Мегасеф® порошок 250 мг

Бір құтының ішінде: белсенді зат - 250.0 мг және 750.0 мг натрий цефуроксимі қосымша - 250 мг доза үшін: инъекцияға арналған су 2.0 мл, 750 мг доза үшін: инъекцияға арналған су 6.0 мл Сыртқы түрінің, иісінің, дәмінің сипаттамасы Ақ немесе ақшыл-крем түстес ұнтақ, сәл гигроскопиялы.

Мегасеф® ересектер мен балаларда, соның ішінде жаңа туған нәрестелерде (туғаннан бастап) төмендегі инфекцияларды емдеу үшін көрсетілген: - ауруханадан тыс пневмония; - созылмалы бронхиттің жедел өршуі; - пиелонефритті қоса, несеп шығару жолдарының асқынған инфекциялары; - жұмсақ тіндердің инфекциясы: целлюлит, тілме қабынуы және жарақаттық инфекциялар; - құрсақішілік инфекциялар; - асқазан-ішек жолы аумағына (өңешті қоса) жасалатын операциялар, ортопедиялық, жүрек-қантамырлық және гинекологиялық хирургиялық араласулар (кесарь тілігін қоса) кезіндегі инфекциялар профилактикасы. Анаэробты организмдердің пайда болуы ықтимал инфекцияларды емдеу және оның профилактикасы үшін цефуроксимді сәйкес келетін бактерияға қарсы қосымша дәрілермен енгізу керек. Бактерияға қарсы дәрілерді талапқа сай қолдану жөніндегі ресми нұсқаулар ескерілу керек.

ATХ коды J01DС02 Әсер ету мeханизмі Цефуроксим пенициллин-байланыстыратын ақуыздарға (ПБА) нық бекігеннен кейін бактериялардың жасушалық қабырғалардың синтезін басады. Бұл жасушалық қабырғалар биосинтезінің (пептидогликанның) бұзылуына әкеледі, ол бактериялардың жасушаларының лизисіне және құруына әкеп соғады. Резистенттіліктің түзілу механизмі Бактериялардың цефуроксимге резистенттілігі келесі механизмдердің біреуімен немесе бірнешеуімен байланысты болуы мүмкін: • бета-лактамазалар, соның ішінде кең ауқымды бета-лактамазалар (КАБЛ), карбапенемаза және Amp-C ферменттерінің гидролизі, олар бактериялардың белгілі бір аэробты грамтеріс түрлерінде индукциялануы немесе тұрақты түрде басылуы мүмкін. • цефуроксим үшін пенициллин-байланыстыратын ақуыздардың аффинділігі төмен • грамтеріс микроорганизмдерде сыртқы жарғақшаның өткізбеушілігі • бактериялық эффлюкстік сорғылар Басқа инъекциялық цефалоспориндерге резистенттілікті иеленген организмдер цефуроксимге де резистентті болады деп күтіледі. Резистенттілік механизміне байланысты пенициллиндерге жүре пайда болған резистенттілігі бар микроорганизмдер цефуроксимге сезімталдығының төмендігін және резистенттілігін көрсетуі мүмкін. Бақыланатын нүктелері Микробтарға қарсы сезімталдықты тестілеу жөніндегі Еуропалық комитет (EUCAST) анықтаған ең төмен тежегіш концентрацияның (ЕТТК) бақыланатын нүктелері мыналар болып табылады: Патогендік микроорганизм — Шекаралық мәндер (MIC, мг/л) Сезімтал — Төзімді Enterobacteriaceae1 — ≤82 — >8 Staphylococcus spp. — ескерту3 — ескерту3 Streptococcus A, B, C және G — ескерту4 — ескерту4 Streptococcus pneumoniae — ≤0.5 — >1 Streptococcus (басқалары) — ≤0.5 — >0.5 Haemophilus influenzae — ≤1 — >2 Moraxella catarrhalis — ≤4 — >8 Бактериялардың нақты түрлерімен байланысты шектік мәндер1 — ≤45 — >85 1 Enterobacteriaceae үшін цефалоспориндердің шектік мәндері резистенттіліктің клиникалық тұрғыдақ маңызды барлық механизмдерін (БЛКС және плазмидтер арқылы AmpC қоса) анықтауға мүмкіндік береді. Бета-лактамазаны өндіретін кейбір штаммдардың 3-ші немесе 4-ші буынды цефалоспориндерге сезімталдығы немесе аралық сезімталдығы бар және табылуына қарай мәлімделуі тиіс, яғни БЛКС бар немесе жоқтығы сезімталдық санатын анықтауға өздігінен ықпал етпейді. Көптеген салаларда БЛКС табу және сипаттау ұсынылады немесе инфекцияларды бақылау мақсатында міндетті болып табылады. 2 Шектік мәндер 1500 мг×3 дозалауға және E.coli, P. mirabilis және Klebsiella spp. қатысты. 3 Стафилококктердің цефалоспориндерге сезімталдығы туралы қорытынды шектік мәндері жоқ және стафилококктік инфекцияларда қолданылмауы тиіс цефтазидимді, цефиксимді және цефтибутенді қоспағанда, метициллинге сезімталдығына негізделеді. 4 Бета-лактамдарға бета-гемолиздік стрептококктердің А, В, С және G топтарының сезімталдығы туралы қорытынды пенициллинге сезімталдығына негізделеді. 5 Шектік мәндер күн сайын венаішілік 750 мг×3 және жоғары дозада, ең аз дегенде, 1500 мг×3 дозада қолданылады. Микробиологиялық сезімталдық Жүре пайда болған резистенттіліктің таралуында географиялық тұрғыдан және жекелеген түрлер үшін уақыты бойынша айырмашылықтары болуы мүмкін, сондықтан резистенттілігіне қатысты, әсіресе ауыр инфекцияларды емдеген кезде, жергілікті ақпарат дұрыс. Қажет болғанда, егер резистенттіліктің жергілікті таралуы препаратты ең аз дегенде инфекциялардың кейбір типтерінде талас тудыратын болса, сарапшылардан кеңес алуға бару керек. Цефуроксим әдетте келесі микроорганизмдерге in vitro белсенді. Сезімтал микроорганизмдер Грамоң аэробтар: Staphylococcus aureus (метициллин-сезімтал)* Streptococcus pyogenes Streptococcus agalactiae Грамтеріс аэробтар: Haemophilus parainfluenzae Moraxella catarrhalis Жүре пайда болған резистенттілігі бар болуы мүмкін микроорганизмдер Грамоң аэробтар: Streptococcus pneumoniae Streptococcus mitis (viridans тобы) Грамтеріс аэробтар: Citrobacter spp. (C. freundii қоспағанда) Enterobacter spp. (E. cloacae және E. аerogenes қоспағанда) Escherichia coli Haemophilus influenzae Klebsiella pneumoniae Proteus mirabilis Proteus spp. (P. penneri және P. vulgaris-тен басқа) Providencia spp. Salmonella spp. Грамоң анаэробтар: Peptostreptococcus spp. Propionibacterium spp. Грамтеріс анаэробтар: Fusobacterium spp. Bacteroides spp. Табиғи тұрақты микроорганизмдер Грамоң аэробтар: Enterococcus faecalis Enterococcus faecium Грамтеріс аэробтар: Acinetobacter spp. Burkholderia cepacia Campylobacter spp. Citrobacter freundii Enterobacter aerogenes Enterobacter cloacae Morganella morganii Proteus penneri Proteus vulgaris Pseudomonas aeruginosa Serratia marcescens Stenotrophomonas maltophilia Грамоң анаэробтар: Clostridium difficile Грамтеріс анаэробтар: Bacteroides fragilis Басқалары: Chlamydia spp. Mycoplasma spp. Legionella spp. *Барлық метициллин-резистентті S. aureus цефуроксимге резистентті. Іn vitro жағдайларында натрий цефуроксимін және аминогликозидтерді бірге қолданғанда аддитивтік әсер анықталды.

Дозалау режимі 1-кесте. Ересектер және дене салмағы 40 кг-нан асатын балалар Көрсетілімдер — Дозалануы Ауруханадан тыс пневмония және созылмалы бронхиттің өршуі — Әр 8 сағат сайын 750 мг (вена ішіне немесе бұлшықет ішіне) Жұмсақ тіндер инфекциялары: целлюлит, тілмелі қабыну және жарақаттық инфекциялар. Құрсақішілік инфекциялар Пиелонефритті қоса, несеп шығару жолдарының асқынған инфекциялары. — Әр 8 сағат сайын 1,5 г (вена ішіне немесе бұлшықет ішіне) Ауыр инфекциялар — Әр 6 сағат сайын 750 мг (вена ішіне) Әр 8 сағат сайын 1,5 г (вена ішіне) Асқазан-ішек жолы аумағына жасалған операциялар, гинекологиялық (кесарь тілігін қоса) және ортопедиялық хирургиялық араласулар кезіндегі инфекциялар профилактикасы — Наркозды индукциялау кезінде 1,5 г. Мұны 8 және 16 сағаттан кейін 750 мг (бұлшықет ішіне) екі дозамен толықтыруға болады. Жүрек-қантамыр операциялары мен өңеш аумағына араласулар кезіндегі операция аралық профилактика — 1,5 г анестезияны индукциялау кезінде келесі 24 сағат ішінде әр 8 сағат сайын 750 мг (бұлшықет ішіне) енгізеді. Пациенттердің ерекше топтары Балалар 2-кесте. Дене салмағы 40 кг-нан кем балалар Сәбилер және мектеп жасына дейінгі балалар> 3 апта және <40 кг балалар — Сәбилер (туғаннан 3 аптаға дейін) Ауруханадан тыс пневмония — 3 немесе 4 қабылдауға 30-дан 100 мг/кг/күніне дейін (вена ішіне); 60 мг/кг/күніне доза инфекциялардың көпшілігіне сай келеді — 2 немесе 3 рет қабылдауға 30-дан 100 мг/кг/күніне дейін (вена ішіне) Пиелонефритті қоса, несеп шығару жолдарының асқынған инфекциялары. Жұмсақ тіндер инфекциялары: целлюлит, тілмелі қабыну және жарақаттық инфекциялар. Құрсақішілік инфекциялар Бауыр жеткіліксіздігі бар науқастар Цефуроксимді ең алдымен бүйрек шығарады. Бауыр функциясының бұзылуы бар пациенттерде бұл цефуроксим фармакокинетикасына ықпал етпейді деп күтіледі. Бүйрек жеткіліксіздігі бар пациенттер Цефуроксим негізінен бүйрек арқылы шығарылады. Сондықтан, барлық ұқсас антибиотиктермен болған жағдайдағы сияқты, бүйрек функциясының айқын бұзылуы бар пациенттерге препараттың дозасын азайтуға кеңес беріледі. 3-кесте. Бүйрек жеткіліксіздігі кезінде ұсынылатын Мегасеф® дозалары Креатинин клиренсі — T 1/2 (сағат) — Доза (мг) > 20 мл / мин / 1,73 м 2 — 1,7–2,6 — Стандартты дозаны азайту (тәулігіне 3 рет 750 мг-ден 1,5 г дейін) қажет емес. 10-20 мл / мин / 1,73 м 2 — 4,3–6,5 — Тәулігіне екі рет 750 мг <10 мл / мин / 1,73 м 2 — 14,8–22,3 — Тәулігіне бір рет 750 мг Гемодиализдегі пациенттер — 3,75 — Келесі 750 мг дозаны әр диализдің соңында вена ішіне немесе бұлшықет ішіне енгізу керек; Парентеральді қолдануға қосымша натрий цефуроксимін перитонеальді диализге арналған сұйықтыққа енгізуге болады (әдетте диализге арналған сұйықтықтың әрбір 2 литріне 250 мг). Қарқынды ем бөлімшелерінде тұрақты артерия-веналық гемодиализде (CAVH) немесе жоғары ағынды гемофильтрацияда (HF) жүрген бүйрек жеткіліксіздігі бар пациенттер — 7,9–12,6 (CAVH) 1,6 (HF) — Күніне екі рет 750 мг; төмен ағынды гемофильтрация үшін бүйрек функциясының бұзылуында ұсынылған дозаны сақтаңыз. Енгізу әдісі мен жолы Препарат вена ішіне және бұлшықет ішіне енгізіледі. Препаратты тікелей венаға 3-5 минут бойы вена ішіне енгізу немесе 30-60 минут бойы тамшылатқыш арқылы, немесе терең бұлшықетішілік инъекция жолымен енгізу керек. Бұлшықетішілік инъекцияларды салыстырмалы үлкен бұлшықетке терең енгізу керек және бір жерге 750 мг-ден артық енгізбеу керек. 1,5 г-ден артық дозалар үшін вена ішіне енгізуді пайдалану жөн. Дәрілік препаратты сұйылту жөніндегі нұсқаулық: Бөлшек дозалар қажет болған кезде пайдалы болуы мүмкін қосымша көлемдер мен концентрациялар Құты мөлшері — Енгізу жолдары — Физикалық жағдайы — Қосылатын су мөлшері (мл) — Цефуроксимнің шамамен концентрациясы (мг / мл) ** 250 мг инъекция үшін ерітінді дайындауға арналған ұнтақ 250 мг — бұлшықет ішіне вена ішіне болюс вена ішіне құю — суспензия ерітінді ерітінді — 1 мл 2 мл кем емес 2 мл кем емес* — 216 116 116 750 мг инъекция немесе инфузия үшін ерітінді дайындауға арналған ұнтақ 750 мг — бұлшықет ішіне вена ішіне болюс вена ішіне инфузия — суспензия ерітінді ерітінді — 3 мл 6 мл кем емес 6 мл кем емес * — 216 116 116 * Қалпына келтірілген ерітіндіні 50 немесе 100 мл үйлесімді инфузиялық сұйықтыққа қосу керек. ** Нәтижесінде қалпына келтіру ортасындағы цефуроксим ерітіндісінің көлемі мг / мл көрсетілген концентрацияға әкелетін дәрілік затты ығыстыру факторына байланысты ұлғаяды. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Дәрілік препаратты қабылдағанға дейін кеңес алу үшін дәрігерге қаралыңыз.

- цефуроксимге немесе қосымша заттардың кез келгеніне аса жоғары сезімталдық - цефалоспоринді антибиотиктерге белгілі аса жоғары сезімталдығы бар пациенттер - анамнезінде бактерияға қарсы бета-лактамды агенттердің кез келген басқа типіне (пенициллиндер, монобактамдар және карбапенемдер) ауыр аса жоғары сезімталдық (мысалы, анафилаксиялық реакция)

Жиі - нейтропения, эозинофилия, гемоглобин концентрациясының төмендеуі - бауыр ферменттерінің қысқа мерзімді жоғарылауы - инъекция орнындағы ауырсыну мен тромбофлебитті қамтуы мүмкін реакциялар Сирек - лейкопения, Кумбс оң сынамасы - асқазан-ішек бұзылулары - билирубиннің қысқа мерзімді жоғарылауы - тері бөртпесі, есекжем және қышу Белгісіз - Candida шамадан тыс өсуі, Clostridium difficile шамадан тыс өсуі - тромбоцитопения, гемолиздік анемия - Коунис синдромы - дәрілік қызба, интерстициалық нефрит, анафилаксия, тері васкулиті - жалған жарғақшалы колит - көп формалы эритема, уытты эпидермалық некролиз және Стивенс-Джонсон синдромы, ангионевроздық ісіну, эозинофилиямен және жүйелік симптомдармен дәрілік реакция (DRESS) - сарысудағы креатинин деңгейінің жоғарылауы, қандағы мочевина азоты деңгейінің жоғарылауы және креатинин клиренсінің төмендеуі Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдар Артық дозалану неврологиялық салдарға, соның ішінде энцефалопатияға, құрысуларға және комаға әкелуі мүмкін. Егер бүйрек жеткіліксіздігі бар пациенттерде доза тиісті түрде төмендетілмесе, артық дозалану симптомдары туындауы мүмкін. Емі Сарысудағы цефуроксим деңгейін гемодиализ немесе перитонеальді диализ көмегімен төмендетуге болады.

Аса жоғары сезімталдық реакциялары Барлық бета-лактамдық бактерияға қарсы дәрілер жағдайындағы сияқты, аса жоғары сезімталдықтың күрделі және кейде өлімге ұшырататын реакциялары туралы хабарланды. Аса жоғары сезімталдықтың ауыр реакциялары жағдайында цефуроксиммен емдеуді дереу тоқтату және барабар шұғыл шаралар қабылдау қажет. Емдеуді бастар алдында пациенттің анамнезінде цефуроксимге, басқа цефалоспориндерге немесе кез келген бета-лактамдық агенттің басқа түріне аса жоғары ауыр сезімталдық реакцияларының болғанын анықтау керек. Егер анамнезінде басқа бета-лактамдық агенттерге ауыр емес аса жоғары сезімталдығы бар пациенттерге цефуроксим тағайындалса, сақ болу керек. Терінің ауыр жағымсыз реакциялары (SCARS) Цефуроксиммен емдеуге байланысты өмірге қауіп төндіруі немесе өлімге әкелуі мүмкін, Стивенс-Джонсон синдромын (SJS), уытты эпидермальді некролизді (TEN) және эозинофилиямен және жүйелік симптомдармен дәрілік реакцияны (DRESS) қоса, терінің ауыр жағымсыз реакциялары туралы хабарланды. Препаратты тағайындау кезінде пациенттерді тері реакцияларының тұрғысынан белгілер мен симптомдар туралы хабардар ету керек және олар мұқият бақылауда болуы тиіс. Осы реакцияларға нұсқайтын белгілер мен симптомдар пайда болған кезде, цефуроксимді дереу тоқтатып, баламалы емдеу мүмкіндігін қарастырған жөн. Егер цефуроксимді қолдану кезінде пациентте SJS, TEN немесе DRESS сияқты ауыр реакция дамыса, бұл пациентте цефуроксиммен жүргізілетін емді ешқашан қалпына жаңартуға болмайды. Назар аударуды қажет ететін реакциялар Мегасеф® препаратымен емделетін адамдардың аз бөлігінде аллергиялық реакция немесе терінің ықтимал ауыр реакциясы дамуы мүмкін. Бұл реакциялардың симптомдарына мыналар жатады: - жайылған бөртпе, дене температурасының көтерілуі және лимфа түйіндерінің ұлғаюы (DRESS синдром немесе дәрілік заттарға аса жоғары сезімталдық синдромы). - аллергиялық реакциялар аясында кеуденің ауыруы, бұл аллергиядан туындаған миокард инфарктісінің симптомы (Коунис синдромы) болуы мүмкін. Сізге Мегасеф® препараты мына жағдайда тағайындалмауы керек Егер сізде бір кезде цефуроксиммен немесе кез келген басқа цефалоспорин антибиотиктерімен жүргізілген емнен кейін терінің қатты бөртуі немесе терінің қабыршақтануы, күлдіреуік және/немесе ауыз қуысында ойық жаралар пайда болса. Әсері күшті диуретиктермен және аминогликозидтермен қатар емдеу Жоғары дозадағы цефалоспоринді антибиотиктерді, фуросемид немесе аминогликозидтер сияқты әсері күшті диуретиктермен бір мезгілде ем алатын пациенттерге сақтықпен тағайындау керек. Осы біріктірілімдерді қолданғанда бүйрек жеткіліксіздігі туралы хабарланды. Егде жастағы адамдарда және бүйрек жеткіліксіздігі бар адамдарда бүйрек функциясын бақылау керек. Сезімтал емес микроорганизмдердің көбеюі Цефуроксимді қолдану Candida-ның шамадан тыс өсуіне әкелуі мүмкін. Ұзақ уақыт пайдалану басқа сезімтал емес микроорганизмдердің (мысалы, энтерококктар мен Clostridium difficile) шамадан тыс өсуіне әкеліп, бұл емді тоқтатуды талап етуі мүмкін. Цефуроксимді қолдану кезінде бактерияға қарсы агенттермен байланысты жалған жарғақшалы колит туралы хабарланды, оның ауырлығы жеңіл дәрежеден өмірге қауіп төндіруге дейін ауытқуы мүмкін. Бұл диагноз цефуроксимді қабылдау кезінде немесе одан кейін диареясы болған пациенттерде ескерілу керек. Цефуроксиммен емдеуді тоқтатып, арнайы Clostridium difficile емін тағайындау мүмкіндігін қарастыру керек. Перистальтиканы бәсеңдететін дәрілік заттарды қабылдауға болмайды. Камераішілік қолдану және көз аурулары Препарат камераішілік қолдануға арналмаған. Вена ішіне / бұлшықет ішіне енгізу үшін мақұлданған құтылардан дайындалған натрий цефуроксимін бекітілмеген камераішілік қолданудан кейін көз тарапынан елеулі жағымсыз реакциялардың жекелеген және топтық жағдайлары туралы хабарланды. Бұл реакцияларға сары дақтың ісінуі, торқабықтың ісінуі, торқабықтың ажырауы, торқабықтың уыттылығы, көрудің нашарлауы, көру жітілігінің төмендеуі, бұлыңғыр көру, мөлдірқабықтың бұлдырауы және мөлдірқабықтың ісінуі кірді. Құрсақішілік инфекциялар Цефуроксим өзінің әсер ету ауқымына орай ферменттелмейтін грамтеріс бактериялар тудырған инфекцияларды емдеуге сай келмейді. Диагностикалық тестілерге араласу Цефуроксимді қолданумен байланысты Кумбс тестінің оң нәтижесі қанның айқас салыстырылуына кедергі келтіруі мүмкін. Мысты қалпына келтіру әдістеріне (Benedict's, Fehling's, Clinitest) аздап өзара ықпалдасуын байқауға болады. Алайда, бұл кейбір басқа цефалоспориндердегідей жалған оң нәтижелерге әкелмеуі керек. Феррицианид тестісінде жалған теріс нәтиже болуы мүмкін болғандықтан, натрий цефуроксимін қабылдайтын пациенттерде қандағы/плазмадағы глюкоза деңгейлерін анықтау үшін глюкозооксидаза немесе гексокиназа әдістерін қолдану ұсынылады. Арнайы сақтандырулар Натрий мөлшері Мегасеф®, 250 мг, бір құтыға шаққанда 1 ммольден аз натрий (23 мг) бар, яғни іс жүзінде құрамында натрий жоқ. Мегасеф®, 750 мг, бір құтыға шаққанда 42 мг натрий бар, бұл ересек адам үшін ДДҰ ұсынған натрийдің ең жоғары тәуліктік 2 г дозасының 2,1%-ына баламалы. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Препарат көлік құралын басқару және қауіптілігі зор механизмдермен жұмыс істеу қабілетіне әсер етпейді

Жүкті әйелдерге цефуроксимді қолдану туралы мәліметтер шектеулі. Жануарларда жүргізілген зерттеулер тұқым өрбіту уыттылығы болмайтынын көрсетті. Мегасеф® жүкті әйелдерге егер қолданудың пайдасы қауіптен басым түсетін болса ғана тағайындалу керек. Цефуроксим анаға бұлшықет ішіне немесе вена ішіне енгізгеннен кейін плацента арқылы өтіп, қағанақ суында және кіндік қанында емдік деңгейге жететіні көрсетілген. Цефуроксим аз мөлшерде емшек сүтімен шығарылады. Емдік дозаларда жағымсыз реакциялар күтілмейді, дегенмен диарея мен шырышты қабықтардың зеңді зақымдану қаупін жоққа шығаруға болмайды. Емшекпен емізуді тоқтату туралы немесе цефуроксиммен емді тоқтату / одан бас тарту туралы шешімді бала үшін емшекпен емізудің пайдасын және әйел үшін емнің пайдасын ескере отырып қабылдау қажет.

Цефуроксим ішек флорасына әсер етуі мүмкін, бұл эстроген реабсорбциясының төмендеуіне және біріктірілген пероральді контрацептивтер тиімділігінің төмендеуіне әкеледі. Цефуроксим шумақтық сүзілу және өзекшелік секреция арқылы шығарылады. Пробенецидпен бір мезгілде қабылдау ұсынылмайды. Пробенецидпен бір мезгілде қабылдау ұсынылмайды. Пробеницидті бір мезгілде енгізу антибиотиктің шығарылуын ұзартады және сарысуда жоғары шың деңгейін тудырады. Ықтимал нефроуытты препараттар және ілмектік диуретиктер Цефалоспориндердің жоғары дозаларымен емдеуді күшті әсер ететін диуретиктерді (мысалы, фуросемид) немесе потенциалды нефроуытты препараттарды (мысалы, аминогликозидті антибиотиктерді) қабылдайтын пациенттерге сақтықпен жүргізген жөн, өйткені осындай біріктірілімдердің салдарынан бүйрек функциясының бұзылуын жоққа шығаруға болмайды. Басқа өзара әрекеттесулер Қандағы / плазмадағы глюкоза деңгейін анықтау. Пероральді антикоагулянттарды бір мезгілде қабылдау халықаралық қалыптасқан қатынастың (ХҚҚ) артуына әкелуі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды Сақтау шарттары Құрғақ, жарықтан қорғалған жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!