Майфортик® таблетки 180 мг

Бір таблетканың құрамында белсенді зат - натрий микофенолаты 192,40 мг немесе 384,80 мг (180 мг немесе 360 мг микофенол қышқылына баламалы) қосымша заттар -– сусыз лактоза, кросповидон (А типі), повидон (К-30), жүгері крахмалы, сусыз коллоидты кремнийдің қостотығы, магний стеараты қабықтың құрамы: гипромеллоза фталаты (НР50), титанның қостотығы (Е 171), темірдің сары тотығы (Е 172), индиготин (индигокармин) (Е132) (180 мг доза үшін), темірдің қызыл тотығы (Е 172) (360 мг доза үшін). Сыртқы түрінің, иісінің, дәмінің сипаттамасы Дөңгелек пішінді, бір жағында ойығы мен «С» таңбасы бар, ашық сарғыш-жасыл түсті қабықпен қапталған таблеткалар (180 мг доза үшін). Сопақша пішінді, бір жағында «СТ» таңбасы бар, бозғылт қызғылт сары-қызыл түсті қабықпен қапталған таблеткалар (360 мг доза үшін).

- аллогенді бүйрек трансплантаттары бар ересек пациенттерде трансплантаттың жедел қабылданбай ажырауының профилактикасы үшін циклоспоринмен және кортикостероидтармен біріктірілімде Қолдану басталғанға дейін қажетті мәліметтер тізбесі

Әсер ету механизмі Натрий микофенолаты - микофенол қышқылының (MФҚ) натрий тұзы. MФҚ инозинмонофосфат-дегидрогеназасының (ИМФДГ) селективті, бәсекеге қабілетсіз және қайтымды тежегіші болып табылады, сондықтан ДНҚ-ға кірместен гуанозин нуклеотидтерін синтезі de novo жолын тежейді. Т- және В-лимфоциттердің пролиферациясы de novo пуриндерінің синтезіне айтарлықтай тәуелді болғандықтан (ал өзге жасушалар басқа «құтқару» механизмдерін пайдалана алады), МФҚ басқа жасушаларға қарағанда лимфоциттерге цитостатикалық айқындау әсер етеді. МФҚ әсер ету механизмі цитокиндердің транскрипциясына және тыныш Т-лимфоциттеріне әсер ететін кальциневрин тежегіштерін толықтырады. Фармакодинамикалық әсерлері Клиникалық тиімділігі мен қауіпсіздігі Майфортик (МФК) препаратын тіркеу үшін ересек пациенттердің қатысуымен екі көп орталықты рандомизацияланған салыстырмалы жасырын зерттеулер жүргізілді. Екі зерттеу де нарықта бар микофенолат мофетилі препаратын салыстыру препараты ретінде қолдану арқылы жүргізілді. Алғашқы зерттеу жақында бүйрек трансплантациясын (ERL B301) өткерген 423 пациентте жүргізілді. Екінші зерттеу бүйрек трансплантациясынан (ERL B302) кейін демеуші ем алған 322 пациентте жүргізілді. Бүйрек трансплантациясын (ERL B301 зерттеуі) өткерген ересек пациенттер Екі плацебо (ERLB 301) көмегімен бақыланатын салыстырмалы жасырын рандомизацияланған de novo зерттеу бүйрек трансплантациясын өткерген (МФҚ= 213, ММФ = 210) 18-75 жас аралығындағы 423 пациенттің қатысуымен жүргізілді. Соңғы нүктелер биопсиямен расталған алғашқы жедел сәтсіздік (BPAR), трансплантат жоғалуы, өлім немесе емдеудің сәтсіздігі болды, ол 6 айдан кейін (бастапқы соңғы нүкте) және 12 ай емдеуден кейін (қосымша бастапқы соңғы нүкте) бақылау үшін шығын ретінде анықталды. Осыған байланысты зерттеу Майфортик және ММФ препараттарына ұқсас нәтижелер көрсетті. Пациенттерге трансплантациядан кейін 12 ай бойы МФҚ (тәулігіне 1,44 г) немесе ММФ (тәулігіне 2 г) циклоспоринмен және кортикостероидтармен біріктіріп енгізілді. Пациенттердің 41% антиденелермен (антилимфоциттік немесе антитимоциттік антиденелермен немесе базиликсимабпен) индукциялық ем алды. Антиденелермен индукциялық ем пациенттердің екі тобында да жүргізілді (МФҚ 39,4%, ММФ 42,9%). 6 айдан кейін емдеу тиімділігінің төмендеу жиілігіне қатысты (ММФ 26,2% қарсы МФҚ 25,8% ; 95% СА: [-8,7, +8,0]) емдік баламалық көрсетілді. Емдік баламалық критерийлері сақталды: бастапқы соңғы нүктелер жиілігінің айырмасы үшін (BPAR, трансплантаттың жоғалуы, өлім немесе 6 айдан соң кейінгі бақылауға жоғалту) 95% сенім аралығы (СА) толығымен (-12%, 12%) болды. 12 айдан кейін байқалатын BPAR жиілігі, трансплантаттың жоғалуы немесе өліммен аяқталуы 26,3% (МФҚ) және 28,1% (ММФ), ал тек BPAR-22,5% (МФҚ) және 24,3% (ММФ) құрады. BPAR бар пациенттер арасында ауыр жедел сәтсіздіктің даму жиілігі МФҚ қолдану кезінде 2,1%-ды және ММФ (p=ns) қолдану кезінде 9,8%-ды құрады. 1-кесте6 және 12 айдан кейін тиімділік пен оның компоненттерінің бастапқы соңғы нүктесін талдау (ERL b301 зерттеуі) МФҚ 1,44 г/тәул. (n = 213) n (%) — ММФ тәулігіне 2 г (n = 210) n (%) — 95% СА МФҚ-ММФ 6 ай Биопсиямен расталған жедел қабылданбай ажырау көрінісі, трансплантаттың орнынан табылмауы, өлім немесе кейінгі бақылау үшін орнынан табылмауы — 55 (25,8) — 55 (26,2) — (-8,7, 8,0) Биопсиямен расталған жедел қабылданбай ажырауы — 46 (21,6) — 48 (22,9) — (-9,2, 6,7) Трансплантаттың орнынан табылмауы немесе өлім — 8 (3,8) — 11 (5,2) — (-5,4, 2,5) Трансплантаттың орнынан табылмауы — 7 (3,3) — 9 (4,3) — (-4,6, 2,6) Өлім — 1 (0,5) — 2 (1,0) Кейінгі бақылау үшін орнынан табылмауы * — 3 (1,4) — 0 12 ай Биопсиямен расталған жедел қабылданбай ажырау көрінісі, трансплантаттың орнынан табылмауы, өлім немесе кейінгі бақылау үшін орнынан табылмауы — 60 (28,2) — 59 (28,1) — (-8,5, 8,6) Биопсиямен расталған жедел қабылданбай ажырауы — 48 (22,5) — 51 (24,3) — (-9,8, 6,3) Трансплантаттың орнынан табылмауы немесе өлім — 10 (4,7) — 14 (6,7) — (-6,4, 2,4) Трансплантаттың орнынан табылмауы — 8 (3,8) — 9 (4,3) — (-4,3, 3,2) Өлім — 2 (0,9) — 5 (2,4) Кейінгі бақылау үшін орнынан табылмауы * — 5 (2,3) — 0 * Кейінгі бақылау үшін орнынан табылмауы биопсиямен расталған жедел қабылданбай ажырауынсыз, трансплантаттың орнынан табылмай немесе өлімінсіз бақылау үшін орнынан табылмаған пациенттерге қатысты. Жалпы қауіпсіздік көрсеткіштері емдеудің екі тобында да ұқсас және осы көрсеткіш үшін клиникалық тұрғыдан қолайлы болды. Бүйрек трансплантациясын бастан өткерген ересек пациенттерде демеуші ем (ERL B302 зерттеуі) Демеуші зерттеу 18-ден 75 жасқа дейінгі 322 пациентте (МФҚ =159, ММФ = 163) бүйрек трансплантациясынан кейін кемінде 6 ай бойы жүргізілді, олар зерттеу басталғанға дейін кемінде төрт апта бойы циклоспоринмен кортикостероидтармен біріктіріп немесе онсыз тәулігіне 2 г дозада ММФ алған. Пациенттер 1:1 қатынасында МФҚ 1,44 г/тәул және ММФ 2 г/тәул топтарына рандомизацияланды (12 ай бойы ем). Зерттеудің мақсаты асқазан-ішек асқынулары мен нейтропенияның жиілігі мен ауырлығын анықтау болды. Соңғы нүкте 6 және 12 айдан кейін емдеу тиімсіздігінің жиілігі (яғни BPAR, трансплантаттың орнынан табылмауы немесе өлім) болды. Асқазан-ішек жолы тарапынан жағымсыз құбылыстардың даму жиілігі 3 және 12 айдан кейін ММФ салыстырғанда Майфортик қолдану аясында сан жағынан жоғары болды (тиісінше 26%-бен салыстырғанда 21% және 32%-бен салыстырғанда 26%). Зерттеу барысында ММФ тобындағы нейтропенияның бір ғана жағдайы жағымсыз құбылыс ретінде тіркелді. Тиімділік көрсеткіштері екі топта да ұқсас болды.

Дозалау режимі Майфортик® препаратымен емдеуді тек білікті трансплантолог дәрігерлер жүргізуі тиіс. Майфортик® препаратын қолдануды трансплантациядан кейін 48 сағат ішінде бастау керек. Ұсынылатын доза - 720 мг (180 мг 4 таблетка немесе 360 мг 2 таблетка) тәулігіне 2 рет (тәуліктік доза-1440 мг). Пациенттердің ерекше топтары Бала жасындағы пациенттер Балалар мен жасөспірімдер үшін Майфортик® препаратының қауіпсіздігі мен тиімділігі зерттелмеген. Сондықтан балалар мен жасөспірімдерде қолдану ұсынылмайды. Егде жастағы пациенттер Пациенттердің осы жас санаты үшін дозаны түзету талап етілмейді. Бауыр функциясының бұзылуы Бүйрек трансплантациясын өткерген бауырдың ауыр паренхиматозды аурулары бар пациенттерде дозаны түзету талап етілмейді. Бүйрек функциясының бұзылуы Операциядан кейін бүйрек трансплантаты функциясының кідірісі бар пациенттерде дозаны өзгерту талап етілмейді. Бүйрек функциясының созылмалы ауыр бұзылуы бар пациенттерді (шумақтық сүзілу жылдамдығы 25 мл/мин/1,73 м 2-ден кем) мұқият бақылау қажет. Енгізу әдісі мен жолы Пероральді Ішекте еритін үлбірлі қабықтың тұтастығын сақтау үшін таблетканы ұсақтауға немесе бөлуге болмайды. Майфортик® препараты таблеткалары қабығының бүтіндігі бүлінсе, ұнтақты деммен ішке тартуға немесе оны теріге немесе шырышты қабыққа тікелей тигізіп алуға болмайды. Егер ұнтақ теріге тиген болса, онда бұл жерді сабынмен және сумен жақсылап жуып-шаю керек; көзді жеткілікті су мөлшерімен жуып-шаю қажет. Бұл шаралар микофенолаттың тератогендік әсеріне байланысты қажет. Қабылдау уақыты көрсетілген қолдану жиілігі Майфортик® дәрілік препаратын тамақ ішуге қарамастан қолданады. Емдеу ұзақтығы Емдеуші дәрігер-трансплантолог анықтайды. Дәрілік препараттың бір немесе бірнеше дозасын өткізіп алған кезде қажетті шаралар Қатысты емес Тоқтату симптомдары қаупінің болуын көрсету Қатысты емес Дәрілік препаратты қолдану тәсілін түсіндіру үшін медицина қызметкеріне кеңес беру үшін жүгіну бойынша ұсынымдар Қатысты емес

- натрий микофенолатына, микофенол қышқылына, микофенолат мофетиліне немесе қосымша заттардың кез келгеніне аса жоғары сезімталдық - Майфортик® препаратын өзінің ықтимал мутагендік және тератогендік әсеріне байланысты жүктілік кезінде қолдануға болмайды («Арнайы ескертулер» бөлімін қараңыз) - Майфортик® препаратын тиімді контрацепцияны қолданбайтын бала туу жасындағы әйелдерде қолдануға болмайды («Арнайы ескертулер» бөлімін қараңыз) - бала емізу кезеңінде - 18 жасқа дейінгі балалар мен жасөспірімдер - тұқым қуалайтын фруктоза жақпаушылығы, Lapp (ЛАПП) ферментінің тапшылығы, глюкоза-галактоза мальабсорбциясы бар адамдарға

Қан және лимфа жүйесі тарапынан бұзылулар Өте жиі: Лейкопения (19,2%). Жиі: анемия, тромбоцитопения. Лимфоцеле, лимфопения және нейтропения дамуының жекелеген жағдайлары туралы хабарланды. Жүйке жүйесі тарапынан бұзылулар Жиі: Бас айналуы, бас ауыруы. Жиі емес: Тремор. Ұйқысыздықтың бір жағдайы тіркелді. Қатерсіз, қатерлі және анықталмаған жаңа түзілімдер (кисталарды және полиптерді қоса) Жиі емес: Лимфопролиферациялық аурулар. Тері папилломасы, базальді-жасушалық обыр, Капош саркомасы және жалпақ жасушалы обыр дамуының жеке жағдайлары тіркелді. Инфекциялар мен инвазиялар Өте жиі: вирустық, бактериялық және зеңдік инфекциялар (22,1% дейін), мысалы, несеп шығару жолдарының инфекциясы, белдемелі теміреткі, ауыз қуысы кандидозы, синусит, гастроэнтерит, қарапайым герпес вирусынан туындаған инфекция, назофарингит. Жиі: Жоғарғы тыныс жолдарының инфекциясы, пневмония. Жиі емес: Жара инфекциясы. Сепсис пен остеомиелиттің жекелеген жағдайлары тіркелді. Психикалық бұзылулар Жиі: Үрейлену. Қабылдау бұзылуының жекелеген жағдайлары тіркелдіі. Метаболизм және тамақтану тарапынан бұзылулар Өте жиі: Гипокальциемия, гипокалиемия, гиперурикемия. Жиі: Гиперкалиемия, гипомагниемия. Жиі емес: Тәбеттің жоғалуы, гиперлипидемия, гипофосфатемия. Қант диабеті және гиперхолестеринемия дамуының жекелеген жағдайлары туралы хабарланды. Көру мүшесі тарапынан бұзылулар Конъюнктивит дамуының және көру бұлдырауының жекелеген жағдайлары туралы хабарланды. Жүрек тарапынан бұзылулар Жиі емес: Тахикардия. Өкпе ісінуінің, сондай-ақ қарыншалық экстрасистолияның жекелеген жағдайлары тіркелді. Қан тамырлары тарапынан бұзылулар Өте жиі: Гипертензия, гипотензия. Жиі: Бұрыннан бар гипертензияны күшейту. Тыныс алу жүйесі, кеуде қуысы ағзалары және көкірек ортасы тарапынан бұзылулар Жиі: Жөтел, ентігу, дене жүктемесі кезінде ентігу. Жиі емес: Өкпенің интерстициалық ауруы, оның ішінде өлімге әкелетін өкпе фиброзы. Өкпеде іркілісті құбылыстардың жекелеген жағдайлары және ентігудің дамуы тіркелді. Асқазан-ішек бұзылыстары Өте жиі: Диарея (23,5%). Жиі: Іштің кебуі, іштің ауыруы, іш қату, диспепсия, метеоризм, гастрит, сұйық нәжіс, жүрек айну, құсу. Жиі емес: Іштің пальпациясындағы ауырсыну, панкреатит, кекіру, асқазан-ішектен қан кету. Ауыздағы жағымсыз иіс, ішек бітелісі, эзофагит, асқазан ойық жарасы, субилеус, ауыз құрғауы, еріннің ойық жарасы, құлақ маңы сілекей безінің сілекей бездері ағыны обструкциясы, гастроэзофагеальді рефлюкс ауруы, қызыл иек гиперплазиясы және перитонит даму жағдайлары тіркелді. Бауыр және өт шығару жолдары тарапынан бұзылулар Жиі:Бауырдың функционалдық тестілерінің нормадан ауытқуы Тері және тері асты тіндері тарапынан бұзылулар Жиі емес: Таздану, соғылу, акне. Сирек: Бөртпе. Бұлшықет, қаңқа және дәнекер тін тарапынан бұзылулар Жиі: Артралгия, астения, миалгия. Жиі емес: Бұлшықет құрысулары. Артрит пен арқадағы ауырсынудың жеке жағдайлары тіркелді. Бауыр мен өт шығару жолдары тарапынан бұзылулар Жиі: Қандағы креатинин деңгейінің жоғарылауы. Жиі емес: Уретра стриктурлары. Гематурия мен бүйрек өзекшелері некрозының жекелеген жағдайлары тіркелді. Енгізу орнындағы жалпы бұзылулар мен реакциялар Жиі: Қажу, гипертермия. Жиі емес: Тұмауға ұқсас ауру, шеткері ісіну, ауырсыну. Аяқтың ісінуі, бұлшықеттің түйілуі және әлсіздік жағдайлары тіркелді. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Күтілетін жағымсыз әсерлер барлық пациенттерде байқалмаған, Майфортик®препаратымен көзделген немесе кездейсоқ артық дозаланудың кейбір жағдайлары тіркелген. Артық дозалану жағдайлары кезінде хабарланған жағымсыз әсерлер осы ДП класының белгілі қауіпсіздік бейініне сәйкес келеді. Осылайша, Майфортик® препаратының артық дозалануы иммундық жүйенің шамадан тыс супрессиясына әкелуі және оппортунистік инфекцияларды, өлімге әкелетін инвазияларға және сепсисті қоса, инфекцияларға сезімталдықты арттыруы мүмкін. Қан дискразиясы дамығанда (мысалы, нейтрофилдердің <1,5 х 103/мкл абсолютті санымен нейтропения немесе анемия) Майфортик® препаратымен емдеуді тоқтата тұру немесе тоқтатқан дұрыс болады. МФҚГ белсенді емес метаболиті шығарылуы үшін диализ қолдануға болатынына қарамастан, ол МФҚ белсенді фрагментінің клиникалық маңызды мөлшерін жояды деп күтуге болмайды. Бұл едәуір дәрежеде плазма ақуыздарымен жоғары деңгейде (97%) МФҚ байланысуы себебінен болады. Холестирамин және өт қышқылдарының басқа секвестранттары ішектен МФҚ сіңуін нашарлатады, соған сәйкес, қанда оның концентрациясының төмендеуіне әкелуі мүмкін.

Сирек тұқым қуалайтын гипоксантин-гуанин фосфорибозил-трансфераза (ГГФТ) жеткіліксіздігі бар пациенттер Майфортик® препараты инозинмонофосфатдегидрогеназа тежегіші болып табылады, сондықтан бұл препаратты сирек тұқым қуалайтын гипоксантин-гуанин фосфорибозил-трансфераза (ГГФТ) жеткіліксіздігі, мысалы, Леш-Найхан және Келли-Сигмиллер синдромы бар пациенттерде қолдануға болмайды. Ұрпақ өрбіту потенциалы сақталған әйелдерде жүктілік кезінде және бала емізу кезеңінде қолдану Майфортик® препаратын қолдану өздігінен түсік тастау мен туа біткен даму ақаулары жағдайларын қоса, жүктілікті аяғына дейін көтере алмау қаупінің жоғарылауымен астасады. Майфортик® препаратын қолдануды жүктілік тестінің теріс нәтижесін алғанға дейін ұрпақ өрбіту потенциалы сақталған әйелдерде бастауға болмайды («Арнайы ескертулер» бөлімін қараңыз). Майфортик® препаратын жүктілік және бала емізу кезеңінде қолдануға болмайды («Арнайы ескертулер» бөлімін қараңыз). Қатерлі түзілімдер Біріктірілген иммунсупрессиялық, соның ішінде Майфортик® препараты (әсіресе ұзақ уақыт бойы жоғары дозаларда) қамтылған ем алатын пациенттерде, әсіресе, терідегі лимфомалар мен басқа да қатерлі түзілімдердің даму қаупі жоғары. Майфортик® препаратының геноуыттылық әсерінің қосымша дәлелі бар. Тері қатерлі ісігінің даму қаупін азайту үшін қорғаныш киімін кию және жоғары қорғаныш факторы бар күннен қорғайтын кремді қолдану арқылы күн сәулесі мен ультракүлгін сәулелердің әсерін мүмкіндігінше шектеу керек. Инфекциялар Иммундық жүйе функциясының айқын тежелуі оппортунистік инфекциялар, өлімге әкелетін инвазиялар мен сепсисті қоса, инфекцияларға сезімталдықты арттырады. Микофенол қышқылының туындыларын, натрий микофенолатын (Майфортик®) және микофенолат мофетилін қоса, иммунодепрессанттармен ем алған пациенттерде В гепатиті (ВГВ) мен C гепатитінің (ВГС) қайта белсенділенуі білінді. Инфекция жұқтырған пациенттерге В гепатиті мен C гепатиті белсенді инфекциясының клиникалық және зертханалық көріністері тұрғысынан бақылауды қамтамасыз ету ұсынылады. Микофенолат мофетилі мен натрий микофенолатын қоса, МФҚ туындыларын қабылдаған пациенттерде үдемелі мультифокальді лейкоэнцефалопатияның (ҮМЛ) кейде өлімге соқтыратын даму жағдайлары жөнінде хабарламалар бар. Үдемелі мультифокальді лейкоэнцефалопатия - JCV вирусы тудыратын ОЖЖ оппортунистік инфекциясы. Негізгі аурудың болуы, басқа иммунодепрессанттарды бір мезгілде қолдану және энцефалопатияның ұзақ жасырын кезеңі себеп-салдарлық байланысын бағалауды қиындатады, алайда микофенол қышқылының осы жағдайдың патогенезіне қатысуын жоққа шығаруға болмайды. Үдемелі мультифокальді лейкоэнцефалопатия неврологиялық симптомдары бар иммунитеті төмендеген пациенттерде дифференциалды диагностика аясында қарастырылуы керек. Полиомавируспен астасқан, әсіресе ВК вирусынан туындаған нефропатия (PVAN) бүйрек функциясының нашарлауы байқалатын иммуносупрессиямен ауыратын пациенттерде дифференциалды диагностика кезінде ескерілуі керек (Жағымсыз реакциялардың сипаттамасы бөлімін қараңыз). Майфортик препаратының В- және Т- лимфоциттеріне цитостатикалық әсеріне байланысты COVID-19 асқынуы мүмкін. Клиникалық маңызды COVID-19 жағдайында тиісті клиникалық шараларды қарастырған жөн. Вакцинация Пациенттерге МФҚ емі кезінде вакцинация тиімділігінің аз екенін және тірі аттенуирленген вакциналарды пайдаланбау керегін ескерту керек. Тұмауға қарсы вакцинация пайдалы болуы мүмкін. Бұл мәселені тұмауға қарсы вакцинацияға қатысты ұлттық нұсқаулармен үйлестіру керек. Асқазан-ішек жолы тарапынан бұзылулар МФҚ туындыларын пайдаланудың ас қорыту жүйесі тарапынан болатын асқазан-ішек жолының ойық жаралары, асқазан-ішектен қан кетулер мен ішек тесілуінің сирек жағдайларын қамтитын жағымсыз әсерлердің жоғары жиілігімен бірігуіне байланысты, Майфортик® препаратын өршу фазасындағы асқазан-ішек жолының ауыр аурулары бар пациенттерге абайлап тағайындау керек. Қандағы глюкоза деңгейінің өзгеруі Майфортик® препаратын қабылдайтын пациенттер нейтропения немесе анемияның дамуына қатысты бақылауда болуы керек, олар МФҚ терапиясының өзіне байланысты болуы мүмкін немесе қатар жүретін препараттарды, вирустық инфекцияны немесе осы себептердің жиынтығын қолданудың нәтижесі болуы ықтимал. Клиникалық қан талдауы емдеудің бірінші айында апта сайын, екінші және үшінші айларда айына екі рет, содан кейін бірінші жылы ай сайын жүргізілуі керек. Нейтрофилдердің абсолютті саны <1,5×103/мкл нейтропения немесе анемия дамыған жағдайда Майфортик®препаратын қабылдауды тоқтата тұрған немесе тоқтатқан жөн. МФҚ басқа иммунодепрессанттармен біріктіріп қабылдаған пациенттерде шынайы қызыл жасушалы аплазия (ШҚА) даму жағдайлары туралы хабарланды. Микофенол қышқылының ШҚА дамуын қалай тудыратыны немесе басқа иммунодепрессанттар мен олардың біріктірілімдері қандай әсер ететіні белгісіз. Кейбір жағдайларда ШҚА дозаны азайтып, емді тоқтатқаннан кейін қайтымды болды. Трансплантация болған пациенттерде иммуносупрессияның төмендеуі трансплантаттың қабылданбай ажырауы қаупінің жоғарылауын білдіреді. Осы себепті Майфортик® препаратын қолдану оның қабылданбай ажырауы қаупін азайту мақсатында трансплантат реципиенттерінің мұқият бақылауымен ғана жүзеге асырылуы тиіс. Майфортик® препаратын қабылдап жүрген пациенттерге инфекцияның кез келген белгілері, түсініксіз қанталау, қан кету немесе сүйек кемігі функциясы бәсеңдеуінің кез келген басқа симптомдары туралы өз дәрігеріне дереу хабарлауын тапсыру керек. Лактоза Майфортик құрамында лактоза бар. Тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттер Майфортик препаратын қабылдамағандары жөн. Майфортик 180 мг, үлбірлі қабықпен қапталған таблеткалар: Бұл дәрілік препарат құрамында бір үлбірлі қабықпен қапталған таблеткада 1 ммоль аз (23 мг) натрий бар, яғни құрамында натрий жоқ деуге болады. Майфортик 360 мг, үлбірлі қабықпен қапталған таблеткалар: Дәрілік препараттың құрамында үлбірлі қабықпен қапталған таблеткаға 26 мг натрий болады, бұл ересек адамда ДДҰ ұсынған натрийді тамақпен бірге тұтынудың ең жоғары тәуліктік нормасының 1,3%-ына баламалы (2 г). Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Препараттың автокөлікті басқару және механизмдермен жұмыс істеу қабілетіне әсері бойынша зерттеулер жүргізілген жоқ. Тіркелген жағымсыз әсерлер мұндай ықпалының ықтималдығы аз екенін көрсетеді.

Майфортик® препаратын жүктілік кезінде, сондай-ақ тиімді контрацепцияны қолданбайтын бала туу жасындағы әйелдерде қолдануға болмайды («Қолдануға болмайтын жағдайлар» бөлімін қараңыз). Емдеу басталғанға дейін ұрпақ өрбіту жасындағы әйел және еркек жынысты пациенттерге жүктілік кезінде түсік тастау және туа біткен даму ақаулары қаупі жоғары екендігі туралы ескертілуі, сондай-ақ қалай жүктіліктің алдын алу және жоспарлау туралы хабардар етілуі тиіс. Жүктілік кезінде Майфортик® препаратын қолдану туа біткен ақаулардың жоғары қаупімен байланысты. Жүкті әйелдерде Майфортик® қолданудың талапқа сай және жақсы бақыланатын зерттеулерінің болмауына қарамастан, микофенолат мофетилін жүктілік кезінде басқа иммунодепрессанттармен біріктіріп қабылдаған пациенттердің балаларында тіркеуден кейінгі микофенолат мофетилін зерттеу барысында туа біткен даму кемістіктері, оның ішінде көптеген даму ақаулары сипатталған. Ең жиі кездесетін ақаулар мыналар болды: • Бет сүйегі дамуындағы ақаулар, мысалы, жырық ерін және/немесе таңдай, микрогнатия және орбитальді гипертелоризм. • құлақ құрылымының ауытқулары (мысалы, сыртқы/ішкі құлақ пішінінің өзгеруі немесе болмауы) және көз (мысалы, колобома, микрофтальм); • саусақ құрылымының ауытқулары (мысалы, полидактилия, синдактилия, брахидактилия); • жүрек құрылымының ауытқулары, мысалы, жүрекше аралық және қарыншаралық қалқаның ақаулары; • өңеш құрылымының ауытқулары (мысалы, өңеш атрезиясы); • ОЖЖ дамуының ақаулары (мысалы, spina bifida). Медициналық әдебиеттерде ұсынылған мәліметтерге сәйкес, тірі туылған нәрестелердің 23-27%-ында ақаулар тіркелді, олардың аналары жүктілік кезінде микофенолат мофетилін алды. Салыстыру үшін, даму кемістігінің қаупі жалпы популяцияда шамамен 2%-ды және микофенолат мофетилінен басқа, басқа иммунодепрессанттарды алған тығыз ағзалар трансплантаттары реципиент-пациенттерінің популяциясында 4-5%-ды құрайды. Өздігінен түсік тастау микофенолат мофетилін қабылдаған пациенттерде, негізінен жүктіліктің бірінші триместрінде байқалды («Жағымсыз реакциялар», «Тіркеуден кейінгі қолдану тәжірибесі» бөлімдерін қараңыз). Медициналық әдебиеттердің деректеріне сәйкес, микофенолат мофетилін қолданумен астасқан қауіп басқа иммунодепрессанттарды алған тығыз ағзалар трансплантаттарының реципиенттері тобындағы 12-33%-бен салыстырғанда 45-49%-ға бағаланады. Пероральді немесе вена ішіне қолданғаннан кейін ММФ МФҚ-ға айналатындықтан, жоғарыда аталған қауіптерді Майфортик® препаратына қатысты да ескеру қажет. Майфортик® қолдану басталғанға дейін ұрпақ өрбіту потенциалы сақталған әйелдер сезімталдығы кемінде 25 мХБ/мл болатын жүктілік тестісінің (сарысудағы немесе несептегі бета-ХГЧ тестісі) екі теріс нәтижесін алуы тиіс. Қайталама тест біріншіден соң 8-10 күннен кейін және тікелей Майфортик® препаратын қолдану алдында жүргізілуі тиіс. Жүктілікке тест одан кейінгі күнделікті бақылау уақытында да жүргізілуі қажет. Барлық жүктілікке тесттің нәтижелері пациентпен талқылануы керек. Пациент әйелге жүкті екенін түсінгенде, дереу дәрігермен байланысу ұсынылуы керек. Емдеу басталғанға дейін, емдеу барысында және Майфортик® қолдану аяқталғаннан кейін 6 апта ішінде ұрпақ өрбіту потенциалы сақталған әйелдер де препараттың мутагендік және тератогендік қасиеттеріне байланысты контрацепцияның сенімді әдістерін (кем дегенде бір тиімділігі жоғары әдіс, жыныстық қатынастан бас тарту бұл кезде контрацепцияның қолайлы әдісі деп есептелмейтін жағдайда) пайдалануы тиіс. Жыныстық өмір сүретін ер адамдар емдеу кезеңінде және препараттың соңғы дозасын қолданғаннан кейін кем дегенде 90 күн ішінде мүшеқаптар қолдануы керек. Мүшеқапты қолдану талабы ұрпақ өрбіту потенциалы сақталған еркектерге де, вазэктомиядан өткен еркектерге де қатысты, өйткені шәуеттің алмасуымен байланысты қауіптер вазэктомиядан кейінгі пациенттер үшін де маңызды. Майфортик® қабылдайтын пациенттердің әйел-жыныстық жұптастары емдеу барысында және пациент препараттың соңғы дозасын қабылдағаннан кейін 90 күн ішінде контрацепцияның жоғары тиімді әдісін пайдалануы тиіс. Майфортик® бала емізу кезеңінде емшек еметін нәрестелерде елеулі жағымсыз реакциялардың ықтимал дамуы салдарынан қарсы көрсетілген («Қолдануға болмайтын жағдайлар» бөлімін қараңыз). Лактоза Майфортик® препаратының құрамында лактоза бар. Галактоза жақпаушылығы, лактазаның ауыр жеткіліксіздігі немесе глюкоза-галактоза мальабсорбциясы сияқты сирек тұқым қуалайтын бұзылулары бар пациенттерге Майфортик® препаратын қабылдауға болмайды. Майфортик 180 мг, үлбірлі қабықпен қапталған таблеткалар: Бұл дәрілік препарат құрамында бір үлбірлі қабықпен қапталға таблеткада 1 ммоль аз (23 мг) натрий бар, яғни құрамында натрий жоқ деуге болады. Майфортик 360 мг, үлбірлі қабықпен қапталған таблеткалар: Дәрілік препараттың құрамында үлбірлі қабықпен қапталған таблеткаға 26 мг натрий болады, бұл ересек адамда ДДҰ ұсынған натрийді тамақпен бірге тұтынудың ең жоғары тәуліктік нормасының 1,3%-ына баламалы (2 г).

Дәрілік препараттың басқа препараттарға әсері Клиникалық сынақтарда Майфортик® препараты мынадай препараттармен: антитимоцитарлы глобулинмен, базиликсимабпен, циклоспорин микроэмульсиясымен және кортикостероидтармен біріктірілімде енгізілді. Майфортик® препаратын азатиоприн және такролимус сияқты басқа иммунодепрессанттармен біріктіріп қолданудың тиімділігі мен қауіпсіздігі зерттелмеген. Майфортик® препаратын азатиопринмен бір мезгілде тағайындау ұсынылмайды, өйткені екі препарат та сүйек кемігінің аплазиясын тудыруы мүмкін. Такролимус препараты туралы ақпарат алу үшін «Басқа дәрілік заттармен өзара әрекеттесуі» бөлімін қараңыз. Гастропротекторлар Құрамында магний немесе алюминий гидроксиді бар антацидтер Майфортик® препаратын және құрамында магний және алюминий гидроксиді бар антацидтерді бір мезгілде қолдану МФҚ «концентрация-уақыт» (AUC) қисығы бойынша ауданның 37%-ға төмендеуіне және МФҚ ең жоғары концентрациясының 25%-ға төмендеуіне әкелді. Сондықтан Майфортик® және құрамында магний мен алюминий гидроксиді бар антацидтерді бір мезгілде тағайындаудан аулақ болу керек. Протонды помпа тежегіштері Дені сау еріктілерде Майфортик® препаратын және пантопразолды бір мезгілде қолданғаннан кейін (алдыңғы 4 күн ішінде тәулігіне екі рет 40 мг) МФҚ фармакокинетикасының өзгерістері байқалған жоқ. Холестирамин және энтерогепатикалық айналымға әсер ететін басқа препараттар Дәрілік заттардың бастапқы сіңірілуін және энтерогепатикалық айналымын бөгеу қабілетіне байланысты холестирамин МФҚ биожетімділігін төмендетуі мүмкін. Холестираминді энтерогепатикалық айналымға әсер ететін басқа препараттармен, мысалы, антибиотиктермен бірге тағайындау Майфортик® препаратының тиімділігін төмендетуі мүмкін, сондықтан МФҚ деңгейін мұқият бақылаумен қатар жүруі тиіс. Препаратты антибиотиктермен бірге қолданумен зерттеулер жүргізілген жоқ. Такролимус Бүйрек трансплантациясынан өткен және циклоспорин мен такролимуспен демеуші ем алатын пациенттерде айқаспалы зерттеу кезінде МФҚ және МФҚГ (микофенол қышқылының глюкурониді) тепе-теңдік фармакокинетикасына бағалау жүргізілді. МФҚ AUC орташа мәні циклоспоринмен салыстырғанда такролимусты қолданғанда 19% жоғары, ал Cmax шамамен 20% төмен болды. МФҚ AUC және МФҚГ Cmax орташа мәні циклоспоринмен салыстырғанда такролимусты қолданғанда шамамен 30% төмен болды. МФҚ деңгейлерін бақылау және қажет болған жағдайда циклоспорин мен Майфортик® біріктірілімінен такролимус пен Майфортик® біріктіріліміне ауысу кезінде Майфортик® дозасын түзету ұсынылады («Қолдану кезінде қажетті сақтық шаралары» бөлімін қараңыз). Циклоспорин А Циклоспорин микроэмульсиясының фармакокинетикасына Майфортик® тұрақты дозаларын енгізу әсер етпейді. Басқа дәрілік препараттардың Майфортикке® әсері Ацикловир және белсенді өзекшелі секрецияға бейім басқа препараттар өзекшелі секреция үшін МФҚГ-мен бәсекелесе алады. Осындай біріктірілімдер алатын пациенттерді мұқият бақылау керек. Ганцикловир Ганцикловир мен Майфортик® бір мезгілде қолдану МФҚ және МФҚГ фармакокинетикасына әсер етпейді. Қан плазмасындағы МФҚ емдік концентрациясы ганцикловир клиренсіне әсер етпейді. Алайда, бір мезгілде Майфортик пен ганцикловир алатын бүйрек жеткіліксіздігі бар пациенттерде ганцикловир дозасы бойынша ұсыныстарды сақтау керек және мұндай пациенттерді мұқият бақылап отыру керек. Пероральді контрацептивтер Майфортик® препаратын қолданудың пероральді контрацептивтер фармакокинетикасына әсері белгісіз болғандықтан, бұл препараттың пероральді контрацептивтер тиімділігіне теріс әсерін жоққа шығаруға болмайды.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Ылғалдан қорғалған жерде, 30 С-ден аспайтын температурада сақтау керек. Балалардың қолы жетпейтін жерде сақтау керек!