Менопур порошок 75 МЕ ФСГ и 75 МЕ ЛГ

Бір құтының ішінде Менопур 600 ХБ белсенді зат –менотропин (адам менопаузалық гонадотропині) құрамында 600 ХБ ФСГ (фолликулостимуляциялаушы гормоны) және 600 ХБ ЛГ (лютеиндеуші гормоны)) Менопур 1200 ХБ белсенді зат - менотропин (адам менопаузалық гонадотропині) құрамында 1200 ХБ ФСГ (фолликулостимуляциялаушы гормоны) және 1200 ХБ ЛГ (лютеиндеуші гормоны) қосымша заттар: лактоза моногидраты, динатрий гидрофосфат гептагидраты, полисорбат 20, фосфор қышқылының 1М ерітіндісі, натрий гидрофосфат гептагидратының 0.5 М ерітіндісі. еріткіш: м-крезол, инъекцияға арналған су. Сыртқы түрінің иісінің, дәмінің сипаттамасы Ақ немесе ақ дерлік түсті кесек түріндегі лиофилизацияланған ұнтақ. Еріткіш: Мөлдір түссіз ерітінді.

Бедеулік кезінде фолликулдардың пісіп жетілуін стимуляциялау. Монофолликулярлы стимуляция - гипо- немесе нормогонадотроптық аменореяда, олигоменореяда - кломифенмен емдеуге сезімтал емес әйелдерде ановуляторлы оралымдарда және лютеин фазасы жеткіліксіз болғанда Мультифолликулярлы стимуляция - қосымша ұрпақ өрбіту технологияларын (ҚҰТ) жүргізген кезде фолликулдардың көптеп өсуін индукциялау мақсатында аналық бездердің бақыланатын суперовуляциясында

Әсер ету механизмі, фармакодинамикалық әсерлер Менопур препаратының белсенді заты -менопаузадан кейінгі кезеңдегі әйелдердің несебінен алынған жоғары дәрежелі аМГ болып табылады. Препарат құрамында ФСГ және ЛГ лютеиндеуші гормон бар. Әйелдерде аМГ гормоналды әсерінің нысана-ағзалары аналық бездер болып табылады. аМГ гаметогенезді және жыныстық гормондардың синтезін стимуляциялайды. ФСГ ерте фолликулогенез сатысында фолликулалардың өсуі мен дамуының негізгі факторы болып табылады. ЛГ аналық бездердің жыныстық гормондарын өндіруде маңызды рөл атқарады және толыққанды преовуляциялық фолликуланың дамуына әкелетін физиологиялық процестерге қатысады. ФСГ әсерінен фолликулярлық өсуді стимуляциялау, ЛГ толық болмаған жағдайда, қалыпты овуляциялық стимуляциялауға жауап ретінде эстрадиолдың төмен концентрациясымен және овуляцияланбайтын фолликуланы лютеиндеу қабілетсіздігімен байланысты фолликуланың патологиялық дамуымен аяқталады. Жыныстық гормондардың синтезін күшейтуден тұратын ЛГ әсерін ескере отырып, ЭКҰ/ИСКИ циклдарында Менопур препаратын қолдану рекомбинантты ФСГ препараттарын қолданғаннан гөрі қан плазмасындағы эстрадиолдың жоғары концентрациясымен байланысты. Осы аспект эстрадиол концентрациясының өзгеру динамикасы бойынша препаратты қолдануға жауапты бақылау кезінде ескерілуі керек. Ановуляциялық циклі бар пациенттердегі овуляцияны индукциялау үшін препараттың төмен дозаларын қолдану кезінде хаттамалардағы эстрадиол концентрациясында айырмашылықтар табылған жоқ. Еркектерде аМГ гормоналды әсерінің нысаналы ағзалары - аталық бездер болып табылады. Аталық безде ФСГ негізінен ирек түтікшелер жасушаларының бөлінуіне және сперматозоидтардың дамуына әсер ете отырып, Сертоли жасушаларының жетілуін тудырады. Бұл ретте алдыңғы аМГ терапиясымен қол жеткізілетін андрогендердің жоғары тестикулаішілік концентрациясы қажет.

Дозалау режимі Менопур препаратымен емдеу тек тиісті маманданған және бедеулікті емдеу тәжірибесі бар дәрігердің бақылауымен жүргізілуі керек. Аналық бездердің гонадотропиндерді енгізуге бірдей реакция бермейтіні анықталды. Осыған байланысты дозалаудың әмбебап схемасын жасау мүмкін емес. Доза аналық бездердің реакциясына қарай жеке таңдалуы керек. Менопур препараты монотерапия түрінде немесе агонистермен немесе гонадотропин-рилизинг-гормон (ГнРГ) антагонистермен біріктірілімде қолданылады. Ұсынылатын дозалар мен терапияның ұзақтығы қолданылатын емдеу режиміне байланысты болады. Ановуляция (соның ішінде АПКС) Менопур препаратымен емдеудің мақсаты-хориондық гонадотропин (аХГ) препараттарын енгізгеннен кейін ооцит бөлінетін бір жетілген фолликуланы дамыту болып табылады. Емдеу әдетте етеккір оралымының алғашқы 7 күнінде басталады. Менопур препаратының ұсынылатын бастапқы дозасы кем дегенде 7 күн бойы тәулігіне 75-150 ХБ құрайды. Емдеудің кейінгі сызбасы ультрадыбыстық зерттеу нәтижелері (УДЗ) немесе қан плазмасындағы эстрадиол концентрациясын анықтаумен УДЗ нәтижелерінің жиынтығы негізінде жүргізілетін терапияға аналық бездердің реакциясы бақыланғаннан кейін таңдалады. Аналық без реакциясы болмаған кезде доза аптасына 1 реттен жиі болмайтын 37,5 ХБ (бір енгізу) ұлғаяды, әрбір келесі арттыру 75 ХБ аспауы тиіс. Ең көп тәуліктік доза 225 ХБ аспауы керек. Егер терапевтік реакция 4 апта ішінде болмаса, емдеуді тоқтатып, жаңа циклды жоғары бастапқы дозалардан бастау керек. Менопур препаратының соңғы инъекциясынан кейінгі келесі күні аналық бездер тиісті реакцияға жеткенда овуляцияны индукциялау үшін аХГ-ның 5000-10000 ХБ бір рет енгізіледі. Пациентке аХГ енгізілген күні және келесі күні жыныстық қатынасқа түсу ұсынылады. Балама әдіс ретінде жатырішілік ұрықтандыруды жүргізуге болады. Пациент аХГ енгізілгеннен кейін кемінде 2 апта бойы тұрақты бақылауда болуы тиіс. Менопур препаратын енгізуге аналық бездердің реакциясы шамадан тыс болған кезде терапия курсын тоқтатып, аХГ енгізуден бас тарту керек. Пациентке контрацепцияның тосқауыл әдістерін қолдану немесе етеккір келгенге дейін жыныстық қатынастан бас тарту ұсынылады. ҚҰТ жүргізу кезінде көптеген фолликулалардың өсуін индукциялау мақсатында аналық бездердің бақыланатын гиперстимуляциясы Кері байланыс қағидатына сәйкес ГнРГагонистерін қолдану хаттамасы бойынша Менопур препаратымен емдеуді ГнРГ агонистерімен ем басталғаннан кейін шамамен 2 аптадан кейін тағайындау керек. ГнРГ антагонистерімен бар циклде Менопур препаратын енгізуді етеккір оралымының 2 немесе 3-ші күнінен бастау керек. Менопур препаратының ұсынылатын бастапқы тәуліктік дозасы емдеудің алғашқы 5-ші күнінде 150-225 ХБ құрайды. Емдеудің кейінгі сызбасы ультрадыбыстық зерттеу нәтижелері (УДЗ) немесе қан плазмасындағы эстрадиол концентрациясын анықтаумен УДЗ нәтижелерінің жиынтығы негізінде жүргізілетін терапияға аналық бездердің реакциясын бақылағаннан кейін таңдалады. Ұсынылатын жоғарылату дозасы 150 ХБ аспауы тиіс. Менопур препаратының ең жоғары тәуліктік дозасы 450 ХБ аспауы тиіс. Терапияның жалпы ұзақтығы 20 күннен аспауы керек. Менопур препаратының соңғы инъекциясынан кейін аналық бездердің тиімді реакциясына қол жеткізілгенде фолликулалардың түпкілікті жетілуін индукциялау және ооциттердің бөлінуін индукциялау үшін 10000 ХБ дозада бір аХГ инъекциясы тағайындалады. Пациент аХГ енгізілгеннен кейін кемінде 2 апта бойы тұрақты бақылауда болуы керек. Менопур препаратын енгізуге аналық бездердің шамадан тыс реакциясы кезінде терапия курсын тоқтатып, аХГ енгізуден бас тарту керек. Пациентке контрацепцияның тосқауыл әдістерін қолдану немесе етеккір келгенге дейін жыныстық қатынастан бас тарту ұсынылады. Енгізу әдісі мен жолы Ерітінді енгізер алдында бірден дайындалады және ұнтақ тиісті еріткішке ерітілгеннен кейін тері астына немесе бұлшықет ішіне енгізіледі. Дайындалған ерітінді бірнеше рет қолдануға арналған және оны 28 күн сақтауға болады. Менопур препаратын басқа дәрілік заттармен бір шприцте араластыруға жол берілмейді! Ұнтағы бар құтыдан пластик қақпақты шешіп алыңыз. Ерітіндіні дайындау үшін инені еріткіші бар шприцке жалғап, қорғаныс қалпақшасын алып тастаңыз (1,2 сурет). 1.Ақырындап еріткішті құтыға енгізіңіз (3 сурет). ҚҰТЫНЫ ТІК КҮЙДЕ ҰСТАҢЫЗ! 2.Айналмалы қозғалыстармен құты ішіндегі ерітіндіні мөлдір болғанға дейін араластырыңыз (4 сурет). Еру әдетте, 1-2 минутта жүреді. Сілкімеңіз! Ерімеген бөлшектер пайда болғанда немесе түсі өзгерген жағдайда ерітіндіні қолданбаңыз! 3.Инъекцияға арналған шприцке ерітіндінің қажетті мөлшерін енгізіңіз (5, 6 сурет). 4. Инъекция орнын спиртті сүрткімен сүртіп, шприцтегі ауа көпіршіктерін жойып тастаңыз және препаратты 7 суретте көрсетілгендей етіп енгізіңіз. 1 сурет 2 сурет 3 сурет 4 сурет 5 сурет 6 сурет 7 сурет Жалпы нұсқаулар Сілкуге болмайды. Ерітінді бұлыңғырланғанда немесе ерітіндіде бөлшектер болғанда оны қолдануға болмайды! Емдеу ұзақтығы Дәрігердің тағайындауы бойынша Дәрілік препараттың бір немесе бірнеше дозасын өткізіп алған жағдайда қажетті шаралар деректер жоқ Тоқтату симптомы қаупінің болуын көрсету деректер жоқ Дәрілік препараттың қолдану тәсілін түсіну үшін медициналық қызметкерге кеңес алуға жүгіну жөніндегі ұсынымдар Менопур препаратымен емдеу дәрігердің бақылауымен жүргізілуі тиіс.

• менотропиндерге немесе препараттың кез келген қосымша заттарына және еріткіш компоненттеріне аса жоғары сезімталдық; • гипофиз және гипоталамус ісіктері; • балалар мен 18 жасқа дейін жасөспірімдер; • бауыр немесе бүйрек функциясының бұзылуы; • аналық без, жатыр немесе сүт безі обыры; • жүктілік және емізу кезеңі; • түсініксіз этиологиясы бар қынаптан қан кету; • кисталардың болуы немесе АПКС-мен байланысты емес аналық бездер көлемінің ұлғаюы; • аналық бездер функциясының бастапқы жеткіліксіздігі; • жүктілікке қатысты емес жыныс мүшелерінің дамуындағы ауытқулар; • жүктілікке қатысты емес жатыр миомасы. Анамнезінде қалқанша безі мен бүйрек үсті безі аурулары, гиперпролактинемия, гипоталамус-гипофиз аймағының ісіктері болған жағдайда,тиісті ем аМГ терапиясы басталғанға дейін жүргізілуі тиіс.

Менопур препаратын клиникалық зерттеулерде 5% - ға дейінгі жиілікпен қолданғанда анықталған ең ауыр және жиі кездесетін ЖР аналық бездердің гиперстимуляция синдромы (АГС), іштің ауыруы, бас ауруы, іштің кебуі және инъекция орнындағы ауырсыну болды. Жиі (≥1/100, <1/10): - бас ауруы - іштің ауыруы, іштің кебуі, жүрек айнуы - АГС**, жамбас ауруы*** - инъекция орнындағы ауырсыну Жиі емес (≥1/1000, <1/100): - бас айналу - «ысынулар», ысынып кету - құсу, іштегі жайсыздық, диарея - аналық без кисталары, сүт бездері тарапынан бұзылулар**** - қатты қажу Сирек (≥1/10000, <1/1000): - безеулі бөртпе, тері бөртпелері Жиілігі белгісіз: - аса жоғары сезімталдық реакциялары* - өтпелі соқырлық, диплопия, мидриаз, скотома, фотопсия, шыны тәрізді дененің өтпелі бұлыңғырлануы, көру қабілетінің төмендеуі - веноздық және артериялық тромбоэмболиялар (әдетте АГС) - терінің қышуы, есекжем - буындардағы ауырсыну, арқа мен мойын ауруы, аяқ-қолдардағы ауырсыну - аналық бездің бұралуы** - дене температурасының жоғарылауы, дімкәстану - дене салмағының артуы * Жергілікті немесе жалпы аллергиялық реакциялардың сирек жағдайлары, соның ішінде анафилаксиялық реакциялардың жағдайлары байқалды. ** Клиникалық зерттеулерде АГС дамуына байланысты асқазан-ішек жолы тарапынан іштің ісінуі және жайсыздық, жүрек айнуы, құсу және диарея секілді бұзылыстар байқалды. Ауыр АГС жағдайында сирек асқынулар ретінде асциттің дамуы және жамбас қуысында сұйықтықтың жиналуы, экссудативті плеврит, ентігу, олигурия, тромбоэмболиялық асқынулар және аналық бездердің бұралуы орын алуы мүмкін. *** Жатырдың қосалқысындағы ауырсыну. **** Сүт бездеріндегі ауырсыну мен жайсыздық, сүт бездерінің қатаюы және ісінуі, емшек ұшының ауыруы. Еркектерде менотропиндерді қолданған кезде гинекомастия, безеу және дене салмағының жоғарылауы байқалды. Егер нұсқаулықта көрсетілген кез келген ЖР нашарлай беретін болса немесе нұсқаулықта көрсетілмеген кез келген басқа ЖР байқаған болсаңыз, бұл туралы дәрігерге хабарлаңыз. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: аналық бездердің гиперстимуляциясы синдромы (АГС) дамуы мүмкін. Емі: АГС жеңіл дәрежесі кезінде спецификалық ем қажет емес. Пациент әйел медициналық мұқият бақылауда болуға тиіс. АГС орташа дәрежесі кезінде клиникалық мониторинг және симптоматикалық ем қолданылады, қажет болғанда вена ішіне гемоконцентрациясы жоғары қан алмастырғыштар енгізіледі. АГС ауыр дәрежесі қарқынды медициналық араласымды қажет ететін, өмірге қатер төндіретін жағдайды туындатуы мүмкін болғандықтан, пациентті міндетті түрде ауруханаға жатқызу талап етіледі.

Менопур бедеулікті емдеуге маманданған маманның бақылауымен ғана қолданылуы тиіс. Емдеуді бастамас бұрын екі жұпта бедеуліктің себептерін зерттеу, сондай-ақ ықтимал қарсы көрсетілімдерінің бар-жоқтығына қатысты медициналық зерттеуді жүргізу қажет. Атап айтқанда, әйел пациенттерде гипотиреоидизмнің, адренокортикальді жеткіліксіздіктің, гиперпролактинемияның, гипофизарлық немесе гипоталамустық ісіктердің бар-жоқтығын зерттеп, осындай патологиялық жағдайларда қарастырылған тиісті емді тағайындау керек. Бедеулікті емдеуді бастамас бұрын әйелдердегі аналық бездердің функциялық жағдайын (ультрадыбыстық диагностиканы және қандағы эстрадиол деңгейін), сондай-ақ тромбоэмболиялық асқынулардың даму қаупі факторларының болуын (жеке немесе отбасылық бейімділік, дене салмағының индексімен (ДСИ) > 30 кг/м2) семіздікті, тромбофилия); анамнездегі жатыр түтіктерінің ауруларын бағалаған жөн. Арнайы ескертулер Менопур препараты айқын гонадотропты белсенділікке ие, осыған байланысты препаратты қолданған кезде әртүрлі ауырлық дәрежесіндегі ЖР дамуы мүмкін. Ем бедеулікті диагностикалау және емдеу бойынша тәжірибесі бар дәрігер бақылауымен жүргізілуі керек! Гонадотропиндерді қолдану білікті медициналық персоналдың, сондай-ақ тиісті жабдықтың болуын талап етеді. Менопур препаратын тағайындар алдында және емдеу кезінде аналық бездердің күйін бақылау керек (УДЗ және қан плазмасындағы эстрадиол концентрациясы). Препаратты емдеу мақсаттарына сәйкес келетін ең төмен тиімді дозада қолдану қажет. Препараттың алғашқы инъекциясы дәрігердің тікелей бақылауымен жүргізілуі керек. Менопур препаратын қолдануды бастамас бұрын, әйелдегі, оның серіктесіндегі бедеуліктің себептерін диагностикалау, сондай-ақ жүктілікке ықтимал қарсы көрсетілімдерді анықтау ұсынылады. Емді бастамас бұрын әйелдерде гипотиреоздың, бүйрек үсті бездері жеткіліксіздігінің, гиперпролактинемияның, гипоталамус-гипофиз аймағының ісіктерінің бар-жоғын тексеріп, қажет болған жағдайда тиісті емді жүргізу қажет. Әйелдерде қолдану көрсетіліміне қарамастан, фолликулалар өсуінің бақыланатын стимуляциясын жүргізу олардың гиперстимуляциясының дамуымен аналық бездердің ұлғаюына әкелуі мүмкін. Дозалау режимі мен өткізілетін терапияның мониторингісімен үйлестіріп, препаратты енгізу тәсілін сақтаған кезде жоғарыда аталған реакциялардың пайда болу қаупін азайтуға болады. Фолликуланың дамуы тиісті тәжірибесі бар дәрігермен бағалануы тиіс. АГС АГС- көріністері ауырлық дәрежесіне байланысты болатын аналық бездердің асқынбаған ұлғаюынан айрықшаланатын синдром. Бұл аналық бездердің едәуір ұлғаюын, қан плазмасындағы эстрогендердің жоғары концентрациясын, сондай-ақ құрсақта, плеврада және сирек жағдайларда перикардиальді қуыста сұйықтықтың жиналуына әкелуі мүмкін тамырлар өткізгіштігінің жоғарылауын қамтиды. АГС ауыр жағдайларында келесі симптомдар болуы мүмкін: іштің ауыруы, іштің кебуі, аналық бездердің едәуір ұлғаюы, дене салмағының жоғарылауы, ентігу, олигурия және жүрек айну, құсу және диареяны қоса, асқазан-ішек жолы тарапынан симптомдар. Клиникалық зерттеулер кезінде гиповолемия, гемоконцентрация, электролиттік бұзылулар, асцит, гемоперитонеум, экссудативті плеврит, гидроторакс, жедел респираторлық дистресс-синдром және тромбоэмболиялық асқынулар анықталуы мүмкін. Овуляцияны стимуляциялау үшін аХГ енгізілмейтін болса, аналық бездердің гонадотропиндерді енгізуге шамадан тыс реакциясы сирек жағдайда АГС дамуына әкеледі. Сондықтан, аналық бездердің гиперстимуляциясы жағдайында аХГ енгізілмеуі керек және пациентке жыныстық қатынастан бас тарту немесе кемінде 4 күн контрацепцияның тосқауыл әдістерін қолдану қажеттілігі туралы ескерту керек. АГС ауыр ятрогендік асқыну бола отырып, тез үдей алады (24 сағаттан бірнеше күнге дейін), сондықтан аХГ енгізілгеннен кейін пациенттерді кем дегенде 2 апта мұқият бақылау қажет. Менопур препаратының ұсынылған дозаларын, енгізу режимін сақтау және терапияны мұқият бақылау аналық бездердің гиперстимуляциясы мен көп ұрықты жүктілік жағдайларын азайтуы мүмкін. ҚҰТ жүргізу кезінде овуляция басталғанға дейін барлық фолликулалардың ішін аспирациялау АГС даму қаупін төмендетуі мүмкін. Жүктіліктің дамуымен АГС ауыр және ұзаққа созылатын болуы мүмкін. Көбінесе АГС гонадотропиндермен емді тоқтатқаннан кейін дамиды және ем аяқталғаннан кейін 7-10 күннен кейін ең үлкен ауырлық дәрежесіне жетеді. Әдетте, АГС етеккір басталғаннан кейін өздігінен өтеді. Ауыр дәрежедегі АГС дамыған кезде емдеу тоқтатылып, пациент ауруханаға жатқызылады және арнайы терапия басталады. АГС дамуы АПКС бар пациенттерге тән. Көп ұрықты жүктілік Көп ұрықты жүктілік кезінде қолайсыз аналық және перинаталдық нәтижелердің жоғары қаупі байқалады. Менотропиндерді қолданған кезде көп ұрықты жүктілік табиғи ұрықталуға қарағанда жиі дамиды. Егіздердің туылуының ең жоғары жиілігі байқалады. Көп ұрықты жүктілік қаупін азайту үшін аналық бездердің стимуляциялауға реакциясын мұқият бақылау ұсынылады. ҚҰТ жүргізу жағдайында көп ұрықты жүктіліктің пайда болу ықтималдығы енгізілген эмбриондар санына, олардың сапасы мен пациент жасына байланысты болады. Бедеулікке емді бастамас бұрын пациент көп ұрықты жүктіліктің ықтимал қаупі туралы хабарлы болуы керек. Жүктіліктің асқынуы Менопур препаратымен емделгенен кейін өздігінен түсетін түсіктер мен жүктілік басталғанда мерзімінен бұрын босану жиілігі сау әйелге қарағанда жоғары болады. Эктопиялық жүктілік Анамнезінде жатыр түтігі аурулары бар пациенттерде табиғи бала біту жағдайында да, бедеулікті емдеуде де эктопиялық жүктіліктің пайда болу қаупі жоғары. ЭКҰ-дан кейінгі эктопиялық жүктіліктің таралуы жалпы популяцияда 1% -дан 1,5%-ға дейінгімен салыстырғанда 2%-дан 5% - ға дейінгіні құрайды. Ұрпақ өрбіту ағзаларының жаңа түзілімдері Бедеулікті емдеуге арналған препараттарды бірнеше рет қабылдаған әйелдерде аналық бездердің және ұрпақ өрбіту жүйесінің басқа ағзаларының қатерсіз және қатерлі ісіктері туралы хабарламалар бар. Қазіргі уақытта гонадотропиндермен емдеу бедеулігі бар әйелдерде осы ісіктердің бастапқы қаупін арттырып-арттырмайтыны анықталмаған. Туа біткен даму ақаулары ҚҰТ пайдалану кезінде шарананың туа біткен даму ақауларының кең таралуы табиғи ұрықтану кезіндегіге қарағанда шамалы артық болуы мүмкін. Бұл ата-аналарының жекелеген ерекшеліктеріне (анасының жас шамасы, шәуһет сипаты және т.б.) және көпұрықты жүктілікке байланысты болуы мүмкін деп саналады Тромбоэмболиялық асқынулар Гонадотропиндермен емделу кезінде немесе одан кейін жеке немесе отбасылық бейімділік, семіздік (ДСИ > 30 кг/м2) немесе тромбофилия секілді тромбоэмболиялық асқынулар дамуының белгілі қауіп факторлары бар әйелдерде веноздық немесе артериялық тромбоэмболиялық асқынулар қаупі жоғары болуы мүмкін. Мұндай жағдайларда оларды қолдану пайдасы мен ықтимал қаупі салыстырылуы керек. Сондай-ақ, жүктіліктің өзі де тромбоэмболиялық асқынулардың даму қаупін арттыратынын ескеру қажет. Пациенттердің арнайы клиникалық топтарында қолдану Бүйрек және/немесе бауыр жеткіліксіздігі бар пациенттерде Бауыр немесе бүйрек функциясы бұзылған пациенттерде клиникалық зерттеулер жүргізілмеген. Балалар Менопур препаратын 18 жасқа дейінгі балалар мен жасөспірімдерде қолдануға көрсетілімдер жоқ. Жүктілік кезінде және емізу кезеңінде қолдану Менопур препаратын жүктілік кезінде және емізу кезеңінде қолдану қарсы көрсетілген. Көлік құралын немесе ықтимал қауіпті механизмдерді басқару қабілетіне әсер ету ерекшеліктері Менотропиндердің көлік құралдары мен механизмдерді басқару қабілетіне әсері зерттелген жоқ. Менопур препаратының көлік құралдарын және басқа механизмдерді басқару қабілетіне теріс әсер етуі екіталай.

Нұсқаулықта көрсетілмеген.

Менопур препаратының дәрілік өзара әрекеттесуіне зерттеу жүргізілген жоқ. Менотропиндерді кломифенмен бір мезгілде қолдану осы препараттарды бірге қолдану туралы клиникалық деректердің болмағанына қарамастан фолликулалардың өсуін стимуляциялауды күшейтуі мүмкін. ГнРГ агонистерімен бірге қолдану аналық бездердің тиімді реакциясына қол жеткізу үшін менотропиндер дозасын арттыруды қажет етуі мүмкін. Препаратты басқа дәрілік заттармен бір шприцте араластыруға болмайды!

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, 2-ден 8°С-ге дейінгі температурада сақтау керек. Мұздатып қатыруға болмайды. Сұйылтылған препаратты 25 °С-ден аспайтын температурада 28 күн бойы сақтауға болады. Балалардың қолы жетпейтін жерде сақтау керек!