Мертенил® таблетки 5 мг

Бір таблетканың құрамында белсенді зат: 5,2 мг (5,0 мг розувастатинге баламалы), 10,4 мг (10,0 мг розувастатинге баламалы), 20,8 мг (20,0 мг розувастатинге баламалы), 41,6 мг (40,0 мг розувастатинге баламалы) кальций розувастатині, қосымша заттар: лактоза моногидраты, микрокристалды целлюлоза 12, магний гидроксиді, кросповидон А типі, магний стеараты, үлбірлі қабықтың құрамы: опадрай II ақ 85F18422: поливинил спирті, титанның қостотығы (E171), макрогол 3350, тальк. Сыртқы түрінің, иісінің, дәмінің сипаттамасы Дөңгелек пішінді, екі беті дөңес, бір жағында «С33» өрнегі бар, диаметрі шамамен 5.5 мм, ақ немесе ақ дерлік түсті үлбірлі қабықпен қапталған таблеткалар (5 мг доза үшін). Дөңгелек пішінді, екі беті дөңес, бір жағында «С34» өрнегі бар, диаметрі шамамен 7 мм, ақ немесе ақ дерлік түсті,үлбірлі қабықпен қапталған таблеткалар (10 мг доза үшін). Дөңгелек пішінді, екі беті дөңес, бір жағында «С35» өрнегі бар, диаметрі шамамен 9 мм, ақ немесе ақ дерлік түсті үлбірлі қабықпен қапталған таблеткалар (20 мг доза үшін). Сопақша пішінді, екі беті дөңес, бір жағында «С36» өрнегі бар, ені шамамен 8 мм және ұзындығы шамамен 15.5 мм, ақ немесе ақ дерлік түсті үлбірлі қабықпен қапталған таблеткалар (40 мг доза үшін).

Гиперхолестеринемияны емдеу - Алғашқы гиперхолестеринемиясы (IIa типі, гетерозиготалық отбасылық гиперхолестеринемияны қоса) немесе аралас дислипидемиясы (IIb) бар ересек пациенттер, 6 жастағы және одан үлкен балалар мен жасөспірімдер диета және емдеудің басқа дәрі-дәрмектік емес әдістері (мысалы, дене жаттығулары, дене салмағын азайту) жеткіліксіз болған кезде диетаға қосымша ретінде - Гомозиготалық отбасылық гиперхолестеринемияда ересектерде, жасөспірімдерде және 6 жастағы және одан асқан балаларда диетамен емдеуге және липидтерді төмендететін емнің басқа әдістеріне (мысалы, ТТЛП-аферезі) қосымша ретінде немесе мұндай емнің тиімділігі жеткіліксіз болған жағдайларда. Жүрек-қантамырларының ауыр асқынуларының профилактикасы - алғашқы атеросклероздық жүрек-қантамырлық аурулар қаупі жоғары пациенттерде жүрек-қантамырларының ауыр асқынуларының профилактикасы үшін, басқа да қауіпті факторларды қосымша түзету ретінде.

Әсер ету механизмі Розувастатин 3-гидрокси-3-метилглутарил-кофермент А-ны холестериннің (ХС) ізашары саналатын мевалонатқа өзгертетін ферменттің, ГМГ-КоА редуктазаның іріктелген әрі бәсекелес тежегіші болып табылады. Холестерин концентрациясын төмендету үшін нысана-ағза, розувастатиннің негізгі әсер ету нысаны бауыр болып табылады. Розувастатин бауыр жасушалары беткейіндегі тығыздығы төмен липопротеиндер (ТТЛП) рецепторларының санын көбейтеді, сонысымен ТТЛП қармалуы мен катаболизмін арттырады, және бауырдағы тығыздығы өте төмен липопротеиндер (ТӨТЛП) синтезін тежейді, сол арқылы ТТЛП мен ТӨТЛП бөлшектерінің жиынтық мөлшерін кемітеді. Фармакодинамикалық әсері Розувастатин ТТЛП-ХС, жалпы холестериннің және триглицеридтердің жоғары деңгейін азайтады және тығыздығы жоғары липопротеиндердің холестерині (ТЖЛП-ХС) деңгейін ұлғайтады. Ол, сондай-ақ, аполипопротеин В (АпоВ), ТЖЛП емес-ХС, ТӨТЛП-ХС, ТӨТЛП-триглицеридтердің концентрациясын азайтады және аполипопротеин А-I (АпоА-I) концентрациясын арттырады (3-кестені қараңыз). Розувастатин, сондай-ақ, ТТЛП-ХС/ТЖЛП-ХС, жалпы холестерин/ТЖЛП-ХС, ТЖЛП емес-ХС/ТЖЛП-ХС және АпоВ/АпоА-I арақатынасын төмендетеді. 3-кесте. Алғашқы гиперхолестеринемиясы бар пациенттердегі дозаға тәуелді әсер (IIa және IIb типтері) (бастапқы мәнмен салыстырғанда орташа түзетілген пайыздық өзгеріс). Доза — Пациенттердің саны — ТТЛП-ХС — Жалпы ХС — ТЖЛП-ХС — ТГ — ТЖЛП емес-ХС — АпоВ — АпоА-I Плацебо — 13 — ‒7 — ‒5 — 3 — ‒3 — ‒7 — ‒3 — 0 5 мг — 17 — ‒45 — ‒33 — 13 — ‒35 — ‒44 — ‒38 — 4 10 мг — 17 — ‒52 — ‒36 — 14 — ‒10 — ‒48 — ‒42 — 4 20 мг — 17 — ‒55 — ‒40 — 8 — ‒23 — ‒51 — ‒46 — 5 40 мг — 18 — ‒63 — ‒46 — 10 — ‒28 — ‒60 — ‒54 — 0 Терапиялық әсерге емдеуді бастағаннан кейін 1 аптадан соң қол жеткізіледі, 2 аптадан соң ең жоғары жауабының 90% қол жеткізіледі. Әдетте ең жоғары жауапқа 4 аптадан соң жетеді және ол әрі қарай сақталады. Клиникалық тиімділігі және қауіпсіздігі Розувастатин гипертриглицеридемиямен қатар жүретін және қатар жүрмейтін гиперхолестеринемиясы бар ересек пациенттерді нәсілдік тегіне, жынысына немесе жас ерекшеліктеріне қарамастан емдегенде, сондай-ақ пациенттердің ерекше популяцияларда, диабетпен немесе отбасылық гиперхолестеринемияның түрімен ауыратын пациенттерді емдеуде тиімді. III Фаза зерттеулерінің жиынтық деректерін талдау кезінде Атеросклерозды зерттеу бойынша еуропалық қоғамның (EAS; 1998) мақсаттық мәндеріне сәйкес көрсеткіштерді азайту мақсатында IIa және IIb типті гиперхолестеринемиясы бар (ТТЛП-ХС орташа бастапқы көрсеткіштері шамамен 4,8 ммоль/л) көпшілік пациенттерді емдеуде розувастатин тиімді екені көрсетілді; 10 мг дозада розувастатинмен емді алған пациенттердің 80 %-ында EAS ұсынған ТТЛП-ХС мақсаттық көрсеткіштеріне қол жеткізілді (<3 ммоль/л). Ірі зерттеуде гетерозиготалық отбасылық гиперхолестеринемиясы бар 435 пациент жылдамдатылған титрлеу режимінде розувастатинді 20-дан 80 мг-ға дейінгі дозада қабылдады. Барлық дозалар липидтер концентрациясына және терапиялық мақсаттарға қол жетуге қатысты жағымды әсер берді. 40 мг тәуліктік дозаға дейін титрлеуден (12 апта бойы емделуден) кейін ТТЛП-ХС концентрациялары 53 %-ға дейін төмендеді. Пациенттердің 33 %-нда EAS ұсынған ТТЛП-ХС мақсаттық көрсеткіштеріне қол жеткізілді (<3 ммоль/л). Жылдамдатылған титрлеуді қолданумен ашық зерттеуде гомозиготалық отбасылық гиперхолестеринемиясы бар 42 пациенттің розувастатинді 2040 мг дозада енгізуге жауабы бағаланды. Популяцияда, жалпы, ТТЛП-ХС концентрациясының орташа төмендеуі 22 %-ды құрады. Шектелген пациенттер санының қатысуымен жүргізілген клиникалық зерттеулерде розувастатиннің оны фенофибратпен біріктірілімде қолданған кезде триглицеридтер концентрациясын төмендетуге бағытталған қосымша әсері бар екені және ниацинмен біріктірілімде қолдану кезінде ТЖЛП-ХС концентрациясын ұлғайтатыны көрсетілді (4.4. бөлімін қараңыз). Көпорталықты, салыстырмалы жасырын плацебо-бақыланатын клиникалық зерттеуде (METEOR) жүректің ишемиялық ауруының қаупі төмен (10 жылдан астам мерзім ішінде Фремингем қауіп шкаласы (ФҚШ) бойынша <10 %) және 4,0 ммоль/л (154,5 мг/дл) ТТЛП-ХС орташа көрсеткішімен, бірақ атеросклероздың субклиникалық формасы бар (интима-медиа кешенінің (ИМК) қалыңдығы бойынша анықталады)) 45-тен 70 жасқа дейінгі 984 пациент 2 жыл ішінде тәулігіне 40 мг дозада розувастатинді немесе плацебо алу үшін рандомизацияланған. Розувастатин плацебомен салыстырғанда –0,0145 мм/жыл [95 % сенімді интервал –0,0196, −0,0093; p < 0,0001] күретамырдың 12 жерінде ИМК қалыңдауының жылдамдығын айтарлықтай бәсеңдетті. Бастапқы көрсеткішпен салыстырғанда өзгеріс плацебо тобында +0,0131 мм/жыл (1,12 %/жыл [p < 0,0001]) үдеумен салыстырғанда розувастатин тобында –0,0014 мм/жыл (–0,12 %/жыл [нақты емес]) құрады. ИМК қалыңдығының азаюы мен жүрек-қантамырлық асқынулардың даму қаупінің азаюы арасында тікелей корреляция әлі күнге дейін белгіленбеген. METEOR зерттеуінде зерделенген пациенттер популяциясында жүректің ишемиялық ауруының даму қаупі төмен болды, және осы популяция 40 мг дозадағы розувастатинмен емдеу үшін мақсаттық популяцияға сәйкес келмейді. Анағұрлым жоғары доза (мысалы, 40 мг) тек гиперхолестеринемияның ауыр түрі және жүрек-қантамырлық асқынулардың жоғары қаупі бар пациенттерге ғана тағайындалуы тиіс (4.2. бөлімін қараңыз). Алғашқы профилактика мақсатында Статиндерді қолдануды негіздеу зерттеуінде: розувастатиннің интервенциялық зерттеуі (JUPITER): розувастатиннің 17 802 ер адам (≥50 жас) мен әйелдердің (≥60 жас) қатысуымен ауыр жүрек-қантамырлық асқынулардың жиілігіне ықпалына баға берілді. Қатысушылар плацебо (n = 8901) немесе тәулігіне бір рет 20 мг дозада розувастатин (n = 8901) алу үшін рандомизацияланды; қатысушыларды қадағалау 2 жыл бойы жалғасты. Розувастатин тобында ТТЛП-ХС концентрациялары плацебо тобымен салыстырғанда 45 %-ға (p < 0,001) төмендеді. Жоғары қауіптегі және ФҚШ бойынша бастапқы баллы>20 % пациенттердің қосалқы тобының (1558 пациент) деректерін ретроспективті талдауда плацебо тобымен салыстырғанда розувастатин тобында жүрек-қантамырлық аурулар, инсульт және миокард инфарктісінен болған өлімнің біріктірілген соңғы нүктесінің (p = 0,028) елеулі төмендеуі көріністелген. 1000 пациент-жылға асқынулардың жиілігі негізінде қауіптің абсолютті төмендеуі 8,8 құрады. Осы жоғары қауіп тобында жалпы өлім көрсеткіші өзгеріссіз қалды (p = 0,193). Жоғары қауіптегі (барлығы 9302 пациент) және қауіпті бағалаудың бастапқы балымен ≥5 % пациенттердің қосалқы тобының деректерін ретроспективті талдауда (65 жастан асқан пациенттерді қосу мақсатында экстраполяцияланған) плацебо тобымен салыстырғанда розувастатин тобында жүрек-қантамырлық аурулардан, инсульттен және миокард инфарктісінен болған өлімнің біріктірілген соңғы нүктесінің (p = 0,0003) елеулі төмендеуі анықталды. 1000 пациент-жылға асқынулардың жиілігі негізінде қауіптің абсолютті төмендеуі 5,1 құрады. Осы жоғары қауіп тобында жалпы өлім көрсеткіші өзгеріссіз қалды (p = 0,076). JUPITER зерттеуінде розувастатин тобында пациенттің 6,6 %-ы және плацебо тобында 6,2 %-ы жағымсыз құбылыстардың даму салдарынан емдеуді тоқтатты. Емдеуді тоқтатуға әкелген анағұрлым жиі кездескен жағымсыз құбылыстар: миалгияны (розувастатин тобында 0,3 %, плацебо тобында 0,2 %), іш аумағының ауыруын (розувастатин тобында 0,03 %, плацебо тобында 0,02 %) және бөртпені (розувастатин тобында 0,02 %, плацебо тобында 0,03 %) қамтыды. Плацебо тобындағыдай жиілікпен немесе жиірек бақыланған анағұрлым жиі кездесетін жағымсыз құбылыстар несеп шығару жолдарының инфекцияларын (розувастатин тобында 8,7 %, плацебо тобында 8,6 %), назофарингитті (розувастатин тобында 7,6 %, плацебо тобында 7,2 %), арқаның ауыруын (розувастатин тобында 7,6 %, плацебо тобында 6,9 %) және миалгияны (розувастатин тобында 7,6 %, плацебо тобында 6,6 %) қамтыды. Балалар Кейін розувастатин дозасын титрлеудің 40-апталық ашық фазасы (n = 173, 96 ұл бала және 77 қыз бала) болған салыстырмалы жасырын рандомизацияланған, көпорталықты, плацебо-бақыланатын 12-апталық зерттеуде (n = 176, 97 ұл бала және 79 қыз бала) гетерозиготалық отбасылық гиперхолестеринемиясы бар 10-17 жастағы пациенттер (Таннер шкаласы бойынша II–V сатылары, қыздар етеккір басталғаннан кейін ең кемі 1 жылдан соң) күнделікті 12 апта бойы 5, 10 немесе 20 мг дозада розувастатинді немесе плацебо қабылдады, бұдан кейін барлық пациенттер розувастатинді күнделікті 40 апта бойы қабылдады. Зерттеуге 10-13 жастағы пациенттердің шамамен 30 %-ы қатысты және шамамен 17, 18, 40 және 25 %-ы Таннер шкаласы бойынша тиісінше II, III, IV және V сатыларына сәйкес болды. ТТЛП-ХС концентрациялары плацебо тобындағы 0,7 %-ымен салыстырғанда тиісінше 5, 10 немесе 20 мг дозада розувастатинмен емдеуде 38,3, 44,6 және 50,0 %-ға төмендетілді. Тәулігіне 1 рет ең жоғары 20 мг-ды құраған мақсаттық дозаға дейін титрлеудің 40-апталық ашық кезеңі аяқталғаннан кейін 173 пациенттердің 70-і (40,5 %) 2,8 ммоль/л-ден аз ТТЛП-ХС концентрациясының мақсаттық мәніне қол жеткізді. Зерттелген емнің 52 аптасынан кейін өсуге, салмаққа, дене салмағының индексіне немесе жыныстық жетілуге ықпал анықталған жоқ (4.4 бөлімін қараңыз). Осы зерттеу (n = 176) сирек кездесетін жағымсыз құбылыстарды салыстыруға арналмаған. Розувастатин, сондай-ақ, гетерозиготалық отбасылық гиперхолестеринемиясы бар 6-дан 17 жасқа дейінгі 198 бала мен жасөспірімдерде (88 ұл бала және 110 қыз бала, Таннер сатысы <II–V) мақсаттық дозаға дейін титрлеудің ашық кезеңіне жүргізілген екі жылдық зерттеуде зерделенді. Бастапқы доза барлық пациенттер үшін тәулігіне бір рет ішке қабылдау үшін 5 мг құрады. 6-дан 9 жасқа дейінгі пациенттерге (n = 64) доза тәулігіне бір рет ең жоғары 10 мг-ға дейін, ал 10-17 жастағы пациенттерге (n = 134) тәулігіне бір рет ең жоғары 20 мг-ға дейін ұлғайтылған болар еді. Розувастатинмен емделудің 24 айынан кейін ТТЛП-ХС бастапқы мәнімен салыстырғанда орташа пайыздық төмендеу 43 %-ды құрады (бастапқы мән: 236 мг/дл, 24 ай: 133 мг/дл). Әр жастағы топ үшін ТТЛП-ХС бастапқы мәндерінен орташа пайыздық төмендеу, 6-дан <10 жасқа дейінгі, 10-нан <14 жасқа дейінгі және 14-тен <18 жасқа дейінгі жастағы топта сәйкесінше 43 %-ды (бастапқы мән: 234 мг/дл, 24 ай: 124 мг/дл), 45 %-ды (бастапқы мән: 234 мг/дл, 124 мг/дл) және 35 %-ды (бастапқы мән: 241 мг/дл, 24 ай: 153 мг/дл) құрады. 5, 10 және 20 мг дозада розувастатинді қабылдаған пациенттер де келесі екіншілік липид пен липидпротеин айнымалыларына қатысты бастапқы деңгеймен салыстырғанда статистикалық маңызды орташа өзгерістерге қол жеткізді: ТЖЛП-ХС, жалпы холестерин, ТЖЛП емес-ХС, ТТЛП-ХС / ТЖЛП-ХС, жалпы холестерин / ТЖЛП-ХС, жалпы холестерин / ТЖЛП-ХС, ТЖЛП емес-ХС / ТЖЛП-ХС, AпoB (Аполипопротеин В), AпoB/AпoА-1. Осы өзгерістер липидтер тұрғысынан емге жауаптың жақсаруына жағдай жасады және 2 жыл бойы сақталды. 24 ай емделуден кейін өсуге, салмаққа, ДСИ немесе жыныстық жетілуге ешқандай ықпал анықталған жоқ (4.4 бөлімін қараңыз). Розувастатин рандомизацияланған, салыстырмалы жасырын плацебо-бақыланатын көпорталықты, айқаспалы зерттеуде гомозиготалық отбасылық гиперхолестеринемиясы бар (6-дан 17 жасқа дейінгі) 14 бала мен жасөспірімде плацебомен салыстырғанда тәулігіне бір рет қабылданатын 20 мг дозамен зерттелді. Зерттеу пациенттер 10 мг розувастатинді қабылдаған диетаның 4-апталық кіріспе фазасын, алдыңғы немесе кейінгі плацебо емдеуінің 6-апталық кезеңімен 20 мг дозада розувастатинмен емделудің 6-апталық кезеңінен тұратын айқаспалы емдеу фазасын және барлық пациенттер 20 мг розувастатин қабылдаған 12-апталық емдік әсерді демеуші фазаны қамтыды. Зерттеуге қатысқан, эзетемиб немесе аферез қабылдаған пациенттер осы емдеуді бүкіл зерттеу бойында жалғастырды. ТТЛП-ХС статистикалық маңызды (р = 0,005) төмендеуі (22,3 %, 85,4 мг/дл немесе 2,2 ммоль/л) плацебомен салыстырғанда 20 мг дозада розувастатинмен 6 апта емделуден кейін байқалды. Жалпы холестерин (20,1 %, p = 0,003), ТЖЛП емес-ХС (22,9 %, p = 0,003) және АпоВ (17,1 %, p = 0,024) деңгейінің статистикалық маңызды төмендеуі байқалды. Төмендеу, сондай-ақ, плацебомен салыстырғанда 6 апта бойы 20 мг дозада розувастатинмен емдеуден кейін жалпы холестериннің, ТТЛП-ХС/ТЖЛП-ХС, жалпы холестериннің/ТЖЛП-ХС, ТЖЛП емес-ХС/ТЖЛП-ХС және АпоВ/АпоА-1 концентрацияларында байқалды. 6 апта плацебомен емделгеннен кейін 6 апта 20 мг дозада розувастатинмен емдеуден кейін гомозиготалық отбасылық гиперхолестеринемиясы бар балалар мен жасөспірімдерде ТТЛП-ХС деңгейінің төмендеуі 12 апта бойы үздіксіз емдеу кезінде сақталды. Бір пациентте дозаны ұлғайтқаннан кейін 40 мг қолданумен 6 апта емдеуден соң ТТЛП-ХС (8,0 %), жалпы холестериннің (6,7 %) және ТЖЛП емес-ХС (7,4 %) бұдан әрі төмендеуі байқалды. Кеңейтілген ашық емдеу кезінде 90 аптаға дейін 20 мг розувастатин қабылдаған осы пациенттердің 9-ында ТТЛП-ХС деңгейінің төмендеуі –12,1 %-дан –21,3 %-ға дейінгі аралықта сақталды. Күшейтілген титрлеуді (жоғарыда қараңыз) қолданумен ашық зерттеудегі бағалауға бейімделген, гомозиготалық отбасылық гиперхолестеринемиясы бар (8-ден 17 жастағы) 7 бала мен жасөспірімде 6 апта бойы 20 мг дозада розувастатинмен емделуден кейін бастапқы деңгейден ТТЛП-ХС (21,0 %), жалпы холестериннің (19,2 %) және ТЖЛП емес-ХС (21,0 %) деңгейінің төмендеу пайызы гомозиготалық отбасылық гиперхолестеринемиясы бар балалар мен жасөспірімдерге жасалған, жоғарыда ескерілген зерттеуде байқалғанға сәйкес болды. Дәрілік заттардың еуропалық агенттігі гомозиготалық отбасылық гиперхолестеринемияны, алғашқы біріктірілген (аралас) дислипидемияны емдеуде және жүрек-қантамырлық аурулардың профилактикасы кезінде балалар популяциясының барлық қосалқы топтарында құрамында розувастатин бар референттік дәрілік препаратпен зерттеулердің нәтижелерін ұсыну міндетінен босатты (балаларда қолданылуы туралы ақпаратты 4.2. бөлімінен қараңыз).

Дозалау режимі Емдеуді бастар алдында пациент холестерин мөлшері аз өнімдерді қолдана отырып, стандартты диета ұстанғаны жөн, ол емдеудің бүкіл кезеңі бойына жалғастырылуы тиіс. Препарат дозалары, жүргізілетін емнің мақсатына және жүргізілетін емге пациенттің емдік жауабына сай, липидтердің мақсатқа сай деңгейлері бойынша қазіргі жалпыға ортақ нұсқауларды ескере отырып, әр адамға жеке таңдап алынуы тиіс. Гиперхолестеринемияны емдеу Препараттың бастапқы ұсынылатын дозасы бұрын статиндер қабылдамаған пациенттер үшін де, ГМГ-КоА редуктазаның басқа тежегіштерімен емделгеннен кейін осы препаратты қабылдауға көшірілген пациенттер үшін де тәулігіне 1 рет 5 мг немесе 10 мг құрайды. Препараттың бастапқы дозасын таңдағанда, әрбір нақты пациенттегі холестерин деңгейін, сондай-ақ жүрек-қантамырлық асқынулардың және жағымсыз реакциялардың даму мүмкіндігі қаупін ескеру керек. Қажет болған жағдайда 4 аптадан соң дозаны ұлғайтуға болады. 40 мг дозаны қолдану кезінде жағымсыз реакциялар кіші дозаларды қолданған жағдаймен салыстырғанда жиі туындайтындықтан, дозаны ең жоғары 40 мг-ға дейін титрлеу тек ауыр гиперхолестеринемиясы бар және 20 мг дозаны қабылдағанда қалаулы нәтижеге жете алмаған және алдағы уақытта маманның қадағалауында болатын жүрек-қантамырлары ауруларының қаупі жоғары (атап айтқанда, отбасылық гиперхолестеринемиясы бар) пациенттерде ғана жүргізілуге тиіс. 40 мг дозаны қолданудың басында маманның қадағалауына кеңес беріледі. Балалар мен жасөспірімдер Розувастатинді балаларға тек мамандар ғана тағайындауы тиіс. 6-дан 17 жасқа дейінгі балалар мен жасөспірімдер (Таннер сатысы <II–V). Гетерозиготалық отбасылық гиперхолестеринемия Гетерозиготалық отбасылық гиперхолестеринемиясы бар балалар мен жасөспірімдер үшін әдеттегі бастапқы доза тәулігіне 5 мг құрайды. • 6-дан 9 жасқа дейінгі гетерозиготалық отбасылық гиперхолестеринемиясы бар балаларда ұсынылатын доза тәулігіне бір рет 5-10 мг құрайды. Осы пациенттер тобында 10 мг-дан жоғары дозаларды қолданудың қауіпсіздігі мен тиімділігі зерттелмеген. •10-нан 17 жасқа дейінгі гетерозиготалық отбасылық гиперхолестеринемиясы бар балалар мен жасөспірімдерде ұсынылатын доза тәулігіне бір рет 5-20 мг құрайды. Осы пациенттер тобында 20 мг-дан жоғары дозаларды қолданудың қауіпсіздігі мен тиімділігі зерттелмеген. Дозаны титрлеу пациенттің жүргізілетін емге емдік жауабына сәйкес және емнің жағымдылығын ескере отырып, емдеу ұсынымдарына сәйкес, балалар мен жасөспірімдер үшін жеке жүргізілуі тиіс. Емді бастар алдында пациент құрамында холестерин мөлшері төмен өнімдерді қолданумен стандартты диетаны ұстанған жөн, бұл диетаны бүкіл емделу кезеңі бойында жалғастыруы тиіс. Гомозиготалық отбасылық гиперхолестеринемия Гомозиготалық отбасылық гиперхолестеринемиясы бар 6-дан 17 жасқа дейінгі балалар мен жасөспірімдерде ең жоғары ұсынылатын доза тәулігіне бір рет 20 мг құрайды. Ұсынылатын бастапқы доза жас ерекшелігіне, салмағына және статиндерді бұрын қолдануына байланысты тәулігіне бір рет ішке қабылдау үшін 5–10 мг құрайды. Тәулігіне бір рет ең жоғары 20 мг дозаға дейін титрлеу пациенттің емге жеке жауабына және емнің жағымдылығына сәйкес, балаларға қолдану жөнінде ұсынымдарға сай жүргізілуі тиіс. Розувастатинмен емдеуді бастар алдында балалар мен жасөспірімдерге құрамында холестерин мөлшері төмен өнімдерді қолданумен стандартты диетаны ұстану жөн, бұл диетаны бүкіл емделу кезеңі бойында жалғастыруы тиіс. Осы пациенттер тобында 20 мг-дан өзгеше дозаларды қолдану тәжірибесі шектелген. 40 мг розувастатин дозалары балаларға қолдануға арналмаған. Үлбірлі қабықпен қапталған таблетканы тең дозаларға бөлу мүмкін емес. 6 жасқа дейінгі балалар Мертенил препараты 6 жасқа дейінгі балаларға қолдануға ұсынылмайды. Егде жастағы пациенттер 70 жастан асқан пациенттер үшін препараттың ұсынылатын бастапқы дозасы 5 мг құрайды. Дозаны жас ерекшелігіне байланысты басқа түзету талап етілмейді. Бүйрек функциясының бұзылуы бар пациенттер Бүйрек функциясының ауырлығы жеңіл немесе орташа дәрежедегі бұзылуы бар пациенттерде дозаны түзету қажет емес. Препараттың бастапқы ұсынылатын дозасы ауырлық дәрежесі орташа бүйрек функциясының бұзылуы бар (минутына креатинин клиренсі 60 мл-ден аз) пациенттер үшін 5 мг құрайды. Препарат 40 мг дозада бүйрек функциясының ауырлық дәрежесі орташа бұзылуы бар пациенттерге қолданылмайды. Бүйрек функциясының ауыр дәрежедегі бұзылуы бар пациенттерге Мертенил препаратын кез-келген дозада тағайындауға болмайды. Бауыр фунциясының бұзылуы бар пациенттер Бауыр функциясының бұзылуы бар (Чайлд-Пью шкаласы бойынша 8-9 балл) пациенттерде розувастатиннің жүйелі экспозициясының жоғарылауы анықталған. Осы пациенттер санатында емдеу аясында бауыр функциясын бақылау керек. Розувастатинді бауыр функциясының бұзылуы (Чайлд-Пью шкаласы бойынша >9 балл) бар пациенттерге қолданудың клиникалық тәжірибесі жоқ. Белсенді фазадағы бауыр аурулары бар пациенттерге Мертенилді қолдануға болмайды. Азиялық тектегі пациенттер Моңғолоидтық нәсілді пациенттерде розувастатиннің жүйелі экспозициясының ұлғаюы мүмкін. Моңғолоидтық нәсілді пациенттер үшін препараттың ұсынылатын бастапқы дозасы 5 мг құрайды. Препараттың 40 мг дозасын қолдану бұл пациенттерге қарсы көрсетілімде. Генетикалық полиморфизм Генетикалық полиморфизмнің белгілі бір типтері розувастатин экспозициясының жоғарылауына әкелуі мүмкін екені белгілі. Полиморфизмнің осындай типтері бар пациенттер үшін розувастатиннің төменірек тәуліктік дозасы ұсынылады. Миопатияға бейімдеуші факторлар болған жағдайдағы дозалар Миопатияға бейімділігі бар пациенттерге препараттың бастапқы дозасы 5 мг құрайды. Бұл топтағы пациенттердің кейбіреулеріне препаратты 40 мг дозада қолдануға болмайды. Қатарлас ем Розувастатин түрлі тасымалдайтын ақуыздар (мысалы, OATP1B1 және BCRP) үшін субстрат болып табылады. Розувастатинді тасымалдайтын ақуыздармен өзара әрекеттесу есебінен қан плазмасындағы розувастатин концентрациясын арттыратын дәрілік препараттармен (циклоспорин, кейбір АИТВ протеазасының тежегіштері, оған қоса ритонавирдің атазанавирмен, лопинавирмен және/немесе типранавирмен біріктірілімі сияқты) бірге қолдану кезінде миопатия даму қаупі (рабдомиолизді қоса) жоғарылауы мүмкін. Сәйкес дәрілік препараттарды Мертенил препаратымен бірге қолдану мүмкіндігін қарастырған жағдайда олар туралы ақпаратты оқып шығу ұсынылады. Мұндай жағдайларда баламалы ем тағайындау немесе Мертенил препаратын қабылдауды уақытша тоқтату мүмкіндігін бағалау керек. Егер жоғарыда аталған препараттар мен розувастатинді қолдану қажет болса, қатарлас емнің пайда және қауіп арақатынасын бағалау және Мертенил препаратының дозасын төмендету мүмкіндігін қарастыру керек. Енгізу тәсілі мен жолы Ішке, тәуліктің кез келген уақытында, тамақ ішуге байланыссыз, шайнамай және ұсақтамай, сумен іше отырып, тұтастай жұту керек. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсыныста Егер сізде осы препаратты қолдану жөнінде қосымша сұрақтар болса, өтініш, емдеуші дәрігер кеңесіне жүгініңіз.

‒ розувастатинге немесе препараттың кез-келген компонентіне жоғары сезімталдық; ‒ «бауыр» трансаминазалары белсенділігінің тұрақты түсініксіз жоғарылауын қоса, белсенді фазадағы бауыр аурулары, сондай-ақ қан сарысуындағы трансаминазалар белсенділігінің, қалыптың жоғары шегімен салыстырғанда, 3 еседен астамға кез-келген жоғарылауы; ‒ бүйрек функциясының айқын бұзылулары (креатинин клиренсі 30 мл/минуттан аз); ‒ миопатия; - софосбувир/велпатасвир/воксилапревирді бір мезгілде қабылдау; ‒ циклоспоринмен бір мезгілде қабылдау; ‒ жүктілік және бала емізу кезеңі; ‒ сенімді контрацепция құралдарын қолданбайтын ұрпақ өрбіту жасындағы әйелдер; ‒ лактоза/галактоза жақпаушылығы, лактаза тапшылығы немесе глюкоза-галактозалық мальабсорбция; ‒ 6 жасқа дейінгі балалар. 40 мг дозада розувастатинді миопатия/рабдомиолиздың дамуына бейімдейтін келесі факторлары бар пациенттерге қолдануға болмайды: ‒ бүйрек функциясының айқындығы орташа бұзылуы (60 мл/минуттан аз креатинин клиренсі); ‒ гипотиреоз; ‒ жеке немесе отбасылық анамнезде тұқым қуалайтын бұлшықет ауруларының болуы; ‒ анамнезде ГМГ-КоА-редуктазасының басқа тежегіштерін немесе фибраттарды қабылдау аясындағы миоуыттану болуы; ‒ алкогольді шамадан тыс пайдалану; ‒ қан плазмасындағы розувастатин концентрациясының артуына әкелуі мүмкін жағдайлар; ‒ моңғолоидтық нәсілге қатыстылар; ‒ фибраттарды бір мезгілде қабылдау.

Жиі (1/100 - 1/10 дейін) - қант диабеті (жиілігі анамнездегі ашқарындағы глюкоза концентрациясы ≥5,6 ммоль/л, ДСИ >30 кг/м2, триглицеридтер концентрациясының жоғарылауы, артериялық гипертензия сияқты қауіп факторларының бар немесе жоқ болуына байланысты) - бас ауыру, бас айналу - іш қату, жүректің айнуы, іштің ауыруы - миалгия - астениялық синдром Жиі емес (1/1000 - 1/100 дейін) - терінің қышынуы, бөртпе, есекжем. Сирек (1/10 000 - 1/1000 дейін) - тромбоцитопения - ангионевроздық ісінуді қоса, аса жоғары сезімталдық реакциялары - панкреатит - «бауыр» трансаминазалары белсенділігінің жоғарылауы - миопатия (миозитті қоса), рабдомиолиз, бұлшықеттердің үзілуі, қызыл жегі тәрізді синдром Өте сирек (<1/10 000) - полинейропатия, есте сақтау қабілетінен айрылу - сарғаю, гепатит - артралгия - гематурия - гинекомастия Жиілігі белгісіз (қолда бар деректер негізінде бағалау мүмкін емес). - депрессия - шеткері нейропатия, ұйқының бұзылуы (соның ішінде ұйқысыздық және «түнгі қорқынышты түстер» - миастения гравис - миастенияның көздегі түрі (көз бұлшықеттерінің әлсіздігін тудыратын ауру) - жөтел, ентігу - диарея - Стивенс-Джонсон синдромы, эозинофилиясы және жүйелік симптомдары бар дәрілік реакциялар - бірқатар жағдайда үзілумен асқынған сіңір аурулары, иммунитетке байланысты некрозданатын миопатия - шеткері ісінулер. Басқа ГМГ-КоА-редуктаза тежегіштерін қолдану кезіндегідей жағымсыз реакциялардың туындау жиілігі дозаға байланысты сипатта болады. Жағымсыз реакциялардың жеке-дара сипаттамасы Бүйрек функциясына әсері: розувастатинді қабылдаған кезде негізінен шығу тегі өзекшелік протеинурия байқалды. Розувастатинді 10 және 20 мг дозада қабылдаған пациенттердің 1%-дан азында, және препаратты 40 мг дозада қабылдаған шамамен 3% пациенттерде несепте ақуыз құрамының өзгеруі байқалды (жоқ болудан немесе іздік мөлшерінен ++ немесе одан жоғарыға дейін). Препаратты 20 мг дозада қабылдау кезінде нөлдік деңгейден немесе іздік мөлшерінен + деңгейге дейінгі өзгеріс ретінде көрсетілген несептегі ақуыз мөлшерінің ең аз өзгеруі байқалды. Көптеген жағдайларда протеинурия емдеу барысында өздігінен төмендеді немесе жойылды. Розувастатинмен емдеу курсынан өткен бірқатар пациентте гематурия байқалды, бірақ осындай жағдайлардың туындау жиілігі төмен. Қаңқа бұлшықеттеріне әсері: розувастатинді кез-келген дозада, әсіресе 20 мг-дан жоғары дозаларда қабылдаған пациенттерде миалгияны, миопатияны (миозитті қоса) және, сирек жағдайларда, рабдомиолизді тудыратын қаңқа бұлшықеттеріне әсері байқалды. Розувастатинді қабылдаған пациенттерде КФК белсенділігінің дозаға тәуелді жоғарылауы анықталды, бірақ көптеген жағдайларда КФК жоғарылауы елеусіз, симптомсыз және өтпелі болды. Егер КФК құрамы қалыптың жоғары шегінен 5 есе жоғарыласа, онда емдеуді тоқтату керек. Егер сіз қолыңызда немесе аяғыңызда белсенділік кезеңінен кейін күшейетін әлсіздік, көзге қосарланып көріну немесе қабақтың түсуі, жұтынудың қиындауы немесе ентігу сезінсеңіз, дәрігерге жүгінуіңіз керек. Бауыр функциясына әсері: басқа да ГМГ-КоА-редуктаза тежегіштерін қолдану кезіндегідей, розувастатин қабылдаған аздаған пациенттерде «бауыр» трансаминазалары белсенділігінің дозаға тәуелді жоғарылауы анықталды. Сонымен бірге көптеген жағдайларда бұл жоғарылау елеусіз, симптомсыз және өтпелі болды. Кейбір статиндерді қолданғанда келесі жағымсыз реакциялар туралы хабарланды: - сексуальді дисфункция; - тек сирек жағдайларда – өкпенің интерстициальді ауруы, әсіресе ұзақ емдеген кезде. Рабдомиолиз, бүйректің және бауырдың тарапынан (негізінен «бауыр» трансаминазалары белсенділігінің жоғарылауы) күрделі бұзылу жағдайларының жиілігі 40 мг дозаны қолданған кезде жоғары болды. Балалар мен жасөспірімдер КФК қалыптың жоғарғы шегіне қатысты 10 есе жоғарылауы және дене жаттығуларынан немесе елеулі дене жүктемелерінен кейінгі бұлшықет симптомдары ересек пациенттермен салыстырғанда балалар мен жасөспірімдерде жиірек байқалды. Бұдан өзгесінде розувастатиннің қауіпсіздік бейіні балаларды, жасөспірімдерді және ересек пациенттерді емдеу кезінде ұқсас болды. Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозаланған жағдайда симптоматикалық ем және демеуші шаралар жүргізу керек. Бауыр функциясын және КФК белсенділігі дәрежесін бақылау керек. Бұл жағдайда гемодиализ тиімділігінің аз болуы ықтимал.

Препаратты тағайындар алдында және препаратпен емдеу кезінде келесі жағдайларда дәрігерді хабардар ету керек: - бүйрек функциясының бұзылуы; - бауыр функциясының бұзылуы; - анамнездегі холестерин деңгейін төмендетуге арналған басқа дәрілік препараттарды қабылдаған кезде қайталанатын немесе түсініксіз бұлшықет ауыруы; - бұлшықеттің үнемі әлсіздігі; - миастения немесе анамнездегі миастения жағдайы (жалпы бұлшықет әлсіздігі бар, соның ішінде кейбір жағдайларда тыныс алу бұлшықеттерінің аурулары) немесе көз миастениясы (көз бұлшықеттерінің әлсіздігі), статиндерді қабылдау кейде жағдайды нашарлатуы немесе миастения туындауына әкелуі мүмкін; - Мертенил препаратын немесе басқа тектес дәрілерді қабылдағаннан кейін қашан болса да терінің қатты бөртпесі немесе терінің қабыршақтануы пайда болса, ауызда күлдіреуіктер және/немесе ойық жаралар түзілгенде; - алкогольді шамадан тыс қабылдау; ‒ қалқанша безі функциясының бұзылуы; - фибраттарды немесе қандағы холестерин деңгейін төмендету үшін қолданылатын кез келген басқа дәрілік затты бір мезгілде қабылдау; -АИТВ инфекциясын немесе С гепатитін жеке-дара немесе біріктірілімде емдеуге арналған дәрілік препараттарды қабылдау; -соңғы 7 күн ішінде фузид қышқылының препараттарын қабылдау; ‒ 70 жастан үлкен жаста; ‒ тыныс алудың бұзылуы (декомпенсацияланған тыныс алу жеткіліксіздігі); ‒ монғол нәсілді пациент. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Емделу кезінде бас айналудың пайда болуы мүмкін екенін көлік құралдарын немесе басқа да механизмдерді басқарғанда ескеру қажет. Қолдану жөнінде нұсқаулар

Мертенилді жүктілік кезінде және бала емізу кезеңінде қолдануға болмайды. Бала туу жасындағы әйелдер контрацепцияның сенімді және талапқа сай құралдарын қолдануы керек. Холестерин және холестерин биосинтезінің өнімдері ұрықтың дамуы үшін қажет болғандықтан, ГМГ-КоА редуктазаны тежеу кезіндегі әлеуетті қауіптер жүктілік кезіндегі оны пайдаланудың пайдасынан басым түседі. Емделу кезінде жүктілік басталса, препаратты қабылдауды дереу тоқтату керек. Розувастатиннің емшек сүтімен бөлінуі туралы деректер жоқ. Бала емізу кезінде Мертенил препаратын қолдануға болмайды.

Басқа препараттарды қолданудың розувастатинге әсері Тасымалдайтын ақуыздардың тежегіштері: розувастатин бауыр қармауының тасымалдағыштары OATP1B1 және эффлюксті тасымалдағышы BCRP қоса, кейбір тасымалдайтын ақуыздар үшін субстрат болып табылады. Розувастатин мен осы тасымалдайтын ақуыздардың тежегіштері болып табылатын препараттарды бір мезгілде қабылдау розувастатиннің қан плазмасындағы концентрациясының ұлғаюымен және миопатия дамуының жоғары қаупімен қатар жүруі мүмкін. Циклоспорин: Розувастатинді циклоспорин қабылдайтын пациенттерге қан плазмасында розувастатин концентрациясының ұлғаюына байланысты қолдануға болмайды. Препараттарды бір мезгілде қолдану циклоспориннің қан плазмасындағы концентрациясына ықпал етпейді. Протеаза тежегіштері: өзара әрекеттесуінің дәл механизмі белгісіз болғанмен, розувастатинді протеаза тежегіштерімен бір мезгілде қабылдау розувастатин экспозициясының едәуір жоғарылауына әкелуі мүмкін. Розувастатин мен протеаза тежегіштерінің кейбір біріктірілімдерін қатар қолдану розувастатин экспозициясының күтілетін ұлғаюына негізделген розувастатин дозасын мұқият таңдаудан кейін мүмкін болады. Гемфиброзил және липидтер деңгейін төмендететін басқа дәрілер: Липидтерді төмендететін дозалардағы (тәулігіне 1 г немесе одан көбірек) гемфиброзил, фенофибрат, басқа фибраттар, сондай-ақ ниацин (никотин қышқылы) ГМГ-КоА редуктаза тежегіштерімен бір мезгілде қолданылғанда миопатияның даму қаупін арттырады, бұл осы препараттарды монотерапия түрінде қабылдағанда миопатияны туындатуымен байланысты болуы мүмкін. 40 мг розувастатин мен фибраттарды бір мезгілде қабылдау қарсы көрсетілімде. Мертенил препаратының бастапқы дозасы бұл пациенттерде 5 мг-нан аспауы тиіс. Эзетимиб: розувастатин мен эзетимиб арасындағы фармакодинамикалық өзара әрекеттесуге байланысты жағымсыз реакциялардың даму қаупінің ұлғаюын жоққа шығаруға болмайды. Антацидтер: розувастатин мен құрамында алюминий немесе магний гидроксиді бар суспензиялардағы антацидтерді бір мезгілде қабылдау қан плазмасында розувастатин концентрациясының шамамен 50%-ға азаюына әкелуі мүмкін. Егер антацидтер розувастатинді қабылдағаннан кейін 2 сағаттан соң қолданылса, бұл әсер әлсіз білінеді. Осы өзара әрекеттесудің клиникалық маңыздылығы зерттелмеген. Эритромицин: розувастатин мен эритромицинді бір мезгілде қабылдау розувастатин AUC(0-t) мәнінің 20%-ға және розувастатин Cmax мәнінің 30%-ға азаюына әкелуі мүмкін. Бұл өзара әрекеттесу эритромицинді қабылдаумен шартталған ішектің жиырылуы күшейгендіктен туындауы мүмкін. P450 цитохромының изоферменттері: Р450 цитохром метаболизмімен байланысты қандай да бір дәрілік заттармен өзара әрекеттесу күтілмейді. Розувастатин мен флуконазолдың (CYP2C9 және CYP3A4 изоферменттері тежегішінің) немесе кетоконазолдың (CYP2A6 және CYP3A4 изоферменттері тежегішінің) арасында клиникалық елеулі өзара әрекеттесу анықталған жоқ. Тикагрелор: тикагрелор розувастатиннің бүйрекпен экскрециялануына әсер етуі мүмкін, бұл розувастатиннің жинақталу қаупін арттырады. Нақты механизмі белгісіз болғанымен, кейбір жағдайларда тикагрелор мен розувастатинді бір мезгілде қолдану бүйрек функциясының төмендеуіне, креатинкиназа деңгейінің жоғарылауына және рабдомиолизге әкелді. Розувастатин дозасын түзетуді талап ететін дәрілік заттармен өзара әрекеттесу Мертенил препаратының дозасын оны розувастатин экспозициясын ұлғайтатын дәрілік заттармен бірге қолдану қажет болғанда түзету керек. Оларды Мертенил препаратымен бірге қолданылу мүмкіндігін қарастырған жағдайда сәйкес дәрілік препараттар туралы ақпаратты оқып шығу ұсынылады. Егер экспозицияның (AUC) 2 есе және одан көп ұлғаюы күтілсе, Мертенил препаратының бастапқы дозасы тәулігіне бір рет 5 мг құрауы тиіс. Сондай-ақ Мертенил препаратының ең жоғары тәуліктік дозасын розувастатинге күтілетін экспозиция розувастатинмен әрекеттесетін дәрілік заттармен бір мезгілде тағайындаусыз қабылданатын 40 мг доза үшін осындайдан аспайтындай етіп түзету керек. Мысалы, Мертенил препаратының ең жоғары тәуліктік дозасы гемфиброзилмен бір мезгілде қолданғанда 20 мг (экспозицияның 1,9 есе ұлғаюы), атазанавирмен/ритонавирмен – 10 мг құрайды (экспозицияның 3,1 есе ұлғаюы). Егер розувастатин экспозициясының 2 еседен аз ұлғаюы байқалса, препараттың бастапқы дозасын азайтудың қажеті жоқ, бірақ Мертенил препаратының дозасын 20 мг-дан жоғары ұлғайтқан кезде сақ болу керек. 1 кесте. Розувастатинге экспозицияға қатарлас емнің ықпалы Қатарлас ем режимі — Розувастатинді қабылдау режимі — Розувастатин AUC өзгеруі Розувастатиннің AUC екі есе немесе одан көп ұлғаюы Софосбувир/велпатасвир/ воксилапревир (400 мг-100 мг-100 мг) + воксилапревир (100 мг) тәулігіне 1 рет. 15 күн бойы — 10 мг, бір рет — 7,4 есе ұлғаю Циклоспорин 75‒200 мг тәулігіне 2 рет, 6 ай — 10 мг тәулігіне 1 рет, 10 күн — 7,1 есе ұлғаю Даролутамид 600 мг тәулігіне 2 рет., 5 күн — 5 мг, бір рет — 5,2 есе ұлғаю Регорафениб 160 мг тәулігіне 1 рет, 14 күн — 5 мг бір рет — 3,8 есе ұлғаю Атазанавир 300 мг/ритонавир 100 мг тәулігіне 1 рет, 8 күн — 10 мг бір рет — 3,1 есе ұлғаю Велпатасвир 100 мг тәулігіне 1 рет — 10 мг бір рет — 2,7 есе ұлғаю Омбитасвир 25 мг/паритапревир 150 мг/ритонавир 100 мг тәулігіне 1 рет / дасабувир 400 мг тәулігіне 2 рет, 14 күн — 5 мг бір рет — 2,6 есе ұлғаю Терифлуномид — белгісіз — 2,5 есе ұлғаю Гразопревир 200 мг/эльбасвир 50 мг тәулігіне 1 рет, 11 күн — 10 мг бір рет — 2,3 есе ұлғаю Глекапревир 400 мг/пибрентасвир 120 мг тәулігіне 1 рет, 7 күн — 5 мг тәулігіне 1 рет, 7 күн — 2,2 есе ұлғаю Лопинавир 400 мг/ритонавир 100 мг тәулігіне 2 рет, 17 күн — 20 мг тәулігіне 1 рет, 7 күн — 2,1 есе ұлғаю Капматиниб 400 мг тәулігіне 2 рет. — 10 мг бір рет — 2,1 есе ұлғаю Клопидогрел, жүктеме доза 300 мг, кейіннен 75 мг 24 сағаттан соң — 20 мг бір рет — 2 есе ұлғаю Фостаматиниб 100 мг тәулігіне 2 рет. — 20 мг бір рет — 2 есе ұлғаю Фебуксостат 120 мг тәулігіне 1 рет. — 10 мг бір рет — 1,9 есе ұлғаю Гемфиброзил 600 мг тәулігіне 2 рет, 7 күн — 80 мг бір рет — 1,9 есе ұлғаю Розувастатиннің AUC 2 еседен аз ұлғаюы Элтромбопаг 75 мг тәулігіне 1 рет, 5 күн — 10 мг бір рет — 1,6 есе ұлғаю Дарунавир 600 мг/ритонавир 100 мг тәулігіне 2 рет, 7 күн — 10 мг тәулігіне 1 рет, 7 күн — 1,5 есе ұлғаю Типранавир 500 мг/ритонавир 200 мг тәулігіне 2 рет, 11 күн — 10 мг бір рет — 1,4 есе ұлғаю Дронедарон 400 мг тәулігіне 2 рет — Деректер жоқ — 1,4 есе ұлғаю Итраконазол 200 мг тәулігіне 1 рет, 5 күн — 10 мг бір рет — 1,4 есе ұлғаю Эзетимиб 10 мг тәулігіне 1 рет, 14 күн — 10 мг тәулігіне 1 рет, 14 күн — 1,2 есе ұлғаю Розувастатиннің AUC төмендеуі Эритромицин 500 мг тәулігіне 4 рет, 7 күн — 80 мг бір рет — 20%-ға төмендеу Байкалин 50 мг тәулігіне 3 рет,14 күн — 20 мг бір рет — 47%-ға төмендеу Розувастатиннің AUC қатынасына клиникалық елеулі әсердің болмауы Фосампренавир 700 мг/ритонавир 100 мг тәулігіне 2 рет, 8 күн — 10 мг бір рет — Өзгеріссіз Алеглитазар 0,3 мг, 7 күн — 40 мг, 7 күн — Өзгеріссіз Силимарин 140 мг тәулігіне 3 рет, 5 күн — 10 мг бір рет — Өзгеріссіз Фенофибрат 67 мг тәулігіне 3 рет,7 күн — 10 мг, 7 күн — Өзгеріссіз Рифампин 450 мг тәулігіне 1 рет,7 күн — 20 мг бір рет — Өзгеріссіз Кетоконазол 200 мг тәулігіне 2 рет, 7 күн — 80 мг бір рет — Өзгеріссіз Флуконазол 200 мг тәулігіне 1 рет,11 күн — 80 мг бір рет — Өзгеріссіз Розувастатинді қолданудың басқа препараттарға ықпалы К дәруменінің антагонистері: ГМГ-КоА-редуктазаның басқа тежегіштермен болатын жағдайдағыдай розувастатинмен емдеуді бастау немесе К дәруменінің антагонистерін (мысалы, варфарин немесе басқа да кумариндік антикоагулянттар) бір мезгілде қабылдайтын пациенттерде препарат дозасын ұлғайту халықаралық қалыптасқан қатынастардың (ХҚҚ) ұлғаюына әкелуі мүмкін. Розувастатинді тоқтату немесе дозасын төмендету ХҚҚ төмендеуін туындатуы мүмкін. Мұндай жағдайларда ХҚҚ мониторингін жүргізу керек. Пероральді контрацептивтер/гормондық орын басатын ем: розувастатин мен пероральді контрацептивтерді бір мезгілде қабылдау этинилэстрадиол мен норгестрел AUC тиісінше 26% және 34% жоғарылауына әкелуі мүмкін. Пероральді контрацептивтер дозасын таңдау кезінде плазмалық концентрациялардың осылай жоғарылау мүмкіндігін ескеру қажет. Розувастатин мен гормондық орын басатын емнің препараттарын бір мезгілде қолдану бойынша фармакокинетикалық деректер жоқ, сондықтан осы тіркесті қолдану кезінде ұқсас әрекетті жоққа шығаруға болмайды. Басқа дәрілік заттар Дигоксин Розувастатин мен дигоксинді бір уақытта қабылдау кезінде клиникалық тұрғыдан маңызды әрекеттесулер күтілмейді. Фузидий қышқылы Фузидий қышқылымен жүйелі емдеу қажет болған жағдайда розувастатинмен емдеуді тоқтату керек. Балалар Өзара әрекеттесулердің қарқындылығы балаларда белгісіз. Айрықша нұсқаулар Тері тарапынан ауыр жағымсыз реакциялар Розувастатинді қолдану кезінде теріге ауыр жағымсыз реакциялар, соның ішінде өмірге қауіпті болуы немесе өлімге әкелуі мүмкін Стивенс-Джонсон синдромы және эозинофилиямен және жүйелік симптомдарымен (DRESS) дәрілік реакциялар тіркелген. Мертенил препаратын тағайындау кезінде пациенттер терінің ауыр жағымсыз реакцияларының белгілері мен симптомдары туралы хабардар болуы тиіс, кейін осы пациенттерді мұқият бақылау керек. Бұл реакцияларды көрсететін белгілер мен симптомдар пайда болса, Мертенил препаратын қабылдауды дереу тоқтатып және балама ем тағайындауды қарастыру керек. Егер Мертенил препаратын қолданған кезде пациентте Стивенс-Джонсон синдромы немесе эозинофилиямен және жүйелік симптомдармен дәрілік реакция сияқты күрделі жағымсыз реакция дамыса, бұл пациентте Мертенил препаратымен емді ешқандай жағдайда жаңғыртуға болмайды. Бүйрек функциясына әсері Мертенил препаратының жоғары дозаларын, әсіресе 40 мг қабылдаған кезде пациенттерде көбіне өзекшелік текті, тест жолақша көмегімен анықталатын протеинурия байқалды, бірақ көпшілік жағдайларда мезгіл-мезгіл немесе қысқа мерзімді болды. Мұндай протеинурия бұрыннан бар жедел немесе үдемелі бүйрек ауруының пайда болғанын білдірмейтіні көрсетілген. Бүйрек функциясының күрделі бұзылуларының жиілігі 40 мг розувастатинді қабылдағанда ұлғая түседі. 40 мг дозадағы препарат қабылдап жүрген пациенттерді стандартты тексеру кезінде бүйрек функциясының көрсеткіштерін бақылау ұсынылады. Қаңқа бұлшықеттеріне әсер етуі Барлық дозалардағы Мертенил препаратын қолданғанда, әсіресе 20 мг-дан асатын дозадағы препаратты қабылдағанда миалгия, миопатия және, сирек жағдайларда, рабдомиолиз анықталған. Эзетимиб пен ГМГ-КоА-редуктаза тежегіштерін бір мезгілде қабылдағанда рабдомиолиз өте сирек пайда болды. Мұндай жағдайда препараттардың фармакологиялық өзара әрекеттесуін жоққа шығаруға болмайды, сондықтан Мертенил мен эзетимибті бірге абайлап қолдану керек. Басқа да ГМГ-КоА-редуктаза тежегіштеріндегі сияқты, 40 мг розувастатинді қабылдаған кезде рабдомиолиз жағдайларының жиілігі арта түседі. Жүйке-бұлшықетке әсері Статиндерді қолдану немесе бұрыннан бар миастения гравис немесе миастенияның көздегі түрінің өршуі түрткі болған миастения гравис дебютінің бірнеше жағдайлары туралы хабарланды. Симптомдар нашарлаған жағдайда Мертенил препаратын қолдануды тоқтату керек. Сол немесе басқа статинді қайта қолданғанда миастенияның қайталануының дамығаны туралы хабарланды. Креатинфосфокиназа (КФК) белсенділігін анықтау КФК белсенділігін анықтауды қарқынды дене жүктемелерінен кейін немесе КФК белсенділігі артуын тудыратын басқа баламалы себептері жағдайында жүргізбеген жөн, өйткені бұл нәтижелердің интерпретациялануын қиындатуы мүмкін. КФК белсенділігі емнің басталуына дейін қалыптың жоғары шегінен 5 еседен астамға жоғарылағанда 5-7 күннен кейін өлшеуді қайталаған жөн. Егер қайталап өлшегенде бастапқы КФК көрсеткіші (қалыптың жоғары шегінен 5 есе жоғары) айғақталса, Мертенил препаратымен емдеуді бастамай-ақ қою керек. Емдеуді бастағанға дейін Мертенил, ГМГ-КоА-редуктазасының басқа тежегіштері сияқты, миопатия/рабдомиолиздің қауіп факторлары бар пациенттерге айрықша сақтықпен тағайындалуы тиіс. Мұндай факторларға мыналар жатады: ‒ бүйрек жеткіліксіздігі; ‒ гипотиреоз; ‒ жеке немесе отбасылық анамнезде бұлшықет ауруларының болуы; ‒ анамнезде ГМГ-КоА-редуктазасының басқа тежегіштерін немесе фибраттарды қабылдау аясында миоуыттанудың болуы; ‒ алкогольді шамадан тыс пайдалану; ‒ 70 жастан асқан кезең; ‒ қан плазмасындағы розувастатин концентрациясының артуы мүмкін жағдайлар; ‒ фибраттарды бір мезгілде қабылдау. Мұндай пациенттерде емнің қаупі мен ықтимал пайдасының арақатынасына баға беріп, емдеудің бүкіл курсы бойына клиникалық қадағалауды жүзеге асырған жөн. Егер КФК бастапқы көрсеткіші едәуір жоғарылаған болса, (қалыптың жоғарғы шегімен салыстырғанда 5 есе жоғары) емді бастау ұсынылмайды. Емдеу кезінде Бұлшықет ауырулары, бұлшықет әлсіздігі немесе түйілуі кенеттен білініп, әсіресе дімкәстанумен немесе қызбамен қосылған жағдайларда, пациенттерді мұны шұғыл түрде дәрігерге мәлімдеуі қажет екендігінен хабардар ету керек! Мұндай пациенттерде міндетті түрде КФК белсенділігіне бақылау жүргізілгені жөн. Егер КФК белсенділігі қалыптың жоғары шегінен 5 еседен астам болса, немесе егер бұлшықет симптомдары кенеттен білінсе және күн сайын күні бойы жайсыздық туғызса (тіпті егер КФК белсенділігі қалыптың жоғары шегінен 5 есе аз болса да), емдеуді тоқтату керек. Егер симптомдар басылса және КФК белсенділігі қалыпты деңгейге оралса, Мертенил препаратын қайта тағайындау немесе пациентті мұқият қадағалай отырып, ГМГ-КоА-редуктазаның баламалы тежегішін аз дозаларда тағайындау мәселесін қарастыру керек. Рабдомиолиз симптомдары болмаған пациенттерде КФК белсенділігін үнемі бақылап отыру мақсатқа сай емес. Статиндермен, оған қоса розувастатинмен емдеу кезінде немесе емді тоқтатқаннан кейін, статиндермен емдеуді болдырмауға қарамастан, тұрақты проксимальді бұлшықет әлсіздігімен және қан сарысуындағы креатинкиназа белсенділігінің жоғарылауымен клиникалық байқалатын иммунитетке байланысты некроздайтын миопатияның өте сирек жағдайлары байқалған. ГМГ-КоА-редуктазаның басқа тежегіштерін гемфиброзил, циклоспорин, никотин қышқылы, азол тобының зеңге қарсы препараттары, протеаза тежегіштері және макролидтік антибиотиктерді қоса, фиброй қышқылының туындыларымен бірге қабылдаған пациенттерде миозит және миопатия жағдайларының саны артқаны анықталды. Гемфиброзил кейбір ГМГ-КоА-редуктаза тежегіштерімен қосып тағайындаған кезде миопатияның пайда болу қаупін арттырады. Сондықтан розувастатин мен гемфиброзилді бір мезгілде қабылдау ұсынылмайды. Розувастатинді фибраттармен немесе никотин қышқылымен бірге қолданғанда липидтер концентрациясының бұдан әрі өзгеруінің қаупі мен ықтимал пайдасы арақатынасына мұқият баға берілуі тиіс. 40 мг дозадағы розувастатин мен фибраттарды бір мезгілде қабылдау қарсы көрсетілімде. Мертенил препаратын жүйелі қолдануға арналған фузидий қышқылы препараттарымен бірге немесе фузидий қышқылымен емдеу тоқтатылғаннан кейін 7 күннің ішінде қолдануға болмайды. Фузидий қышқылымен жүйелі емдеу қажет деп саналатын пациенттерде статиндермен емдеуді фузидий қышқылын қолданудың бүкіл кезеңінде тоқтата тұру керек. Фузидий қышқылын және статиндерді бірге қабылдаған пациенттерде рабдомиолиз туралы (бірнеше өлім жағдайларын қоса) хабарламалар бар. Егер пациент бұлшықет әлсіздігін, ауыруды немесе ауырсынулы сезімталдықты бастан кешсе, оған дереу дәрігерге жүгінуді ұсыну қажет. Статиндермен емді фузидий қышқылының соңғы дозасын қабылдағаннан кейін жеті күн өткен соң қайта бастауға болады. Ерекше жағдайларда, фузидий қышқылын ұзақ уақыт жүйелі қолдану қажет болса, мысалы, ауыр инфекцияларды емдеу үшін, Мертенил препаратын фузидий қышқылымен бір уақытта қолдану қажеттілігін әрбір нақты жағдайда және мұқият медициналық бақылаумен қарастыру керек. Мертенилді миопатия деп жорамалдауға мүмкіндік беретін немесе рабдомиолизбен байланысты салдарлық бүйрек жеткіліксіздігі пайда болуы мүмкін жедел, ауыр аурулары (мысалы: сепсис, артериялық гипотензия, хирургиялық араласу, жарақаттану, ауыр метаболизмдік синдром, бақыланбайтын құрысулар, эндокриндік бұзылулар, электролиттік бұзылулар) бар пациенттерге тағайындамаған жөн. Бауыр функциясына әсер етуі ГМГ-КоА-редуктазасының басқа тежегіштері сияқты, Мертенилді алкогольді шамадан тыс пайдаланатын немесе анамнезінде бауыр аурулары бар пациенттерге аса сақтықпен тағайындау керек. Емдеу басталғанға дейін және одан кейін 3 айдан соң бауыр функциясының көрсеткіштерін анықтау керек. Егер қан сарысуындағы «бауыр» трансаминазаларының белсенділігі қалыптың жоғары шегінен 3 есе артық асып кетсе, Мертенил препаратын қабылдауды тоқтатқан немесе қабылданатын дозаны азайтқан жөн. Бауыр функциясының айқын бұзылуларының (негізінен, «бауыр» трансаминазалары белсенділігінің жоғарылауымен байланысты) жиілігі 40 мг препаратты қабылдағанда артады. Гипотиреоздан немесе нефроздық синдромнан болатын салдарлық гиперхолестеринемиясы бар пациенттерде негізгі ауруды емдеу Мертенил препаратымен емдеуден бұрын жүргізілуі тиіс. Ерекше популяциялар. Этникалық топтар Жоғары жүйелік әсер азиялық нәсілді пациенттерде байқалған. Әртүрлі этникалық топтарға жататын пациенттерде зерттеген кезде жапондықтар мен қытайлықтарда розувастатиннің жүйелік концентрациясының артуы байқалған. Осы деректі пациенттердің осы топтарына розувастатин тағайындағанда ескерген жөн. Азиялық нәсілді пациенттерге ұсынылатын бастапқы дозасы 5 мг-ны құрайды. 40 мг дозасының осы пациенттер тобына қарсы көрсетілімі бар. АИТВ-протеаза тежегіштері Розувастатин мен АИТВ-протеазалардың түрлі тежегіштерін ритонавирмен біріктірілімде бірге қабылдау кезінде розувастатиннің жүйелі экспозициясының ұлғаюы байқалады. Розувастатин қабылдау аясында қандағы липидтер концентрациясының төмендеуінен болатын пайданы да мұқият бағалау керек, сондай-ақ емнің басында және АИТВ-протеаза тежегіштерін қабылдайтын АИТВ бар пациенттерде препарат дозасын арттыру кезеңінде розувастатиннің қан плазмасындағы концентрациясының ықтимал жоғарылауын ескеру керек. АИТВ-протеаза тежегіштерімен бір мезгілде қабылдау розувастатин дозасын түзетусіз ұсынылмайды. Өкпенің интерстициальді ауруы Кейбір статиндерді, әсіресе ұзақ уақыт қабылдағанда, өкпенің интерстициальді ауруларының пайда болуының бірлі-жарым жағдайлары хабарланған. Аурудың көріністері ентігу, қақырықсыз жөтел және жалпы ахуалдың нашарлауы (әлсіздік, дене салмағының кемуі және қызба) болып табылады. Өкпенің интерстициальді ауруының пайда болуына күдіктенгенде статиндермен емдеу тоқтатылуы тиіс. Қант диабеті Статиндер класс ретінде қандағы глюкоза концентрациясының жоғарылауын тудыратыны жайлы дәлелдер бар және олар болашақта қант диабетінің жоғары даму қаупі бар кейбір пациенттерде қант диабетін стандартты емдеу көрсетілетін жағдайдағыдай гипергликемия деңгейіне түрткі болуы мүмкін. Алайда, бұл қауіптен статиндермен қамтамасыз етілетін тамырлы асқынулардың даму қаупінің төмендеуі басым болады, сондықтан статиндермен емдеуді тоқтатудың себебі жоқ. Қауіп тобындағы (глюкоза концентрациясы ашқарында 5,6-дан 6,9-ға дейін ммоль/л, ДСИ> 30 кг/м2, триглицеридтердің жоғары концентрациясы, артериялық гипертензия) пациенттерде ұлттық ұсынымдарға сәйкес клиникалық және биохимиялық көрсеткіштердің мониторингін жүргізу жөн. Қосымша зат Препараттың құрамында лактоза бар, сондықтан оны галактоза жақпаушылығы, толық лактазалық жеткіліксіздік немесе глюкоза-галактозалық мальабсорбция синдромы сияқты сирек тұқым қуалайтын аурулары бар пациенттерге қабылдамаған жөн. Педиатрияда қолдану Розувастатинді балаларға тағайындауды тек маман жүргізуі тиіс.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, жарықтан қорғалған жерде, 30 оС-ден аспайтын температурада сақтау керек. Балалардың қолы жетпейтін жерде сақтау керек! Дәріханадан босатылу шарттары Рецепт арқылы