Мажезик-сановель СР капсулы 200 мг

Бір капсуланың құрамында белсенді зат – флурбипрофен 200 мг қосымша заттар: бейтарап пеллеттер,триэтилцитрат, аммоний метакрилат кополимерінің қоспасы (Эудражит RL 30D және Эудражит RS 30D (1 : 1), коллоидты кремнийдің қостотығы, тазартылған су* капсула құрамы: индиготин –FD&C көк 2 Е132, титанның қостотығы Е171, желатин Shellac «Glaze – 45 %»этанолдағы қара сия құрамы: темірдің қара тотығы Е172, пропиленгликоль, концентрацияланған аммиак ерітіндісі (28 %). *Пеллеттерді өндіру сатысында жойылады Сыртқы түрінің, иісінің, дәмінің сипаттамасы Қақпағы көгілдір түсті және корпусы ақ түсті, өлшемі «0», корпусында«SR» жазуы және қақпағында «Majezik» қара түсті жазуы бар қатты желатинді капсулалар. Капсуланың ішінде – ақ немесе ақ дерлік түсті микропеллеттер.

- ревматоидты артритті, остеоартритті, шорбуынданатын спондилит симптомдарын, жедел бұлшықет және сүйек-бұлшықет ауыруын, жедел подагралық артритті және дисменореяны емдеу үшін.

Әсер ету механизмі Флурбипрофен – қабынуға қарсы стероидты емес дәрі (ҚҚСД), фенилпропион қышқылының туындысы, ауыруды басатын және қабынуға қарсы әсерге ие. Әсер ету механизмі фермент– циклооксигеназаны бөгеу есебінен простагландиндер синтезін бәсеңдетумен және шеткері ауыру медиаторларынан тіндік сезімталдықты алдын алумен байланысты.

Дозалау режимі Егер дәрігер басқа қабылдау режимін ұсынбаса ұсынылған доза күніне бір рет 1 капсуланы (200 мг) құрайды. Капсуланы кешке, тамақтан кейін, сумен жұтып қабылдау керек. Егде жастағыларда қолдану: Егде жастағы адамдарды (65 және одан үлкен жас) емдегенде сақтық таныту керек. Егде жастағы пациенттерде ойық жара, қан кету, метеоризм, іш кебуі және іш ауыруы сияқты асқазан-ішек жолы функциясының бұзылыстары жастарға қарағанда жоғары. Флурбипрофен, әдетте, жағымдылығы жақсы болғанмен әсіресе бүйрек функциясы бұзылған кейбір пациенттерде ҚҚСП шығарылуы баяу. Бұл жағдайларда, флурбипрофенді сақтықпен қолдану керек және доза жекелей таңдалуы тиіс. Бауыр жеткіліксіздігі: Бауыр дисфункциясының симптомдары және/немесе белгілері бар немесе бауыр сынамаларының бұзылуы бар пациенттер, Мажезик-сановель СР терапиясына бауырдың анағұрлым ауыр реакциясы белгілеріне қатысты тексерілуі тиіс. Бауырдың ауыр жеткіліксіздігі бар науқастарда Мажезик-сановель СР қолдануға болмайды. Бүйрек жеткіліксіздігі: Бүйрек флурбипрофен метаболиттері шығарылуының маңызды жолы болып табылатындықтан орташа немесе ауыр бүйрек дисфункциясы бар пациенттерде флурбипрофен метаболиттерінің жинақталуына жол бермеу үшін дозаны түзету қажет. Бұл пациенттерді мұқият қадағалау қажет. Қабылдау әдісі мен жолы Капсуланы кешке, тамақтан кейін, сумен жұтып қабылдау керек. Қажетті ең қысқа уақыт ішінде ең төмен тиімді дозаны пайдалана отырып жағымсыз әсерлерді барынша азайтуға болады. Егер сізде инфекция болса, егер (қызба және ауырсыну сияқты) симптомдар сақталса немесе нашарласа, дереу дәрігерге немесе фармацевтке хабарласыңыз.

- флурбипрофенге немесе кез келген қосымша заттарға аса жоғары сезімталдық - аспирин немесе басқа қабынуға қарсы стероидты емес препараттарды қабылдаудан кейін демікпе ұстамалары, есекжем немесе басқа да аллергиялық реакциялар байқалған пациенттерге -аспирин триадасы бар пациенттерге (демікпе және полипозды немесе полипозды емес ринитпен немесе аспирин немесе басқа да ҚҚСД қабылдаудан кейін ауыр, өлім қаупі жоғары бронх түйілуімен) - ойық жаралы ауруы бар пациенттерге (өршу сатысында немесе анамнезде) - ҚҚСП емдеумен байланысты анамнезде тесілуі немесе асқазан-ішектен қан кетуі бар пациенттерге - асқазан-ішектен қан кету, цереброваскулярлық қан кету және басқа да қан кетулер кезінде - жүректің ауыр жеткіліксіздігі, бауыр жеткіліксіздігі және бүйрек жеткіліксіздігі бар пациенттерге - коронарлық артерияны (CABG) шунттау кезінде хирургияда периоперациялық ауыруды емдеу үшін - эритроциттердің төмен деңгейі (анемия) - өмірге қауіпті инсульт, гипертензия - жүктіліктің соңғы триместрі ішінде - балалар мен 18 жасқа дейінгі жасөспірімдер

Жиі -ринит, несеп жолдарының инфекцияларының белгілері мен симптомдары -дене салмағының өзгеруі - күйгелектік, үрей, депрессия, ұйқысыздық - амнезия, бас айналуы, бас ауыруы, рефлекстердің күшеюі, ұйқышылдық,тремор - көру өзгерістері - құлақтың шыңылдауы, бас айналуы - іш ауыруы, іш қату, диарея, диспепсия, асқазан-ішектен қан кету, жүрек айнуы, құсу - бөртпе - астения, ісіну, әлсіздік, шаршау - бауыр ферменттері деңгейінің жоғарылауы Жиі емес -темір тапшылықты анемия - гиперурикемия, сұйықтықтың іркілуі - сананың шатасуы - атаксия, цереброваскулярлық ишемия, парестезия, дәм сезудің бұзылуы - конъюнктивит - жүрек жеткіліксіздігі - тамыр аурулары, вазодилатация, гипертензия - демікпе, эпитаксия, бронх түйілуі - қан аралас іш өту, эзофагеальді гастрит, қан құсу, пептидтік ойық жаралы ауру, стоматит, асқазан-ішек жолының ойық жарасы - гепатит, бауыр функциясының бұзылыстары - Квинке ісінуі, экзема, қышыну, есекжем - құрысу - гематурия, бүйрек жеткіліксіздігі - тремор, шаршау - гемоглобин мен гематокрит деңгейінің төмендеуі Сирек - анафилаксиялық реакциялар - миокард инфаркті - асқазан-ішек тесілуі - гломерулонефрит, папиллярлық бүйрек некрозы, нефроуытты синдром Белгісіз - тромбоциттер агрегациясының тежелуі - гиперкалиемия Постмаркетингтік қадағалау нәтижесінде немесе әдебиеттен алынған жағымсыз әсерлер. Жиілігін бағалау мүмкін емес. - аплазиялық анемия, гемолиздік анемия, тромбоцитопения, нейтропения - анафилаксия - колит, ішектің қабыну аурулары, қанмен және ақуыз жоғалтумен ішек қабынуы - холестаздық және холестаздық сарғаю - эксфолиативті дерматит, фотосенсибилизация, Стивенс-Джонсон синдромы, уытты эпидермалық некролиз - асептикалық менингит - интерстициялық нефрит Жағымсыз дәрілік реакциялар туындаса, дәрілік препараттардың тиімсіздігі туралы хабарламаны қоса, медицина қызметкеріне, фармацевтика қызметкеріне немесе тікелей дәрілік препараттардың жағымсыз реакциялар (әсерлер) бойынша ақпараттық деректер базасына хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Симптомдары: летаргия, ұйқышылдық, жүрек айнуы, құсу және эпигастрий аумағындағы ауыру. Осы симптомдарды демеуші ем арқылы басуға болады. Асқазаннан қан кету дамуы мүмкін. Өте сирек артериялық гипертензия, бүйректің жедел жеткіліксіздігі, тыныс алудың бәсеңдеуі және кома даму ықтималдығы бар. Сондай-ақ артық дозалану кезінде туындаған ҚҚСП пайдалану нәтижесінде анафилаксиялық реакциялардың даму жағдайлары анықталған. Емі: симптоматикалық және демеуші ем ұсынылған. Спецификалық антидоты жоқ. Артық дозалануда (5-есе немесе 10-есе доза қабылдау) науқастарда келесі 4 сағат ішінде құстырады немесе белсендірілген көмір (ересектерге 60-тан 100г дейін, балаларға 1 немесе 2 г/кг), сондай-ақ осмостық іш жүргізетін дәрі тағайындау керек. Препарат едәуір дәрежеде қан сарысуының ақуыздарымен байланысатындықтан –қарқынды диурез, несепті сілтілендіру, гемодиализ немесе гемоперфузия тиімсіз. Препаратты қабылдауға кіріспес бұрын, қолдану тәсілі бойынша түсіндірме алу үшін медицина қызметкерінің кеңесіне жүгініңіз.

- препаратты дәрігердің тағайындауымен қолданыңыз - препаратты қолданар алдында қосымша парақшаны мұқият оқып шығыңыз - түпнұсқалық қаптамада балалардың қолы жетпейтін жерде сақтаңыз - Стероидты емес қабынуға қарсы препараттар (ҚҚСП) қызба және ауырсыну сияқты инфекция белгілерін жасыруы мүмкін. Бұл инфекцияны дұрыс емдеуді кешіктіруі мүмкін, бұл асқыну қаупінің жоғарылауына әкелуі мүмкін. Егер сіз бұл препаратты инфекция кезінде қабылдасаңыз және инфекция белгілері сақталса немесе нашарласа, дереу дәрігерге немесе фармацевтке жүгініңіз. Арнайы ескертулер Мажезик-сановель СР ҚҚСП, оның ішінде ЦОГ-2 тежегіштерімен бір уақытта қолданудан аулақ болу керек. Ескертулер Жүрек-қантамырлық тромбоздық құбылыстар Бірнеше ҚҚСД– селективті және селективті емес ЦОГ-2 тежегіштерін ұзақтығы 3 жылға дейінгі клинкалық зерттеу нәтижелері жүрек-қантамырдың күрделі тромбоздық аурулардың, миокард инфарктінің, инсульттің жоғарғы қаупін көрсетті. Қауіп бұрыннан жүрек-қантамыр аурулары немесе жүрек-қантамыр ауруларының даму факторларының қаупі бар пациенттерде жоғары. Жағымсыз жүрек-қантамыр құбылыстарының даму қаупін барынша азайту үшін ең қысқа мерзімге ең төменгі тиімді дозаны пайдалану керек. Дәрігер мен пациент бұрын жүрек-қантамыр симптомдарының болмағанына қарамастан мұндай құбылыстардың дамуына сақ болулары тиіс. Пациенттер күрделі жүрек-қантамыр ауруларының белгілері және/немесе симптомдары және олар көрініс берген жағдайда қабылдануы керек шаралар туралы хабарланған болуы тиіс. Бақыланбайтын артериялық гипертензиясы, жүректің іркілісті жеткіліксіздігі, анықталған ишемиялық жүрек ауруы, шеткері артерия аурулары және/немесе цереброваскулярлық аурулары бар пациенттерге флурбипрофенді мұқият тексерістен кейін ғана сақтықпен тағайындау керек. Осындай тексерісті жүрек-қантамыр ауруларының даму факторлары (мысалы, гипертензия, гиперлипидемия, қант диабеті, шылым шегу) бар пациенттерде ұзақ емді бастағанға дейін өткізу қажет. Артериялық гипертензия ҚҚСП, оның ішінде флурбипрофен манифестация туындатуы немесе бұрыннан бар гипертензияның нашарлатуы мүмкін және жүрек-қантамыр ауруларының жиілеуіне ықпал етуі мүмкін. Тиазидтер немесе ілмектік диуретиктер қабылдайтын пациенттерде ҚҚСП қабылдағанда емге қатысты жауап төмендейді. ҚҚСП, оның ішінде флурбипрофен, гипертониясы бар пациенттерде сақтықпен пайдалану керек. Артериялық қысымды (АҚ) флурбипрофенмен емдеу уақытында мұқият бақылау керек. Жүректің іркілісті жеткіліксіздігі және ісіну Флурбипрофенді қоса, ҚҚСП қабылдайтын кейбір пациенттерде простагландиндер синтезін бәсеңдететін басқа препараттарды қабылдағандағыдай сұйықтықтың іркілуі және ісіну байқалды. Мажезик-сановель СР сұйықтықтың іркілуі, гипертониясы немесе жүрек жеткіліксіздігі бар пациенттерде сақтықпен қолдану керек. Асқазан-ішек аурулары – ойық жара, қан кету, тесілудің даму қаупі ҚҚСП қабынуды, қан кетуді, ойық жаралы ауруын, фатальді болуы мүмкін асқазан, жіңішке және жуан ішек тесілуін қоса, асқазан-ішек жолы тарапынан болатын күрделі жағымсыз құбылыстардың дамуын туындатуы мүмкін. Белгіленген жағымсыз құбылыстар кез келген уақытта ізашар симптомдармен немесе оларсыз пайда болуы мүмкін. Диспепсия сияқты АІЖ жоғарғы бөлімдерінің күрделі жағымсыз әсерлері емдеу кезінде кез келген сәтте дамуы мүмкін. Пациенттер мен дәрігерлер ҚҚСД емделу уақытында асқазан-ішектің ойық жаралануы және қан кету белгілері мен симптомдары себебінен қырағылық танытуы және күрделі асқазан-ішек құбылысына күдік болса дереу қосымша тексеріс және ем бастауы тиіс. Пациенттер асқазан-ішек уыттылығының белгілері мен хабарлаушы симптомдары туралы хабардар болуы тиіс. Мезгіл-мезгіл зертханалық мониторингтің басымдықтары дәлелденбеді, бірақ жеткілікті бағалау жоқ. ҚҚСП емге АІЖ жоғарғы бөлімдерінің күрделі жағымсыз әсері дамыған бес пациенттің біреуінде ғана симптоматикалық болып табылды. Асқазан-ішек жолының жоғарғы бөлімдері ойық жарасының, ҚҚСП туындатқан ауқымды қан кетудің немесе тесілудің даму жағдайлары 3-6 ай бойы емделген шамамен 1 % науқаста және жыл бойы емделген 2 – 4% науқаста байқалды. Бұл үрдіс асқазан-ішек жолы тарапынан болатын күрделі жағымсыз құбылыстардың даму ықтималдығын ұлғайта отырып ұзақ қолданғанда сақталады. Алайда, тіпті емдеудің қысқа курстары белгілі бір қауіпке байланысты. ҚҚСП анамнезінде ойық жаралы ауруы немесе асқазан-ішектен қан кетуі бар пациенттерде аса сақтықпен қолдану керек. Асқазан-ішектен қан кетудің даму қаупін ұлғайтатын басқа факторларға мыналар жатады: пероральді кортикостероидтарды немесе антикоагулянттарды (варфарин) бір уақытта қабылдау, ҚҚСП ұзақ емдеу, шылым шегу, алкоголь, егде жас, қанағаттандырмайтын жалпы жай-күй. Өлімге әкелген жағдайлардың көбі егде жастағы және әлсіреген пациенттер арасында сипатталған, демек, пациенттердің бұл тобы ерекше назарды талап ету керек. Асқазан-ішек жолы тарапынан болатын жағымсыз құбылыстардың даму қаупін барынша азайту үшін ең қысқа уақытқа ҚҚСП ең төменгі тиімді дозаларын қолдану керек. Қаупі жоғары пациенттерде құрамында ҚҚСП жоқ баламалы емдеу тәсілдері қарастырылуы тиіс. Бұл пациенттер үшін, сондай-ақ ацетилсалицил қышқылының немесе асқазан-ішек ауруларының қаупін күшейтуі мүмкін басқа препараттардың төменгі дозаларымен бір уақытта емдеуді керек ететін пациенттер үшін қорғағыш дәрілермен (мысалы, мизопростол немесе протондық сорғы тежегіштері) біріктірілген ем ұсынылады. Тұрақты клиникалық тексеріс қажет. Анамнезінде асқазан-ішек жолы аурулары бар пациенттер, әсіресе егде жастағы адамдар әдеттен тыс кез келген абдоминальді симптомдар (әсіресе асқазан-ішектен қан кету) туралы, әсіресе емнің бастапқы кезеңдерінде хабарлауы тиіс. Оральді кортикостероидтармен, антикоагулянттармен (варфарин), серотонинді кері қармаудың селективті тежегіштермен немесе ойық жаралану немесе қан кету қаупін ұлғайтуы мүмкін антиагреганттармен (ацетилсалицил қышқылы) бір уақытта ем қабылдайтын пациенттерге сақтық таныту керек. Флурбипрофен қабылдайтын пациенттерде асқазан-ішектен қан кету немесе ойық жара пайда болғанда ем тоқтатылуы тиіс. ҚҚСП анамнезінде асқазан-ішек жолы аурулары (спецификалық емес ойық жаралы колит, Крон ауруы) бар пациенттер сақтықпен пайдаланулары керек, өйткені олар аурудың өршуіне әкелуі мүмкін. Анамнезінде ойық жаралы ауруы және/немесе асқазан-ішектен қан кетуі бар пациенттерде ҚҚСП қолдану кезінде асқазан-ішек жолынан қан кетудің даму қаупі қауіп – факторлары жоқ пациенттермен салыстырғанда 10 есе жоғары. Бүйрекке ықпалы ҚҚСП ұзақ қабылдау папиллярлық бүйрек некрозының және басқа да бүйрек зақымдануларының дамуын туындатуы мүмкін. Бүйрекке уытты әсер бүйрек простагландиндері бүйрек перфузиясын демеу үшін компенсаторлық рөл атқарған пациенттер арасында байқалды. Мұндай жағдайларда ҚҚСП қабылдау простагландиндер түзілуінің дозаға тәуелді төмендеуін, демек, бүйректегі қан ағысының төмендеуін туындатуы мүмкін, бұл бүйрек декомпенсациясының дамуына түрткі болуы мүмкін. Жоғары қауіп тобына бүйрек функциясы бұзылған, жүрек жеткіліксіздігі, бауыр дисфункциясы бар пациенттер, егде жастағы пациенттер, сондай-ақ диуретиктер, АӨФ тежегіштерін қабылдайтындар жатады. ҚҚСП қабылдауды тоқтатқаннан кейін функция бұрынғы күйіне (емге дейін) дейін қалпына келеді. Клиникалық зерттеулерде флурбипрофеннің жартылай шығарылу кезеңі бүйрек дисфункциясы бар пациенттерде өзгермеді. Флурбипрофен метаболиттері негізінен, бүйрекпен шығарылады. 4’-гидрокси-флурбипрофен элиминациясы орташа-ауыр бүйрек дисфункциясы бар пациенттерде төмендеген. Демек, бүйректің созылмалы ауруы бар науқастарға флурбипрофенмен ем ұсынылмаған. Флурбипрофенді қолдану қажет болғанда бүйрек функциясын мұқият бақылау қажет. Анафилактоидтық реакциялар Басқа ҚҚСП сияқты, флурбипрофенді қолданғанда анафилактоидтық реакциялар дамуы мүмкін. Флурбипрофенді "аспириндік триадасы" (бронх демікпесі, вазомоторлық ринит, ацетилсалицил қышқылының жақпаушылығы) бар пациенттерге қабылдамаған жөн. Аспирин немесе басқа ҚҚСП қабылдауға жауап ретінде демікпесі бар науқастарда бұл симптомдар кешені мұрын полиптері немесе онсыз немесе ауыр, өлім қаупі жоғары бронх түйілуімен ринит түрінде көрініс табады. Анафилактоидтық реакциялар дамыған жағдайда шұғыл көмек қажет. Дерматологиялық реакциялар Флурбипрофенді қоса, ҚҚСД эксфолиативті дерматит, Стивенс-Джонсон синдромы (СДС), уытты эпидермалық некролиз (УЭН) сияқты фатальді болуы мүмкін тері тарапынан болатын күрделі жағымсыз құбылыстардың дамуын туындатуы мүмкін. Айтылған жағымсыз құбылыстар алдында жүретін симптомдарсыз көрініс табуы мүмкін. Пациенттерге тері тарапынан болатын күрделі жағымсыз құбылыстардың белгілері мен симптомдары туралы хабарлау керек, ал тері бөртпесі немесе аса жоғары сезімталдықтың басқа да симптомдары болса – препарат қабылдауды тоқтату қажет. Сақтық шаралары Бауырға әсері Флурбипрофенді қоса, ҚҚСД қабылдайтын пациенттерде (15% дейін) бауыр функциясының бір немесе бірнеше көрсеткіштері деңгейінің шектес жоғарылауы мүмкін. ҚҚСП болған клиникалық зерттеулер уақытында АЛТ және АСТ (қалыптан шамамен үш есе жоғары) деңгейінің едәуір жоғарылауы шамамен 1% пациентте байқалған. Жоғарыда аталғандардан басқа, кейде өліммен аяқталатын, бауырдың ауыр реакцияларының сирек жағдайлары, оған қоса сарғаюы, шұғыл дамитын гепатит, бауыр некрозы және бауыр жеткіліксіздігі байқалған. Бауыр дисфункциясының симптомдары және/немесе белгілері немесе бауыр функциясының патологиялық көрсеткіштері бар пациенттер бауыр тарапынан болатын одан да ауыр реакциялардың дамуына жол бермеу үшін тексерілуі тиіс. Егер клиникалық белгілері мен симптомдары бауыр ауруының дамуымен байланысты болса немесе жүйелі көріністер байқалса (мыс., эозинофилия, бөртпе және т.с.) флурбипрофен қабылдауды тоқтату керек. Бүйректің созылмалы аурулары Бүйректің созылмалы аурулары бар науқастарға флурбипрофенмен емделу ұсынылмаған. Флурбипрофен қолдану қажет болғанда бүйрек функциясын мұқият бақылау қажет. Гематологиялық әсерлер Флурбипрофенді қоса, ҚҚСД қабылдайтын пациенттерде анемия дамуы мүмкін, бұл эритропоэзге әсер етуін жеткіліксіз зерттеуден немесе сұйықтықтың іркілуінен, асқазан-ішектен қан кетуден туындауы мүмкін. ҚҚСП ұзақ қолданғанда пациенттерге, тіпті анемияның кез келген белгілері мен симптомдары болмаған жағдайда да гемоглобинді немесе гематокритті мезгіл мезгіл бақылау қажет. ҚҚСП тромбоциттер агрегациясына кедергі жасайды және кейбір пациенттерде қан кету уақытын ұлғайтады. Аспириннен айырмашылығы олардың тромбоциттер функциясына әсері сандық жағынан аз, қысқа және қайтымды. Әдетте, флурбипрофен тромбоциттер санына, протромбиндік уақытқа, ішінара тромбопластиндік уақытқа ықпал етпейді. Антикоагулянттарды қабылдайтын, сондай-ақ қан ұюы бұзылған пациенттерге мұқият мониторинг қажет. Бұрыннан бар демікпе Демікпесі бар пациенттер аспиринге тәуелді күйден зардап шегуі мүмкін. Аспиринді бұл пациенттерде пайдалану өлімге әкелуі мүмкін ауыр бронх түйілуінің дамуымен байланысты. Айқаспалы реактивтілікке байланысты флурбипрофен аспиринге жоғары сезімталдығы бар пациенттерге қолданбаған жөн және анамнезінде демікпесі бар пациенттерге сақтықпен қабылдау керек. Көру өзгерістері Флурбипрофен және басқа ҚҚСП қабылдайтын пациенттер арасында бұлыңғырланған және/немесе дұрыс көрмеу жағдайлары байқалған. Көруінің нашарлауына шағымданған пациенттер офтальмологиялық тексерістен өтулері тиіс. Жалпы Флурбипрофен кортикостероидтарды алмастыруды немесе кортикостероидтардың жеткіліксіздігін емдеу үшін пайдалануды болжамдамайды. Кортикостероидтар қабылдауды бірден тоқтату аурудың өршуіне әкелуі мүмкін. Кортикостероидтарды ұзақ уақыт қабылдап жүрген науқастар емді жалғастыруы тиіс. Кортикостероидтар қабылдауды тоқтату туралы шешім қабылдағанда оның дозасын баяу төмендету қажет. Операциядан кейінгі егде жастағы пациенттерге ерекше назар аудару керек. 65 жастан асқан пациенттерде бүйрек және бауыр функциясын бақылау қажет. Флурбипрофеннің қызбаны және қабынуды төмендетудегі фармакологиялық белсенділігі болжамды инфекциялық емес, ауырсыну күйлерінің асқынулары анықталған жалпы диагностикалық белгілерін бағалау индексін төмендетуі мүмкін. Ықтимал аддитивті әсерге байланысты флурбипрофенді ҚҚСП, оның ішінде циклооксигеназа-2 селективті тежегіштерімен бір уақытта қолданудан аулақ болу керек. Флурбипрофенді қабылдау бала көтеру қабілетін төмендетуі мүмкін және жүкті болуға қабілетті әйелдерге ұсынылмайды. Осыған байланысты, бала көтеру қабілеті бұзылған немесе осы бұзылыстар себебімен тексерістен өтіп жүрген әйелдерде флурбипрофен қолдануды тоқтатудың жөндігін назарға алу керек. Жүйелі қызыл жегі (ЖҚЖ) және дәнекер тіннің аралас ауруы Жүйелі қызыл жегі (ЖҚЖ) және дәнекер тіннің аралас ауруы бар пациенттерде асептикалық менингиттің жоғары даму қаупі болуы мүмкін. Зертханалық деректер АІЖ тарапынан болатын күрделі жағымсыз құбылыстар ізашар симптомдарсыз білінуі мүмкін екеніне байланысты асқазан-ішектен қан кету симптомдарын қадағалау қажет. ҚҚСП ұзақ емделгенде клиникалық және биохимиялық қан талдау көрсеткіштерін мезгіл-мезгіл бақылау қажет. Егер клиникалық белгілері мен симптомдары бауыр немесе бүйрек ауруының дамуымен байланысты болса жүйелі көріністер (мыс., эозинофилия, бөртпе және т.с.с.) байқалады, флурбипрофен қабылдауды тоқтатқан жөн. Егде жастағыларда қолдану: Басқа ҚҚСП сияқты, флурбипрофенді егде жастағы пациенттерде (65 жастан асқан) сақтықпен қолдану керек. Басқа ҚҚСП сияқты, ойық жара, қан кету, метеоризм, іш ауыруы сияқты асқазан-ішек жолы тарапыпан болатын асқынулар жастармен салыстырғанда егде жастағылар арасында жиі байқалады. Жағымсыз асқазан-ішек құбылыстарының даму қаупін барынша азайту үшін ең қысқа мерзімге ең төменгі тиімді дозаны пайдалану керек. Сондай-ақ егде жастағы пациенттер бүйрек декомпенсациясының жоғарғы даму қаупіне бейім. Негізгі инфекциялардың симптомдарын бүркемелеу Эпидемиологиялық зерттеулер жүйелік стероидты емес қабынуға қарсы препараттардың (ҚҚСП) инфекция симптомдарын бүркемелеуі мүмкін екенін көрсетеді, бұл тиісті емнің уақтылы басталмауына және осылайша инфекцияның нәтижесін нашарлатуы мүмкін. Бұл бактериялық ауруханадан тыс пневмонияда және желшешектің бактериялық асқынуларында байқалды. Егер пациент препаратты инфекцияға байланысты қызба немесе ауырсыну кезінде қабылдаса, инфекцияны мониторингілеу ұсынылады.

Жүктілік Жүктіліктің үшінші триместрінде флурбипрофенді қабылдау, тіпті эпизодтық түрде де, қарсы көрсетілімде. Жүктіліктің 24 аптасында препараттың тіпті бір реттік дозасы шарананың және/немесе жаңа туған нәрестенің жүрегі мен бүйректерін ультрадыбыстық бақылауға көрсеткіш болып табылады. Жүктіліктің бірінші және екінші триместрінде флурбипрофенді аса қажет жағдайда ғана тағайындау керек. Жүктілікті жоспарлаған әйел флурбипрофенді қолданғанда немесе жүктіліктің бірінші және екінші триместрі кезінде қолданғанда препараттың дозасы және ем ұзақтығы барынша аз болуы тиіс. Препаратты ұзақ уақыт қолдану қатаң түрде ұсынылмайды. Флурбипрофенді жүктіліктің 20-шы аптасынан бастап бірнеше күн қолданғаннан кейін олигогидрамнионды құрсақішілік мониторингілеу және артериялық түтіктің тарылуы туралы мәселені қарастыру керек. Егер олигогидрамнион немесе артериялық түтіктің тарылуы анықталса, флурбипрофенді қабылдауды тоқтату керек. Простагландиндер синтезін тежеу жүктілік барысына және/немесе эмбрионның/шарананың дамуына жағымсыз әсер етуі мүмкін. Эпидемиологиялық зерттеу деректері жүктіліктің ерте кезеңдерінде простагландиндер синтезінің тежегіштерін қолдану кезінде өздігінен түсік тастау, жүрек ақауы және гастрошизис қаупінің жоғарылағанын растайды. Жүрек-қантамыр жүйесі ауытқуларының пайда болуының абсолюттік қаупі 1%-дан шамамен 1,5%-ға дейін ұлғайды. Қауіп дозаның жоғарылауымен және емнің ұзақтығымен артады деп болжанады. Жануарларда простагландин синтезінің тежегіштерін қолдану төлдердің имплантация-алды және кейінгі өліміне және эмбриофетальді өлімге әкелетіні көрсетілген. Одан өзге, органогенез кезінде простагландиндер синтезінің тежегіштері енгізілген жануарларда әр түрлі дамудағы ақаулардың, соның ішінде жүрек-қантамыр жүйесі ақауларының пайда болуының жоғарылауы байқалды. Жүктіліктің 12-ші аптасынан бастап флурбипрофенді қолдану шарананың бүйрек дисфункциясы нәтижесінде олигогидрамнионды туындатуы мүмкін. Бұл флурбипрофенді қолдануды бастағаннан кейін көп ұзамай пайда болуы мүмкін және әдетте емдеуді тоқтатқаннан кейін қайтымды болады. Нәрестеде кешіктірілген ауыр гиперкалиемияның даму қаупімен, бүйрек жеткіліксіздігі болуы мүмкін (қайтымды немесе жоқ), әсіресе ұзақ уақыт бойы және жүктіліктің соңында қабылдағанда. Сонымен қатар, жүктіліктің 20-шы аптасынан бастап емдеуден кейін артериялық түтіктің тарылуы туралы хабарламалар болды, олардың көпшілігі емдеуді тоқтатқаннан кейін басылды. Простагландин синтезінің тежегіштерін жүктіліктің үшінші триместрінде қолдану келесі жағымсыз салдарға әкелуі мүмкін: Шарана үшін: - кардиопульмональді уыттылық (артериялық түтіктің мерзімінен бұрын жабылуымен және өкпе гипертензиясының дамуымен) қаупі жоғарылайды және шарананың немесе жаңа туған нәрестенің оң жақ қарыншалық жүрек жеткіліксіздігіне немесе тіпті шарананың құрсақішілік өліміне әкелуі мүмкін. Бұл қауіп туу мерзімі жақындаған сайын маңыздырақ және қайтымдылығы азырақ болады. Бұл әсер тіпті препараттың бір реттік дозасынан да туындауы мүмкін. Жүктіліктің соңында ана мен нәрестеде простагландин синтезінің тежегіштерін қабылдау: - қан кету уақытының ықтимал ұлғаюы, тіпті өте төмен дозаларда да антиагрегациялық әсер - жатырдың жиырылу қызметінің бәсеңдеуі, бұл босанудың басталуын кешіктіруге және босану ұзақтығының артуына әкелуі мүмкін. Бала емізу Флурбипрофен емшек сүтімен шығарылады. Флурбипрофенді бала емізетін аналарға қолдану ұсынылмайды. Фертильділік Флурбипрофенді қолдану әйелдердің фертильділігін бұзуы мүмкін; жүкті болғысы келетін әйелдерге препарат ұсынылмайды. Жүкті болу қиынға соғатын немесе бедеулік бойынша зерттеулер жүргізетін әйелдерде флурбипрофенді тоқтату мүмкіндігін қарастыру керек. Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері ҚҚСП қабылдаудан кейін бас айналуы, ұйқышылдық, шаршау және көрудің бұзылуы сияқты жағымсыз әсерлер болуы мүмкін. Егер теріс әсер байқалса, онда пациенттер автокөлікті немесе механизмдерді басқармаулары тиіс.

АӨФ тежегіштері және ангиотензин II антагонистері: Есептер қабынуға қарсы стероидты емес препараттар АӨФ тежегіштерінің гипертензияға қарсы әсерін төмендетуі мүмкін екенін көрсетті. Бұл өзара әрекеттесуді қабынуға қарсы стероидты емес препараттарды бір мезгілде АӨФ тежегіштерімен қабылдайтын пациенттерде назарға алу қажет. Бүйрек функциясы бұзылған кейбір пациенттерде (мысалы, сусызданған науқастар немесе бүйрек функциясы бұзылған егде жастағы пациенттер) АӨФ тежегішін немесе ангиотензин II антагонисін және циклооксигеназаны тежейтін препаратты бірге қолдану әдетте, қайтымды жедел бүйрек жеткіліксіздігінің мүмкіндігін қоса, бүйрек функциясының әрі қарай нашарлауына әкелуі мүмкін. Бұл өзара әрекеттесулерді флурбипрофенді бір уақытта АӨФ тежегіштерімен немесе ангиотензин II антагонистерін қабылдайтын пациенттерде назарға алу қажет. Осылайша, біріктірілген ем, әсіресе егде жаста сақтықпен жүргізілуі тиіс. Пациенттерге талапқа сай гидратация жүргізу және біріктірілген ем басталғанға дейін және ем уақытында мезгіл-мезгіл бүйрек функциясының мониторингіне көңіл бөлу қажет. Антикоагулянттар Варфарин және ҚҚСП асқазан-ішектен қан кетудің дамуына бірдей ықпал етеді, сондықтан бұл препараттарды бір уақытта қабылдағанда қан кетудің даму қаупі жоғарылайды. Дәрігер варфарин немесе басқа антикоагулянттар қабылдайтын пациенттерде Мажезик-сановель СР тағайындағанда сақтық танытуы тиіс. Аспирин Аспиринмен бір уақытта қолданғанда қан сарысуындағы флурбипрофен концентрациясының төмендеуі ықтимал. Бұл өзара әрекеттесудің клиникалық маңыздылығы белгісіз; алайда басқа ҚҚСП жағдайларындағыдай флурбипрофен мен аспиринді бір уақытта қабылдау жағымсыз құбылыстардың жоғарғы даму қаупіне байланысты ұсынылмайды. Бета-адреноблокаторлар Флурбипрофен пропранололдың гипотензиялық әсерін төмендетеді, бірақ атенололға әсер етпейді. Бұл өзара әрекеттесудің механизмі белгісіз. Флурбипрофен және β-блокаторлар қабылдайтын пациенттер талапқа сай гипотензиялық әсерге жетуді қадағалаулары тиіс. Диуретиктер Клиникалық зерттеулер мен постмаркетингтік қадағалаулардың нәтижелері ҚҚСП пациенттерінің бір бөлігінде кейбір пациенттерде фуросемидтің және тиазидті диуретиктердің натрийуретикалық әсерін төмендетуі мүмкін екенін көрсетті. Бұл бүйрек простагландиндері синтезінің тежелуімен негізделеді. ҚҚСП диуретиктермен бір уақытта қолданғанда үдемелі бүйрек жеткіліксіздігінің белгілерін және диурездік әсерді мұқият қадағалау керек. Литий ҚҚСП плазмадағы литий деңгейінің жоғарылауын және литийдің бүйректік клиренсінің төмендеуін туындатуы мүмкін. Литийдің орташа ең төменгі концентрациясы 15% ұлғаяды, бүйректік клиренсі 20% төмендейді. Мұндай әсер ҚҚСП бүйректік простагландиндер синтезінің тежелуімен түсіндіріледі. Сондықтан, литий препараттарымен бір уақытта қолданғанда оның уытты әсерінің белгілерін мұқият қадағалау керек. Метотрексат ҚҚСП үй қоян бүйрегінің пластиналарында метотрексаттың жинақталуын бәсекелес тежейтіні хабарланған. ҚҚСП метотрексаттың уытты әсерін ұлғайтуы мүмкін. ҚҚСП пен метотрексатты абайлап біріктіру керек. КортикостероидтарҚҚСП кортикостероидтармен бір уақытта қолданғанда асқазан-ішек ойық жаралануының немесе қан кетулердің қаупі жоғарылайды. Антиагреганттар және серотонинді кері қармаудың селективті тежегіштері:ҚҚСП бір уақытта қолданғанда асқазан-ішектен қан кету қаупі жоғарылайды. Циметидин, ранитидин Дені сау еріктілерде циметидинмен және ранитидинмен алдын ала емдеу флурбипрофен фармакокинетикасына әсер көрсетпеді. Тек циметидин жағдайында аздаған, бірақ флурбипрофеннің сарысулық концентрациясының едәуір ұлғаюы байқалды. ДигоксинФлурбипрофен мен дигоксинді дені сау еркектерде біріктіріп қолдану бойынша зерттеулер бұл препараттардың қан сарысуындағы тұрақты жағдай деңгейінің өзгерістерін көрсетпеді. ҚҚСП жүрек жеткіліксіздігін күшейтуі, ШСЖ төмендетуі және плазма гликозидтерінің деңгейін жоғарылатуы мүмкін. Пероральді гипогликемиялық дәрілер Гипогликемиялық препараттар мен флурбипрофенді бір уақытта қабылдағанда қандағы қант концентрациясының аздаған төмендеуі белгіленгеніне қарамастан гипогликемия белгілері байқалмады. Хинолондар ҚҚСП хинолондармен байланысты құрысу қаупін ұлғайтуы мүмкін. ҚҚСП зидовудинмен, тиклопидинмен, такролимуспен, циклоспоринмен абайлап қолдану керек. ТакролимусҚҚСП бір уақытта такролимуспен қолдану ұсынылғанда нефроуыттылықтың жоғары даму қаупі ықтимал. Циклоспорин: бүйрек простагландиндерінің ықпалына байланысты нефроуыттылық қаупінің жоғарылауы.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 25 С-ден аспайтын температурада сақтау керек. Балалардың қолы жетпейтін жерде сақтау керек!