Медаокс таблетки 100 мг

Бір таблетканың құрамында белсенді зат - 104.00 мг доксициклин моногидраты (100.00 мг доксициклинге баламалы), қосымша заттар: лактоза моногидраты, микрокристалды целлюлоза 102 типі, гидроксипропилцеллюлоза, гипромеллоза, магний стеараты, натрий сахарині, сусыз коллоидты кремнийдің қостотығы. Сыртқы түрінің, иісінің, дәмінің сипаттамасы Дөңгелек пішінді, екі жақ беті дөңес, теңбілдері бар, бір жағында «173» бедерленген және басқа жағында сызығы бар сарғыштау-қоңыр түсті таблеткалар.

Медаокс препараты ересектер мен балалардағы инфекциялық ауруларды емдеу үшін көрсетілген: • келесі атипиялық патогенді микроорганизмдер туындатқан, жеңіл дәрежедегі ауруханадан тыс пневмония: Chlamydophila (Chlamydia) pneumoniae, Mycoplasma pneumoniae және Chlamydophila (Chlamydia) psittaci; • созылмалы бронхиттің өршуі; • урогенитальді инфекциялар (жыныстық жолмен берілетін аурулар): Chlamydia trachomatis туындататын инфекциялар, оның ішінде асқынбаған уретральді және эндоцервикальді инфекциялар және тік ішек инфекциялары; Ureaplasma urealyticum туындататын гонококкты емес уретрит; доксициклин сонымен қатар жұмсақ шанкрды, шап гранулемасын емдеу үшін көрсетілген және соз бен мерезді емдеуге арналған балама препараттардың бірі болып табылады; • тері инфекциялары: антибиотикотерапия қолдану қажет болған жағдайдағы кәдімгі безеулер; • Entamoeba spp. (қосымша дәрі ретінде) және Vibrio cholerae (тырысқақ) туындатқан асқазан-ішек жолының инфекциялары; • Лайм ауруы; • Chlamydia trachomatis (трахома) туындатқан инфекциялық көз аурулары (конъюнктивит); • Coxiella burnetii туындатқан Ку-қызбасы; • риккетсиоздар; • басқа инфекциялар: бөртпе немесе қайтымды сүзек (Borrelia recurrentis), оба (Yersinia pestis), туляремия (Francisella tularensis), бруцеллез (Brucella spp.), сібір ойықжарасы (Bacillus anthracis), орнитоз (Chlamydia psittaci); • лептоспироз; • пастереллез (геморрагиялық септицемия); • хлорохинге резистентті Plasmodium falciparum туындатқан безгек; • безгек профилактикасы. Тетрациклиндерді Salmonella spp. туындататын инфекциялық аурулар кезінде қолдануға болмайды. Препаратты қолданған кезде бактерияға қарсы препараттарды тиісті түрде қолдану жөніндегі ресми ұсынымдарды ескеру қажет.

ATХ коды J01AA02 Әсер ету механизмі Доксициклин рибосоманың 30S суббірлігімен байланысу арқылы бактериялық ақуыздардың синтезін тежейді. Доксициклин грамоң және грамтеріс организмдердің, соның ішінде жасушаішілік микроорганизмдердің кең ауқымына қатысты бактериостатикалық белсенділікті көрсетеді. Резистенттілік механизмі Резистенттілік әдетте плазмидаларға немесе транспозондарға байланысты. Доксициклиннің бактериялық жасушадан белсенді шығарылуы (эффлюкс) бастапқы механизм болып табылады. Табиғи резистенттілігі бар төзімді штаммдардың пайыздық мөлшерінде айтарлықтай жергілікті айырмашылық болуы мүмкін. Streptococcus pyogenes, Streptococcus pneumoniae және Enterococcus faecalis кейбір штаммдары тетрациклиндерге төзімді екендігі анықталды. Сондықтан, егер микроорганизм сезімталдығының расталуы алынбаса, тетрациклиндерді стрептококкты инфекцияларды емдеу үшін қолдануға болмайды. А тобының бета-гемолитикалық стрептококктары туындатқан жоғарғы тыныс алу жолдарының инфекцияларын емдеу үшін (оның ішінде буындардың ауыр инфекцияларының профилактикасы) басқа препараттар тағайындалады. Айқас резистенттілік Тетрациклин тобындағы айқаспалы резистенттілік норма болып табылады. Сезімталдыққа тесттер Доксициклин үшін антибиотиктерге сезімталдықты анықтау жөніндегі Еуропалық комитет (EUCAST) белгілеген ең төмен тежейтін концентрация шекті мәндері: • Staphylococcus spp.: S ≤ 1 мг/л, R > 2 мг/л; • A, B, C, G тобының Streptococcus: S ≤ 1 мг/л, R > 2 мг/л; • Streptococcus pneumoniae: S ≤ 1 мг/л, R > 2 мг/л; • Haemophilus influenzae: S ≤ 1 мг/л, R > 2 мг/л; • Moraxella catarrhalis: S ≤ 1 мг/л, R > 2 мг/л. Резистенттіліктің пайда болуы географиялық жағынан да, таңдалған микроорганизмдер үшін уақыт бойынша да өзгеруі мүмкін. Жүре пайда болған резистенттілік туралы жергілікті ақпаратты, әсіресе ауыр инфекцияларды емдеу кезінде ескеру қажет. Егер резистенттіліктің жергілікті таралуы соншалықты жоғары болса, кейбір инфекцияларды емдеу үшін доксициклинді қолдану күмән туындатса, онда бұл жағдайда сарапшылардың кеңесі қажет болуы мүмкін. Доксициклинге әдетте сезімтал микроорганизмдер: • грамоң аэробты микроорганизмдер - Bacillus cereus, Bacillus anthracis, Staphylococcus aureus; • грамтеріс аэробты микроорганизмдер - Brucella spp., Haemophilus influenzae, Moraxella catarrhalis, Vibrio cholerae, Yersinia pestis; • өзге - Borrelia burgdorferi, Bartonella spp., Burkholderia pseudomallei, Chlamydia trachomatis, Chlamydophila pneumoniae, Chlamydophila psittaci, Coxiella burnetii, Francisella tularensis, Leptospira spp., Mycoplasma pneumoniae, Rickettsia spp., Treponema pallidum, Ureaplasma urealyticum. Резистенттілікке ие бола алатын микроорганизмдер: • грамоң аэробты микроорганизмдер - Enterococcus spp., Streptococcus pneumoniae; • грамтеріс аэробты микроорганизмдер - Escherichia coli, Klebsiella spp., Pasteurella multocida; • анаэробты бактериялар - Propionibacterium acnes. Микроорганизмдер әдетте резистентті: • грамтеріс аэробты микроорганизмдер - Acinetobacter spp., Proteus mirabilis, Proteus vulgaris, Pseudomonas spp., Serratia spp. Басқа ақпарат Резус макакаларға сібір ойықжарасының ингаляциялық түрін (Bacillus anthracis туындатқан) енгізген зерттеу нәтижелері патоген әсерінің бірінші күнінен бастап 30 күн бойы тәулігіне екі рет доксициклин қабылдаған 10 жануардың 9-9 өміршеңдігін көрсетті. Бірінші күні алынған адамның сібір ойықжарасына қарсы вакцинасымен бірге доксициклин алған 9 резус макаканың барлығы экспериментте аман қалды. Доксициклиннің адамдағы сібір ойықжарасын емдеу кезіндегі тиімділігі туралы клиникалық дәлелдер жеткіліксіз. Емдеуші дәрігер сібір ойықжарасын емдеуге қатысты қолданыстағы ұлттық және/немесе халықаралық консенсусты құжаттарды басшылыққа алуы тиіс. Доксициклиннің адамдағы обаны (Yersinia pestis туындатқан) және туляремияны (Francisella tularensis туындатқан) емдеу кезіндегі тиімділігі туралы клиникалық дәлелдер жеткіліксіз. Емдеуші дәрігер оба мен туляремияны емдеуге қатысты қолданыстағы ұлттық және/немесе халықаралық консенсусты құжаттарды басшылыққа алуы тиіс.

Дозалау режимі Доксициклиннің әдеттегі дозасы мен жиілігі басқа тетрациклиндердің көбінің дозасы мен жиілігінен ерекшеленеді. Ұсынылған дозадан асып кету жағымсыз реакциялар жиілігінің артуына әкеп соғуы мүмкін. Ересектер мен 12 жастан 18 жасқа дейінгі жасөспірімдер Ересектер мен 12 жастан 18 жасқа дейінгі балалардағы жедел инфекцияларды емдеу үшін доксициклиннің әдеттегі дозасы емдеудің алғашқы тәулігінде 1 немесе 2 қабылдауда 200 мг, одан әрі тәулігіне 100 мг құрайды. Ауыр инфекциялар жағдайында препаратты емдеудің барлық кезеңінде тәулігіне 200 мг дозада тағайындайды. 8 жастан 12 жасқа дейінгі балалар 8 жастан 12 жасқа дейінгі балалардағы жедел инфекцияларды емдеу үшін доксициклинді қолдану мұқият бағалануы керек. Басқа препараттар қолжетімсіз, тиімсіз болғанда немесе қарсы көрсетілім бар болғанда доксициклинді қолданады. Мұндай жағдайларда жедел инфекцияларды емдеу үшін келесі дозалар қолданылады: • дене салмағы 45 кг және одан аз балалар: бастапқы доза емдеудің алғашқы тәулігінде 1 немесе 2 қабылдауда 4,4 мг/кг, келесі күндері - 1 немесе 2 қабылдауда тәулігіне 2,2 мг/кг құрайды. Ауыр инфекция жағдайында препаратты емдеу курсы бойына тәулігіне 4,4 мг/кг дозада тағайындайды; • дене салмағы 45 кг-нан асатын балалар: ересектерге арналған әдеттегі дозаны тағайындайды. Егер 100 мг-нан аз доза қажет болса, құрамында доксициклин бар басқа қол жетімді дәрілік затты пайдаланған жөн. Туғаннан 8 жасқа дейінгі балалар Доксициклинді тіс түсінің өзгеру қаупіне байланысты 8 жасқа дейінгі балаларда қолдануға болмайды. Емдеу ұзақтығы Емдеу әдетте 5-тен 10 күнге дейін созылады. Препаратты қызба симптомдары жойылғаннан кейін тағы да кем дегенде 24-48 сағат ішінде қабылдау керек. Бета-гемолитикалық стрептококк инфекцияларында жедел артрит немесе гломерулонефриттің алдын алу үшін емдеу кем дегенде 10 күнге созылуы керек. Жекелеген инфекцияларды емдеуге арналған доза Урогенитальді инфекциялар • ересектердегі Chlamydia trachomatis туындататын асқынбаған уретрит, эндоцервикальді және тік ішек инфекциялары; Ureaplasma urealyticum туындатқан гонококкты емес уретрит: 7 күн ішінде тәулігіне 2 рет 100 мг; • Chlamydia trachomatis немесе Neisseria gonorrhoeae туындатқан жедел эпидидимит пен аталық без инфекциясын балама емдеу: 10 күн ішінде тәулігіне екі рет 100 мг; • бастапқы және салдарлы мерез: 2 апта ішінде тәулігіне екі рет 200 мг; • шап гранулемасы (Lymphogranuloma venereum, LVG): 21 күн ішінде тәулігіне 200 мг; • Лайм ауруы: 14-21 күн ішінде күнделікті 200 мг (аурудың ерте сатысында); аурудың анағұрлым кеш сатыларында 1 айға дейін. Сібір ойықжарасы • жанасудан кейінгі профилактика: 60 күн ішінде тәулігіне 2 рет 100 мг; • тері формасы: 60 күн ішінде тәулігіне 2 рет 100 мг; • ингаляциялық және асқазан-ішек формасы: біріктірілген емнің бөлігі ретінде тәулігіне 2 рет 100 мг доксициклиннің бастапқы дозасы; жалпы емдеу ұзақтығы 60 күнді құрайды. Кәдімгі безеулер Әдеттегі доза 12 апта ішінде тәулігіне 50 мг құрайды. Пациенттердің ерекше топтары Бүйрек жеткіліксіздігі бар пациенттер Зерттеулерде бүйрек функциясы қалыпты пациенттерде және бүйрек функциясының ауыр дәрежедегі бұзылулары бар пациенттерде қан плазмасынан доксициклиннің жартылай шығарылу кезеңінде (шамамен 20 сағат) айтарлықтай айырмашылықтар көрсетілмеген. Осылайша, бүйрек функциясының бұзылулары бар пациенттерде дозаны түзету қажет емес. Бауыр жеткіліксіздігі бар пациенттер Доксициклинді бауыр функциясының бұзылулары бар пациенттерде сақтықпен қолдану керек. Енгізу әдісі және жолы Ішке қабылдауға арналған. Препаратты суспензия түрінде қолданады, оны таблетканы суда (кем дегенде 50 мл) еріту арқылы алады. Суспензияны эзофагит немесе өңештің ойық жарасының даму қаупін төмендету үшін ұйықтағанға дейін көп уақыт бұрын, отырғанда немесе тұрғанда дайындағаннан кейін бірден ішу керек. Суспензияны тамақ ішу кезінде қабылдау ұсынылады. Таблеткадағы бөлу сызығы препараттың дозасын тең бөліктерге бөлу үшін емес, тек эстетикалық мақсатта жасалған. Дәрілік препараттың бір немесе бірнеше дозасын өткізіп алу кезіндегі қажетті шаралар Егер сіз жоспарланған уақытта доза қабылдауды өткізіп алсаңыз, келесі дозаны қабылдау уақыты келмесе ғана, оны есіңізге түсірген бойда қабылдаңыз. Бұл жағдайда өткізіп алған дозаны қабылдамаңыз және емді жалғастырыңыз. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қолдану туралы сұрақтар туындаған жағдайда дәрігермен немесе фармацевтпен кеңесу керек.

• әсер етуші затқа (заттарға) немесе қосымша заттардың кез келгеніне аса жоғары сезімталдық; • басқа тетрациклиндерге жоғары сезімталдық; • жүктіліктің екінші және үшінші триместрлері; • тіс түсінің өзгеру қаупіне байланысты 8 жасқа дейінгі балалар.

Жиі • вагинит • кандидоз • жүрек айнуы • артқы өтістің қышынуы • «қара тіл» (тілдің жіп тәрізді бүртікшелерінің гипертрофиясы) • стоматит • аногенитальді қабыну • сүйек тіні дамуының бұзылуы • терінің тітіркенуі • тіс дамуының бұзылуы Жиі емес • бас ауыруы • ысыну/қызу • құсу • диарея • глоссит • макулопапулезді және эритематозды бөртпе • фотосезімталдық Сирек • гемолитикалық анемия • тромбоцитопения • нейтропения • эозинофилия • эозинофилиямен және жүйелік симптомдармен дәрілік реакция (DRESS-синдром) • іштің ауыруы • дисфагия • диспепсия • энтероколит (стафилококкты энтеритті қоса) • панкреатит • В дәруменін өндіретін бактериялардың супрессиясы • қалқанша безінің қою-қоңыр түске боялуы (ұзақ уақыт бойы қолданғанда) • анорексия • құлақтағы шуыл • перикардит • бауыр функциясының бұзылуы • бауыр ферменттері белсенділігінің өтпелі жоғарылауымен гепатоуыттылық • гепатит • сарғаю • бауыр жеткіліксіздігі • көппішінді буллезді эритема (Стивенс-Джонсон синдромы) • уытты эпидермальді некролиз (Лайелл синдромы) • есекжем • эксфолиативті дерматит • тері түсінің өзгеруі (ұзақ уақыт бойы қолдану кезінде) • артралгия • миалгия • қандағы мочевина деңгейінің жоғарылауы Өте сирек • аса жоғары сезімталдық реакциясы (оның ішінде анафилаксиялық шок, анафилаксия, анафилактоидты реакция, анафилактоидты пурпура, артериялық гипотензия, перикардит, ангионевроздық ісіну, жүйелі қызыл жегінің өршуі, ентігу, сарысу құю ауруы, шеткері ісінулер, тахикардия және есекжем) • еңбектің дүмпиюі • көру нервісі дискісінің ісінуімен ми қабықтарының тітіркенуі (симптомдарға бас ауыруы, көру айқындылығының нашарлауы, көзге қос көріну, жүрек айнуы, құсу, құлақтағы шуыл, бас айналу, экстраокулярлы ауырсыну, фотопсия кіруі мүмкін) • жалғанжарғақшалы колит (Clostridium difficile шамадан тыс өсуімен) Белгісіз • протромбиндік уақыттың ұзаруы • Яриш-Герксгеймер реакциясы • порфирия • тахикардия • эзофагит • өңештің ойық жаралануы • тіс түсінің өзгеруі* • фотоонихолизис (тырнақ пластинасының тырнақ қабатынан ажырауы кейде күн сәулесінің әсерінен тырнақтың толық ажырап кетуіне әкеледі) • тұрақты дәрілік бөртпе • тіс эмалінің гипоплазиясы * Доксициклинді қолдану кезінде тұрақты тістің уақытша беткейлік түсінің өзгеруі туралы хабарланды, бірақ бұл құбылыстың жиілігін қолда бар деректер бойынша бағалау мүмкін емес. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Құсу, дене температурасының көтерілу көріністері, сарғаю, гематома, мелена, азотемия, трансаминазалар деңгейінің жоғарылауы, протромбиндік уақыттың ұзаруы сияқты симптомдармен бірге жүретін бауырдың зақымдануы. Емдеу Артық дозалану өңештің тітіркенуі мен ойық жаралануын туындатуы мүмкін, ол төс сүйегінің артындағы ауырсынумен, дисфагиямен және эзофагитпен қатар жүреді. Бұл реакция өңештің шырышты қабығына жабысуына байланысты, ол 200 мл-ге дейін (балалар үшін 125 мл) су ішумен жойылады. Өңештің тітіркенуін болдырмау үшін құстырту ұсынылмайды. Сіңуді төмендету үшін белсендірілген көмір мен іш жүргізетін дәріні қабылдауға болады. Гемодиализ доксициклиннің шығарылуына әсер етпейді. Симптоматикалық емді су-электролит теңгерімін бақылай отырып жүргізеді.

Тетрациклиндік қатардағы дәрілік заттарды, оның ішінде таблетка немесе капсула түріндегі доксициклинді қабылдаған пациенттерде эзофагиттің немесе өңеш ойықжарасының даму жағдайлары туралы хабарланды. Мұндай жағымсыз реакцияларды болдырмау үшін таблеткаларды жеткілікті мөлшердегі сумен қабылдау керек. Таблеткаларды отырған немесе тұрған қалпында қабылдау керек. Арнайы ескертулер Доксициклинмен ем алған пациенттерде Стивенс-Джонсон синдромы, уытты эпидермальді некролиз (Лайелл синдромы) және эозинофилиямен және жүйелік симптомдармен дәрілік реакция (DRESS-синдром) сияқты терінің тарапынан ауыр реакциялар байқалды. Терінің тарапынан ауыр реакциялар туындағанда, доксициклинді дереу тоқтатып, тиісті ем тағайындау керек. Кейбір жағдайларда күн сәулесіне шамадан тыс реакция ретінде көріністелетін фотосезімталдық байқалуы мүмкін. Тікелей күн сәулесінің немесе ультракүлгін сәулеленудің әсеріне ұшыраған пациенттерге тері эритемасының алғашқы белгілерінде емді тоқтату ұсынылады. Тетрациклиндердің антианаболикалық (катаболикалық) әсері қандағы мочевина (азот) деңгейінің жоғарылауына әкелуі мүмкін. Бүйрек жеткіліксіздігі бар пациенттерге жүргізілген зерттеулерде доксициклинді қолданғанда бұлай болмайтыны көрсетілген. Бауыр функциясының бұзылуы бар пациенттерде доксициклинді қолдану туралы фармакокинетикалық деректер жоқ. Бауыр функциясының бұзылуы бар пациенттерде немесе ықтимал гепатоуытты әсерлері бар дәрілік заттарды қабылдап жүрген пациенттерде сақтық танытқан жөн. Тетрациклиндік қатардағы басқа препараттармен айқаспалы резистенттілік мүмкіндігі бар. Антибиотиктерді қабылдау Candida тектес зеңдерді қоса, сезімтал емес организмдердің шамадан тыс өсуіне әкелуі мүмкін. Салдарлы инфекцияның (доксициклинге сезімтал емес микроорганизмдер туындататын инфекция) дамуына күдік туындағанда, антибиотиктерді қолдануды тоқтатып, тиісті емді бастау керек. Емдеу процесінде қызбамен ауыр диарея сияқты симптомдар байқалған пациенттерге жалғанжарғақшалы колит немесе стафилококкты энтерит диагнозы қойылуы мүмкін, бұл қажетті емді тағайындауды талап етеді. Мұндай жағдайда ішек перистальтикасының тежегіштерін қолдануға болмайды. Тетрациклиндермен емделген сәбилерде қатерсіз бассүйекшілік гипертензиямен астасқан дөңес еңбек жағдайлары байқалған. Доксициклин 8 жасқа дейінгі балаларға қарсы көрсетілімді. Ересектерде ми қабығының тітіркену және көру нервісінің ісіну симптомдарымен қатерсіз бассүйекішілік гипертензия жағдайлары байқалды. Бұл бас ауырумен, көру жітілігінің нашарлауымен, көзге қос көрінумен, жүрек айнумен, құсумен, құлақтағы лүпілді шуылмен, бас айналумен, ретробульбарлы (экстраокулярлы) ауырсынумен және фотопсиямен қатар жүруі мүмкін. Бұл симптомдар қайтымды және әдетте емді тоқтатқаннан кейін бірнеше күн немесе аптадан соң жоғалады. Патогенді спирохеттерден туындаған инфекциялық ауруларға шалдыққан кейбір пациенттерде доксициклинді қолдануды бастағаннан кейін көп ұзамай Яриш-Герксгеймер реакциясы дамуы мүмкін. Пациенттерді бұл реакцияның пайда болуы аталған инфекциялық аурулардың антибиотикотерапия салдары болып табылатынын және әдетте бұл реакцияның көріністеулері өздігінен жойылатынын айтып, тыныштандыру керек. Тетрациклиндер протромбиндік уақытты ұлғайтуы мүмкін. Коагулопатиясы бар пациенттерде тетрациклиндерді тағайындау мұқият бақылануы керек. Ұзақ мерзімді ем кезінде гемопоэздік, бүйрек және бауыр функцияларын тексеруді қоса алғанда, ағзалар жүйесін мерзімді зертханалық қарап-тексеру қажет. Егер көрсеткіштер нормадан тыс болса, емді тоқтату керек. Тетрациклиндерді ұзақ уақыт бойы қолданған кезде қалқанша бездің микроскопиялық қою- қоңыр боялу жағдайлары туралы хабарланған. Зерттелген жағдайлардың ешқайсысында қалқанша безі функциясының бұзылуы туралы хабарланған жоқ. Тетрациклиндерді ұзақ уақыт қолдану В дәруменін өндіретін бактериялардың жойылуына байланысты В дәруменінің тапшылығына әкелуі мүмкін. Балалар мен жасөспірімдер Доксициклин тістің дамуына теріс әсер етіп, олардың түсінің тұрақты өзгеруіне әкелуі мүмкін. Доксициклин 8 жасқа дейінгі балаларға қарсы көрсетілімді. Тістің дамуы кезінде (жүктіліктің екінші жартысы, сәбилер мен 8 жасқа дейінгі балалар) тетрациклиндік қатардағы препараттарын қолдану тіс түсінің тұрақты өзгеруіне әкелуі мүмкін. Бұл жағымсыз әсер дәрілік заттарды ұзақ уақыт бойы қолданғанда жиі кездеседі, бірақ көп реттік қысқа мерзімді емдеу циклдарынан кейін де байқалуы мүмкін. Эмаль гипоплазиясы туралы да хабарланған. 8 жасқа дейінгі балаларды доксициклинмен емдеуді, егер күтілетін пайдасы ауыр немесе өмірге қауіп төндіретін жағдайларда (мысалы, Жартасты таулардың дақты қызбасы) ықтимал қауіптен асып кетсе және басқа қолайлы емдеу болмаған жағдайда ғана қарастыруға болады. 8-12 жас аралығындағы балаларда тұрақты тістің түсінің өзгеру қаупі аз болғанымен, доксициклинді барлық басқа препараттар қолжетімсіз, тиімсіз болғанда немесе қарсы көрсетілген жағдайда ғана қарастыруға болады. Қосымша заттар Медаокс препаратының құрамында лактоза бар, сондықтан галактозаға жақпаушылығымен, лактаза жеткіліксіздігімен немесе глюкоза-галактоза мальабсорбциясымен сипатталатын, сирек тұқым қуалайтын аурулары бар пациенттерге бұл препаратты қабылдауға болмайды. Медаокс препаратының 1 таблеткада құрамында 1 ммольден аз (23 мг) натрий бар, яғни іс жүзінде «құрамында натрий жоқ». Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Доксициклин көлік құралдары мен қауіптілігі зор механизмдерді басқару қабілетіне орташа әсер етеді. Бас айналу, көру айқындылығының нашарлауы немесе көзге қос көріну дамыған жағдайда көлік құралдарын немесе қауіптілігі зор механизмдерді басқару ұсынылмайды.

Жүктілік Доксициклин жүктіліктің екінші және үшінші триместрінде қарсы көрсетілімді. Сақтандыру мақсатында жүктіліктің бірінші триместрінде доксициклинді қолданудан аулақ болу керек. Қазіргі уақытта бірінші триместр кезінде жүкті әйелдердің көп бөлігі арасында доксициклинді қолдану бойынша зерттеулер туа біткен ақаулардың даму қаупінің жоғарылауын көрсеткен жоқ. Тетрациклиндерді екінші және үшінші триместрлерде қабылдау баланың сүт тістері түсінің тұрақты өзгеруіне әкеліп, сүйектің өсуін баяулатуы мүмкін. Тетрациклиндер плацентарлы бөгет арқылы өтеді. Лактация Лактация кезінде доксициклинді қабылдаудан аулақ болу керек. Тетрациклиндер емшек сүтіне енеді; теориялық тұрғыдан, анасы препаратты қабылдаған жағдайда, жаңа туған нәрестелерде/еметін сәбилерде тістің түсі өзгеріп, сүйектердің өсуі баяулауы мүмкін. Бала үшін емізудің пайдасын және әйел үшін емнің пайдасын ескере отырып, емізуді тоқтату немесе Медаокс препаратымен емдеуді тоқтату қажеттілігін-қажетсіздігін шешу керек. Фертильділік Доксициклиннің адамның фертильділігіне әсері туралы деректер жоқ.

Доксициклиннің сіңуін антацидтерде, темір тұздарында және висмут тұздарында кездесетін металл иондары бар биологиялық белсенді емес хелат кешендерінің түзілуі тежеуі мүмкін. Құрамында алюминий, кальций немесе магний бар антацидтермен, темір немесе висмут препараттарымен бір мезгілде қолданудан аулақ болу керек (пероральді қолдануға арналған түрлері туралы айтылған). Белсендірілген көмір және ион алмастырғыш препараттар (колестирамин) доксициклиннің сіңуін төмендетуі мүмкін. Сондықтан мұндай дәрілік заттарды доксициклин қабылдағаннан кейін 2-3 сағаттан соң қабылдау керек. Квинаприл таблеткаларындағы магний мөлшерінің жоғары болуына байланысты квинаприл доксициклиннің сіңуін төмендетуі мүмкін. Асқазанның рН деңгейін жоғарылататын дәрілік заттар сілтілі ортаға қарағанда қышқыл ортада жақсы еритін тетрациклиндердің сіңуіне теріс әсер етуі мүмкін. Доксициклин протромбиндік уақыттың ұзаруына әкелуі мүмкін болғандықтан, біріктірілген ем құрамындағы антикоагулянттардың белсенділігін стимуляциялайды. Антикоагулянттың дозасын төмендету қажет болуы мүмкін. Бактериостатикалық дәрілік заттар пенициллиндер сияқты бета-лактамды антибиотиктердің бактерицидтік белсенділігіне әсер етуі мүмкін болғандықтан, доксициклинді бета-лактамды антибиотиктермен бір мезгілде қолданудан аулақ болу керек. Рифампицин, барбитураттар, карбамазепин, дифенилгидантоин, примидон, фенитоин және алкогольдік сусындарды үнемі қабылдау сияқты бауырдың микросомальді ферменттерінің индукторлары бауырдағы доксициклин метаболизмін жоғарылатып, осылайша жартылай шығарылу кезеңін қысқартуы мүмкін. Бұл доксициклиннің субтерапиялық концентрациясының пайда болуына әкелуі мүмкін. Доксициклиннің тәуліктік дозасын жоғарылатуды қарастырған жөн. Тетрациклиндер мен метоксифлуранды бір мезгілде қолданғандағы нефроуыттылықтың дамуы нәтижесінде өліммен аяқталған жағдайлар туралы хабарланған. Доксициклин қан плазмасындағы циклоспорин концентрациясын жоғарылатуы мүмкін; бір мезгілде қолданған кезде мұқият бақылау жүргізу керек. Доксициклин сульфонилмочевина туындыларының гипогликемиялық әсерін күшейтетіні көрсетілген. Осы дәрілік заттарды бірге қолданған кезде қандағы глюкоза деңгейін мұқият бақылау қажет. Қажет болса, сульфонилмочевина туындыларының дозасын азайту қажет. Доксициклинді ретиноидтар (мысалы, ацитретин, изотретиноин) курсын бастар алдында, процесінде немесе курсынан кейін препараттар әсерінің өзара күшеюі нәтижесінде қайтымды бассүйекішілк гипертензияның даму қаупі бар. Сондықтан доксициклин мен ретиноидтарды бірге қолданудан аулақ болу ұсынылады. Тетрациклиндер несептегі глюкоза деңгейін талдау нәтижелеріне әсер етуі мүмкін. Зертханалық зерттеулердің нәтижелеріне әсері Флуоресцеинмен тест нәтижелеріне әсер ету нәтижесінде несептегі катехоламиндер концентрациясының жалған жоғарылауы орын алуы мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!