Месакол таблетки 400 мг

Бір таблетканың құрамында белсенді зат - 400.00 мг месалазин, қосымша заттар: кальций гидрофосфаты, жүгері крахмалы, микрокристалды целлюлоза, гипромеллоза К-4М, повидон К-90 (Коллидон), изопропил спирті, тазартылған тальк, сусыз коллоидты кремнийдің қостотығы, натрий крахмалы гликолаты (А типі) (РН 5.5-7.5) қабықтың құрамы: метакрил кополимер қышқылы (С типі) (Эудрагит L 100-55), метакрил кополимер қышқылы (В типі) (Эудрагит S100), дибутилфталат, титанның қостотығы (Е 171), темірдің қызыл тотығы (Е 172), макрогол 6000, ацетон, изопропил спирті Сыртқы түрінің, иісінің, дәмінің сипаттамасы Қызыл-қоңыр түсті ішекте еритін қабықпен қапталған, дөңгелек, екі беті дөңес таблеткалар

МЕСАКОЛ ересектерге, балаларға және 6 жастан асқан жасөспірімдерге емдеу үшін көрсетілген: - спецификалық емес ойық жаралы колит (СОК) (ауырлығы жеңіл және орташа деңгейдегі асқынуды емдеу; ремисияны демеу үшін) - Крон аурулары (ремиссияны демеу үшін)

ATХ коды A07EС02 Әсер ету механизмі Месалазин, сондай-ақ 5-аминосалицил қышқылы ретінде белгілі, әлі толық түсінікті емес механизм арқылы қабынуға қарсы әсер етеді. Месалазин ішек макрофагтарының LTV4 миграциясын тежейді және осылайша макрофагтардың қабынған жерлерге миграциясын шектеу арқылы ішектің қабынуын азайтуы мүмкін. Ішек қабырғасының макрофагтарында қабынуға қарсы лейкотриендердің (LTB4 және 5-HETE) өндірісі тежеледі. Месалазин ішектің қабыну реакцияларының ядролық белсенуіне қарсы тұратын PPAR-γ рецепторларын белсендіреді. Фармакодинамикалық әсерлері Сынақ жағдайында месалазин циклооксигеназаны және осылайша тромбоксан В2 мен простагландин Е2 босап шығуын тежеді, бірақ бұл әсердің клиникалық мәні әлі анық емес. Месалазин тромбоциттерді белсендіру факторының (ТБФ) түзілуін тежейді. Месалазин сонымен қатар антиоксидант болып табылады; реакцияға қабілетті оттегі өнімдерінің түзілуін төмендететіні және бос радикалдарды қармайтыны дәлелденді. Клиникалық тиімділігі және қауіпсіздігі Қолда бар деректер бойынша, 800 мг мезалазин таблеткалары плацебомен салыстырғанда қауіпсіздік пен тиімділікті салыстырған 10 аптаға созылған бір бақыланатын зерттеуде ауырлық дәрежесі жеңіл және орташа белсенді ойық жаралы колиті бар пациенттерде бағаланды. Бұл көрсетілім сонымен қатар 400 мг босап шығуы модификацияланған месалазин таблеткаларын қабылдаған пациенттердің қатысуымен жеті бақыланатын және үш ашық клиникалық зерттеулерде зерттелді. Үш зерттеу плацебо-бақыланатын болды, олардың бірінде месалазиннің тиімділігі басқа патенттелген пероральді месалазин препаратымен салыстырылды. Салыстыру препаратынсыз бес зерттеу жүргізілді. Зерттеулер месалазиннің оңтайлы дозасын таңдауды қамтыды. Бір зерттеуде месалазин мен сульфасалазиннің тиімділігі салыстырылды. Зерттеулерге месалазиннің тәулігіне 1,2 г-ден 4,8 г/тәулікке дейінгі дозалары кірді. Зерттеулердің бірінде месалазиннің преднизолон клизмасымен салыстырғанда тиімділігін бағалау үшін компьютерлік морфометрия пайдаланылды. Бұл зерттеулер 2.4 – 4.8 г месалазиннің тәуліктік дозаларында ауырлық дәрежесі жеңіл және орташа жедел ОК емдеу үшін месалазиннің қауіпсіздігі мен тиімділігін растады. Ойық жаралы колиттің ремиссиясын демеу Бұл көрсетілім 400 мг босап шығуы модификацияланған месалазин таблеткаларын қабылдаған пациенттердің қатысуымен бес бақыланатын және екі ашық клиникалық зерттеулерде зерттелген. Үш зерттеуде месалазинмен емдеу сульфасалазинмен салыстырылды, біреуінде - месалазиннің басқа патенттелген пероральді препаратымен, бір зерттеуде - плацебомен. Дозасы тәулігіне 0.8-ден 4.4 г мезалазинге дейін ауытқыды. Бұл зерттеулер 1.6-2.4 г месалазиннің тәуліктік дозаларында ОК ремиссиясын демеу үшін месалазиннің қауіпсіздігі мен тиімділігін растады. Крон илеоколитінің ремиссиясын демеу Бұл көрсетілім 400 мг босап шығуы модификацияланған месалазин таблеткаларын қабылдаған пациенттердің қатысуымен бір салыстырмалы жасырын, бір ретроспективті және екі ашық клиникалық зерттеулерде зерттелді. Бір зерттеуде месалазинмен емдеу сульфасалазинмен салыстырылды, ал үш зерттеуде - плацебомен немесе спецификалық емдеудің болмауымен. Екі зерттеу Крон ауруының операциядан кейінгі қайталануының профилактикасындағы тиімділігін растады. Бұл зерттеулер месалазиннің симптомсыз Крон ауруын, операциядан кейінгі кезеңдегі мықын ішектің терминалды бөлігі мен жуан ішекті емдеудегі қауіпсіздігі мен тиімділігін растайды, оның ішінде месалазиннің тәуліктік дозасы 2.4 г пациенттерде.

Дозалау режимі Спецификалық емес ойық жаралы колитті емдеу үшін: Аурудың жедел кезеңінде: Ересектер Күніне 3 рет 2-3 таблеткадан бөлек дозалармен (күніне 2400 мг - 3600 мг месалазин). Қажет болса, дозаны күніне 4000 мг (10 таблетка) дейін арттыруға болады. Спецификалық емес ойық жаралы колиттің профилактикасы үшін: Күніне 1200-2400 мг месалазин (3 – 6 таблетка), күніне бір рет немесе бөлек дозада. Крон ауруының профилактикасы үшін: Күніне бір рет немесе бөлек дозада қабылданатын 2000 мг (6 таблеткаға дейін). Ең жоғары тәуліктік доза 4000 мг құрайды, бөлек дозалармен. Күніне 10 x 400 мг таблеткадан артық қабылдамаған жөн. Егде жастағы пациенттер. Бауыр мен бүйректің қалыпты жұмыс істеуі кезінде дозаны түзетудің қажеті жоқ. 6 жастағы және одан асқан балаларда қолдану. Тәуліктік доза баланың дене салмағына байланысты: тәулігіне 15-30 мг/кг, ойық жаралы колит кезінде тәулігіне 30/50 мг/кг дозадан бастайды. Ең жоғары тәуліктік доза 2 г құрайды. Енгізу әдісі және жолы Пероральді. Таблеткаларды шайнамай тамақтанар алдында қабылдау керек. Емдеу ұзақтығы Препаратты 8-12 аптадан асырмай жоғары дозада пайдалану ұсынылады. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер • Қолданар алдында міндетті түрде емдеуші дәрігермен кеңесіңіз. • Емдеуші дәрігерге сіз қандай да бір басқа препараттарды қабылдап жүрсеңіз, жақында қабылдасаңыз немесе қабылдауды жоспарласаңыз, хабарлаңыз.

- белсенді затқа немесе қосымша заттардың кез келгеніне аса жоғары сезімталдық - бауырдың ауыр жеткіліксіздігі - бүйректің ауыр жеткіліксіздігі (ШСЖ 30 мл/мин/1,73 м2-ден кем) - қан аурулары (анемия, лейкоздар) - геморрагиялық диатез - асқыну кезеңінде асқазанның немесе он екі елі ішектің ойық жаралы ауруы - глюкоза-6-фосфатдегидрогеназа тапшылығы - бүйректің ауыр созылмалы жеткіліксіздігі - жүктілік кезеңі және бала емізу - 6 жасқа дейінгі балалар

Жиі - Диспепсия - Бөртпе Жиі емес - Эозинофилия (аллергиялық реакцияның бөлігі ретінде) - Парестезия - Есекжем, қышыну - Пирексия, кеуденің ауыруы Сирек - Бас ауыруы, бас айналу - Миокардит, перикардит - Іштің ауыруы, диарея, метеоризм, жүрек айну, құсу - Жарыққа сезімталдық Өте сирек - Қан талдауының өзгеруі (аплазиялық анемия, агранулоцитоз, панцитопения, нейтропения, лейкопения, тромбоцитопения) - Аллергиялық экзантема, дәрілік қызба, қызыл жегі синдромы, панколит сияқты аса жоғары сезімталдық реакциялары - Шеткері нейропатия - Өкпенің аллергиялық және фиброзды реакциялары (ентігу, жөтел, бронх түйілуі, альвеолит, өкпе эозинофилиясы, өкпе инфильтрациясы, пневмонитті қоса), интерстициальды пневмония, эозинофильді пневмония, өкпе ауруы - Жедел панкреатит - Бауыр функциясының параметрлерінің өзгеруі (трансаминазалар мен холестаздар деңгейінің жоғарылауы), гепатит, холестаздық гепатит - Алопеция - Миалгия, артралгия - Препаратты ерте тоқтатқан кезде қайтымды болуы мүмкін жедел созылмалы интерстициальды нефрит және бүйрек жеткіліксіздігі, нефроздық синдром, бүйрек жеткіліксіздігін қоса, бүйрек функциясының бұзылуы - Олигоспермия (қайтымды) Белгісіз - Плеврит - Стивенс-Джонсон синдромы (SJS), уытты эпидермалық некролиз (TEN), терінің ауыр жағымсыз реакциялары (SCAR), эозинофилиямен және жүйелік симптомдармен дәрілік реакция (DRESS) - Айқын симптомдар ретінде перикардит пен плевроперикардитпен жегі тәрізді синдром, сондай-ақ бөртпе мен артралгия - Нефролитиаз - Қан креатинині деңгейінің жоғарылауы, дене салмағының төмендеуі, креатинин клиренсінің төмендеуі, амилаза деңгейінің жоғарылауы, эритроциттердің шөгу жылдамдығының жоғарылауы, липаза деңгейінің жоғарылауы, қандағы мочевина азоты мөлшерінің жоғарылауы - С-реактивті ақуызы бар месалазин жақпаушылығы және/немесе негізгі ауру симптомдарының асқынуы - Идиопатиялық бассүйекішілік гипертензия Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Бүйрек немесе бауыр уыттылығын көрсетпейтін артық дозалану (мысалы, месалазиннің жоғары пероральді дозаларымен қасақана өзіне қол жұмсау) туралы сирек деректер бар. Арнайы антидот жоқ. Емдеу - симптоматикалық демеуші. Салицилаттармен улану әдетте қан плазмасындағы >350 мг/л (2.5 ммоль/л) концентрациясымен байланысты. Ересектер арасындағы өлім-жітімнің көпшілігі концентрациясы 700 мг/л (5.1 ммоль/л) асатын пациенттерде болады. 100 мг/кг-ден кем бір реттік дозалар күрделі улануды тудыруы екіталай. Симптомдары Жалпы белгілер: құсу, сусыздану, құлақтағы шуыл, бас айналу, кереңдік, тершеңдік, аяқ-қолдардағы жылу сезімі, жүрек соғуының жиілеуі, тыныс алудың жиілеуі және гипержелдету. Көптеген жағдайларда қышқыл-негіз теңгерімінің бұзылуының белгілі бір дәрежесі байқалады. Қалыпты немесе жоғары артериялық рН (сутегі иондарының қалыпты немесе төмен концентрациясы) бар аралас респираторлық алкалоз және метаболизмдік ацидоз - ересектер мен 4 жастан асқан балаларда әдеттегі құбылыс. 4 жастағы және одан кіші балаларда артериялық рН төмен метаболизмдік ацидоз (сутегі иондарының концентрациясының жоғарылауы) жиі байқалады. Ацидоз салицилаттардың гематоэнцефалдық бөгет арқылы тасымалдануын арттыруы мүмкін. Жиі емес белгілер: гематемез, гиперпирексия, гипогликемия, гипокалиемия, тромбоцитопения, ХҚҚ/ПВ жоғарылауы, тамырішілік қан ұюы, бүйрек жеткіліксіздігі және өкпенің кардиогенді емес ісінуі. Сананың шатасуы, бағдардан адасу, кома және құрысуларды қоса, орталық жүйке жүйесі таапынан бұзылулар ересектерде балаларға қарағанда сирек кездеседі. Емдеу Егер ересек адам препаратты қабылдағаннан кейін бір сағат ішінде 250 мг/кг-ден асатын болса, белсендірілген көмір беру керек. Қан плазмасындағы салицилаттардың концентрациясын өлшеу керек, бірақ уланудың ауырлығын осы көрсеткіштің біреуінен анықтауға болмаса да, клиникалық және биохимиялық көрсеткіштерді ескеру қажет. Шығарылу несепті сілтілеу арқылы күшейтіледі, оған 1,26% натрий бикарбонаты ерітіндісін енгізу арқылы қол жеткізіледі. Несептің рН деңгейін бақылау қажет. Метаболизмдік ацидозды 8,4% натрий бикарбонаты ерітіндісін (алдымен қан сарысуындағы калий деңгейін тексеріңіз) вена ішіне енгізу арқылы жойыңыз. Мәжбүрлі диурезді қолданбаған жөн, себебі ол салицилаттардың шығарылуын күшейтпейді және өкпе ісінуін тудыруы мүмкін. Гемодиализ ауыр улану кезінде таңдау әдісі болып табылады және плазмадағы салицилат концентрациясы >700 мг/л (5.1 ммоль/л) немесе ауыр клиникалық немесе метаболизмдік ерекшеліктерге байланысты едәуір төмен концентрациялары бар пациенттерде қарастырылуы тиіс. 10 жасқа дейінгі немесе 70 жастан асқан пациенттерде салицилат уыттылығының даму қаупі жоғары және ерте кезеңдерде диализді қажет етуі мүмкін.

Қан талдауын (дифференциациялық қан талдауы, АЛТ немесе AСT сияқты бауыр функциясының параметрлері; сарысу креатинині) және несептің жай-күйін (тест-жолақтар) емдеуші дәрігердің қалауы бойынша емдеуге дейін және емдеу кезінде анықтау керек. Бағдар ретінде емдеуді бастағаннан кейін 14 күннен кейін, содан кейін келесі 12 апта ішінде әр 4 апта сайын қайталанатын тесттерді жүргізу ұсынылады. Егер көрсеткіштер қалыпты болса, қайталама тесттер үш айда бір рет жүргізілуі керек. Егер қосымша белгілер пайда болса, бұл тесттер дереу жүргізілуі тиіс. Бүйрек жеткіліксіздігі Несептің құрамы мен жай-күйін (тест-жолақтар) емдеуші дәрігердің қалауы бойынша емдеуге дейін және емдеу кезінде анықтау керек. Сарысуда немесе протеинурияда креатинин мөлшері жоғары пациенттерде сақ болу керек. Емдеу кезінде дамитын бүйрек функциясы бұзылған пациенттерде месалазинмен индукцияланған нефроуыттылық пайда болады деп күту керек. Месалазинді қабылдау кезінде кристаллурияның пайда болу қаупін және содан кейін бүйректің зақымдануын азайту үшін пациенттің организмінде сұйықтықтың жеткілікті мөлшері болуы тиіс. Құрамында 100% месалазин бар тастарды қоса, месалазинді қолдану кезінде нефролитиаздың дамуы туралы хабарламалар алынды. Препаратты қабылдау кезінде сұйықтықты талапқа сай тұтынуды қамтамасыз ету ұсынылады. Барлық пациенттерде месалазинмен емдеуді бастамас бұрын және емдеу барысында қайталап бүйрек функциясын бағалау ұсынылады. Бардар ретінде емдеуді бастағаннан кейін 14 күннен кейін, содан кейін келесі 12 апта ішінде әр 4 апта сайын бақылау зерттеулері ұсынылады. Месалазинмен емдеуді бастағаннан кейін бірден қысқа бақылау аралықтары сирек жедел бүйрек реакцияларын анықтауға көмектеседі. Жедел бүйрек реакциясы болмаған кезде мониторинг аралықтарын ұзартуға болады (әр 3 ай сайын), содан кейін жыл сайын 5 жылдан кейін. Егер бүйрек жеткіліксіздігінің қосымша зертханалық немесе клиникалық белгілері пайда болса, бұл зерттеулер дереу жүргізілуі керек. Егер бүйрек жеткіліксіздігінің белгілері болса, ал пациенттер дереу медициналық көмекке жүгінуі керек болса, месалазинмен емдеуді дереу тоқтату керек. Нефролитиаз Құрамында 100% месалазин бар тастардың түзілуін қоса, месалазин қабылдаған кезде нефролитиаз жағдайлары туралы хабарланды. Емдеу кезінде сұйықтықты жеткілікті тұтынуды қамтамасыз ету ұсынылады. Месалазин натрий гипохлориті (мысалы, кейбір ағартқыштардың құрамында болатын натрий гипохлоритімен дәретхананы тазарту кезінде) негізіндегі ағартқышпен байланыста болғаннан кейін несептің қызыл-қоңыр түске боялуына әкелуі мүмкін. Қан дискразиясы Қанның күрделі дискразиясы туралы хабарламадар өте сирек. Месалазинді емді дереу тоқтату керек, егер күдік немесе қан дискразиясы (түсініксіз қан кету белгілері, көгеру, пурпура, анемия, тұрақты қызба немесе тамақ ауыруы) туралы куәлік болса, пациенттер дереу медициналық көмекке жүгінуі керек. Гематологиялық зерттеулерді (қанның дифференциациялық талдауы) месалазинді қабылдағанға дейін және емдеуші дәрігердің қалауы бойынша ем кезінде жүргізу ұсынылады. Бағдар ретінде емдеуді бастағаннан кейін 14 күннен кейін бақылау зерттеулері ұсынылады, содан кейін 4 апта аралықпен тағы екі-үш зерттеу ұсынылады. Егер нәтижелер қалыпты болса, кейінгі зерттеулер әр 3 ай сайын жүргізілуі тиіс. Егер қосымша симптомдар пайда болса, бұл зерттеулер дереу жүргізілуі тиіс. Бауыр жеткіліксіздігі Құрамында месалазин бар препараттарды қабылдайтын пациенттерде бауыр ферменттерінің белсенділігінің жоғарылауы туралы хабарланды. Бауыр функциясы бұзылған пациенттерге месалазинді сақтықпен тағайындау ұсынылады. Қан талдауы (АЛТ немесе AСT сияқты бауыр функциясының параметрлері) емдеуші дәрігердің қалауы бойынша емдеуге дейін және емдеу кезінде жүргізілуі тиіс. Бағдар ретінде емдеуді бастағаннан кейін 14 күннен кейін бақылау зерттеулері ұсынылады, содан кейін 4 апта аралықпен тағы екі-үш зерттеу ұсынылады. Егер нәтижелер қалыпты болса, кейінгі зерттеулер әр 3 ай сайын жүргізілуі керек. Егер қосымша симптомдар пайда болса, бұл зерттеулер дереу жүргізілуі тиіс. Жүректің аса жоғары сезімталдық реакциялары Месалазинмен емдеу кезінде жүректің аса жоғары сезімталдығының месалазин-индукцияланған реакциялары (мио- және перикардит) туралы сирек хабарланды. Алдыңғы месалазин-индукцияланған жүректің аса жоғары сезімталдығы жағдайында препаратты қайта қабылдамаған жөн. Препаратты бұрын миокардитті немесе аллергиялық перикардитті бастан өткерген пациенттерге − оның шығу тегіне қарамастан, сақтықпен тағайындау керек. Өкпе аурулары Өкпе ауруы, атап айтқанда демікпесі бар пациенттерді месалазинмен емдеу кезінде өте мұқият бақылау керек. Сульфасалазинге жағымсыз дәрілік реакциялар Анамнезінде сульфасалазинмен емге жағымсыз дәрілік реакциялары бар пациенттер мұқият медициналық бақылауда болуы тиіс. Абдоминалды құрысуы, іштің жедел ауыруы, қызба, қатты бас ауыруы және бөртпе сияқты жедел жақпаушылық симптомдары пайда болса, емдеуді дереу тоқтату керек. Асқазан мен он екі елі ішектің ойық жаралары Асқазанның немесе он екі елі ішектің ойық жарасы болған кезде емдеуді теориялық ережелерге сүйене отырып мұқият бастау керек. Терінің ауыр жағымсыз реакциялары месалазинді қабылдау кезінде Стивенс-Джонсон синдромы (SJS), эозинофилиямен және жүйелік симптомдармен дәрілік реакция (DRESS) және уытты эпидермалық некролизді (TEN) қоса, терінің ауыр жағымсыз реакциялары (SCAR) туралы хабарланды. Месалазинді тері бөртпесі, шырышты қабықтың зақымдануы немесе аса жоғары сезімталдықтың кез келген басқа белгілері сияқты терінің күрделі бөртпелерінің белгілері мен симптомдары алғаш рет пайда болған кезде тоқтату керек. Идиопатиялық бассүйекішілік гипертензия Месалазин қабылдаған пациенттерде идиопатиялық бассүйекішілік гипертензия (мидың жалған ісігі) туралы хабарланды. Пациенттерге қатты немесе қайталанатын бас ауыруы, көрудің бұзылуы немесе құлақтағы шуылды қоса, идиопатиялық бассүйекішілік гипертензияның белгілері мен симптомдарының пайда болуы туралы ескерту керек. Идиопатиялық бассүйекішілік гипертензия пайда болған кезде, месалазинді қабылдауды тоқтату туралы мәселені қарастыру керек. Дәрігермен сөйлесіңіз: • Егер сізде қатты немесе қайталанатын бас ауыруы, көрудің бұзылуы, құлақтағы шуыл немесе ызыңды сезінсеңіз, дереу дәрігерге қаралыңыз. Нәжістегі таблеткалар Пациенттің нәжісінде интактілі таблеткалар туралы хабарламалардың шектеулі саны бар. Зақымданбаған сияқты көрінетін таблеткалар кейбір жағдайларда таблеткалардың бос қабықтары болуы мүмкін. Егер нәжісте өзгермеген таблеткалар қайта анықталса, пациент дәрігерден кеңес алуы тиіс. Егде жастағы пациенттер Егде жастағы пациенттерде препаратты сақтықпен қолдану керек және оны бауыр мен бүйрек функциясы қалыпты немесе зақымданбаған пациенттерге ғана тағайындау керек. Балалар Препараттың балаларға әсерін сипаттайтын құжаттама шектеулі (6-18 жас). Арнайы сақтандырулар Педиатрияда қолдану 6 жасқа дейін қарсы көрсетілімді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың жағымсыз әсерлерін ескере отырып, көлікті немесе қауіптілігі зор механизмдерді басқару кезінде сақ болу керек.

Қолдануға болмайды. Бала емізу Бүгінгі күні лактация кезінде әйелдерде препаратты қолдану тәжірибесі шектеулі. Нәрестедегі диарея сияқты аса жоғары сезімталдық реакцияларын жоққа шығаруға болмайды. Сондықтан месалазинді бала емізу кезінде, егер потенциалды пайдасы ықтимал қауіптен жоғары болса ғана қабылдау керек. Егер нәрестеде диарея дамыса, бала емізуді тоқтату керек. Фертильділік Фертильділікке жағымсыз әсер туралы хабарланған жоқ. Қосымша заттар Натрий Месакол құрамында 1 ммольден кем натрий (23 мг) бар, яғни натрий жоқ дерлік. Тұзсыз диетаны ұстанатын адамдарға тағайындағанда сақ болу керек.

Дәрілік өзара әрекеттесулерді зерттеу туралы хабарланған жоқ. Месалазиннің варфариннің антикоагулянттық әсерін төмендетуі мүмкін екендігі туралы әлсіз дәлелдер бар. Азатиоприн, 6-меркаптопурин немесе тиогуанинмен бір мезгілде емделетін пациенттерде азатиоприннің немесе 6-меркаптопуриннің немесе тиогуаниннің миелосупрессиялық әсерінің ықтимал жоғарылауын ескеру қажет. Нәтижесінде өмірге қауіп төндіретін инфекция пайда болуы мүмкін. Пациенттерге инфекция мен миелосупрессия болуының белгілерін мұқият бақылау қажет. Гематологиялық параметрлерді, әсіресе лейкоциттер, тромбоциттер және лимфоциттер жасушаларының саны үнемі (апта сайын) бақылануы тиіс, әсіресе мұндай біріктірілген емнің басында. Егер лейкоциттердің мөлшері 1 айдан кейін тұрақтанса, әр 4 апта сайын, содан кейін 12 аптадан кейін 3 айлық мониторинг аралығымен талдау жүргізу ақталды. Лактулозамен немесе нәжістің рН төмендететін және месалазиннің босап шығуына кедергі келтіруі мүмкін ұқсас препараттармен бермеген жөн. ҚҚСП және азатиоприн сияқты басқа белгілі нефроуытты агенттерді бір мезгілде пайдалану бүйрек реакцияларының қаупін арттыруы мүмкін. Месалазинмен күрделі қан құйылулар туралы өте сирек хабарланды. Егер пациентте түсініксіз қан кету, көгеру, пурпура, анемия, қызба немесе тамақтың ауыруы дамыса, гематологиялық зерттеулер жүргізілуі тиіс. Егер қан дискразияса күдік немесе белгілері болса, емдеуді тоқтату керек.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде 30С-ден аспайтын температурада сақтау керек. Балалардың қолы жетпейтін жерде сақтау керек!