Мажезик-сановель таблетки 100 мг

Бір таблетканың құрамында белсенді зат – 100 мг флурбипрофен қосымша заттар: лактоза құрғақ спрейі, микрокристалды целлюлоза (РН 102), натрий кроскармеллозасы, гидроксипропилцеллюлоза L, коллоидты кремнийдің қостотығы, магний стеараты Опадри II көгілдір OY-L-20906 қабығының құрамы: лактоза моногидраты, гидроксипропилметилцеллюлоза 15 сР, титанның қостотығы Е171, полиэтиленгликоль 4000, FD&C көгілдір №2/индигокармин Е132 Сыртқы түрінің, иісінің, дәмінің сипаттамасы Ұзынша пішінді, екі жағында сызығы бар, көгілдір түсті үлбірлі қабықпен қапталған таблеткалар

- ревматоидты артритті, остеоартрозды, шорбуынданатын спондилоартритті, тірек-қимыл аппаратының ауруларын және периартрит, бурсит, тендинит, тендосиновит, белдің ауыруы, соғылу мен созылу сияқты жарақаттарды емдеуге арналған - тіс ауыруы, операциядан кейінгі ауырсыну, дисменорея және бас сақинасы сияқты жағдайларда жеңіл және орташа ауыруды жеңілдету үшін

Әсер ету механизмі Флурбипрофен – қабынуға қарсы стероидты емес дәрі (ҚҚСД), фенилпропион қышқылының туындысы, ауыруды басатын және қабынуға қарсы әсерге ие. Әсер ету механизмі циклооксигеназа (ЦОГ) ферментін бөгеу есебінен простагландиндер синтезін бәсеңдету және шеткері ауыру медиаторларынан тіндік сезімталдықты болдырмаумен байланысты.

Дозалау режимі Симптомдардың жеделдігіне байланысты ересектер үшін ұсынылатын дозалар тәулігіне 2-4 қабылдауда 150-200 мг. Ауыр симптомдары бар пациенттерде, жақында өткерген аурудан кейін, өршу кезінде жалпы тәуліктік доза бірнеше қабылдауларда 300 мг дейін ұлғайтылуы мүмкін. Дисменорея Бастапқыда 100 мг, кейінгі қабылдау әр 4 немесе 6 сағат сайын 50 немесе 100 мг. Препараттың ең жоғары тәуліктік дозасы 300 мг аспауы тиіс. Пациенттердің ерекше топтары Егде жастағы пациенттер Егде жастағы адамдарда жағымсыз реакциялар ауыр салдарының даму қаупі жоғары. Флурбипрофенді әдетте егде жастағы адамдарға жағымдылығы жақсы, кейбір пациенттер, әсіресе бүйрек функциясы бұзылған пациенттер, ҚҚСП әдеттегіден баяу шығаруы мүмкін. Мұндай жағдайларда флурбипрофенді сақтықпен қолдану керек, ал дозаны жекелей анықтау керек. Егер ҚҚСП қажет деп саналса, ең төмен тиімді дозаны және барынша қысқа уақыт кезеңі ішінде пайдалану керек. Енгізу әдісі мен жолы Ішке қабылдау үшін. Тамақтану кезінде немесе одан кейін қабылдаған жөн. Қажетті ең қысқа уақыт ішінде ең төмен тиімді дозаны пайдалана отырып жағымсыз әсерлерді барынша азайтуға болады. Егер сізде инфекция болса, егер (қызба және ауырсыну сияқты) симптомдар сақталса немесе нашарласа, дереу дәрігерге немесе фармацевтке жүгініңіз.

- әсер етуші затқа немесе қосымша заттардың кез келгеніне аса жоғары сезімталдық - аспирин немесе басқа да қабынуға қарсы стероидты емес препараттарды қабылдаудан кейін демікпе, есекжем ұстамалары, ринит, ангионеврозды ісіну немесе басқа да аллергиялық реакциялар байқалған пациенттерге - анамнезде ҚҚСП емдеумен байланысты асқазан-ішектен қан кетуі немесе тесілуі бар пациенттерге - ойық жаралы колит, Крон ауруы, қайталанатын пептидтік ойық жара (өршу сатысында немесе анамнезде) - қайталанатын пептидтік ойық жара немесе асқазан-ішектен қан кету (дәлелденген ойық жара немесе қан кетудің екі немесе одан да көп жағдайлары) - ауыр жүрек жеткіліксіздігі, бауыр жеткіліксіздігі және бүйрек жеткіліксіздігі бар пациенттерге - эритроциттердің төмен деңгейі (анемия) - өмірге қауіпті инсульт, гипертензия - жүктіліктің соңғы триместрі ішінде - балалар мен 18 жасқа дейінгі жасөспірімдер - туа біткен галактоза, Lapp лактаза жақпаушылығы, глюкоза-галактоза мальабсорбциясының синдромы

Асқазан-ішектік бұзылыстар: ең жиі байқалатын жағымсыз құбылыстар асқазан-ішектік сипатта болады. Пептидтік ойық жаралар, тесілу немесе асқазан-ішек жолынан қан кету туындауы, әсіресе егде жастағы адамдарда, кейде өліммен аяқталуы мүмкін. Флурбипрофенді қабылдағаннан кейін жүрек айнуы, құсу, диарея, диспепсия, метеоризм, іш қату, іштің ауыруы, мелена, қан құсу, ойық жаралы стоматит, колиттің және Крон ауруының өршуі хабарланды. Гастрит сирек байқалады. Өте сирек панкреатит жайлы хабарланған. Иммундық жүйенің бұзылуы: флурбипрофенмен емдеуден кейін аса жоғары сезімталдық реакциялары туралы хабарланды. Олар мыналардан тұруы мүмкін: (a) спецификалық емес аллергиялық реакция және анафилаксия, (b) демікпе, демікпенің өршуі, бронх түйілуі немесе ентігуді қоса, тыныс алу жолдарының реактивтілігі немесе әртүрлі түрдегі бөртпе, қышыну, есекжем, пурпура, ангионевроздық ісінуді қоса, және өте сирек мультиформалы эритема, буллезді дерматоздарды қоса (соның ішінде Стивенс-Джонсон синдромы және уытты эпидермалық некролиз) әртүрлі тері аурулары (в). Жүрек-қантамыр және цереброваскулярлық бұзылыстар: ҚҚСП емдеумен байланысты ісіну, артериялық гипертензия және жүрек жеткіліксіздігі туралы хабарланған. Клиникалық зерттеулер және эпидемиологиялық деректер кейбір ҚҚСП қолдану (әсіресе жоғары дозаларда және ұзақ емдеу кезінде) артериялық тромбоздық құбылыстар (мысалы, миокард инфарктісі немесе инсульт) даму қаупінің жоғарылауымен байланысты болуы мүмкін екенін көрсетеді. Инфекциялар мен инвазиялар: ҚҚСП қолданумен сәйкес келетін тері инфекциясымен байланысты қабынудың өршуі (мысалы, некроздаушы фасцииттің дамуы) сипатталған. Егер флурбипрофенді қолдану кезінде инфекция белгілері пайда болса немесе нашарласа, пациентке кешіктірмей дәрігерге жүгіну ұсынылады. Жиі - сұйықтықтың іркілуі - бас айналу, бас ауыруы - іштің ауыруы, іш қату, диарея, диспепсия, асқазан-ішектен қан кету, жүрек айну, құсу, метеоризм, мелена, қан құсу - астения, ісіну, шаршау - функциональді бауыр сынамаларының нормадан ауытқуы, қан кету уақытының ұлғаюы Жиі емес - анемия - аса жоғары сезімталдық - парестезия - көрудің бұзылуы - құлақтағы шу, бас айналу - жүрек жеткіліксіздігі - гипертензия - демікпе, ентігу - гастрит, асқазан және он екі елі ішектің ойық жара ауруы, ойық жаралы стоматит, асқазан-ішек жолының тесілуі - қышыну, есекжем, бөртпе, пурпура, ангионевроздық ісіну, фотосезімталдық реакциясы Сирек - анафилаксиялық реакциялар - депрессия, сананың шатасуы - ұйқышылдық, ұйқысыздық - бронх түйілуі - интерстициальді нефрит пен нефроздық синдромды қоса, әртүрлі түрдегі нефроуыттылық, бүйрек жеткіліксіздігі және жедел бүйрек жеткіліксіздігі Өте сирек - тромбоцитопения, аплазиялық анемия және агранулоцитоз, лейкопения, гемолиздік анемия, нейтропения - елестеулер - панкреатит - сарғаю, холестаздық сарғаю, бауыр функциясының бұзылуы - тері реакцияларының ауыр түрлері (мысалы көп формалы эритема, буллезді реакциялар, Стивенс-Джонсон синдромын, уытты эпидермалық некролизді қоса) Белгісіз - ми қан айналымының бұзылуы, көру жүйкесі невриті, бас сақинасы, асептикалық менингит - колит және Крон ауруы - гепатит - гломерулонефрит Мойынның сіресуі, бас ауыруы, жүрек айнуы, құсу, қызба немесе бағдардан адасу симптомдары бар асептикалық менингит (бұрыннан, әсіресе, жүйелі қызыл жегі және дәнекер тіннің аралас ауруы сияқты аутоиммундық бұзылулары бар пациенттерде). Жағымсыз дәрілік реакциялар туындаса, дәрілік препараттардың тиімсіздігі туралы хабарламаны қоса, медицина қызметкеріне, фармацевтика қызметкеріне немесе тікелей дәрілік препараттардың жағымсыз реакциялар (әсерлер) бойынша ақпараттық деректер базасына хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Симптомдары: летаргия, ұйқышылдық, жүрек айнуы, құсу және эпигастрий аумағындағы ауыру. Осы симптомдарды демеуші ем арқылы жоюға болады. Асқазаннан қан кету туындауы мүмкін. Өте сирек артериялық гипертензия, жедел бүйрек жеткіліксіздігі, тыныс алудың бәсеңдеуі және кома даму ықтималдығы бар. Сондай-ақ, артық дозалану кезінде туындаған ҚҚСП пайдалану нәтижесінде анафилаксиялық реакциялардың даму жағдайлары анықталған. Емі: симптоматикалық және демеуші ем ұсынылған. Спецификалық антидоты жоқ. Артық дозалануда (5-есе немесе 10-есе доза қабылдау) науқастарда келесі 4 сағат ішінде құстырады немесе белсендірілген көмір (ересектерге 60-тан 100г дейін, балаларға 1 немесе 2г/кг), сондай-ақ осмостық іш жүргізетін дәрі тағайындау керек. Препарат едәуір дәрежеде қан сарысуының ақуыздарымен байланысатындықтан – қарқынды диурез, несепті сілтілендіру, гемодиализ немесе гемоперфузия тиімсіз. Жиі немесе ұзаққа созылған құрысуларды диазепамды вена ішіне енгізу арқылы емдеу керек. Басқа шаралар пациенттің клиникалық жағдайымен көрсетілуі мүмкін. Препаратты қабылдауға кіріспес бұрын, қолдану тәсілі бойынша түсіндірме алу үшін медицина қызметкерінің кеңесіне жүгініңіз.

- препаратты дәрігердің тағайындауымен қолданыңыз - препаратты қолданар алдында қосымша парақшаны мұқият оқып шығыңыз - түпнұсқалық қаптамада сақтаңыз - стероидты емес қабынуға қарсы препараттар (ҚҚСП) қызба және ауырсыну сияқты инфекция белгілерін жасыруы мүмкін. Бұл инфекцияны дұрыс емдеуді кешіктіруі мүмкін, бұл асқыну қаупінің жоғарылауына әкелуі мүмкін. Егер сіз бұл дәріні инфекция кезінде қабылдасаңыз және инфекция симптомдары сақталса немесе нашарласа, дереу дәрігерге немесе фармацевтке жүгініңіз. Арнайы ескертулер Жағымсыз әсерлердің симптомдарын бақылау үшін қажетті емдеудің барынша қысқа кезеңі ішінде ең төмен тиімді дозаны пайдалана отырып, барынша азайтуға болады. Кез келген ауырсынуды басатын дәрілерді ұзақ уақыт қолданғанда бас ауыруы пайда болуы мүмкін, оны дәрілік заттың жоғары дозаларымен басу мүмкін болмайды. Алкогольді бір мезгілде қолданған кезде белсенді заттармен байланысты, әсіресе асқазан-ішек жолына немесе орталық жүйке жүйесіне қатысты, жағымсыз әсерлер ҚҚСП қолданғанда күшеюі мүмкін. Ықтимал аддитивті әсерге байланысты флурбипрофенді ҚҚСП, соның ішінде циклооксигеназа-2 селективті тежегіштерімен, бір мезгілде қолданудан аулақ болу керек. Егде жастағы пациенттер Егде жастағы пациенттерде ҚҚСП-ға жағымсыз реакциялардың, әсіресе, өлімге әкелуі мүмкін асқазан-ішек қан кетулерінің және тесілулердің жиілігі жоғары. Асқазан-ішек жолына әсері Флурбипрофенді анамнезінде ойық жара аурулары және басқа асқазан-ішек аурулары бар пациенттерге сақтықпен тағайындау керек, өйткені бұл жағдайлар ушығуы мүмкін. Емдеу кезінде кез келген уақытта барлық ҚҚСП қолдану кезінде асқазан-ішектен қан кетулер, ойық жаралар немесе тесілулер туралы хабарланды. Бұл қолайсыз оқиғалар өлімге әкелуі мүмкін және ескертуші симптомдармен немесе оларсыз, немесе бұрыннан бар анамнездегі асқазан-ішектің ауыр бұзылуларымен пайда болуы мүмкін. Анамнезінде ойық жарасы бар пациенттерде флурбипрофен дозасы ұлғайған кезде, әсіресе, егер ол қан кетумен және тесілумен асқынса, сондай-ақ егде жастағы адамдарда асқазан-ішектен қан кету, ойық жара немесе тесілу қаупі жоғарылауы мүмкін. Бұл пациенттерге емдеуді препараттың ең төмен дозасынан бастау керек. Бұл пациенттерде, сондай-ақ асқазан-ішек асқынуларының қаупін арттыруы мүмкін аспириннің немесе басқа препараттардың төмен дозаларын қабылдайтын пациенттерде қорғаныс дәрілерін (мизопростолды немесе протон помпасының тежегіштерін) бір мезгілде қолдану мүмкіндігін қарастыру керек. Пероральді кортикостероидтар, варфарин сияқты антикоагулянттар, серотонинді кері қармаудың селективті тежегіштері немесе аспирин сияқты антитромбоциттік дәрілер секілді ойық жара немесе қан кету қаупін арттыруы мүмкін дәрілерді бір мезгілде қабылдап жүрген пациенттерде сақ болу керек. Флурбипрофенді қабылдайтын пациенттерде асқазан-ішектен қан кету немесе ойық жара пайда болған кезде емдеуді тоқтату керек. Тыныс алу жүйесі тарапынан бұзылулар Флурбипрофенді бронх демікпесімен ауыратын пациенттерге тағайындағанда сақ болу қажет. Жүрек, бүйрек және бауыр жеткіліксіздігі ҚҚСП қабылдау простагландиндердің дозаға тәуелді түзілуінің төмендеуін және бүйрек жеткіліксіздігін тудыруы мүмкін. Бұл реакцияның даму қаупі бүйрек функциясының бұзылуы, жүрек жеткіліксіздігі, бауыр дисфункциясы бар, диуретиктер қабылдайтын және егде жастағы пациенттерде жоғары. Мұндай пациенттерде бүйрек функциясын бақылау керек. Анамнезінде жүрек жеткіліксіздігі немесе артериялық гипертензиясы бар пациенттерде флурбипрофенді сақтықпен қолдану керек, өйткені флурбипрофенмен байланысты ісінулер туралы хабарланған. Пероральді кортикостероидтар, варфарин сияқты антикоагулянттар, серотонинді кері қармаудың селективті тежегіштері немесе ацетилсалицил қышқылы сияқты тромбоциттер антиагреганттары сияқты ойық жара немесе қан кету қаупін арттыруы мүмкін дәрілік заттарды бір мезгілде қабылдап жүрген пациенттерге сақтық таныту керек. Жүрек-қантамыр және цереброваскулярлық әсерлер Анамнезінде артериялық гипертензиясы жеңілден орташа дәрежеге дейін және/немесе іркілісті жүрек жеткіліксіздігі бар пациенттерде мұқият мониторинг жүргізу қажет, себебі сұйықтықтың іркілуі және ҚҚСП емдеумен байланысты ісіну туралы хабарланды. Клиникалық зерттеулер мен эпидемиологиялық деректер кейбір ҚҚСП қолдану, әсіресе жоғары дозаларда және ұзақ емдеу кезінде миокард инфарктісі немесе инсульт сияқты артериялық тромбоздық құбылыстар қаупінің орташа жоғарылауымен байланысты болуы мүмкін. Флурбипрофен үшін осындай қауіпті болдырмау үшін деректер жеткіліксіз. Бақыланбайтын артериялық гипертензиясы, жүректің ишемиялық ауруы, шеткері артериялар ауруы және/немесе цереброваскулярлық ауруы анықталған іркілісті жүрек жеткіліксіздігі бар пациенттерді емдеуші дәрігердің мұқият тексеруінен кейін ғана флурбипрофенмен емдеу керек. Осындай әрекеттерді жүрек-қантамырлар ауруларының қауіп факторлары (мысалы, артериялық гипертензия, гиперлипидемия, қант диабеті, темекі шегу) бар пациенттерде ұзақ емдеуді бастар алдында жасаған жөн. Флурбипрофен, басқа ҚҚСП сияқты, тромбоциттердің агрегациясын тежеп, қан кету уақытын ұзартуы мүмкін. Тері реакциясы Өте сирек, ҚҚСП қолдануға байланысты терінің ауыр реакциялары туралы хабарланды, олардың кейбіреулері өлімге әкеледі, соның ішінде эксфолиативті дерматит, Стивенс-Джонсон синдромы және уытты эпидермалық некролиз. Флурбипрофенді қабылдауды тері бөртпесі, шырышты қабықтардың зақымдануы немесе аса жоғары сезімталдықтың кез келген басқа белгілері алғаш пайда болған кезде тоқтату керек. Басқа реакциялар Организмнің сусыздануы бар пациенттерге ҚҚСП қолдану басталған кезде сақ болу керек. Жүйелі қызыл жегі және дәнекер тінінің аралас ауруы Асептикалық менингит қаупі (әсіресе жүйелі қызыл жегі және желке бұлшықетінің сіресуі, бас ауыруы, жүрек айнуы, құсу, қызба немесе бағдардан адасу симптомдарымен дәнекер тінінің аралас ауруы сияқты аутоиммунды аурулары бар пациенттерде) жоғарылауы мүмкін. Негізгі инфекциялардың симптомдарын бүркемелеу Эпидемиологиялық зерттеулер жүйелік стероидты емес қабынуға қарсы препараттардың (ҚҚСП) инфекция симптомдарын бүркемелеуі мүмкін екенін көрсетеді, бұл тиісті емнің уақтылы басталмауына және осылайша инфекцияның нәтижесін нашарлатуы мүмкін. Бұл бактериялық ауруханадан тыс пневмонияда және желшешектің бактериялық асқынуларында байқалды. Егер пациент препаратты инфекцияға байланысты қызба немесе ауырсыну кезінде қабылдаса, инфекцияны бақылау ұсынылады. Қосымша заттар Натрий Препараттың құрамында 1 ммоль аз натрий бар, яғни натрийден бос деп саналады Лактоза Препараттың құрамында лактоза бар, онымен бірге галактозаның тұқым қуалайтын жақпаушылығы, Lapp (ЛАПП) – лактаза ферментінің тапшылығы, глюкоза – галактоза мальабсорбциясы бар адамдарға қолдануға болмайды

Жүктілік Жүктіліктің үшінші триместрінде флурбипрофенді қабылдау, тіпті эпизодтық түрде де, қарсы көрсетілімді. Жүктіліктің 24 аптасында препараттың тіпті бір реттік дозасын қабылдау шарананың және/немесе жаңа туған нәрестенің жүрегі мен бүйрегін ультрадыбыстық бақылауға көрсеткіш болып табылады. Жүктіліктің бірінші және екінші триместрінде флурбипрофенді аса қажет жағдайда ғана тағайындау керек. Жүктілікті жоспарлаған әйел флурбипрофенді қолданғанда немесе жүктіліктің бірінші және екінші триместрі кезінде қолданғанда препараттың дозасы және ем ұзақтығы барынша аз болуы тиіс. Препаратты ұзақ уақыт қолдану қатаң түрде ұсынылмайды. Флурбипрофенді жүктіліктің 20-шы аптасынан бастап бірнеше күн қолданғаннан кейін олигогидрамнионды құрсақішілік мониторингілеу және артериялық түтіктің тарылуы туралы мәселені қарастыру керек. Егер олигогидрамнион немесе артериялық түтіктің тарылуы анықталса, флурбипрофенді қабылдауды тоқтату керек. Простагландиндер синтезін тежеу жүктілік барысына және/немесе эмбрионның/шарананың дамуына жағымсыз әсер етуі мүмкін. Эпидемиологиялық зерттеу деректері жүктіліктің ерте кезеңдерінде простагландиндер синтезінің тежегіштерін қолдану кезінде өздігінен түсік тастау, жүрек ақауы және гастрошизис қаупінің жоғарылағанын растайды. Жүрек-қантамыр жүйесі ауытқуларының пайда болуының абсолюттік қаупі 1%-дан шамамен 1,5%-ға дейін ұлғайды. Қауіп дозаның жоғарылауымен және емнің ұзақтығымен артады деп болжанады. Жануарларда простагландин синтезінің тежегіштерін қолдану төлдердің имплантация-алды және кейінгі өліміне және эмбриофетальді өлімге әкелетіні көрсетілген. Одан өзге, органогенез кезінде простагландиндер синтезінің тежегіштері енгізілген жануарларда әр түрлі дамаудағы ақаулардың, соның ішінде жүрек-қантамыр жүйесі ақауларының пайда болуының жоғарылауы байқалды. Жүктіліктің 12-ші аптасынан бастап флурбипрофенді қолдану шарананың бүйрек дисфункциясы нәтижесінде олигогидрамнионды туындатуы мүмкін. Бұл флурбипрофенді қолдануды бастағаннан кейін көп ұзамай пайда болуы мүмкін және әдетте емдеуді тоқтатқаннан кейін қайтымды болады. Жаңа туған нәрестеде кешіктірілген ауыр гиперкалиемияның даму қаупімен, бүйрек жеткіліксіздігі болуы мүмкін (қайтымды немесе жоқ), әсіресе ұзақ уақыт бойы және жүктіліктің соңында қабылдағанда. Сонымен қатар, жүктіліктің 20-шы аптасынан бастап емдеуден кейін артериялық түтіктің тарылуы туралы хабарламалар болды, олардың көпшілігі емдеуді тоқтатқаннан кейін басылды. Простагландин синтезінің тежегіштерін жүктіліктің үшінші триместрінде қолдану келесі жағымсыз салдарға әкелуі мүмкін: Шарана үшін: - кардиопульмональді уыттылық (артериялық түтіктің мерзімінен бұрын жабылуымен және өкпе гипертензиясының дамуымен) қаупі жоғарылайды және шарананың немесе жаңа туған нәрестенің оң жақ қарыншалық жүрек жеткіліксіздігіне немесе тіпті шарананың құрсақішілік өліміне әкелуі мүмкін. Бұл қауіп туу мерзімі жақындаған сайын маңыздырақ және қайтымдылығы азырақ болады. Бұл әсер тіпті препараттың бір реттік дозасынан да туындауы мүмкін. Жүктіліктің соңында ана мен нәрестеде простагландин синтезінің тежегіштерін қабылдау: - қан кету уақытының ықтимал ұлғаюы, тіпті өте төмен дозаларда да антиагрегациялық әсер - жатырдың жиырылу қызметінің бәсеңдеуі, бұл босанудың басталуын кешіктіруге және босану ұзақтығының артуына әкелуі мүмкін. Бала емізу Флурбипрофен емшек сүтімен шығарылады. Флурбипрофенді бала емізетін аналарға қолдану ұсынылмайды. Фертильділік Флурбипрофенді қолдану әйелдердің фертильділігін бұзуы мүмкін; жүкті болғысы келетін әйелдерге препарат ұсынылмайды. Жүкті болу қиынға соғатын немесе бедеулік бойынша зерттеулер жүргізетін әйелдерде флурбипрофенді тоқтату мүмкіндігін қарастыру керек. Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері ҚҚСП қабылдаудан кейін бас айналуы, ұйқышылдық, шаршау және көрудің бұзылуы сияқты жағымсыз әсерлер болуы мүмкін. Егер теріс әсер байқалса, онда пациенттер автокөлікті немесе механизмдерді басқармаулары тиіс.

АӨФ тежегіштері және ангиотензин II антагонистері: Есептер қабынуға қарсы стероидты емес препараттар АӨФ тежегіштерінің гипертензияға қарсы әсерін төмендетуі мүмкін екенін көрсетті. Бұл өзара әрекеттесуді қабынуға қарсы стероидты емес препараттарды бір уақытта АӨФ тежегіштерімен қабылдайтын пациенттерде назарға алу қажет. Бүйрек функциясы бұзылған кейбір пациенттерде (мысалы, сусызданған науқастар немесе бүйрек функциясы бұзылған егде жастағы пациенттер) АӨФ тежегішін немесе ангиотензин II антагонисін және циклооксигеназаны тежейтін препаратты бірге қолдану әдетте, қайтымды жедел бүйрек жеткіліксіздігінің мүмкіндігін қоса, бүйрек функциясының әрі қарай нашарлауына әкелуі мүмкін. Бұл өзара әрекеттесулерді флурбипрофенді бір уақытта АӨФ тежегіштерімен немесе ангиотензин II антагонистерін қабылдайтын пациенттерде назарға алу қажет. Осылайша, біріктірілген ем, әсіресе егде жаста сақтықпен жүргізілуі тиіс. Пациенттерге талапқа сай гидратация жүргізу және біріктірілген ем басталғанға дейін және ем уақытында мезгіл-мезгіл бүйрек функциясының мониторингіне көңіл бөлу қажет. Антикоагулянттар Варфарин және ҚҚСП асқазан-ішектен қан кетудің дамуына бірдей ықпал етеді, сондықтан бұл препараттарды бір уақытта қабылдағанда қан кетудің даму қаупі жоғарылайды. Дәрігер варфарин немесе басқа антикоагулянттар қабылдайтын пациенттерде Мажезик-сановель тағайындағанда сақтық танытуы тиіс. Аспирин Аспиринмен бір уақытта қолданғанда қан сарысуындағы флурбипрофен концентрациясының төмендеуі ықтимал. Бұл өзара әрекеттесудің клиникалық маңыздылығы белгісіз; алайда басқа ҚҚСП жағдайларындағыдай флурбипрофен мен аспиринді бір уақытта қабылдау жағымсыз құбылыстардың жоғарғы даму қаупіне байланысты ұсынылмайды. Бета-адреноблокаторлар Флурбипрофен пропранололдың гипотензиялық әсерін төмендетеді, бірақ атенололға әсер етпейді. Бұл өзара әрекеттесудің механизмі белгісіз. Флурбипрофен және β-блокаторлар қабылдайтын пациенттер талапқа сай гипотензиялық әсерге жетуді қадағалаулары тиіс. Диуретиктер Клиникалық зерттеулер мен постмаркетингтік қадағалаулардың нәтижелері ҚҚСП пациенттерінің бір бөлігінде кейбір пациенттерде фуросемидтің және тиазидті диуретиктердің натрийуретикалық әсерін төмендетуі мүмкін екенін көрсетті. Бұл бүйрек простагландиндері синтезінің тежелуімен негізделеді. ҚҚСП диуретиктермен бір уақытта қолданғанда үдемелі бүйрек жеткіліксіздігінің белгілерін және диурездік әсерді мұқият қадағалау керек. Литий ҚҚСП плазмадағы литий деңгейінің жоғарылауын және литийдің бүйректік клиренсінің төмендеуін туындатуы мүмкін. Литийдің орташа ең төменгі концентрациясы 15% ұлғаяды, бүйректік клиренсі 20% төмендейді. Мұндай әсер ҚҚСП бүйректік простагландиндер синтезінің тежелуімен түсіндіріледі. Сондықтан, литий препараттарымен бір уақытта қолданғанда оның уытты әсерінің белгілерін мұқият қадағалау керек. Метотрексат ҚҚСП үйқоян бүйрегінің пластиналарында метотрексаттың жинақталуын бәсекелес тежейтіні хабарланған. ҚҚСП метотрексаттың уытты әсерін ұлғайтуы мүмкін. ҚҚСП пен метотрексатты абайлап біріктіру керек. Кортикостероидтар:ҚҚСП кортикостероидтармен бір уақытта қолданғанда асқазан-ішек ойық жаралануының немесе қан кетулердің қаупі жоғарылайды. Антиагреганттар және серотонинді кері қармаудың селективті тежегіштері:ҚҚСП бір уақытта қолданғанда асқазан-ішектен қан кету қаупі жоғарылайды. Дигоксин:Флурбипрофен мен дигоксинді дені сау еркектерде біріктіріп қолдану бойынша зерттеулер бұл препараттардың қан сарысуындағы тұрақты жағдай деңгейінің өзгерістерін көрсетпеді. ҚҚСП жүрек жеткіліксіздігін күшейтуі, ШСЖ төмендетуі және плазма гликозидтерінің деңгейін жоғарылатуы мүмкін. Пероральді гипогликемиялық дәрілер: Гипогликемиялық препараттар мен флурбипрофенді бір уақытта қабылдағанда қандағы қант концентрациясының аздаған төмендеуі белгіленгеніне қарамастан гипогликемия белгілері байқалмады. Хинолондар: ҚҚСП хинолондармен байланысты құрысу қаупін ұлғайтуы мүмкін. ҚҚСП зидовудинмен, тиклопидинмен, такролимуспен, циклоспоринмен абайлап қолдану керек. Такролимус:ҚҚСП бір уақытта такролимуспен қолдану ұсынылғанда нефроуыттылықтың жоғары даму қаупі ықтимал. Циклоспорин: бүйрек простагландиндерінің ықпалына байланысты нефроуыттылық қаупінің жоғарылауы. Мифепристон: мифепристон енгізілгеннен кейін 8-12 күн ішінде ҚҚСП пайдаланбаған жөн, өйткені ҚҚСП мифепристон әсерін төмендетуі мүмкін. Басқа анальгетиктер және циклооксигеназа-2 селективті тежегіштері: екі немесе одан да көп ҚҚСП, циклооксигеназа-2 тежегіштерін қоса, бір мезгілде қабылдаудан аулақ болыңыз, өйткені бұл жағымсыз әсерлердің пайда болу қаупін арттыруы мүмкін. Зидовудин: ҚҚСП зидовудинмен тағайындағанда гематологиялық уыттылық қаупі жоғары. Зидовудинді және басқа ҚҚСП бір мезгілде қабылдайтын, АИТВ инфекциясын (+) жұқтырған гемофилиясы бар пациенттерде гемартроз және гематома қаупі жоғары болуы туралы деректер бар. Зерттеулер флурбипрофен мен толбутамид немесе антацидтер арасындағы өзара әрекеттесулерді анықтаған жоқ. Әзірге флурбипрофеннің стандартты зертханалық зерттеулерге әсер ететіндігі туралы ешқандай дәлел жоқ.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25˚С-ден аспайтын температурада сақтау керек. Балалардың қолы жетпейтін жерде сақтау керек!