Медаксон порошок 1 г

Сыртқы түрінің, иісінің, дәмінің сипаттамасы Ақ дерлік немесе сарғыш кристалды ұнтақ, сәл гигроскопиялы.

Медаксон жаңа туған нәрестелерді (туғаннан бастап) қоса, ересектер мен балаларда келесі инфекцияларды емдеу үшін қолданылады: • бактериялық менингит • ауруханадан тыс пневмония • ауруханаішілік пневмония • жедел ортаңғы отит • құрсақішілік инфекциялар; • несеп шығару жолдарының асқынған инфекциялары (оның ішінде пиелонефрит) • сүйек және буын инфекциялары • тері мен жұмсақ тіндердің асқынған инфекциялары • созды қоса, генитальді инфекциялар • мерез • бактериялық эндокардит. Медаксон мына жағдайларда пайдаланылуы мүмкін: • ересектерде өкпенің созылмалы обструкциялық ауруының жедел асқынуын емдеу үшін • 15 күндік жастан бастап нәрестелерді қоса, ересектер мен балаларда диссеминацияланған Лайм боррелиозын (ерте (II кезең) және кеш (III кезең) емдеу үшін • хирургиялық араласу аумағындағы инфекциялардың операция алдындағы профилактикасы үшін • бактериялық инфекциядан туындаған қызбасы бар нейтропениялық пациенттерді емдеу кезінде • жоғарыда аталған инфекциялардың кез келгенімен байланысты немесе болжаммен байланысты болатын бактериемиясы бар пациенттерді емдеуде. Медаксонды басқа бактерияға қарсы препараттармен біріктіріп, болжамды қоздырғыштар қатары цефтриаксонның әсер ету спектріне енбеген жағдайларда тағайындау керек. Бактерияға қарсы дәрілерді тиісінше қолдану жөніндегі ресми нұсқаулық туралы мәселені қарастыру қажет.

Әсер ету механизмі Цефтриаксон пенициллин (PBPs) байланыстыратын ақуыздарға қосылғаннан кейін бактериялардың жасушалық жақтауы синтезін тежейді. Бұл жасуша жақтауының (пептидогликанның) биосинтезінің бұзылуына әкеледі, ол бактериялық жасушалардың лизисіне және қырылуына әкеледі. Төзімділік Цефтриаксонға бактериялық резистенттілік мынадай механизмдердің бірімен немесе бірнешеуімен байланысты болуы мүмкін: * кейбір аэробты грамтеріс бактерияларда индукциялануы немесе тұрақты басылуы мүмкін кеңейтілген спектрлі бета-лактамазаларды (ESBL), карбапенемдерді және Amp C ферменттерін қоса бета-лактамазалармен гидролиз * пенициллин байланыстыратын ақуыздардың цефтриаксонға тектестігінің төмендеуі * грамтеріс организмдерде сыртқы жарғақшаның өткізбеуі * бактериялық сорғылар Шектік концентрация Ең аз тежейтін концентрацияның бақылау нүктелері (EICAST), мынадай: Патогенді микроорганизм — Сұйылту тесті (ЕТТК, мг / л) Сезімталдығы — Төзімділігі Enterobacteriaceae — ≤ 1 — > 2 Staphylococcus spp. — a. — a. Streptococcus spp. (Groups A, B, C and G) — b. — b. Streptococcus pneumoniae — ≤ 0.5c. — > 2 Viridans group Streptococci — ≤0.5 — >0.5 Haemophilus influenzae — ≤ 0.12c. — > 0.12 Moraxella catarrhalis — ≤ 1 — > 2 Neisseria gonorrhoeae — ≤ 0.12 — > 0.12 Neisseria meningitidis — ≤ 0.12 c. — > 0.12 Non-species related — ≤ 1d. — > 2 а. Цефокситинге сезімталдықтан шыққан сезімталдық. b. Пенициллинге сезімталдықтан шыққан сезімталдық. с. Цефтриаксонның MIC бар изоляттар үзудің сезімтал нүктесінен жоғары сирек кездеседі және, егер олар табылған болса, қайта тестіленуі және расталған жағдайда референс-зертханаға жіберілуі тиіс. d. Мән нүктелері 1 г х 1 тәуліктік венаішілік дозаға және 2 г х1 кем емес жоғары дозаға қолданылады. Спецификалық патогенді бактерияларға қарсы клиникалық тиімділігі Жүре пайда болған төзімділіктің таралуы географиялық және жекелеген түрлер үшін уақыт өте келе өзгеруі мүмкін және әсіресе ауыр инфекцияларды емдеуде резистенттілік туралы жергілікті ақпарат қажет. Егер резистенттіліктің жергілікті таралуы цефтриаксонның пайдасы кемінде инфекциялардың кейбір типтерінде күмәнді болатындай болса, қажет болған жағдайда маманнан кеңес алуға беру керек. Қарапайым сезімтал түрлері Грам-оң аэробтар Staphylococcus aureus (methicillin-susceptible)£ Staphylococci coagulase-negative (methicillin-susceptible)£ Streptococcus pyogenes (Group A) Streptococcus agalactiae (Group B) Streptococcus pneumoniae Viridans Group Streptococci Грам-теріс аэробтар Borrelia burgdorferi Haemophilus influenzae Haemophilus parainfluenzae Moraxella catarrhalis Neisseria gonorrhoea Neisseria meningitidis Proteus mirabilis Providencia spp. Treponema pallidum Жүре пайда болған төзімділік проблема болуы мүмкін түрлер Грам-оң аэробтар Staphylococcus epidermidis+ Staphylococcus haemolyticus+ Staphylococcus hominis+ Грам-теріс аэробтар Citrobacter freundii Enterobacter aerogenes Enterobacter cloacae Escherichia coli% Klebsiella pneumoniae% Klebsiella oxytoca% Morganella morganii Proteus vulgaris Serratia marcescens Анаэробтар Bacteroides spp. Fusobacterium spp. Peptostreptococcus spp. Clostridium perfringens Бастапқыдан төзімді организмдер Грам-оң аэробтар Enterococcus spp. Listeria monocytogenes Грам-теріс аэробтар Acinetobacter baumannii Pseudomonas aeruginosa Stenotrophomonas maltophilia Анаэробтар Clostridium difficile Басқалар: Chlamydia spp. Chlamydophila spp. Mycoplasma spp. Legionella spp. Ureaplasma urealyticum £ Метициллинге төзімді барлық стафилококктар цефтриаксонға да төзімді. + Кедергі көрсеткіштері > 50% кемінде бір аумақта % ESBL өндіретін штаммдар үнемі төзімді

Дозалау режимі Доза инфекцияның ауырлығына, сезімталдығына, орны мен түріне, сондай-ақ пациенттің жасына және бауыр және бүйрек функциясының жағдайына байланысты. Төменде келтірілген кестелерде ұсынылатын дозалар әдетте осы көрсетілімдерде ұсынылатын дозалар болып табылады. Аса ауыр жағдайларда ұсынылған диапазонның неғұрлым жоғары шегіндегі дозаны ескеру керек. Ересектер мен 12 жастан асқан балалар (≥50 кг) Цефтриаксон дозасы * — Емдеу жиілігі ** — Қолданылуы 1-2 г — Күніне бір рет — Ауруханадан тыс пневмония Өкпенің созылмалы обструктивті ауруының жедел өршуі Құрсақішілік инфекциялар Несеп шығару жолдарының асқынған инфекциялары (пиелонефритті қоса) 2 г — Күніне бір рет — Ауруханаішілік пневмомания Тері мен жұмсақ тіндердің асқынған инфекциялары Сүйек және буын инфекциялары 2-4 г — Күніне бір рет — Бактериялық инфекциямен байланысты деп болжанатын қызбамен жүретін нейтропениясы бар пациенттерді жүргізу Бактериялық эндокардит Бактериялық менингит * Құжатталған бактериемияда дозаның ұсынылған диапазонының жоғарғы шегін ескеру керек. ** Күніне 2 г асатын дозаларды тағайындаған кезде енгізуді күніне екі рет (12 сағат) қарастыруға болады. Белгілі бір дозалау режимі қажет етілетін ересектер мен 12 жастан асқан балаларға (≥ 50 кг) көрсетілімдер: Жедел ортаңғы отит Цефтриаксонның бір реттік бұлшықетішілік 1-2 г дозасын енгізуге болады. Шектеулі деректер ауыр инфекция жағдайында немесе алдыңғы емге реакциясы болмаған жағдайда, цефтриаксон 3 күн ішінде күніне 1-2 г бұлшықетішілік дозада тиімді болуы мүмкін. Хирургиялық инфекциялардың орнында операция алдындағы профилактикасы 2 г дозада бір рет енгізу ұсынылады. Соз Бұлшықет ішіне 500 мг дозада бір рет енгізу. Мерез Әдетте ұсынылатын дозалар күніне бір рет 500 мг-1 г құрайды және 10-14 күн бойы нейромерез кезінде күніне бір рет 2 г дейін артады. Нейромерезді қоса, мерез кезіндегі доза бойынша ұсыныстар шектеулі деректерге негізделген. Ұлттық немесе жергілікті нұсқаулық назарға алынуы тиіс. Кең таралған Лайм боррелиозы (ерте [II сатысы] және кеш [III сатысы]) 14-21 күн бойы күніне бір рет 2 г. Ұсынылатын емдеу ұзақтығы өзгереді және ұлттық немесе жергілікті ұсынымдар назарға алынуы тиіс. Балалар популяциясы Жаңа туған нәрестелер, сәбилер және 15 күннен 12 жасқа дейінгі балалар (<50 кг) Дене салмағы 50 кг және одан жоғары балалар үшін ересектерге арналған әдеттегі дозаны тағайындау керек. Цефтриаксон дозасы * — Емдеу жиілігі ** — Қолданылуы 50-80 мг/кг — Күніне бір рет — Құрсақішілік инфекциялар Несеп шығару жолдарының асқынған инфекциялары (пиелонефритті қоса) Ауруханадан тыс пневмония Ауруханаішілік пневмония 50-100 мг/кг (ең жоғары 4 г) — Күніне бір рет — Тері мен жұмсақ тіндердің асқынған инфекциялары Сүйек және буын инфекциялары Бактериялық инфекциядан туындаған деп болжанатын қызбамен жүретін нейтропениясы бар пациенттерді жүргізу 80-100 мг/кг (ең жоғары 4 г) — Күніне бір рет — Бактериялық менингит 100 мг/кг (ең жоғары 4 г) — Күніне бір рет — Бактериялық эндокардит * Құжатталған бактериемияда дозаның ұсынылған диапазонының жоғарғы шегін ескеру керек. ** Күніне 2 г асатын дозаларды тағайындаған кезде енгізуді күніне екі рет (12 сағат) қарастыруға болады. Белгілі бір дозалау режимі қажет етілетін жаңа туған нәрестелер, 15 күннен 12 жасқа дейінгі сәбилер мен балаларға (<50 кг) көрсетілімдер: Жедел ортаңғы отит Жедел ортаңғы отитті бастапқы емдеу үшін цефтриаксонның бір реттік бұлшықетішілік 50 мг/кг дозасы тағайындалуы мүмкін. Шектеулі деректер ауыр инфекция жағдайларында немесе алдыңғы емге реакцияның болмауы жағдайында, Цефтриаксон 3 күн бойы күн сайын күнделікті 50 мг/кг дозаны б/і тағайындағанда тиімді болуы мүмкіндігін көрсетті. Хирургиялық инфекциялардың орнында операция алдындағы профилактикасы 50-80 мг/кг дозада бір рет енгізу ұсынылады. Мерез Әдетте ұсынылатын дозалар 10-14 күн ішінде күніне бір рет 75-100 мг / кг (ең жоғары 4 г) құрайды. Нейромерезді қоса, мерез кезіндегі доза бойынша ұсыныстар шектеулі деректерге негізделген. Ұлттық немесе жергілікті нұсқаулық назарға алынуы тиіс. Кең таралған Лайм боррелиозы (ерте [II сатысы] және кеш [III сатысы]) 14-21 күн бойы күніне бір рет 50-80 мг / кг. Ұсынылатын емдеу ұзақтығы өзгереді және ұлттық немесе жергілікті ұсынымдар назарға алынуы тиіс. 0-14 күндік нәрестелер Цефтриаксонды 41 апталық постменструальді жасқа дейінгі шала туған нәрестелерге (гестациялық жас + хронологиялық жас) қолдануға болмайды. Цефтриаксон дозасы * — Емдеу жиілігі ** — Қолданылуы 20-50 мг/кг — Күніне бір рет — Құрсақішілік инфекциялар Тері мен жұмсақ тіндердің асқынған инфекциялары Несеп шығару жолдарының асқынған инфекциялары (пиелонефритті қоса) Ауруханадан тыс пневмония Ауруханаішілік пневмония Сүйек және буын инфекциялары Бактериялық инфекциядан туындаған деп болжанатын қызбамен жүретін нейтропениясы бар пациенттерді жүргізу 50 мг/кг — Күніне бір рет — Бактериялық менингит Бактериялық эндокардит * Құжатталған бактериемияда дозаның ұсынылған диапазонының жоғарғы шегін ескеру керек. Ең жоғары тәуліктік доза 50 мг / кг аспауы тиіс. Белгілі бір дозалау режимі қажет етілетін 0-14 күндік жаңа туған нәрестелерге көрсетілімдер: Жедел ортаңғы отит Жедел ортаңғы отитті бастапқы емдеу үшін цефтриаксонның бір реттік бұлшықетішілік 50 мг/кг дозасы тағайындалуы мүмкін. Хирургиялық инфекциялардың орнында операция алдындағы профилактикасы 20-50 мг/кг дозада бір рет енгізу ұсынылады. Мерез Әдетте ұсынылатын дозалар 10-14 күн ішінде күніне бір рет 50 мг / кг құрайды. Нейромерезді қоса, мерез кезіндегі доза бойынша ұсыныстар шектеулі деректерге негізделген. Ұлттық немесе жергілікті нұсқаулық назарға алынуы тиіс. Емдеу ұзақтығы Емдеу ұзақтығы инфекциялық аурудың ағымына байланысты. Антибиотикпен емдеу кезіндегідей, Цефтриаксон препаратын енгізуді температура қалыпқа келтірілгеннен және қоздырғыштың эрадикациясы расталғаннан кейін кем дегенде 48-72 сағат жалғастыру керек. Егде пациенттер Ересектерге ұсынылатын дозалар бүйрек және бауыр функциялары қанағаттанарлық болған жағдайда егде жастағы пациенттерде өзгерістерді қажет етпейді. Бауыр жеткіліксіздігі бар пациенттер Қолда бар деректер бүйрек функциясы бұзылмаған жағдайда бауыр функциясының жеңіл немесе орташа бұзылуы кезінде дозаны түзету қажеттігін көрсетпейді. Ауыр бауыр жеткіліксіздігі бар пациенттерде зерттеу деректері жоқ. Бүйрек жеткіліксіздігі бар пациенттер Бүйрек функциясы бұзылған пациенттерде бауыр функциясы бұзылмаған жағдайда цефтриаксон дозасын төмендетудің қажеті жоқ. Тек претерминальді бүйрек жеткіліксіздігі жағдайында (креатинин клиренсі <10 мл / мин) цефтриаксонның дозасы күніне 2 г аспауы тиіс. Диализдегі пациенттерде диализден кейін қосымша доза талап етілмейді. Цефтриаксон перитонеальді немесе гемодиализ арқылы шығарылмайды. Қауіпсіздік пен тиімділіктің мұқият клиникалық мониторингі ұсынылады. Бауырдың және бүйректің ауыр жеткіліксіздігі бар пациенттер Ауыр бүйрек және бауыр дисфункциясы бар пациенттерде қауіпсіздік пен тиімділікке мұқият клиникалық мониторинг жүргізу ұсынылады. Енгізу жолы және тәсілі Қалпына келтірілген ерітіндіні енгізу бір енгізу орнына 1 г аспайтын көлемде терең бұлшықетішілік инъекция арқылы (ірі, мысалы, жамбас бұлшықетіне) жүзеге асырылады. Вена ішіне енгізу пациент үшін мүмкін емес немесе аз қолайлы болған кезде бұлшықет ішіне енгізуді қарастырған жөн. 2 г артық дозалар үшін препаратты вена ішіне қолдану керек. Лидокаинді еріткіш ретінде пайдаланған кезде алынған цефтриаксон ерітіндісін вена ішіне енгізуге болмайды! Лидокаинді 15 жасқа дейінгі балаларға халықаралық патенттелмеген «цефтриаксон» атауы бар препараттар үшін еріткіш ретінде пайдалануға тыйым салынады. Лидокаинді еріткіш ретінде пайдаланған кезде 15 жастан асқан адамдарда лидокаинге тері ішіне аллергиялық сынама жүргізу ұсынылады. Лидокаинді еріткіш ретінде пайдаланған кезде ерітіндіні енгізер алдында пациентте лидокаинді қолдануға қарсы көрсетілімдерді (лидокаинді қолдану жөніндегі нұсқаулықты қараңыз) жоққа шығару, сондай-ақ анамнезінде лидокаинге аллергиялық реакцияларды ескеру керек. Егер оларға цефтриаксон-кальций шөгуінің қаупіне байланысты парентеральді тамақтану сияқты құрамында кальций бар үздіксіз инфузияларды қоса, құрамында кальций бар венаішілік ерітінділермен емдеу талап етілсе (немесе күтілсе), цефтриаксонды жаңа туған нәрестелерге (≤ 28 күн) қолдануға болмайды. Хирургиялық инфекциялардың орнының операцияға дейінгі профилактикасы үшін цефтриаксонды операцияға дейін 30-90 минут бұрын тағайындау керек. Инъекцияға арналған қалпына келтіру Қалпына келтіру қолайлы жағдайларда және микробпен ластануды болдырмау үшін тиісті сақтық шараларымен жүргізілуі керек. Бұлшықет ішіне енгізу үшін ерітіндіні қалпына келтіру үшін лидокаин гидрохлоридінің 1.0% ерітіндісі қолданылады: • 500 мг цефтриаксон ұнтағы үшін 2 мл. 3.5 г цефтриаксон ұнтағы үшін 1 мл. Қалпына келтіру кезінде препараттың ерітіндісі ашық сарыдан янтарь түске дейін боялады. Қалпына келтірілген ерітіндіні дереу пайдалану керек. Медаксон препараты бір рет қолдануға арналған. Пайдаланылмаған ұнтақтың немесе қалпына келтірілген ерітіндінің қалдығын жергілікті талаптарға сәйкес утилизациялау қажет.

- цефтриаксонға, кез келген басқа цефалоспоринге немесе қосымша заттардың кез келгеніне аса жоғары сезімталдық - анамнездегі бета-лактамды бактерияға қарсы препараттарға (пенициллиндер, монобактамалар және карбапенемдер) аса жоғары сезімталдықтың ауыр реакциялары (мысалы, анафилаксиялық реакциялар) - 41 аптаға дейінгі шала туған балалар (гестациялық жиынтығы және хронологиялық жасы) - мерзіміне жетіп туған нәрестелер (≤ 28 күндік жастағы): - гипербилирубинемия, сарғаю немесе ацидоз, жаңа туған нәрестелердегі гипоальбуминемия (in vitro зерттеулері цефтриаксон осындай пациенттерде билирубин энцефалопатиясының даму қаупін арттыра отырып, сарысулық альбуминмен байланысты билирубинді ығыстыра алатынын көрсетті) - жаңа туған нәрестелер, жаңа туған нәрестелерге (≤ 28 күн) құрамында кальций бар ерітінділерді вена ішіне енгізу, құрамында кальций бар ерітінділердің ұзақ инфузиясын қоса, құрамында кальций бар ерітінділермен, мысалы, цефтриаксонның кальций тұздары преципитаттарының түзілу қаупіне байланысты парентеральді тамақтану кезінде вена ішіне енгізу тағайындалған немесе болжанатын - лидокаинге – еріткіштерге жоғары сезімталдық. Лидокаинді пайдалана отырып, цефтриаксонды бұлшықет ішіне инъекциялауды жүргізер алдында лидокаинге қарсы көрсетілімдердің болуын жоққа шығару қажет. Лидокаинді қолдануға қарсы көрсетілімдер лидокаинді медициналық қолдану жөніндегі нұсқаулықта келтірілген. Құрамында лидокаин бар цефтриаксон ерітінділерін вена ішіне енгізуге болмайды - 15 жасқа дейінгі балаларға лидокаинді еріткіш ретінде қолдануға болмайды

Жиі (≥1/100, <1/10) • эозинофилия, лейкопения, тромбоцитопения • диарея, сұйық нәжіс • бауыр ферменттері белсенділігінің жоғарылауы • бөртпе Жиі емес (≥1/1000, <1/100) • генитальді зеңдік инфекция • гранулоцитопения, анемия, коагулопатия • бас ауыруы, бас айналуы • жүрек айнуы, құсу • қышыну • флебит, инъекция орнының ауыруы, қызбалық жай-күй • қандағы креатининнің жоғарылауы Сирек (≥1/10 000, <1/1000) • жалған жарғақшалы колит • энцефалопатия • бронх түйілуі • есекжем • гематурия, глюкозурия • ісіну, қалтырау Жиілігі белгісіз • суперинфекция • гемолиздік анемия, агранулоцитоз • анафилаксиялық шок, анафилаксиялық реакция, анафилактоидты реакция • аса жоғары сезімталдық • Яриш-Герксгеймер реакциясы (JHR) • құрысулар • вертиго • Кунис синдромы • панкреатит, стоматит, глоссит • өт қабында цефтриаксонның кальций тұздары преципитаттарының түзілуі • ядролық сарғаю • Стивенс Джонсон синдромы, уытты эпидермальді некролиз, мультиформалы эритема, жедел жайылған экзантематозды пустулез, эозинофилиямен және жүйелік симптомдармен дәрілік реакция (DRESS - синдром) • олигурия, бүйрек шөгінділері (қайтымды) • Кумбс жалған оң тесті, галактоземияға жалған оң тест, глюкозаны ферментативтік емес анықтау жалған оң әдістері Цефтриаксонмен емдеу, әсіресе бүйректің немесе жүйке жүйесінің ауыр аурулары бар егде пациенттерде сирек сананың төмендеуіне, аномалиялық қозғалыстарға, қозу мен құрысуларға әкелуі мүмкін. Инфекция және жұқтыру Цефтриаксонды қолданғаннан кейін диарея туралы хабарламалар Clostridium difficile-мен байланысты болуы мүмкін. Сұйықтық пен электролитті дұрыс басқару белгіленуі тиіс. Цефтриаксон-кальций тұзының шөгуі Сирек, ауыр, ал кейбір жағдайларда өлімге әкелетін жағымсыз реакциялар вена ішіне цефтриаксонмен және кальциймен емделген шала туған және мерзімі жетіп туған нәрестелерде (<28 күн жасында) келіп түсті. Өлгеннен кейін өкпе мен бүйректе цефтриаксон-кальций тұзының шөгуі байқалды. Нәрестелердегі жоғары шөгу қаупі олардың төмен қан көлемінің және ересектермен салыстырғанда цефтриаксонның жартылай шығарылу кезеңінің нәтижесі болып табылады. Бүйректің шөгу жағдайлары, негізінен, күндізгі жоғары дозаларды (мысалы, күніне 80 мг / кг) алған немесе жалпы дозалары 10 грамнан асқан, сондай-ақ басқа да қауіп факторлары (мысалы, сұйықтықты шектеу немесе төсекте ұстау) бар 3 жастан асқан балаларда хабарланды. Иммобилизацияланған немесе сусызданған пациенттерде шөгінді түзілу қаупі артады. Бұл оқиға симптоматикалық немесе симптомсыз болуы мүмкін, бүйрек жеткіліксіздігі мен анурияға әкелуі мүмкін және цефтриаксон тоқтатылған кезде қайтымды болады. Өт қабында цефтриаксонның кальций тұзының шөгіндісі, ең алдымен, ұсынылған стандартты дозадан асатын дозаларды қабылдаған пациенттерде байқалды. Балалардағы перспективалық зерттеулер вена ішіне енгізу кезінде шөгіндінің ауыспалы жиілігін көрсетті - кейбір зерттеулерде 30%-дан астам. Аурушаңдық баяу инфузия (20-30 минут) кезінде төмен болатын сияқты. Бұл әсер әдетте симптомсыз болып табылады, бірақ шөгінді сирек жағдайларда ауырсыну, жүрек айнуы және құсу сияқты клиникалық симптомдармен қатар жүрді. Мұндай жағдайларда симптоматикалық емдеу ұсынылады. Шөгінді, әдетте, цефтриаксонды қабылдауды тоқтатқан кезде қайтымды болады. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Артық дозаланғанда жүрек айнуы, құсу, диарея симптомдары туындауы мүмкін Емі Цефтриаксон концентрациялары гемодиализбен немесе перитонеальді диализбен азайтылуы мүмкін емес. Арнайы у қайтарғысы жоқ. Емдеу симптоматикалық болуы тиіс. Дәрілік препаратты қабылдаудан бұрын дәрігерге немесе фармацевтке хабарласыңыз

Аса жоғары сезімталдық реакциясы Барлық бета-лактамды бактерияға қарсы препараттардағыдай, аса жоғары сезімталдықтың күрделі және кейде өлімге әкелетін реакциялары туралы хабарланған болатын. Аса жоғары сезімталдық реакциялары Кунис синдромына дейін асқынуы мүмкін - бұл миокард инфарктісіне әкелуі мүмкін ауыр аллергиялық реакция. Аса жоғары сезімталдықтың күрделі реакциялары жағдайында цефтриаксонмен емдеу дереу тоқтатылуы және талапқа сай шұғыл шаралар басталуы тиіс. Емдеуді бастамас бұрын пациенттің анамнезінде цефтриаксонға, басқа цефалоспоринге немесе бета-лактамдық агенттің кез келген басқа түріне аса жоғары сезімталдық реакцияларының бар-жоғын анықтау керек. Егер препаратты анамнезінде басқа бета-лактамды препараттарға ауыр емес аса жоғары сезімталдығы бар пациенттерге тағайындаса, сақ болу керек. Терінің ауыр жағымсыз реакциялары (Стивенс Джонсон синдромы немесе Лайелл синдромы / уытты эпидермальді некролиз), сондай-ақ өмірге қауіпті болуы немесе өлімге әкелуі мүмкін эозинофилиямен және жүйелік симптомдармен (DRESS) дәрілік реакция туралы хабарланған; алайда осындай реакциялардың даму жиілігі белгісіз. Құрамында кальций бар өнімдермен өзара әрекеттесу 1 айға толмаған жастағы шала туған және жаңа туған нәрестелердің өкпесі мен бүйректеріндегі кальций-цефтриаксон преципитаттарымен летальді реакциялар сипатталған. Кем дегенде, олардың біреуі цефтриаксон мен кальцийді әртүрлі уақытта және түрлі венаішілік желілер арқылы қабылдаған. Қолда бар ғылыми деректерде цефтриаксон мен құрамында кальций бар ерітінділерді немесе кез келген басқа құрамында кальций бар өнімдерді қабылдаған жаңа туған нәрестелерден басқа, пациенттерде расталған тамырішілік шөгінділер туралы хабарламалар жоқ. In vitro зерттеулері нәрестелердің басқа жас топтарымен салыстырғанда цефтриаксон-кальций шөгу қаупі жоғары екенін көрсетті. Жаңа туған нәрестелерден басқа пациенттердің барлық топтары үшін в/і енгізу арасында инфузиялық жүйені физиологиялық ерітіндімен мұқият жуып, цефтриаксонды және құрамында кальций бар ерітінділерді жүйелі түрде енгізу мүмкін. Преципитаттардың түзілуін болдырмау мақсатында парентеральді қоректендіруге арналған құрамында кальций бар ерітінділерді тағайындау қажет болған жағдайда басқа антибиотикті тағайындау мүмкіндігін қарастыру керек. Құрамында кальций бар ерітінділермен парентеральді қоректенетін пациенттерге цефтриаксонды енгізу қажет болғанда, оларды венаға енгізудің түрлі жолдарын пайдалана отырып немесе цефтриаксон инфузиясы кезеңінде бір мезгілде енгізеді, құрамында кальций бар ерітіндімен парентеральді қоректену тоқтатылуы мүмкін. Егер әр түрлі венаға енгізу жолдары бар инфузиялық жүйелер пайдаланылса немесе шөгінді түсуінің алдын алу үшін физиологиялық тұзды ерітіндімен инфузиялар арасында мұқият жуылып шайылса немесе инфузиялық жүйелерді алмастырып отырса, 28 күннен асқан пациенттерге цефтриаксон және құрамында кальций бар ерітінділерді бірінен соң бірін енгізуге болады. Балалар Жаңа туған нәрестелерде, сәбилер мен балаларда цефтриаксонның қауіпсіздігі мен тиімділігі «Дозасы» және «Қолдану тәсілі» бөлімінде сипатталған дозалар үшін белгіленді. Зерттеулер цефтриаксон басқа да цефалоспориндер сияқты сарысулық альбуминнен билирубинді ығыстыра алатынын көрсетті. Медаксон билирубин энцефалопатиясының даму қаупі бар шала туған және мерзімі жетіп туған нәрестелерге қарсы көрсетілген. Гемолиздік анемия Басқа цефалоспориндерді қолданғандағыдай, цефтриаксонды қолданғанда аутоиммунды гемолиздік анемия дамуы мүмкін. Ересектер мен балаларда, оның ішінде өліммен аяқталған ауыр гемолиздік анемия жағдайлары тіркелген. Цефтриаксонмен емделіп жатқан пациентте анемия дамыған жағдайда цефалоспоринмен астасқан анемия диагнозын жоққа шығаруға болмайды және оның себебі анықталғанға дейін емдеуді тоқтату қажет. Ұзақ мерзімді емдеу Ұзақ емдегенде қанның толық талдауын тең уақыт аралығында жүргізу керек. Колит / суперинфекция Көптеген басқа бактерияға қарсы препараттарды қолданғандағыдай, цефтриаксонмен емдеу кезінде Clostridium difficile туғызған әртүрлі ауырлықтағы: жеңіл диареядан өліммен аяқталған ауыр колитке дейін диареяның даму жағдайлары тіркелді. Антибиотикпен емдеу кезінде және одан кейін диарея бар барлық пациенттерде Clostridium difficile тудырған диареяның даму мүмкіндігін естен шығармау керек. Мұндай жағдайларда ішек перистальтикасын тежейтін дәрілік заттарды қолдануға болмайды. Басқа бактерияға қарсы препараттармен емдегендегідей, цефтриаксонды қолданған кезде суперинфекция дамуы мүмкін. Ауыр бүйрек және бауыр жеткіліксіздігі Ауыр бүйрек және бауыр жеткіліксіздігі кезінде қауіпсіздік пен тиімділікке мұқият клиникалық мониторинг жүргізу ұсынылады. Серологиялық тестілеуге араласу Кумбс тестілерінде ақаулар туындауы мүмкін, өйткені цефтриаксон тесттің жалған оң нәтижелеріне әкелуі мүмкін. Цефтриаксон сондай-ақ галактоземияға тесттің жалған оң нәтижелеріне әкелуі мүмкін. Несептегі глюкозаны анықтаудың ферментативті емес әдістері жалған оң нәтиже беруі мүмкін. Цефтриаксинмен емдеу кезінде несептегі глюкозаны анықтауды ферментативті түрде жүргізу керек. Бактерияға қарсы спектр Медаксон бактерияға қарсы белсенділіктің шектеулі спектріне ие және патоген расталмаған болса, инфекциялардың кейбір түрлерін емдеуге арналған жалғыз дәрі ретінде пайдалануға жарамсыз болуы мүмкін. Полимикробты инфекциялар кезінде, болжамды қоздырғыштар цефтриаксонға төзімді микроорганизмдерді қамтыса, қосымша антибиотик енгізу мүмкіндігін қарастыру керек. Лидокаинді қолдану Лидокаин ерітіндісін ешқашан вена ішіне енгізуге болмайды. Егер лидокаин ерітіндісі еріткіш ретінде пайдаланылса, цефтриаксон ерітінділері тек бұлшықет ішіне енгізу үшін пайдаланылуы тиіс. Лидокаинге қарсы көрсетілімдер, ескертулер және басқа да тиісті ақпарат қолданар алдында қарастырылуы тиіс Өт тас ауруы Сонограммаларда көлеңкелерді бақылау кезінде кальций цефтриаксонының шөгінділерге түсу мүмкіндігін ескеру керек. Өт қабындағы тастар ретінде қате қабылданған көлеңкелер, әдетте, стандартты ұсынылған дозадан асатын дозадан кейін өт қабының сонограммаларында анықталған. Бұл көлеңкелер, алайда, цефтриаксон кальций тұнбасы болып табылады, олар цефтриаксонмен емдеуді аяқтағаннан немесе тоқтатқаннан кейін жоғалады. Бұл нәтижелер сирек симптомдармен байланысты болды. Симптоматикалық жағдайларда консервативті хирургиялық емес емдеу ұсынылады және симптоматикалық жағдайларда цефтриаксонмен емдеуді тоқтату дәрігердің қарастыруы бойынша болуы тиіс. Панкреатит Этиологиясы билиарлық бітелуден болуы мүмкін панкреатит жағдайлары цефтриаксон қабылдаған пациенттерде сирек хабарланған. Көптеген пациенттерде билиарлық іркіліс пен билиарлық шөгіндінің даму қаупінің факторлары болды, мысалы, алдыңғы негізгі терапия, күрделі ауру және жалпы парентеральді тамақтану. Цефтриаксонмен байланысты билиарлық шөгіндінің триггерлік немесе кофакторлық рөлін жоққа шығаруға болмайды. Бүйректік литиаз Цефтриаксонды қабылдау тоқтатылған кезде қайтымды болып табылатын бүйрек литиазының жағдайлары туралы хабарланған. Симптоматикалық жағдайларда сонография жүргізу керек. Ренальді литиаз тарихы бар немесе гиперкальциуриясы бар пациенттердегі пайда артықшылық қаупін арнайы бағалауға негізделген дәрігер қарауы тиіс. Яриш-Герксгеймер реакциясы (JHR) Цефтриаксонмен емделгеннен кейін көп ұзамай спирохеталардан туындаған инфекциялары бар кейбір пациенттерде Яриш-Герксгеймер (JHR) реакциясы туындауы мүмкін. Реакция әдетте өз бетінше өтеді немесе симптоматикалық еммен басылуы мүмкін. Реакция пайда болған жағдайда антибиотиктермен емдеуді тоқтатуға болмайды. Энцефалопатия Энцефалопатия цефтриаксонды қолдану кезінде, әсіресе ауыр бүйрек жеткіліксіздігі немесе орталық жүйке жүйесінің бұзылыстары бар егде жастағы адамдарда хабарланған. Цефтриаксонмен байланысты энцефалопатияға (мысалы, сана деңгейінің төмендеуі, психикалық жағдайдың өзгеруі, миоклонус, құрысулар) күдік туған кезде цефтриаксонды қабылдауды тоқтату туралы мәселені қарау керек. Арнайы ескертулер Натрий Препарат цефтриаксонның натрий тұзы түрінде ұсынылған, сондай-ақ еріткіш құрамында натрий хлориді түрінде натрий бар. Медаксон құрамында 1 г құтыға шамамен 83 мг натрий бар, бұл ересек адам үшін ДДҰ ұсынған 2 г натрийдің ең жоғары тәуліктік дозасының 4.3%-на тең. Мұны натрий-бақыланатын диетадағы пациенттер ескеруі тиіс. Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері Медаксон препаратымен емдеу кезінде автомобильді басқару және машинаны пайдалану қабілетіне әсер етуі мүмкін жағымсыз әсерлер (мысалы, бас айналуы) туындауы мүмкін. Пациенттер машиналарды жүргізу немесе пайдалану кезінде сақ болу керек.

Жүктілік Медаксон плаценталық бөгет арқылы өтеді. Жүкті әйелдерде цефтриаксонды қолдану туралы шектеулі деректер бар. Медаксонды жүктілік кезінде пайда/қауіп қатынасын, әсіресе жүктіліктің бірінші триместрінде бағалағаннан кейін тағайындауға рұқсат етіледі. Емшек емізу Медаксон емшек сүтімен төмен концентрацияда шығарылады, бірақ цефтриаксонның емдік дозаларында емшектегі балаларға ешқандай әсер күтілмейді. Алайда, диарея мен шырышты қабықтардың зеңдік зақымдану қаупін жоққа шығаруға болмайды. Сенсибилизация мүмкіндігі ескерілуі тиіс. Емшек емізуді тоқтату немесе цефтриаксонмен емдеуді тоқтату/бас тарту туралы шешім қабылдау қажет, бұл нәресте үшін емшек емізудің пайдасы мен әйел үшін терапияның пайдасын ескереді.

Рингер ерітіндісі немесе Хартман ерітіндісі сияқты құрамында кальций бар сұйылтқыштарды Медаксон құтыларын қалпына келтіру үшін немесе вена ішіне енгізуге арналған қалпына келтірілген құтыны одан әрі сұйылту үшін пайдалануға болмайды, өйткені тұнба түзілуі мүмкін. Цефтриаксон-кальцийдің тұнбасы цефтриаксонды вена ішіне енгізудің сол сызығында кальций бар ерітінділермен араластырған кезде де болуы мүмкін. Цефтриаксонды Y-түйіні арқылы парентеральді қоректену сияқты құрамында кальций бар үздіксіз инфузияларды қоса, құрамында кальций бар вена ішіне енгізілетін ерітінділермен бір мезгілде енгізуге болмайды. Алайда, нәрестелер болып табылмайтын пациенттерде, егер инфузиялық катетерлер инфузиялар арасында үйлесімді сұйықтықпен мұқият жуылса, цефтриаксон және құрамында кальций бар ерітінділер бір-біріне кезекпен енгізілуі мүмкін. Ересек және кіндік қанының неонатальді плазмасын пайдаланатын in vitro зерттеулері нәрестелерде цефтриаксон-кальцийдің тұндыру қаупі жоғары екенін көрсетті. Пероральді антикоагулянттармен бір мезгілде қолдану К дәруменге қарсы әсерін және қан кету қаупін арттыруы мүмкін. Халықаралық қалыптасқан қатынасты (ХҚҚ) жиі бақылау және тиісінше цефтриаксонмен емдеу кезінде де, одан кейін де К дәруменіне қарсы препараттың дозасын түзету ұсынылады. Цефалоспориндермен бірге қолданғанда аминогликозидтердің бүйрек уыттылығының потенциалды артуына қатысты қарама-қайшы деректер бар. Мұндай жағдайларда клиникалық тәжірибеде аминогликозидтер (және бүйрек функциясы) деңгейінің ұсынылған мониторингін қатаң сақтау керек. In vitro зерттеуінде антагонистік әсерлер хлорамфеникол мен цефтриаксонның біріктірілуінде байқалды. Бұл жаңалықтың клиникалық маңызы белгісіз. Цефтриаксонның құрамында пероральді кальций бар препараттармен өзара әрекеттесуі туралы немесе бұлшықетішілік цефтриаксонның құрамында кальций бар препараттармен (вена ішіне немесе пероральді) өзара әрекеттесуі туралы хабарламалар түскен жоқ. Цефтриаксон қабылдаған пациенттерде Кумбс тесті жалған оң тест нәтижелеріне әкелуі мүмкін. Цефтриаксон, басқа антибиотиктер сияқты, жалған оң галактоземия тесттеріне әкелуі мүмкін. Сол сияқты, несептегі глюкозаны анықтаудың ферментативті емес әдістері жалған оң нәтиже бере алады. Осы себепті цефтриаксонмен емдеу кезінде несептегі глюкоза деңгейін анықтауды ферментативті жүргізу керек. Цефтриаксонның және күшті әсер ететін диуретиктердің (мысалы, фуросемидтің) үлкен дозаларын бір мезгілде қабылдағаннан кейін бүйрек функциясының бұзылуы байқалмады. Пробенецидті бір мезгілде қолдану цефтриаксонның шығарылуын төмендетпейді. Хлорамфеникол мен цефтриаксонды бірге қабылдаған кезде антагонистік әсер байқалады. Цефтриаксон амсакрин, ванкомицин, флуконазол және аминогликозидтермен үйлеспейді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, жарықтан қорғалған жерде 25 °С-ден аспайтын температурада сақтау керек. Балалардың қолы жетпейтін жерде сақтау керек!