Меропенем Вега порошок 1 г

Бір құтының ішінде: белсенді зат – 1140 мг меропенем тригидраты (1000 мг сусыз меропенемге баламалы); қосымша заттар – натрий карбонаты. Сыртқы түрінің, иісінің, дәмінің сипаттамасы Ақтан ақшыл-сары түске дейінгі ұнтақ. Қалпына келтірілген ерітінді – түссізден ашық-сары түске дейінгі мөлдір ерітінді.

Меропенем Вега 3 айдан асқан балалар мен ересектерде мынадай ауруларды емдеу үшін көрсетілген: • ауыр, оның ішінде ауруханалық және ӨЖЖ астасқан пневмонияларда; • муковисцидоздан зардап шегетін пациенттердегі өкпе және бронх инфекцияларында; • несеп шығару жолдарының асқынған инфекцияларында; • құрсақ қуысының асқынған инфекцияларында; • босану кезіндегі және босанудан кейінгі инфекцияларда; • тері және жұмсақ тіндердің асқынған инфекцияларында; • жедел бактериялық менингит. Меропенем Вега нейтропениядан зардап шегетін пациенттерде бактериялық инфекциямен байланысты деп болжанатын қызба кезінде қолданылуы мүмкін. Жоғарыда аталған инфекциялар типімен байланысты Меропенем Вега қан тасымалы жүйесінің бактериялық инфекциясын емдеуде қолданылуы мүмкін.

Жүйелі қолдануға арналған бактерияға қарсы препараттар. Бактерияға қарсы басқа бета-лактамды препараттар. Карбапенемдер. Меропенем. АТХ коды J01DH02 Әсер ету механизмі Меропенем Вега пенициллинді байланыстырушы ақуыздарды (ПБА) байланыстыру есебінен грамоң және грамтеріс бактериялардың жасуша қабырғасының синтезін басу арқылы бактерицидті әсер көрсетеді. Фармакокинетикасы мен фармакодинамикасының байланысы Басқа да бета-лактамды антибиотиктер сияқты, ең жоғары тиімділігі меропенемнің концентрациясы ЕТБК (T > ЕТБК) асатын кездегі уақытпен үйлеседі. Меропенем қан плазмасында сәйкес микроорганизмдер үшін дозалау аралығының шамамен 40 %-на ЕТБК-ден асатын концентрацияларда белсенділік көрсетті. Мақсатты мәні клиникалық тұрғыда анықталған жоқ. Төзімділіктің даму механизмі Меропенемге төзімділік мынадай факторларға байланысты болуы мүмкін: (1) пориндер синтезінің азаюына байланысты грамтеріс бактериялардың жасуша қабырғасының өткізгіштігінің азаюы; (2) мақсатты ПБА ұқсастығының азаюы; (3) эффлюкс-жүйелердің экспрессиясының күшеюі; (4) бета-лактамазалар өндіру, олардың әсерімен карбапенемдердің гидролизі жүреді. Меропенемге және хинолондарға, аминогликозидтерге, макролидтерге, тетрациклиндерге спецификалы айқаспалы төзімділік жоқ. Бірақ жасуша қабырғасының өткізбеушілігінде және/немесе эффлюкс белсенділенгенде бактериялар бір кластан көбірек бактерияға қарсы дәрілерге төзімділік танытуы мүмкін. Жүре пайда болған резистенттіліктің таралуы жекелеген түрлердің географиялық орналасуы мен уақытына байланысты өзгеруі мүмкін, сондықтан резистенттілік туралы жергілікті ақпараттың, әсіресе ауыр инфекцияларды емдеуде болғаны жөн. Қажет болса, резистенттіліктің жергілікті таралуы препараттың инфекциялардың кем дегенде бірнеше инфекциялардың кейбір түрлерінде пайдасы күмәнді болса, қажет болған жағдайда маманнан кеңес алу керек. Шекті концентрациялар Антибиотикограммаларға арналған ЕТБК (ең төмен бәсеңдеткіш концентрация) интерпретациялық критерийлерін меропенемге арналған микробқа қарсы сезімталдықты тексеру жөніндегі Еуропалық комитет (EUCAST) белгіледі және осында келтірілген: https://www.ema.europa.eu/documents/other/minimum-inhibitory-concentration-mic-breakpoints_en.xlsx Алынған резистенттіліктің таралуы жекелеген түрлер бойынша географиялық ерекшеліктер мен уақыт кезеңіне байланысты өзгеруі мүмкін; сондықтан, әсіресе ауыр инфекцияларды емдеу кезінде, жергілікті резистенттіліктің таралуы туралы ақпараттың болуы маңызды. Қажет болған жағдайда, белгілі бір инфекциялар түрлеріне қатысты препаратты қолданудың орындылығы жергілікті резистенттілік деңгейіне байланысты күмән тудырған кезде, мамандандырылған қорытынды алу ұсынылады. Келесі патогендердің тізімі клиникалық тәжірибе мен терапиялық ұсынымдардың негізінде құрастырылған. Төменде келтірілген патогендік кесте клиникалық тәжірибе мен терапиялық ұсынымдардың негізінде құрастырылған. Әдеттегі сезімтал түрлер Грамоң аэробтар Enterococcus faecalis Staphylococcus aureus (метициллинге сезімтал) Стафилококктардың түрлері (метициллинге сезімтал), Staphylococcus epidermidis қоса Streptococcus agalactiae (B тобы) Streptococcus milleri тобы (S. anginosus, S. constellatus И S. intermedius) Streptococcus pneumoniae Streptococcus pyogenes (А тобы) Грамтеріс аэробтар Citrobacter freundii Citrobacter koseri Enterobacter aerogenes Enterobacter cloacae Escherichia coli Haemophilus influenzae Klebsiella oxytoca Klebsiella pneumoniae Morganella morganii Neisseria meningitidis Proteus mirabilis Proteus vulgaris Serratia marcescens Грамоң анаэробтар Clostridium perfringens Peptoniphilus asaccharolyticus Peptostreptococcus түрлері (P. micros, Panaerobius, P. magnus қоса) Грамтеріс анаэробтар Bacteroides caccaе Bacteroides fragilis тобы Prevotella bivia Prevotella disiens Жүре пайда болған резистенттілігі проблема тудыруы мүмкін түрлер Грамоң аэробтар Enterococcus faecium* Грамтеріс аэробтар Түрлері Acinetobacter Burkholderia cepacia Pseudomonas aeruginosa Туа біткен резистенттілігі бар организмдер Грамтеріс аэробтар Stenotrophomonas maltophilia Legionella түрлері Басқа микроорганизмдер Chlamydophila pneumoniae Chlamydophila psittaci Coxiella burnetii Mycoplasma pneumoniae * Шығу тегі бойынша аралық сезімталдықты көрсететін түрлер # Барлық метициллинге резистентті стафилококктар меропенемге төзімді Маңқа және мелиоидоз: Меропенемді адамда қолдану B. mallei және B. pseudomallei in vitro сезімталдығы туралы деректерге және адамда қолдану туралы шектеулі деректерге негізделген. Емдеуші дәрігерлер маңқаны және мелиоидозды емдеу туралы ұлттық және/немесе халықаралық консенсустық құжаттарға сүйенуі тиіс.

Дозалау режимі Әрқашан бұл препаратты дәрігер, фармацевт немесе мейіргердің ұсынуы бойынша қолданыңыз. Егер сізде препаратты қолдану туралы күмән бар болса, дәрігермен, фармацевтпен немесе мейіргермен кеңесіңіз. • Ересектерде қолданылуы • Доза инфекцияның түріне, инфекция анықталған ағзаға және инфекцияның ауырлығына байланысты. Дәрігер қажетті дозаны анықтайды. • Ересектерге ұсынылған доза әдетте 500 мг (миллиграмм) 2 г-ға (грамм) дейінді құрайды. Әдетте препараттың дозасын әрбір 8 сағат сайын енгізеді. Бүйрек аурулары болған жағдайда дәрігер препараттың төмендетілген дозасын тағайындай алады. Балалар мен жасөспірімдерде қолдану • 3 айдан 11 жасқа дейінгі балалар үшін доза сәбидің жасы мен дене салмағын ескере отырып анықталады. Әдетте Меропенем Вега сәбидің дене салмағының әрбір килограммына (кг) 10 мг-нан 40 мг-ға дейінгі дозада тағайындайды. Әдетте препараттың дозасын әрбір 8 сағат сайын енгізеді. Салмағы 50 кг-нан асатын балалар • Ересектерге ұсынылған дозаны қолданыңыз. Бүйрек жеткіліксіздігі бар балаларда қолдану тәжірибесі жоқ Енгізу әдісі және жолы • Меропенем Вега препаратын ірі венаға инъекция немесе инфузия түрінде енгізеді. • Әдетте Меропенем Вега препаратын дәрігер немесе мейіргер енгізеді. • Препаратты енгізу жөніндегі нұсқаулық осы қосымша парақта келтіріледі. Әрқашан фармацевтпен немесе мейіргермен кеңесіңіз. Меропенем Вега препаратын әркез тек дәрігер ұсынған сияқты қолданыңыз. Егер сізде күмән бар болса, емдеуші дәрігермен кеңесіңіз. • Бұл инъекциялық препаратты шприцте басқа дәрілік препараттармен араластыруға немесе қосуға болмайды. • Препаратты шамамен 5 минут немесе 15-30 минут бойы енгізуге болады. Емдеуші дәрігер Меропенем Вега препаратын қалай енгізетінін айтып береді. • Препаратты күн сайын бір уақытта енгізу маңызды. Төменде берілген ақпарат тек медицина қызметкерлеріне арналған. Препаратты дайындау •Препаратты басқа сұйықтықпен (сұйылту) араластыру керек. Сіздің дәрігер сізге қанша сұйылтқышты пайдалану керек екенін айтады. •Препаратты дайындағаннан кейін бірден пайдаланыңыз. Мұздатып қатыруға болмайды. 1. Қолды жуып, оларды мұқият құрғатыңыз. Таза жұмыс орнын дайындаңыз. 2. Меропенем Вега бөтелкесін (құтысын) қаптамадан алып шығыңыз. Құтыны және жарамдылық мерзімі өткен күнді тексеріңіз. Құтының бүтіндігін және зақымдалмағанына көз жеткізіңіз. 3. Түрлі-түсті қақпақты алып, сұр резеңке тығынды спиртке суланған сүрткімен сүртіңіз. Резеңке тығынды құрғатыңыз. 4. Жаңа стерильді инені ұшына қол тигізбей жаңа стерильді шприцке салыңыз. 5. Препарат Меропенем Вега дозасына байланысты стерильді инъекцияға арналған судың ұсынылған мөлшерін шприцке тартыңыз: • 500 мг (миллиграмм) дозаға – 10 мл (миллилитр) инъекцияға арналған су • 1 г (грамм) дозаға – 20 мл • 1,5 г дозаға – 30 мл Ескерту. Егер Меропенем Вега препаратының тағайындалған дозасы 1 г-нан асса, Меропенем Вега препаратының 1-ден астам құтысын пайдалану қажет болады. Бұл жағдайда құтыдан сұйықтықты бір шприцке алуға болады. 6. Шприц инесін сұр резеңке тығынының ортасына салыңыз және құтыға инъекцияға арналған ұсынылатын су мөлшерін немесе Меропенем Вега құтысына енгізіңіз. 7. Инені құтыдан алыңыз және құтыны барлық ұнтақ ерігенше 5 секунд бойы жақсылап шайқаңыз. Сұр резеңке тығынды спиртте жаңа суланған сүрткімен сүртіңіз және резеңке тығынды кептіріңіз. 8. Шприцтің толық түсірілген поршень жағдайында инені тағы да құтыға сұр резеңке тығыны арқылы енгізіңіз. Содан кейін шприц пен құтыны ұстап тұрып, құтыны төңкеріңіз. 9. Иненің ұшын сұйықтыққа ұстап тұрып, шприцтің поршенін құтының барлық сұйықтығы шприцке түсетіндей етіп кейін қарай тартыңыз. 10. Ине мен шприцті құтыдан алып, бос құтыны қауіпсіз жерге тастаңыз. 11. Инені жоғары қаратып шприцті тік ұстаңыз. Барлық сұйықтық көпіршіктері шприцтің жоғарғы бөлігіне көтерілу үшін шприцті шертіңіз. 12. Барлық ауа шықпағанша, поршеньге сәл басып тұру арқылы шприцтен барлық ауаны шығарыңыз. 13. Егер сіз үйде Меропенем Вега пайдалансаңыз, барлық инелер мен инфузиялық жүйелерді тиісті түрде утилизациялаңыз. Егер дәрігер емдеуді тоқтатуды шешсе, пайдаланылмаған Меропенем Вега препаратын тиісті түрде утилизациялаңыз. Инъекция жүргізу Бұл препаратты қысқа канюля немесе венфлон арқылы, сондай-ақ порт немесе орталық катетер арқылы енгізуге болады. Қысқа канюля немесе венфлон арқылы Меропенем Вега енгізу 1. Инені шприцтен алып тастаңыз және инені өткір қалдықтарға арналған ыдысқа мұқият тастаңыз. 2. Қысқа канюляның немесе венфлонның ұшын спиртке суланған сүрткімен сүртіңіз және оны құрғатыңыз. Канюля қақпағын ашып, шприцті салыңыз. 3. 5 минут бойы тұрақты жылдамдықпен антибиотик енгізе отырып, шприцтің поршенін баяу басыңыз. 4. Антибиотик енгізгеннен кейін және шприц босаған соң, шприцті алып тастаңыз және емдеуші дәрігер немесе мейіргер ұсынғандай жууды пайдаланыңыз. 5. Канюляның қақпағын жабыңыз және шприцті сақтықпен өткір қалдықтарға арналған шелек ішіне тастаңыз. Порт немесе орталық катетер арқылы Меропенем Вега енгізу 1. Порттағы немесе катетердегі қақпақты алып тастаңыз, спиртте суланған сүрткімен катетердің ұшын сүртіңіз және құрғатыңыз. 2. Шприцті салыңыз және шприцтің поршеніне баяу басыңыз, 5 минут бойы тұрақты жылдамдықпен антибиотик енгізеді. 3. Антибиотиктерді енгізгеннен кейін шприцті алып, емдеуші дәрігер немесе мейіргер ұсынғандай жууды пайдаланыңыз. 4. Орталық катетерді жаңа таза қақпақпен жабыңыз және шприцті абайлап өткір қалдықтарға арналған шелек ішіне тастаңыз. Дәрілік препараттың бір немесе бірнеше дозасын өткізіп алғанда қажетті шаралар • Егер сіз бір инъекцияны өткізіп алсаңыз, препаратты мүмкіндігінше тезірек енгізу керек. Алайда, егер келесі дозаны енгізу уақыты келіп қалса, өткізіп алған дозаны енгізбеңіз. • Өткізілген дозаның орнын толтыру үшін қосарлы дозаны (бірден екі инъекция) енгізуге болмайды. Тоқтату симптомдары қаупінің бар екендігі туралы нұсқау Бұл туралы Сізге дәрігер айтқанға дейін Меропенем Вега қолдануды тоқтатпаңыз. Дәрілік препаратты қолдану тәсілін айқындау үшін медицина қызметкеріне кеңес алу үшін ұсынымдар • Осы дәрілік препаратты қолдану туралы қосымша сұрақтар болған жағдайда дәрігермен, фармацевтпен немесе мейіргермен кеңесіңіз.

• меропенемге немесе осы дәрілік препараттың қандай да бір басқа компонентіне аллергияның (аса жоғары сезімталдық) болуы; • пенициллиндер, цефалоспориндер немесе карбапенемдер сияқты басқа антибиотиктерге аллергияның болуы (аса жоғары сезімталдық), өйткені бұл жағдайда меропенемге де аллергия болуы мүмкін; • жүктілік және лактация кезеңі; • 3 айға дейінгі балалық жас.

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-ден < 1/100-ге дейін), сирек (≥ 1/10000-ден < 1/1000-ге дейін), өте сирек (< 1/10000),белгісіз (бар деректердің негізінде анықтау мүмкін емес). Жиі • іштің ауыруы (асқазан) • жүрек айнуы, құсу • диарея • бас ауыруы • тері бөртпесі, тері қышынуы • ауыру және қабыну • қандағы тромбоциттер санының жоғарылауы • қан сарысуындағы аланинаминотрансфераза, аспартатаминотрансфераза, сілтілі фосфатаза, лактат-дегидрогеназа концентрациясының жоғарылауы Жиі емес • тромбоциттер санының азаюы, лейкоциттер санының артуы, басқа лейкоциттер санының төмендеуі, агранулоцитоз, гемолиздік анемия, билирубин деңгейінің жоғарылауы • қан сарысуындағы креатининнің жоғары деңгейі • қан сарысуындағы мочевина деңгейінің жоғарылауы • шаншу (шымырлау) сезімі • ауыз қуысының инфекциялары немесе зеңнен (кандидоз) туындаған қынап инфекциялары • диарея қатар жүретін ішектің қабынуы • Меропенем Вега енгізілген жердегі венадағы ауырсыну • қандағы басқа өзгерістер. Симптомдары жиі инфекциялар, температураның жоғарылауы және тамақтың ауыруы болуы мүмкін. Мезгіл-мезгіл дәрігер қан талдауын тағайындай алады. • анафилаксия, ангионевроздық ісіну • уытты эпидермальді некролиз, Стивенс-Джонсон синдромы, мультиформалы эритема, есекжем Сирек • ұстамалар (құрысулар) • жедел бағдар жоғалту және сананың шатасуы (делирий) Белгісіз – эозинофилиямен және жүйелі симптомдармен дәрілік реакция, жедел жайылған экзантематозды пустулез • рабдомиолиз • Қандағы калий деңгейінің төмендеуі (бұл әлсіздікті, бұлшықет түйілуін, шаншуды және жүрек ырғағы бұзылуын тудыруы мүмкін). • Бауыр проблемалары. Терінің және көздің сарғаюы, терінің қышуы, несептің түсі күңгірттенуі немесе ашық түсті нәжіс болуы. Егер сіз осы белгілерді немесе симптомдарды байқасаңыз, дереу дәрігерге хабарласыңыз Бала жастағы пациенттер Меропенем Вега препаратын 3 айдан асқан балаларға қолдануға рұқсат етілген. Балалардағы қандай да бір жағымсыз реакциялар қаупінің жоғарылығы жеткілікті зерттелмеген. Алынған хабарламалардың барлығы ересектерде анықталған құбылыстар туралы мәліметтерге сәйкес келді. Осы типтегі басқа дәрілік препараттарды қолдану кезінде байқалған кеуде қуысының кенеттен ауыруы, әлеуетті ауыр аллергиялық реакция - Коунис синдромының белгісі болуы мүмкін. Егер бұл симптом туындаған болса, дереу дәрігерге немесе мейіргерге хабарласыңыз. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей электрондық пошта: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер сіз кездейсоқ тағайындалғаннан гөрі көбірек Меропенем Вега алған болсаңыз, дереу дәрігерге немесе жақын жердегі клиникаға жүгініңіз.

• Меропенем Вега препаратын қабылдау алдында мына жағдайлар: • денсаулықта кінәраттар болса, мысалы, бауыр немесе бүйрек аурулары; • басқа антибиотиктерді қабылдаудан кейін ауыр диарея дамуы; • құрысу ұстамаларының дамуы болса өзініздің емдеуші дәрігеріңізден, фармацевтен немесе мейіргерден кеңес алу қажет. Эритроциттерді бұзатын антиденелердің болуын көрсететін талдаудың оң нәтижесі болуы мүмкін (Кумбс реакциясы). Бұл мәселені дәрігермен талқылау қажет. Ауыр тері реакцияларының белгілері мен симптомдары дамуы мүмкін. Мұндай реакциялар туындаған кезде тиісті ем тағайындау үшін дереу дәрігерге немесе мейіргерге жүгіну қажет. Егер Сіз түсіндіруге келмейтін бұлшықет ауыруын, ауырсынуды немесе әлсіздікті және/немесе күңгірт түсті несепті байқасаңыз, бұл туралы дереу дәрігеріңізге хабарлаңыз. Бұл бүйрек тарапынан қиындықтарға әкелуі мүмкін бұлшықеттің ыдырауының белгілері (рабдомиолиз деп аталатын) болуы мүмкін. Егер жоғарыда келтірілген ақпаратқа қатысты күмән болса, Меропенем Вега қолданар алдында емдеуші дәрігерге немесе мейіргерге жүгіну қажет. • Бауыр проблемалары • Егер сіз терінің және көздің сарғаюын, терінің қышуын, несептің күңгірт түсін немесе нәжістің ашық түсін байқасаңыз, бұл туралы өз дәрігеріңізге хабарлаңыз. Бұл сіздің дәрігеріңіз тексеруі керек бауыр проблемаларының белгісі болуы мүмкін. Арнайы сақтандырулар Педиатрияда қолдану Дәрілік өзара әрекеттесулерді зерттеу тек ересек пациенттерде ғана жүргізілді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері • Препараттың автокөлік құралдарын басқару және механизмдермен жұмыс істеу қабілетіне әсері бойынша зерттеулер жүргізілген жоқ. • Меропенем Вега қабылдауы бас ауыруы және терінің шымылдауы немесе шаншуымен (парестезия) қоса жүруі мүмкін. Осы жағымсыз әсерлердің кез келгені автомобильді және басқа да механизмдерді басқару қабілетіне әсер етуі мүмкін. • Меропенем Вега бұлшықеттердің еріксіз тартылуын тудыруы мүмкін, бұл дененің тез және бақыланбайтын діріліне (құрысуға) әкелуі мүмкін. Бұл ретте, әдетте естен тану болуы мүмкін. Мұндай жағымсыз әсердің пайда болуы кезінде автокөлік құралын басқаруға немесе механизмдермен жұмыс істеуге болмайды. Меропенем Вега құрамында натрий бар Бұл препарат құрамында 90 мг натрий бар (тамаққа пайдаланылатын тұздың негізгі компоненті). Бұл ересектерге арналған тағаммен натрий тұтынудың ұсынылған ең жоғары тәуліктік мөлшерінің 4,5% құрайды. Егер қандай да бір ауруға байланысты сізге тұтынылатын натрий мөлшерін бақылау ұсынылса, бұл туралы емдеуші дәрігерге, фармацевтке немесе мейіргерге хабарлаңыз.

Егер Сіз жүкті болсаңыз немесе баланы емізсеңіз, жүктіліктің болуын болжасаңыз немесе жүктілікті жоспарласаңыз, осы препаратты қабылдау алдында дәрігермен немесе фармацевтпен кеңесіңіз. Жүктілік Жүктілік кезінде меропенемді қолданудан аулақ болу керек. Меропенем Вега қолдану туралы шешімді Сіздің дәрігеріңіз қабылдауы тиіс. Бала емізу • Меропенемді қабылдар алдында бала емізіп жүрсеңіз немесе болашақта емізетін болсаңыз, емдеуші дәрігерге хабарлау қажет. Бұл препараттың аз мөлшері емшек сүтіне енуі мүмкін. Сондықтан Меропенем Вега препаратын емшекпен емізу кезінде қолдану туралы шешімді дәрігер қабылдауы тиіс.

Пробенецидтен басқа нақты дәрілік заттармен өзара әрекеттесуіне зерттеулер жүргізілмеген. Пробенецид Меропенем Вега препаратының бүйрек арқылы экскрециясын тежей және жартылай шығарылу кезеңі мен плазмадағы концентрациясын арттыра отырып, белсенді өзекшелік сөлініс үшін меропенеммен бәсекелеседі. Меропенемді және пробенецидті бір мезгілде енгізу сақтықты талап етеді. Басқа препараттардың ақуыздармен байланысуына Меропенем Вега препаратының ықтимал әсері немесе метаболизмі зерттелген жоқ. Меропенем Вега препаратының ақуыздармен байланысуы өте елеусіз болғандықтан, плазма ақуыздарынан ығыстыруға негізделген басқа препараттармен өзара әрекеттесуі болмауы тиіс. Вальпрой қышқылын/натрий вальпроатын/вальпромидті карбапенемдермен бір мезгілде қолдануға болмайды. Пероральді антикоагулянттар Антибиотиктер мен варфаринді бір мезгілде қолданғанда соңғысының антикоагулянттық белсенділігі күшейтіледі. Пероральді антикоагулянттардың, соның ішінде варфариннің, антибиотиктерді бір мезгілде алған пациенттерде ұюға қарсы әсерінің күшейгені туралы көп рет хабарланды. Қаупі инфекция түріне, жасына және пациенттің жалпы жағдайына байланысты болуы мүмкін, сондықтан антибиотиктің халықаралық қалыптасқан қатынастың жоғарылауына әсерін бағалау (ХҚҚ) қиын. Антибиотиктер мен пероральді антикоагулянтты бір мезгілде қолданған кезде, сондай-ақ осындай бірлескен қолдануды тоқтатқаннан кейін біраз уақыт ХҚҚ жиі бақылау ұсынылады.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 30 °С-ден аспайтын температурада сақтау керек. Болюсты енгізу үшін 50 мг/мл концентрацияға дейін инъекцияға арналған суда дайындалған ерітінді 25 оС-ден аспайтын температурада 3 сағат бойы немесе 2 оС-ден 8 оС-ге дейінгі температурада 12 сағат бойы тұрақты. Инфузия түрінде енгізу үшін 1-ден 20 мг/мл-ге дейінгі концентрацияға дейін натрий хлоридінің 0,9 % ерітіндісінде дайындалған ерітінді 25 оС-ден аспайтын температурада 3 сағат бойы немесе 2 оС-ден 8 оС-ге дейінгі температурада 24 сағат бойы тұрақты. Инфузия түрінде енгізу үшін 1-ден 20 мг/мл-ге дейінгі концентрацияға дейін декстрозаның (глюкоза) 5% ерітіндісінде дайындалған ерітінді дайындалғаннан кейін дереу пайдаланылуы тиіс. Барлық дайындалған ерітінділерді мұздатып қатыруға болмайды! Балалардың қолы жетпейтін жерде сақтау керек!