МаксиГриппин® балалар үшін таблетки

Бір таблетканың құрамында белсенді заттар: 250,00 мг парацетамол, 3,00 мг хлорфенамин малеаты, 50,00 мг аскорбин қышқылы, қосымша заттар: натрий гидрокарбонаты, лимон қышқылы, сорбитол, повидон, натрий сахаринаты, натрий карбонаты, макрогол, сусыз коллоидты кремний, «Қызыл жемістер» хош иістендіргіші, қызылша шырынының ұнтағы, магний стеараты. Сыртқы түрінің, иісінің, дәмінің сипаттамасы Дөңгелек, жалпақ, шеті қиғашталған және бір жақ бетінде бөлетін сызығы бар, ақшылдау және күңгірттеу теңбілдерімен, жеміс иісі бар ақшыл қызғылт түсті таблеткалар.

Температураның жоғарылауымен, қалтыраумен, бас ауырумен, буындар мен бұлшықеттердің ауыруымен, мұрынның бітелуімен және тамақтың ауыруымен қатар жүретін суық тиюді және тұмауды симптоматикалық емдеу.

МаксиГриппин – біріктірілген препарат, ауыруды басатын, қызуды түсіретін әсер береді, суық тиюден болған ауруларда және тұмауда жас ағу, мұрынның бітелу симптомдарын қайтарады, жоғары тыныс алу жолдарының шырышты қабығының ісінуін азайтады. Парацетамол – анальгетик-антипиретик. Гипоталамуста простагландиндер синтезін бәсеңсіту арқылы ауыруды басатын және ыстықты түсіретін әсерге ие. Қабынуға қарсы әлсіз белсенділікке ие. Хлорфенамин малеаты Н1 гистаминді рецепторлардың блокаторы болып табылады. Аллергияға қарсы әсерге ие, жоғарғы тыныс алу жолдарының шырышты қабықтарының ісінуін азайтады, жас ағуды және тұмауратуды жояды. Аскорбин қышқылы (С дәрумені) әдетте суық тиюге қарсы компоненттердің біріктірілімді қамтиды, суық тиюді қоса вирусты аурулар кезінде С дәруменінің жоғалуының орнын толтырады. Аскорбин қышқылы антиоксиданттарға жатады, көптеген метаболизмдік үдерістерге, оның ішінде көмірсулардың, ақуыздардың және липидтердің алмасуларына қатысады. Аскорбин қышқылы иммундық жүйенің функциясын сақтау үшін қажет, қантамырлардың өткізгіштігін қалыпқа келтіреді, тотығу-тотықсыздану үдерістерін, коллагеннің синтезін және тіндердің регенерациясын реттеуге қатысады, гистаминнің босап шығуын тежейді және ыдырауын тездетеді, простагландиндердің және қабынудың басқа медиаторларының синтезін және анафилаксияны бәсеңдетеді.

Дозалау режимі Балалар 3-тен 5 жасқа дейінгі балаларға тәулігіне 2 рет 1/2 таблеткадан. 5-тен 10 жасқа дейінгі балаларға тәулігіне 2 рет 1 таблеткадан. 10-нан 15 жасқа дейінгі балаларға тәулігіне 2-3 рет 1 таблеткадан. Ең жоғары тәуліктік доза – 3 таблетка. Препаратты қабылдау арасындағы аралық кем дегенде 4 сағат болуы тиіс. Препаратты емдеуші дәрігердің кеңесінсіз 3 күннен артық қабылдауға болмайды. Қосымша ем емдеуші дәрігермен кеңескеннен кейін ғана мүмкін. Бауыр немесе бүйрек функциясы бұзылған пациенттерде препаратты қабылдау арасындағы аралық кем дегенде 8 сағатты құрауы тиіс. Енгізу әдісі мен жолы Ішке. Таблетканы бір стақан (200 мл) жылы (50-600С) суда толық еріту және алынған ерітіндіні бірден ішу керек. Препаратты тамақтану арасында қабылдаған дұрыс

- әсер етуші затқа (заттарға) немесе қосымша заттардың кез келгеніне аса жоғары сезімталдық - парацетамолға, аскорбин қышқылына, хлорфенаминге немесе препараттың басқа да компонентіне жоғары сезімталдық - құрамында парацетамол бар басқа препараттарды бір мезгілде қабылдау - соңғы 14 күн ішінде МАО тежегіштерін қабылдайтын немесе қабылдаған пациенттер - асқазан-ішек жолының эрозивті-ойық жаралы зақымданулары (өршу фазасында) - бүйрек және/немесе бауырдың айқын жеткіліксіздігі - алкоголизм - жабық бұрышты глаукома - гипероксалурия - 3 жасқа дейінгі балалар - жүктілік және лактация кезеңі Сақтықпен – бүйрек және/немесе бауыр жеткіліксіздігі, глюкоза-6-осфатдегидрогенеза тапшылығы, туа біткен гипербилирубинемия (Жильбер, Дубин-Джонсон және Ротор синдромдары) вирустық гепатит.

Жиі Орталық жүйке жүйесі тарапынан бұзылыстар: ұйқышылдық, жүрек айнуы және бұлшықет әлсіздігі түріндегі орталық жүйке жүйесінің басылуы, кейбір пациенттерде 2-3 күн емдеуден кейін жоғалады; бет дискинезиясы, қимыл –қозғалыс үйлесімнің бұзылуы (қимыл-қозғалыстың шектелісі), тремор, парестезия Асқазан-ішек жолы тарапынан бұзылулар: ауыздың құрғауы, тәбеттің жоғалуы, дәм мен иістің өзгеруі, жүрек айнуы, құсу, диарея, іш қату, іштің жоғарғы бөлігінің ауыруы Көрудің бұзылуы: бұлыңғырлану немесе көзге қос көріну Тыныс алу, кеуде қуысы ағзалары және көкірекортасы тарапынан бұзылулар: мұрын мен тамақтың құрғауы, шырышты қабықтардың құрғауы Тері және тері асты тіндері тарапынан бұзылулар:қатты терлеу Бүйрек және несеп шығару функциясының бұзылуы: несептің іркілуі және / немесе несеп шығарудың қиындауы Сирек Асқазан-ішек жолы тарапынан бұзылулар: жедел және созылмалы панкреатит, қан кету, іштің ауыруы, диарея, жүрек айнуы, құсу, бауыр жеткіліксіздігі, бауыр некрозы, сарғаю Қан және лимфа жүйесі тарапынан бұзылулар: гемолиздік емес анемия, сүйек кемігі бәсеңдеуі, ерекше қан кету, тамақтың ауыруы немесе шаршау сияқты симптомдары бар қан құрамындағы өзгерістер (агранулоцитоз, лейкопения, аплазиялық анемия немесе тромбоцитопения), Аллергиялық реакциялар: аса жоғары сезімталдық реакциялары, анафилаксиялық реакциялар (жөтел, жұтыну қиындығы, жүректің жиі соғуы, қышыну, қабақтың немесе көз айналасының, беттің, тілдің ісінуі, ентігу, қатты қажу және т.б.); терінің қышынуы, бөртпе, тершеңдік, пурпура, ангионевроздық ісіну, есекжем Қантамыр бұзылыстары: артериялық гипотензия, артериялық гипертензия, ісіну Тыныс алу, кеуде қуысы ағзалары және көкірекортасы тарапынан бұзылулар: кеудедегі қысылу, қарлығу Иммундық жүйе тарапынан бұзылулар: жарыққа сезімталдық, ұқсас препараттарға айқаспалы сезімталдық Есту мүшесі және тепе-теңдік тарапынан бұзылулар: құлақтағы шуыл, жедел лабиринтит Жүрек қызметінің бұзылуы: аритмия, жүректің жиі соғуы, тахикардия Бауыр және өт шығару жолдары тарапынан бұзылулар: холестаз, гепатит немесе бауырмен байланысты басқа проблемалар (іштің жоғарғы бөлігіндегі ауыруды немесе іштің ауыруын, күңгірт несепті қоса) Өте сирек Қан және лимфа жүйесі тарапынан бұзылулар: тромбоцитопения Бүйрек және несеп шығару жолдары функциясының бұзылуы: нефропатия және тубулопатия; уытты эпидермальді некролиз (Лайелл синдромы), көп пішінді буллезді эритема (Стивенс-Джонсон синдромы), жедел жайылған пустулезді бөртулер Эндокриндік жүйе тарапынан бұзылулар: гипогликемия (комаға дейін) Басқа: көп пішінді эритема, көмейдің ісінуі, анафилаксиялық шок, бас айналуы, парацетамол қабылдаған ауыр аурулары бар пациенттерде организмнің қышқыл-сілтілік теңгерімінің бұзылуымен (метаболизмдік ацидоз) сипатталатын ауыр жағдай. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: тері жабындысының бозаруы, анорексия, жүрек айнуы, құсу; гепатонекроз (некроздың айқындылығы артық дозалану дәрежесіне тікелей байланысты), қан ұюының бұзылуы (тромбоз және қан кету). Парацетамолмен артық дозалану кезінде ауыр гепатоуыттылықтың даму қаупі бар, әсіресе егде жастағы пациенттерде, балаларда, бауыр немесе бүйрек жеткіліксіздігі, созылмалы алкоголизм, тамақтануы бұзылған және салмағы 50 кг-нан аз пациенттерде және бауыр микросомалық ферменттерінің индукторларын қабылдайтын пациенттерде. Гепатоуыттылық көбінесе парацетамолды қабылдағаннан кейін 24-48 сағаттан кейін, кейде өліммен аяқталған жағдай байқалады. Артық дозаланған жағдайда, симптомдар болмаса да, дереу дәрігерге жүгіну керек Симптомдары: жүрек айнуы, құсу, анорексия, бозару, іштің ауыруы әдетте алғашқы 24 сағат ішінде пайда болады. Ауыр артық дозалану цитолиз синдромымен гепатоуыттылықты тудырады, бұл комаға және өліммен аяқталған жағдайға әкелуі мүмкін гепатоцеллюлярлық жеткіліксіздіктің, метаболизмдік ацидоздың және энцефалопатияның дамуына ықпал етеді. Сонымен бірге бауыр трансаминазалары (аспартатаминотрансфераза, аланинаминотрансфераза), лактатдегидрогеназа және билирубин деңгейінің жоғарылауы байқалды. Артық дозалану тамырішілік ұюдың диссеминациялануына әкелуі мүмкін. Сондай-ақ жүрек ырғағының бұзылуы және панкреатит жағдайлары туралы хабарланды. Хлорфенаминнің артық дозалану көріністері: бас айналуы, қозу, ұйқының бұзылуы, депрессия, құрысулар, уытты психоз, апноэ, дистониялық реакциялар және аритмияны қоса жүрек-қантамыр коллапсы да болуы мүмкін. Аскорбин қышқылының үлкен дозалары диареяны және бүйректе оксалат тастарының түзілуін тудыруы мүмкін. Ұзақ кезең бойы аскорбин қышқылын көп пайдалану бүйрек клиренсінің артуына әкелуі мүмкін. 600 мг-ден асатын доза несеп айдайтын әсер көрсетеді. Емі: препарат қабылдауды тоқтату, асқазанды шаю керек, белсендірілген көмір қабылдау керек. Әрі қарай емдік шараларды емдеу мекемелерінде жүргізген жөн: SH-тобының донаторларын және глутатион – метионин синтезінің ізашарларын артық дозаланудан кейін 8-9 сағаттан соң және N-ацетилцистеинді 12 сағаттан соң енгізу керек. Симптоматикалық және демеуші шараларды қабылдаған кезде жүрек, тыныс алу, бүйрек және бауыр функцияларына, сондай-ақ су-тұз теңгеріміне ерекше көңіл бөлу керек. Пероральді артық дозалану жағдайында белсендірілген көмірмен емдеуді оны қолдануға болмайтын жағдайлар жоқ болғанда, және артық дозалану жуырда болған жағдайда қарастыру керек (емдеуді препаратты пероральді қолданылғаннан кейін бірінші сағат ішінде жүргізу көбірек тиімдірек болады). Гипотензияны және аритмияны емдеуді мүмкіндігінше тезірек бастаған жөн.

МаксиГриппин бүйрек жеткіліксіздігі, жедел гепатит, глюкоза-6-фосфатдегидрогеназа тапшылығы бар пациенттерге сақтықпен тағайындау керек, өйткені препаратты қабылдаған кезде қан тарапынан бұзылулар (метгемоглобинемия және гемолиздік анемия) дамуы мүмкін. Артық дозалану қаупі бауыр жеткіліксіздігі алкогольдік цирроздан туындамаған адамдарда жоғары. Парацетамол күніне 6-8 г артық дозада гепатоуытты болуы мүмкін. Бауырдың зақымдануы парацетамолды әлдеқайда төмен дозаларда алкогольмен, бауыр ферменттерінің индукторларымен немесе басқа гепатоуытты препараттармен, мысалы, МАО тежегіштерімен бірге қабылдаған кезде де қолданғанда да орын алуы мүмкін. Алкогольді ұзақ уақыт тұтыну бауырдың парацетамолмен уытты зақымдану қаупін едәуір арттырады. Гипертониялық криз қаупіне байланысты парацетамол қазіргі уақытта немесе соңғы екі апта ішінде МАО тежегіштерін қабылдайтын пациенттерге қолдануға болмайды. Алкоголь H1 рецепторларын бөгейтін антигистаминді препараттардың тыныштандыратын әсерін күшейтеді, бұл көлік жүргізу және механизмдермен жұмыс істеу қабілетіне әсер етуі мүмкін. Емдеу кезінде алкогольді және құрамында алкоголь бар дәрілік заттарды тұтынудан аулақ болу керек. Бронх демікпесі немесе өкпенің созылмалы обструктивті ауруы бар, жүрек-қантамыр ауруларынан, гипертониядан, гипертиреоздан және антральді-дуоденальді бітелуінен зардап шегетін пациенттерде сақ болу керек. Емдеу кезінде антигистаминді дәрілердің тыныштандыратын әсерін күшейтетін тыныштандыратын дәрілерді (әсіресе барбитураттарды) қолданудан аулақ болу керек. Максигриппин флуклоксациллин антибиотигін қабылдаған пациенттерге сақтықпен қабылдау керек. Метаболизмдік ацидоз (организмнің қышқыл-сілтілік теңгерімінің бұзылуы) деп аталатын ауыр жағдай пациенттерде парацетамолды әдеттегі дозада ұзақ уақыт қабылдағанда немесе парацетамолды флуклоксациллинмен бірге қабылдаған кезде тіркелді. Метаболизмдік ацидоздың симптомдары тыныс алудың жиілеуін, ұйқышылдықты, жүрек айнуын, құсуды қамтуы мүмкін. Препарат құрамында хлорфенамин малеатының бар болуына байланысты МаксиГриппинді эпилепсия, глаукоманы қоса көзішілік қысымның жоғарылауы, қуықасты безінің гипертрофиясы, ауыр гипертензия немесе жүрек-қан тамырлары аурулары, бронхит, бронхоэктазия, бауыр жеткіліксіздігі, бүйрек жеткіліксіздігі сияқты ауруларда сақтықпен қолдану керек. Балаларда неврологиялық антихолинергиялық әсерлер мен парадоксальді қозу жиі кездеседі. Тез пролиферацияланатын және қарқынды түрде метастазданатын ісіктері бар пациенттерге аскорбин қышқылын тағайындау үдеріс барысын үдетуі мүмкін. Организмінде темір мөлшері жоғары болатын пациенттер аскорбин қышқылын ең төмен дозаларда қабылдауы керек. С дәруменінің жоғары дозалары нәжістегі жасырын қанға талдау жасағанда жалған теріс көрсеткіштер көрсетуі мүмкін. Максигриппинді ауыр аурулары бар пациенттерге сақтықпен қабылдау керек, оның ішінде қанның инфекция жұқтыруы - сепсис (сепсис – бактериялар мен олардың токсиндері қанда айналатын, бұл ағзалардың зақымдануына әкелуі мүмкін жай-күй), қандағы қант деңгейінің жоғарылауы (қант диабеті), өйткені парацетамолдың бауырға уытты әсер ету қаупі артады (гепатоуыттылық). Арнайы ескертулер Жоғары немесе тұрақты қызба, бактериялық суперинфекцияның басталуы, симптомдар 3 күннен астам қызба жағдайында сақталған және ауыру 5 күннен артық болған жағдайда емді қайта қарау керек. Ұсынылған дозалардан асатын дозаларды пайдаланған жағдайда және ұзақ емдеу жағдайында, негізінен психологиялық сипаттағы дағдылану қаупі туындауы мүмкін. Артық дозалану қаупін болдырмау үшін пациенттерге препаратты құрамында парацетамол бар басқа препараттармен бір мезгілде қабылдамауды ұсыну керек. Бауыр аурулары бар пациенттерде артық дозалану қаупі артады. Глутатион деңгейі төмен пациенттерде, әсіресе: қатты жүдеу, анорексия, дене салмағының индексі төмен (ДСИ), әлсіреген, сусызданған, алкогольді үнемі тұтынатын, жеңіл немесе орташа бауыр жеткіліксіздігі бар болған кезінде, Жильбер синдромы (отбасылық гемолиздік емес сарғаю), сепсисі бар пациенттерде бауыр жеткіліксіздігі туралы хабарламалар болды. Осы жағдайларда парацетамолды пайдалану метаболизмдік ацидоз қаупін арттыруы мүмкін. Препарат құрамында бір таблеткаға 740,00 мг натрий гидрокарбонаты бар, оны бақыланатын натрий диетасындағы пациенттер ескеруі керек. Препарат құрамында 726.50 мг сорбитол бар, бұл 1,89 ккал баламалы. Сорбитол орташа босаңсытатын әсер көрсетуі мүмкін. Тұқым қуалайтын фруктоза көтере алмаушылығы бар пациенттерге қолдануға болмайды. Педиатрияда қолдану 3 жасқа дейінгі балаларға қолдануға болмайды Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын және механизмдерді, сондай-ақ зейін қоюды және психомоторлы реакциялардың жылдамдығын қажет етумен байланысты потенциалды қауіпті қызмет түрлерін басқару кезінде сақ болу керек.

Жүктілік кезінде және лактация кезеңінде қолдануға болмайды

МаксиГриппин® бір мезгілде қолдануға болмайды: - құрамында парацетамол бар басқа препараттармен, орталық жүйке жүйесіне әсер ететін дәрілермен: антидепрессанттармен, паркинсон ауруына қарсы дәрілермен, психозға қарсы дәрілермен (фенотиазин туындыларымен) бірге – жағымсыз әсерлердің (несептің іркілуі, ауыздың құрғауы, іш қату) даму қаупі ұлғаяды, амфетаминдермен және трициклді антидепрессанттармен бірге – өзекшелік реабсорбция азаяды. - глюкокортикостероидтармен – глаукоманың даму қаупі артады - изопреналинмен – оның хронотропты әсері азаяды - дифлунисалмен – қан плазмасында парацетамолдың концентрациясы 50%-ға жоғарылайды, оның гепатоуыттылығы күшейеді - барбитураттармен бірге – парацетамолдың белсенділігі төмендейді, аскорбин қышқылының несеппен шығарылуы күшейеді - микросомальді тотығу тежегіштерімен (фенотоин, барбитураттар, рифампицин, фенилбутазон, трициклді антидепрессанттар, циметидин) бірге – гепатоуытты әсер ету қаупі жоғарылайды - ұйықтататын немесе транквилизаторлармен бірге – тыныштандыратын әсер күшейеді - антихолинергиялық әсерлер мен МАО күшейтеді - этанолмен – антигистаминді препараттардың тыныштандыратын әсері және парацетамолдың жағымсыз әсерлері күшейеді (жедел панкреатиттің дамуы) - флуклоксациллинмен (антибиотик), организмнің қышқыл-сілтілік теңгерімінің бұзылу қаупімен байланысты (метаболизмдік ацидоз), ол үшін шұғыл емдеу қажет болуы мүмкін. Парацетамол урикозуриялық препараттардың тиімділігін төмендетеді, ал зидовудинмен бір мезгілде қолданған кезде олардың уыттылығын арттырады (гранулоцитопения). - холестирамин парацетамолдың сіңу жылдамдығын төмендетеді, бұл ауыруды басатын әсерінің төмендеуіне әкелуі мүмкін - варфарин парацетамолмен бірге варфариннің әсерін күшейтеді және қан кетулер қаупін арттырады - парацетамолды хлорамфениколмен бірге қабылдаған кезде соңғысының плазмадағы концентрациясы жоғарылайды - метоклопрамид пен домперидон парацетамолдың сіңу жылдамдығын арттырады. Аскорбин қышқылымен бір мезгілде қолданған кезде: - пенициллинмен – оның сіңуі артады - гепаринмен және антикоагулянттармен тікелей емес әсер (варфаринмен) - олардың әсері әлсірейді - салицилаттар – кристаллурияның пайда болу қаупі артады - пероральді контрацептивтермен – қан плазмасында аскорбин қышқылының концентрациясы азаяды - темір препараттарымен – темірдің сіңуі жоғарылайды, ол оның уыттылығының жоғарылауына әкелуі мүмкін - ацетилсалицил қышқылымен – аскорбин қышқылының сіңуі азаяды.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Ылғалдан қорғайтын түпнұсқалық қаптамада, 25 °C-ден аспайтын температурада сақтау керек. Балалардың қолы жетпейтін жерде сақтау керек!