Маннитол раствор 15 %

Бір мл препараттың құрамында белсенді зат - маннитол 150.0 мг, қосымша заттар: натрий хлориді, инъекцияға арналған су. Сыртқы пішінінің, иісінің, дәмінің сипаттамасы Мөлдір түссіз ерітінді

Вена ішіне енгізуге арналған Маннитол 15% ерітіндісі диуретиктік дәрі ретінде келесі жағдайларда қолданылады: • қайтымсыз бүйрек жеткіліксіздігінің нақты диагнозын белгілегенге дейін олигуриялық сатыдағы жедел бүйрек жеткіліксіздігінің профилактикасында және/немесе емдеу кезіндегі қарқынды диурезде. • зақымданбаған гематоэнцефалдық бөгет кезінде бассүйекішілік қысымды және ми ісінуін төмендету үшін. • басқа дәрілік заттармен төмендете алмайтын жоғарылаған көзішілік қысымды төмендету үшін. • улану кезінде уытты заттарды бүйрек арқылы қарқынды шығару үшін.

Нұсқаулықта көрсетілмеген.

Дозалау режимі Маннитолды вена ішіне сорғалатып немесе тамшылатып баяу енгізеді. 15 % маннитол ерітіндісінің емдік дозасы дене салмағының әр кг шаққанда 1,0-1,5 г құрайды. Маннитолдың тәуліктік дозасы 140-180 г-ден аспау керек. Ересектерге тәулігіне 50-100 г маннитолды (330-дан 660 мл дейін) диурез деңгейі 30-50 мл/сағ кем болмайтын жылдамдықпен енгізеді. Улану кезінде ересектерге инфузия жылдамдығы 5 минут бойы 50-200 г енгізеді. 5 минуттан соң несеп ағыны ең жоғарғы 200 г/24 сағ дозада кемінде сағатына 30-50 мл ұстап тұратындай етіп инфузия жылдамдығын қайта түзетеді. Олигуриясы немесе бүйрек жеткіліксіздігі бар пациенттерде пайдалану Айқын олигуриясы немесе бүйрек функциясының бұзылуына күдік тудырған пациенттерге маннитолдың сынама дозасын (дене салмағының 200 мг/кг немесе 1.3 мл/кг) вена ішіне тамшылатып 3-5 минут бойы алдын ала енгізу керек. Мысалы, салмағы 70 кг ересек адамға шамамен 100 мл 15% маннитол ерітіндісі енгізіледі. Егер 2-3 сағат ішінде несеп 30-50 мл/сағ төмен емес жылдамдықпен шығарылатын болса, сынама дозаға жауап адекватты деп есептеледі. Егер мұндай адекватты жауапқа қол жетпесе пациентке қосымша сынама дозаны енгізуге болады. Егер маннитолды қайта енгізгенде керекті жауап алынбаса препаратпен емді тоқтатады және пациентке бүйрек жеткіліксіздігі бар/жоқтығына қатысты қайта тексеріс жүргізеді. Бассүйекішілік қысымды, ми ісінуін және көзішілік қысымды төмендету Стандартты доза вена ішіне тамшылатып 30-60 минут бойы дене салмағының әр кг 1.5-2 г (10-13 мл/кг) құрайды. Егер инфузияны операция алдында енгізсе, онда ең жоғарғы әсерді алу үшін дозаны хирургиялық араласым басталғанға дейін 1-1.5 сағат бұрын енгізу керек. Улану кезінде уытты заттарды бүйрек арқылы қарқынды шығару Қарқынды диурез кезінде маннитол дозасы несеп шығару жылдамдығы 100 мл/сағ төмен емес деңгейде ұстап тұратындай етіп түзетіледі. Емнің мақсаты – оң су теңгерімінің 1-2 литрге жетуі. Пациенттерге бастапқы жүктемелік дозаны шамамен 25 мг (165 мл) енгізуге болады. Пациенттердің ерекше топтары Педиатрияда қолдану Бүйрек жеткіліксіздігінде 200 мг маннитолдың /кг (1.3 мл/кг) сынама дозасы 3-5 минут бойы вена ішіне тамшылатып енгізіледі. Дозалардың емдік диапазоны дене (3-10 мл/кг) 0.5-1.5 г/кг салмағына құрайды. Қажет болғанда, сынама дозаны 4-8 сағат аралықпен бір немесе екі рет енгізуге болады. Жоғары бассүйекішілік немесе көзішілік қысымды емдегенде дозаны ересек пациенттердегі сияқты 30-60 минут бойы енгізуге болады. Егде жастағы пациенттерде қолданылуы Ересек пациенттердегі сияқты доза пациенттің дене салмағына, клиникалық және биологиялық жай күйіне, қатар қолданылатын препараттарға байланысты. Дозалардың стандартты диапазоны тура ересектердегі сияқты, яғни тәулік бойы 50-200 г маннитол (330-1320 мл/тәул), бұл ретте бір реттік доза 50 г маннитолдан (330 мл) аса алмайды. Пациенттерде бүйрек жеткіліксіздігінің болу мүмкіндігін ескеріп дозаны таңдау кезінде сақтық таныту керек. Маннитолды ұзақ уақыт қолдану ұсынылмайды. Енгізу тәсілі және жолы Ерітінді стерильді және апирогенді инфузиялық жүйе арқылы вена ішіне енгізіледі. Ерітінді осмолярлылығын назарда ұстау керек. Щамадан тыс жоғары осмолярлылық веналардың зақымдануына әкелуі мүмкін. Бұл гипертониялық ерітіндіні ірі шеткері немесе дұрысы орталық вена арқылы енгізу керек. Шеткері веналар арқылы жылдам құю пациенттің денсаулығына зиян тигізуі мүмкін. Маннитол кристалдарының түзілу қаупі болғандықтан, кіріктірілген соңғы сүзгісі бар инфузиялық жүйелерін пайдаланыңыз және асептикалық жұмыс тәсілдерін қолданыңыз. Жүйеге ауаның кіруіне жол бермеу үшін оны алдын ала инфузиялық ерітіндімен шаю керек. Инфузиялық жинақты үлбір қаптамадан тура пайдалану алдында шығарып алыңыз. Ішкі пакет өнімнің стерильділігін сақтайды. Ерітіндіні ол мөлдір болған, көрінетін бөгде бөлшектері болмаған, бояуларының өзгерістері байқалмаған және контейнердің герметикалығы бұзылмаса ғана пайдаланыңыз. Қолданар алдында контейнердің герметикалылығына көз жеткізіңіз. Зақымданған контейнерлерді пайдаланбаңыз. Құю инфузиялық жүйенің контейнерге тікелей қосылуынан кейін жүзеге асырылады. Төмен температураның әсерінен маннитол ерітінділері кристалдануы мүмкін. Маннитол концентрациясы жоғары болған сайын, соғұрлым ерітіндінің кристаллизациялану қаупі үлкен. Инфузияны енгізер алдында кристалдардың болуына қатысты ерітіндіні тексеріңіз. Егер кристалдар табылса, ерітіндіні 37°C-ден аспайтын температураға дейін қыздыру және оны баяу сілку арқылы қайта ерітіңіз. Қыздыру үшін тек құрғақ ыстық, мысалы, жылу шкафын пайдаланыңыз. Кристалдардың болуына қатысты қайта тексеру және пациентке енгізу алдында ерітіндіге бөлме температурасына немесе дене температурасына дейін сууына жол беріңіз. Дәрілік препараттың қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Дәрілік препаратты қолдану тәсілін түсіндіру үшін дәрігерге бару керек. В/і енгізуге арналған. Препаратты тек қана маман енгізу керек. Препаратты артерияішілік енгізуден немесе қоршаған тіндерге түсуден аулақ болған жөн.

• әсер ететін затқа (заттарға) немесе қосымша заттардың кез келгеніне аса жоғары сезімталдық • ануриямен, сүзілу үдерісінің бұзылуы бар бүйрек жеткіліксіздігінің ауыр түрі • геморрагиялық инсультте, субарахноидальді қан құйылуда (бас сүйегі трепанациясы кезіндегі қан кетулерден басқа) • жедел сол жақ қарыншалық жеткіліксіздік кезіндегі өкпе ісінуі • декомпенсацияланған жүрек-қан тамыр жеткіліксіздігі • ауыр дәрежедегі дегидратация • гипокалиемия, гипонатриемия, гипохлоремия • жарақаттан кейінгі бассүйекішілік қысымның қан құйылу қаупі бар жоғарылауы • белсенді бассүйекішілік қан кету (бассүйек трепанациясын орындау кезіндегі қан кетуден басқа) • гематоэнцефалдық бөгеттің бұзылуы

Жағымсыз құбылыстар жиілігін анықтау мынадай критерийлерге сай жүргізіледі: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000 < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес) Жиілігі белгісіз • аллергиялық реакция • анафилаксиялық реакция, анафилаксиялық шокты қоса * • сұйықтықты және электролиттік теңгерімсіздік** • дегидратация • ісіну • метаболизмдік ацидоз • бас ауыруы, бас айналуы • бассүйекішілік қысымның қайта жоғарылауы • ОЖЖ тарапынан болатын уыттылық (конвульсиялар, кома, сананың шатасуы, летаргия) • анық көрмеу • жүрек аритмиясы, іркілісті жүрек жеткіліксіздігі • гипотензия немесе гипертензия • өкпе ісінуі • ринит • ауыздың құрғауы, шөлдеу • жүрек айнуы, құсу • тері некрозы, есекжем • құрысулар • қалыптан тыс диурез • осмостық нефроз • несеп іркілуі, жедел бүйрек жеткіліксіздігі • азотемия • анурия, олигурия, полиурия • қалтырау, қызба • кеуденің ауыруы • астения, жай күйінің нашарлауы • инфузиялық реакциялар (инфузиялық тромбофлебит, инфузия енгізген жердегі қабыну, инфузия енгізген жердегі ауыру, инфузия енгізген жердегі бөртпе, инфузия енгізген жердегі эритема, инфузия енгізген жердегі қышыну) • компартмент-синдром (экстравазация және инфузия енгізген жердегі ісіну аясында) * тері, АІЖ тарапынан болатын бұзылыстар, тамырлық ауыр реакциялар (гипотензия) және тыныс алу мүшелері тарапынан болатын реакциялар (ентігу) түрінде байқалуы мүмкін. Басқа аса жоғары сезімталдық реакцияларына/инфузиялық реакцияларға гипертензия, дене температурасының көтерілуі, қалтырау, қатты тершеңдік, жөтел, бұлшықет-қаңқа құрысуы және миалгия, есекжем/бөртпе, қышыну, жайылған ауыру, жайсыздықты сезіну, жүрек айнуы, құсу және бас ауыруы. ** оның ішінде гиперволемия, шеткері ісіну, дегидратация, гипонатриемия, гипернатриемия, гиперкалиемия, гипокалиемия. Күтілген дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігін және осындай хабарламаны нұсқайтын алуан түрлі жолдарын қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттарды және медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: маннитолмен артық дозалану белгілері мен симптомдары жедел бүйрек жеткіліксіздігін, электролиттік теңгерімсіздікті, гиперволиемияны, ОЖЖ үшін уыттылықты қамтуы мүмкін. Гиперосмостық ерітінділердің үлкен көлемін ұзақ уақыт бойы енгізу немесе жылдам құю қанайналымының жүктемесіне және ацидозға әкелуі мүмкін. Бас ауыруы, жүрек айнуы және температураның өзгерісінсіз қалтырау бастапқы белгілер / симптомдар болуы мүмкін. Сананың шатасуы, летаргия, құрысулар, мелшию және кома пайда болуы мүмкін. Емі: препаратты енгізуді тоқтату керек. Сұйықтық пен электролиттер теңгерімін бақылай отырып, симптоматикалық ем жүргізу. Маннитол гемодиализбен шығарылады.

Аса жоғары сезімталдық Маннитолды қолдануға байланысты анафилаксияны қоса, анафилаксиялық/анафилактоидтық реакциялардың, сондай-ақ басқа аса жоғары сезімталдық реакцияларының дамуы, оның ішінде өліммен аяқталғаны туралы хабарланды. Аса жоғары сезімталдық реакцияларының кез келген белгілері немесе симптомдары пайда болған жағдайда құюды дереу тоқтату және нақты клиникалық көрсетілімдерге байланысты емдік араласым жүргізу керек. Маннитол табиғатта табиғи түрінде (мысалы, кейбір көкөністер мен жемістерде) кездеседі және дәрілік және косметикалық заттарда қосымша зат ретінде кеңінен пайдаланылады. Сондықтан сенсибилизация реакциялары маннитол ерітіндісін вена ішіне алмайтын пациенттерде болуы мүмкін. ОЖЖ тарапынан болатын реакциялар Маннитол қабылдайтын пациенттерде, әсіресе бүйрек функциясының қатарлас бұзылуында, ОЖЖ тарапынан болатын уыттылық сананың шатасуы, летаргия және кома түрінде байқалды. Сондай-ақ өлімге әкеп соқтырған жағдайлар туралы хабарланды. ОЖЖ тарапынан болатын уытты реакциялардың себебі мыналар болуы мүмкін: • маннитолдың қан сарысуындағы жоғарғы концентрациясы • жүйке жасушаларының жасушаішілік дегидратациясына әкелетін сарысу гиперосмолярлығы • маннитолды вена ішіне құйғаннан кейінгі гипонатриемия немесе электролиттік және сілтілік-қышқылдық теңгерімнің басқа да бұзылыстары. Жоғарғы концентрацияларда маннитол гематоэнцефалдық бөгет арқылы өтуі мүмкін, осылайша әсіресе ацидоз болған кезде, жұлын-ми сұйықтығының pH деңгейін реттеу бойынша ми функциясын бұзады. Гематоэнцефалдық бөгетінің бұрыннан бұзылуы бар пациенттерде әрбір нақты жағдайда маннитолмен емдеуден күтілетін пайдаға қатысты ми ісінуінің (ошақтық немесе жайылған) күшеюі қаупін бағалау қажет. Маннитолды енгізгеннен кейін бірнеше сағаттан соң бассүйекішілік қысымның қайта жоғарылауы болуы мүмкін. Бұл қауіп әсіресе бұзылған гематоэнцефалдық бөгеті бар пациенттерде жоғары. Бүйрек тарапынан болатын асқынулар қаупі Емді бастар алдында бүйрек функциясы қалыпты болған пациенттерде маннитолдың ауқымды венаішілік дозаларын алғаннан кейін қайтымды жедел олигоануриялық бүйрек жеткіліксіздігі жағдайлары байқалған. Маннитолды енгізумен байланысты осмостық нефроз әдетте қайтымды сипатқа ие екендігіне қарамастан, ол бүйрек жеткіліксіздігінің созылмалы немесе тіпті терминальді сатысына дейін өршуіне қабілетті екені жақсы мәлім. Бұрыннан бүйрек ауруы бар пациенттер немесе потенциальді нефроуытты препараттар алатын пациенттерде маннитолды енгізгеннен кейін бүйрек жеткіліксіздігінің жоғары даму қаупі бар. Сарысу осмолярлылығын және бүйрек функциясын мұқият бақылау және бүйрек функциясының нашарлау белгілері пайда болғанда қажетті шараларды қабылдау қажет. Маннитолды ауыр бүйрек жеткіліксіздігі бар пациенттерге сақтықпен тағайындау керек. Мұндай пациенттерге ерітінідінің сынама дозасын енгізу және оларда несеп шығарылуының адекватты деңгейіне қол жеткенде ғана маннитолмен емді жалғастыру қажет. Егер маннитол ерітіндісін вена ішіне құю уақытында несептің шығарылу жылдамдығы төмендесе, пациенттің клиникалық күйін онда бүйрек жеткіліксіздігі дамуының ықтималдығына қатысты бағалау қажет; қажет болса инфузияны тоқтата тұру керек. Гиперволемия қаупі Инфузияға арналған Маннитолдың 15% ерітіндісін тез жылдамдықпен енгізу алдында пациенттің жүрек-қантамыр жүйесінің жай күйін мұқият бағалау қажет. Жоғарғы дозалар және/немесе жоғарғы құю жылдамдықтары, сондай-ақ маннитолдың организмде жинақталуы (оның бүйрек арқылы жеткіліксіз шығуы себебінен) гиперволемияға - жасушаішілік сұйықтық көлемінің шамадан тыс ұлғаюына әкелуі мүмкін, бұл өз кезегінде, бұрыннан бар іркілісті жүрек жеткіліксіздігінің асқынуына немесе оның туындауына әкелуі мүмкін. Маннитолдың организмде жинақталуы құю уақытында несеп шығару жылдамдығын төмендеген жағдайда орын алуы мүмкін, бұл бұрыннан бар немесе латентті іркілісті жүрек жеткіліксіздігін асқындыруы мүмкін. Пациентте жүрек немесе өкпе функциясы нашарлағанда емді толығымен тоқтату керек. Су-электролиттік теңгерімнің бұзылу қаупі, гиперосмолярлылық Маннитол қабылдаудан туындаған осмостық диурез дегидратацияның/ гиповолемияның дамуына немесе асқынуына және қанның қоюлануына әкелуі мүмкін. Маннитол енгізу сондай-ақ гиперосмолярлылық туындатуы мүмкін. Егер емдеу кезінде пациентте сарысу осмолярлылығы жоғарыласа, бұл диурезді қарқындатуы, бассүйекішілік және көзішілік қысымның төмендеуі бойынша маннитолдың жеткіліксіз тиімділігін көрсетуі мүмкін. Бұдан өзге, құюдың дозасына және ұзақтығына байланысты трансцеллюлярлық сұйықтықтардың (су және электролиттер) деңгейінің өзгеруі, осмостық диурез және/немесе басқа механизмдер электролиттік және/немесе қышқылдық-сілтілік теңгерімнің бұзылу себебі болуы мүмкін. Мұндай бұзылыстардың ауыр және тіпті өліммен аяқталатын салдарлары болуы мүмкін. Маннитолмен емдеу нәтижесінде электролиттік және/немесе қышқылдық-сілтілік теңгерімнің бұзылуы • Гипернатриемия, дегидратация және қанның қоюлануы (шамадан тыс су жоғалту себебінен). • Гипонатриемия - натрийсіз жасушаішілік сұйықтықтың маннитолды құйғаннан кейін жасушаішілік аумаққа жылжуы қан сарысуындағы натрий концентрациясын төмендетуі және бұрыннан бар гипонатриемияны асқындыруы мүмкін, бұл ретте несептегі натрий және калийдің жоғалуы артады. Гипонатриемия бас ауыруына, жүрек айнуына, эпилепсиялық ұстамаларға, летаргияға, комаға, ми ісінуіне және өлімге әкелуі мүмкін. Өмірге қауіп төндіретін және медициналық көмекті қажет ететін жағдай гипонатриемия аясындағы жедел симптоматикалық энцефалопатия болып табылады. Гипонатриемияның даму қаупі пациенттердің келесі санатында жоғары: – балалар – егде жастағы адамдар – әйелдер – операциядан кейінгі пациенттер – психогенді полидипсиясы бар пациенттер. Гипонатриемияның асқынуы сияқты энцефалопатияның даму қаупі, пациенттердің келесі санатында жоғары: – балалар (≤16 жас) – әйелдер (әсіресе, менопауза алдындағы кезеңде) – гипоксемиясы бар пациенттер –орталық жүйке жүйесінің негізгі ауруы бар пациенттер. • Гипокалиемия • Гиперкалиемия • Электролиттердің басқа бұзылыстары • Метаболизмдік ацидоз • Метаболизмдік алкалоз Диурезге ықпал ете отырып, маннитол құю адекватты емес гидратацияны немесе гиповолемияны бүркемелеуі және күшейтуі мүмкін. Инфузиялық реакциялар Маннитол пайдаланумен байланысты инфузия енгізу орнындағы тітіркену және қабынуды, сондай-ақ экстравазация аясында ауыр реакцияларды (компартмент-синдром) қоса инфузиялық реакциялардың дамуы туралы хабарланды. Басқа препараттарды қатар пайдалану немесе дұрыс емес қолдану тәсілін қолдану пирогенді заттардың ықтимал түсуі себебінен фебрильді реакциялардың даму себебі болуы мүмкін. Жағымсыз реакция туындаған жағдайда инфузияны дереу тоқтату қажет. Пайдалану алдында сұйықтықтар мен электролиттер көлемінің орнын толтыру Шок және бүйрек дисфункциясы бар пациенттерде маннитол құюды сұйықтықтар мен электролиттер көлемінің орнын толтырғанға дейін жүргізуге болмайды. Мониторинг Маннитолды пайдалану кезінде қышқылдық-сілтілік теңгерімді, бүйрек функциясын және сарысу осмолярлылығын мұқият бақылау қажет. Маннитол қабылдайтын пациенттер оларда бүйрек, жүрек немесе өкпе функциясының төмендеуіне қатысты қадағалануы тиіс; жағымсыз құбылыстар туындаған жағдайда ем толығымен тоқтатылады. Сондай-ақ мұқият бақылау нысаны несеп шығару жылдамдығы, сұйықтық теңгерімі, орталық веналық қысым және электролиттер (атап айтқанда, натрий және калий деңгейлері) теңгерімі болуы тиіс. Қан препараттарымен үйлесімсіздігі Маннитолды қан препараттарымен бір уақытта енгізуге болмайды, өйткені бұл қан жасушаларының агглютинациясына және олардың тісшеленген кескіндеріне әкелуі мүмкін. Кристаллизация Төмен температураның әсерінен маннитол ерітінділері кристалдануы мүмкін. Енгізу алдында ерітіндіні онда кристалдардың болуына қатысты тексеру қажет. Егер кристалдар табылса, ерітіндіні 37°C-ден аспайтын температураға дейін қыздыру және оны баяу сілку арқылы қайта ерітіңіз. Зертханалық көрсеткіштердің ауытқуы Маннитол кейбір талдау жүйелерін пайдалану кезінде қандағы бейорганикалық фосфордың құрамына қатысты дұрыс емес төмен нәтижелер беруі мүмкін. Маннитол этиленгликольге қан нәтижелерінің жалған оң нәтижелерін береді, онда маннитол бастапқыда альдегидке дейін тотығады. Педиатрияда пайдаланылуы Препараттың балалардағы қауіпсіздігі мен тиімділігі клиникалық зерттеулер аясында зерттелмеді. Егде жастағы адамдарда пайдалану Әдетте, егде жастағы пациенттер үшін төмендеген бауыр, бүйрек және жүрек функциясының жоғарғы жиілігін, сондай-ақ қатарлас патологияны және дәрілермен емді ескере отырып дозаны таңдауға аса сақтықпен келу керек. Ауа эмболиясы қаупі Келесі енгізулерде пластик контейнерлерді пайдаланбаңыз. Бұл екінші контейнерден сұйықтық енгізуді аяқтар алдында бірінші контейнерден қалдық ауа кіруі нәтижесінде ауа эмболиясына әкелуі мүмкін. Шығынды ұлғайту мақсатында иілгіш пластик контейнерлердегі венаішілік ерітінділер қысымын жоғарылату да, егер контейнердегі қалдық ауа препаратты енгізу алдында толығымен шығарылмаған жағдайда ауа эмболиясына әкелуі мүмкін. Ашық вентиляциялық саңылаулы желдететілетін инфузиялық жүйені пайдалану ауа эмболиясына әкелуі мүмкін. Осындай инфузиялық жүйелерді иілгіш пластик контейнерлермен бірге пайдалануға болмайды. Қосымша заттар туралы ақпарат 15 % дозадағы Маннитол құрамында 1 мл тиісінше 9.0 мг натрий бар. Мұны натрийді қабылдауды шектейтін диатадағы пациенттерге қолдану кезінде ескеру қажет. Арнайы ескертулер Педиатрияда қолданылуы Педиатриялық популяцияда қауіпсіздігі мен тиімділігі анықталған жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Маңызды емес.

Маннитолды жүктілерде пайдалану туралы тиісті деректер жоқ. Маннитолды бұл анық қажет болмаса, жүктілік кезінде пайдаланбаған жөн. Маннитолдың емшек сүтіне бөлінуі туралы деректер жоқ. Маннитолды бала емізу кезінде пайдаланбаған жөн. Бала емізетін әйелге тағайындау қажет болса, емшек емізуді тоқтату керек.

Әсерлердің күшеюі Басқа диуретиктермен қатар пайдалану маннитолдың әсерін күшейтеді және ол препарат дозасын төмендетуді қажет етуі мүмкін. Әсерлердің тежелуі Маннитол несеп шығарылуын көтермелейді, бұл негізінен бүйректегі едәуір қайта абсорбцияға ұшырайтын препараттарға ықпал етеді, осылайша олардың клиренсін ұлғайтады және экспозициясын төмендетеді. Маннитол литийдің несеппен шығарылуын күшейтеді, сондықтан маннитол мен литийді қатар қолдану соңғысының тиімділігін төмендетуі мүмкін. Маннитол қабылдаудан болған сұйықтықты теңгерімнің бұзылу себебіне байланысты препараттардың нефроуыттылығы Адамдарда мұндай әрекеттесудің ықтималдығы аз екендігіне қарамастан қатар циклоспорин мен аминогликозид қабылдап жүрген пациенттер бүйрек уыттылығы белгілерінің пайда болуына қатысты мұқият қадағалануы тиіс. Нейтроуытты препараттар Маннитол мен нейроуытты дәрілерді қатар пайдалану (мысалы, аминогликозид) соңғыларының уытты әсерін күшейтуі мүмкін. Тиімділігіне электролиттік теңгерімсіздік ықпал ететін препараттар Маннитолмен емдеу аясында электролиттік теңгерімсіздіктің (мысалы, гиперкалиемия, гипокалиемия) дамуы осындай теңгерімсіздікке сезімтал препараттардың (дигоксин, QT аралығын ұзартуға қабілетті препараттар, жүйке-бұлшықет блокаторлары) тиімділігіне ықпал етуі мүмкін. Басқа да ықтимал әрекеттесулерге тубокураринмен және деполяризациялайтын миорелаксанттармен (маннитол олардың әсерін күшейтеді), пероральді антикоагулянттармен (маннитол дегидратация аясында ұю факторларының концентрациясы жоғарылағанына байлынысты олардың әсерін төмендетуі мүмкін) және дигоксинмен, егер маннитолмен емдеу гипокалиемияның дамуына әкелетін болса дигоксиннің уытты әсер ету қаупі бар қатар пайдалану кіреді.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 ºС-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!