Медулак-WM сироп 667 мг/мл

1 мл препараттың құрамында белсенді зат - 667 мг сұйық лактулоза Препарат құрамында қосымша заттар жоқ, бірақ құрамында қанттың өндірістік (мысалы, лактоза, галактоза, фруктоза) қоспасы болуы мүмкін. Сыртқы түрінің, иісінің, дәмінің сипаттамасы Мөлдір, түссіз немесе қоңыр-сары тұтқыр сұйықтық.

• іш қатуда (жуан ішектің физиологиялық ырғағын реттеу) • медициналық мақсатта нәжістің жұмсаруын қажет ететін жағдайларда (геморрой, жуан ішекке және перианальды аумаққа жасалған операциядан кейінгі жағдайлар) • бауыр энцефалопатиясында (бауыр комасын немесе прекомасын емдеу және профилактикасы)

Жуан ішектің саңылауында лактулоза ішек флорасының көмегімен молекуласы төмен органикалық қышқылдарға дейін ыдырайды. Бұл қышқылдар жуан ішектің саңылауында рН төмендеуіне және осмостық әсер арқылы жуан ішектің ішіндегісінің көлемі артуына ықпал етеді. Бұл әсерлер ішектің перистальтикасын стимуляциялайды және нәжістің консистенциясын қалыптандырады. Іш қатулар қайтады және жуан ішектің физиологиялық ырғағы қалпына келеді. Бауыр энцефалопатиясында емдік әсері мыналарға байланысты: ацидофильді бактериялардың (мысалы, лактобактериялар) көбеюі салдарынан протеолитикалық бактериялардың өсуін бәсеңдетумен, аммиактың ионды түрде байланысуымен (жуан ішектің ішіндегісін қышқылдандыру арқылы), жуан ішек ішіндегісінің pH мәні төмен болуынан ішектің босауымен және осмостық әсеріне және азоттың бактериялық метаболизмінің өзгеруімен, ақуыз синтезі үшін бактериялардың аммиакты пайдаланылуын стимуляциялау арқылы. Алайда гипераммониемия өздігінен бауыр энцефалопатиясының нейропсихиатриялық көріністерінің себебі болып табылмайтынын атап айтқан жөн. Алайда, аммиакты басқа азотты қосылыстардың моделі ретінде қарастыруға болады. Лактулоза пребиотикалық дәрі ретінде бифидобактериялар және лактобактериялар сияқты пайдалы бактериялардың өсуін күшейтеді, ал Clostridium және Escherichia coli сияқты шартты патогенді бактериялардың өсуі тежелуі мүмкін. Бұл іш қатуды жоюды қамтамасыз етеді және пациенттің денсаулығына оң әсер етеді.

Ішуге арналған шәрбат, Медулак-WM препаратын сұйылтылған немесе сұйылтылмаған түрде қабылдауға болады. Препараттың дозалануын пациенттің жеке қажеттіліктеріне қарай таңдайды. Бір реттік дозаны ауызда ұзақ ұстап тұрмай, бірден жұту керек. Егер препаратты бір рет қабылдау ұсынылған болса, онда тәуліктік дозаны бір мезгілде, мысалы таңертеңгі ас ішу кезінде қабылдау керек. Іш жүргізетін дәрілерді қабылдау кезінде сұйықтықтың жеткілікті 1.5-2.0 л дейін мөлшерін немесе күніне 6-8 стақан суды ішу ұсынылады. Дозалау режимі Іш қатуларды емдеу және медициналық мақсатта нәжісті жұмсарту үшін Медулак-WM препаратының тәуліктік дозасын бір рет қабылдауға немесе екі қабылдауға бөлуге болады. Емді бастағаннан кейін бірнеше күннен соң бастапқы доза емдік әсеріне байланысты демеуші дозаға дейін түзетілуі керек. Емдік әсерінің дамуына 2-3 күн қажет болуы мүмкін. Жасы — Бастапқы доза, күніне — Демеуші доза, күніне Ересектер мен жасөспірімдер — 15-45 мл (10-30 г лактулоза) — 15-30 мл (10-20 г лактулоза) 7-14 жастағы балалар — 15 мл (10 г лактулоза) — 10-15 мл (7-10 г лактулоза) 1-6 жастағы балалар — 5-10 мл (3-7 г лактулоза) — 5-10 мл (3-7 г лактулоза) 1 жасқа дейінгі сәбилер — 5 мл дейін (3 г лактулозаға дейін) — 5 мл дейін (3 г лактулозаға дейін) Бауыр комасы мен прекомасын емдеуде (тек ересектерге арналған): Бастапқы доза 30-45 мл-ден күніне 3-4 рет. Бұл доза күніне 2-3 рет жұмсақ нәжіс жүретіндей демеуші дозаға дейін түзетілуі керек. Нәжістің қышқылдығы рН 5.0-5.5 аралығында болуы ұсынылады. Бауыр энцефалопатиясы бар балалар Бауыр комасы және прекомасы бар балаларға (18 жасқа дейінгі) препаратты қолдану қауіпсіздігі және тиімділігі анықталмаған. Деректер жоқ. Егде жастағы пациенттер және бүйрек немесе бауыр жеткіліксіздігі бар пациенттер Дозалау бойынша арнайы ұсынымдар жоқ, себебі лактулозаның жүйелі әсері шамалы. Енгізу әдісі және жолы Ішуге арналған. Құтылардағы Медулак-WM препаратын қабылдау кезінде өлшеуіш қалпақшаны пайдалануға болады. Балалар Бауыр комасы және прекомасы бар балаларда (0-18 жас) препараттың қауіпсіздігі мен тиімділігі анықталмаған. Деректер жоқ. Егде жастағы пациенттер және бүйрек немесе бауыр жеткіліксіздігі бар пациенттер Дозалануына қатысты арнайы ұсыныстар жоқ, өйткені лактулозаның жүйелі әсері мардымсыз. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Препаратты қолдану туралы сұрақтар туындаған жағдайда емдеуші дәрігерге қаралыңыз.

• әсер етуші затқа аса жоғары сезімталдық • галактоземия • ішектің бітелуі, асқазан-ішек жолының тесілуі немесе тесілу қаупі - тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар адамдарға

Алғашқы қолдану күндері метеоризм туындауы мүмкін. Әдетте, ол бірнеше күннен кейін өтеді. Нұсқаулықта ұсынылғаннан аса жоғары дозаларды қабылдау кезінде, іштің ауыруы және диарея дамуы мүмкін. Мұндай жағдайларда дозаны төмендету қажет. Ұзақ уақыт бойы жоғары дозаларды қолданған жағдайда бауыр энцефалопатиясын емдегенде пациенттерде диарея салдарынан электролиттік теңгерімнің бұзылуы дамуы мүмкін. Өте жиі - диарея Жиі - метеоризм, іштің ауыруы, жүрек айнуы, құсу Жиі емес - диарея салдарынан электролиттік теңгерімнің бұзылуы Жиілігі белгісіз - аса жоғары сезімталдық - бөртпе, терінің қышынуы, есекжем, эритема Препаратты балаларға қолданғанда ересектермен салыстырғанда қауіпсіздіктің ұқсас бейіні күтіледі. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: өте жоғары дозада ішкенде диарея, электролиттер теңгерімнің бұзылуы және іштің ауыруы орын алуы мүмкін. Емі: препаратты қабылдау тоқтату немесе дозаны азайту, диарея немесе құсу салдарынан сұйықтықтың көп мөлшерде жоғалуы жағдайында электролит теңгерімсіздігін түзету, симптоматикалық ем. Спецификалық антидоты белгісіз.

Осы бөлімде көрсетілген жағдайлар болса, препаратты қолданар алдында дәрігерге жүгіну керек. - емдеу басталғанға дейін іштің анық емес ауыру симптомдарында - бірнеше күндік емдеуден кейінгі жеткіліксіз емдік әсерде. Әдетте іш қату кезінде пайдаланылатын доза қант диабетіне шалдыцққан науқастар үшін мәселе болмауы тиіс. Бауыр прекомасын және комасын емдеу үшін қолданылатын доза әдетте, едәуір жоғары, мұны қант диабеті бар пациенттерге ескерген жөн. Түзетілмеген дозаны ұзақ уақыт бойы қабылдау және препаратты дұрыс қолданбау диареяға және электролиттік теңгерімнің бұзылуына әкеп соғады. Медулак-WM препаратының құрамында лактоза, галактоза және фруктозаның аздаған мөлшері бар. Осылайша, галактоза немесе фруктоза жақпаушылығы, лактаза тапшылығы синдромы немесе глюкоза-галактоза мальабсорбциясы синдромы сияқты сирек тұқым қуалайтын аурулардан зардап шегетін пациенттерге Медулак-WM препаратын ққабылдауға болмайды. Медулак-WM препаратының құрамында өндіріс үдерісінде түзілетін сульфит іздері болуы мүмкін. Сирек жағдайларда сульфиттер аса жоғары сезімталдықтың ауыр реакцияларын, соның ішінде бронх түйілуін туындатуы мүмкін. Гастрокардиальді синдромы (Ремхельд синдромы) бар пациенттерге лактулозаны дәрігермен кеңескеннен кейін ғана қолдану керек. Егер лактулозаны қабылдағаннан кейін бұл пациенттерде метеоризм немесе іштің кебуі сияқты симптомдар пайда болса, дозаны азайту немесе препаратты қабылдауды тоқтату керек. Арнайы ескертулер Педиатрияда қолдану Балаларды емдеу кезінде іш жүргізетін дәрілер айрықша жағдайларда және дәрігердің бақылауымен қолданылуы керек. Емдеу кезінде іштің босау рефлексінің бұзылуы орын алуы мүмкіндігін ескерген жөн. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Медулак-WM препараты көлікті және қауіптілігі зор механизмдерді басқару қабілетіне ықпал етпейді немесе аздап ықпал етеді.

Жүктілік кезінде Медулак-WM препаратын қолданғанда шаранаға әсері болжанбайды, себебі лактулозаның жүйелі әсері шамалы. Медулак-WM препаратын жүктілік кезінде қолдануға болады. Медулак-WM препаратын бала емізу кезінде қабылдағанда балаға әсері болжанбайды, себебі лактулозаның жүйелі әсері шамалы. Медулак-WM препаратын емшек емізетін әйелдерде қолдануға болады.

Дәрілік өзара әрекеттесуді зерттеу бойынша арнайы зерттеулер жүргізілген жоқ. Лактулоза дәрілік препараттарды (мысалы, тиазидтер, кортикостероидтар және амфотерицин В) бір мезгілде қабылдаудан туындаған калийдің жоғалуын арттыруы мүмкін. Жүрек гликозидтерімен бір мезгілде қолданған кезде калий тапшылығына байланысты гликозидтерге сезімталдық жоғарылауы мүмкін.

Сақтау мерзімі 4 жыл Құтыны ашқаннан кейін препаратты 28 күн ішінде пайдалану керек. Жарамдылық мерзімі өткеннен кейін қолдануға болмайды. Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек! Мұздатып қатыруға болмайды.