Метопролол раствор 1 мг/мл

1 мл ерітіндінің құрамында: белсенді зат - 1.0 мг метопролол тартраты қосымша заттар: натрий хлориді, инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз сұйықтық.

• Тахиаритмияны, әсіресе суправентрикулярлы тахиаритмияны бақылау үшін. Ем кезінде электрокардиограмма көмегімен мониторинг жүргізу керек. • Жедел миокард инфарктісі кезінде Метопролол препаратының инъекциясын ерте енгізу инфарктің мөлшерін және қарыншалық фибрилляция жиілігін азайтады. Ауырсынуды бәсеңдету әсері де опиоидты анальгетиктерді қажетсінуді азайтуы мүмкін. Метопролол инъекциясы жедел миокард инфарктісі бар науқастарға тағайындалған кезде өлім жағдайын азайтатыны көрсетілген.

Әсер ету механизмі Метопролол бета-адренорецепторлардың бәсекелес антагонисі болып табылады. Ол көбінесе бета-адренорецепторлардың қызметін тежейді (бірен-саран кардиоселективтілікпен қамтамасыз етеді), ішкі симпатомиметикалық белсенділігі жоқ (ішінара агонистің белсенділігі) және күші жағынан пропранололмен салыстырмалы, бета-адренорецепторларды бөгейтін белсенділігі бар. Фармакодинамикалық әсерлер Метопрололды қабылдаудың өзіне тән ерекшелігі жүрекке теріс хронотропты әсер етуі болып табылады. Осылайша, бір рет қабылдаудан кейін жүректегі қан ағымының көлемдік жылдамдығы мен систолалық қысым жылдам төмендейді. Клиникалық тиімділігі және қауіпсіздігі COMMIT зерттеуіне ЭКГ-дағы қатарлас ауытқулармен (яғни, ST көтерілуі, ST депрессиясы немесе Гис шоғырының сол жақ тармағының блокадасымен), жедел миокард инфарктісіне күдіктендіретін симптомдар пайда болғаннан кейінгі 24 сағат ішінде ауруханаға жатқызылған 45852 пациент кірістірілді. Пациенттер метопрололды (вена ішіне 15 мг дейін, содан соң пероральді 200 мг) немесе плацебо қабылдау үшін және стационарда шығарылғанға дейін немесе 4 аптаға дейін ем қабылдағандар болып кездейсоқ ретпен бөлінді. Бастапқы қатарлас екі нәтиже: (1) өлімнің, инфаркттің қайталануының немесе жүректің тоқтап қалуының бірігуі; және (2) жоспарлы емдеу кезеңі ішінде кез келген себептерден өлу болды. Бастапқы қатарлас нәтижелердің бірде-біреуін метопролол айтарлықтай төмендетпеген. Алайда, метопрололмен емдеу инфаркт пен қарыншалар фибрилляциясының қайталанулары санының аздығымен, бірақ түсуінен кейінгі алғашқы тәуліктер ішінде кардиогендік шок жиілігінің жоғарылауымен байланысты болды. Гемодинамикасы тұрақсыз пациенттерде едәуір қауіп болған. Тұрақты гемодинамикасы бар пациенттерде, әсіресе 0-1 күннен кейін орташа таза пайдасы байқалған.

Дозалау режимі Метопролол препаратын парентеральді қолдануды артериялық қысымды өлшеу, ЭКГ және реанимация шараларын жүргізуге мүмкіндігі бар орталықтардағы тиісті қызметкерлердің бақылауында болуы керек. Жүрек аритмиялары: Метопролол 5 мг препаратын минутына 1-2 мг жылдамдықпен вена ішіне енгізуден бастайды. Енгізуді емдік әсеріне қол жеткенге дейін 5 минуттық аралықпен қайталауға болады. Әдетте жиынтық дозасы 10-15 мг құрайды. Систолалық қысымы 100 мм сынап бағанасынан төмен пациенттерге артериялық қысымның айқын төмендеу қаупіне байланысты Метопрололды в/і енгізуді ерекше сақтықпен тағайындау керек. Анестезия кезінде Индукцияда баяу 2–4 мг енгізу анестезия кезінде аритмиялар дамуының алдын алуға жеткілікті болып табылады. Сондай дозасын анестезия кезінде дамитын аритмияны бақылауға алу үшін пайдалануға болады. Әрі қарай инъекциялауда, ең жоғары дозасы 10 мг-ден аспайтын жағдайда, қажетіне қарай 2 мг-ден енгізілуі мүмкін. Миокард инфарктісі: Ерте жүргізілетін шаралар. Метопрололды вена ішіне енгізудің оңтайлы әсеріне қол жеткізу үшін осы ыңғайдағы пациенттер кеуде қуысында ауыру пайда болғаннан кейін 12 сағат ішінде жүгінуі тиіс. Метопролол препаратының вена ішіне инъекциясын гемодинамикалық жағдай тұрақтанғаннан кейін кардиореанимация бөлімшесінде немесе соған ұқсас бөлімшеде бастау қажет. Емдеуді жалпы алғанда 15 мг ең жоғары дозадан асырмай, артериялық қысым мен жүрек жиырылу жиілігін үнемі бақылап отырумен, 5 мг препаратты вена ішіне 2 минуттық аралықпен енгізумен бастау керек. Егер систолалық артериялық қысым <90 мм сын.бағ., жүрек жиырылу жиілігі <40 соғу/мин және P-Q уақыты >0,26 секунд болса немесе ентігу немесе суық тердің кез келген өршуінде екінші немесе үшінші дозаны енгізуге болмайды. Пероральді емді 48 сағат бойы әр 6 сағат сайын 50 мг соңғы инъекциядан кейін 15 минуттан соң бастау керек. Венаішілік толық дозаны көтере алмайтын пациенттерге ұсынылатын пероральді дозаның жартысын тағайындау керек. Пациенттердің ерекше тобы Балалар Балалардағы метопролол қауіпсіздігі мен тиімділігі анықталмаған. Егде жастағы пациенттер Біршама зерттеулер жасқа байланысты физиологиялық өзгерістердің метопролол фармакокинетикасына елеусіз әсер ететінін көрсетеді. Егде жастағы адамдарда дозаны түзету қажет емес, бірақ дозаны мұқият титрлеу барлық пациенттер үшін маңызды. Бауыр жеткіліксіздігі бар пациенттер Бауыр циррозынан зардап шегетін пациенттер үшін әдетте дозаны түзету қажет емес, өйткені метопрололдың плазма ақуыздарымен байланысу деңгейі төмен (5-10%). Алайда, бауыр функциясының ауыр бұзылуында (портокавалдық анастомоз жүргізілген пациенттерде) дозаны төмендету талап етілуі мүмкін. Бүйрек жеткіліксіздігі бар пациенттер Бүйрек функциясы бұзылған пациенттерде дозаны түзетудің қажеті жоқ. Енгізу әдісі және жолы Вена ішіне Емдеу ұзақтығын дәрігер анықтайды Артық дозалану жағдайында қабылдау қажет болатын шаралар Симптомдары: артық дозалануының симптомдары артериялық гипотензияны, жүрек жеткіліксіздігін, брадикардияны және брадиаритмияны, жүрек өткізгіштігінің бұзылуын және бронх түйілуін қамтуы мүмкін. Емі демеуші ем, мониторинг және қадағалауды жүргізуге болатын бөлімшеде жүргізілуі тиіс. Атропин, адренорецепторлардың агонистері немесе брадикардия мен өткізгіштік бұзылуларын емдеуге арналған кардиостимулятор. Гипотензия, жүректің жедел жеткіліксіздігі және шок көлемнің тиісінше толтырылуымен, глюкагон инъекциясымен (қажет болған жағдайда, кейіннен вена ішіне глюкагон құюмен), добутамин сияқты адреностимуляциялайтын препараттарды вена ішіне енгізумен, вазодилатация болған жағдайда α1-рецептор агонистерін қосумен емделеді. Сонымен қатар, Ca2+ вена ішіне енгізу мүмкіндігін қарастыруға болады. Бронх түйілуі әдетте, бронхолитиктердің көмегімен басылады. Дәрілік препараттың бір немесе бірнеше дозаларын өткізіп алғанда қажет болатын шаралар Өткізіп алған дозаның орнын толтыру үшін препараттың екі есе дозасын қолданбаңыз. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Дәрілік препаратты қолданар алдында дәрігерге кеңес алу үшін жүгініңіз.

• әсер етуші затқа немесе басқа бета-адреноблокаторларға немесе кез келген қосымша заттарға аса жоғары сезімталдық • артериялық гипотензия • II және III дәрежелі атриовентрикулярлық блокада • декомпенсация сатысындағы жүрек жеткіліксіздігі (өкпенің ісінуі, гипоперфузия немесе гипотензия) • инотропты және бета-адренорецепторларға әсер ететін дәрілермен ұзаққа созылған немесе алма-кезекті ем қабылдап жүрген пациенттерге • брадикардия (минутына 45 соғудан аз) • синустық түйіннің әлсіздігі синдромы • кардиогендік шок • шеткері қан айналымының айқын бұзылулары • емделмеген феохромоцитома • метаболизмдік ацидоз • брадикардиямен асқынған жедел миокард инфарктісі, жүректің жиырылу жиілігі минутына < 45 соғу, жүректің бірінші дәрежелі блокадасы (PQ-аралығы >0,24 сек.) немесе систолалық артериялық қысым 100 мм сын. бағ. аз болған кезде және/немесе жүректің ауыр жеткіліксіздігімен.

Өте жиі • шаршау Жиі • брадикардия, жүрек қағуының жиілеуі • ортостаздық гипотензия (өте сирек жағдайда естен танумен қатар жүретін) • қол мен аяқтың суық болуы • бас айналуы, бас ауыруы • дене жүктемесі кезінде ентігу • іш тұсының ауыруы, жүрек айнуы, диарея, іш қату Жиі емес • құсу • дене салмағының ұлғаюы • прекардиальді ауырсыну, ісіну • жүрек жеткіліксіздігінің симптомдарының нашарлауы , I дәрежелі AV блокада, жедел миокард инфарктісі бар пациенттердегі кардиогендік шок* • парестезиялар, зейін қоюдың нашарлауы, ұйқышылдық • депрессия, ұйқысыздық, түнгі қорқынышты түстер • бронх түйілуі • бөртпе (псориаз формасындағы есекжем түрінде және терінің дистрофиялық зақымданулары) • қатты тершеңдік • бұлшықеттердің құрысуы Сирек • жүрекөткізгіштігініңбасқабұзылулары,аритмиялар, жүректің бұрыннан бар блокадасының күшеюі • күйгелектік, мазасыздық • көрудіңбұзылуы,көздіңқұрғауыжәне/немесе тітіркенуі, конъюнктивит • ринит • ауыздың құрғауы • шаштың түсуі • Рейно феномені • импотенция/сексуалдық дисфункция • бауырдың функциялық сынама нормасынан ауытқулары, • оң антиядролық антидене (ЖҚЖ-мен байланыссыз) Өте сирек • тромбоцитопения • осының алдында шеткері қан айналымының ауыр бұзылулары болған пациенттердегі гангрена • сананың шатасуы, елестеулер • амнезия/есте сақтаудың бұзылуы, дәм сезудің бұрмалануы • құлақтағы шуыл • бұрыннан бар мезгіл-мезгіл ақсаңдауы ұстамаларының күшеюі • гепатит • фотосенсибилизация, псориаздың өршуі • артралгия * Жедел миокард инфарктісі бар 46 000 пациентті зерттеуде плацебомен салыстырғанда жиілігі 0,4%-ға артық, мұнда кардиогендік шоктың жиілігі науқастардың шок қаупінің индексі төмен қосалқы тобындағы метопролол тобында 2,3% және плацебо тобында 1,9% құрады. Killip бойынша I класқа жататын пациенттер үшін сәйкесінше шамадан артық жиілігі 0,7% құрады (метопролол 3,5% және плацебо 2,8%). Шок қаупінің индексі әрбір жекелеген пациентте жас шамасына, жынысына, уақыт жағынан кідіруге, Killip класына, артериялық қысымға, жүректің жиырылу жиілігіне, ЭКГ аномалиясына және анамнездегі гипертензияға байланысты, шоктың абсолюттік қаупіне негізделген. Шок қаупінің индексі төмен науқастар тобы миокард инфарктісі кезінде метопрололды қолдану ұсынылған науқастарға сәйкес келеді. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті « Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Миокард инфарктісіне күдік болған немесе диагноз қойылған пациенттерді емдеу кезінде пациенттің гемодинамикалық жағдайын 5 мг үш венаішілік дозаның әрқайсысынан кейін бақылау керек. Қайталама - екінші немесе үшінші дозаны жүрек соғу жиілігі минутына 40 соғудан аз, PQ аралығы 0,26 секундтан астам және систолалық артериялық қысымы 90 мм сынап бағанасынан төмен болса, сондай-ақ ентігу немесе суық тердің кез келген өршуінде енгізуге болмайды. Метопролол вена ішіне енгізуге арналған ерітіндісінің, басқа бета-адреноблокаторлар сияқты, келесі нұсқаулары және сақтық шаралары бар: • пероральді емдеу кезінде препаратты қолдануды күрт тоқтатуға болмайды. • мүмкіндігінше, Метопрололды парентеральді енгізуді тоқтату соңғы 6 күн ішінде дозаны тәулігіне 25 мг-ға дейін төмендете отырып, 10-14 күн ішінде біртіндеп жүргізілуі керек. Оны тоқтату кезінде пациенттер, әсіресе жүректің ишемиялық ауруы расталған пациенттер мұқият бақылауда болуы тиіс. • бета-адреноблокаторлар тоқтатылған кезде кенеттен болатын өлімді қоса, коронарлық оқиғалардың қаупі артуы мүмкін. • хирургиялық араласу жағдайында, жалпы наркозды қолданар алдында анестезиолог дәрігерге пациенттің бета - адреноблокаторлар қабылдап жүргенін айту керек. Әдетте, операция жүргізілетін пациенттерге Метопрололмен емдеуді тоқтату ұсынылмайды. Егер Метопрололды тоқтатқан дұрыс деп есептелсе, онда мүмкіндігінше, препараттың соңғы дозасын жалпы наркозға дейін кемінде 48 сағат бұрын қолдану керек. Жүректен тыс операцияны өткерген пациенттерге Метопрололдың жоғары дозаларын күнделікті тағайындаудан аулақ болу керек, өйткені бұл брадикардия, гипотензия, инсульттің дамуы және жүрек-қантамыр ауруларының қауіп факторлары бар пациенттерде өлім жағдайларының көбеюімен байланысты. Алайда, кейбір пациенттерде премедикация дәрісі ретінде қандай да бір бета-адреноблокаторды қолданған дұрыс болуы мүмкін. Ондай жағдайларда миокард бәсеңдеуі қаупін азайту үшін теріс инотроптық белсенділігі елеусіз ауыруды басатын дәріні таңдау керек. • метопрололды шеткері артериялардың қан айналымының ауыр бұзылуларында қолдануға болмайтынын ескергенде, ол сондай-ақ шеткері артериялардың қан айналымының күрделілігі азырақ бұзылуларын да нашарлатуы мүмкін. • метопрололды бақыланатын жүрек жеткіліксіздігі кезінде қолдануға болады. Дигитализацияны және / немесе диуретиктер емін сондай-ақ анамнезінде жүрек жеткіліксіздігі бар пациенттер үшін немесе жүрек резерві жеткіліксіз пациенттер үшін де қарастырған жөн. Метопрололды жүрек резервтері жеткіліксіз пациенттерде сақтықпен қолдану керек, өйткені ол пациенттерде брадикардияның дамуына әкелуі мүмкін, мұндай жағдайларда дозаны азайту немесе біртіндеп тоқтату керек. • жүрек өткізгіштік уақытына теріс әсер ететіндіктен, препарат бірінші дәрежелі жүрек блокадасы бар пациенттерге сақтықпен тағайындалуы тиіс. • альфа рецепторлары арқылы коронарлық артериялардың вазоконстрикциясы кедергісіз болуына байланысты Принцметал стенокардиясы бар пациенттерде стенокардия ұстамаларының саны мен ұзақтығын арттыруы мүмкін. Метопролол бета1-селективті бета-адреноблокатор болуына байланысты оны қолдануға болады, бірақ шектік жағдайындағы сақтық болу қажет; • жедел гипогликемияның, атап айтқанда тахикардияның ерте белгілерін бүркемелеуі мүмкін. Метопрололды қолданғанда, селективті емес бета-адреноблокаторларды қолдануға қарағанда, көмірсулар алмасуына немесе гипогликемияны бүркемелеу мүмкіндігіне олардың әсерінің қаупі аз. • тиреотоксикоз симптомдарын бүркемелуі мүмкін. • аллергендерге сезімталдығы сияқты, анафилаксиялық реакциялардың күрделілігін де арттыруы ықтимал. Селективті емес бета-адреноблокаторларға қарағанда, кардиоселективті бета-адреноблокаторлардың өкпе функциясына аз әсер етуі мүмкіндігін ескерсек, егер оларды пайдалану үшін елеулі клиникалық себептер болмаса, тыныс алу жолдарының қайтымды обструктивті аурулары бар пациенттерге қолданудан аулақ болу керек. Енгізу қажет болғанда бұл пациенттер аса мұқият бақылауда болуы тиіс. Кейбір пациенттерге бета2-бронхолитиктер (мысалы, тербуталинді) пайдалану ұсынылуы мүмкін. Метопрололмен емнің басында бета2-агонистің дозалануын ұлғайту талап етілуі ықтимал. Псориазы бар пациенттерге препаратты енгізер алдында ерекше назар аудару керек. Феохромоцитомадан зардап шегетін пациенттерге Метопролол препаратымен қатар альфа-адреноблокаторлар тағайындалуы керек. Тұрақсыз және инсулинге тәуелді диабетте гипогликемиялық емді түзету қажет болуы мүмкін. Сульфонилмочевина туындыларымен бір мезгілде қолданғанда бета-адреноблокаторлар ауыр гипогликемияның даму қаупін қосымша арттыруы мүмкін. Қант диабетімен ауыратын пациенттерге қандағы глюкозаның деңгейін мұқият бақылау ұсынылады Верапамил типті кальций антагонистерін вена ішіне енгізуді бета- адреноблокаторларды қабылдайтын пациенттерге тағайындауға болмайды. Қатерлі ауыр гипертензияның бастапқы емі ауторегуляция механизмдері бұзылуы бар диастолалық қысымның күрт төмендеуін болдырмайтындай етіп жоспарлануы тиіс. Арнайы сақтандырулар Бұл дәрілік препараттың бір ампуласының ішіндегі натрий 0,77 ммоль (17,7 мг) бар, яғни натрий жоқ дерлік. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Метопролол көлік құралдары мен механизмдерді басқару қабілетіне елеусіз әсер етеді. Кейде бас айналу немесе шаршау пайда болуы мүмкін екенін ескеру қажет.

Метопрололды, анасы үшін күтілетін пайдасы шарана және бала үшін ықтимал қауіптен асып түсетін жағдайларда болмаса, жүктілік және бала емізу кезінде тағайындамаған дұрыс. Бета- адреноблокаторлар плаценталық қан ағымын баяулатады, бұл құрсақішілік өліммен, түсікпен және мерзімінен бұрын босанумен байланыстырылады. Сондықтан, Метопрололдың вена ішіне енгізуге арналған ерітіндісін қабылдап жүрген жүкті әйелдер үшін шарана мен анасының жағдайына мониторинг жүргізу ұсынылады. Барлық бета-адреноблокаторлар сияқты, метопролол да жағымсыз әсерлерді, әсіресе шарана мен жаңа туған нәрестелерде және емшекпен емізу кезеңінде болған балаларда брадикардия мен гипогликемияны тудыруы мүмкін. Жаңа туған нәрестелерде жүрек және өкпе асқынуларының қаупі жоғары болады. Метопрололдың вена ішіне енгізуге арналған ерітіндісі жүктілік мерзімі 20 аптадан асқан әйелдердегі гипертензияны емдеу үшін мұқият қадағалаумен қолданылған. Метопрололдың вена ішіне енгізуге арналған ерітіндісі плаценталық бөгет арқылы өтеді және кіндік қанында бар, алайда шаранадағы аномалиялар туралы хабарлар келіп түспеген. Бала емізу ұсынылмайды. Препаратты қалыпты емдік дозаларында қабылдап жүрген жағдайда, жаңа туған нәрестеге емшек сүті арқылы өтетін метопрололдың мөлшері бета-адреноблокаторлық әсерін тигізбеуі тиіс.

Метопролол P450 цитохромының CYP2D6 изоферменті үшін метаболизмдік субстраты болып табылады, соған байланысты, CYP2D6 тежейтін препараттар (хинидин, тербинафин, пароксетин, флуоксетин, сертралин, целекоксиб, пропафенон және дифенгидрамин) метопрололдың плазмадағы концентрациясына әсер етуі мүмкін. Ферменттерді индукциялайтын агенттер (мысалы, рифампицин), қан плазмасындағы метопролол концентрациясын төмендетуі мүмкін, ал ферменттер тежегіштері (мысалы, циметидин, спирті және гидралазин) плазмадағы концентрациясын жоғарылатуы мүмкін. Симпатикалық ганглийлер блокаторларымен, басқа бета-блокаторлармен (мысалы, көзге тамызатын дәрілермен) немесе моноаминоксидаза (МАО) тежегіштерімен қатарлас ем қабылдап жүрген пациенттер мұқият қадағалауда болуы тиіс. Клонидин Клонидинді күрт тоқтатқан кездегі гипертензиялық реакциялар бета-адреноблокаторларды бірге қабылдағанда күшейе түсуі мүмкін. Бірге қолданғанда, клонидин тоқтатылатын жағдайда, бета-адреноблокаторларды қабылдауды тоқтатуды клонидин тоқтатылғанға дейін бірнеше күн бұрын бастау керек. Верапамил Метопрололды верапамил және дилтиазем типті кальций антагонистерімен бір мезгілде қабылдағанда теріс инотроптық және хронотроптық әсерлері жоғарылауы мүмкін. Бета-адреноблокаторларды қабылдап жүрген пациенттерде, верапамил типті кальций антагонистерін вена ішіне енгізбеу керек. Аритмияға қарсы препараттар Бета-адреноблокаторлар аритмияға қарсы (хинидин және амиодарон типті) дәрілердің теріс инотроптық және теріс дромотроптық әсерін күшейтуі мүмкін. Оймақгүл гликозидтері Оймақгүл гликозидтері бета-адреноблокаторлармен бір мезгілде қолданылғанда атриовентрикулярлық өткізгіштік уақытын ұзартуы және брадикардияны тудыруы мүмкін. Ингаляциялық анестетиктер Бета-адреноблокаторлармен ем қабылдап жүрген пациенттерде ингаляциялық анестетиктер кардиодепрессиялық әсерін күшейтеді. Индометацин Индометацинмен және простагландинсинтетазаны тежейтін басқа препараттармен бір мезгілде емдеу, бета-адреноблокаторлардың гипертензияға қарсы әсерін төмендетуі мүмкін. Адреналин (эпинефрин) Бета-адреноблокаторларды қабылдап жүрген пациенттерге адреналинді (эпинефринді) енгізу, артериялық қысымның жоғарылауы мен брадикардияға алып келуі мүмкін, бета1-селективті препараттарды қолданғанда мұның ықтималдығы аздау. Метопролол бета1- симпатомиметиктердің әсеріне қарсы ықпал етуі мүмкін, бірақ әдеттегі емдік дозалардағы бета2-агонистердің бронхты кеңейтетін әсеріне болар-болмас ықпал етуі тиіс. Лидокаин Метопролол лидокаиннің шығарылуын бұзуы мүмкін. Нифедипин Басқа бета-адреноблокаторлармен жағдайдағы сияқты, дигидропиридиндер- мен, яғни нифедипинмен қатарлас ем жүректің жасырын жеткіліксіздігі бар пациенттерде гипотензия, және жүрек жеткіліксіздігі қаупін арттыруы мүмкін. Диабетке қарсы препараттар Бета-адреноблокаторларды қабылдап жүрген пациенттерде диабетке қарсы пероральді дәрілердің, сондай-ақ, инсулиннің дозаларын түзетуге тура келуі мүмкін.Бета-адреноблокаторларды сульфонилмочевина туындыларымен бір мезгілде қолдану ауыр гипогликемияның даму қаупін арттыруы мүмкін. Эрготамин Бета-адреноблокаторлар шеткері қанайналымға әсер етуі мүмкін болғандықтан, белсенділігі ұқсас препараттарды қолданған кезде, мысалы, эрготаминмен бір мезгілде қолдану кезінде сақтық таныту керек. Гипертензияға қарсы препараттар Метопрололдың және АҚ-ға гипертензияға қарсы әсер беретін басқа препараттардың әсерлері әдетте, аддитивті болып табылады. Гипертензияға қарсы басқа препараттармен немесе трициклдік антидепрессанттар, барбитураттар және фенотиазиндер сияқты, артериялық қысымды төмендетуі мүмкін препараттармен біріктірген кезде сақ болу керек. Алайда, гипертензияға қарсы препараттардың біріктірілімдері гипертензияның бақылануын жақсарту үшін пайдалылығымен жиі қолданылуы мүмкін.

Сақтау мерзімі • жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 ºС-ден аспайтын температурада сақтау керек. Балалардың қолы жетпейтін жерде сақтау керек!