Магникор форте таблетки 150 мг

Бір таблетканың құрамында белсенді зат – ацетилсалицил қышқылы 150 мг, қосымша заттар: магний гидроксиді, жүгері крахмалы, картоп крахмалы, микрокристалды целлюлоза, магний стеараты. Үлбірлі жабынға арналған қоспасы Opadry II White (гидроксипропилметилцеллюлоза; лактоза моногидраты; полиэтиленгликоль (макрогол); титанның қостотығы (Е 171); триацетин). Сыртқы түрінің, иісінің, дәмінің сипаттамасы Дөңгелек пішінді, екі беті дөңес, сызығы бар, ақ немесе ақ түсті дерлік үлбірлі қабықпен қапталған таблеткалар.

Жүректің жедел және созылмалы ишемиялық ауруы. Қолдану басталғанға дейін қажетті мәліметтер тізбесі

Фармакодинамикалық әсерлері Ацетилсалицил қышқылы-анальгетикалық, қабынуға қарсы, ыстықты түсіретін және антиагрегантты дәрі болып табылады. Антиагрегантты қасиеттері қан кету уақытын ұзартады. Негізгі фармакологиялық әсері – простагландиндер мен тромбоксандардың түзілуін тежеу. Ауыруды басатын әсері - циклооксигеназа ферментінің тежелуінен туындаған қосымша әсер. Қабынуға қарсы әсер PGE2 синтезінің тежелуінен туындаған қан ағымының төмендеуімен байланысты. Ацетилсалицил қышқылы простагландиндердің G/H синтезін қайтымсыз тежейді, оның тромбоциттерге әсері организмде ацетилсалицил қышқылына қарағанда ұзаққа созылады. Ацетилсалицил қышқылының тромбоциттердегі тромбоксан биосинтезіне және қан кету уақытына әсері емдеу тоқтатылғаннан кейін ұзақ уақыт бойы жалғасады. Әсері қан плазмасында жаңа тромбоциттер пайда болғаннан кейін ғана тоқтайды. Салицил қышқылының (ацетилсалицил қышқылының белсенді метаболиті) қабынуға қарсы әсері бар, сонымен қатар тыныс алу процестеріне, қышқылды-сілтілі теңгерім және асқазанның шырышты қабығы күйіне әсер етеді. Салицилаттар тыныс алуды көтермелейді, негізінен сүйек кемігіне тікелей әсер етеді. Салицилаттар вазодилататорлық және цитопротекторлық простагландиндерді тежеу жолымен асқазанның шырышты қабығына жанама әсер етеді және ойық жаралардың пайда болу қаупін арттырады.

Дозалау режимі Ересектерге ұсынылатын доза – тәулігіне 1 таблетка (150 мг). Енгізу әдісі мен жолы Таблеткаларды қажет болса сумен ішіп, тұтастай жұту керек. Тез сіңуін қамтамасыз ету үшін таблетканы шайнауға немесе суда ерітуге болады. Бауыр функциясының бұзылуы. Дәрілік затты бауыр функциясының ауыр бұзылулары бар пациенттерге қолдануға болмайды. Бауыр функциясының бұзылуы бар пациенттерге дозаны түзету қажет болуы мүмкін. Бүйрек функциясының бұзылуы. Дәрілік затты ауыр бүйрек жеткіліксіздігі бар (шумақты сүзілу деңгейі < 0,2 мл/с (10 мл/мин) пациенттерді емдеу үшін қолдануға болмайды Дозаны түзету бүйрек функциясы бұзылған пациенттерге қажет болуы мүмкін. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Препаратты қолданар алдында емдеуші дәрігермен кеңесіңіз.

• ацетилсалицил қышқылына, басқа салицилаттарға немесе дәрілік заттың кез келген компонентіне аса жоғары сезімталдық • анамнезінде салицилаттарды немесе ұқсас әсері бар заттарды, әсіресе қабынуға қарсы стероидты емес дәрілерді (ҚҚСД) қолданудан туындаған демікпе • жедел пептидтік ойық жаралар • геморрагиялық диатез • ауыр дәрежедегі бүйрек жеткіліксіздігі • ауыр дәрежедегі бауыр жеткіліксіздігі • ауыр дәрежедегі жүрек жеткіліксіздігі • метотрексатпен 15 мг/аптасына немесе одан да көп дозада біріктіру («Басқа дәрілік заттармен өзара әрекеттесуі» бөлімін қараңыз).

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес). Асқазан-ішек жүйесі тарапынан диспепсияның жиі көріністері және симптомдары, жүрек айнуы, құсу, эпигастральді аймақтың ауыруы және абдоминальді ауыру; жекелеген жағдайларда – асқазан-ішек жолдарының қабынуы, асқазан-ішек жолының эрозиялық-ойық жаралы зақымдалулары, олар бірлі-жарым жағдайларда асқазан-ішек геморрагиясын және тиісті зертханалық көрсеткіштері мен клиникалық көріністері бар тесілуін туындатуы мүмкін. Қан және лимфа жүйесі тарапынан: тромбоциттерге антиагрегантты әсер ету салдарынан ацетилсалицил қышқылы қан кетудің дамуымен, қан кету уақытының ұзаруымен байланысты болуы мүмкін. Периоперациялық геморрагиялар, гематомалар, несеп-жыныс жүйесі ағзаларынан қан кету, мұрыннан қан кету, қызылиектен қан кету сияқты қан кетулер байқалды; сирек немесе өте сирек – асқазан-ішек жолының геморрагиялары, церебральді геморрагиялар (әсіресе бақыланбайтын гипертензиясы бар пациенттерде және/немесе антигемостатикалық препараттарды бір мезгілде қолданғанда) сияқты ауыр қан кетулер, олар бірлі-жарым жағдайларда өмірге қауіп төндіруі мүмкін. Геморрагиялар, тиісті зертханалық көріністермен және астения, терінің бозаруы, гипоперфузия сияқты клиникалық симптомдармен жедел және созылмалы постгеморрагиялық анемияға/темір тапшылықты анемияға (жасырын аздап қан кетудің салдарынан) әкелуі мүмкін. Глюкоза-6-фосфат-дегидрогеназа жеткіліксіздігінің ауыр түрлері бар пациенттерде гемолиз және гемолиздік анемия байқалды. Тромбоцитопения, агранулоцитоз, панцитопения, лейкопения, апластикалық анемия. Бүйрек және несеп шығару жүйесі тарапынан: бүйрек функциясының бұзылуы және жедел бүйрек жеткіліксіздігінің дамуы. Бауыр мен өт шығару жолдары тарапынан: қан сарысуындағы трансаминазалар мен сілтілік фосфатаза деңгейінің жоғарылауымен транзиторлы бауыр жеткіліксіздігі туралы өте сирек хабарланған. Иммундық жүйе тарапынан: демікпе; эритематозды/экзематозды тері реакциялары, есекжем, ринит, мұрынның бітелуі, бронх түйілуі, ангионевроздық ісіну, артериялық қысымның шок күйіне дейін төмендеуі сияқты аса жоғары сезімталдық реакциялары; экссудативті мультиформалы эритеманы, Стивенс – Джонсон синдромын, уытты эпидермальді некролизді қоса, ауыр дәрежелі тері реакциялары. Жүйке жүйесі тарапынан: бас ауыруы, бас айналу; сананың шатасуы және құлақтағы шуыл артық дозалануды көрсетуі мүмкін. Метаболизм және тамақтану тарапынан: гипогликемия, қышқылдық-сілтілік тепе-теңдіктің бұзылуы. Жыныс жүйесі тарапынан: меноррагия. Жоғары сезімталдық реакциялары тиісті зертханалық және клиникалық көріністерімен, демікпе жағдайын, жеңіл немесе орташа дәрежелі тері реакцияларын қоса, сондай-ақ респираторлық жол тарапынан реакциялар, асқазан-ішек жолы және жүрек-қантамырлар жүйесі тарапынан, бөртпе, есекжем, ісіну, қышыну, ринит, мұрынның бітелуі, жүрек-тыныс алу жеткіліксіздігі және өте сирек – анафилаксиялық шокты қоса, ауыр реакциялар. Басқалары: Рей синдромы («Қолдану кезіндегі қажетті сақтандыру шаралары» бөлімін қараңыз). Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Уыттылық. Қауіпті доза. Ересектер: 300 мг/кг дене салмағына. Салицилаттармен созылмалы улану жасырын сипатта болуы мүмкін, өйткені оның белгілері мен симптомдары спецификалық емес. Салицилаттардан немесе салицилизмнен туындаған орташа созылмалы интоксикация, әдетте, үлкен дозаларды бірнеше рет қолданғаннан кейін ғана пайда болады. Симптомдары. Орташа дәрежедегі созылмалы уланудың белгілері (дәрілік заттың жоғары дозаларын ұзақ қолданудың нәтижесі): бас айналу, вертиго, кереңдік, қатты терлеу, қызба, жиі тыныс алу, құлақтағы шуыл, респираторлық алкалоз, метаболизмдік ацидоз, енжарлық, орташа сусыздану, бас ауыруы, сананың шатасуы, жүрек айну және құсу. Жедел уыттану қышқылды-сілтілі теңгерімнің айқын өзгеруімен дәлелденеді, онда жас ерекшелігіне және уыттанудың ауырлығына байланысты айырмашылық болуы мүмкін. Балалардағы оның ең көп кездесетін көрінісі - метаболизмдік ацидоз. Жай-күйдің ауырлығын қан плазмасындағы салицилаттардың концентрациясына қатысты деректер негізінде ғана бағалау мүмкін емес. Ацетилсалицил қышқылының сіңірілуі асқазанды босатудың кідіруіне, асқазанда конкременттердің түзілуіне байланысты немесе оны ішекте еритін қабықпен қапталған таблеткалар түрінде қолданған жағдайда баяулауы мүмкін. Ауыр және жедел улану симптомдары (артық дозалану салдарынан): гипогликемия (негізінен балаларда), энцефалопатия, кома, гипотензия, өкпе ісінуі, құрысулар, коагулопатия, мидың ісінуі, жүрек ырғағының бұзылуы. Неғұрлым айқын уытты әсер созылмалы артық дозалануы немесе дәрілік затты дұрыс пайдаланбаған пациенттерде, сондай-ақ егде жастағы пациенттерде немесе балаларда байқалады. Емі. Жедел артық дозалану жағдайында асқазанды шаю және белсендірілген көмірді қолдану қажет. Дене салмағына 120 мг/кг асатын дозасын қолдануға күдік болған кезде белсендірілген көмірді қайта қолдану қажет. Қан сарысуындағы салицилат деңгейін дозаны қолданғаннан кейін кемінде 2 сағат сайын, салицилат деңгейі әрдайым төмендеп, қышқылды-сілтілі негізі қалпына келгенше өлшеп отыру керек. Протромбин уақыты және/немесе ХҚИ (халықаралық қалыптасқан индекс), атап айтқанда, егер қан кетуге күдік болса, тексерілуі керек. Сұйықтық пен электролиттер теңгерімін қалпына келтіру қажет. Қан плазмасынан салицилатты жоюдың тиімді әдістері сілтілі диурез және гемодиализ болып табылады. Гемодиализді ауыр уыттану жағдайында қолданған жөн, өйткені бұл әдіс салицилаттың шығарылуын едәуір жылдамдатады және қышқылды-сілтілі және су-тұз теңгерімін қалпына келтіреді. Салицилатпен уланудың кешенді патофизиологиялық әсеріне байланысты көріністер мен симптомдар/талдау нәтижелері мыналарды қамтуы мүмкін: Көріністері мен симптомдары — Талдау нәтижелері — Емдік шаралар Жеңіл немесе орташа дәрежедегі уыттану — Асқазанды шаю, белсендірілген көмірді қайта енгізу, қарқынды сілтілі диурез Тахипноэ, аса жоғары желдету, респираторлық алкалоз — Алкалемия, алкалурия — Электролиттік және қышқылды-сілтілі теңгерімді қалпына келтіру Диафорез (терлеудің жоғарылауы) Жүректің айнуы, құсу Орташа немесе ауыр дәрежедегі уыттану — Асқазанды шаю, белсендірілген көмірді қайта енгізу, қарқынды сілтілі диурез, ауыр жағдайларда гемодиализ Компенсаторлық метаболизмдік ацидозы бар респираторлық алкалоз — Ацидемия, ацидурия — Электролиттік және қышқылды-сілтілі теңгерімді қалпына келтіру Гиперпирексия — Электролиттік және қышқылды-сілтілі теңгерімді қалпына келтіру Тыныс алу: гипервентиляция, кардиогенді емес өкпе ісінуі, тыныс алу жеткіліксіздігі, асфиксия Жүрек-қантамыр: дизаритмия, артериялық гипотензия, жүрек-қантамыр жеткіліксіздігі — Қан қысымының өзгеруі, ЭКГ Сұйықтық пен электролиттердің жоғалуы: дегидратация, олигурия, бүйрек жеткіліксіздігі — Гипокалиемия, гипернатриемия, гипонатриемия, бүйрек функциясының өзгеруі — Электролиттік және қышқылды-сілтілі теңгерімді қалпына келтіру Глюкоза метаболизмінің бұзылуы, кетоацидоз — Гипергликемия, гипогликемия (әсіресе балаларда). Кетонды денелердің жоғары деңгейі Құлақтың шуылдауы, кереңдік Асқазан-ішек: асқазан-ішек жолынан (АІЖ) қан кету Гематологиялық: тромбоциттердің тежелуі, коагулопатия — PT ұзаруы, гипопротромбинемия Неврологиялық: уытты энцефалопатия және летаргия, сананың шатасуы, кома және құрысулар сияқты көріністері бар орталық жүйке жүйесінің (ОЖЖ) бәсеңдеуі

Дәрілік затты мынадай жағдайларда сақтықпен қолдану керек: • анальгетикалық, қабынуға қарсы, ревматизмге қарсы дәрілерге аса жоғары сезімталдық, сондай-ақ басқа заттарға аллергияның болуы; • созылмалы және рекурентті ойық жара ауруларын немесе анамнездегі асқазан-ішек қан кетулерін қоса, асқазан-ішек жолының ойық жаралары; • созылмалы асқазан немесе дуоденальді диспепсия симптомдарының немесе олардың қайталануының болуы; • антикоагулянттарды бір мезгілде қолдану; • артериялық гипертензия; • бүйрек функциясының бұзылуы немесе жүрек-қантамырлар қанайналымының бұзылуы (мысалы: бүйрек тамырларының патологиясы, жүрек жеткіліксіздігі, гиповолемия, кеңейтілген операциялар, сепсис немесе қатты қан кету) – өйткені ацетилсалицил қышқылы, сондай-ақ бүйрек функциясының бұзылуы мен жедел бүйрек жеткіліксіздігінің қаупін арттырады; • бауыр функциясының бұзылуы; • глюкоза-6-фосфатдегидрогеназа – ацетилсалицил қышқылының ауыр жеткіліксіздігі гемолизді немесе гемолиздік анемияны тудыруы мүмкін, әсіресе гемолиздің қауіп факторлары болған кезде, мысалы, дәрілік заттың жоғары дозалары, қызба немесе жедел инфекциялық процесс. Ацетилсалицил қышқылын меноррагиясы бар әйелдерге (етеккір кезінде) қолдану ұсынылмайды, өйткені ол етеккір қан кетуін күшейтуі мүмкін. Ибупрофен тромбоциттердің агрегациясына қатысты ацетилсалицил қышқылының тежегіш әсерін төмендетуі мүмкін. Дәрілік затты қолдану жағдайында ауырсынуды басатын дәрі ретінде ибупрофен қолдануды бастағанға дейін пациент дәрігермен кеңесуі тиіс. Ацетилсалицил қышқылы бронх түйілуінің немесе бронх демікпесі ұстамасының немесе басқа жоғары сезімталдық реакцияларының дамуына себепші болуы мүмкін. Қауіп факторларына анамнездегі демікпе, пішен қызбасы, мұрын полипозы немесе созылмалы респираторлық ауру, анамнездегі басқа заттарға аллергиялық реакциялар (мысалы, тері реакциялары, қышыну, есекжем) жатады. Ацетилсалицил қышқылын қолданған кезде Стивенс–Джонсон синдромын қоса, тері тарапынан елеулі жағымсыз реакциялар туындауының сирек жағдайлары туралы хабарламалар бар. Терідегі және шырышты қабықтардағы бөртпелерді қоса, аса жоғары сезімталдық реакцияларының қандай да бір клиникалық симптомдары пайда болған жағдайда дәрілік затты қолдануды тоқтату керек. Қабылдағаннан кейін бірнеше күн бойы сақталатын тромбоциттердің агрегациясына қатысты ацетилсалицил қышқылының тежегіш әсеріне байланысты құрамында ацетилсалицил қышқылы бар дәрілік заттарды қолдану хирургиялық операциялар кезінде (кішігірім хирургиялық араласулар, мысалы, тіс жұлу) қан кетудің туындауы/ күшеюі ықтималдығын арттырады. Ацетилсалицил қышқылының шағын дозаларын қолданғанда несеп қышқылының шығарылуы төмендеуі мүмкін. Бұл подагра ұстамасына оған бейім пациенттерде әкелуі мүмкін. Құрамында ацетилсалицил қышқылы бар дәрілік заттарды дене температурасының жоғарылауымен қатар жүретін немесе қатар жүрмейтін жедел респираторлық вирустық инфекциясы (ЖРВИ) бар балалар мен жасөспірімдерге дәрігердің кеңесінсіз қолдануға болмайды. Кейбір вирустық ауруларда, әсіресе А тұмауы, В тұмауы және желшешек кезінде Рей синдромының пайда болу қаупі бар, бұл өте сирек кездесетін, бірақ өмірге қауіпті ауру, шұғыл медициналық араласуды қажет етеді. Егер ацетилсалицил қышқылы қатар берілетін дәрілік зат ретінде қолданылса, қаупі жоғарылауы мүмкін, бірақ бұл жағдайда себеп-салдарлық байланыс дәлелденбеген. Егер бұл жағдайлар тұрақты құсумен бірге жүрсе, бұл Рей синдромының көрінісі болуы мүмкін. Арнайы ескертулер Педиатрияда қолдану Көрсетілімдерге сәйкес дәрілік затты балаларға қолдануға болмайды. 15 жасқа дейінгі балаларға ацетилсалицил қышқылын қолдану ауыр жағымсыз әсерлерді тудыруы мүмкін (оның ішінде Рей синдромы, оның белгілерінің бірі үнемі құсу болып табылады). Қосымша заттар Дәрілік заттың құрамында лактоза бар, сондықтан галактоза жақпаушылығы, Лапп лактаза тапшылығы немесе глюкоза-галактоза мальабсорбциясының бұзылуы сияқты сирек тұқым қуалайтын аурулары бар пациенттерге оны қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Жүктілік. Простагландиндер синтезінің бәсеңдеуі жүктілікке және/немесе эмбрионалдық/құрсақішілік дамуға теріс әсер етуі мүмкін. Эпидемиологиялық зерттеулердің қолда бар деректері жүктіліктің басында простагландиндер синтезінің тежегіштерін қолданғаннан кейін түсік тастау және ұрық дамуының ақаулары (жүрек ақауы және гастрошизис) қаупін көрсетеді. Қауіп дозаның ұлғаюына және емнің ұзақтығына байланысты артады. Қолда бар деректерге сәйкес ацетилсалицил қышқылын қолдану мен түсік тастау қаупінің жоғарылауы арасындағы байланыс расталмаған. Даму ақауларының пайда болуына қатысты қолда бар эпидемиологиялық деректер бірізді болып табылмайды, алайда ацетилсалицил қышқылын қолдану кезінде гастрошизистің жоғары қаупін жоққа шығаруға болмайды. Жүктіліктің ерте кезеңіндегі (1-4-ші ай) оның әсеріне қатысты қолда бар деректер мальформация даму қаупінің жоғарылауымен қандай да бір байланысты көрсетпейді. Жануарларды зерттеу репродуктивті уыттылықты көрсетеді. Жүктіліктің І және ІІ триместрі кезінде құрамында ацетилсалицил қышқылы бар дәрілік заттарды нақты клиникалық қажеттіліксіз тағайындауға болмайды. Жүкті болуы мүмкін әйелдер үшін немесе жүктіліктің І және ІІ триместрі кезінде ацетилсалицил қышқылы бар дәрілік заттардың дозасы мүмкіндігінше төмен, ал емдеу ұзақтығы – мүмкіндігінше қысқа болуы тиіс. Жануарларға жүргізілген зерттеулер простагландин тежегіштерін қолдану алдыңғы- және имплантациядан кейінгі кейінгі шығындардың жоғарылауына және эмбрионның/шарананың өліміне әкелетінін көрсетті. Сонымен қатар, органогенез кезінде простагландин тежегіштерін қабылдаған жануарларда жүрек-қантамырлар ақауларын қоса, ауыр ақаулар дамуының жиілеуі байқалды. Алдыңғы тәжірибеге сәйкес дәрілік затты емдік дозаларда қолдану кезінде қаупі төмен. Жүктіліктің ІІІ триместрі кезеңінде простагландин синтезінің барлық тежегіштері: шаранаға келесідей әсер етеді: - жүрек-өкпе уыттылығы (артериялық түтіктің мерзімінен бұрын жабылуымен және өкпе гипертензиясымен); - олигогидроамниозы бар бүйрек жеткіліксіздігі кейіннен дамуы мүмкін бүйрек функциясының бұзылуы; жүктіліктің соңында әйел мен балаға келесідей әсер етеді: - қан кету уақытының ұзаруы, өте төмен дозаларды қабылдағаннан кейін де туындауы мүмкін антиагрегантты әсер; - жатырдың жиырылуын тежеу, бұл босанудың кешеуілдеуіне немесе ұзап кетуіне әкелуі мүмкін. Осыны ескере отырып, ацетилсалицил қышқылын жүктіліктің ІІІ триместрінде қолдануға болмайды. Бала емізу Салицилаттар мен олардың метаболиттері емшек сүтіне аз мөлшерде енеді. Емшек сүтіндегі концентрация ананың қан плазмасындағы концентрациясына тең немесе одан да жоғары. Лактация кезінде әйелдерге қолданғаннан кейін дәрілік заттың балаға зиянды әсері анықталмағандықтан, әдетте, емшек емізуді тоқтатудың қажеті жоқ. Алайда, тұрақты қолдану жағдайларында немесе жоғары дозаларды (> 300 мг/күн) қолдану кезінде бала емізуді ерте кезеңдерде тоқтату қажет. Фертильділік. Простагландиндер синтезін тежейтін препараттар овуляцияға әсер ететіндіктен әйелдерде репродуктивті функцияны бұзуы мүмкін деген белгілі бір дәлелдер бар. Бұл құбылыс қайтымды және емдеу тоқтатылғаннан кейін жоғалады.

Бір мезгілде қолдануға болмайтын көрсетілімдер. Метотрексат. Ацетилсалицил қышқылы мен метотрексатты аптасына 15 мг және одан да көп дозада қолдану метотрексаттың гематологиялық уыттылығын арттырады (метотрексаттың бүйрек клиренсін қабынуға қарсы агенттермен төмендету және қан плазмасы протеиндерімен байланысты метотрексатты салицилаттармен ығыстыру). АКФ тежегіштері. Ацетилсалицил қышқылының жоғары дозаларымен біріктірілген ангиотензин конвертациялайтын ферменттің тежегіштері простагландиндердің вазодилататорлық әсерінің тежелуі және гипертензияға қарсы әсердің төмендеуі салдарынан гломеруладағы сүзілудің төмендеуін тудырады. Ацетазоламид. Ацетазоламид концентрациясының жоғарылауы салицилаттардың қан плазмасынан тінге енуіне әкелуі мүмкін және ацетазоламидтің уыттылығын (шаршау, енжарлық, ұйқышылдық, сананың шатасуы, гиперхлоремиялық метаболизмдік ацидоз) және салицилаттардың уыттылығын (құсу, тахикардия, гиперпноэ, сананыңңшатасу) тудыруы мүмкін. Бір мезгілде қолдану үшін ұсынылмайтын біріктірілімдер. Урикозуриялық дәрілер (пробенецид, сульфинпиразон). Пробенецид пен салицилаттардың жоғары дозаларын (> 500 мг) қолданғанда екі дәрілік заттың метаболизмі бәсеңдейді және несеп қышқылының экскрециясы төмендеуі мүмкін. Сондықтан препараттардың бұл біріктірілімін болдырмау керек. Сақтықпен қолданылуы керек біріктірілімдер. Метотрексат. Ацетилсалицил қышқылы мен метотрексатты аптасына кемінде 15 мг дозада қолданған кезде метотрексаттың гематологиялық уыттылығы артады (метотрексаттың бүйрек клиренсін қабынуға қарсы агенттермен төмендету және метотрексатты қан плазмасы протеиндерімен байланысты салицилаттармен ығыстыру). Клопидогрель, тиклопидин. Клопидогрел мен ацетилсалицил қышқылын біріктіріп қолдану синергиялық әсерге ие. Мұндай біріктіріп қолдануды сақтықпен жүргізу керек, өйткені бұл қан кету қаупін арттырады. Антикоагулянттар (варфарин, фенпрокумон). Тромбин өндірісінің төмендеуі мүмкін, соның нәтижесінде тромбоциттер белсенділігінің төмендеуіне (К дәруменінің антагонисі) тікелей емес әсері болады және қан кетудің туындау қаупі артады. Абсиксимаб, тирофибан, эптифибатид. Тромбоциттерде гликопротеин IIb / IIIa-рецепторларының тежелуі мүмкін, бұл қан кету қаупінің жоғарылауына әкеледі. Гепарин. Тромбин өндірісінің төмендеуі мүмкін, нәтижесінде тромбоциттер белсенділігінің төмендеуіне тікелей емес әсері болады, бұл қан кету қаупінің жоғарылауына әкеледі. Егер жоғарыда аталған заттардың екеуі немесе бірнешеуі ацетилсалицил қышқылымен бірге қолданылса, бұл тромбоциттердің белсенділігін тежеудің синергиялық әсеріне және нәтижесінде геморрагиялық диатездің күшеюіне әкелуі мүмкін. ҚҚСД және ЦОГ-2 тежегіштері (целекоксиб). Бірге қолдану асқазан-ішек бұзылыстарының пайда болу қаупін арттырады, бұл асқазан-ішек қан кетуіне әкелуі мүмкін. Ибупрофен. Ибупрофенді бір мезгілде қолдану ацетилсалицил қышқылының әсеріне негізделген тромбоциттердің қайтымсыз агрегациясын тежейді. Жүрек-қантамыр жүйесіне әсер ету қаупі жоғары пациенттерде ибупрофенмен емдеу ацетилсалицил қышқылының кардиопротекторлық әсерін шектеуі мүмкін. Жүрек-қан тамырлары ауруларының прпофилактикасы мақсатында тәулігіне 1 рет ацетилсалицил қышқылын қабылдайтын және мезгіл-мезгіл ибупрофен қолданатын пациенттер ацетилсалицил қышқылын ибупрофенді қолданғанға дейін кемінде 2 сағат бұрын қабылдауы тиіс. Метамизол. Ацетилсалицил қышқылымен бір мезгілде қолданған кезде метамизол ацетилсалицил қышқылының тромбоциттер агрегациясына әсерін азайтуы мүмкін. Сондықтан ацетилсалицил қышқылын (кардиопротектор ретінде) және метамизолды бір мезгілде қолданғанда сақ болу керек. Циклоспорин, такролимус. ҚҚСД-ны циклоспоринмен немесе такролимуспен бір мезгілде қолдану циклоспорин мен такролимустың нефроуыттылығын арттыруы мүмкін. Осы препараттар мен ацетилсалицил қышқылын бір мезгілде қолданған кезде бүйрек функциясын бақылау қажет. Фуросемид. Фуросемид проксимальді өзекшелік элиминациясының тежелуі мүмкін, бұл фуросемидтің несеп айдайтын әсерінің төмендеуіне әкеледі. Хинидин. Тромбоциттерге аддитивті әсер етуі мүмкін, бұл қан кету уақытының ұзаруына әкеледі. Спиронолактон. Рениннің модификацияланған әсері болуы мүмкін, бұл спиронолактон тиімділігінің төмендеуіне әкеледі. Серотонинді кері қармаудың селективті тежегіштері Бірге қолдану асқазан-ішек бұзылыстарының пайда болу қаупін арттырады, бұл асқазан-ішек қан кетуіне әкелуі мүмкін. Эпилепсияға қарсы препараттар (вальпроат, фенитоин). Вальпроатпен бір мезгілде қолданған кезде ацетилсалицил қышқылы оны қан плазмасының ақуыздарымен байланыстырудан ығыстырады, соңғысының уыттылығын арттырады (орталық жүйке жүйесінің бәсеңдеуі, асқазан-ішек жолының бұзылыстары). Жүйелік глюкокортикостероидтар (Аддисон ауруы кезінде орнын басатын ем үшін қолданылатын гидрокортизонды қоспағанда) қандағы салицилаттар деңгейін төмендетеді және емдеу аяқталғаннан кейін артық дозалану қаупін арттырады. Диабетке қарсы дәрілік заттар. Ацетилсалицил қышқылын және диабетке қарсы дәрілік заттарды бір мезгілде қолдану гипогликемияның пайда болу қаупін арттырады. Антацидтер. Бүйрек клиренсінің ұлғаюы және бүйрек абсорбциясының төмендеуі (несептің рН жоғарылауымен байланысты) мүмкін, бұл ацетилсалицил қышқылы әсерінің төмендеуіне әкеледі. Желшешекке қарсы вакцина. Бірге қолдану Рей синдромының даму қаупін арттырады. Гинкго билоба. Гингко билобамен бірге қолдану тромбоциттердің агрегациясына кедергі келтіреді, бұл қан кету қаупінің жоғарылауына әкеледі. Дигоксин. Дигоксинмен бір мезгілде қолданғанда қан плазмасында соңғысының концентрациясы бүйрек экскрециясының төмендеуі салдарынан жоғарылайды. Барбитураттар. Барбитураттардың қан сарысуындағы концентрациясы ацетилсалицил қышқылымен бір мезгілде қолданғанда артуы мүмкін. Пенициллин. Пенициллиннің қан плазмасынан жартылай шығарылу кезеңінің ұзаруы. Алкоголь асқазан-ішек жолдары шырышты қабығының зақымдалуына ықпал етеді және ацетилсалицил қышқылы мен алкогольдің синергизмі салдарынан қан кету уақытын ұзартады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 25 С-ден аспайтын температурада, түпнұсқалық қаптамасында сақтау керек. Балалардың қолы жетпейтін жерде сақтау керек! Дәріханалардан босату шарттары Рецептісіз