Мексидол® ФОРТЕ 250 таблетки 250 мг

Бір таблетканың құрамында белсенді зат - этилметилгидроксипиридин сукцинаты - 250,00 мг қосымша заттар: лактоза моногидраты, повидон К-30, магний стеараты; үлбірлі қабық: гипромеллоза, титанның қостотығы Е171, лактоза моногидраты, макрогол 4000, триацетин, темірдің қызыл тотығы Е172 бояғышы, темірдің сары тотығы Е172 бояғышы Сыртқы түрінің, иісінің, дәмінің сипаттамасы Дөңгелек екі жағы дөңес, ашық қызғылт түсті үлбірлі қабықпен қапталған таблеткалар. Көлденең қимадағы ядросы ақ дерлік түсті.

Мексидол ФОРТЕ 250 препаратын 18 жастан асқан ересектерде қолданады. • ми қан айналымының жедел бұзылуының салдары, оның ішінде өтпелі ишемиялық шабуылдардан кейін, субкомпенсациялық фазада профилактикалық курс ретінде • бассүйек-мидың жеңіл жарақатында, бассүйек-ми жарақатының салдарында • шығу тегі әр түрлі (дисциркуляторлы, дисметаболизмдік, жарақаттан кейінгі, аралас болатын) энцефалопатияда • созылмалы ми ишемиясында • вегетативтік дистония синдромында • жеңіл (орташа) когнитивті бұзылыстарда • невроздық және невроз тәрізді жағдайдағы үрейлі бұзылыстарда • ишемиялық жүрек ауруында кешенді ем құрамында • невроз тәрізді және вегетативті-қантамырлық бұзылыстар, абстиненциядан кейінгі бұзылыстар басым болатын алкоголизм кезінде абстиненция синдромын басуда • психозға қарсы дәрілермен жедел уланудан кейінгі жағдайларда • астениялық жағдайларда, сондай-ақ экстремальді факторлар мен жүктемелердің әсерінен соматикалық аурулар дамуының профилактикасы үшін • экстремальді (стресстік) факторлар әсер етуінде

Әсер ету механизмі Мексидол ФОРТЕ 250 препаратының әсер ету механизмі оның антиоксидантты, антигипоксантты және жарғақшапротекторлық әсеріне байланысты. Ол липидтердің асқын тотығуын тежеп, супероксиддисмутазаның белсенділігін арттырады, липид-ақуыз арақатынасын жақсартады, жарғақша тұтқырлығын төмендетеді және оның аққыштығын арттырады. Мексидол ФОРТЕ 250 жарғақшаларды байланыстыратын ферменттердің (кальцийге тәуелді емес фосфодиэстеразаның, аденилатциклазаның, ацетилхолинэстеразаның), рецепторлық кешендердің (бензодиазепин, гамма-аминобутир қышқылы (ГАМҚ), ацетилхолиндік) белсенділігін модуляциялайды, бұл олардың лигандалармен байланысу қабілетін күшейтіп, биожарғақшалардың құрылымдық-функциялық құрылуының сақталуына, нейромедиаторлардың тасымалдануына және синапстық берілістердің жақсаруына көмектеседі. Аэробтық гликолиздің компенсаторлы белсенділігін арттырып және Кребс цикліндегі тотығу үрдістерін бәсеңдету дәрежесін азайтып, гипоксия орын алғанда аденозинтрифосфатты (АТФ) және креатинфосфаттың мөлшерін көбейтеді, митохондрийлердің энергия синтезделу функциясын белсендендіріп, жасуша жарғақшаларын тұрақтандырады. Мексидол ФОРТЕ 250 мидағы дофамин мөлшерін жоғарылатады. Фармакодинамикалық әсері Мексидол ФОРТЕ 250 - еркін радикалды процестердің тежегіші, антигипоксиялық, стресс-протекторлық, ноотропты, эпилепсияға қарсы және анксиолитикалық әсері бар мембранопротектор болып табылады. Препарат патологиялық жағдайларда (гипоксия және ишемия, ми қан айналымы бұзылулары, этанолмен және психозға қарсы дәрілермен улану) әртүрлі зақымдайтын факторлардың әсеріне организмнің төзімділігін арттырады. Стрессорға қарсы әрекет стресстен кейінгі мінез-құлықты қалыпқа келтіруде, соматовегетативті бұзылуларда, ұйқы-сергектік циклдерін қалпына келтіруде, оқып-үйрену мен есте сақтау процестерінің бұзылуында, мидың әртүрлі құрылымдарындағы дистрофиялық және морфологиялық өзгерістердің төмендеуінде көрінеді. Ол гиполипидемиялық әсерге ие, жалпы холестеринді және төмен тығыздықтағы липопротеидтерді азайтады. Мексидол ФОРТЕ 250 ишемияланған миокардтың функциялық жағдайын жақсартады. Ишемияланған миокардтың морфологиялық құрылымдары мен физиологиялық функцияларының тұтастығын қамтамасыз етеді. Коронарлық жеткіліксіздік жағдайында ишемияланған миокардтың коллатеральды қанмен қамтамасыз етілуін арттырады, кардиомиоциттердің тұтастығын сақтауға және олардың функционалдық белсенділігін сақтауға көмектеседі. Қайтымды жүрек дисфункциясы кезінде миокардтың жиырылғыштығын қалпына тиімді түрде келтіреді. Қан жасушаларының (эритроциттер мен тромбоциттер) жарғақшалық құрылымдарын тұрақтандырады, гемолиздің даму ықтималдығын төмендетеді. Клиникалық тиімділігі мен қауіпсіздігі Созылмалы ми ишемиясы бар пациенттерде Мексидол және Мексидол ФОРТЕ 250 препараттарымен III фазалы (МЕМО) бірізді емнің тиімділігі мен қауіпсіздігін бағалауға арналған халықаралық көп орталықты рандомизацияланған жасырын салыстырмалы плацебо бақыланатын зерттеу 40–тан 90 жасқа дейінгі жастағы 318 пациенттің қатысуымен жүргізілді. Пациенттер зерттелетін топта 10 мл –ден (500 мг) Мексидол препаратымен емді тәулігіне 1 рет в/і тамшылатып немесе вена ішіне баяу сорғалатып 14 күн бойы қабылдады, содан кейін келесі 60 күн ішінде тәулігіне 3 рет 1 таблеткадан 250 Мексидол ФОРТЕ препаратын қабылдады. Бақылау тобындағы пациенттер ұқсас сызба бойынша плацебо алды. Зерттеу нәтижелері бойынша ем аяқталған кезде пациенттерде зерттелетін және бақылау топтарында динамиканы салыстыру кезінде Монреаль когнитивті функцияны бағалау шкаласы (MоCA) бойынша баллдардың статистикалық елеулі өзгерістерін анықтады (p < 0,000001, тәуелсіз үлгілерге арналған t-критерий). Мексидол/Мексидол ФОРТЕ 250 және плацебо препараттары топтарындағы орташа негізгі тиімділік көрсеткіштерінің айырмашылығы үшін 95% сенімділік аралығының төменгі шегі 1,51 құрады. Бұл шекара Мексидол және Мексидол ФОРТЕ 250 препараттарының плацебодан тиімділігінің жоғарылығын белгілеуге мүмкіндік беретін оң мән болып табылады. Мексидол және Мексидол ФОРТЕ 250 препараттарының тиімділігінің салдарлы соңғы нүктелерін бағалау нәтижелері бойынша ем барысында плацебомен салыстырғанда келесі көрсеткіштер бойынша статистикалық елеулі айырмашылықтар алынды: цифрлық символдарды ауыстыру тесті бойынша когнитивтік бұзылулардың айқындылық динамикасы; MFI-20 астения шкаласы бойынша астениялық бұзылулардың айқындылық динамикасы; вегетативтік өзгерістердің Вейн сауалнамасы бойынша динамикасы; Бек шкаласы бойынша мазасыздық деңгейінің динамикасы; Тинетти шкаласы бойынша қозғалыс өзгерістерінің динамикасы; жалпы клиникалық әсер шкаласы бойынша жалпы клиникалық әсер динамикасы (The Clinical Global Impressions Scale); SF-36 сауалнамасы бойынша пациенттердің өмір сапасының динамикасы (денсаулықтың психологиялық компоненті). Жағымсыз құбылыстардың пайда болу жиілігін статистикалық талдау нәтижелері, зертханалық талдау, денесін ұстап, тыңдап тексеру көрсеткіштері негізгі қауіпсіздік көрсеткіштері бойынша салыстырылатын топтар арасында айтарлықтай айырмашылықтардың жоқтығын көрсетеді, бұл зерттелетін Мексидол қауіпсіздік бейіндерінің плацебомен салыстырмалы сипатын растайды. Балалар Қатысты емес

Дозалау режимі Ең жоғары тәуліктік доза - 750 мг (3 таблетка). Енгізу әдісі және жолы Ішке, сындырмай сумен ішіп қабылдау керек. Қабылдау уақыты көрсетілген қолдану жиілігі Бастапқы доза - 250 мг (1 таблетка) тәулігіне 1-2 рет, емдік әсерге жеткенге дейін біртіндеп жоғарылату керек. Емдеудің ұзақтығы Емдеу ұзақтығы – 2 - 8 апта; алкогольдік абстиненцияны басу үшін – 5 - 7 күн Жүректің ишемиялық ауруы бар пациенттерде емдеу курсының ұзақтығы кемінде 6 – 8 апта. Созылмалы ми ишемиясын Мексидол ФОРТЕ 250 препаратымен емдеу курсын Мексидол® препаратымен парентералды терапия курсы аяқталғаннан кейін жүргізу ұсынылады. Қайталау курстарын (дәрігердің ұсынымы бойынша) мүмкіндігінше көктем-күз мезгілінде жүргізген дұрыс.

- этилметилгидроксипиридин сукцинатына немесе қосымша заттардың кез келгеніне аса жоғары сезімталдық - бауыр және/немесе бүйрек функциясының жедел бұзылулары - 18 жасқа дейінгі балалар (препараттың әсері туралы жеткіліксіз білімге байланысты) - жүктілік, бала емізу (препараттың әсерінің зерделенуі жеткіліксіздігіне байланысты) - лактоза жақпаушылығы, лактаза тапшылығы, глюкоза-галактоза мальабсорбциясы

Өте сирек – ангионевроздық ісіну, есекжем – ұйқышылдық – бас ауыруы – ауыздың құрғауы; жүрек айнуы; эпигастрий аймағындағы ауыру, ашыту және жайсыздық; қыжыл; метеоризм; диарея – бөртпе, қышыну, гиперемия Күтілетін дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ұйқышылдық, ұйқысыздық Емі: уыттылығы төмен болуына байланысты артық дозалану ықтималдығы аз. Әдетте емдеу талап етілмейді, симптомдары тәулік ішінде өздігінен жойылады. Айқын білінулерінде демеуші және симптоматикалық ем жүргізіледі.

Сирек кездесетін тұқым қуалайтын галактозаға төзбеушілік, лактаза тапшылығы немесе глюкоза-галактоза мальабсорбциясы бар пациенттерге бұл препаратты қабылдауға болмайды. Арнайы сақтандырулар Балалар Туғаннан бастап 18 жасқа дейінгі балаларда Мексидол® ФОРТЕ 250 препаратының қауіпсіздігі мен тиімділігі анықталмаған. Егде жастағы пациенттер Егде жастағы пациенттер үшін дозаны түзету қажет емес. Бауыр жеткіліксіздігі бар пациенттер Бауырдың жедел жеткіліксіздігі бар пациенттерге Мексидол® ФОРТЕ 250 препаратын қолдануға болмайды. Бүйрек жеткіліксіздігі бар пациенттер Бүйректің жедел жеткіліксіздігі бар пациенттерге Мексидол® ФОРТЕ 250 препаратын қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қабылдау кезеңінде психофизикалық реакциялардың (көлік құралдарын, механизмдерді басқару және т.с.с.) жылдамдығын талап ететін, жұмыс кезінде сақ болу керек.

Мексидол® ФОРТЕ 250 препаратын жүктілік кезінде және бала емізу кезеңінде қолдануға болмайды.

Мексидол® ФОРТЕ 250 соматикалық ауруларды емдеу үшін пайдаланылатын барлық препараттармен үйлеседі. Бензодиазепиндік препараттардың, антидепрессанттардың, анксиолитиктердің, эпилепсияға қарсы дәрілердің (карбамазепиннің) және паркинсон ауруына қарсы дәрілердің (леводопа), нитраттардың әсерін күшейтеді. Этанолдың уытты әсерін азайтады.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!