Метформин-Тева таблетки 1000 мг

Бір таблетканың құрамында белсенді зат - 500 мг, 850 мг немесе 1000 мг метформин гидрохлориді, қосымша заттар: повидон К 30, сусыз коллоидты кремний (Аэросил 200), магний стеараты, тазартылған су. үлбірлі қабықтын құрамы – Opadry Y-1-7000H White немесе Aquarius™ Prime BAP318014 White, гипромеллоза (2910/5), титанның қостотығы (E171), макрогол (400 типі), Сыртқы түрінің, иісінің, дәмінің сипаттамасы 500 мг доза үшін: Таблетканың бір жағында «93» таңбасы бар және екінші жағында «48» таңбасы бар, ақ түсті үлбірлі қабықпен қапталған сопақша таблеткалар. 850 мг доза үшін: Таблетканың бір жағында «93» таңбасы бар және екінші жағында «49» таңбасы бар, ақ түсті үлбірлі қабықпен қапталған сопақша таблеткалар. 1000 мг доза үшін: Екі жағында сындыруға арналған сызығы бар, ақ түсті үлбірлі қабықпен қапталған сопақша таблеткалар. Бір жағында сол жақта «9» таңбасы, оң жақта «3» таңбасы салынған. Екінші жағында сол жақта «72» таңбасы, оң жақта «14» таңбасы салынған.

Метформин-Тева 2 типті қант диабетін емдеуге көрсетілген, әсіресе артық салмақты пациенттерде тек диета емі және дене жүктемелері жеткілікті гликемиялық бақылауды қамтамасыз етпеген жағдайда. • Метформин-Тева ересектерде монотерапия түрінде, диабетке қарсы басқа пероральді дәрілермен немесе инсулинмен біріктірілімде қолданылуы мүмкін; • Метформин-Тева балаларда 10 жастан бастап монотерапия түрінде немесе инсулинмен біріктірілімде қолданылуы мүмкін.

ATХ коды A10ВА02 Әсер ету механизмі Метформин – гипергликемияға қарсы әсері бар бигуанид, қан плазмасындағы глюкозаның базалық та, постпрандиальді да деңгейлерін төмендетеді. Ол инсулин секрециясын стимуляцияламайды және осыған байланысты гипогликемия туғызбайды. Метформиннің 3 түрлі әсер ету механизмі бар: • глюконеогенез бен гликогенолизді тежеудің есебінен глюкозаның бауырдан өндіріліп шығарылуын төмендетеді; • инсулинге сезімталдықты арттырудың есебінен бұлшықеттердегі шеткері глюкозаның қамтылуы мен утилизациясын жақсартады; • глюкозаның ішекте сіңуін баяулатады. Метформин гликогенсинтазаға әсер ете отырып, жасушаішілік гликоген синтезін стимуляциялайды. Сондай-ақ ол глюкозаның жарғақшалық тасымалдаушыларының (GLUT) барлық типтерінің қабілетін жақсартады. Фармакодинамикалық әсерлері Клиникалық зерттеулерде метформинді қабылдау дене салмағына әсер етпеді немесе оны біршама төмендетті. Өзінің гликемияға әсеріне қарамастан, метформин липидтік метаболизмге оң әсер етеді. Бақыланатын клиникалық емдік дозалар қолданылатын зерттеулер кезінде метформиннің жалпы холестериннің, тығыздығы төмен липопротеиндер мен триглицеридтердің құрамын төмендететіні анықталды. Клиникалық тиімділігі Проспективті рандомизацияланған зерттеуде (UKPDS) 2 типті қант диабетімен ересек пациенттерде қандағы глюкоза деңгейін қарқынды бақылауға қатысты ұзақ мерзімді тиімділігі анықталды. Диетаның тиімсіздігі расталғаннан кейін метформинді қабылдаған артық салмағы бар пациенттерде алынған талдаудың нәтижелері төмендегілерді көрсетті: • метформин тобындағы (29,8 құбылыс/1000 пациент-жылға) қант диабеті асқынуларының абсолюттік қаупі дамуының тек диетамен салыстырғанда (43,3 құбылыс/1000 пациент-жылға), p=0,0023, сондай-ақ сульфонилмочевинамен біріктірілген топтардың монотерапиясы және инсулинді (40,1 құбылыс/1000 пациент-жылға) салыстырғанда статистикалық елеулі азаюы, p=0,0034. • қант диабетімен байланысты өлімнің абсолюттік қаупі дамуының статистикалық елеулі азаюы: метформинді қабылдау аясында 7,5 құбылыс/1000 пациент-жылға, тек қана диетамен 12,7 құбылыс/1000 пациент-жылға; p=0,017; • жалпы өлімнің статистикалық елеулі азаюы: метформин аясында 13,5 құбылыс/1000 пациент-жыл, тек қана диетамен 20,6 құбылыс/1000 пациент-жыл (p=0.011) салыстырғанда және сульфонилмочевинамен біріктірілген топтардың монотерапиясы мен инсулинді салыстырғанда 18,9 құбылыс/1000 пациент-жыл (p=0,021); • миокард инфарктісі дамуының абсолюттік қаупінің статистикалық елеулі азаюы: метформинді қабылдау аясында 11 құбылыс/1000 пациент-жылға, тек диета аясында 18 құбылыс/1000 пациент-жылға (p=0,01). Метформинді екінші желінің емі ретінде сульфонилмочевина препараттарымен біріктіріп пайдаланған кезде клиникалық нәтижеге қатысты артықшылық табылған жоқ. 1 типті қант диабеті кезінде жекелеген пациенттерде метформин мен инсулиннің біріктірілімі қолданылды, алайда бұл біріктірілімнің клиникалық артықшылықтары ресми анықталған жоқ. Балалар 10-16 жас аралығымен шектелген балалар популяциясындағы бақыланатын клиникалық зерттеулер деректері балалардағы гликемияны бақылауға қатысты жауап ересек пациенттердегі жауапқа ұқсас болғанын көрсетеді.

Дозалау режимі Бүйрек функциясы қалыпты (ШСЖ ≥ 90 мл/мин) ересек пациенттер Монотерапия және диабетке қарсы басқа пероральді дәрілермен біріктірілген емде: Метформин-Тева препаратының әдеттегі бастапқы дозасы 500 немесе 850 мг құрайды Тамақтану кезінде немесе одан кейін тәулігіне 2-3 рет. 10-15 күн ем басталғаннан кейін қандағы глюкоза өлшеу нәтижесі негізінде препарат дозасына түзету жасау керек. Дозаны баяу арттыру асқазан-ішек жағымдылығын жақсартуы мүмкін. Метформин гидрохлоридінің жоғары дозаларын қабылдайтын пациенттерде (тәулігіне 2–3 г) 500 мг дозадағы Метформин-Тева препаратының екі таблеткасын 1000 мг дозадағы Метформин-Тева препаратының бір таблеткасына ауыстыруға болады. Диабетке қарсы басқа дәріден ауысуды жоспарлаған жағдайда: басқа дәріні қабылдауды тоқтату керек және Метформин-Тева препаратын жоғарыда көрсетілген дозада қабылдауды бастау керек. Инсулинмен біріктірілім: Қандағы глюкозаны жақсырақ бақылауға қол жеткізу үшін Метформин-Тева және инсулинді біріктірілген ем ретінде қолдануға болады. Метформин-Тева препаратының әдеттегі бастапқы дозасы тәулігіне 2–3 рет 500 мг немесе 850 мг құрайды, бұл арада қандағы глюкозаны өлшеу нәтижесінде инсулин дозасын таңдайды. Егде жастағы пациенттер Егде жастағы адамдарда бүйрек функциясының төмендеуі мүмкіндігінен метформин гидрохлоридінің дозасын бүйрек функциясының параметрлері негізінде таңдау керек. Бүйрек функциясына ұдайы бағалау жүргізу керек. Бүйрек функциясының бұзылуы Метформинмен ем бастар алдында және одан әрі қарай - жыл сайын шумақтық сүзіліс жылдамдығын (ШСЖ) анықтау керек. Бүйрек жеткіліксіздігі үдеуінің қаупі жоғары пациенттерде және егделердегі бүйрек функциясын әр 3-6 айда бағалау керек. ШСЖ (мл/мин) — Ең жоғары тәуліктік доза — Қосымша қорытынды 60-89 — 3000 мг — Бүйрек функциясы төмендеуіне сәйкес доза төмендеуі 45-59 — 2000 мг — Метформинді тағайындағанға дейін лактоацидоз қаупін арттыратын факторлар бағалануы тиіс Бастапқы доза ең жоғары дозаның жартысынан астамын құрайды 30-44 — 1000 мг <30 — - — Метформинді тағайындауға болмайды Балалар мен жасөспірімдер: Балаларда 10 жастан бастап Метформин-Тева препараты монотерапияда да, сондай-ақ инсулинмен үйлесімде де қолданылуы мүмкін. Әдеттегі бастапқы доза тамақ ішу кезінде немесе одан кейін тәулігіне бір рет 500 мг немесе 850 мг құрайды. 10-15 күн ем жүргізілгеннен кейін қандағы глюкоза өлшеу нәтижесі негізінде препарат дозасына түзету жасау керек. Дозаны баяу арттыру асқазан-ішек жағымдылығын жақсартуы мүмкін. Қабылдау уақыты көрсетілген қолдану жиілігі Ересектерге ұсынылатын ең жоғары доза тәулігіне Метформин-Тева препараттың тамақтану кезінде немесе одан кейін үш қабылдауға бөлінген 3 г құрайды. Балаларда ұсынылатын ең жоғары доза тәулігіне Метформин-Тева препараттың тамақтану кезінде немесе одан кейін 2-3 қабылдауға бөлінген 2 г құрайды.

• метформинге немесе қосымша заттардың кез келгеніне аса жоғары сезімталдық • жедел метаболизмдік ацидоздың кез келген түрі (лактоацидоз, диабеттік кетоацидоз) • диабеттік кома алды • бүйректің ауыр жеткіліксіздігі (ШСЖ < 30 мл/мин) • 10 жасқа дейінгі балалар • бүйрек функциясының бұзылуына әкелетін жедел жай-күйлер: дегидратация, ауыр инфекция, шок • тіндер гипоксиясымен қатар жүретін жедел немесе созылмалы аурулар: декомпенсацияланған жүрек жеткіліксіздігі, тыныс алу жеткіліксіздігі, жақында өткерген миокард инфарктісі, шок • бауыр жеткіліксіздігі • жедел алкогольдік уыттану, алкоголизм

Емдеудің басында анағұрлым жиі кездесетін жағымсыз реакциялар жүрек айнуы, құсу, диарея, іштің ауыруы және тәбеттің болмауы болып табылады, олар көп жағдайда өздігінен басылады. Көрсетілген симптомдар дамуының профилактикасы үшін Метформин-Тева дозасын біртіндеп жоғарылатумен 2 немесе 3 қабылдау керек. Метформин-Тева препаратымен емдеу кезінде мынадай жағымсыз реакциялар пайда болуы мүмкін. Мұндай реакциялар жиілігі мынадай түрде анықталады: өте жиі (≥1/10), жиі (≥1/100, <1/10), жиі емес (≥1/1 000, <1/100), сирек (≥1/10 000, <1/1 000), өте сирек (<1/10 000). Әрбір жиілік тобы үшін жағымсыз әсерлер олардың ауырлығының төмендеу ретімен берілген. Зат алмасу және тамақтанудың бұрылыстары тарапынан бұзылулар Жиі • В12 дәруменінің төмендеуі/тапшылығы Өте сирек • лактоацидоз Жүйке жүйесі тарапынан бұзылулар Жиі • дәм сезудің бұзылуы Асқазан-ішек жолы тарапынан бұзылулар Өте жиі • жүрек айнуы, құсу, диарея, іштің ауыруы, тәбеттің болмауы сияқты АІЖ бұзылыстары. Көрсетілген жағымсыз әсерлер емнің басында жиі пайда болады және көп жағдайларда өздігінен өтеді. Көрсетілген симптомдар дамуын профилактикалау үшін дозаны ақырын арттыру арқылы тамақ қабылдаудан бұрын немесе кейін Метформин-Теваны 2 немесе 3 рет бөліп қабылдау ұсынылады. Бауыр және өт шығару жолдары тарапынан бұзылулар Өте сирек • метформинді қолдануды тоқтатқаннан кейін функционалдық бауыр сынамаларында немесе гепатиттерде ауытқулардың бірлі-жарым жағдайлары байқалды Тері және тері асты тіндері тарапынан бұзылулар: Өте сирек • эритема, қышыну, есекжем сияқты тері реакциялары Балалар жасындағы пациенттер: Балалардағы жағымсыз әсерлер сипаты және ауырлығы бойынша ересектерде анықталған әсерлеріне ұқсас болды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Метформин-Тева препаратын 85 г дозада қабылдаған кезде гипогликемияның дамығаны байқалмады. Алайда бұл жағдайда лактоацидоздың дамығаны байқалды. Елеулі артық дозалануы немесе метформин гидрохлоридінің қатар жүретін қауіптер лактоацидоздың дамуына әкелуі мүмкін. Лактоацидоз ауруханаға жатқызуды қажет ететін кезек күттірмейтін медициналық жағдай болып табылады. Емі: организмнен лактат пен метформиннің шығарылуының ең тиімді тәсілі гемодиализ болып табылады.

Арнайы ескертулер Лактоацидоз Лактоацидоз – өте сирек, бірақ күрделі метаболизмдік асқыну, ол бәрінен жиі бүйрек функциясының жедел нашарлауы аясында, жүрек-өкпе ауруларында немесе сепсис кезінде туындайды. Метформиннің жинақталуы бүйрек жеткіліксіздігінің жедел үдеуі аясында туындайды, бұл лактоацидоз қаупін жоғарылатады. Дегидратация жағдайында (ауыр диарея, құсу, қызба, сұйықтықты аз тұтыну), метформин қабылдауды уақытша тоқтату керек және емдеуші дәрігермен байланысу керек. Метформин қабылдайтын пациенттерге бүйрек функциясына әсер ететін гипертензияға қарсы, диуретиктер, ҚҚСД сияқты препараттарды тағайындағанда сақ болу керек. Лактоацидоз дамуының басқа да қауіпті факторлары: алкогольді шамадан тыс қолдану, бауыр жеткіліксіздігі, нашар бақыланатын қант диабеті, кетоз, ұзақ уақыт ашығу, гипоксияға байланысты кез келген жай-күй, лактоацидоз дамуына ықпал ететін дәрілік заттармен бірге тағайындау. Пациенттер және/немесе пациенттерді күтетін тұлғалар лактоацидоз туындау қаупі туралы хабардар болуы тиіс. Лактоацидоз ацидоздық ентігу, іш ауыруы, бұлшықеттердің құрысулары, астения және кома алдындағы гипотермиямен сипатталады. Күдік болған симптомдар анықталған жағдайда пациент метформин қабылдауды тоқтатуы керек және медициналық көмекке жүгінуі керек. Диагностикалық тексерулерде қанда рH (< 7.35) төмендегені, қандағы лактат деңгейі (> 5 ммоль/л) және аниондар деңгейі жоғарылауы, сондай-ақ лактат/пируват арақатынасы артқаны анықталды. Нұсқауларды алу үшін дереу дәрігерге жүгініңіз, егер: − сізде жасушалардағы энергия өндіретін құрамдастар — митохондрияларға әсер ететін тұқым қуалайтын ауру бар екені белгілі болса (мысалы, MELAS синдромы — митохондриялық энцефалопатия, миопатия, лактоацидоз және инсультке ұқсас ұстамалармен өтетін ауру) немесе ана жағынан берілетін тұқым қуалайтын қант диабеті мен саңырау (MIDD) болса; − метформин қабылдауды бастағаннан кейін сізде келесі белгілердің кез келгені пайда болса: құрысу, ойлау қабілетінің төмендеуі, дене қимылын үйлестіру қиындығы, жүйке зақымдануын көрсететін белгілер (мысалы, ауырсыну немесе ұйып қалу), бас ауруы (мигрень) және саңырау. Бүйрек функциясы Метформин-Тева препаратымен емдеуді бастар алдында және емделу кезінде жүйелі түрде ШСЖ көрсеткіші анықталуы тиіс. Метформин ШСЖ <30 мл/мин пациенттерде қарсы көрсетілімде және бүйрек функциясы бұзылуына байланысты жай-күйлер туындағанда уақытша тоқтатылуы тиіс. Жүрек функциясы Жүрек жеткіліксіздігі бар пациенттер гипоксияның қаупіне және бүйрек жеткіліксіздігіне бейімділігі басым. Тұрақты созылмалы жүрек жеткіліксіздігі бар пациенттерге метформинді бүйрек және жүрек функциясын ұдайы мониторинг жүргізумен ғана қолдануға болады. Жедел және тұрақсыз жүрек жеткіліксіздігі бар пациенттерге Метформин-Тева қолдануға болмайды. Құрамында йод бар контрастылы заттарды енгізу Рентгенологиялық зерттеулерде құрамында йод бар контрастылы заттарды тамыр ішіне енгізу бүйрек жеткіліксіздігіне әкелуі мүмкін. Ол метформин жинақталуына және лактоацидоз қаупіне әкелуі мүмкін. Метформин қолдануды құрамында йод бар контрастылы дәрілерді қолданумен жүргізілетін зерттеулерге дейін немесе оның кезінде тоқтату керек және зерттеуден кейін 48 сағат өткеннен кейін ғана және тек бүйрек функциясы қайталап талданғаннан кейін және соңынан нашарламайтыны анықталғаннан кейін ғана жаңғырту керек. Хирургиялық араласулар Метформин-Тева препаратын қабылдауды жалпы, спинальді немесе эпидуральді анестезиямен жүргізілетін жоспарлы хирургиялық араласулардан кезінде тоқтату керек. Әдетте Метформин-Тева препаратымен емді хирургиялық араласулардан кейін немесе тамақ ішу жаңғыртылғаннан кейін 48 сағаттан кейін ғана, сондай-ақ қалыпты нәтиже көрсеткен бүйрек функциясына қайта баға бергеннен кейін жаңғыртуға болады. Басқа сақтық шаралары Пациенттерге көмірсулардың күні бойғы тұтынылуын дұрыс реттестіре отырып, диета ұстану талап етіледі. Артық дене салмағы бар адамдарға калориясы төмен диета ұстану керек. Зертханалық талдауларды ауру барысын мониторингтеу үшін ұдайы жүргізу керек. Метформин-Тева препаратын қолдану гипогликемия туындата алмайды, бірақ пациенттерге оны инсулинмен немесе сульфонилмочевина туындыларымен біріктірілімде қабылдағанда сақ болу ұсынылады. Балалар жасындағы пациенттер Метформин-Тева препаратымен ем бастағанға дейін 2 типті қант диабеті диагнозын растау керек. Ұзақтығы бір жылдық бақыланатын клиникалық зерттеулерде метформиннің балалардың бойы өсуіне және жыныстық дамуына әсері анықталмады, бірақ ұзақ уақытқа арналған деректер де жоқ. Сондықтан балаларда, әсіресе препубертатты кезеңде осы көрсеткіштерге метформин әсерін бақылау ұсынылады. 10 жастан 12 жасқа дейінгі жастағы балалар Бақыланатын клиникалық зерттеулерге 10-12 жастағы тек 15 бала ғана қосылған. 12 жастан кіші балалардағы метформин тиімділігі мен қауіпсіздігі осындай үлкен жастағы балалар мен жасөспірімдердегіден айырмашылықсыз болса да, 10 жастан 12 жасқа дейінгі жастағы балаларға метформин тағайындағанда бәрібір сақ болу керек. В12 дәрумені Метформин қан сарысуындағы В12 дәрумені деңгейін төмендетуі мүмкін. В12 дәрумені деңгейінің төмен болу қаупі Метформин дозасының жоғарылауымен, B12 дәрумені тапшылығын тудыратын белгілі қауіп факторлары бар пациенттерде емдеу ұзақтығымен артады. В12 дәрумені тапшылығына күдік туындаған жағдайда (мысалы, анемия немесе нейропатия кезінде) қан сарысуындағы В12 дәрумені деңгейін бақылау керек. В12 дәрумені жетіспеушілігінің қауіп факторлары бар пациенттерде В12 дәруменінің мерзімді мониторингі қажет болуы мүмкін. Метформинмен емдеуді ол жақсы төзімді және қарсы көрсетілімдері жоқ болғанша жалғастыру керек, ал В12 дәруменінің тапшылығын тиісті түзетуші емдеу қолданыстағы клиникалық ұсынымдарға сәйкес жүргізіледі. Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Метформин-Тева препаратымен монотерапия гипогликемия тудырмайды, демек, автомобиль мен механизмдерді басқару қабілетіне әсер етпейді. Алайда, пациенттерге Метформин-Тева препаратын диабетке қарсы басқа дәрілермен (мысалы, сульфонилмочевина туындылары, инсулинмен немесе меглитинидтермен) бірге қабылданғанда гипогликемия қаупіне қатысты қырағылық танытуы керек.

Жүктілік Жүктілік алдындағы кезеңде және жүктілік кезінде бақыланбайтын гипергликемия туа біткен патологиялардың, түсік түсірудің, жүктіліктен туындаған гипертензияның, преэклампсияның және перинаталды өлімнің жоғарлау қаупімен байланысты. Ана мен бала үшін гипергликемиямен байланысты қолайсыз нәтижелер қаупін азайту үшін жүктілік кезінде қандағы глюкоза деңгейін қалыпты деңгейге дейін сақтау маңызды. Метформин плацента арқылы ана сияқты жоғары болуы мүмкін концентрацияларда өтеді. Жүкті әйелдерде метформинді қолдану деректерінің жеткілікті көлемі туа біткен бұзылулар қаупінің жоғарылауын немесе ұрықтану алдындағы кезеңде және/немесе жүктілік кезінде метформиннің әсерінен кейін фето/неонаталдық уыттылығын көрсетпейді. Жүкті әйелдерде метформинді қолдану бойынша шектеулі деректер туа біткен бұзылулар қаупінің жоғарылауын көрсетпейді. Метформиндердің шектеулі деректерінің негізіне жүктілік кезінде метформиннің әсеріне ұшыраған 4 жасқа дейінгі балалардың қимыл-қозғалыс және әлеуметтік дамуына әсер етпейді. Клиникалық қажеттілік кезінде метформинді қолдану жүктілік кезінде және ұрықтану алдындағы кезеңде инсулинге қосымша немесе балама ретінде қаралуы мүмкін. Лактация кезеңі Метформин емшек сүтіне енеді. Ондай емшек еметін нәрестелерде/сәбилерде ешқандай жағымсыз әсерлер, байқалмаған. Алайда мәліметтер шектеулі болғандықтан, Метформин-Тева препаратымен емдеу уақытында баланы емізу ұсынылмайды. Баланы емізудің пайдасын және бала үшін жағымсыз реакцияларының потенциалды қаупін ескере отырып, емізуді үзуге қатысты шешім қабылдау керек. Ұрпақ өрбіту функциясы Метформин оны тәулігіне 600 мг/кг дозада қолданғанда егеуқұйрықтардың аналықтары мен аталықтарының тұқым өрбіту функциясына әсер етпеген, бұл дене сыртының ауданын ескеріп есептелген, адамға ұсынылатын ең жоғары тәуліктік дозадан шамамен үш есе артық.

Ұсынылмайтын біріктірілімдер Алкоголь: жедел алкогольдік уыттану кезінде, әсіресе ашыққан, жеткіліксіз тамақтанған жағдайда немесе бауыр функциясының бұзылыстары жағдайында лактоацидоздың даму қаупі бар. Құрамында йод бар контрастылы заттар: Метформин қолдануды құрамында йод бар контрастылы дәрілерді қолданумен жүргізілетін зерттеулерге дейін немесе оның кезінде тоқтату керек және зерттеуден кейін 48 сағат өткеннен кейін ғана және тек бүйрек функциясы қайталап талданғаннан кейін және соңынан нашарламайтыны анықталғаннан кейін ғана жаңғырту керек. Сақтануды талап ететін біріктірілімдер ЦОГ-2 тежегіштері, ангиотензин II рецепторларының блокаторлары, диуретиктер, әсіресе ілмектікті қоса, ҚҚСД сияқты кейбір дәрілік заттар олардың бүйрек функциясына потенциалды теріс әсері салдарынан лактоацидоз туындауының қаупін арттыруы мүмкін. Гипергликемиялық әсері бар дәрілік препараттар (глюкокортикоидтар (жүйелі және жергілікті әсер ететін) және симпатомиметиктер): қандағы глюкозаны, әсіресе емнің басында, жиірек анықтау талап етілуі мүмкін. Қажет болғанда, метформин дозасын тиісті дәрілік препараттармен соңғысын тоқтатқанша түзету керек. Органикалық катион тасымалдағыштары (ОКТ) Метформин ОКТ1 және ОКТ2 субстраттардың екеуі үшін де субстрат болып табылады. Метформинмен бірге қолдану: - ОКТ1 (верапамил) тежегіштерімен – метформин тиімділігі төмендеуі мүмкін; - ОКТ 1 индукторлары (рифампицин) – АІЖ сіңірілуі және метформин тиімділігі артуы мүмкін; - ОКТ 2 тежегіштері (циметидин, долутегравир, ранолазин, триметоприм, вандетамиб, изавуконазол) метформиннің бүйрек элиминациясын төмендетуі мүмкін және соның салдарынан плазмадағы метформиннің жоғарылауына әкелуі мүмкін; - ОКТ1 және ОКТ2 тежегіштері (кризотиниб, олапариб) метформиннің тиімділігіне және шығарылуына әсер етуі мүмкін. Метформинді, плазмадағы метформиннің концентрациясы жоғарылауы мүмкіндігінен әсіресе бүйрек жеткіліксіздігі бар пациенттерде басқа дәрілік заттармен бірге қолданғанда сақ болу керек.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары 25 -ден аспайтын температурада сақтау керек. Балалардың қолы жетпейтін жерде сақтау керек!