаратын қабылдауды тоқтату қажет болуы мүмкін. Бауыр проблемалары сирек кездеседі. Егер пациентте әлсіздік (жүрек айну), құсу, асқазанның ауыруы, шаршау (әлсіздік), тәбеттің жоғалуы, терінің немесе көз ақуыздарының сарғаюы (сарғаю) немесе несептің күңгірттенуі сияқты симптомдар пайда болса, дереу дәрігерге хабарлау керек. Мавенклад® препаратын қабылдауды жою немесе үзу қажет болуы мүмкін. Басқа ықтимал жағымсыз әсерлер Жиі - еріндегі герпестік қызба - бөртпе - шаштың түсуі - нейтрофилдер санының азаюы - қышынуды, есекжемді, бөртпелерді және еріннің, тілдің немесе беттің ісінуін қоса, аллергиялық реакциялар Өте сирек - туберкулез Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz.

Тағайындалғанға қарағанда көп таблетка қабылдаған кезде дереу дәрігермен кеңесу керек. Дәрігер емдеуді тоқтату керек пе, жоқ па, соны шешеді. Мавенклад® препараты артық дозалануының шектеулі тәжірибесі бар. Таблеткалар неғұрлым көп қабылданса, лимфоциттердің саны соғұрлым азаяды, бұл лимфопенияның дамуына әкеледі.

Мавенклад® препаратын қолдануды бастамас бұрын дәрігермен кеңескен жөн. Қан талдауы Емдеу басталғанға дейін пациент Мавенклад® препаратын қабылдай алатындығын анықтау үшін талдауға қан тапсыруы қажет. Сондай-ақ, дәрігер пациент Мавенклад® препаратын қабылдауды жалғастыра алатынын және емнің асқынусыз өтіп жатқанын анықтау үшін пациентті емдеу кезінде және одан кейін қан талдауын тапсыруға жібереді. Инфекциялар Мавенклад® препаратымен емдеу басталғанға дейін пациент инфекцияны анықтау үшін тексеруден өтуі тиіс. Дәрігерге инфекция барына кез келген күдігі туралы хабарлау маңызды. Инфекцияның симптомдары қызба, денедегі ауырсыну, бұлшықет ауыруы, бас ауыруы, жалпы әлсіздік сезімі немесе көз ақуыздарының сарғаюы болуы мүмкін. Дәрігер инфекция емделгенге дейін емдеуді кейінге қалдыруы немесе үзуі мүмкін. Белдемелі герпес Қажет болған жағдайда емдеу басталғанға дейін пациентті герпеске қарсы вакцинациялайды. Осыдан кейін вакцинацияның әсері болуы үшін 4-6 апта күту керек. Спецификалық емдеуді қажет етуі мүмкін Мавенклад® препаратын қабылдағаннан кейін герпес симптомдарының – жиі асқынудың пайда болуы туралы дәрігерге дереу хабарлау керек. Үдемелі мультифокальді лейкоэнцефалопатия (ҮМЛ) Егер пациент өзінің ауру жағдайы нашарлады деп ойласа немесе көңіл-күйдің немесе мінез-құлықтың өзгеруі, есте сақтау қабілетінің бұзылуы, сөйлеу және қарым-қатынас қиындықтары сияқты кез келген жаңа симптомдарды байқаса, дәрігерге мүмкіндігінше тезірек баруы керек. Бұл «үдемелі мультифокальді лейкоэнцефалопатия» (ҮMЛ) деп аталатын инфекциядан туындаған сирек кездесетін ми ауруының симптомдары болуы мүмкін. ҮМЛ – ауыр мүгедектікке немесе өлімге әкелуі мүмкін күрделі ауру. Мавенклад® препаратын қабылдау кезінде ҮМЛ байқалмады, ем басталғанға дейін сақтық шарасы ретінде пациентке МРТ (магнитті-резонанстық томографиялық) зерттеуін жүргізуді тағайындауы мүмкін. Обыр Клиникалық зерттеулерде кладрибин қабылдаған пациенттерде обырдың бірлі-жарым жағдайлары байқалды. Егер ол бұрын обыр ауруымен ауырса, дәрігер емдеудің ең қолайлы әдісін таңдауы үшін пациент дәрігерге айтуы тиіс. Сақтық шарасы ретінде пациент дәрігер ұсынған обыр скринингін жүргізу бойынша стандартты нұсқауларды орындауы керек. Бауыр проблемалары Мавенклад® бауыр проблемаларын тудыруы мүмкін. Мавенклад® препаратын қабылдау басталғанға дейін пациент дәрігерге, егер оның бұрын бауырмен проблемалары болса немесе болған болса, хабарлауға тиіс. Егер науқаста келесі симптомдардың біреуі немесе бірнешеуі болса, дереу дәрігермен кеңесу керек: әлсіздік (жүрек айну), құсу, асқазанның ауыруы, шаршау (әлсіздік), тәбеттің жоғалуы, терінің немесе көз ақуыздарының сарғаюы (сарғаю) немесе несептің күңгірттенуі. Осы құбылыстар бауырдың күрделі проблемаларының симтомдары болуы мүмкін. Контрацепция Ерлер мен әйелдер Мавенклад® препаратымен емдеу кезінде және соңғы дозаны қабылдағаннан кейін кемінде 6 ай бойы контрацепцияның тиімді шараларын пайдалануға міндетті. Бұл өте маңызды, өйткені Мавенклад® болашақ сәбиге айтарлықтай зиян келтіруі мүмкін. Қан құю Егер пациентке қан құю қажет болса, дәрігерге Мавенклад® қабылдайтынын хабарлау керек. Мұндай жағдайларда пациентке асқынулардың алдын алу үшін қанды сәулелік емдеу қажет болуы мүмкін. Емдеудің өзгеруі Егер пациент Мавенклад® препаратын қабылдауға ЖС емдеудің басқа әдісінен ауысса, емдеу басталғанға дейін дәрігер пациенттің қанында лимфоциттердің қалыпты саны бар-жоғын тексеруі тиіс. Егер пациент Мавенклад® препаратын қабылдаудан басқа ЖС еміне ауысқысы келсе, бұл туралы дәрігерге хабарлау керек. Бұл препараттардың иммундық жүйесіне әсері жинақталуы мүмкін. Арнайы ескертулер Балалар Мавенклад® препаратын 18 жасқа дейінгі пациенттерге қабылдау ұсынылмайды, өйткені препарат осы жас тобын емдеу үшін зерттелмеген. Мавенклад® құрамында сорбит бар Препарат құрамында әр таблеткада 64 мг сорбит бар. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Мавенклад® пациенттердің автомобильді басқару және механизмдермен жұмыс істеу қабілетіне әсер етпейді.

Мавенклад® препаратын жүктілік немесе жүктілікті жоспарлау кезінде қабылдауға болмайды. Бұл өте маңызды, өйткені Мавенклад® туылмаған балаға зиян тигізуі мүмкін. Пациенттер Мавенклад® препаратымен емдеу кезінде және соңғы дозаны қабылдағаннан кейін кемінде 6 ай бойы жүктіліктің алдын алу үшін контрацепцияның тиімді әдісін қолдануы тиіс. Егер пациент гормоналды контрацептивтерді қабылдаса, дәрігерге хабарлау керек. Мавенклад® препаратын қабылдау кезінде және соңғы дозаны қабылдағаннан кейін кемінде 4 апта ішінде контрацепцияның қосымша әдісін қолдану қажет. Егер жүктілік 1-жылы соңғы дозаны қабылдағаннан кейін 6 айдан ерте басталса, бұл қауіпсіздікке қиындық туғызады деп күтілмейді, бірақ бұл пациент жүктілік кезінде Мавенклад® препаратын қабылдауды жалғастыра алмайтындығын білдіреді. Еркек пациенттер Мавенклад® препаратын қабылдау кезінде және соңғы дозаны қабылдағаннан кейін 6 ай бойы өз жұптарының жүктілігінің алдын алу үшін контрацепцияның тиімді әдістерін қолдануы тиіс. Дәрігер контрацепцияның қолайлы әдістеріне кеңес береді. Мавенклад® препаратын бала емізу кезінде қабылдауға болмайды. Егер дәрігер Мавенклад® препаратымен емдеуді жалғастыру қажет деп есептесе, ол бала емізуді тоқтатуға кеңес береді.

Егер Сіз кез келген басқа препараттарды қабылдап жүрсеңіз немесе жақында қабылдаған болсаңыз немесе қабылдауыңыз мүмкін болса, дәрігеріңізге айтыңыз. Егер пациент иммундық жүйесін әлсірететін немесе сүйек кемігімен қан компоненттерін өндіруді төмендететін препараттарды қабылдаса, Мавенклад® препаратын қабылдауды бастауға болмайды. Мұндай препараттарға мыналар жатады: - циклоспорин, циклофосфамид және азатиоприн (иммундық жүйенің қызметін басу үшін қолданылады, мысалы, ағзаларды трансплантациялаудан кейін); - метотрексат (псориаз және ревматоидты артрит сияқты ауруларды емдеу үшін қолданылады); - кортикостероидтарды ұзақ қабылдау (қабынуды емдеу үшін қолданылады, мысалы, демікпе кезінде). Дәрігердің тағайындауы бойынша кортикостероидтарды қысқа мерзімді қабылдауға жол беріледі. Мавенклад®, егер оларды дәрігер арнайы тағайындамаған болса, ЖС емдеу үшін басқа препараттармен бір мезгілде қолдануға болмайды. Мұндай препараттарға алемтузумаб, даклизумаб, диметилфумарат, финголимод, глатирамера ацетаты, интерферон бета, натализумаб және терифлуномид жатады. Мавенклад® препаратын кез келген басқа препараттармен бірге қабылдауға болмайды. Мавенклад® препаратын және ішке қабылданатын басқа да препараттарды қабылдау арасында кемінде 3 сағат күту керек. Мавенклад® құрамында гидроксипропилбетадекс бар, ол асқазанда басқа препараттармен әрекеттесе алады. Егер пациент қабылдап жүрсе немесе қабылдаса, дәрігерге хабарлау керек: - Қан жасушаларына әсер етуі мүмкін препараттар (мысалы, эпилепсияны емдеу үшін қолданылатын карбамазепин). Бұл жағдайда емдеуді мұқият бақылау қажет болуы мүмкін. - Вакциналардың белгілі бір типтері (тірі немесе тірі аттенуирленген вакциналар). Егер пациент емдеу басталғанға дейін 4-6 апта бұрын вакцинациядан өткен болса, Мавенклад® препаратын қабылдауды кейінге қалдыру керек. Мавенклад® препаратымен емдеу кезінде пациент мұндай вакциналарды алмауы тиіс. Вакцинациядан бұрын иммундық жүйе қалпына келуі керек, оны қан талдауы арқылы анықтауға болады. - Дилазеп, нифедипин, нимодипин, резерпин, цилостазол және сулиндак (жүректі, жоғары қан қысымын, қан тамырлары ауруларын немесе қабынуды емдеу үшін қолданылады) немесе эльтромбопаг (қан кетумен байланысты жағдайларды емдеу үшін қолданылады). Дәрігер пациент осы препараттарды қабылдауы керек болса, не істеу керектігін айтады. - Рифампицин (инфекцияның белгілі бір түрлерін емдеу үшін қолданылады), шілтерлі шайқурай (депрессияны емдеу үшін қолданылады) және кортикостероидтар (қабынуды емдеу үшін қолданылады). Дәрігер пациент осы препараттарды қабылдауы керек болса, не істеу керектігін айтады. Егер пациент гормоналды контрацептивтерді қабылдаса, дәрігерге хабарлау керек. Мавенклад® препаратын қабылдау кезінде және соңғы дозаны қабылдағаннан кейін кемінде 4 апта ішінде контрацепцияның қосымша әдісін қолдану қажет.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Құрғақ жерде, түпнұсқалық қаптамасында 25°С-ден аспайтын температурада сақтау керек. Балалардың қолы жетпейтін жерде сақтау керек!