Мегапим порошок 1 г

Бір құтының ішінде белсенді зат: цефепим-1984 мг (цефепим гидрохлориді мен L- аргининнің стерильді қоспасы) Сыртқы түрінің, иісінің, дәмінің сипаттамасы Ақтан бозғылт-сары түске дейінгі ұнтақ

• тыныс алу ағзаларының инфекцияларында (соның ішінде пневмония, бронхит) • несеп шығару жолдарының инфекцияларында (соның ішінде пиелонефрит) • тері мен жұмсақ тін инфекцияларында • интраабдоминальді инфекцияларда (соның ішінде: перитонит және өт жолдарының инфекциялары) • нейтропениялық қызбада (эмпириялық ем ретінде) • қуысқа хирургиялық операциялар жүргізу кезіндегі инфекциялар профилактикасы.

Әсер ету механизмі IV буынның цефалоспориндік антибиотигі. Бактерицидті әсер етеді, микроорганизмдердің жасуша қабырғасының синтезін бұзады. Әсер ету ауқымы кең. Грамоң және грамтеріс бактерияларға, оған қоса III буын аминогликозидтеріне немесе цефалоспориндік антибиотиктерге резистентті штамдардың көпшілігіне қарсы белсенді. Цефепим көптеген бета-лактамазалардың, соның ішінде хромосомалық бета-лактамазалардың әсеріне өте төзімді. Грамтеріс бактериялардың сыртқы жарғақшасына тез өтеді. Цефепим үшін ЕТБК (ең төменгі бактерицидтік концентрация)/ЕТТК (ең төменгі тежегіш концентрация) қатынасы барлық сезімтал грамоң және грамтеріс микроорганизмдердің 80%-дан астам изоляттары үшін 2-ден аз. Цефепим келесі микроорганизмдердің көптеген штамдарына қатысты белсенді. - аэробты грамоң бактериялар: Staphylococcus aureus (оған қоса бета-лактамаза өндіретін штаммдар); Staphylococcus epidermidis (оған қоса бета-лактамаза өндіретін штаммдар); басқа Staphylococcus spp. штаммдары, оған қоса Staphylococcus hominis , Staphylococcus saprophyticus; Streptococcus pyogenes (А тобындағы стрептококтар); Streptococcus agalactiae (В тобындағы стрептококктар); Streptococcus pneumoniae (оған қоса пенициллинге орташа төзімділігі бар штаммдар – минималды бәсеңдету концентрациясы 0,1-ден 1 мкг/мл-ге дейін); басқа бета-гемолитикалық Streptococcus spp. (C, G, F топтары), Streptococcus bovis (D тобы), Viridans тобындағы Streptococcus spp. - аэробты грамтеріс бактериялар: Acinetobacter calcoaceticus (Anitratus, lwoffii субштамдары); Aeromonas hydrophila; Capnocytophaga ѕрр.; Citrobacter ѕрр. Citrobacter diversus, Citrobacter freundii; Campylobacter jejuni; Enterobacter ѕрр., оған қоса Enterobacter cloacae, Enterobacter aerogenes, Enterobacter sakazakii, Escherichia coli, Cardnerella vaginalis, Haemophilus ducreyi; Haemophilus influenzae (бета-лактамаза шығаратын штаммдарды қоса); Haemophilus parainfluenzae; Hafnia Alvei; Klebsiella ѕрр., оған қоса Klebsiella pneumoniae, Klebsiella oxytoca, Klebsiella ozaena; Morganella morganii; Moraxella catarrhalis (branhamella catarrhalis) (бета-лактамаза шығаратын штаммдарды қоса); Neisseria gonorrhoeae (штаммдарды қоса, бета-лактамаза өндіретін); Neisseria meningitidis; pantoea Agglomerans (бұрын Enterobacter agglomerans деп аталған); Proteus ѕрр., оған қоса Proteus mirabilis, Proteus vulgaris; Providencia ѕрр., оған қоса Providencia rettgeri, Providencia stuartii; Pseudomonas ѕрр., оған қоса Pseudomonas aeruginosa, Pseudomonas putida, Pseudomonas stutzeri; Salmonella ѕрр.; Serratia, оған қоса Serratia marcescens, Serratia liquefaciens; Shigella ѕрр.; Yersinia enterocolitica. - анаэробты бактериялар: Clostridium perfringens; Fusobacterium spp.; Mobiluncus spp.; Peptostreptococcus spp.; Prevotella melaninogenica, бұрын Bacteroides melaninogenicus ретінде белгілі; Veillonella spp. Төзімді түрлері - аэробты грамоң микроорганизмдер: Enterococcus spp., Listeria monocytogenes, Staphylococcus aureus (метициллинге резистентті); - аэробты грамтеріс микроорганизмдер: Legionella spp., Stenotrophomonas maltophilia; - анаэробты микроорганизмдер: Bacteroides fragilis, Clostridium difficile; - басқа микроорганизмдер: Chlamydia spp., Chlamydophila spp., Mycoplasma spp. Энтерококк штамдарының көпшілігі, мысалы, Enterococcus faecalis және метициллинге төзімді стафилококктар цефепимге резистентті. Цефепим көптеген Stenotrophomonas maltophilia изоляттарына қарсы белсенді емес.

Дозалану режимі Препаратты бұлшықет ішіне немесе вена ішіне енгізеді. Дозаны және енгізу жолын қоздырғыштың сезімталдығына, инфекциялардың ауырлығына, сондай-ақ пациенттің бүйрек функциясының жағдайына байланысты белгілейді. Вена ішіне енгізу жолы ауыр және өмірге қауіп төндіретін инфекциялары бар пациенттер үшін тиімдірек. 1-кесте. Креатинин клиренсі 50 мл/мин асатын пациенттер үшін препараттың ұсынылатын дозалары Инфекция типі — Доза — Препаратты енгізу жиілігі — Ұзақтығы2 (күн) Ересектер мен 16 жастан асқан балалар (дене салмағы 40 кг-нан асатын) Пневмония (орташа ауырдан ауырға дейін) — 1-2 г в/і — 12 сағат сайын — 10 Фебрильді нейтропения — 2 г в/і — 8 сағат сайын — 7** Несеп шығару жолдарының ауырлық дәрежесі жеңіл және орташа асқынбаған немесе асқынған инфекциялары, оған қоса пиелонефрит — 0,5-1 г в/і, б/і*** — 12 сағат сайын — 7-10 Несеп шығару жолдарының ауыр асқынбаған немесе асқынған инфекциялары, оған қоса пиелонефрит — 2 г в/і — 12 сағат сайын — 10 Тері мен тері астындағы тіндердің орташа ауырлықтағы және ауыр асқынбаған инфекциялары — 2 г в/і — 12 сағат сайын — 10 Асқынған интраабдоминальді инфекциялар (метронидазолмен біріктірілімде) — 2 г в/і — 8-12 сағат сайын — 7-10 Жеңіл және орташа дәрежедегі гинекологиялық инфекциялар — 1 г в/і немесе б/і — 12 сағат сайын — 7-10 Септицемия — 2 г б/і — 12 сағат сайын — 7-10 2 айдан 16 жасқа дейінгі балалар (дене салмағы ≤40 кг) Ауыр инфекциялар: Пневмония Несеп шығару жолдарының асқынған инфекциялары — 50 мг/кг дене салмағына — 12 сағат сайын — 10 Өте ауыр инфекциялар: Сепсис Бактериялық менингит Фебрильді нейтропения эпизодтарын эмпирикалық емдеу — 50 мг/кг дене салмағына — 8 сағат сайын — 7-10 Ең жоғары дозасы әрбір 8 сағат сайын 2 г-дан көп емес. Хирургиялық операциялар жүргізгенде ықтимал инфекциялардың профилактикасы үшін операцияны бастаудан 60 минут бұрын препаратты 2 г дозада в/і 30 минут бойы енгізеді. Енгізуді аяқтағаннан кейін в/і 500 мг доза метронидазолды қосымша тағайындайды. Метронидазол ерітінділерін Мегапим препаратымен бір мезгілде енгізбеген жөн. Инфузиялық жүйені метронидазолды енгізер алдында жуып-шайған жөн. Ұзақ (12 сағаттан астам) хирургиялық операция кезінде алғашқы дозадан кейін 12 сағаттан соң Мегапим препаратының тең дозасын қайтадан енгізіп, әрі қарай метронидазолды енгізу керек. 2 айлықтан асқан балалар үшін ең жоғары доза ересектерге ұсынылатын дозадан аспауы тиіс. Несеп шығару жолдарының асқынған немесе асқынбаған инфекциялары (пиелонефритті қоса есептегенде), тері мен жұмсақ тіндердің асқынбаған инфекциялары, пневмония кезінде дене салмағы 40 кг дейінгі балалар үшін орташа дозасы нейтропениялық қызбаны эмпириялық тұрғыдан емдегенде әрбір 12 сағат сайын 50 мг/кг құрайды. Нейтропениялық қызбасы және бактериялық менингиті бар пациенттерге әрбір 8 сағат сайын дене салмағының әр кг-на шаққанда 50 мг-нан тағайындайды. Емдеудің орташа ұзақтығы 7-10 күнді құрайды. Ауыр инфекцияларда өте ұзақ емдеу қажет болуы мүмкін. Бүйрек функциясы бұзылған (КК минутына 30 мл-ден аз) пациенттерде препаратты дозалау режимін түзету қажет. Мегапим препаратының бастапқы дозасы бүйрек функциясы қалыпты пациенттерге арналғаны сияқты болуы тиіс. Препараттың демеуші дозасын КК мәніне байланысты анықтайды: Креатинин Клиренсі (мл/мин) — Ұсынылатын дозалау кестесі 60-тан көп (қалыпты ұсынылатын дозалау кестесі) — Қалыпты дозасы инфекцияның ауырлығына байланысты түзетуді қажет етпейді 500 мг әрбір 12 сағ — 1 г әрбір 12 сағ — 2 г әрбір 12 сағ — 2 г әрбір 8 сағ 30-60 — 500 мг әрбір 24 сағ — 1 г әрбір 24 сағ — 2 г әрбір 24 сағ — 2 г әрбір 12 сағ 11-29 — 500 мг әрбір 24 сағ — 500 мг әрбір 24 сағ — 1 г әрбір 24 сағ — 2 г әрбір 24 сағ 11 кем — 250 мг әрбір 24 сағ — 250 мг әрбір 24 сағ — 500 мг әрбір 24 сағ — 1 г әрбір 24 сағ Үздіксіз амбулаториялық перитонеальді диализ (CAPD) — 500 мг әрбір 48 сағ — 1г әрбір 48 сағ — 2г әрбір 48 сағ — 2 г әрбір 48 сағ Гемодиализ* — 1-күні 1 г, содан соң бұдан кейін 500 мг әрбір 24 сағат — 1 г әрбір 24 сағ Гемодиализ болған күндері, Цефепим инъекциясын гемодиализден кейін енгізген жөн. Мүмкіндігінше, Цефепим инъекциясын күн сайын бір уақытта енгізген жөн Гемодиализде 3 сағат ішінде организмнен Мегапимнің жалпы мөлшерінің шамамен 68%-ы шығарылады. Әрбір сеанс аяқталғаннан кейін бастапқы дозаға тең дозаны қайталап енгізу қажет. Үздіксіз амбулаторлық перитонеальді диализдегі науқастарда Мегапимді ұсынылатын орташа дозаларда, яғни инфекцияның ауырлығына байланысты, бір реттік дозаны енгізу аралығы 48 сағат болатын 500 мг, 1 г немесе 2 г дозаларда қолдануға болады. Бүйрек функциясы бұзылған балаларға дозалау режимін ересектердегідей өзгерту ұсынылады, өйткені ересектерде және балаларда Мегапимнің фармакокинетикасының сипаты ұқсас. Парентеральді енгізуге арналған ерітінділерді дайындау тәртібі В/і енгізетін ерітіндіні дайындау үшін құтыдағы инъекцияға арналған ұнтақты инъекцияға арналған 5 мл немесе 10 мл стерильді суда, 5% глюкоза ерітіндісінде немесе 0.9% натрий хлориді ерітіндісінде кестеде көрсетілгендей етіп ерітеді. Мегапимді в/і 3-5 минут бойы сорғалатып енгізеді. В/і енгізуге арналған жүйе арқылы енгізу үшін дайындалған ерітіндіні в/і енгізуге арналған басқа ерітінділермен қосып, кем дегенде 30 минут бойы енгізеді. Мегапим препаратының 1-ден 40 мг/мл-ге дейінгі концентрациялардағы ерітінділері парентеральді түрде енгізілетін келесі ерітінділермен: 0.9% инъекцияға арналған натрий хлориді ерітіндісімен, инъекцияға арналған 5% немесе 10% глюкоза ерітінділерімен, инъекцияға арналған 5% глюкоза ерітіндісімен және 0.9% натрий хлориді ерітіндісімен, лактаты бар Рингер ерітіндісімен және инъекцияға арналған 5% декстроза ерітіндісімен үйлеседі. Бұлшықет ішіне енгізуге арналған 1 г Мегапим препаратын инъекцияға арналған стерильді суда, 5% глюкоза ерітіндісінде немесе 0,9% натрий хлориді ерітіндісінде (цефепимнің шамамен алынған концентрациясы 100 мг/мл), 0.5% немесе 1% лидокаин гидрохлориді ерітіндісінде ерітеді (кестеде көрсетілгендей). Лидокаин педиатриялық тәжірибеде еріткіш ретінде пайдаланылмайды! Инъекцияға арналған ұнтақ — Сұйылтуға арналған ерітінді көлемі (мл) — Алынған ерітіндінің көлемі (мл) — Мегапимнің концентрациясы (мг/мл) В/і енгізу: 500 мг/құты 1000 мг/құты — 5 — 5.6 — 100 10 — 11.3 — 100 Б/і енгізу: 500 мг/құты 1000 мг/құты — 1.3 — 1.8 — 280 2.4 — 3.6 — 280 Емдеу ұзақтығы Емнің орташа ұзақтығы 7-10 күнді құрайды. Ауыр инфекцияларда одан да ұзақ уақыт қажет болуы мүмкін.

• цефепимге немесе L-аргининге, сондай-ақ цефалоспоринді антибиотиктерге, пенициллиндерге немесе басқа да бета-лактамды антибиотиктерге аса жоғары сезімталдық • 2 айлыққа дейінгі балалар Қолдану кезіндегі сақтық шаралар Дәрілік препараттарға (айқаспалы аллергия болуы мүмкін) аллергияның кез келген түрлері бар пациенттерге сақтықпен пайдалану қажет. Диарея пайда болғанда жалған жарғақшалы колиттің пайда болу мүмкіндігін ескерген жөн.

Өте жиі - Кумбс сынамасының оң реакциясы Жиі - анемия - диарея - бөртпе Жиі емес - эритема, есекжем, терінің қышынуы - жүрек айнуы, құсу, стоматит - бас ауыруы - енгізу орнындағы тітіркену, флебит және тромбофлебит, енгізу орнының қабынуы және ауыруы Сирек - эозинофилия, нейтропения, тромбоцитопения, лейкопения, протромбиндік уақыттың және ішінара белсендірілген тромбопластиндік уақыттың артуы, қан сарысуындағы сілтілі фосфатазаның, фосфаттардың, кальцийдің, калийдің артуы, қан сарысуындағы кальций концентрациясының азаюы - аллергиялық реакциялар, қышыну, есекжем және қызба - құрысулар, парестезия, дәм сезудің өзгеруі, бас айналуы - тиннит (құлақтың шыңылдауы) - трансаминазалар деңгейінің орташа және өтпелі жоғарылауы (АсТ, АлТ), қан сарысуындағы билирубиннің артуы, холестазды қоса, бауыр функциясының бұзылулары - ісіну, аллергиялық реакциялар, эритема - қан сарысуындағы мочевинаның, креатининнің артуы, уытты нефропатия, бүйрек жеткіліксіздігі, қалтырау, несептегі глюкозаны анықтауға жалған оң реакция - спецификалық емес кандидоз Өте сирек - артериялық гипотензия - ентігу - вазодилатация - іш ауыруы, колит, жалған жарғақшалы колит, іш қату - буындардың ауыруы - вагинит - сарысудағы фосфаттар концентрациясының төмендеуі Белгісіз - аплазиялық анемия, гемолиздік анемия, агранулоцитоз - мазасыздық сезімі, сананың шатасуы, елестеулер - анафилаксиялық шок, ангионевроздық ісіну - несептегі глюкозаны анықтауға жалған оң реакция - кома, мелшию, энцефалопатия, сананың бұзылуы, миоклонус - уытты эпидермалық некролиз, Стивенс-Джонсон синдромы, мультиформалы эритема Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: энцефалопатия, миоклония, құрысулар (бүйрек функциясының жеткіліксіздігі бар пациенттерде). Емі: симптоматикалық ем, қажет болғанда – гемодиализ. Дәрілік препаратты қолданбастан бұрын дәрігердің немесе фармацевттің кеңесіне жүгіну керек.

Арнайы сақтандырулар Мегапим препаратын аралас аэробтық/анаэробтық микрофлора есебінен (соның ішінде қоздырғыштардың бірі Bacteroides fragilis болған жағдайларда) инфекциялардың пайда болу қаупі жоғарылаған топтағы пациенттерге тағайындағанда, қоздырғыштардың идентификациясына дейін Мегапим препаратымен бірге бір мезгілде анаэробтарға қатысты белсенді препаратты тағайындау керек. Аса жоғары сезімталдық реакциялары Аллергияның кез келген түрлері бар пациенттерге, әсіресе анамнезде дәрілік препараттарға (пенициллиндер, бета-лактамдық) аллергиялық реакциялары болғанда абайлап тағайындайды. Емдеу аясында аллергиялық реакциялар пайда болғанда оны дереу тоқтатқан жөн. Аса жоғары сезімталдықтың дереу типті ауыр реакцияларында адреналинді және демеуші емнің басқа да түрлерін қолдану қажет болуы мүмкін. Мегапимді анамнезде бронх демікпесі бар пациенттерге сақтықпен тағайындаған жөн. Пациентті бірінші қабылдау кезінде мұқият тексеруі тиіс. Егер аллергиялық реакция пайда болса, емдеу дереу тоқтатылуы тиіс. Нейроуыттылық Цефепимді маркетингтен кейінгі қолдану деректеріне сәйкес келесі ауыр жағымсыз реакциялар, соның ішінде өмірге қауіп төндіретін немесе өлімге әкелетін реакциялар туралы хабарланды: энцефалопатия (сананың бұзылуы, соның ішінде сананың шатасуы, елестеу, мелшию және кома), миоклонус, құрысу. Көптеген жағдайлар цефепим дозаларын ұсынылғаннан көбірек қабылдаған бүйрек функциясы бұзылған пациенттерде байқалды. Кейбір жағдайларда энцефалопатия бүйрегінің функционалдық жағдайына сәйкес дозаларды қабылдаған пациенттерде байқалды. Көп жағдайда нейроуыттылық симптомдары қайтымды болды және цефепиммен емдеуді тоқтатқаннан кейін және/немесе гемодиализден кейін басылды. Clostridium difficile-астасқан диарея Әсер ету спектрі ауқымды барлық дерлік антибиотиктерді қолданған кезде жеңіл кенеттен өтпелі диарея түрінде, сондай-ақ жалған жарғақшалы колит – жалпы симптомдармен (қызба, дегидратация және электролиттік бұзылыс симптомдары, оның ішінде тахикардия, артериалық гипотония, желдету бұзылулары, жоғары лейкоцитоз), жиі сұйық нәжіс, кейде қан аралас, іштің ауыруымен қатар жүретін Clostridium difficile-астасқан диареяның дамуы мүмкін. Clostridium difficile-астасқан диареяға күдік болса немесе расталса Clostridium difficile басу үшін тағайындалғаннан басқа антибиотиктерді қолдануды тоқтату керек. Препаратты қолданғанда суперинфекция пайда болуы мүмкін, бұл препаратты тоқтатуды және тиісті ем тағайындауды қажет етеді. Ішектің жиырылуын тежейтін препараттарды қолдану қарсы көрсетілген. Балалар Мегапимді 2 айлыққа дейінгі балаларға қолданудың қауіпсіздігі мен тиімділігі анықталған жоқ. Бүйрек жеткіліксіздігі бар пациенттер Мегапим бүйрек функциясының бұзылулары бар пациенттерге сақтықпен тағайындалады. Бүйрек функциясының бұзылулары бар пациенттерге тағайындаған кезде препаратты дозалау режимін түзету қажет. Мегапимді әлеуетті нефроуытты әсері (аминогликозидтер, ілмектік диуретиктер) бар дәрілік препараттармен бір уақытта қолданған кезде бүйрек функциясын бақылау керек. Егде жастағы пациенттер Егде жастағы әсіресе бүйрек функциясы бұзылған адамдарға тағайындағанда препараттың дозалау режимін түзету қажет. Цефепимнің реттелмеген дозаларын қабылдаған бүйрек жеткіліксіздігі бар егде жастағы пациенттерде күрделі жағымсыз реакциялардың болуы ықтимал: (сананың бұзылуы, елестеулер, мелшею және кома), миоклония, құрысулар және конвульсиялық емес эпилепсиялық статус. Көптеген жағдайларда нейроуыттылық симптомдары қайтымды болған және цефепимді қабылдауды тоқтатқаннан кейін немесе гемодиализден кейін рұқсат етілген. Цефепиммен еммен байланысты нейроуыттылық симптомдары пайда болған кезде препаратты тоқтатып және тиісті емдеуді тағайындау керек. Кумбстың оң тесті Кумбстың тікелей оң тесттері цефепиммен емдеу уақытында тіркелген. Жүктілік, лактация, фертильділік Цефепимнің адамның фертильділігіне әсері туралы деректер жоқ. Жүкті әйелдерде талапқа сай және қатаң бақыланатын зерттеулер жүргізілген жоқ. Цефепим плацента арқылы өтеді. Адамға потенциалды әсері белгісіз. Жүктілік кезінде цефепим (әсіресе жүктіліктің бірінші триместрінде), егер потенциалды пайдасы шарана үшін ықтимал қауіптен басым болса ғана қолданылады. Цефепим емшек сүтімен өте төмен концентрацияда шығарылады. Бала емізу кезеңінде препаратты, егер анасы үшін болжамды пайда бала үшін потенциалды қауіптен асып кетсе ғана қолдану керек. Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Препараттың жағымсыз әсерлерін ескеріп, көлікті немесе қауіптілігі зор механизмдерді басқарғанда сақ болу керек.

Нұсқаулықта көрсетілмеген.

Мегапим ерітіндісін (басқа бета-лактамдық антибиотиктердің көбісін) метронидазол, ванкомицин, гентамицин, тобрамицин сульфаты және нетилмицин сульфаты ерітінділерімен бір мезгілде енгізгенде фармацевтикалық өзара әрекеттесуі болуы мүмкін. Мегапимді аталған препараттармен бірге тағайындағанда әрбір антибиотикті бөлек-бөлек енгізген жөн. Мегапим метронидазол ерітіндісімен үйлеспейді. Мегапим аминогликозидтердің нефро- және отоуыттылығын арттырады. Мегапим препаратымен ілмекті диуретиктермен (фуросемид) бір мезгілде қолданғанда бүйрек функциясының бұзылуы, соңғылардың нефроуыттылығы күшею қаупінің жоғарылауы байқалады. Цефепимді антикоагулянттармен, тромболитиктермен, антиагреганттармен бір уақытта қолданған кезде антикоагулянтты әсерлерінің артуы және әсіресе, асқазан-ішектен қан кетудің дамуы мүмкін. Пробенецид цефепиммен бірге қолданған кезде соңғының шығарылуын төмендетеді. Цефепимнің алкогольмен өзара әрекеттесуі кезінде дисульфирамды реакция түрінде интоксикация дамуы мүмкін. Цефепимді қабылдау несепте глюкозаға жалған оң реакцияларға әкелуі мүмкін. Глюкоза- оксидаза ферменті реакцияларына негізделген глюкозаға тест қолдану ұсынылады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25ºС-ден аспайтын температурада сақтау керек. Балалардың қолы жетпейтін жерде сақтау керек!