Метеоспазмил® капсулы

Бір капсула құрамында белсенді заттар: альверин цитраты 60 мг, симетикон 300 мг, қосымша заттар: соя лецитині, орташа тізбекті триглицеридтер, қабықтың құрамы: желатин, глицерин, титанның қостотығы Е171, тазартылған су. Сыртқы түрінің, иісінің, дәмінің сипаттамасы Ұзынша пішінді, ақтан сарғыш түске дейін мөлдір емес жұмсақ капсулалар. Капсуланың ішіндегісі - ақшыл түсті қою cуcпензия.

- ішек қызметінің бұзылыстарын симптоматикалық емдеу, әсіресе іш кебуі кезінде (іштің түйілуі және ауыруы, метеоризм).

Біріктірілген, миотропты, түйілуді басатын, жел айдайтын препарат. Спазмолитикалық әсер етеді, ішекте газ түзілуін азайтады және метеоризм кезінде газдардың шығарылуына көмектеседі. Альверин цитраты - миотропты спазмолитик. Симетикон – фармакологиялық белсенділікке ие емес, физиологиялық инертті зат. Симетикон газ көпіршіктерінің беткейлік тартылуын азайта отырып, олардың ыдырауын туындатады.

Дозалау режимі Тек ересектер үшін. Ас ішер алдында немесе ауырған кезде бір капсуладан тәулігіне 2-3 рет. Енгізу әдісі мен жолы Ішке қабылдауға арналған, аз мөлшердегі сумен ішу керек, пероральді. Дәрілік препаратты қолдану тәсілін түсіндіру үшін медициналық қызметкерден кеңес алу бойынша нұсқаулар Дәрілік препаратты қолданар алдында дәрігерге немесе фармацевтке жүгініңіз.

- препараттың белсенді және қосымша заттарына аса жоғары сезімталдық - 18 жасқа дейінгі балалар мен жасөспірімдер - жүктілік және лактация кезеңі

Жағымсыз реакциялардың (ЖР) жиілігі бойынша мынадай жіктеме пайдаланылған: өте жиі (≥1/10); жиі (≥1/100-нан ˂1/10 дейін); жиі емес (≥1/1000-нан ˂1/100 дейін); сирек (≥1/10000-нан ˂1/1000 дейін); өте сирек (˂1/10,000) және жиілігі белгісіз (қолда бар деректер негізінде бағалау мүмкін емес). Өте сирек • цитолиздік гепатит • анафилаксиялық типті реакциялар және анафилаксиялық шок. Жиілігі белгісіз • трансаминаза, сілтілі фосфатаза және билирубин деңгейлерінің артуы. • Квинке ісінуі, тері бөртпесі, есекжем және қышыну. • бас айналу. • бас ауыруы. • жүректің айнуы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты ұсынылған дозадан артық қабылдау кезінде бас айналу жағдайлары туралы хабарланды. Физиологиялық және химиялық инерттілігі салдарынан симетикон организмде сіңбейді және асқазан-ішек жолдары арқылы өзгермеген түрінде шығарылады, сондықтан уыттану жоқ. Альверин - медициналық мониторингке негізделген симптоматикалық ем үшін ұсынылады.

Қатысты емес Арнайы ескертулер Бауыр функциясы Альверин/симетиконмен ем алған пациенттерде АЛТ (аланинаминотрансфераза) және АСТ (аспартатаминотрансфераза) концентрацияларының қалыптың жоғарғы шегінен (ҚЖШ) екі есеге артық жоғарылауы байқалды. Мүмкін, бұл сарысуда жалпы билирубиннің деңгейімен бірге жоғарылауына байланысты. Бауырдың аминотрансфераза концентрациясы ҚЖШ үш есе артық жоғарылаған жағдайда, әсіресе сарғаю кезінде, альверинмен/симетиконмен емдеуді тоқтату керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Метеоспазмил елеусіз әсер етеді. Кейбір пациенттерде бас айналу сияқты жағымсыз реакциялар байқалды. Мұндай бұзылулар түрлері көлік құралдарын немесе қауіптілігі зор механизмдерді басқару қабілетіне әсер етуі мүмкін.

Симетикон: жүктілік кезеңінде симетиконды қабылдау кезінде болмашы жүйелік әсер етуіне байланысты жағымсыз әсер күтілмейді. Альверин: жануарлардағы тератогендігі туралы толық деректер жоқ. Клиникалық тәжірибеден осы уақытқа дейін препараттың қандайда бір арнайы туа біткен немесе құрсақішілік уытты әсері туралы хабарланған жоқ. Алайда, альверин қабылдайтын жүкті әйелдерді бақылау кез келген қауіпті болдырмау үшін жеткіліксіз шара болып табылады. Демек, сақтық шарасы ретінде жүктілік кезінде ең дұрысы Метеоспазмил препаратын қабылдамаған жөн. Бала емізу кезінде болмашы жүйелік әсер етуіне байланысты симетиконның жағымсыз әсері күтілмейді. Альвериннің ана сүтіне экскрециясы туралы деректер жоқ. Осыған байланысты бала емізу кезінде Метеоспазмил препаратын қабылдауға болмайды.

Бүгінгі күні қолда бар деректер клиникалық маңызды өзара әрекеттесудің бар екендігін көрсетпейді.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!