Максигра таблетки 100 мг

Бір таблетканың құрамында белсенді зат- 70.24 мг немесе 140.48 мг силденафил цитраты (тиісінше, 50.00 мг немесе 100.00 мг силденафилге баламалы) қосымша заттар - маннитол, кросповидон (А типі), повидон (К 25), коллоидты кремнийдің қостотығы, жүгері крахмалы, магний стеараты, натрий лаурилсульфаты қабық құрамы: гипромеллоза (15 mPas), макрогол 6000, титанның қостотығы Е171, тальк, индигокармин Е132. Сыртқы түрінің, иісінің, дәмінің сипаттамасы Дөңгелек пішінді, екі беті дөңес, көгілдір түсті үлбірлі қабықпен қапталған диаметрі (8.0-8.4) мм таблеткалар (50 мг доза үшін). Дөңгелек пішінді, екі беті дөңес, көгілдір түсті үлбірлі қабықпен қапталған диаметрі (10.0-10.4) мм таблеткалар (100 мг доза үшін).

Максигра препаратының құрамында әсер етуші зат — 5 типті фосфодиэстераза (ФДЭ-5) тежегіштері деп аталатын дәрілік препараттар тобына жататын силденафил бар. Препарат сексуалдық қозу кезінде жыныс мүшесіне қанның ағып келуіне мүмкіндік беріп, жыныс мүшесіндегі қан тамырларының босаңсуына ықпал етеді. Максигра Cізге тек сексуалдық стимуляция жағдайында эрекцияға жетуге көмектеседі. Максигра импотенция ретінде де белгілі эректильді дисфункция бар ересек ерлерді емдеуге арналған. Бұл ер адамға жыныстық қатынас жасау үшін жыныс мүшесінің барынша қатты, эрегацияланған күйіне жету немесе оны сақтап тұру мүмкін болмайтын жай-күй.

Әсер ету механизмі Силденафил - эрекция бұзылуын емдеуге арналған пероральді препарат. Табиғи жағдайларда, яғни сексуалдық стимуляция кезінде препарат жыныс мүшесіне қанның ағып келуін арттыру жолымен эректильді функцияның бұзылуын қалыпқа келтіреді. Жыныс мүшесі эрекциясының физиологиялық механизмі сексуалдық стимуляция кезінде қуысты денеде азот тотығын (NO) босатып шығарумен жүзеге асады. Азот тотығы гуанилатциклаза ферментін белсендіреді, бұл циклдық гуанозинмонофосфат (цГМФ) деңгейінің жоғарылауына, қуысты дене тегіс бұлшықеттерінің босаңсуына және жыныс мүшесінде қан ағымының күшеюіне алып келеді. Силденафил цГМФ-спецификалық 5 типті фосфодиэстеразаның (ФДЭ5) қуатты және селективті тежегіші болып табылады, ол қуысты денеде цГМФ ыдырауына жауапты. Силденафил эрекцияға шеткері әсерін көрсетеді. Силденафил қуысты денеге тікелей босаңсыту әсерін көрсетпейді, бірақ осы тінге NO босаңсыту әсерін белсенді күшейтеді. Сексуалдық қозу кезінде байқалатын NO/цГМФ жолын белсендіргенде силденафил ықпалымен ФДЭ5 бәсеңдеуі қуысты денеде цГМФ деңгейінің артуына алып келеді. Осыған байланысты, силденафилдің жайлы фармакологиялық әсерінің көрініс беруі үшін сексуалдық стимуляция қажет. Фармакодинамикалық әсерлері Іn vitro зерттеулері силденафилдің эрекция үдерісіне қатысатын ФДЭ5-ке таңдамалы әсер ететінін айғақтайды. Силденафилдің ФДЭ5-ке әсері фосфодиэстеразаның кез келген басқа белгілі изотүрлеріне әсерінен әлдеқайда күштірек. Оның ФДЭ5-ке селективтілігі көз торқабығындағы фототрансдукция механизміне қатысатын ФДЭ6-дағы осындайынан 10 есе асып түседі. Ең жоғары ұсынылатын дозасында силденафилдің ФДЭ5-ке селективтілігі ФДЭ1-ге селективтілігінен 80 еседен көп, ал ФДЭ 2, 3, 4, 7, 8, 9, 10, 11 тараптарына 700 еседен артық асып кетеді. Атап айтқанда, силденафилдің ФДЭ5-ке селективтілігі оның миокард жиырылуын реттеуге қатысатын ФДЭ3 – цАМФ-спецификалық фосфодиэстеразасына селективтілігінен 4 000 еседен астам артық болады. Клиникалық тиімділігі және қауіпсіздігі Екі клиникалық зерттеу сексуалдық стимуляцияға жауап ретінде эрекцияның пайда болуына қажетті силденафилді қабылдаудан кейінгі уақыт аралығын белгілеу үшін арнайы жасақталды. Силденафилді аш қарынға қабылдаған пациенттерде жыныс мүшесіне (RigiScan аспабында) жасалған плетизмография деректері бойынша серіппелігі 60% (жыныс қатынасын жасауға жеткілікті) эрекцияның препаратты қабылдаудан кейін, орта есеппен, 25 минут (12-37 минут) өткен соң тіркелгені анықталды. RigiScan аспабы пайдаланылған басқа зерттеуде силденафил әсері препаратты қабылдаудан кейін 4-5 сағат ішіндегі сексуалдық стимуляцияға жауап ретінде эрекцияның пайда болуына ықпал ете алады. Силденафил артериялық қысымның аздаған өтпелі төмендеуін тудырады, ол көпшілік жағдайларда гипотензияның клиникалық симптомдарының пайда болуымен қатар жүрмейді. Препаратты 100 мг дозада ішке қолданғанда жатқан қалыптағы систолалық артериялық қысымның барынша төмендеуі, орта есеппен, 8,4 мм сын. бағ. құрады. Жатқан қалыптағы диастолалық артериялық қысымның барынша төмендеуі 5,5 мм сын. бағ. құрады. Артериялық қысымның төмендеуі тамырлардың тегіс бұлшықеттерінде цГМФ деңгейінің жоғарылауы есебінен болуы мүмкін силденафилдің вазодилатациялау әсерімен түсіндіріледі. Силденафилді 100 мг дейінгі дозаларда бір рет ішке қабылдау дені сау еріктілерде ЭКГ клиникалық мәнді өзгерістеріне әкелмеді. Жүректің ауыр ишемиялық ауруы (ЖИА) бар (кем дегенде, бір коронарлық артерия стенозы 70%-дан астам) 14 пациентте бір реттік 100 мг дозада пероральді қабылданған силденафилдің гемодинамикалық әсерінің зерттеуінде тыныштық күйіндегі систолалық және диастолалық АҚ, бастапқы көрсеткіштермен салыстырғанда, тиісінше, орта есеппен, 7% және 6% азайды. Өкпе артериясындағы систолалық қысым, орта есеппен, 9% төмендеді. Силденафил жүрек лықсуына ықпал етпеді және стеноздалған коронарлық артериялардағы қан ағымын бұзбады. Жүрек қыспасына қарсы препараттар (нитраттардан басқа) қабылдаған эректильді дисфункция мен тұрақты стенокардия бар 144 пациенттің қатысуымен салыстырмалы жасырын плацебо-бақыланатын зерттеуде физикалық жүктеме көтерімділігі бағаланды. Зерттеу нәтижелері бойынша физикалық жүктемемен тест өткізгенде стенокардия ұстамасының туындау уақытына қарай силденафил мен плацебо арасында клиникалық мәнді айырмашылықтар анықталмады. Кейбір пациенттерде силденафилді 100 мг дозада қабылдаудан кейін 1 сағаттан соң Фарнсворт-Мунсель 100 тестісінің көмегімен түс реңдерін (көк/жасыл) ажырату қабілетінің жеңіл және өткінші бұзылуы анықталды. Препаратты қабылдаудан кейін 2 сағаттан соң бұл өзгерістер болмады. Түсті тану қабілетінің бұзылуын көз торқабығындағы фототрансдукция үдерісіне қатысатын ФДЭ6 тежелісі туындатады деп саналады. Силденафил көру өткірлігіне немесе контрастылықты қабылдауға ықпалын тигізбеді. Жас ұлғаюымен макулярлық дегенерациясы диагностикаланған пациенттерге (n = 9) жүргізілген шағын плацебо-бақыланатын айқаспалы зерттеуде силденафил 100 мг бір реттік дозада арнаулы көріністік тестілер (көру өткірлігі, Амслер торы, түсті тану, бағдаршам түстерін ажырату тестісі, Хэмфри периметрі және фотостресс) бойынша бағаланған көру қабілетінің ешқандай клиникалық мәнді өзгерістерін тудырмады. Дені сау еріктілердің қатысуымен зерттеулерде 100 мг силденафилді бір рет пероральді қабылдаудың сперматозоидтар қозғалғыштығына және морфологиясына ықпалын тигізбейтіні анықталды (4.6 бөлімін қараңыз). Клиникалық зерттеулер туралы қосымша ақпарат Силденафилдің клиникалық зерттеулеріне 19-дан 87 жасқа дейінгі 8 000-нан астам пациент қатысты. Пациенттердің келесі топтары: егде жастағылар (19,9%), артериялық гипертензия (30,9%), қант диабеті (20,3%), жүректің ишемиялық ауруы (5,8%), гиперлипидемия (19,8%), жұлын миының зақымдануы (0,6%), депрессия (5,2%), простатаны уретра арқылы резекциялау (3,7%), радикалдық простатэктомия (3,3%) болған пациенттер ұсынылды. Пациенттердің келесі топтары клиникалық зерттеулерге жақсы ұсынылмады немесе олардан шығарылды: кіші жамбас ағзаларына жасалған операциялардан кейінгі пациенттер, сәулемен емдеуден кейінгі пациенттер, бүйрек немесе бауырдың ауыр жеткіліксіздігі бар пациенттер және кейбір жүрек-қантамыр патологиялары бар пациенттер (4.3 бөлімін қараңыз). Бекітілген дозамен жүргізілген зерттеулер деректері бойынша эрекцияның жақсаруы жөнінде мәлімдеген пациенттер пайызы, плацебо аясындағы 25%-бен салыстырғанда, 62% (25 мг), 74% (50 мг) және 82% (100 мг) құрады. Бақыланатын клиникалық зерттеулерде силденафил қабылдаған топтардағы зерттеуден мерзімінен бұрын шығып қалған пациенттер пайызы шағын және плацебо алған топтармен салыстырмалы болды. Барлық клиникалық зерттеулер деректері бойынша силденафилмен ем аясында жақсаруын атап өткен пациенттер пайызы: психогенді эректильді дисфункцияда – 84%, аралас генездегі эректильді дисфункцияда – 77%, органикалық генезді эректильді дисфункцияда – 68%, егде жастағыларда – 67%, қант диабеті бар пациенттерде – 59%, жүректің ишемиялық ауруында – 69%, артериялық гипертензияда – 68%, простатаның уретра арқылы резекциясында – 61%, радикалдық простатэктомияда – 43%, жұлын миының зақымдануында – 83%, депрессия бар пациенттерде – 75% құрады. Силденафил қолданудің қауіпсіздігі мен тиімділігі ұзақ мерзімді клиникалық зерттеулерде расталды. Балалар Еуропалық дәрілік заттар жөніндегі агенттік балалар жасындағы пациенттердің барлық қосалқы топтарында эректильді дисфункцияны емдеуге арналған силденафил зерттеулерінің қорытындыларын беру міндеттемесін орындауды талап ету құқығынан бас тартты. Препараттың балаларда қолданылуы туралы ақпарат алу үшін 4.2 бөлімін қараңыз.

Препаратты үнемі тура дәрігер немесе фармацевт ұсынғандай қабылдау керек. Қосымша сұрақтар туындаған жағдайда дәрігермен немесе фармацевтпен кеңесу қажет. Дозалау режимі Препараттың ұсынылатын бастапқы дозасы - 50 мг. Енгізу әдісі және жолы Ішке қабылдау үшін. Таблетканы бір стақан сумен іше отырып, тұтастай жұту қажет. Қабылдау уақытының көрсетілуімен қолдану жиілігі Максигра препаратын күніне бір реттен жиірек қабылдауға болмайды. Максигра препаратын пациент секспен айналысуды жоспарлаған уақыттан шамамен бір сағат бұрын қабылдау керек. Егер Максигра препаратын қабылдау әсері тым күшті немесе тым әлсіз болып көрінсе, емдеуші дәрігерге немесе фармацевтке хабарлау қажет. Емдеу ұзақтығы Максигра препараты пациентке сексуалдық стимуляция жағдайында ғана эрекцияға жетуге көмектеседі. Максигра препараты әсер ете бастауы үшін қажетті уақыт аралығы әр алуан адамдарда ерекшеленеді, бірақ әдетте жарты сағаттан бір сағатқа дейін құрайды. Пациентке ауыр тамақпен қабылдаған жағдайда Максигра препараты әсерінің басталуы үшін көп уақыт керек болуы мүмкін екені белгілі болады. Егер Максигра препараты пациентке эрекцияға жетуге көмектеспесе немесе егер пациент эрекциясы жыныстық қатынасты аяқтауға жеткіліксіз ұзақ жалғасса, бұл жөнінде емдеуші дәрігерге хабарлау керек. Дәрілік препаратты қолдану тәсілін түсініп алу үшін медициналық қызметкер кеңесіне жүгіну жөніндегі нұсқаулар Егер пациентте осы препаратты қолдану жөнінде қосымша сұрақтар туындаса, дәрігермен, фармацевтпен немесе мейіргермен кеңесу қажет.

• әсер етуші затқа немесе «Қосымша мәліметтер» бөлімінде сипатталған қосымша заттардың кез келгеніне аса жоғары сезімталдық • азот тотығының донаторлары (амилнитрит) немесе кез келген түрдегі нитраттар болып табылатын препараттарды бір мезгілде қабылдау • гуанилатциклаза стимуляторларымен (риоцигуат) бір мезгілде қабылдау • бауырдың ауыр жеткіліксіздігі • көз торқабығының тұқым қуалайтын дегенерациялық аурулары (мысалы, тұқым қуалайтын пигментті ретинит (осы пациенттердің шағын санында торқабық фосфодиэстеразасы функциясының тұқым қуалайтын аурулары бар)) • көру жүйкесінің алдыңғы артериитті емес ишемиялық нейропатиясы (КЖААИН) салдарынан, бұл көрініс осының алдында ФДЭ-5 тежегішін қолданумен байланысты болған-болмағанына қарамастан, бір көздің көрмей қалуы • артериялық гипотензия (АҚ < 90/50 мм сын. бағ.) • ауыр жүрек-қантамыр аурулары (мысалы, жүректің ауыр жеткіліксіздігі, тұрақсыз стенокардия) • соңғы 6 айда өткерілген миокард инфарктісі • соңғы 6 айда өткерілген инсульт. Тіркелген көрсетілім бойынша препарат балалар мен 18 жасқа дейінгі жасөспірімдерге және әйелдерге арналмаған.

Өте жиі • бас ауыру Жиі • бас айналу • мұрын бітелуі • түрлі түстердің бұрмаланып көрінуі (хлоропсия, хроматопсия, цианопсия, эритропсия, ксантопсия), көру бұзылысы, анық көрмеу • гиперемия, қан кернеулер • диспепсия, жүрек айну Жиі емес • ринит • аса жоғары сезімталдық • ұйқышылдық, гипестезия • көз жасының ағуымен байланысты бұзылулар (көздің құрғап кетуі, көз жасы безі функциясының бұзылуы, көз жасының көп ағуы), көздің ауыруы, фотофобия, фотопсия, көз тамырларының гиперемиясы, айқын көру қабілеті, конъюнктивит • кеңістікте бағдардан жаңылу (вертиго), құлақтағы шуыл • тахикардия, жүрек соғуын сезіну • артериялық гипертензия, артериялық гипотензия • мұрыннан қан кету, мұрын қосалқы қойнауларының бітелуі • іштің жоғарғы бөлігінің ауыруы, гастроэзофагеальді рефлюкс ауруы, құсу, ауыз кеберсуі • бөртпе • миалгия, аяқ-қол ауыруы • гематурия • кеуде қуысының ауыруы, қатты қалжырау, ысыну сезімі • жүректің жиырылу жиілігінің артуы Сирек • ми қан айналымының жедел бұзылуы, транзиторлы ишемиялық шабуыл, құрысу ұстамасы*, құрысу ұстамаларының қайталануы*, естен тану • көру жүйкесінің алдыңғы артериитті емес ишемиялық нейропатиясы*, торқабық тамырларының окклюзиясы*, торқабыққа қан құйылу, артериосклерозды ретинопатия, торқабық ауруы, глаукома, көру өрісінің ақауы, диплопия, көру өткірлігінің төмендеуі, миопия, астенопия, шыны тәрізді дене бетінің жүзінді бұлыңғырлануы, нұрлы қабық ауруы, мидриаз, көру өрісінде нұрлы шеңберлердің болуы, көздің ісінуі, көздің ісіп кетуі, көру бұзылысы, конъюнктивалық гиперемия, көздің тітіркенуі, көздегі әдеттен тыс түйсік, қабақ ісінуі, ақ қабық түсінің өзгеруі • кереңдік • жүректен болған кенет өлім*, миокард инфарктісі, қарыншалық аритмия*, жүрекшелер фибрилляциясы, тұрақсыз стенокардия • тамақтағы қысылу сезімі, мұрын ісінуі, мұрын шырышты қабығының құрғауы • ауыз ішілік гипестезия • Стивенс-Джонсон синдромы*, уытты эпидермалық некролиз* • пенистен қан кету, приапизм*, гематоспермия, эрекцияның күшеюі • тітіркену * Тіркеуден кейінгі қадағалау кезінде ғана тіркелген жағымсыз реакциялар Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Пациентте жағымсыз реакциялар саны және олардың көрініс беру ауырлығы артуы мүмкін. Препараттың 100 мг мөлшерден артық дозасы оның тиімділігін арттырады. Таблеткаларды емдеуші дәрігердің жазып берген санынан көп қабылдауға болмайды. Егер пациент таблеткаларды керек болғанынан көбірек қабылдап қойса, дәрігерге қаралу қажет.

Максигра препаратын қабылдар алдында емдеуші дәрігерге, фармацевт немесе мейіргерге хабарласу керек: – Егер пациентте орақша пішінді-жасушалы анемия (қызыл қан денешіктерінің аномалиясы), лейкемия (қан жасушаларының обыры), көптеген миелома (сүйек кемігінің обыры) болса. – Егер пациентте жыныс мүшесінің деформациясы немесе Пейрони ауруы болса. – Егер пациентте жүрек кінәраттары болса, Өз емдеуші дәрігеріңіз Сіздің жүрегіңіз секспен айналысудан түсетін қосымша жүкті көтере ала ма - мұқият тексеруі тиіс. – Егер пациент қазіргі уақытта асқазан ойық жарасынан немесе қан ұюының кінәраттарынан (гемофилия сияқты) зардап шегіп жүрсе. – Егер пациентте көрудің кенеттен нашарлауы немесе көрмей қалу болса, Максигра препаратын қабылдауды тоқтатыңыз және кейінге қалдырмастан емдеуші дәрігерге қаралу қажет. Максигра препаратын кез келген басқа пероральді немесе эректильді дисфункцияны емдеуге арналған жергілікті емдік дәрілермен қолдануға болмайды. Максигра препаратын құрамында силденафил немесе кез келген басқа ФДЭ-5 тежегіші бар өкпенің артериялық гипертензиясын (ӨАГ) емдеуге арналған дәрілік препараттармен қабылдауға болмайды. Максигра препаратын, егер пациент эректильді дисфункциядан зардап шегіп жүрмесе, қабылдауға болмайды. Максигра препараты әйелдерге қолдануға қарсы көрсетілімді. Арнайы сақтандырулар Қосымша заттарға қатысты айрықша нұсқаулар • Осы дәрілік препараттың құрамында бір реттік дозасына 1 ммоль мөлшерінен аз натрий (23 мг) бар, яғни натрийден бос болып саналады. Педиатрияда қолдану • Максигра препаратын 18 жасқа толмаған тұлғаларға тағайындауға болмайды. • Бүйрек және бауыр аурулары бар пациенттер үшін ерекше ұсынымдар • Егер пациентте бүйрек немесе бауыр кінәраттары бар болса, өз емдеуші дәрігеріне мәлімдеу керек. Емдеуші дәрігер пациент үшін төмен дозаны қолдану шешімін қабылдай алады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Максигра препараты бас айналуын тудыруы және көруді нашарлатуы мүмкін. Автокөлік құралдарын басқару немесе механизмдермен жұмыс істеу алдында пациент организмінің Максигра препаратын қабылдауға қалай жауап беретінін біліп алу қажет.

Максигра препараты әйелдерде қолдануға көрсетілмеген.

Егер пациент кез келген басқа препараттарды қабылдап жүрсе, таяуда қабылдаса немесе қабылдауы мүмкін болса, емдеуші дәрігерге немесе фармацевтке хабарлау қажет. Максигра препаратының таблеткалары кейбір, әсіресе, кеуде қуысының ауруын емдеуге пайдаланылатын дәрілік заттармен өзара әрекеттесуі мүмкін. Кейінге қалдырылмайтын жай-күй жағдайында пациенттің Максигра препаратын қабылдап жүргені және оның қашан болғаны жөнінде емдеуші дәрігерге, фармацевт немесе медбикеге мәлімдеу қажет. Максигра препаратын емдеуші дәрігер мақұлдауынсыз басқа дәрілік препараттармен қабылдауға болмайды. Егер пациент нитраттар деп аталатын дәрілік препараттарды қабылдап жүрсе, пациентке Максигра препаратын қабылдауға болмайды, өйткені осы препараттардың біріктірілімі артериялық қысымның қауіпті түсіп кетуіне әкелуі мүмкін. Егер пациент стенокардияны (немесе «кеуденің ауыруы») емдеу үшін жиі қолданылатын осы дәрілік препараттардың қандай да бірін қабылдап жүрсе, барлық жағдайда да өз емдеуші дәрігеріңізге, фармацевт немесе медбикеге мәлімдеу қажет. Егер пациент азот тотығының донорлары ретінде белгілі, мысалы, амилнитрит («попперс») сияқты дәрілік препараттардың қандай да бірін қабылдап жүрсе, Максигра препаратын қабылдауға болмайды, өйткені осы препараттардың біріктірілімі артериялық қысымның қауіпті түсіп кетуіне де әкелуі мүмкін. Если пациент риоцигуат қабылдап жүрсе, бұл жөнінде емдеуші дәрігерге немесе фармацевтке хабарлау қажет. Егер пациент, мысалы, АИТВ емдеу үшін пайдаланылатын «протеазалар тежегіштері» ретінде белгілі дәрілік препараттарды қабылдап жүрсе, емдеуші дәрігер пациентке Максигра препаратының ең төмен дозасымен (25 мг) емдеуді тағайындай алады. Жоғары артериялық қысым мен простатаның ұлғаюын емдеуге арналған альфа-блокаторлар қабылдап жүрген кейбір пациенттерде бас айналу немесе пациенттің тез отыруынан немесе тұруынан кейінгі төмен артериялық қысым себеп болуы мүмкін естен тану алдындағы жай-күй болуы мүмкін. Кейбір пациенттерде осы симптомдар Максигра препаратын альфа-блокаторлармен қабылдау кезінде байқалды. Бәрінен ықтималдысы, бұл Максигра препаратын қабылдаудан кейін 4 сағат ішінде болуы мүмкін. Осы симптомдардың туындау ықтималдығын азайту үшін пациент Максигра препаратын қабылдау басталар алдында альфа-блокатордың әдеттегі тәуліктік дозасын ұстану керек. Емдеуші дәрігер пациентке Максигра препаратының ең төмен дозасымен (25 мг) емдеу тағайындауы мүмкін. Тамақпен, сусындармен және алкогольмен өзара әрекеттесуі Максигра препаратын ас ішумен немесе онсыз қабылдауға болады. Дегенмен де, пациентке ауыр тамақпен қабылдаған жағдайда Максигра препараты әсерінің басталуы үшін көп уақыт керек болуы мүмкін екені белгілі болады. Алкоголь тұтыну эрекцияға қабілеттілікке уақытша теріс әсер етуі мүмкін. Препаратты қабылдаудың ең жоғары пайдасын көру үшін Максигра препаратын қабылдау алдында алкоголь ішімдіктерін шамадан тыс мөлшерде тұтынбауға кеңес беріледі.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25°С-ден аспайтын температурада сақтау керек. Балалардың қолы жетпейтін жерде сақтау керек!