Метромикон суппозитории

Бір суппозиторийдің құрамында белсенді заттар - 100 мг метронидазол және 100 мг миконазол нитраты. қосымша зат: қатты май. Сыртқы түрінің, иісінің, дәмінің сипаттамасы Цилиндрлі конус пішінді, ақ немесе сарғыштау реңді ақ түсті суппозиторийлер. Кесіндісінде ауа және кеуекті стержені мен шүңгіме тәрізді ойығының болуына жол беріледі.

- трихомонадалық вагинитте және уретритте • қынаптық және вульвовагиналық кандидоздарда

ATX коды G01AF20. Әсер ету механизмі Әсер ету механизміне метронидазолдың 5-нитротобының биохимиялық жолмен, анаэробты микроорганизмдер мен қарапайымдардың жасушаішілік тасымалдағыш протеиндері арқылы қалпына келуі түрткі болады. Метронидазолдың қалпына келтірілген 5-нитротобы микроорганизмдер жасушасының ДНҚ-мен өзара әрекеттесіп, олардағы нуклеин қышқылдарының синтезін тежейді, ол бактериялардың қырылуына алып келеді. Миконазол нитратының фунгицидтік және фунгистатикалық әсеріне зеңнің жасуша жарғақшасы эргостеролы биосинтезінің тежелуі, липидтер құрамының және жасуша қабырғасы өткізгіштігінің өзгеріп, зең жасушасының қырылуын тудыруы түрткі болады. Фармакодинамикалық әсерлері Метромикон – зеңге қарсы, протозойға қарсы және бактерияға қарсы әсері бар біріктірілген препарат. Метронидазол Gardnerella vaginalis; қарапайымдарға: Trichomonas vaginalis, Giardia intestinalis, Entamoeba histolytica; анаэробты грамтеріс бактерияларға: Bacteroides spp. (Bacteroides fragilis, Bacteroides distasоnis, Bacteroides ovatus, Bacteroides thetaiotaomicron, Bacteroides vulgatus), Fusobacterium spp., Prevotella spp. (Prevotella bivia, Prevotella buccae, Prevotella disiens); анаэробты грамоң бактерияларға: Clostridium spp., Eubacterium spp.; анаэробты грамоң коктарға: Peptococcus spp., Peptostreptococcus spp. қатысты белсенді. Метронидазолға аэробты микроорганизмдер мен факультативтік анаэробтар төзімді. Дерматомицеттер мен ашытқылар миконазолға анағұрлым сезімтал болып табылады. Түрлі түсті теміреткі қоздырғышына Malassezia furfur, кейбір дерматомикоздардың қоздырғыштарына (Candida albicans, Trichophyton, Epidermophyton floccosum, Microsporum). Dimorphons fungi, Cryptococcus neoformans, Aspergillus spp., Pityrosporum, Torulopsis glabrata, Pseudallescheria boydii қатысты белсенді; стафилококтар мен стрептококтарды қоса, кейбір грамоң микроорганизмдерге қатысты белсенділік танытады.

Препаратты әрдайым емдеуші дәрігеріңіздің немесе фармацевттің нұсқауларына толық сәйкестікпен қолданыңыз. Дозалау режимі Тура ұйықтар алдында, тәулігіне 1 рет бір суппозиторийден. Егде жастағы пациенттер үшін арнайы дозалау режимі жоқ. Енгізу әдісі мен жолы Қынаптық. Суппозиторий қабығынан шығарылады және қынапқа терең енгізіледі. Емдеу ұзақтығы Емдеу курсының ұзақтығы – 10 күн. Дәрілік препараттың бір немесе бірнеше дозасын өткізіп алған жағдайда қажетті шаралар Қолданылуын өткізіп алған дозасының орнын толтыру үшін қосарлы дозасын қабылдамаңыз. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша нұсқаулар Дәрілік препаратты қолданбас бұрын дәрігердің немесе фармацевттің кеңесіне жүгініңіз. Дәрілік препарат стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар Құрамында 100 мг метронидазол мен 100 мг миконазолдың біріктірілімі бар біріктірілген препаратты қынапқа қолданғанда тітіркену пайда болған жағдайлар туралы хабарланған. Сирек жағдайларда қынаптың шырышты қабығының ашыту сезімімен жергілікті аса жоғары сезімталдық реакциялары туындауы мүмкін. Емдеу кезінде елеулі жағымсыз реакциялар туындауы мүмкін: Өте сирек • тері бөртпесі (бөртулер), қышыну, естен танулар (ауыр аллергиялық реакциялар) - нысана тәрізді бөртулер түріндегі, дөңгелек пішінді, ортасының түсі күңгірт көгерген, кейде күлбіреуікпен, және бозғылт шеңбермен бөлінген шеттері қызыл түсті зақымданулармен бөртпелер (мультиформалы эритема) - әлсіздік, қан кету, қанталаулар, қызба, жұтынған кездегі ауыру, қызыл иектердің қабынуы, тері абсцестері немесе инфекциялар дамуы ықтималдылығының жоғарырақ болуы (лейкоциттер немесе тромбоциттер мөлшерінің айқын төмендеуі) Жиі емес - беттің, еріннің, тіл мен тамақтың ісінуі, тыныс алудың, жұтынудың бұзылуы (ангионевроздық ісіну) Ондай елеулі жағымсыз реакциялар пайда болған жағдайда, Метромиконды қолдануды тоқтатыңыз және ШҰҒЫЛ ТҮРДЕ емдеуші дәрігеріңізге жүгініңіз. Ішке қабылдауға арналған метронидазол таблеткаларымен біріктіріп қолданғанда, келесі жағымсыз реакциялар туындауы мүмкін: Өте жиі • бас ауыруы • жүрек айнуы Жиі • іш ауыруы • іштің түйілуі • диарея Жиі емес • тәбеттің төмендеуі, құсу, тілдің өңезденуі, ауыздың темір татуы • аяқ-қолдардың ұюы (шеткері нейропатия), бас айналуы, құрысулар, қимыл-қозғалыс үйлесімінің бұзылулары, ұйқышылдық • қышыну, тері бөртпесі, есекжем • қынаптың шырышты қабығының тітіркенуі, дене температурасының жоғарылауы. Сирек • зеңдік суперинфекция (мысалы, кандидоз) • сананың шатасуы • несеп түсінің қараюы (метронидазолдың метаболиті түрткі болады және клиникалық маңызы жоқ) Өте сирек • нейтропения (лейкопения) – қандағы ақ қан денешіктері мөлшерінің азаюы, тромбоцитопения (қандағы тромбоциттер мөлшерінің азаюы) • өттің ағып шығуының бұзылуы (холестаз), тері мен көздің сарғаюы (сарғаю) • зертханалық зерттеулер кезінде бауыр ферменттері деңгейінің жоғарылауы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http:// www.ndda.kz

• препараттың компоненттеріне немесе нитроимидазолдың басқа туындыларына немесе қосымша заттарының кез келгеніне аса жоғары сезімталдық • жүктіліктің I триместрі, лактация кезеңі • балалар мен 18 жасқа дейінгі жасөспірімдерге

Нұсқаулықта көрсетілмеген.

Препараттың сіңуінің төмендігіне байланысты, ұсынылған дозалары сақталған кезде артық дозалану жағдайлары анықталмаған. Егер сіз өзіңізге тағайындалғанынан жоғарырақ дозаларын қолдансаңыз, немесе байқаусызда жұтып қойсаңыз, емдеуші дәрігеріңізге жүгініңіз. Уытты симптомдар: жүрек айнуы, құсу, атаксия болуы мүмкін. Емі: симптоматикалық ем, көп дозаларда байқаусызда ішке қабылданғанда – асқазанды шаю.

Анамнезде шеткері қан құрамының өзгергені жөнінде нұсқау болса, сондай-ақ, препаратты жоғары дозаларда пайдаланғанда және/немесе ұзақ қолданғанда шеткері қан көрінісін бақылау қажет (лейкопения қаупі бар). Науқастың неврологиялық статусының кез келген нашарлауы емдеуді тоқтатуды талап етеді. Метронидазол трепонемаларды иммобилизациялауы мүмкін, бұл TPI тестісінің (Нельсонның трепонемаларға жүргізілетін тестісі) жалған оң нәтижесіне алып келуі мүмкін. Препаратты қолданғанда жыныстық қатынастардан бас тарта тұру керек. Инфекцияның қайталануының алдын алу мақсатында, жыныстық серіктесін бір мезгілде емдеу, трихомонадалық вагинит жағдайында метронидазол препаратын ішке қабылдаумен біріктіру қажет. Қынаптық суппозиторийлерді пайдалану, суппозиторийлер негізінің латекспен немесе каучукпен өзара әрекеттесуінің есебінен механикалық контрацепцияның (мүшеқаптар, қынаптық диафрагмалар) сенімділігін төмендетуі мүмкін. Емдеу кезінде және емдеу курсы аяқталғаннан кейінгі 24–48 сағат ішінде алкогольдік сусындарды пайдалануға және құрамында этанол бар препараттарды қабылдауға тыйым салынады (дисульфирам тәрізді реакцияның туындауы мүмкіндігіне байланысты). Арнайы сақтандырулар Қан түзілуінің бұзылулары, шеткері және орталық жүйке жүйесінің аурулары, бүйрек және бауыр жеткіліксіздігі бар пациенттерге сақтықпен тағайындайды. Коккейн синдромы бар пациенттерге метронидазолды сақтықпен, тек пайдасы/қаупінің арақатынасын мұқият бағалағаннан кейін және баламалы емі болмаған жағдайда ғана қолдану керек (бауырдың ауыр зақымдануының даму қаупі бар). Дәрігер бауыр функциясына жүйелі түрде тексеру жүргізеді. Бауыр функциясының көрсеткіштері едәуір жоғарылаған жағдайда, препаратты қолдануды тоқтату керек. Педиатрияда қолдану Балалар мен 18 жасқа дейінгі жасөспірімдерде (пәк қыздарда) қолданылуы жөніндегі деректердің жеткіліксіздігіне байланысты, аталған жас санатындағыларда ұсынылмайды. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Препаратты қолдану автокөлік жүргізу және қауіптілігі зор механизмдерді басқару қабілетіне әсер етпейді.

Метромиконды жүктіліктің I триместрінде қолдануға болмайды. Метромикон препаратын жүктіліктің II және III триместрлерінде тек қатаң көрсетілімдер бойынша, анасы үшін болжамды пайдасы шарана үшін потенциалды қаупінен асып түсетін жағдайда ғана қолдануға болады. Препаратты лактация кезеңінде тағайындау қажет болса, бала емізу тоқтатылуы тиіс, өйткені метронидазол емшек сүтімен бөлініп шығады. Емдеу аяқталғаннан кейін 24–48 сағаттан соң бала емізуді қайта бастауға болады.

Бір мезгілде қолданылғанда метронидазол тікелей емес антикоагулянттардың әсерін күшейтеді. Метронидазолды келесілермен бір мезгілде қолданғанда: • дисульфираммен ОЖЖ тарапынан бұзылулар (психикалық реакциялар) байқалуы мүмкін; • фенитоинмен қандағы фенитоин деңгейі жоғарылайды, ал қандағы метронидазол деңгейі төмендейді; • литий препараттарымен олардың уыттылығының артқаны байқалуы мүмкін; • фенобарбиталмен, қандағы метронидазол деңгейі төмендейді; • циклоспоринмен қандағы циклоспорин деңгейі жоғарылауы мүмкін; • 5-фторурацилмен қандағы 5-фторурацил деңгейі жоғарылауы және оның уыттылығы артуы мүмкін; • циметидинмен қандағы метронидазол деңгейі жоғарылауы мүмкін. Метронидазол мен миконазол нитраты астемизол мен терфенадиннің метаболизмін тежейді, соның нәтижесінде қан плазмасындағы астемизол мен терфенадин концентрациясы жоғарылайды. Метромикон препаратымен бір мезгілде қолданылғанда қан плазмасындағы теофиллин мен прокаинамид концентрациясы өзгеруі мүмкін. Алкогольмен бір мезгілде қабылдағанда дисульфирам тәрізді реакциялар: іштің түйілуі, жүрек айнуы, құсу, бас ауыруы, қан кернеулері (терінің қызаруы) туындауы мүмкін. Емдеу кезінде қандағы бауыр ферменттері мен глюкозаны анықтауда нәтижелері өзгеруі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғау үшін пішінді ұяшықты қаптаманы сыртқы қаптамасында, 25 °C-ден аспайтын температурада сақтау керек. Балалардың қолы жетпейтін жерде сақтау керек!