Меколь мазь

Бір сықпаның ішінде: белсенді заттар: хлорамфеникол (левомицетин) – 0,30 г, метилурацил –1,60 г; қосымша заттар: макрогол 1500, макрогол 400. Сыртқы түрінің, иісінің, дәмінің сипаттамасы Ақ немесе сарғыш реңді ақ түсті жақпамай.

- іріңді жаралар (оның ішінде аралас микрофлоралы инфекция жұқтырған) алғашқы (іріңді-некроздық) жарақат үдерісі фазасында.

Жергілікті қолдануға арналған біріктірілген препарат микробтарға қарсы, қабынуға қарсы (дегидратациялық) әсер көрсетеді. Бактериостатикалық әсер етеді, грамоң және грамтеріс микроорганизмдерге (стафилококк, стрептококк, көк ірің және ішек таяқшаларына қатысты) қатысты белсенді. Жасушалық регенерация үдерісін жеделдетеді, жараның тыртықтануына ықпал етеді. Препарат биологиялық жарғақшаларды зақымдамай тіндерге жеңіл өтеді, алайда препаратты теріге, жараларға және шырышты қабаттарға қолданғаннан кейін жүйелі сіңуінің дәрежесі белгісіз.

Дозалау режимі Дәрілік препарат ересектерге және 3 жастан асқан балаларға сыртқа қолдануға арналған. Енгізу әдісі мен жолы Жақпамайды жараға таңылатын стерильді дәке сүрткілерге сіңіру керек. Жақпамайды катетер арқылы (дренаж түтігі) шприцтің көмегімен іріңді қуыстарға енгізуге болады. Бұндай жағдайларда жақпамайды алдын - ала 35-36 °С дейін жылытады. Таңғышты жарақатты іріңді-некрозды массалардан толық тазарғанға дейін және олардың грануляциясы басталғанға дейін күнделікті таңады. Жарақат беткейінің үлкен көлемінде жақпамайдың тәуліктік дозасы хлорамфениколға (левомицетин) шаққанда 3 г аспауы керек. Жақпамайды зақымданудың алғашқы тәулігінен бастап 4 күн бойы қолданады. Емдеу ұзақтығы Мекольді ұзақ уақыт қолдану ұсынылмайды, себебі зақымданбаған жасушаларда осмостық шок болуы мүмкін. Емнің 5-7 тәулігінде жақпамайды зақымданған тіннің бүтіндігін қалпына келтіретін препараттарға алмастыру керек. Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну жөніндегі ұсынымдар Егер Сізде осы препаратты қолдану туралы қосымша сұрақтар туындаса, дәрігерден кеңес алуға жүгіну керек.

- әсер етуші заттарға немесе қосымша заттардың кез келгеніне аса жоғары сезімталдық; - псориаз, экзема, тері микозы; - терінің қатерлі жаңа түзілімдері және терінің метастаздық трофикалық зақымдануы; - миелосупрессияны және аплазиялық анемияны қоса, анамнездегі қан жүйесінің патологиясы; - жүктілік және бала емізу; - 3 жасқа дейінгі балалар.

Белгісіз (қолда бар деректер негізінде бағалау мүмкін емес) - аллергиялық реакциялар (тері бөртпесі) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ұзақ уақыт (5-7 тәуліктен ұзақ) сыртқа қолдану осы препаратты ары қарай сыртқа немесе жүйелі қолдануға арналған дәрілік түрі ретінде қолданғанда жоғары сезімталдық реакциясының дамуымен қатар жүретін жанаспалы сенсибилизацияға әкелуі мүмкін. Симптоматикалық ем.

Арнайы ескертулер Сыртқа қолдануға арналған бактерияға қарсы дәрілерді қолдану осы препаратты ары қарай сыртқа немесе жүйелі әсер ететін дәрілік түрі ретінде қолданғанда жоғары сезімталдық реакциясының дамуымен қатар жүретін тері сенсибилизациясына әкелуі мүмкін. Ірің немесе некроздық масса болғанда, препараттың бактерияға қарсы әсері сақталады. Жақпамайды көздің шырышты қабығына тигізбеу керек. 5 күннен артық емдеген жағдайда пациенттің жалпы жағдайын және жергілікті статусын қайта бағалау керек. Жергілікті қолданғаннан кейін аплазиялық анемияны қоса, сүйек кемігінің гипоплазиясы туындауы мүмкін. Препаратты ұзақ уақыт қолданғанда шеткері қанның көрінісі жағдайын бақылау керек.

Қолдануға болмайды Көлік құралдарын және қауіптілігі зор механизмдерді басқару қабілетіне әсері Әсер етпейді.

Қан түзілуін бәсеңдететін препараттармен (сульфаниламидтермен, цитостатиктермен, пиразолин туындыларымен) бір мезгілде қолданбау керек. Дәрілік препарат барбитураттармен, алкогольмен үйлесімсіз.

Сақтау мерзімі 3,5 жыл. Жарамдылық мерзімі өткеннен кейін қолдануға болмайды. Сақтау шарттары 20 °С-ден аспайтын температурада сақтау керек. Балалардың қолы жетпейтін жерде сақтау керек!