Мельдокс капсулы 500 мг

Бір капсуланың құрамында белсенді зат – 500 мг мельдоний дигидраты, қосымша заттар: картоп крахмалы, коллоидты кремнийдің қостотығы, кальций стеараты капсула (корпусы және қақпағы): титанның қостотығы (Е 171), желатин Сыртқы түрінің, иісінің, дәмінің сипаттамасы Ақ түсті қатты желатинді капсулалар № 00. Капсулалардың ішіндегісі – әлсіз иісі бар ақ түсті түйіршіктер мен ұнтақтан құралған қоспа. Агломераттардың болуына жол беріледі.

Келесі жағдайларда кешенді емдеуде: • жүрек және қантамырлар жүйесінің ауруларында: тұрақты жүктеме стенокардиясында, жүректің созылмалы жеткіліксіздігінде (NYHA IIII функционалдық класы), кардиомиопатияда, жүрек қызметі мен қантамырлар жүйесінің функционалдық бұзылуларында; • ми қанайналымының жедел және созылмалы ишемиялық бұзылуларында; • еңбекке қабілеттіліктің төмендеуінде, физикалық және психоэмоционалдық ширығуда; • цереброваскулярлық бұзылулардан, бас жарақаттары мен энцефалиттен кейінгі сауығу кезеңінде.

Нұсқаулықта көрсетілмеген.

Дозалану режимі Ішке қолданады. Капсуланы сумен ішіп жұтады. Дәріні тамаққа дейін немесе кейін қолдануға болады. Стимуляциялайтын әсері болуы мүмкіндігіне байланысты, дәріні күннің бірінші жартысында (дұрысы таңертеңгілік) қолдану ұсынылады. Ересектер Жүрек және қантамырлар жүйесінің аурулары, ми қанайналымының бұзылулары Дозасы күніне 500–1000 мг құрайды. Тәуліктік дозасын бірден түгел қолдануға немесе бір реттік екі дозаға бөлуге болады. Ең жоғары тәуліктік дозасы 1000 мг құрайды. Еңбекке қабілеттіліктің төмендеуі, ширығу және сауығу кезеңі Дозасы күніне 500 мг құрайды. Ең жоғары тәуліктік дозасы 500 мг құрайды. Емдеу курсының ұзақтығы 4-6 аптаны құрайды. Емдеу курсын жылына 2-3 рет қайталауға болады. Еңбекке қабілеттілік төмендегенде, физикалық және психоэмоционалдық ширығулар кезінде емдеу ұзақтығы 10-14 күнді құрайды. Егде жастағы пациенттер Егде жастағы, бауыр және/немесе бүйрек қызметінің бұзылулары бар пациенттерге мельдонийдің дозасын азайту қажет болуы мүмкін. Бүйрек қызметі бұзылған пациенттер Дәрі организмнен бүйрек арқылы шығарылатындықтан, бүйрек қызметінің ауырлығы жеңілден орташа дәрежеге дейінгі бұзылулары бар пациенттерге мельдонийдің азғантай дозасын қолдану керек. Бауыр қызметі бұзылған пациенттер Бауыр қызметінің ауырлығы жеңілден орташа дәрежеге дейінгі бұзылулары бар пациенттерге мельдонийдің азғантай дозасын қолдану керек. Педиатриялық қауым Мельдонийді балалар мен 18 жасқа дейінгі жасөспірімдерде қолданудың қауіпсіздігі мен тиімділігі туралы деректер жоқ, сондықтан бұл дәріні балалар мен жасөспірімдерге қолдануға болмайды. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Бүкіл қосымша парақты мұқият оқып шығыңыз. Егер Сізге дәрілік препаратты қолдану тәсілі түсініксіз болса, медицина қызметкерінің кеңесіне жүгінуді ұсынамыз.

- белсенді затқа немесе препараттың қандай да бір қосымша затына жоғары сезімталдық; -бассүйекішілік қысымның жоғарылауы (веналық ағынның бұзылуы, бассүйекшілік ісіктер кезінде); -бауыр және/немесе бүйректің ауыр жеткіліксіздігі, қолдану қауіпсіздігі туралы жеткілікті деректер болмауын ескере отырып; - жүктілік және лактация, бұл кезеңде препараттың клиникалық қолданылуы туралы деректер жоғын ескере отырып; -18 жасқа дейінгі балалар мен жасөспірірімдерге, бұл кезеңде препараттың клиникалық қолданылуы туралы деректер жоғын ескере отырып.

Жиі - аллергиялық реакциялар* - бас ауыруы* - диспепсия* Сирек -жоғары сезімталдық, аллергиялық дерматит, бөртпелер (тұтастай/макулалық/папулалық), қышыну, есекжем, ангионевроздық ісіну, анафилаксиялық реакция -қозу, қорқу сезімі, маза бермейтін ойлар, ұйқының бұзылулары -парестезия, гипестезия, құлақтағы шуыл, вертиго, бас айналуы, жүріс-тұрыстың бұзылуы, естен тану алдындағы жағдай, естен тану -жүрек ырғағының өзгеруі, жүрек қағуы, тахикардия/синустық тахикардия, жүрекшелердің фибрилляциясы, аритмия, кеудедегі жайсыздық сезімі/кеуденің ауыруы -қан қысымының жоғарылауы/төмендеуі, гипертензиялық криз, гиперемия, тері жабындарының бозаруы - тамақтың қабынуы, жөтел, диспноэ, апноэ -дисгевзия (ауыздың темір татуы)*, тәбеттің болмауы, лоқсу,жүрек айнуы, құсу, газ жинақталуы, диарея, іш ауыруы -арқаның ауыруы, бұлшықет әлсіздігі, бұлшықет түйілулері -поллакиурия -жалпы әлсіздік, дірілдеу, астения, ісіну, беттің ісінуі, аяқтың ісінуі, ысыну сезімі, мұздау сезімі, суық тер -электрокардиограммадағы (ЭКГ) ауытқулар, жүрек жұмысының жеделдеуі, эозинофилия* *Бұрын жүргізілген бақыланбайтын клиникалық зерттеулерде байқалған жағымсыз реакциялар. Мельдонийдің қолданылуымен байланысты іштің үстіңгі бөлігінің ауыруы және бас сақинасы туралы да хабарланған. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттарды және медициналық бұйымдарды сараптау ұлттық орталығы» РМК ШЖҚ http://www.ndda.kz

Мельдониймен артық дозалану жағдайлары белгісіз, препараттың уыттылығы аз. Қан қысымы төмендеген кезде бас ауыруы, бас айналуы, тахикардия, жалпы әлсіздік болуы мүмкін. Емі симптоматикалық. Ауыр артық дозалануы жағдайында бауыр мен бүйректің функциясын бақылап отыру қажет. Препарат ақуыздармен айқын байланысатындықтан, гемодиализдің елеулі маңызы жоқ.

Арнайы сақтандырулар Бауыр және/немесе бүйректің созылмалы аурулары бар пациенттерге препаратты ұзақ уақыт қолданғанда сақ болу керек (бауыр және/немесе бүйрек функциясына бақылау жүргізген жөн) Мельдоний жедел коронарлық синдромда бірінші қатардағы препаратқа жатпайды. Дәрілік заттың көлік құралын немесе қауіптілігі зор механизмдерді басқару кезіндегі әсер ету ерекшеліктері Көлік құралын немесе қауіптілігі зор механизмдерді басқару кезінде сақ болу керек.

Нұсқаулықта көрсетілмеген.

Коронарлық қан тамырларын кеңейтетін дәрілердің, кейбір гипотензивті препараттардың, жүрек гликозидтерінің әсерін күшейтеді. Антиангинальді дәрілермен, антикоагулянттармен, антиагреганттармен, аритмияға қарсы дәрілермен, диуретиктермен, бронхолитиктермен біріктіруге болады. Мельдоний құрамында глицерилтринитрат, нифедипин, бета-адреноблокаторлар, басқа да гипотензивті дәрілер мен шеткері вазодилататорлар бар препараттардың әсерін күшейтуі мүмкін. Симптомдарды азайту үшін бір мезгілде мельдоний және лизиноприл қабылдайтын созылмалы жүрек жеткіліксіздігі бар пациенттерде біріктірілген емнің (негізгі артериялар вазодилатациясы, шеткері қан айналымы мен өмір сапасының жақсаруы, психикалық және физикалық стрестің азаюы) позитивті әсері анықталған. Мельдонийді ишемия/реперфузия туындатқан зақымдануларды қайтару үшін орот қышқылымен біріктіріп қолданғанда қосымша фармакологиялық әсері байқалған. Sorbifer және мельдонийді бір мезгілде қолдану нәтижесінде темір тапшылығы туындатқан анемиясы бар пациенттерде қызыл қан жасушаларындағы май қышқылдарының құрамы жақсарған. Мельдоний азидотимидин (АЗТ) туындатқан жүрек патологиялық өзгерістерін қайтаруға көмектеседі және митохондрий дисфункциясына әкелетін АЗТ туындатқан тотығу стресс реакциясы арқылы әсер етеді. АЗТ мельдониймен біріктірілімде қолдану жұқтырылған иммун тапшылығы синдромын (ЖИТС) емдеуге арналған басқа да препараттармен біріктірілімде ЖИТС еміне оң әсер етеді. Этанол туындатқан тепе-теңдік рефлексін жоғалту тестісінде мельдоний ұйқының ұзақтығын кеміткен. Пентилентетразол туындатқан құрысулар кезінде мельдонийдің құрысуға қарсы айқын әсері анықталды. Өз кезегінде, мельдониймен ем алдында йохимбин α2-адреноблокаторын 2 мг/кг дозада және N-(G)-нитро-L-аргинин азот тотығы синтазасы (АТС) тежегішін 10 мг/кг дозада қолданғанда мельдонийдің құрысуға қарсы әсері толық бөгеледі. Мельдониймен артық дозалануы циклофосфамид туындатқан кардиоуыттылықты күшейтуі мүмкін. D-карнитин (фармакологиялық белсенді емес изомер)-мельдоний қолданғанда түзілетін карнитин тапшылығы ифосфамид туындатқан кардиоуыттылықты күшейтуі мүмкін. Мельдоний индинавир туындатқан кардиоуыттылық, эфавиренз туындатқан нейроуыттылық жағдайында қорғаныш әсерін береді. Орташа тахикардия және артериялық гипотензия даму мүмкіндігін ескере отырып, осындай әсерін иеленген дәрілік заттармен, оның ішінде құрамында мельдоний бар басқа да препараттармен біріктіргенде сақтық танытқан жөн.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 250С-ден аспайтын температурада сақтау керек. Балалардың қолы жетпейтін жерде сақтау керек!