Магникум-антистресс таблетки

Бір таблетканың құрамында белсенді заттар - магний цитраты 618.43 мг, магнийге баламалы 100 мг, пиридоксин гидрохлориді 10 мг; қосымша заттар: сусыз лактоза, полиэтиленгликоль (макрогол), магний стеараты; қабығы: Opadry II White үлбірлі қабыққа арналған қоспа: гипромеллоза (гидроксипропилметилцеллюлоза); лактоза моногидраты; полиэтиленгликоль (макрогол); титанның қостотығы (Е 171); триацетин. Сыртқы түрінің, иісінің, дәмінің сипаттамасы Ақ немесе ақ түсті дерлік үлбірлі қабықпен қапталған, екі беті дөңес, дөңгелек пішінді таблеткалар.

Организмдегі магний тапшылығын симптоматикалық емдеу. Бұл дәрілік заттың құрамында магний бар. Төменде көрсетілген бірнеше симптомдардың біріктірілімі организмде магний жетіспеушілігін көрсетуі мүмкін: - қозғыштықтың жоғарылауы, ашушаңдық, үрейлену, өтпелі әлсіздік, ұйқының елеусіз бұзылуы, - асқазан-ішек түйілулерімен немесе жүрек соғуының жиілеуімен көрініс табатын мазасыздық белгілері (жүрек ауруы болмаған кезде), - бұлшықет құрысулары, бұлшықеттердегі шаншу сезімі. Магнийді тағайындау осы симптомдарды азайтуға немесе жоюға көмектеседі. Егер дәрілік затты бір ай қолданғаннан кейін симптомдар азаймаса, емдеуді жалғастыру мақсатсыз болады.

ATХ коды A12CC30 Магний-бұл негізінен жасушалардың ішінде болатын катион болып табылады. Магний нейрондар қозғыштығы мен жүйке-бұлшықет берілісін төмендетеді, ол көптеген ферментативті процестерге қатысады. Магний организм тіндерінің маңызды құрамдас бөлігі болып табылады: қаңқа сүйектерінде организмдегі магнийдің жартысына жуық мөлшері бар. Сарысудағы магний концентрациясы 12–ден 17 мг/л – ге дейін (1-1,4 мЭкв/л немесе 0,5-0,7 ммоль/л) орташа магний тапшылығын; 12 мг/л-ден төмен (1 мЭкв/л немесе 0,5 ммоль/л) ауыр магний тапшылығын көрсетеді. Магний жетіспеушілігі болуы мүмкін: ▪ бастапқы, метаболизмдік патологияға байланысты (туа біткен созылмалы гипомагниемия); ▪ салдарлы, келесілерге байланысты: • тамақпен бірге магнийдің жеткіліксіз қабылдануы (тамақтанудың ауыр жеткіліксіздігі, шамадан тыс ішімдікке салыну, тек парентеральді тамақтану); • асқазан-ішек жолында магний сіңуінің бұзылуы (созылмалы диарея, асқазан-ішек жолының жыланкөздері, гипопаратиреоидизм); • магнийдің бүйрекпен шамадан тыс жоғалуы (өзекшелік бұзылулар, ауыр полиурия, диуретиктерді шамадан тыс пайдалану, созылмалы пиелонефрит, бастапқы гиперальдостеронизм, цисплатинмен емдеу). Пиридоксин, коферменттік фактор метаболизмдік процестердің көпшілігіне қатысады.

Дозалану режимі Таблеткаларды тамақтану кезінде 1 стакан сумен тұтастай жұтып қою керек. Ересек пациенттер үшін: тәулігіне 3-4 таблетка тамақтану кезінде 2 немесе 3 қабылдауға. 6 жастан асқан балалар үшін (дене салмағы шамамен 20 кг): тәулігіне 10-30 мг/кг дене салмағына (тәулігіне 0,4–1,2 ммоль/кг дене салмағына) немесе тәулігіне 2-4 таблетка тамақтану кезінде 2 немесе 3 қабылдауға. Емдеудің әдеттегі ұзақтығы бір айды құрайды. Балалар. Препарат балаларға 6 жастан бастап қолданылады. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар Егер препаратты қолдану бойынша сұрақтар туындаса, емдеуші дәрігерге жүгініңіз.

- әсер етуші заттарға немесе кез келген қосымша заттарға аса жоғары сезімталдық - бүйректің ауыр жеткіліксіздігі (креатинин клиренсі < 30 мл / мин) - 6 жасқа дейінгі балалар - фенилкетонурия - гипермагниемия, В6 дәруменінің гипервитаминозы, миастения гравис - атриовентрикулярлық блокада, артериялық ауыр гипотензия - леводопамен бір мезгілде қолдану («Басқа дәрілік заттармен өзара әрекеттесу және өзара әрекеттесудің басқа түрлері» бөлімін қараңыз) - диарея.

Иммундық жүйе тарапынан: аллергиялық реакциялар, аса жоғары сезімталдық, ангионевроздық ісіну. Асқазан-ішек жолы тарапынан: диарея*, іштің ауыруы*, іш өту, жүрек айну, құсу. Тері және тері астындағы тіндер тарапынан: тері реакциялары, соның ішінде есекжем, қышыну, экзема, эритема. * Магниймен байланысты жағымсыз реакциялар. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Магнийге байланысты Әдетте, магнийдің пероральді артық дозалануы бүйректің қалыпты функциясы кезінде уытты реакцияларға әкелмейді. Алайда, магниймен улану бүйрек жеткіліксіздігі жағдайында дамуы мүмкін. Симптомдары. Препаратты жоғары дозада және ұзақ уақыт қолданғанда келесі симптомдармен көрініс табуы мүмкін сенсорлық нейропатия пайда болуы мүмкін: ұю, дене қалпын қабылдау қабілетінің бұзылуы, аяқтың вибрациясы, сенсорлық атаксияның үдеуі (қозғалыс үйлесімділігінің бұзылуы). Артық дозалану симптомдары қан сарысуындағы магний деңгейіне байланысты. Артық дозаланғанда артериялық қысымның төмендеуі, жүрек айнуы, құсу, ОЖЖ функцияларының бәсеңдеуі, рефлекстердің баяулауы, ЭКГ көрсеткіштерінің нормасынан ауытқу, тыныс алу жеткіліксіздігі, кома, жүректің тоқтауы және тыныс алудың салдануы, анурия байқалуы мүмкін. Емдеу. Регидрация, қарқынды диурез. Бүйрек жеткіліксіздігінде гемодиализ немесе перитонеалды диализ қажет. Пиридоксинге байланысты Сенсорлық аксональді нейропатия- бұл пиридоксиннің жоғары дозаларын (бірнеше ай немесе жылдар) ұзарта және/немесе ұзақ уақыт қолданғанда пайда болатын негізгі әсері. Симптомдары. Атап айтқанда, парестезия, дизестезия, гипестезия, сенсорлық тапшылық, аяқ-қолдың ауыруы, бұлшықеттің өздігінен жиырылуы, күйдіріп-ашыту, тепе-теңдіктің бұзылуы, жүрістің бұзылуы, қол мен аяқтың дірілдеуі және үдемелі сенсорлық атаксия (қимыл-қозғалысты үйлестірудегі қиындықтар) туралы хабарланды. Емдеу. Емді тоқтатқаннан кейін неврологиялық симптомдар біртіндеп жоғалады.

Арнайы сақтандырулар Бұл дәрілік заттың құрамында лактоза бар. Осыған байланысты оны тұқым қуалайтын галактоза жақпаушылығы, Lapp (ЛАПП)-лактаза тапшылығы, сондай-ақ глюкоза-галактоза мальабсорбциясы синдромы бар пациенттерге қолдану ұсынылмайды. Пиридоксинді ұзақ уақыт бойы (яғни бірнеше ай немесе жылдар бойы) жоғары дозада (тәулігіне > 200 мг) шамадан тыс қабылдаған жағдайда сенсорлық нейропатияның дамуына әкелуі мүмкін. Бұл әсер әдетте қайтымды сипатта болады және препаратты тоқтатқаннан кейін жойылады. Бүйректің орташа жеткіліксіздігі бар пациенттер гипермагниемиямен байланысты кез келген қауіптің алдын алуға бағытталған шараларды қабылдауы керек. Егер емдеудің бір айынан кейін жағдайдың жақсаруы байқалмаса, препаратты тоқтату керек. Қатар жүретін кальций тапшылығы жағдайында алдымен магний тапшылығын, содан кейін кальций тапшылығын түзету қажет. Қолдану кезіндегі сақтандыру шаралары БҰЛ ДӘРІЛІК ЗАТ ТЕК ЕРЕСЕКТЕР МЕН 6 ЖАСТАН АСҚАН БАЛАЛАРҒА АРНАЛҒАН. • жасқа дейінгі балаларға қолдану үшін тиісті дәрілік түрлері бар.

Жүктілік Жүкті әйелдерге препаратты клиникалық қолдану бойынша жеткілікті деректер препараттың фетоуытты немесе эмбриоуытты әсерін анықтаған жоқ, жүктілік кезінде магнийді қолдану қажет болған жағдайда тек дәрігермен кеңескеннен кейін мүмкін болады. Қажет болған кезде магнийді жүктіліктің кез келген кезеңінде қолдануға болады. Жануарларды зерттеудің жеткілікті деректері болмағанына қарамастан, клиникалық зерттеулердің шектеулі деректері қанағаттанарлық. Бала емізу кезеңі Бұл кезеңде препараттың әрбір әсер етуші заты (магнийдің де, В6 дәруменінің де) жеке түрде қолдану қарсы көрсетілмеген. Қазіргі уақытта бала емізу кезеңінде В6 дәруменінің ең жоғары ұсынылатын тәуліктік дозасын қолдануға қатысты дәлелді деректер шектеулі болғандықтан, тәулігіне 20 мг-ден аспайтын В6 дәруменді тағайындау ұсынылады. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дәрілік зат автокөлікті немесе басқа механизмдерді басқару кезінде реакция жылдамдығына әсер етпейді немесе болмашы әсер етеді.

Қолдануға болмайтын біріктірілімдер. Леводопаның әсері оны қолдану шеткері допа-декарбоксилаза тежегіштерін қабылдаумен қатар жүрмеген кезде тежелетін болғандықтан, леводопамен бір мезгілде қолданбау керек. Егер леводопаны қабылдау допа-декарбоксилаза тежегіштерін қабылдаумен қатар жүрмесе, пиридоксинді кез келген мөлшерде қолдануға болмайды. Ұсынылмайтын біріктірілімдер. Ішектен магнийдің сіңуіне кедергі ететін болғандықтан, құрамында фосфат немесе кальций тұздары бар препараттар. Ескеру керек біріктірілімдер. Магний тетрациклиндердің сіңуін бәсеңдететін болғандықтан, пероральді тетрациклиндер мен Магникум-антистрессті кем дегенде 3 сағат аралықпен қабылдау керек. Магний препараттары пероральді антикоагулянттардың әсерін әлсіретіп, темірдің сіңуін азайтады. Диуретиктер магнийдің несеппен шығарылуын арттырады. Гидралазинді, изониазидті, пеницилламин мен пероральді контрацептивтерді қолдану В6 дәруменіне деген қажеттілікті арттырады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25°С-ден аспайтын температурада сақтау керек. Балалардың қолы жетпейтін жерде сақтау керек!