Мезим® форте 10000 таблетки

Ішекте еритін қабықпен қапталған бір таблетканың құрамында белсенді зат: 80,000 мг-111,111 мг панкреатин: липазаның ең төмен белсенділігімен 10 000 ӘБ ЕФ амилазаның ең төмен белсенділігімен 7 500 ӘБ ЕФ протеазаның ең төмен белсенділігімен 375 ӘБ ЕФ қосымша заттар: таблетка ядросы: лактоза моногидраты, микрокристалды целлюлоза, А типті кроспидон, магний стеараты, сусыз коллоидты кремнийдің қостотығы; қабықтың құрамы: метакрил қышқылы мен этакрилат сополимері (1:1) дисперсия 30 % (Эудрагит), симетикон эмульсиясы 30 % (құрғақ масса), гипромеллоза, триэтилцитрат, тальк, макрогол 6000, натрий кармеллозасы, полисорбат 80, натрий гидроксиді, титанның қостотығы (Е 171), азорубин лагы (Е 122) Сыртқы түрінің иісінің, дәмінің сипаттамасы Биіктігі 4.0 мм ± 0.2 мм жуық, жиегі кертілген және жазық параллелді дерлік бетімен, қызғылт түсті үлбірлі қабықпен қапталған таблеткалар.

- ас қорыту бұзылулармен бірге жүретін ұйқы безінің экзокриндік жеткіліксіздігі кезінде емдеу үшін.

Мезим форте 10000 препараттың құрамында шошқаның ұйқы бездерінен (панкреатин) алынған стандартталған ұнтақ бар. Липаза, альфа-амилаза, трипсин және химотрипсиннің экскреторлық ферменттерінен басқа, ұйқы безі ұнтағында басқа ферменттер, сондай-ақ ферментативті белсенділігі жоқ басқа да ілеспе заттар бар. Асқорыту қабілеті ферменттердің белсенділігімен, сондай-ақ препараттың галендік формасымен анықталады. Липазаның ферментативті белсенділігі, сонымен қатар трипсиннің мөлшері шешуші фактор болып табылады, ал амилолоздық белсенділік муковисцидозда емдеу кезінде ғана маңызды, өйткені созылмалы панкреатитте де полисахаридтердің ыдырауы өзгеріссіз қалады. Ұйқы безінің липазасы май қышқылдарын триацилглицерид молекулаларынан 1 және 3 позицияларда ажыратады. Бұл жағдайда түзілетін бос май қышқылдары мен 2-моноглицеридтер тез сіңеді – негізінен аш ішектің жоғарғы бөлігінде – өт қышқылдарының қатысуымен. Жануарлардың ұйқы безінің липазасы адам липазасы сияқты қышқылдардың әсеріне тұрақсыз, яғни оның липолоздық әсері рН 4-тен төмен болған кезде қайтымсыз белсенді болмайды. Сондықтан Мезим форте 10000 препараты ішекте еритін дәрілік түрінде шығарылады. Трипсин трипсиногеннен оны автокаталиттік реакцияда немесе аш ішек энтерокиназасының әсерінен белсендірілгенде құрылады, содан кейін ол басқа протеолиттік ферменттердің белендіруін тудырады. Эндопептидаза ретінде трипсин лизин мен аргинин қатысатын пептидтік байланыстарды ыдыратады, осылайша басқа ферменттермен бірге аминқышқылдары мен шағын пептидтерге протеолизді қамтамасыз етеді. Жақында жүргізілген зерттеулерге сүйене отырып, трипсин – кері байланыс қағидаты бойынша тежеу шеңберінде – аш ішектің жоғарғы бөліктерінде белсендіру процесінен кейін өзі стимуляциялайтын ұйқы безінің секрециясын бәсеңдетеді деп саналады. Кейбір зерттеулерде сипатталған панкреатин препараттарының ауырсынуды басатын әсері осы әсермен шартталған. Альфа-амилаза эндоамилаза бола отырып, құрамында глюкоза бар полисахаридтерді өте тез ыдыратады, сондықтан оның белсенділігі ұйқы безінің секреторлық функциясының аурумен байланысты айтарлықтай төмендеуімен де жеткілікті.

Дозалау режимі Бір ас қабылдауға ұсынылатын доза: 2-4 таблетка (липазаның 20000-40000 ӘБ ЕФ сәйкес келеді). Мезим® форте 10000 препаратының дозасы ұйқы безі функциясының жеткіліксіздігінің ауырлығына сәйкес анықталады. Липазаның ұсынылған дозасы жалпы жағдайда бір ас қабылдауға 20 000 - 40 000 ӘБ ЕФ деңгейіне сәйкес келеді, бірақ одан да жоғары болуы мүмкін. Мезим® форте 10000 препаратымен емдеу мақсаты дененің қалыпты салмағына қол жеткізу немесе демеу және дефекация жиілігін немесе нәжістің консистенциясын қалпына келтіру болып табылады. Дозаны жоғарылату тек дәрігердің бақылауымен жүзеге асырылуы және симптомдардың қарқындылығын төмендетуге бағытталуы керек (мысалы, стеаторея, асқазандағы ауырсыну). Дене салмағының килограмына липазаның 15000-20000 ӘБ ЕФ құрайтын ферменттердің тәуліктік дозасын асырмау керек. Атап айтқанда, муковисцидозы бар пациенттерде тағамның мөлшері мен құрамын ескере отырып, майларды жеткілікті сіңіру үшін қажетті ферменттердің дозасынан аспауы керек. Енгізу әдісі мен жолы Мезим® форте 10000 ішекте еритін қабығымен қапталған таблеткаларды шайнамай және жеткілікті сұйықтықтың жеткілікті мөлшерімен ішіп тұтастай қабылдау керек. Қабылдау кезінде Мезим® форте 10000 препаратын тұтастай жұтуға мән беру маңызды, өйткені Мезим® форте 10000 препаратының тиімділігі шайнау кезінде төмендеуі мүмкін, ал препараттың құрамындағы ферменттер ауыз қуысында босап шыққан кезде оның шырышты қабығын зақымдауы мүмкін. Қолдану ұзақтығы Қолдану ұзақтығы шектелмейді. Бұл аурудың ағымына сәйкес келеді және оны дәрігер анықтауы керек.

- белсенді затқа, шошқа етіне (шошқа етіне аллергия), азорубин лагына (Е122) немесе қосымша заттардың кез келгеніне жоғары сезімталдық - жедел панкреатит және созылмалы панкреатиттің өршу фазасындағы жедел ұстамалар. Алайда, өршудің басылып келе жатқан фазасындағы кеңейтілген диетада - егер ас қорыту бұзылыстарының қалдықтық немесе сақталып қалған белгілері болса - препаратты мезгіл-мезгіл қабылдаған жөн. - 18 жасқа дейінгі балалар мен жасөспірімдер - сирек тұқым қуалайтын галактоза жақпаушылығы, Lapp-лактаза тапшылығы немесе глюкоза мен галактозаның мальабсорбция синдромы бар пациенттер.

Өте сирек • дереу типтегі аллергиялық реакциялар (мысалы, тері бөртпесі, есекжем, түшкіру, жас ағу және бронх түйілуі, диспноэ), асқазан-ішек жолындағы аса жоғары сезімталдық реакциялары • диарея, абдоминальді жайсыздық, іштің ауыруы, жүрек айнуы, құсу • ұйқы безінен ұнтақты жоғары дозада қабылдаған муковисцидозы бар пациенттерде ішектің илеоцекальді бөлігінде және өрлемелі тоқ ішекте тарылуының пайда болуы сипатталған. Белгісіз - Азорубин (E 122) аллергиялық реакцияларды тудыруы мүмкін. - Муковисцидозы бар пациенттерде, әсіресе ұйқы безінен ұнтақты жоғары дозада қабылдаған кезде, несеп қышқылының несеппен шығарылуының жоғарылауы мүмкін. Осылайша, бұл пациенттерде несеп қышқылы тастарының түзілуін болдырмау үшін несептегі несеп қышқылының шығарылуын бақылау керек. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Өте жоғары дозаларды қабылдаған кезде, әсіресе муковисцидозы бар пациенттерде қан сарысуындағы және несептегі несеп қышқылының концентрациясының жоғарылауы мүмкін екендігі туралы хабарламалар бар. Дәрілік препаратты қолдану бойынша сұрақтар туындаған жағдайда кеңес алу үшін емдеуші дәрігерге жүгіну қажет.

Ішек өтімсіздігі муковисцидозы бар пациенттерде белгілі асқыну болып табылады. Сондықтан, ішек өтімсіздігіне ұқсас симптомдар болған кезде, ішек тарылуның пайда болу ықтималдығын да ескеру керек (сондай-ақ Жағымсыз реакциялардың сипаттамасын қараңыз). Іштің әдеттен тыс ыңғайсыздығы немесе симптомдардың сипаты өзгерген жағдайда, ішек патологиясын болдырмау үшін сақтық шарасы ретінде қарап тексеру жүргізу қажет. Әсіресе дене салмағының килограмына тәулігіне препаратты липазаның 10 000 ӘБ ЕФ асатын дозада қабылдайтын пациенттерге қатысты. Мезим® форте 10000 құрамында ауыз қуысында босап шыққан кезде, мысалы, шайнағанда ауыздың шырышты қабатының зақымдануына (ойық жаралануына) әкелетін белсенді ферменттер бар. Сондықтан, қабылдау кезінде Мезим® форте 10000 препаратының тұтастай жұтылуына назар аудару керек. Арнайы ескертулер Қосымша заттар Дәрілік препараттың құрамында бір таблеткаға 1 ммоль натрийден (23 мг) аз, яғни мәні бойынша «натрийсіз». Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Мезим® форте 10000 препараты көлік құралдарын басқару және механизмдерге қызмет көрсету қабілетіне әсер етпейді немесе аздап әсер етеді.

Жүкті әйелдерде Мезим® форте 10000 препаратын қолдану туралы жеткілікті деректер жоқ. Жүктілікке, эмбрионның/ұрықтың дамуына, босануға немесе босанғаннан кейінгі дамуға қатысты жануарларға жүргізілген эксперименттерде алынған деректер жеткіліксіз мөлшерде болады. Сондықтан адам үшін ықтимал қауіп белгісіз болып қалады. Сондықтан, егер Мезим® форте 10000 препаратын қабылдауда абсолютті қажеттілік болмаса, оны жүктілік және лактация кезінде қабылдауға болмайды.

Фолий қышқылы Құрамында ұйқы безінен алынған ұнтақ бар дайын дәрілік заттарды қабылдағанда, фолий қышқылының сіңірілуі төмендеуі мүмкін, сондықтан фолий қышқылын қосымша қабылдау қажет болуы мүмкін. Акарбоза, меглитол Мезим® форте 10000 препаратымен бірге қабылдағанда ішке қабылдауға арналған диабетке қарсы дәрілер - акарбоза мен миглитолдың әсері төмендеуі мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 30°C-ден аспайтын температурада сақтау керек. Балалардың қолы жетпейтін жерде сақтау керек!