МАСИПАН® таблетки 10 мг

Үлбірлі қабықпен қапталған 1 таблетканың құрамында белсенді зат - мацитентан 10.000 мг. қосымша заттар (ядро): лактоза моногидраты, микрокристалды целлюлоза РН 101, кросповидон CL-F, повидон K30, полисорбат 80, кросповидон CL, магний стеараты; Қабыққа арналған материал № 77 Opadry AMB II White 88A180040: поливинил спирті, тальк, титанның қостотығы (Е171), глицерил каприлаты (CAPMUL® MCM), натрий лаурилсульфаты. Сыртқы түрінің, иісі мен дәмінің сипаттамасы Дөңгелек пішінді, екі жақ беті дөңес, ақ түстен крем түске дейінгі үлбірлі қабықпен қапталған таблеткалар.

МАСИПАН® монотерапия ретінде немесе біріктірілген ем құрамында ДДҰ жіктеуі бойынша II-III функционалдық класы (ФК) бар ересек пациенттерде өкпенің артериялық гипертензиясын (ӨАГ) ұзақ уақыт бойы емдеу үшін көрсетілген. Емнің тиімділігі идиопатиялық және тұқым қуалайтын ӨАГ, дәнекер тін ауруларымен астасқан ӨАГ және компенсацияланған қарапайым туа біткен жүрек ақауымен астасқан ӨАГ қоса алғанда, ӨАГ шалдыққан пациенттер популяциясында көрсетілді.

Әсер ету механизмі Эндотелин (ЕТ)-1 және оның рецепторлары (ЕТ А және ЕТ В) вазоконстрикция, фиброз, пролиферация, гипертрофия және қабыну сияқты әртүрлі әсерлердің делдалы болып табылады. ӨАГ сияқты патологиялық жағдайларда жергілікті ЕТ жүйесі гиперактивті күйде болады және тамырлы гипертрофияның дамуына және ағзалардың зақымдалуына қатысады. Мацитентан ЕТA, ЕТB-рецепторларында да әсер ететін және in vitro ЕТB-рецепторларымен салыстырғанда ЕТA-рецепторларға қатысты шамамен 100 есе үлкен селективтілікке ие эндотелинге рецепторлардың антагонисі пероральді қабылдаған кезде белсенді болып табылады. Мацитентан жоғары афинділікке ие және адамдағы өкпе артерияларының тегіс бұлшықет жасушаларында ЕТ рецепторларын ұзақ уақыт бөгейді. Бұл әсері вазоконстрикция мен тегіс бұлшықет жасушаларының көбеюіне әкелетін екінші реттік хабар алмасу жүйесінің эндотелинмен белсендірілуіне жол бермейді. Клиникалық тиімділік және қауіпсіздік ӨАГ бар пациенттердің тиімділігі Рандомизацияланған, салыстырмалы жасырын, көп орталықты, плацебо-бақыланатын, клиникалық оқиғаларды бағалай отырып, қатарлас топтарда, 3 фазаны зерттеуде (AC-055-302/SERAPHIN), асқыну жиілігіне немесе өлімге қатысты ұзақ мерзімді әсерді бағалау мақсатында симптоматикалық ӨАГ бар 742 пациент 3 топқа (плацебо [250 пациент]; мацитентан 3 мг [250 пациент] және мацитентан 10 мг [242 пациент] күніне бір рет). рандомизацияланды. Бастапқы деңгейде зерттеуге енгізілген пациенттердің көпшілігі (64%) ӨАГ емдеуге арналған спецификалық препараттың тұрақты дозасын алды: фосфодиэстеразаның пероральді тежегіштері (61%) және/немесе ингаляциялық/пероральді простаноидтар (6%). Зерттеудің бастапқы соңғы нүктесі салыстырмалы жасырын емдеу аяқталғанға дейінгі кезеңде аурушаңдық немесе өлімнің бірінші жағдайының пайда болу уақыты болды. Мұндай жағдайларға өлім, жүрекше септостомия, өкпе трансплантациясы немесе простаноидтарды вена ішіне (в/і) немесе тері астына (т/а) енгізудің басталуы немесе ӨАГ өзге нашарлауы жатады. ӨАГ ағымында» басқа нашарлау « деп келесі элементтердің үшеуінің болуы түсініледі: 6 минут ішінде өтетін қашықтықтың тұрақты төмендеуі (6MWD), бастапқыдан кемінде 15%; ӨАГ симптомдарының күшеюі (ДДҰ ФК нашарлауы немесе жүректің оң жақ бөлігінің жеткіліксіздігі) және ӨАГ емдеу үшін жаңа препарат қосу қажеттілігі. Барлық жағдайларды емдеу түрі бойынша жасырылған тәуелсіз сарапшылар комитеті растады. Пациенттердің өмір сүру жағдайын бақылау зерттеу аяқталғанға (ЗА) дейін жалғасты. ЗА тиімділіктің негізгі критерийіне сәйкес келетін оқиғалардың алдын-ала анықталған санына қол жеткізгеннен кейін орнатылды. Емнің аяқталуынан (ЕА) бастап ЗА-ға дейінгі кезеңде пациенттер 10 мг дозада ашық режимде мацитентан немесе ӨАГ емдеуге арналған баламалы препарат алуы мүмкін. Жалпы, салыстырмалы жасырын емдеу ұзақтығының медианасы 115 аптаны құрады (мацитентанды қолданудың 188 аптасына дейін). Барлық пациенттердің орташа жасы 46 жасты құрады( 12-ден 85 жасқа дейін, оның ішінде 18 жасқа дейінгі 20 пациент, 18-ден 74 жасқа дейінгі 706 пациент және 75 жастан асқан 16 пациент); пациенттердің көпшілігі еуропеоидті нәсілді адамдар болды (55%), олардың көпшілігі әйел болды (77%). Дүниежүзілік денсаулық сақтау ұйымының (ДДСҰ) жіктеуі бойынша ӨАГ функционалдық класы (ФК) пациенттердің тиісінше 52%, 46% және 2% - да II, III және IV ретінде анықталды. Зерттелетін популяцияда анағұрлым көп таралған этиология идиопатиялық немесе тұқым қуалайтын ӨАГ (57%), екінші орында - дәнекер тінінің ауруларынан туындаған ӨАГ (31%), компенсацияланған қарапайым туа біткен жүрек ақауымен байланысты ӨАГ (8%) және басқа этиологиялық факторлармен байланысты ӨАГ (дәрілік препараттар мен токсиндер [3%] және АИТВ [1%]) болды. Талданатын соңғы нүктелер 10 мг дозада мацитентанмен емдеу плацебомен салыстырғанда ЕА-ға дейінгі кезеңде асқынулардың/өлім-жітімнің құрамдас көрсеткішінің қаупінің 45% - ға төмендеуіне әкелді (қауіп қатынасы [ҚҚ] 0.55; 97.5% СА: 0.39-0.76; біржақты логрангтік критерий мәні р<0.0001) [1-сурет және 1-кесте]. Емдеу әсері ерте анықталды және тұрақты болды. Негізгі бағалау көрсеткішіне қатысты 10 мг дозадағы мацитентанның тиімділігі жасы, жынысы, этностық шығу тегі, географиялық өңірі, аурудың этиологиясы бойынша ерекшеленген кіші топтарда және оларда ӨАГ емдеу үшін басқа препараттармен біріктіріп монотерапия немесе ем жүргізілгені-жүргізілмегені бойынша, сондай-ақ ДДҰ (бұдан әрі-ДДҰ) ФК әртүрлі қосалқы топтарда (I/II және III/IV) тұрақты сипатта болды. 1-сурет. SERAPHIN зерттеуіндегі өлім-жітімнің алғашқы жағдайы үшін Каплан-Мейер қисықтары Емдеудің басынан айлар Қауіп тобындағы пациенттер саны Опсамит 10 м 242 — 208 — 187 — 171 — 155 — 91 — 41 Плацебо 250 — 188 — 160 — 135 — 122 — 64 — 23 1-кесте. Жағдайлардың нәтижелеріне қысқаша шолу Соңғы нүктелер және статистикалық мәліметтер — Құбылыстары бар пациенттер — Зерттелетін препараттарды салыстыру: плацебомен салыстырғанда 10 мг мацитентан Плацебо (N=250) — Мацитентан 10 мг (N=242) — Қауіптің абсолютті төмендеуі — Қауіптің салыстырмалы төмендеуі (97.5% СА) — HRa (97.5% СА) — Логрангтік критерий, p мәні Асқыну/ өлім құбылысы b — 53% — 37% — 16% — 45% (24%; 61%) — 0.55 [0.39; 0.76]. — <0.0001 Өлім-жітім c n (%) — 19 (7.6%) — 14 (5.8%) — 2% — 36% (-42%; 71%) — 0.64 [0.29; 1.42]. — 0.20 ӨАГ ағымының нашарлауы n (%) — 93 (37.2%) — 59 (24/4%) — 13% — 49% (27%; 65%) — 0.51 [0.35; 0.73]. — <0.0001 Простаноидтарды в/і / т/а енгізудің басталуы n (%) — 6 (2.4%) — 1 (0.4%) — 2% a = Кокстың пропорционалды қауіптер моделіне негізделген b = 36 айдан кейін осы жағдаймен пациенттердің % = 100 × (1-КМ критерий) c= кез-келген себептерден ЕА-ға дейін өлім, алдыңғы нашарлауға қарамастан. Мацитентанмен 10 мг дозада емдеу аясында кез келген себеп бойынша өлім жағдайларының саны плацебо тобындағы 44 – пен салыстырғанда 35-ті құрады (ҚҚ 0.77; 97.5% СА: 0.46-1.28). 10 мг дозада мацитентан алған пациенттерде ӨАГ дейін ЕА-ға дейін кешіктіру салдарынан қайтыс болу немесе емдеуге жатқызу қаупі 50%-ға төмендеді (ҚҚ 0.50; 97.5% СА: 0.34-0.75; логрангтік p <0.0001) (50 жағдай), плацебомен салыстырғанда (84 жағдай). 36 айдан кейін плацебо тобындағы пациенттердің 44.6% - ы және 10 мг дозада мацитентан қабылдаған топтағы пациенттердің 29.4% - ы (қауіптің абсолютті төмендеуі = 15.2%) ӨАГ байланысты ауруханаға жатқызылды немесе ӨАГ байланысты себептерден қайтыс болды. Симптоматикалық аяқталу нүктелері Физикалық белсенділікті көтеру қабілеті екінші нүкте ретінде бағаланды. Мацитентанмен 10 мг дозада емделген 6 айдан кейін плацебоға түзетумен орта есеппен 22 метрге 6MWD ұлғайғаны байқалды (97.5% СА: 3 - 41; p = 0.0078). Функционалдық класқа сәйкес 6MWD бағалау III/IV ФК бар пациенттерде плацебо-түзетілген қашықтықтың орта есеппен 37 метрге (97.5% СА: 5 - тен 69-ға дейін) және I/II ФК бар пациенттерде 12 метрге (97.5% СА: 8-ден 33-ке дейін) ұлғаюымен қатар жүрді. Зерттеу барысында мацитентанды қолдану есебінен қол жеткізілген 6MWD артуы тұрақты сипатта болды. 6 ай ішінде 10 мг дозада мацитентанмен емдеу плацебоға қатысты ДДҰ ФК 74% - ға жақсаруына әкелді (қауіп қатынасы 1.74; СА 97.5%: 1.10-2.74; р = 0.0063). 10 мг дозадағы мацитентан SF-36 сауалнамасы бойынша бағаланатын өмір сүру сапасын жақсартуға ықпал етті. Гемодинамикалық соңғы нүктелер Гемодинамикалық көрсеткіштерді бағалау 6 айлық емнен кейін пациенттердің қосалқы тобында (плацебо [N=67], мацитентан 10 мг [N=57]) жүргізілді. 10 мг мацитентан қабылдаған пациенттерде өкпе тамырлық қарсылығының төмендеу медианасы плацебомен салыстырғанда т36.5% (97.5% СА: 21.7-ден 49.2% - ға дейін) құрады, ал жүрек индексінің ұлғаюы 0.58 л/мин/м2 (97.5% СА: 0.28-0.93 л/мин/м2) сәйкес келді. Балалар Еуропалық дәрілік заттар жөніндегі агенттік педиатриялық популяцияның бір немесе бірнеше ішкі жиынында өкпе артериялық гипертензиясын емдеу кезінде мацитентан зерттеулерінің нәтижелерін ұсыну міндеттемесін кейінге қалдырды (балаларда қолдану жөніндегі ақпарат үшін 4.2-бөлімді қараңыз).

Дозалау режимі Ұсынылатын доза күніне бір рет 10 мг құрайды. Енгізу әдісі мен жолы Ішке қабылдау үшін. Үлбірлі қабықпен қапталған таблетка сындыруға арналмаған және осыған байланысты оны жеткілікті мөлшерде сумен іше отырып, тұтастай жұту керек. Таблеткаларды тамақтану кезінде де, тамақ ішпей де қабылдауға болады. МАСИПАН® препаратын күн сайын бір уақытта қабылдау қажет. Егер пациент МАСИПАН® препаратының дозасын өткізіп алса, оны мүмкіндігінше тез қабылдау керек, содан кейін препаратты әдеттегі уақытта тұрақты қабылдауды жалғастыру керек. Өткізіп алған дозаны толықтыру үшін препараттың екі таблеткасын бір мезгілде қабылдауға болмайды.

- әсер етуші затқа немесе препараттың қосымша заттарының кез келгеніне аса жоғары сезімталдық - жүктілік - контрацепцияның сенімді әдістерін пайдаланбайтын бала туатын жастағы әйелдерде препаратты қолдану - бала емізу - бауыр функциясының ауыр бұзылуы бар пациенттер (циррозбен немесе циррозсыз) - бауыр аминотрансферазаларының бастапқы мәндері (аспартатамин-трансфераза (АСТ) немесе аланинаминотрансфераза (АЛТ) >3×ҚЖШ (қалыптың жоғарғы шегі))

Барлық дәрілік препараттар сияқты, бұл препарат жағымсыз әсерлерді туындатуы мүмкін, бірақ олар әркімде байқала бермейді. Жиі емес - аллергиялық реакциялар (көздің, беттің, еріннің, тілдің немесе көмейдің айналасындағы ісіну, қышыну және/немесе бөртпе) Егер сіз осы белгілердің кез-келгенін байқасаңыз, дереу дәрігеріңізге хабарлаңыз. Өте жиі - анемия (қанның қызыл жасушаларының төмен саны) немесе гемоглобин деңгейінің төмендеуі - бас ауыруы - бронхит (тыныс алу жолдарының қабынуы) - назофарингит (тамақ және мұрын жолдарының қабынуы) - ісіну (ісіп кету), әсіресе тобық пен аяқ аумағында Жиі - фарингит (тамақтың қабынуы) - тұмау (тұмауға ұқсас синдром) - несеп шығару жолдарының инфекциясы (қуық инфекциясы) - гипотензия (төмен қан қысымы) - мұрынның бітелуі (мұрын арқылы тыныс алудың бұзылуы) - бауыр тестілері деңгейінің жоғарылауы - лейкопения (лейкоциттер санының төмендеуі) - тромбоцитопения (тромбоциттер саны төмен) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозаланған жағдайда тиісті демеуші ем көрсетіледі. Мацитентанды қан плазмасы ақуыздарымен байланыстырудың жоғары дәрежесін назарға ала отырып, диализді қолдану тиімсіз.

ДДҰ бойынша I класты функционалдық статусы бар өкпе артериялық гипертензиясы бар пациенттерде мацитентанды қолданудың пайдасы мен қаупінің арақатынасы анықталмаған. Бауыр функциясы Бауыр аминотрансферазалары (АЛТ және АСТ) белсенділігінің артуы ӨАГ және эндотелин рецепторларының антагонистерін (АРЭ) қолданумен байланысты. Ауыр дәрежедегі бауыр функциясы бұзылған пациенттерде немесе бастапқы кезде бауыр аминотрансферазалары белсенділігінің жоғарылауы (>3×ҚЖШ) кезінде МАСИПАН® препаратымен емді бастамаған жөн және орташа дәрежедегі бауыр функциясы бұзылған пациенттерде ұсынылмайды. МАСИПАН® препаратымен емдеуді бастағанға дейін бауыр ферменттерінің белсенділігін анықтау үшін сынақтар жүргізу қажет. Бауыр функциясының бұзылу белгілерін анықтау үшін пациенттердің клиникалық жағдайын бақылау және ай сайын АЛТ және АСТ белсенділігін анықтау керек. Аминотрансферазалар деңгейінің тұрақты түсініксіз, клиникалық маңызды жоғарылауы пайда болған кезде, сондай-ақ мұндай жоғарылау билирубин концентрациясының >2×ҚЖШ жоғарылауымен немесе бауыр зақымдануының клиникалық симптомдарымен (мысалы, сарғаю) қатар жүретін жағдайларда МАСИПАН® препаратымен емдеуді тоқтату керек. МАСИПАН® препаратымен емді бауыр аминотрансферазаларының белсенділігі қалыпқа келген кезде бауыр зақымдануының клиникалық белгілері жоқ пациенттерде ғана жаңғыртуға болады. Гепатологпен кеңесу ұсынылады. Гемоглобин Гемоглобин концентрациясының төмендеуі мацитентанды қоса алғанда, эндотелин рецепторларының антагонистерін (АРЭ) қолданумен байланысты болды. Плацебо-бақыланатын зерттеулерде мацитентанмен байланысты гемоглобин концентрациясының төмендеуі үдемелі сипатта болған жоқ, көрсеткіштер емдеудің алғашқы 4-12 аптасынан кейін тұрақтанды және ұзақ емдеу бойы тұрақты болып қалды. Қан құюды қажет ететін анемия жағдайлары мацитентанды және басқа да ЭРА қолдануға байланысты байқалды. Ауыр анемиясы бар пациенттерге МАСИПАН® препаратымен емдеуді бастау ұсынылмайды. Емдеу басталғанға дейін қандағы гемоглобин деңгейін анықтау және клиникалық көрсеткіштер бойынша емдеу кезінде бұл көрсеткішті қайта бағалау ұсынылады. Өкпенің вена-окклюзиялық ауруы Өкпе вена-окклюзиялық ауруы бар пациенттерде вазодилятаторлармен (негізінен простациклин туындылары) қолданған кезде өкпе ісінуінің жағдайлары туралы хабарланды. Демек, ӨАГ бар пациенттерде мацитентанды қабылдаған кезде өкпе ісінуінің белгілері пайда болған жағдайда, пациент өкпе веналарының окклюзиялық зақымдануына тексерілуі тиіс. Бала туу жасындағы әйелдер Бала туатын жастағы әйелдерде МАСИПАН® препаратымен емдеуді жүктіліктің жоқтығын растағаннан кейін, контрацепция мәселелері бойынша кеңес бергеннен кейін және контрацепцияның сенімді әдісін қолданған кезде бастау керек. Әйелдер МАСИПАН® препаратымен емдеуді тоқтатқаннан кейін 1 ай бойы жүкті болмауы керек. МАСИПАН® препаратымен емдеу кезінде жүктілікті ерте анықтау мақсатында ай сайын жүктілікке тест өткізу ұсынылады. CYP3A4 изоферментінің қуатты индукторларымен бірге қолдану CYP3A4 изоферментінің күшті индукторларының қатысуымен мацитентан тиімділігінің төмендеуі мүмкін. Мацитентанды CYP3A4 изоферментінің күшті индукторларымен (рифампицин, шайқурай, карбамазепин, фенитоин сияқты) біріктіріп қолданудан аулақ болу керек. CYP3A4 изоферментінің күшті тежегіштерімен бірге қолдану Мацитентанды және CYP3A4 изоферментінің күшті тежегіштерін (итраконазол, кетоконазол, вориконазол, кларитромицин, телитромицин, нефазодон, ритонавир және саквинавир сияқты) бірге қолданғанда сақ болған жөн. Бүйрек функциясының бұзылуы Бүйрек функциясы бұзылған пациенттерде мацитентанмен емдеу аясында гипотензия мен анемияның даму қаупі жоғары болуы мүмкін. Осыған байланысты артериялық қысым мен гемоглобин деңгейіне мониторинг жүргізу керек. ӨАГ және бүйрек функциясының ауыр бұзылуы бар пациенттерде мацитентанды қолданудың клиникалық тәжірибесі жоқ. Препаратты пациенттердің осы популяциясына тағайындағанда сақ болу ұсынылады. Диализде жүрген пациенттерде мацитентанды қолдану тәжірибесі жоқ, сондықтан пациенттердің осы популяциясында МАСИПАН® препаратын қолдану ұсынылмайды. Егде жастағы пациенттер 75 жастан асқан егде жастағы пациенттерде мацитентанды клиникалық қолдану тәжірибесі шектеулі, осыған байланысты МАСИПАН® препаратын пациенттердің осы тобында сақтықпен қолдану керек. Қосымша заттар МАСИПАН® препаратының құрамында лактоза бар. Галактоза көтере алмаушылығымен, лактаза тапшылығымен немесе галактоза мен глюкозаның мальабсорбциясымен байланысты сирек тұқым қуалайтын аурулары бар пациенттер осы препаратты қабылдамауы тиіс. МАСИПАН® құрамында бір таблеткада 1 ммольден аз (23 мг) натрий бар, бұл клиникалық тұрғыдан маңызды емес. Арнайы ескертулер Педиатрияда қолдану Балалар мен 18 жасқа дейінгі жасөспірімдерде мацитентанның қауіпсіздігі мен тиімділігі анықталған жоқ. Егде жастағы пациенттер 75 жастан асқан пациенттерде МАСИПАН® препаратын қолдану жөніндегі деректер шектеулі. МАСИПАН® препаратын осы жас тобында сақтықпен қолдану керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Мацитентан көлік құралын басқару немесе механизмдермен жұмыс істеу қабілетіне елеусіз әсер етеді. Дегенмен, көлік құралын басқару қабілетіне және механизмдермен жұмыс істеуге әсер етуі мүмкін препараттың жағымсыз әсерлері (мысалы, бас ауыруы, гипотензия) байқалуы мүмкін. Қосымша заттар МАСИПАН® препаратының құрамында лактоза бар. Галактоза көтере алмаушылығымен, лактаза тапшылығымен немесе галактоза мен глюкозаның мальабсорбциясымен байланысты сирек тұқым қуалайтын аурулары бар пациенттер осы препаратты қабылдамауы тиіс. МАСИПАН® құрамында бір таблеткада 1 ммольден аз (23 мг) натрий бар, бұл клиникалық тұрғыдан маңызды емес.

Бала туатын жастағы әйелдерде МАСИПАН® препаратымен емдеуді жүктіліктің жоқтығын растағаннан кейін, контрацепция мәселелері бойынша кеңес бергеннен кейін және контрацепцияның сенімді әдісін қолданған кезде бастау керек. Әйелдер МАСИПАН® препаратымен емдеуді тоқтатқаннан кейін 1 ай бойы жүкті болмауы керек. МАСИПАН® препаратымен емдеу кезінде жүктілікті ерте анықтау мақсатында ай сайын жүктілікке тест өткізу ұсынылады. Мацитентанды жүктілік кезінде қолдану туралы деректер жоқ. МАСИПАН® препаратын қолдану жүктілік кезінде және контрацепцияның сенімді әдісін пайдаланбайтын бала туу жасындағы әйелдерде қарсы көрсетілімді. Мацитентанның емшек сүтіне бөлінетіні анықталған жоқ. МАСИПАН® бала емізу кезінде қарсы көрсетілімді.

МАСИПАН® басқа дәрілік препараттармен өзара әрекеттесе алады. МАСИПАН® басқа препараттармен бірге, төменде атап көрсетілген препараттарды қоса алғанда, МАСИПАН® препаратының немесе басқа да препараттардың тиімділігі өзгеруі мүмкін: • рифампицин, кларитромицин, телитромицин (инфекцияны емдеу үшін қолданылатын антибиотиктер) • фенитоин (құрысу ұстамаларын емдеу үшін пайдаланылатын препарат) • карбамазепин (депрессия мен эпилепсияны емдеу үшін қолданылады) • шайқурай (өсімдік тектес препарат, депрессия емдеу үшін қолданылады) • ритонавир, саквинавир (АИТВ инфекциясын емдеу үшін қолданылады) • нефазодон (депрессияны емдеу үшін қолданылады) • кетоконазол (сусабыннан басқа), итраконазол, вориконазол (зең инфекциясын емдеу үшін қолданылатын препараттар)

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде 25 º С-ден аспайтын температурада сақтау керек. Балалардың қолы жетпейтін жерде сақтау керек!