Меропенем порошок 500 мг

Бір құтының ішінде: белсенді зат – меропенем (меропенем және натрий карбонаты түрінде), 500 мг немесе 1000 мг. Сыртқы түрінің, иісінің, дәмінің сипаттамасы Ақтан сарғыш түске дейінгі ұнтақ.

Меропенем ересектер мен 3 айлық жастан бастап балаларда меропенемге сезімтал бір немесе бірнеше қоздырғыштар туындатқан мынадай инфекциялық-қабыну ауруларында қолдануға арналған («Қолдану кезіндегі қажетті сақтық шаралары» бөлімін қараңыз) • ауыр пневмония, оның ішінде нозокомиалды және желдеткішке байланысты пневмония; • муковисцидоз кезіндегі бронх-өкпе инфекциялары; • несеп шығару жолдарының асқынған инфекциялары; • құрсақ қуысының асқынған инфекциялары; • босану және босанғаннан кейінгі инфекциялар; • тері мен жұмсақ тіндердің асқынған инфекциялары; • жедел бактериялық менингит. Меропенем нейтропениясы бар пациенттерде бактериялық инфекциядан туындаған қызбаны емдеу үшін қолданылуы мүмкін. Меропенем жоғарыда аталған аурулардың кез келгенінен туындаған бактериемияны емдеу үшін және осындай байланыстың болуына күдік болған кезде қолданылуы мүмкін. Бактерияға қарсы препараттарды қолдану жөніндегі ресми ұсынымдарды назарға алу керек.

Әсер ету механизмі Меропенем бактерицидтік әсерге ие, пенициллинді байланыстыратын ақуыздармен байланысу арқылы грамоң және грамтеріс бактериялардың жасуша жақтауы синтезін тежейді. Фармакокинетикалық/фармакодинамикалық тәуелділік Басқа бета-лактамды антибиотиктер сияқты, меропенемнің тиімділігі препараттың ең төменгі тежегіштік концентрациясынан (ЕТТК) (Т >ЕТТК) асатын уақытпен тығыз байланысты болды. Клиникаға дейінгі зерттеулерде меропенем қан плазмасындағы концентрация препаратты енгізу арасындағы уақыттың шамамен 40% - ы ішінде инфекция туғызатын микроорганизмдер үшін ЕТТК асып кеткен жағдайда белсенділігін көрсетті. Бұл нысаналы мән клиникалық зерттеулерде расталған жоқ. Резистенттілік механизмі Меропенемге бактериялық резистенттілік төмендегілердің нәтижесінде туындауы мүмкін: • грамтеріс бактериялардың сыртқы жарғақшасы өткізгіштігінің төмендеуі (пориндер өнімділігінің төмендеуіне байланысты); • нысаналы ПБА тектестігінің төмендеулері; • эффлюкстік сорғы компоненттері экспрессиясының жоғарылауы; • карбапенемдерді гидролиздеуі мүмкін бета-лактамазалар өндірілуі. Еуропалық Одақ елдерінде карбапенемдерге төзімді бактериялардан туындаған инфекциялық аурулардың жағдайлары тіркелген. Меропенем мен нысаналы микроорганизмдерді ескере отырып, хинолондар, аминогликозидтер, макролидтер және тетрациклиндер класына жататын дәрілік заттар арасындағы айқаспалы резистенттілік болмаған. Алайда, бактериялар, егер оның механизмі жасуша жарғақшасының және/немесе эффлюкс сорғысының өткізгіштігін қамтыса, бактерияға қарсы дәрілердің бір класынан артық резистенттілікті көрсетуі мүмкін. ЕТТК шекті мәндері Микробқа қарсы сезімталдықты тестілеу жөніндегі Еуропалық комитет (EUCAST) белгілеген ТТК тестілеу үшін клиникалық шекті мәндер төмендегі кестеде келтірілген: Меропенем үшін EUCAST белгілеген Мик клиникалық шекті мәндері (01.01.2025 жылғы 15.0 нұсқасы): Микроорганизм — Сезімтал (S), (мг/л) — Резистентті (R), (мг/л) Менингит — Басқа көрсеткіштер — Менингит — Басқа көрсеткіштер Enterobacteriaceae1 — ≤2 — >2 — >8 Pseudomonas, P. aeruginosa — ≤2 — >2 — >8 Pseudomonas, кроме P. aeruginosa — - — ≤2 — - — >8 Acinetobacter — ≤2 — >2 — >8 А, В, C, G топтарының Streptococcus — 2-ескертпені қараңыз — 2-ескертпені қараңыз Streptococcus pneumoniae3,4 — ≤0,25 — ≤2 — >0,25 — >2 Viridans тобының стрептококктары — ≤2 — >2 Staphylococcus — 5-ескертпені қараңыз — 5-ескертпені қараңыз Haemophilus influenzae — ≤0,25 — ≤2 — >0,25 — >2 Moraxella catarrhalis6 — ≤2 — >2 Neisseria meningitidis6,7 — ≤0,25 — >0,25 Clostridium difficile8-ден басқа грамоң анаэробтар — ≤2 — >8 Clostridium perfringens — - — ≤0,125 — - — >0,125 Cutibacterium acnes — - — ≤0,125 — - — >0,125 Виды Bacillus (B. anthracis-ден басқа) — ≤0,25 — >0,25 1. Карбапенемаза түзетін кейбір изоляттар ағымдағы бақылау нүктелеріне сәйкес сезімтал деп жіктеледі және тексерілген ретінде тіркелу керек, яғни карбапенемазаның болуы немесе болмауы сезімталдықтың жіктелуіне әсер етпейді. Карбапенемазаны анықтау және сипаттау қоғамдық денсаулық сақтау және инфекциялық бақылау мақсатында ұсынылады. Карбапенемаза скринингі үшін меропенем >0,125 мг/л скрининг шегі ұсынылады (аймақ диаметрі <28 мм). 2. А, В, С және G топтарындағы стрептококктардың карбапенемдерге сезімталдығы бензилпенициллинге сезімталдықты анықтау нәтижелері негізінде бағаланады. 3. Бета-лактамға резистенттілік механизмдерін болдырмау үшін 1 мкг оксациллинмен диск-диффузиялық тесті немесе бензилпенициллин ТТК тестін қолдану керек. Егер скрининг теріс болса (оксациллин аймағының диаметрі ≥20 мм немесе мик бензилпенициллин ТТК ≤0,06 мг/л), клиникалық бақылау нүктелері бар барлық бета-лактамды дәрілік заттар цефаклорды қоспағанда, одан әрі тексерусіз сезімтал деп жариялануы мүмкін, егер хабарланса, «сезімтал, әсер етудің жоғарылауы» деп хабарлануы керек (I) Егер скрининг оң болса (аймақтың диаметрі <20 мм немесе МИК бензилпенициллин ТТК >0,06 мг/л), төмендегі диаграмманы EUCAST веб-сайтындағы кестеден қараңыз. 4. Меропенем ‒ менингитке қолданылатын жалғыз карбапенем. 5. Стафилококктардың карбапенемдерге сезімталдығы цефокситинге сезімталдықты анықтау нәтижелері негізінде бағаланады. 6. Сезімтал емес изоляттар сирек кездеседі немесе әлі табылмаған. Мұндай изоляттарды анықтаудың барлық жағдайларында сәйкестендіру мен сезімталдықты анықтауды қайталау және изолятты референттік зертханаға жіберу керек.

Сұйылтқаннан кейін алынған ерітінді түссізден ашық сары немесе ашық жасыл-сары түске дейінгі мөлдір сұйықтық болып табылады. Дозалау режимі Препаратты дозалау режимі бойынша жалпы ұсынымдар төмендегі кестелерде келтірілген. Емнің дозасы мен ұзақтығын инфекцияның түрі мен ауырлығына, сондай-ақ емдеуге клиникалық жауабына байланысты жекелей белгілеу керек. Кейбір инфекцияларды емдеу кезінде, атап айтқанда, сезімталдығы аздау қоздырғыштардан туындаған (мысалы, Enterobacteriaceae, Pseudomonas aeruginosa, Acinetobacter spp.), немесе өте ауыр инфекцияларда ересектер мен жасөспірімдерге ұсынылатын доза күніне үш рет 2 г дейін, балалар үшін – күніне үш рет 40 мг/кг дейін. Ересектер мен жасөспірімдер Көрсетілімдер — Әрбір 8 сағат сайын енгізуге арналған доза Ауыр пневмония, оның ішінде нозокомиалды және желдеткішке байланысты пневмония — 500 мг немесе 1 г Муковисцидоз кезіндегі бронх-өкпе инфекциялары — 2 г Несеп шығару жолдарының асқынған инфекциялары — 500 мг немесе 1 г Құрсақ қуысының асқынған инфекциялары — 500 мг немесе 1 г Босану және босанғаннан кейінгі инфекциялар — 500 мг немесе 1 г Тері мен жұмсақ тіндердің асқынған инфекциялары — 500 мг немесе 1 г Жедел бактериялық менингит — 2 г Фебрильді нейтропения — 1 г Пациенттердің ерекше топтары Балалар Жасы 3 айға дейінгі балалар 3 айдан кіші балаларда меропенемді қолданудың тиімділігі мен қауіпсіздігі, сондай-ақ дозалаудың оңтайлы режимі белгіленбеген. Алайда фармакокинетика бойынша қолда бар шектеулі деректер әрбір 8 сағат сайын 20 мг/кг енгізу оңтайлы болып табылады деп болжауға мүмкіндік береді. Дене салмағы 50 кг-дан кем 3 айдан 11 жасқа дейінгі балалар Көрсетілімдер — Әрбір 8 сағат сайын енгізуге арналған доза Ауыр пневмония, оның ішінде нозокомиалды және желдеткішке байланысты пневмония — 10-20 мг/кг Муковисцидоз кезіндегі бронх-өкпе инфекциялары — 40 мг/кг Несеп шығару жолдарының асқынған инфекциялары — 10-20 мг/кг Құрсақ қуысының асқынған инфекциялары — 10-20 мг/кг Тері мен жұмсақ тіндердің асқынған инфекциялары — 10-20 мг/кг Жедел бактериялық менингит — 40 мг/кг Фебрильді нейтропения — 20 мг/кг Дене салмағы 50 кг-нан асатын балалар Дене салмағы 50 кг-нан асатын балалар үшін ересектерге ұсынылатын препаратты дозалау режимін қолдану керек. Бүйрек функциясы бұзылған балаларда препаратты қолдану тәжірибесі жоқ. Бүйрек жеткіліксіздігі бар пациенттер Креатинин клиренсі 51 мл/мин кем ересектер мен жасөспірімдер үшін препараттың дозасын төмендегі ұсыныстарға сәйкес азайту керек. 2 г стандартты доза үшін көрсетілген ұсынымдарды қолдану пайдасына айғақтайтын шектеулі деректер бар. Креатинин клиренсі (мл/мин) — Доза (жоғарыда келтірілген стандартты дозалау режимі негізінде) — Енгізу жиілігі 26-50 — стандартты доза — әр 12 сағат сайын 10-25 — 0,5 стандартты доза — әр 12 сағат сайын <10 — 0,5 стандартты доза — әр 24 сағат сайын Меропенем гемодиализ және гемофильтрация кезінде шығарылады. Препаратты гемодиализ емшарасы аяқталғаннан кейін енгізу керек. Қазіргі уақытта перитонеальді диализдегі пациенттерде препаратты дозалау режимі бойынша ұсынымдар жоқ. Бауыр жеткіліксіздігі бар пациенттер Дозаны түзету қажет емес («Қолдану кезінде қажетті сақтық шаралары» бөлімін қараңыз). Егде жастағы пациенттер (≥65 жас) Бүйрек функциясы қалыпты немесе креатинин клиренсі 50 мл/минуттан артық, егде жастағы пациенттерде дозасын түзету қажет емес. Енгізу әдісі мен жолы Меропенем әдетте вена ішіне инфузия арқылы 1530 минут бойы енгізіледі («Үйлесімсіздік» және «Инъекция мен инфузияға арналған ерітінділерді дайындау және қолдану ережелері» бөлімдерін қараңыз). Ересектер мен жасөспірімдер 1 г дейінгі дозалар шамамен 5 минут ішінде вена ішіне болюсті инъекция түрінде енгізілуі мүмкін. Вена ішіне болюстік инъекция түрінде 2 г стандартты дозаны енгізу туралы қауіпсіздік бойынша шектеулі деректер бар. Балалар Меропенемді 20 мг/кг дейінгі дозада 5 минут ішінде вена ішіне болюсті енгізуге жол беріледі. Препаратты 40 мг/кг дейінгі дозада балаларға вена ішіне болюсті енгізу мүмкіндігі туралы шектеулі деректер бар. Инъекциялар мен инфузияларға арналған ерітінділерді дайындау және қолдану ережелері Инфузияға арналған ерітінді Инфузияға арналған ерітінді дайындау үшін препаратты 0,9% натрий хлориді ерітіндісімен немесе 5% глюкоза ерітіндісімен 1-20 мг/мл концентрациясына дейін сұйылту керек. Алынған ерітінді түссізден ашық сарыға немесе ашық жасыл-сарыға дейінгі мөлдір сұйықтық болып табылады. Инъекцияға арналған ерітінді Болюсті инъекцияға арналған ерітінді дайындау үшін препаратты инъекцияға арналған сумен 50 мг/мл концентрациясына дейін сұйылту керек. Алынған ерітінді түссізден ашық сарыға немесе ашық жасыл-сарыға дейінгі мөлдір сұйықтық болып табылады. Қолданар алдында ерітіндіні сілку керек. Инфузиялық ерітіндіні дереу қолданған жөн. Микробиологиялық тұрғыдан алғанда, егер қаптаманы ашу, қалпына келтіру және сұйылту асептикалық жағдайда жүргізілмесе, препарат ерітіндісін дереу қолдану керек. Егер препараттың дайындалған ерітіндісі дереу пайдаланылмаса, онда оны сақтау мерзімі мен шарттары пайдаланушының жауапкершілігі болып табылады. Дайын ерітіндіні мұздатып қатыруға болмайды! Әрбір құты бір рет қолдануға арналған.

• әсер етуші затқа аса жоғары сезімталдық; • карбапенемдер тобының басқа препараттарына аса жоғары сезімталдық; • анамнезде басқа бета-лактамды антибиотиктерге (мысалы, пенициллиндер, цефалоспориндер) аса жоғары сезімталдықтың ауыр реакциялары (мысалы, анафилаксиялық реакциялар, терінің ауыр реакциялары).

Жиі (10 адамның көп дегенде 1-де туындауы мүмкін) • тромбоцитоз • бас ауыруы • диарея, құсу, жүрек айну, іштің ауыруы • трансаминазалар белсенділігінің жоғарылауы, сілтілі фосфатаза белсенділігінің жоғарылауы, лактатдегидрогеназа белсенділігінің жоғарылауы • бөртпе, қышыну • қабыну, енгізу орнындағы ауыру Жиі емес (100 адамның көп дегенде 1-де туындауы мүмкін) – оральді және қынаптық кандидоз – эозинофилия, тромбоцитопения, лейкопения, нейтропения, агранулоцитоз, гемолиздік анемия – ангионевроздық ісіну, анафилаксия («Қолдануға болмайтын жағдайлар» және «Қолдану кезінде қажетті сақтық шаралары» бөлімдерін қараңыз) – парестезия • антибиотиктерді қабылдаумен байланысты колит («Қолдану кезінде қажетті сақтық шаралары» бөлімін қараңыз) – бауырдың дәрілік индукцияланған зақымдануы (БДИЗ), гипербилирубинемия – есекжем, уытты эпидермалық некролиз, Стивенс-Джонсон синдромы, мультиформалы эритема («Қолдану кезінде қажетті сақтық шаралары» бөлімін қараңыз) – қандағы креатинин деңгейінің жоғарылауы, қандағы мочевина деңгейінің жоғарылауы – тромбофлебит, инъекция орнының ауыруы – қандағы калий деңгейінің төмендеуі (әлсіздікке, бұлшықет түйілуіне, шаншу және жүрек ырғағының бұзылуына әкелуі мүмкін) – бауыр проблемалары. Тері мен көздің сарғаюы, терінің қышуы, несеп түсінің қараюы немесе нәжіс түсінің ақшылдануы. Егер осы белгілерді немесе симптомдарды байқасаңыз, дереу дәрігерге хабарласыңыз. Сирек (1000 адамның көп дегенде 1-де туындауы мүмкін) - құрысулар («Қолдану кезінде қажетті сақтық шаралары» бөлімін қараңыз) - сандырақтау Жиілігі белгісіз (қолда бар деректер негізінде бағалау мүмкін емес) – эозинофилиямен және жүйелі симптомдармен (DRESS-синдром) дәрілік реакция, жедел жайылған экзантематозды пустулез («Қолдану кезінде қажетті сақтық шаралары» бөлімін қараңыз) – рабдомиолиз («Қолдану кезінде қажетті сақтық шаралары» бөлімін қараңыз) Жекелеген жағымсыз реакциялардың сипаттамасы Коунис синдромы Аллергиялық реакциямен байланысты жедел коронарлық синдром (Коунис синдромы) басқа бета-лактамды антибиотиктермен бірге қолданғанда тіркелген («Қолдану кезінде қажетті сақтық шаралары» бөлімін қараңыз). Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек. Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК www.ndda.kz

Бүйрек функциясы бұзылған пациенттерде, егер доза тиісті түрде түзетілмесе, препараттың салыстырмалы түрде артық дозалануы мүмкін («Дозалау режимі» бөлімін қараңыз). Тіркеуден кейінгі кезеңде алынған шектеулі деректерге сәйкес артық дозалану кезінде туындайтын жағымсыз реакциялар «Жағымсыз реакциялар» бөлімде сипатталған жағымсыз реакциялар бейініне сәйкес келеді, әдетте жеңіл өтеді және препаратты тоқтатқаннан немесе дозаны төмендеткеннен кейін жоғалады. Қажет болған жағдайда симптоматикалық ем жүргізіледі. Бүйрек функциясы қалыпты пациенттерде препарат бүйрек арқылы тез шығарылады. Гемодиализ меропенем мен оның метаболитін тиімді түрде жояды.

Белгілі бір пациентті емдеу кезінде меропенемді таңдағанда бірқатар факторларға (инфекцияның ауырлығы, басқа қолайлы антибиотиктерге резистенттіліктің таралуы, карбапенемге резистентті бактериялар тудыратын инфекцияларға қарсы препаратты тағайындау қаупі) сүйене отырып, карбапенемдер қолданудың орындылығын ескеру қажет. Энтеробактериялар, Pseudomonas aeruginosa, ацинетобактерлердің резистенттілігі әртүрлі елдерде өзгеше болады. Препаратты тағайындау кезінде осы бактериялардың тиісті аймақтағы карбапенемдерге резистенттілігі таралуын ескеру ұсынылады. Аса жоғары сезімталдық реакциялары Басқа бета-лактамды антибиотиктерді қолданғандағыдай аса жоғары сезімталдықтың күрделі (оның ішінде өліммен аяқталған) реакциялары тіркелді. Анамнезінде карбапенемдерге, пенициллиндерге немесе басқа бета-лактамды антибиотиктерге аса жоғары сезімталдығы бар пациенттер меропенемге де сезімтал болуы мүмкін. Меропенем емін бастамас бұрын пациенттің анамнезінде бета-лактамды антибиотиктерге бұрын байқалған аса жоғары сезімталдық реакцияларына қатысты мұқият бағалау керек. Ауыр аллергиялық реакция пайда болған жағдайда препаратты тоқтатып, тиісті шаралар қабылдау керек. Меропенем препаратымен ем қабылдайтын пациенттерде Стивенс-Джонсон синдромы, уытты эпидермалық некролиз, эозинофилиямен және жүйелік симптомдармен (DRESS) дәрілік реакция, мультиформалы эритема, жедел жайылған экзантематозды пустулез сияқты терінің ауыр жағымсыз реакциялары (SCAR) байқалды. Көрсетілген реакциялардың дамуын айғақтайтын белгілер мен симптомдар пайда болған жағдайда, меропенеммен емдеуді дереу тоқтатып, баламалы емдеуді қарастыру керек. Басқа бета-лактамды антибиотиктерді қолдану кезінде Коунис синдромына (миокард инфарктісіне әкелуі мүмкін коронарлық артериялардың жедел аллергиялық түйілуі, «ДП стандартты қолдану кезінде пайда болатын жағымсыз реакциялардың сипаттамасы және осындай жағдайда қабылдануы керек шаралар» бөлімін қараңыз) дейін үдеген аса жоғары сезімталдық реакциялары туралы хабарланды. Рабдомиолиз Меропенемді қолдану кезінде рабдомиолиз жағдайлары тіркелді. Рабдомиолиз белгілері немесе симптомдары пайда болған жағдайда емді тоқтатып тиісті емдеуді бастау керек («ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы керек шаралар» бөлімін қараңыз). Антибиотиктерді қолданумен байланысты колит Антибиотиктерді қолданумен байланысты колит және жалған жарғақшалы колит барлық дерлік бактерияға қарсы препараттарды (оның ішінде меропенемді) қолданғанда тіркелген және ауырлық дәрежесі бойынша жеңілден өмірге қауіп төндіретінге дейін құбылуы мүмкін. Осылайша, меропенем қабылдау кезінде немесе одан кейін диарея дамитын пациенттерде осы мүмкін болатын диагнозды ескеру керек («ДП стандартты қолдану кезінде пайда болатын жағымсыз реакциялардың сипаттамасы және осындай жағдайда қабылдануы керек шаралар» бөлімін қараңыз). Меропенемді тоқтату мүмкіндігін және Clostridium difficile-ге тән ем тағайындауды қарастырған жөн. Бұл жағдайда пациент перистальтиканы басатын препараттарды қабылдамауы керек. Құрысу ұстамалары Карбапенеммен (оның ішінде меропенеммен) емдеу кезінде құрысу ұстамалары туралы сирек хабарланды («ДП стандартты қолдану кезінде пайда болатын жағымсыз реакциялардың сипаттамасы және осындай жағдайда қабылдануы керек шаралар» бөлімін қараңыз). Бауыр проблемалары Егер сіз терінің және көздің сарғаюын, терінің қышуын, несептің түсінің қараюын немесе нәжіс түсінің ақшылдануын байқасаңыз, бұл туралы дәрігерге хабарлаңыз. Бұл симптомдар бауыр проблемаларының белгісі болуы мүмкін, оны сіздің емдеуші дәрігеріңіз бақылап отыруы тиіс. Гепатоуыттылық (холестазбен және цитолизбен дисфункция) қаупіне байланысты бауыр функциясын мұқият бақылау қажет. Бауыр ауруларында қолдану: бұрын диагноз қойылған бауыр ауруларынан зардап шегетін пациенттерді меропенеммен емдеу кезінде бауыр функциясын бақылау қажет. Препараттың дозасын түзету қажет емес. Тікелей антиглобулиндік тест кезіндегі сероконверсия (Кумбс сынамасы) Меропенеммен емдеу кезінде тікелей немесе тікелей емес Кумбс сынамасы оң нәтиже көрсетуі мүмкін. Вальпрой қышқылымен/ натрий вальпроатымен/вальпромидпен бір мезгілде қолдану Меропенем мен вальпрой қышқылын/натрий вальпроатын/вальпромидті бір мезгілде қолдану ұсынылмайды. Меропенем құрамында натрий бар. Меропенем 500 мг. Препараттың әрбір құтысында 500 мг-нан 45 мг натрий бар, бұл ДДҰ ұсынған ересектер үшін 2 г натрийдің ең жоғары тәуліктік дозасының 2,25%-на сәйкес келеді. Меропенем 1000 мг. 1000 мг препараттың әрбір құтысында 90 мг натрий бар, бұл ДДҰ ұсынған ересектер үшін 2 г натрийдің ең жоғары тәуліктік дозасының 4,5%-ына сәйкес келеді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Меропенемнің көлік құралдарын басқару және механизмдермен жұмыс істеу қабілетіне әсері туралы зерттеулер жүргізілген жоқ. Дегенмен, меропенемді қолдану кезінде бас ауыруы, парестезия және құрысулар байқалуы мүмкін екенін назарға алған жөн.

Жүктілік кезінде әйелдерде меропенемді қолдану қауіпсіздігі анықталмаған. Жануарларға жүргізілген зерттеу дамып келе жатқан шаранаға қандай да бір жағымсыз әсер етпегенін көрсетті. Сақтық шарасы ретінде препаратты жүктілік кезінде қолданбау ұсынылады. Меропенемнің аз мөлшері емшек сүтімен шығарылады. Ана үшін әлеуетті артықшылық балаға төнетін ықтимал қауіптен асып түсетін жағдайларды қоспағанда, препаратты бала емізу кезеңінде қолдануға болмайды.

Басқа препараттармен (пробенецидті қоспағанда) өзара әрекеттесуіне зерттеулер жүргізілген жоқ. Пробенецид белсенді өзекшелік секреция үшін меропенеммен бәсекелеседі, бүйрек арқылы шығуын тежейді және жартылай шығарылу кезеңі мен плазмадағы меропенем концентрациясының жоғарылауын туындатады. Пробенецид пен меропенемді бір мезгілде тағайындау кезінде сақ болу қажет. Меронемнің метаболизмге және басқа препараттардың қан плазмасы ақуыздарымен байланысуына ықтимал әсері зерттелмеген. Алайда, меропенемнің плазма ақуыздарымен байланысу дәрежесінің төмендігін ескере отырып, қан плазмасы ақуыздарымен байланыстан ығыстыру механизміне негізделген басқа препараттармен өзара әрекеттесудің болмауын болжауға болады. Карбапенемдер мен вальпрой қышқылының препараттарын бір мезгілде қолдану емнің 2 күнінен кейін қан плазмасындағы вальпрой қышқылы концентрациясының 60-100% төмендеуіне әкелді. Вальпрой қышқылы концентрациясының тез және айтарлықтай төмендеуіне байланысты меропенемді вальпрой қышқылымен, натрий вальпроатымен, вальпромидпен бірге қолдану ұсынылмайды («Қолдану кезінде қажетті сақтық шаралары» бөлімін қараңыз). Пероральді антикоагулянттар Тікелей емес антикоагулянттарды (мысалы, варфарин) және бактерияға қарсы препараттарды бірлесіп қолдану кезінде антикоагулянттық әсердің күшею жағдайлары туралы бірнеше рет хабарланды. Антикоагулянттық әсердің күшеюі инфекцияның сипатына, пациенттің жасына және жалпы жағдайына байланысты болуы мүмкін, сондықтан бактерияға қарсы препараттың халықаралық қалыптасқан қатынасының (ХҚҚ) артуына әсерін бағалау қиын. Бактерияға қарсы препарат пен тікелей емес антикоагулянтты бірге қолданған кезде және оны тоқтатқаннан кейін біраз уақыт өткен соң ХҚҚ жиі мониторингілеу ұсынылады Балалар Өзара әрекеттесуді зерттеу тек ересектерге жүргізілді. Үйлесімсіздік Бұл дәрілік препаратты «Инъекция мен инфузияға арналған ерітінділерді дайындау және қолдану ережелері» бөлімінде аталғандарды қоспағанда, басқа дәрілік препараттармен араластыруға болмайды.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек! Түпнұсқалық қаптамада сақтау керек. Қалпына келтірілген ерітіндіні мұздатып қатыруға болмайды!