МЕРИСТАТ MR– сановель таблетки 500 мг

Бір таблетканың құрамында белсенді зат – 500 мг кларитромицин қосымша заттар: гидроксипропилметилцеллюлоза K 100 LV, лактоза моногидраты, тальк, магний стеараты қабық: Опадрай Сары (OY-S-32917), натрий сахарині, ванилин Опадрай Сары (OY-S-32917) құрамы: гидроксипропилметилцеллюлоза 5сР - Метоцел E5-LV, (HPMC 2910), E464, титанның қостотығы E171, пропиленгликоль Е1520, HPC-Kлуцел LF Е463, полисорбат 80 Е433, ванилин, FD&C сары #5/тартразин AL Е102 (15%-17%) Е102, FD&C көгілдір #2/ (11-14 %) Е132, темірдің (III) сары тотығы Е172. Сыртқы түрінің, иісінің, дәмінің сипаттамасы Сопақша пішінді, бір жағында "S" өрнегі бар, сары түсті үлбірлі қабықпен қапталған таблеткалар.

Ересектердегі келесі сезімтал микроорганизмдерден туындаған инфекциялық ауруларды емдеу: - тыныс жолдары төменгі бөлігінің инфекцияларында (бронхит, пневмония және т.б.) - тыныс жолдары жоғарғы бөлігінің инфекцияларында (фарингит, синусит және т.б.) - тері және жұмсақ тіндер инфекцияларында (фолликулит, эризипелоид, целлюлит және т.б.) Бактерияға қарсы дәрілерді тиісінше қолдануға қатысты ресми ұлттық ұсыныстарды ескеру керек.

ATХ коды J01FA09 Әсер ету механизмі Кларитромицин - макролидтер тобының жартылай синтетикалық антибиотигі. Препараттың бактерияға қарсы әсері оның сезімтал бактериялардың 50 S-рибосомалық суббірлігімен байланысуымен және ақуыздың жасушаішілік биосинтезінің бәсеңдеуімен анықталады. Mycobacterium spp. қоса, көптеген микроорганизмдер үшін 14-гидрокси-метаболиттің бастапқы қосылысқа қарағанда белсенділігі аз. Haemophilus influenzae қоздырғышы ерекше болып табылады, оған қарсы 14-гидрокси-метаболит бастапқы қосылысқа қарағанда екі есе көп белсенді. Зертханалық жағдайда, Кларитромицин әдетте төменде атап көрсетілген микроорганизмдерге қарсы белсенді. Грамоң бактериялар: Staphylococcus aureus (метициллинге сезімтал); Streptococcus pyogenes (Group A beta-hemolytic streptococci); альфа-гемолитикалық стрептококк (viridans group); Streptococcus (Diplococcus)pneumoniae; Streptococcus agalactiae; Listeria monocytogenes. Грамтеріс бактериялар: Haemophilus influenzae; Haemophilus parainfluenzae; Moraxella (Branhamella) catarrhalis; Neisseria gonorrhoeae; Legionella pneumophila; Bordetella pertussis; Campylobacter jejuni. Микоплазма: Mycoplasma pneumoniae; Ureaplasma urealyticum. Басқа организмдер: Chlamydia trachomatis; Mycobacterium avium; Mycobacterium leprae, Mycobacterium kansasii; Mycobacterium chelonae; Mycobacterium fortuitum; Mycobacterium intracellularis; Chlamydia pneumoniae. Анаэробтар: Clostridium perfringens; Peptococcus species; Peptostreptococcus species; Propionibacterium acnes. Кларитромицин бірнеше бактериялық штаммдарға қатысты бактерицидтік белсенділікке ие. Бұл организмдер Haemophilus influenzae, Streptococcus pneumoniae, Streptococcus pyogenes, Streptococcus agalactiae, Moraxella (Branhamella) catarrhalis, Neisseria gonorrhoeae және Campylobacter spp. қамтиды. Бақылау нүктелері Бақылау нүктелерін микробқа қарсы сезімталдықты тестілеу бойынша Еуропалық комитет белгілеген (EUCAST). Тоқтау нүктелері (ең төменгі басатын доза - ЕБД, мг/л) Микроорганизм — Сезімтал (≤) — Төзімді (>) Staphylococcus spp. — 1 мкг/мл — 2 мкг/мл Streptococcus A, B, C и G — 0.25 мкг/мл — 0.5 мкг/мл Streptococcus spp. — 0,25 мкг/мл — 0,5 мкг/мл Viridans group streptococcus — IE — IE Haemophilus spp. — 1 мкг/мл — 32 мкг/мл Moraxella catarrhalis — 0,25 мкг / мл — 0,5 мкг / мл Helicobacter pylori — 0.25 мкг/мл 1 — 0.5 мкг/мл 1 Тоқтау нүктелері сезімталдығы төмен изоляттардан жабайы типті изоляттарды ажырататын эпидемиологиялық шекті мәндерге негізделген. "IE" бұл түрдің препаратпен емдеу үшін қолайлы түрі екенін жеткілікті дәлелдемелер жоқ екенін көрсетеді.

Дозалау режимі МЕРИСТАТ MR-сановель препаратының әдеттегі ұсынылған дозасы 500 мг-ден (1 таблетка) тәулігіне 1 рет. Инфекцияның ауыр түрлерінде МЕРИСТАТ MR-сановель препаратын тәулігіне бір рет 2 таблеткадан (2х500 мг) қабылдайды. Емнің әдеттегі ұзақтығы 6 күннен 14 күнге дейінді құрайды. Пациенттердің ерекше топтары: Бүйрек жеткіліксіздігі бар пациенттер Ауыр бүйрек жеткіліксіздігі бар пациенттерге (КК - 30 мл/мин аз) МЕРИСТАТ MR – сановель препаратын қолдануға болмайды. Орташа дәрежелі бүйрек функциясы бұзылуы бар пациенттерде (КК - 30-дан 60 мл/мин дейін) препарат дозасын екі есе азайтады, бұл тәулігіне 500 мг астам емес (1 таб.) құрайды. Жедел бүйрек жеткіліксіздігі бар егде науқастарда дозаны есептеу керек. 12 жасқа дейінгі балалар: МЕРИСТАТ MR - сановельді 18 жасқа дейінгі балаларда қолдануға болмайды, себебі құрамында балалар үшін тыйым салынған бояғыш бар. 6 айдан 12 жасқа дейінгі балаларда кларитромициннің педиатриялық суспензиясын пайдалана отырып клиникалық зерттеулер жүргізілді. Демек, 12 жасқа дейінгі балаларға кларитромициннің педиатриялық суспензиясын (ішке қабылдау үшін суспензия дайындауға арналған түйіршіктер) қолдану керек. Қабылдау әдісі мен жолы МЕРИСТАТ MR-сановельді тамақтану кезінде сындырмай және шайнамай, тұтас жұта отырып, ішке қабылдайды.

- макролидтер тобының антибиотиктеріне немесе қосымша заттарының кез келгеніне аса жоғары сезімталдық - кларитромицинді және келесі препараттардың қандай да болсын біреуін бір мезгілде қолдану: • астемизол, цизаприд, домперидон, пимозид, терфенадин (бұл QT аралықты ұзартуы және қарыншалық тахикардияны, қарыншалардың фибрилляциясын және пируэттік қарыншалық тахикардияны (torsade de pointes) қоса, жүрек аритмиясының пайда болуына әкеп соғуы мүмкіндігінен) • эрготамин немесе дигидроэрготамин (себебі эргоуыттылыққа әкеп соғуы мүмкін) • CYP3P4 арқылы едәуір дәрежеде метаболизденетін ГМК-КоА-редуктаза тежегіштері (ловастатин, симвастатин), рабдомиолизді қоса, миопатияның даму қаупіне орай • тикагрелор, ивабрадин немесе ранолазин • колхицин • ішу арқылы қолданылатын мидазоламмен • ломитапид - сыртартқысында QT аралығының ұзаруы немесе пируэттік қарыншалық тахикардияны (torsade de pointes) қоса, қарыншалық жүрек аритмиясы бар пациенттер - креатинин клиренсі 30 мл/мин кем пациенттер (препараттың бұл түрінде дозаны күніне 500 мг төмендету мүмкін болмағандықтан) - электролиттік бұзылулары бар пациенттерге (QT аралығының ұзару қаупіне байланысты гипокалиемия немесе гипомагниемия) - бүйрек жеткіліксіздігімен бір мезгілде жүретін бауырдың ауыр жеткіліксіздігі - жүктілік және лактация кезеңі - тұқым қуалайтын галактоза көтере алмаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы - балалар және 18 жасқа дейінгі жасөспірімдер.

Кларитромицинмен емдеу кезіндегі ең жиі және кең таралған жағымсыз реакциялар іш ауыруы, диарея, жүрек айнуы, құсу және дәм сезудің бұрмалануы болып табылады. Бұл жағымсыз реакцияларының айқындығы әдетте елеусіз және макролидтік антибиотиктердің белгілі қауіпсіздік бейініне ұқсайды. Клиникалық зерттеулер кезінде микобактериялық инфекциялары бар немесе жоқ пациенттер топтары арасында мұндай гастроинтестинальді жағымсыз реакциялардың елеулі айырмашылықтары анықталған жоқ. Өте жиі - енгізу орнындағы флебит 1 Жиі - ұйқысыздық - бас ауыруы, дисгевзия - вазодилатация1 - жүрек айнуы, іш ауыруы, құсу, диспепсия, диарея - бауырдың функционалдық тестілерінің қалыптан ауытқуы - бөртпе, гипергидроз - енгізу орнындағы ауырсыну 1, енгізу орнындағы қабыну 1 Жиі емес - целлюлит1, кандидоз, гастроэнтерит2, инфекция3, қынаптық инфекция - лейкопения, нейтропения4, тромбоцитемия3, эозинофилия4 - анафилактоидты реакциялар1, аса жоғары сезімталдық - анорексия, тәбеттің төмендеуі - үрей, мазасыздық және қозу 3 - естен айрылу1, дискинезия1, бас айналуы, ұйқышылдық, тремор - вертиго, естудің нашарлауы, құлақ шыңылдауы (препаратты пайдалануды тоқтатқанда есту қабілеті қалпына келгені байқалады) - жүрек тоқтауы1, жүрекше фибрилляциясы1, ЭКГ-да QT аралығының ұзаруы, экстрасистолалар1, жүрек қағуын сезіну - демікпе1, мұрыннан қан кету2, өкпе тамырларының эмболиясы1 - эзофагит1, гастроэзофагеальді рефлюкс ауруы2, гастрит, прокталгия2, стоматит, глоссит, іштің кебуі4, іш қату, ауыздың құрғауы, кекіру, метеоризм - холестаз 4, гепатит 4, АЛТ, АСТ, ГГТ деңгейінің жоғарылауы 4 - буллезді дерматит 1, қышыну, есекжем, макуло-папулезді бөртпе 3 - бұлшықет түйілуі 3, қаңқа-бұлшықет cіреспелілігі1, миалгия 2 - қан креатининінің жоғарылауы 1, қан мочевинасының жоғарылауы 1 - дімкәстік 4, қызба 3, астения, кеудедегі ауырсыну 4, қалтырау 4, шаршау 4 - альбумин-глобулин арақатынасының өзгеруі1, қандағы сілтілік фосфатаза деңгейінің жоғарылауы 4, қандағы лактатдегидрогеназа деңгейінің жоғарылауы4 Белгісіз (қолда бар деректер негізінде бағалау мүмкін емес) - жалған жарғақшалы колит, тілмелік қабыну - агранулоцитоз, тромбоцитопения - анафилаксиялық реакциялар, ангионевроздық ісіну - психоз, сананың шатасуы, өзін-өзі танымау, депрессия, бағдардан жаңылу, елестеулер, қорқынышты түс көру, маниакльді реакциялар - құрысу, агевзия (дәм сезінуді жоғалту), паросмия, аносмия, парестезия - естімей қалу - пируэтті қарыншалық тахикардия (torsades de pointes), қарыншалық тахикардия, қарыншалық фибрилляция - қан құйылу - жедел панкреатит, тіл түсінің өзгеруі, тіс түсінің өзгеруі - бауыр жеткіліксіздігі, гепатоцеллюлярлық сарғаю - Стивенс-Джонсон синдромы, уытты эпидермалық некролиз, эозинофилиямен және жүйелі көріністермен (DRESS) қатар жүретін дәрі-дәрмектік тері реакциясы, акне - рабдомиолиз (рабдомиолиз туындауы туралы кейбір мәлімдемелерде кларитромицинді статинмен, фибраттармен, колхицинмен немесе алопуринолмен бір уақытта қолданған), миопатия - бүйрек жеткіліксіздігі, интерстициальді нефрит - халықаралық қалыптасқан қатынастың жоғарылауы, протромбиндік уақыттың жоғарылауы, несеп түсінің өзгеруі 1. Тек инфузия үшін ерітінді дайындауға арналған ұнтақ түріндегі шығарылу түрлері үшін ғана жағымсыз реакциялар туралы хабарламалар болған. 2. Тек ұзақ әсер ететін таблеткалар түріндегі шығарылу түрлері үшін ғана жағымсыз реакциялар туралы хабарламалар болған. 3. Тек ішу үшін суспензия дайындауға арналған түйіршіктер түріндегі шығарылу түрлері үшін ғана жағымсыз реакциялары туралы хабарламалар болған. 4. Тек дереу босап шығатын таблеткалар түріндегі шығарылу түрлері үшін ғана жағымсыз реакциялары туралы хабарламалар болған. Жекелеген мәлімдемелер - кларитромицин мен колхицинді (егде пациенттерде, оның ішінде бүйрек жеткіліксіздігі аясында) бірге қолданғандағы колхициндік уыттану (оның ішінде өлу жағдайы бар). Кларитромицинді пероральді түрде қабылдағандағы клиникалық зерттеулер барысында сондай-ақ парестезиялар, артралгиялар, ангионевроздық ісінулер туралы да мәлімделді. Негізінен бір мезгілде рифабутин қабылдаған пациенттерде увеит туралы өте сирек мәлімдемелер болды. Көп жағдайларда қайтымды болды. Иммундық жүйесі бұзылулары бар пациенттер. Микобактериялық инфекцияларды емдеуге ұсынылатын дозаға қарағанда, кларитромициннің жоғары дозасын ұзағырақ қолданған ЖИТС –пен науқастарда және иммундық жүйесі бұзылулары бар басқа пациенттерде препаратты қолдануға байланысты болған жағымсыз реакцияларды негізгі немесе қатар жүретін аурулардың симптомдарынан әркез ажырату мүмкін емес. Кларитромицинді 1000 мг тәуліктік дозада алған ересек науқастарда жиі кездесетін жағымсыз әсерлер жүрек айнуы, құсу, дәм сезінудің бұзылуы, іштің ауыруы, диарея, бөртпе, іштің кебуі, бас ауыруы, іш қатуы, есту қабілетінің бұзылуы, құрамында АЛТ және АСТ жоғарылауы болды. Кейде диспноэ, ұйқысыздық және ауыз құрғауы туындады. Пациенттердің 2 – 3 %-да АЛТ және АСТ деңгейінің елеулі жоғарылауы және қандағы лейкоциттер мен тромбоциттер мөлшерінің елеулі төмендеуі байқалды. Бірнеше пациенттерде қандағы мочевина құрамының жоғарылауы байқалды. Жағымсыз дәрілік реакциялар туындаса, дәрілік препараттардың тиімсіздігі туралы хабарламаны қоса, медицина қызметкеріне, фармацевтика қызметкеріне немесе тікелей дәрілік препараттардың жағымсыз реакциялар (әсерлер) бойынша ақпараттық деректер базасына хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Симптомдары: Қолда бар есептер, кларитромициннің көп мөлшерін пероральді қабылдағанда асқазан-ішек жолы тарапынан жағымсыз реакциялар күтілетінін көрсетеді. Анамнезінде биполярлық бұзылысы бар, 8 грамм кларитромицинді қабылдаған бір пациент туралы мәлімет бар, содан кейін онда психикалық жай-күйдің өзгерісі, параноидальді мінез-құлық, гипокалиемия және гипоксемия туындаған. Емі: Артық дозалануымен қатар жүретін жағымсыз реакцияларын сіңірілмеген препаратты дереу элиминациялау жолымен және демеуші емнің көмегімен емдеу керек. Басқа макролидтерге қатысты жағдайдағы сияқты, гемодиализ немесе перитонеальді диализдің қан сарысуындағы кларитромицин мөлшеріне елеулі әсер ету ықтималдығы аз. Препаратты қабылдауға кіріспес бұрын, қолдану бойынша түсіндірме алу үшін медицина қызметкерімен кеңесіңіз.

- препаратты дәрігердің тағайындауы бойынша қолданыңыз - препаратты қолданар алдында қосымша-парақшаны мұқият оқып шығыңыз - түпнұсқалық қаптамада балалардың қолы жетпейтін жерде сақтаңыз. Арнайы ескертулер Кларитромицинді жүкті әйелдерге пайда/қауіп арақатынасына мұқият баға беріп алмай, әсіресе, жүктіліктің алғашқы үш айында тағайындауға болмайды. Антибиотикті ұзақ немесе қайтара пайдалану сезімтал емес бактериялар мен зеңдердің шамадан тыс өсуін туындатуы мүмкін. Суперинфекция пайда болған жағдайда МЕРИСТАТ MR - сановель препаратын қолдануды тоқтатқан және тиісті ем жүргізуді бастаған жөн. Кларитромицинді ЖИА, ауыр жүрек жеткіліксіздігі, айқын брадикардиясы ( 50 мин/соғу аз) бар пациенттерде сақтықпен қолдану керек. Кларитромицин ең алдымен, бауырмен шығарылады. Сондықтан препаратты бауыр функциясының бұзылуы бар пациенттерде, сондай-ақ бүйрек функциясының орташа немесе ауыр дәрежедегі бұзылуы бар пациенттерде қолданғанда сақ болу керек. Препаратты бүйректің ауыр және орташа жеткіліксіздігі бар пациенттерде сақтықпен қолдану керек. Кларитромицинді қолданғанда бауыр ферменттерінің жоғары деңгейін қоса, бауыр функциясының бұзылуы жөнінде және сарғаюмен немесе онсыз болатын гепатоцеллюлярлық және/немесе холестаздық гепатит жөнінде мәлімделді. Бауыр функциясының бұл бұзылуы ауыр дәрежеде болуы мүмкін және ол әдетте қайтымды болады. Кейбір жағдайларда негізінен күрделі негізгі аурулармен және/немесе қатар қолданылатын дәрі-дәрмектік еммен астасқан, өліммен аяқталатын бауыр жеткіліксіздігі жөнінде мәлімделді. Анорексия, сарғаю, несептің күңгірттенуі, қышу немесе іштің ауыруы сияқты гепатит біліністері мен симптомдары пайда болғанда кларитромицин қабылдауды дереу тоқтату қажет. Созылмалы бауыр ауруы болғанда қан сарысуындағы ферменттерді ұдайы бақылау жүргізу керек. Макролидтерді қоса, бактерияға қарсы препараттардың бәрін дерлік қолданғанда ауырлығы жағынан жеңілден өмірге қатерлі дәрежеге дейін өзгеріп тұратын жалған жарғақшалы колит туралы хабарламалар келіп түсті. Бактерияға қарсы препараттардың бәрін дерлік, оның ішінде кларитромицинді пайдаланғанда, Clostridium difficile (CDAD) туғызған және ауырлығы жағынан жеңіл дәрежедегі диареядан өліммен аяқталатын колитке дейін ауытқып тұратын диареяның дамуы хабарланды. Бактерияға қарсы препараттарды қабылдау ішектің қалыпты флорасын өзгертеді, бұл C. difficile өсуінің көбеюіне әкеледі. Антибиотиктер қабылдаудан кейінгі диареядан зардап шегіп жүрген пациенттердің бәрінде CDAD туындау мүмкіндігін ескеру қажет. Бактерияға қарсы препараттарды қабылдаудан кейін екі ай өткен соң CDAD туындау жағдайлары тіркелгендіктен, мұқият медициналық анамнез жинау қажет. Қолдануға көрсетілімдерге қарамастан кларитромицинмен емдеуді тоқтату туралы мәселені қарау керек. Микробиологиялық зерттеу жүргізіп, тиісті емдеуді бастау керек. Перистальтиканы тежейтін препараттарды қабылдауды болдырмау керек. Колхицин Кларитромицин мен колхицинді бірге қолданғанда, әсіресе егде пациенттерде, оның ішінде бүйрек жеткіліксіздігі аясында, колхицин уыттылығының дамуы туралы хабарланған (оның ішінде өліммен аяқталған). Кларитромицин және колхицинді бір мезгілде қолдану қарсы көрсетілімде. Кларитромицин препаратын триазолбензодиазепиндермен, мысалы, триазоламмен, мидазоламмен бір мезгілде сақтықпен қолданған жөн. Кларитромициннің линкомицинге, клиндамицинге, сондай-ақ басқа да макролидтерге айқаспалы төзімділігі бар. Жүрек-қантамыр қызметі Кларитромицинді қоса, макролидтермен емделу кезінде, жүрек аритмиясы мен «пируэт» типті (torsades de pointes) қарыншалық тахикардияның даму қаупімен қатарласқан, миокард реполяризациясының және QT аралығының ұзаруы байқалды. Кейінгі жағдайлар вентрикулярлық аритмияның («пируэт» типті қарыншалық тахикардияны қоса) даму қаупінің артуына әкелуі мүмкін болғандықтан, кларитромицин келесі пациенттерде қолдануға болмайды: гипокалиемия немесе гипомагниемия сияқты электролиттік бұзылулары бар пациенттерде; QT ұзаруын туғыза алатын басқа дәрілік препараттарды бір мезгілде қабылдап жүрген пациенттерде; астемизолмен, цизапридпен, домперидонмен, пимозидпен және терфенадинмен бір мезгілде тағайындау. Кларитромицинді туа біткен немесе жүре пайда болғаны анықталған QT аралығының ұзаруы немесе анамнезінде қарыншалық аритмиясы бар пациенттерге қолдануға болмайды. Сонымен қатар, келесі жағдайларда: жүректің ишемиялық ауруы, жүректің ауыр жеткіліксіздігі, өткізгіштік бұзылулары немесе клиникалық мәнді брадикардиясы бар пациенттерде абайлап пайдалану қажет. Макролидтерді қолдану салдарынан қолайсыз жүрек-қантамырлық нәтижелердің даму қаупін зерттейтін эпидемиологиялық зерттеулер ауыспалы нәтижелерді көрсетті. Кейбір тәжірибелік емес зерттеулер барысында, кларитромицинді қоса, макролидтерді қолдану салдарынан аритмияның, миокард инфарктісінің және жүрек-қантамыр ауруларынан болатын өлімнің қысқа мерзімді сирек даму қаупі анықталды. Осы нәтижелерді қарастыру кларитромицин тағайындау кезіндегі емдеу артықшылықтарымен теңестірілуі тиіс. Пневмония Streptococcus pneumoniae-нің макролидтерге төзімділігінің бар болуы мүмкін екендігіне байланысты ауруханалық емес пневмонияны емдеу үшін МЕРИСТАТ MR -сановель препаратын тағайындағанда сезімталдыққа тест жүргізу маңызды. Ауруханалық пневмония жағдайында кларитромицинді басқа тиісті антибиотиктермен біріктіріп қолдану керек. Тері мен жұмсақ тіндердің ауырлығы жеңіл және орта дәрежелі инфекциялары Бұл инфекциялар бәрінен де жиі Staphylococcus aureus және Streptococcus pyogenes микроорганизмдерден туындайды, бұлардың әрқайсысы макролидтерге төзімді болуы мүмкін. Сондықтан сезімталдығына тест жүргізу маңызды. Бета-лактамдық антибиотиктер қолдану мүмкін болмаған жағдайда (мысалы, аллергия), бірінші таңдап алынатын препараттар ретінде басқа антибиотиктер, мысалы, клиндамицин қолданылуы мүмкін. Қазіргі таңда макролидтер тері мен жұмсақ тіндердің кейбір инфекцияларын емдеуде ғана, мысалы: Corynebacterium minutissimum (эритразма) туындаған инфекцияларда, acne vulgaris, тілме қабынуы; және пенициллинмен ем алуға болмайтын жағдайларда ғана рөл атқарады. Анафилаксия, Стивенс-Джонсон синдромы, уытты эпидермальді некролиз, DRESS, Шенлейн-Генох ауруы сияқты жедел ауыр аса жоғары сезімталдық реакциялары пайда болғанда кларитромицинмен емдеуді дереу тоқтатқан және тиісті емді бірден бастаған жөн. Кларитромицинді СYP3A4 цитохромы ферментінің индукторларымен бір уақытта тағайындағанда сақтықпен қолдану керек. Бүйрек жеткіліксіздігі бар пациенттерге қолдану Препараттың бұл түрі бүйректің ауыр жеткіліксіздігі бар пациенттерге қолданылмайды (креатинин клиренсі 30 мл/мин кем), өйткені ол дозаны талапқа сай төмендетуге мүмкіндік бермейді. Бүйректің орташа ауырлықтағы жеткіліксіздігі бар пациенттер үшін (креатинин клиренсі 30-60 мл/мин) дозаны 50%-ға, күніне кларитромициннің ең жоғары дозасы әсер етуі ұзақ 1 таблеткаға дейін төмендетеді. Препаратты жедел бүйрек жеткіліксіздігі бар пациенттерде сақтықпен қолдану керек. Пероральді қабылданатын гипогликемиялық препараттар/инсулин. Кларитромицинді және ішу арқылы қабылданатын гипогликемиялық препараттарды (сульфонилмочевина туындылары сияқты) және инсулинді бір мезгілде қолдану айқын гипогликемияға алып келуі мүмкін. Қандағы глюкоза деңгейіне мұқият мониторинг жүргізу керек. Пероральді қабылданатын антикоагулянттар. Кларитромицин мен варфаринді бір мезгілде қолданғанда ауыр қан кетулер, МНО айқын ұлғаюы және протромбиндік уақыттың едәуір жоғарылау қаупі бар. Кларитромицин мен ішу арқылы қабылданатын антикоагулянттарды біріктіріп қолданғанда МНО және протромбиндік уақытты мұқият бақылауға алған жөн. Кларитромицинді дабигатран, ривароксабан, апиксабан және эдоксабан сияқты тікелей әсер ететін пероральді антикоагулянттармен бір мезгілде қолданғанда сақ болу керек, әсіресе қан кету қаупі жоғары пациенттерде. ГМГ-КоА-редуктаза тежегіштері. Кларитромицинді ловастатинмен немесе симвастатинмен бір мезгілде қолдануға болмайды. Кларитромицинді статиндермен бірге тағайындалғанда сақ болу керек. Кларитромицин пен статиндерді бір мезгілде қабылдаған пациенттерде рабдомиолиз туындауы туралы мәліметтер бар. Миопатия белгілері мен симптомдарын анықтау мақсатында пациенттердің жай-күйіне мониторинг өткізу қажет. Егер кларитромицин мен статиндерді бір мезгілде қолданбауға болмаған жағдайда статиннің тіркелген ең төмен дозасын тағайындау ұсынылады. CYP3A метаболизміне тәуелді емес статинді, мысалы, флувастатинді тағайындау мүмкіндігін қарастыру керек. Лактоза Галактоза көтере алмаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар науқастарда МЕРИСТАТ MR – сановель қабылдау қарсы көрсетілімде. Натрий МЕРИСТАТ MR – сановель құрамында 1 ммоль (23 мг) аз натрий бар, бұны натрий бақыланатын диетадағы пациенттерде ескеру керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлік жүргізу мен механизмдерді басқару қабілетіне препараттың әсер етуін анықтауға арнайы зерттеу жүргізілмеген, алайда препаратты қабылдау кезінде туындауы мүмкін бас айналу, бас айналу, сананың шатасуы және бағдардың бұзылуы мүмкіндігін ескере отырып, сақтық танытқан жөн.

Жүктілік кезінде қолдану үшін кларитромициннің қауіпсіздігі анықталмаған. Кларитромицинді жүкті әйелдерге пайда/қауіп арақатынасын мұқият бағалаусыз қолдану ұсынылмайды. Бала емізу кезеңінде нәрестелер үшін кларитромицинді қолдану қауіпсіздігі анықталмаған. Кларитромицин адамның емшек сүтімен аз мөлшерде бөлінеді.

Келесі препараттарды кларитромицинмен бір мезгілде қолдану күрделі жағымсыз әсерлер дамуы мүмкіндігінен қарсы көрсетілімде: Цизаприд, пимозид, домперидон, терфенадин және астемизол Кларитромицинді цизапридпен бір мезгілде қолданғанда соңғыларының қан плазмасындағы концентрациясы жоғарылауы туралы мәлімделді, QT аралығының ұзаруына және қарыншалық тахикардия, қарыншалық фибрилляцияны және "пируэт" типті қарыншалық тахикардияны қоса, жүрек аритмиясы пайда болуына алып келуі мүмкін. Осындай әсерлері кларитромицин мен пимозидті бір мезгілде қабылдап жүрген пациенттерде аталды. Макролидтер қандағы терфенадин деңгейлерінің жоғарылауын туындатып, терфенадин метаболизміне әсер етеді, бұл кейде QT аралығының ұзаруы, қарыншалық тахикардия, қарыншалар фибрилляциясы және «пируэт» типті қарыншалық тахикардия (torsades de pointes) сияқты аритмиялармен қатар жүрді. Дені сау 14 еріктінің қатысуымен зерттеу жүргізілгенде кларитромицин мен терфенадинді бір мезгілде қолдану қан сарысуында терфенадин қышқылдық метаболиті деңгейінің 2-3 есе артуына және QT аралығының ұзаруына алып келді, бұл қандай да бір клиникалық мәнді әсерін туғызбады. Осыған ұқсас әсерлер астемизол мен басқа макролидтерді бір мезгілде қолданғанда да аталды. Қастауыш алкалоидтары Маркетингтен кейінгі зерттеулер кларитромицинді эрготаминмен немесе дигидроэрготаминмен бір мезгілде қолданғанда эрготаминдер тобының препараттарынан жедел улануға байланысты келесі әсерлер болуы мүмкіндігін көрсетеді: тамырлар түйілуі, аяқ-қол және ОЖЖ қоса, басқа тіндердің ишемиясы. Кларитромицинді және қастауыш алкалоидтарын бір мезгілде қолдану қарсы көрсетілімде. Пероральді қолдануға арналған мидазолам Мидазолам мен таблеткалар түріндегі кларитромицинді (тәулігіне екі рет 500 мг) бір мезгілде қолданғанда, мидазоламды пероральді қабылдаудан кейін мидазоламның AUC 7 есе артты. Пероральді қолдануға арналған мидазолам мен кларитромицинді бір мезгілде тағайындауға болмайды. ГМГ-КоА-редуктаза тежегіштері (статиндер). Кларитромицинді ловастатинмен немесе симвастатинмен бір мезгілде қабылдауға болмайды, өйткені олар елеулі дәрежеде CYP3A4 арқылы метаболизденеді, ал кларитромициннің болуы олардың плазмадағы концентрациясының артуын туғызады, соның салдарынан миопатия мен рабдомиолиздің даму қаупі артады. Кларитромицинді аталған статиндермен бір мезгілде қабылдаған пациенттерде рабдомиолиз туындаған жағдайлар жөнінде мәліметтер бар. Егер кларитромицинді қолданбауға болмаса, онда кларитромицин қолданылған уақытта ловастатин немесе симвастатин қабылдауды тоқтата тұру қажет. Кларитромицин статиндермен сақтықпен тағайындалу керек. Егер кларитромицин мен статиндерді бір мезгілде қолданбауға болмаған жағдайда, статиннің тіркелген ең аз дозасын тағайындау ұсынылады. CYP3A арқылы метаболизденбейтін статинді, мысалы, флувастатинді тағайындау мүмкіндігін қарастыру керек. Миопатияның белгілері мен симптомдарын анықтау мақсатында пациенттердің жай-күйіне мониторинг өткізу қажет. Кларитромицинге басқа дәрілік препараттардың әсері CYP3A индукторлары болып табылатын препараттар (мысалы, рифампицин, фенитоин, карбамазепин, фенобарбитал, шілтерлі шайқурай), кларитромицин метаболизмін индукциялауы мүмкін. Бұл кларитромициннің субтерапевтік концентрациясына әкелуі мүмкін, бұл оның тиімділігінің азаюына алып келеді. Бұдан басқа, кларитромицинмен CYP3A тежелуінен жоғарылауы мүмкін қан плазмасындағы СYР3А изоферментінің индукторының концентрациясын бақылау керек. Рифабутин және кларитромицинді бір мезгілде қолданғанда рифабутиннің плазмалық концентрациясы жоғарылағаны және увеит даму қаупі жоғарылауы бар кларитромициннің сарысулық концентрациясы төмендегені байқалды. Келесі препараттардың қан плазмасындағы кларитромицин концентрациясына дәлелденген және болжамды әсері бар; оларды кларитромицинмен бірге қолданған жағдайда доза түзету немесе баламалы емге көшу талап етілуі мүмкін. Эфавиренз, невирапин, рифампицин, рифабутин және рифапентин Эфавиренз, невирапин, рифампицин, рифабутин және рифапентин сияқты цитохром Р450 жүйесінің қуатты индукторлары кларитромициннің метаболизмін жеделдетуі мүмкін және осылайша плазмадағы кларитромицин концентрациясын төмендетуі және емдік әсерін әлсіретуі мүмкін және сонымен бірге микробиологиялық белсенді болып табылатын 14-ОН-кларитромицин – метаболитінің концентрациясын жоғарылатуы мүмкін. Кларитромицин және 14-ОН-кларитромициннің, микробиологиялық белсенділігі әртүрлі бактерияларға қатысты айырмашылығы болатындықтан, емдік әсері кларитромицин және фермент индукторларын бір мезгілде қолданғанда төмендеуі мүмкін. Этравирин Кларитромицин концентрациясы этравирин пайдаланғанда төмендейді, бірақ 14-ОН-кларитромициннің белсенді метаболитінің концентрациясы жоғарылайды. Өйткені 14-ОН-кларитромицин МАС инфекцияларына қатысты төмен белсенділікке ие, олардың қоздырғыштарына қатысты жалпы белсенділігі өзгеруі мүмкін, сондықтан МАС емдеу үшін баламалы емді қарастыру керек. Флуконазол 21 дені сау еріктілерде флуконазолды 200 мг дозада күнде және кларитромицинді 500 мг дозада тәулігіне 2 рет бірге қабылдау кларитромициннің тепе-тең концентрациясының (Cmin) және AUC ең төмен орташа мәнінің тиісінше 33% және 18% артуына алып келді. Бұл арада бір мезгілде қабылдау 14-ОН-кларитромициннің белсенді метаболитінің орташа тепе-тең концентрациясына елеулі әсер етпеген. Флуконазолмен бір мезгілде қолданған жағдайда кларитромицин дозасын түзету талап етілмейді. Ритонавир Фармакокинетикалық зерттеулер әрбір 8 сағатта 200 мг дозада ритонавирді және әрбір 12 сағатта 500 мг дозада кларитромицинді бір мезгілде қабылдау кларитромицин метаболизмінің елеулі бәсеңдеуіне әкелгенін көрсетті. Ритонавирді бір мезгілде қабылдағанда кларитромициннің Cmax - 31%-ға артты, Cmin - 182% және AUC - 77%-ға ұлғайған. 14-ОН-кларитромицин түзілуінің толық бәсеңдеуі белгіленді. Кларитромициннің емдік кең диапазонына байланысты оның дозасының бүйрек функциясы қалыпты пациенттерде азайтылуы талап етілмейді. Бүйрек жеткіліксіздігі бар пациенттерде (КК 30-60 мл/мин) дозаны 50% азайту керек. КК < 30 мл/мин пациенттер үшін кларитромициннің дозасын 75% төмендету қажет. Ритонавирді тәулігіне 1 г астам болатын дозадағы кларитромицинмен бір мезгілде қолдануға болмайды. Атазанавир мен саквинавирді қоса, басқа АИТВ-протеаза тежегіштерімен бірге фармакокинетикалық күшейткіш ретінде ритонавирді қолданғанда, бүйрек функциясының бұзылуы бар пациенттерде осыған ұқсас доза түзетулерін жүргізген жөн. Кларитромициннің басқа дәрілік препараттарға әсері Аритмияға қарсы препараттар Кларитромицин және хинидинді немесе дизопирамидті бір мезгілде қабылдағанда "пируэт" типті қарыншалық тахикардия туындау мүмкіндігі бар. Кларитромицинді осы препараттармен бір мезгілде қабылдағанда QT аралығы ұзаруына ЭКГ бақылау ұдайы жүргізу керек, сондай-ақ бұл препараттардың сарысулық концентрациясын бақылау керек. Кларитромицинмен ем қабылдағанда аталған препараттардың қан сарысуындағы концентрацияларын қадағалау керек. Кларитромицин мен дизопирамидті бір мезгілде қабылдағанда гипогликемия жағдайлары туралы хабарламалар бар. Кларитромицин мен дизопирамидті бір мезгілде қабылданғанда қандағы глюкоза деңгейіне мониторинг жүргізу керек. Пероральді гипогликемиялық дәрілер және инсулин Натеглинид және репаглинид сияқты белгілі бір гипогликемиялық дәрілермен кларитромицинді бір мезгілде қолданғанда CYP3A энзимінің тежелуі байқалуы мүмкін, бұл гипогликемияны туғызуы мүмкін. Глюкоза деңгейін мұқият бақылау ұсынылады. CYP3A изоферментімен шартталған өзара әрекеттесулер CYP3A изоферментін тежейтіні белгілі кларитромицинді және CYP3A біріншілік метаболизденетін препараттармен бірге қабылдағанда олардың концентрациясының өзара жоғарылауымен астасуы мүмкін, бұл олардың емдік, сондай-ақ жағымсыз әсерлерін де күшейтуі немесе ұзартуы мүмкін. Кларитромицинді CYP3A субстраттарын: астемизолды, цизапридті, домперидонды, пимозидті және терфенадинді қабылдайтын пациенттерге, QT аралығының ұзаруы және қарыншалық тахикардияны, қарыншалық фибрилляцияны және "пируэт" типті қарыншалық тахикардияны қоса алғанда, жүрек аритмиясы қаупіне байланысты қолдануға болмайды. Кларитромицинді сонымен қатар қастауыш алкалоидтарын, пероральді мидазоламды, негізінен CYP3A4 (мысалы, ловастатин және симвастатин) арқылы метаболизденетін ГМГ-КоА редуктаза тежегіштерін, колхицин, тикагрелор, ивабрадин және ранолазинді қабылдағанда қолдануға болмайды. Трансаминазалар деңгейінің елеулі ұлғаю ықтималдығына байланысты кларитромицинді ломитапидпен бір мезгілде қабылдауға болмайды. Кларитромицинді CYP3A изоферментінің субстраттары болып табылатын препараттар қабылдайтын пациенттерге, әсіресе егер бұл препараттардың емдік диапазоны тар болса (мысалы, карбамазепин), және/немесе осы ферментпен қарқынды метаболизденсе, сақтықпен қолдану керек. Қажет болған жағдайда кларитромицинмен бірге қабылданатын препараттың дозасын түзету жүргізілуі тиіс. Сондай-ақ мүмкіндігінше CYP3A біріншілік метаболизденетін препараттардың сарысулық концентрациясының мониторингі жүргізілуі тиіс. Келесі препараттардың/класстардың метаболизмі кларитромицин метаболизміндегі сияқты CYP3A изоферменттермен жүзеге асырылады, мысалы, алпразолам, астемизол, карбамазепин, цилостазол, циклоспорин, дизопирамид, қастауыш алкалоидтары, ибрутиниб, метадон, метилпреднизолон, мидазолам (к/і), омепразол, пероральді антикоагулянттар (мысалы, варфарин, ривораксобан, апиксабан), хинидин, рифабутин, силденафил, сиролимус, такролимус, триазолам және винбластин. Цитохром Р450 жүйесі аясындағы басқа изоферменттер арқылы осыған ұқсас түрдегі өзара әрекеттесетін перпараттарға фенитоин, теофиллин және вальпрой қышқылы жатады. Кортикостероидтар Кларитромицинді, негізінен CYP3A арқылы метаболизденетін, кортикостероидтардың жүйелік әсерінің жоғарылауына байланысты, жүйелік және ингаляциялық кортикостероидтармен бір мезгілде қолданғанда сақ болу керек. Бір мезгілде қолданғанда пациенттер жүйелі кортикостероидтардың жағымсыз әсерлерін анықтау үшін мұқият бақылауда болуы керек. Теофиллин, карбамазепин Клиникалық зерттеулер нәтижелері осы препараттардың кез келгенін кларитромицинмен бір мезгілде қабылдағанда теофиллин немесе карбамазепиннің айналымдағы концентрациясының аздаған, бірақ статистикалық мәнді жоғарылауы (p≤0.05) болатынын көрсетеді. Дозаны азайтуды қарастыру қажет болуы мүмкін. Омепразол Дені сау ерікті ересектерде кларитромицин (әрбір 8 сағатта 500 мг) омепразолмен (күн сайын 40 мг) біріктірілімде зерттелді. Кларитромицин және омепразолды бір мезгілде қабылдағанда омепразолдың тепе-теңдік плазмалық концентрациясы (Cmax, AUC0-24, және T1/ тиісінше 30%, 89% және 34% ұлғайған) ұлғайды. Асқазанның рН орташа мәні 24 сағат ішінде омепразолды жеке қабылдағанда 5.2 құрады және омепразолды кларитромицинмен бір мезгілде қабылдағанда 5.7 құрады. Силденафил, тадалафил және варденафил Фосфодиэстеразаның бұл тежегіштерінің әрқайсысы кемінде ішінара CYP3A қатысуымен метаболизденеді. Сонымен бірге CYP3A кларитромицин қатысуымен тежелуі мүмкін. Кларитромицинді силденафилмен, тадалафилмен немесе варденафилмен бір мезгілде қолдану фосфодиэстеразаны тежейтін әсері артуына әкелуі мүмкін. Бұл препараттар кларитромицинмен бірге қолданылғанда силденафил, тадалафил және варденафилдің дозасын азайту мүмкіндігін қарастыру керек. Толтеродин Толтеродиннің біріншілік метаболизмі цитохром Р450 (CYP2D6) 2D6 изоформасы арқылы жүзеге асырылады. Алайда CYP2D6 жоқ популяциялардың бір бөлігінде метаболизм CYP3A арқылы жүреді. Тұрғын халықтың бұл тобында CYP3A бәсеңдету сарысудағы толтеродиннің елеулі жоғарырақ концентрациясына әкелуі мүмкін. CYP2D6 арқылы метаболизм деңгейі төмен популяцияда кларитромицин сияқты CYP3А тежегіштері қатысуында толтеродин дозасының төмендеуі талап етілуі мүмкін. Триазолобензодиазепиндер (мысалы, алпразолам, мидазолам, триазолам) Мидазолам және кларитромицинді таблетка түрінде бірге қолданғанда (тәулігіне 2 рет 500 мг) мидазоламның AUC: мидазоламды к/і енгізуден кейін 2.7 есе және ішу арқылы қабылдағаннан кейін 7 есе артқаны анықталды. Мидазолам және кларитромицинді ішу арқылы бір мезгілде қабылдаудан аулақ болу керек. Егер кларитромицинмен бірге к/і енгізуге арналған мидазолам қолданылса болжамды доза түзетілуі үшін пациент жай-күйін мұқият бақылау керек. Сақтықтың бұндай шараларын триазолам және алпразоламды қоса, CYP3A метаболизденетін басқа да бензодиазепиндерге қолдану керек. Шығарылуы CYP3A (темазепам, нитразепам, лоразепам) тәуелді емес бензодиазепиндер үшін кларитромицинмен клиникалық елеулі өзара әрекеттесу ықтималдығы аз. Кларитромицинді және триазоламды бірге қолданғанда ОЖЖ әсер етуі мүмкін, мысалы ұйқышылдық және сананың шатасуы. Осыған байланысты бір мезгілде қолданған жағдайда ОЖЖ симптомдары бұзылуын қарау ұсынылады. Тікелей әсер ететін пероральді антикоагулянттар (DOAC) Дабигатран және эдоксабан P-qp тасымалдағышының субстраты болып табылады. Ривароксабан мен апиксабан CYP3A4 арқылы метаболизденеді және P-qp үшін субстрат болып табылады. Кларитромицинді осы препараттармен бір мезгілде қолданғанда, әсіресе қан кету қаупі жоғары пациенттерде сақ болу керек. Басқа препараттармен өзара әрекеттесуі Колхицин Колхицин CYP3A субстраты, сондай-ақ Р-гликопротеин (Pgp) тасымалдаушы ақуызының да субстраты болып табылады. Кларитромицин және басқа да макролидтердің CYP3A және Pgp тежегіштері болып табылатыны белгілі. Кларитромицин және колхицинді бір мезгілде қолданғанда Pgp және/немесе CYP3A тежелуі колхицин әсерінің күшеюіне әкелуі мүмкін. Кларитромицин және колхицинді бір мезгілде қолдану қарсы көрсетілімде. Дигоксин Дигоксин Pgp үшін субстрат болып табылады деп болжанады. Кларитромициннің Pgp тежейтіні белгілі. Кларитромицин және дигоксинді бір мезгілде қолдануда кларитромицинмен Pgp тежелуі дигоксин әсерінің күшеюіне әкелуі мүмкін. Дигоксин және кларитромицинді бірге қабылдау сондай-ақ дигоксиннің сарысулық концентрациясының жоғарылауына алып келуі мүмкін. Кейбір пациенттерде потенциалды түрде өлімге соқтыратын аритмияны қоса, дигоксинмен уланудың клиникалық симптомдары анықталды. Кларитромицин және дигоксинді бірге қабылдағанда сарысудағы дигоксин концентрациясын мұқият бақылау керек. Зидовудин Кларитромицин мен зидовудиннің таблеткаларын АИТВ-инфекциясын жұқтырған ересек пациенттер бір мезгілде қолданғанда зидовудиннің Css төмендеуіне әкелуі мүмкін. Кларитромицин ішу арқылы қабылдағанда зидовудин сіңуіне әсер ететіндіктен, кларитромицин мен зидовудинді 4 сағат аралықпен қабылдай отырып, өзара әрекеттесуінен елеулі дәрежеде аулақ болуға болады. Бұған ұқсас өзара әрекеттесуі АИТВ-инфекциясын жұқтырған зидовудинмен немесе дидезоксиинозинмен кларитромицинді суспензия түрінде қабылдаған балаларда бақыланбады. Ересек пациенттерде ішке оларды бір мезгілде қабылдағанда кларитромицин зидовудин сіңуіне кедергі келтіруі мүмкін болғандықтан, кларитромицинді к/і пайдаланғанда бұған ұқсас өзара әрекеттесудің болу ықтималдығы белгісіз. Фенитоин және вальпрой қышқылы CYP3A тежегіштерінің (кларитромицинді қоса) CYP3A (фенитоинмен және вальпрой қышқылымен) көмегімен метаболизденбейтін препараттармен өзара әрекеттесуі туралы деректер бар. Кларитромицинмен бір мезгілде қабылдағанда бұл препараттардың сарысулық концентрациясының деректерін анықтау ұсынылады, өйткені олардың жоғарылайтыны туралы хабарламалар бар. Гидроксихлорохин және хлорохин Жүрек аритмиясы мен жүрек-қан тамырларының ауыр қолайсыз құбылыстарын тудыруы мүмкін болғандықтан, QT аралығын ұзартатын осы препараттарды қабылдайтын пациенттерде кларитромицинді сақтықпен қолдану керек. Дәрілердің екі бағытты өзара әрекеттесулері Атазанавир Кларитромицин және атазанавир CYP3A субстраты, сондай-ақ тежегіштері де болып табылады. Бұл препараттардың екі бағытты өзара әрекеттесулерінің айғағы бар. Кларитромицинді (тәулігіне 2 рет 500 мг) және атазанавирді (400 мг тәулігіне 1 рет) бір мезгілде қолдану кларитромицин әсерінің екі есе артуына және атазанавирдің AUC 28%-ға ұлғайта отырып, 14-ОН-кларитромицинге әсерінің 70%-ға азаюына әкелуі мүмкін. Бүйрек функциясы қалыпты пациенттерде кларитромициннің ауқымды емдік диапазоны болуына орай оның дозасын азайту талап етілмейді. Бүйрек жеткіліксіздігі орташа дәрежелі (КК 30-60 мл/мин) пациенттерде кларитромицин дозасы 50% азайтылуы тиіс. КК 30 мл/мин аз пациенттерде, бұл үшін кларитромициннің сәйкес дәрілік түрін пайдалана отырып, кларитромицин дозасын 75% азайту керек. Тәулігіне 1000 мг асатын дозадағы кларитромицинді протеаза тежегіштерімен бірге қолдануға болмайды. Баяу кальций өзекшелерінің блокаторлары Кларитромицинді және CYP3A4 изоферментімен метаболизденетін (мысалы, верапамил, амлодипин, дилтиазем) баяу кальций өзекшелерінің блокаторларын бір мезгілде қолданғанда сақ болу керек, өйткені артериялық гипотензия туындауының қаупі бар. Кларитромициннің плазмалық концентрациясы, баяу кальций өзекшелерінің блокаторлары сияқты бір мезгілде қолданғанда жоғарылауы мүмкін. Кларитромицин және верапамилді бір мезгілде қолданғанда артериялық гипотензия, брадиаритмия және лактацидоз болуы мүмкін. Итраконазол Кларитромицин және итраконазол CYP3A субстраттары және тежегіштері болып табылады, бұл препараттардың екі бағытты өзара әрекеттесулерін анықтайды. Кларитромицин плазмадағы итраконазол концентрациясын жоғарылатуы мүмкін, бұл арада итраконазол кларитромициннің плазмалық концентрациясын арттыруы мүмкін. Итраконазол және кларитромицинді бір мезгілде қабылдайтын пациенттерді бұл препараттардың фармакологиялық әсерінің күшею немесе ұзақтығы артуы симптомдары болуына мұқият зерттеу керек. Саквинавир Кларитромицин және саквинавир CYP3A субстраттары және тежегіштері болып табылады, бұл препараттардың екі бағытты өзара әрекеттесулерін анықтайды. 12 дені сау еріктілерде кларитромицинді (500 мг тәулігіне 2 рет) және саквинавирді (жұмсақ желатин капсулаларда, 1200 мг тәулігіне 3 рет) бір мезгілде қолданғанда саквинавирді жеке қабылдағанға қарағанда саквинавирдің AUC және Cmax 177% және 187% тиісінше артуын туындатты. Кларитромициннің AUC және Cmax мәндері кларитромицинмен монотерапияға қарағанда шамамен 40%-ға жоғары болды. Бұл екі препаратты шектеулі уақыт ішінде жоғарыда келтірілген дозаларда/құрамда бір мезгілде қолданғанда доза түзету талап етілмейді. Жұмсақ желатин капсулалардағы саквинавир пайдаланылған дәрілік өзара әрекеттесулерінің зерттеулерінің нәтижелері қатты желатин капсулалардағы саквинавир қолдануда бақыланған әсерге сәйкес келмеуі мүмкін. Саквинавирмен монотерапиядағы дәрілік өзара әрекеттесулерінің зерттеулерінің нәтижелері саквинавир/ритонавирмен емдегі бақыланатын әсерге сәйкес келмеуі мүмкін. Саквинавирді ритонавирмен бірге қолданғанда ритонавирдің кларитромицинге потенциалды әсерін ескеру керек.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары 25˚С-ден аспайтын температурада сақтау керек. Балалардың қолы жетпейтін жерде сақтау керек!