Микафунгин лиофилизат 50 мг

1 құтының ішінде белсенді зат - микафунгин 52,5 мг (53,408 мг натрий микафунгині түрінде) 50 мг доза үшін немесе микафунгин 105,0 мг (106,816 мг натрий микафунгині түрінде) 100 мг доза үшін. қосымша заттар: лактоза моногидраты, сусыз лимон қышқылы, натрий гидроксиді. Сыртқы түрінің, иісінің, дәмінің сипаттамасы Ақ немесе ақ дерлік кеуекті масса немесе ұнтақ.

Ересектер (оның ішінде егде адамдар) және ≥ 16 жастағы жасөспірімдер: • инвазиялық кандидозды емдеу; • зеңге қарсы препараттарды вена ішіне қолдануды қажет ететін пациенттерде өңеш кандидозын емдеу; • қан түзетін дің жасушаларының аллогенді трансплантациясынан кейін пациенттерде немесе 10 күн және одан көп уақыт ішінде нейтропения (нейтрофилдер саны 500/мкл) болжанатын пациенттерде кандидоздың профилактикасы. Балалар (оның ішінде нәрестелер) және ˂ 16 жастағы жасөспірімдер: • инвазиялық кандидозды емдеу; • қан түзетін дің жасушаларының аллогенді трансплантациясынан кейін пациенттерде немесе 10 күн және одан көп уақыт ішінде нейтропения (нейтрофилдер саны 500/мкл) болжанатын пациенттерде кандидоздың профилактикасы. Микафунгин қолдану туралы шешім қабылдау кезінде бауыр ісіктерінің дамуының потенциалды қаупін ескеру керек. Сондықтан Микафунгин басқа зеңге қарсы препараттар қолайлы емес жағдайда ғана қолданылуы керек.

Нұсқаулықта көрсетілмеген.

Микафунгинмен емдеуді зең инфекциясын емдеуде тәжірибесі бар дәрігер жүргізуі керек. Ем басталғанға дейін аурудың қоздырғышын анықтау және сәйкестендіру үшін микологиялық және басқа да қажетті зертханалық зерттеулер (гистологиялық зерттеуді қоса) жүргізу керек. Емдеуді зертханалық зерттеулердің нәтижелерін алғанға дейін бастауға болады. Алайда, осы нәтижелерді алғаннан кейін зеңге қарсы терапияны түзету қажет. Дозалау режимі Микафунгин препаратын дозалау режимі көрсетілімдерді, пациенттің жасын және дене салмағын ескере отырып, кестелерде ұсынылған. Ересектерде, ≥ 16 жастағы жасөспірімдерде және егде жастағы пациенттерде Микафунгин препаратын дозалау режимі: Қолданылуы — Дене салмағы ˃ 40 кг — Дене салмағы ≤ 40 кг Инвазиялық кандидозды емдеу — Күніне 100 мг* — Күніне 2 мг/кг* Өңеш кандидозын емдеу — Күніне 150 мг — Күніне 3 мг/кг Кандидоз профилактикасы — Күніне 50 мг — Күніне 1 мг/кг * Егер пациентте жеткіліксіз жауап байқалса – мысалы, сеппелерде қоздырғыш анықтала берсе немесе клиникалық жағдай жақсармаса – дене салмағы 40 кг пациенттерде дозаны тәулігіне 200 мг дейін немесе дене салмағы ≤ 40 кг пациенттерде тәулігіне 4 мг/кг дейін арттыруға болады. Микафунгин препаратын ≥ 4 айлық балаларда және ˂16 жастағы жасөспірімдерде дозалау режимі: Қолданылуы — Дене салмағы ˃ 40 кг — Дене салмағы ≤ 40 кг Инвазиялық кандидозды емдеу — Күніне 100 мг* — Күніне 2 мг/кг* Кандидоз профилактикасы — Күніне 50 мг — Күніне 1 мг/кг * Егер пациентте жеткіліксіз жауап байқалса – мысалы, сеппелерде қоздырғыш анықтала берсе немесе клиникалық жағдай жақсармаса – дене салмағы 40 кг пациенттерде дозаны тәулігіне 200 мг дейін немесе дене салмағы ≤ 40 кг пациенттерде тәулігіне 4 мг/кг дейін арттыруға болады. ˂ 4 айлық балаларда (нәрестелерді қоса) Микафунгин препаратын дозалау режимі: Қолданылуы Инвазиялық кандидозды емдеу — Күніне 4-10 мг/кг* Candida туындаған инфекциялардың профилактикасы — Күніне 2 мг/кг * 4 айға толмаған балаларда инвазиялық кандидозды емдеу кезінде препаратты 4 мг/кг дозада қолдану препаратты тәулігіне 100 мг дозада тағайындау кезіндегі ересектерде қол жеткізілетін микафунгиннің экспозициясын қамтамасыз етеді. ОЖЖ инфекциясына күдік туған жағдайда препаратты микафунгиннің ОЖЖ-ға дозаға тәуелді енуіне байланысты анағұрлым жоғары дозада (мысалы, 10 мг/кг) қолдану керек. 4 айға толмаған балаларда (жаңа туған нәрестелерді қоса) 4 мг/кг және 10 мг/кг дозадағы препаратпен ОЖЖ қатысуымен инвазиялық кандидозды емдеудің қауіпсіздігі мен тиімділігі бақыланатын клиникалық зерттеулерде жеткілікті зерттелген жоқ. Емдеу ұзақтығы Инвазиялық кандидозды емдеу ұзақтығы бойынша кемінде 14 күн болуы тиіс. Зеңге қарсы емді қанды зерттеудің қатарынан екі теріс нәтижесі алынғаннан және кандидоздың клиникалық белгілері жоғалғаннан кейін кем дегенде бір апта бойы жалғастыру керек. Өңеш кандидозын емдеу үшін Микафунгинді клиникалық белгілер басылғаннан кейін кем дегенде бір апта ішінде қолдану керек. Кандидоз профилактикасы үшін Микафунгин нейтрофилдер концентрациясы қалпына келгеннен кейін кем дегенде бір апта ішінде қолданылуы керек. Микафунгин препаратын 2 жасқа дейінгі балаларда профилактикалық қолдану тәжірибесі шектеулі. Пациенттердің ерекше топтары Жынысы/нәсілі: жынысына немесе нәсіліне байланысты дозаны түзету қажет емес. Бауыр функциясы бұзылған пациенттер Бауыр функциясының ауырлық дәрежесі жеңіл және орташа бұзылу кезінде препаратты дозалау режимін түзету талап етілмейді. Қазіргі уақытта бауыр жеткіліксіздігі ауыр пациенттерде Микафунгин препаратын қолдану туралы деректер жеткіліксіз, сондықтан оны пациенттердің осы санатында пайдалану ұсынылмайды. Бүйрек функциясы бұзылған пациенттер Бүйрек жеткіліксіздігі кезінде дозалау режимі өзгермейді. Енгізу жолы және тәсілі Микафунгин вена ішіне енгізуге арналған. Инфузия үшін ерітінді дайындау Инфузияға арналған Микафунгин препаратының ерітіндісін бөлме температурасында асептика ережелерін сақтай отырып мынадай түрде дайындайды: • Пластик қалпақшаны құтыдан алады, тығынды спиртпен дезинфекциялайды. • Инфузияға арналған 5 мл 0,9% натрий хлориді ерітіндісін немесе 100 мл құтыдан/пакеттен алынатын 5% декстроза ерітіндісін асептикалық жағдайларда ұнтақ тұрған әрбір құтыға ішкі қабырғасымен баяу енгізеді. Ерітіндіні дайындау кезінде түзілген көбік мөлшерін азайтыңыз. Инфузия үшін қажетті мг бойынша препарат дозасын алу үшін кестеде көрсетілген Микафунгин препараты құтысының мөлшерін пайдалану қажет (төмендегі кестені қараңыз). • Құтыны абайлап төңкеру керек. СІЛКІМЕҢІЗ. Ұнтақ толығымен еруі тиіс. Концентратты дереу қолдану керек. Құты бір рет қолдануға арналған. Пайдаланылмаған ерітіндіні тастау керек. • Алынған концентратты құтыдан алады және ол алғаш алынған инфузиялық ерітінді тұрған құтыға/пакетке ауыстырады (2 т. қара). Инфузия үшін дайындалған ерітіндіні дереу пайдалану керек. Жоғарыда көрсетілген тәсілмен сұйылтқаннан кейін пайдалану кезіндегі химиялық және физикалық тұрақтылық жарықтан қорғалған жерде 25̊ С температурада сақтау кезінде 96 сағатты құрайды. • Инфузияға арналған құтыны/пакетті абайлап аудару керек, бірақ көбік түзілмеу үшін шайқамау керек. Егер ол бұлыңғыр немесе тұнба болса, ерітіндіні пайдаланбаңыз. • Инфузия үшін дайындалған ерітінді тұрған құтыны/пакетті жарықтан қорғау үшін жабылатын мөлдір емес қапқа салу керек. Инфузия үшін ерітінді дайындау Доза (мг) — Микафунгин, пайдалануға арналған құты (мг / құты) — Құтыға қосылатын 0,9% натрий хлориді ерітіндісінің немесе 5% декстроза ерітіндісінің көлемі — Қалпына келтірілген ерітіндінің көлемі және әсер етуші заттың концентрациясы — Дайын ерітіндінің концентрациясы (100 мл еріткішті пайдаланған кезде) 50 — 1х50 — 5 мл — шамамен 5 мл (10 мг/мл) — 0,5 мг/мл 100 — 1х100 — 5 мл — шамамен 5 мл (20 мг/мл) — 1,0 мг/мл 150 — 1х100 + 1х50 — 5 мл — шамамен 10 мл — 1,5 мг/мл 200 — 2х100 — 5 мл — шамамен 10 мл — 2,0 мг/мл Инфузияға арналған дайын ерітіндіні вена ішіне шамамен 1 сағат бойы тамшылатып енгізеді. Жылдамырақ инфузия гистамин-астасқан реакциялар қаупін арттыруы мүмкін. Құтыдағы қалпына келтірілген ерітінді Егер еріткіш ретінде 0,9% натрий хлориді ерітіндісі немесе 5% декстроза ерітіндісі қолданылса химиялық және физикалық тұрақтылық 25̊ С-де 48 сағатқа дейін сақталады. Инфузияға арналған дайын ерітінді Егер жарықтан қорғау қамтамасыз етілсе, еріткіш ретінде 0,9% натрий хлориді ерітіндісі немесе 5% декстроза ерітіндісі қолданылса химиялық және физикалық тұрақтылық 25̊ С-де 96 сағатқа дейін сақталады. Микафунгин құрамында консерванттар жоқ. Дайындалған ерітінділерді дереу қолдану керек. Норма бойынша сақтау уақыты 2-ден 8̊ С-ге дейінгі температурада 24 сағаттан аспауы тиіс. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі нұсқаулар Дәрілік препаратты қолданудан бұрын дәрігердің кеңесіне жүгініңіз.

• микафунгинге, басқа эхинокандиндерге немесе кез келген қосалқы компоненттерге аса жоғары сезімталдық немесе оларға жақпаушылық • галактоза жақпаушылығы, лактаза жеткіліксіздігі, глюкоза-галактоза мальабсорбциясы. Сақтықпен Бауыр функциясының ауыр бұзылуы, бауырдың созылмалы аурулары (бауыр фиброзы, бауыр циррозы, вирустық гепатит, бауырдың неонатальді аурулары немесе ферменттердің туа біткен ақаулары), қатарлас гепатоуытты және/немесе геноуытты терапия, балалар жасы (әсіресе 1 жасқа дейін), бүйрек жеткіліксіздігі, сиролимуспен, нифедипинмен, итраканазолмен және В амфотерицинмен бір мезгілде қолдану.

Қауіпсіздік деректерін талдау кезінде жынысына немесе нәсіліне байланысты клиникалық маңызды айырмашылықтар анықталған жоқ. Қан және лимфа жүйесі тарапынан бұзылулар жиі: лейкопения, нейтропения, анемия; жиі емес: панцитопения, тромбоцитопения, эозинофилия, гипоальбуминемия; сирек: гемолиздік анемия, гемолиз; жиілігі белгісіз: диссеминацияланған тамырішілік ұю. Иммундық жүйе тарапынан бұзылулар жиі емес: анафилаксиялық / анафилактоидты реакциялар, аса жоғары сезімталдық реакциялары; жиілігі белгісіз: анафилаксиялық және анафилактоидты шок. Эндокриндік бұзылулар жиі емес: тершеңдік. Метаболизм және тамақтану бұзылыстары жиі: гипокалиемия, гипомагниемия, гипокальциемия; жиі емес: гипонатриемия, гиперкалиемия, гипофосфатемия, анорексия. Психикалық бұзылулар жиі емес: ұйқысыздық, мазасыздық, сананың шатасуы. Жүйке жүйесі тарапынан бұзылулар жиі: бас ауыруы; жиі емес: ұйқышылдық, тремор, бас айналуы, дәм сезудің бұрмалануы. Жүрек тарапынан бұзылулар жиі емес: тахикардия, жүрек қағуының жиілігі, брадикардия. Қантамыр тарапынан бұзылулар жиі: флебит; жиі емес: артериялық гипотензия, артериялық гипертензия, ысыну; жиілігі белгісіз: шок. Тыныс алу жүйесі, көкірек қуысы ағзалары және көкірек ортасы тарапынан бұзылулар жиі емес: ентігу. Асқазан-ішек бұзылыстары жиі: жүрек айнуы, құсу, диарея, іш ауыруы; жиі емес: диспепсия, іш қату. Бауыр мен өт шығару жолдары тарапынан бұзылулар жиі: сілтілік фосфатаза белсенділігінің жоғарылауы, аспартатаминотрансфераза белсенділігінің жоғарылауы, аланинаминотрансфераза белсенділігінің жоғарылауы, қан сарысуындағы билирубин концентрациясының жоғарылауы (гипербилирубинемияны қоса), бауырдың функционалдық тестілерінің өзгеруі; жиі емес: бауыр жеткіліксіздігі, гамма глутамилтранспептидаза белсенділігінің жоғарылауы, сарғаю, холестаз, гепатомегалия, гепатит; жиілігі белгісіз: гепатоцеллюлярлық зақымданулар, оның ішінде өлім жағдайлары. Тері және тері асты тіндері тарапынан бұзылулар жиі: бөртпе; жиі емес: есекжем, қышыну, эритема; жиілігі белгісіз: терідегі уытты бөртпелер, көп формалы эритема, Стивенс-Джонсон синдромы, уытты эпидермалық некролиз. Бүйрек және несеп шығару жолының тарапынан бұзылулар жиі емес: креатинин, қан сарысуындағы мочевина концентрациясының жоғарылауы, бүйрек жеткіліксіздігінің өршуі; жиілігі белгісіз: бүйрек функциясының бұзылуы, жедел бүйрек жеткіліксіздігі. Жалпы бұзылыстар және енгізу орнындағы реакциялар жиі: гипертермия, қалтырау; жиі емес: инъекция орнындағы тромбоз, инфузия орнындағы қабыну, инъекция орнындағы ауырсыну, шеткері ісіну. Зертханалық және құрал-аспаптық деректер жиі емес: қан сарысуындағы лактатдегидрогеназа белсенділігінің жоғарылауы. Жекелеген жағымсыз реакциялардың сипаттамасы Аллергиялық реакцияны еске түсіретін ықтимал симптомдар: клиникалық зерттеулерде бөртпе және қалтырау сияқты симптомдар байқалды. Олардың көпшілігі жеңіл немесе орташа сипатта болды және емдеуді тоқтатуға әкелмеді. Күрделі реакциялар (мысалы, анафилактоидты реакция 0,2%, 6/3028) микафунгинмен емдеу кезінде және көптеген қатар жүретін дәрілік препараттарды қажет ететін ауыр фондық аурулары (мысалы, үдемелі ЖҚТБ, қатерлі жаңа түзілімдер) бар пациенттерде ғана сирек кездесті. Бауыр тарапынан жағымсыз реакциялар: клиникалық зерттеулерде микафунгин алған пациенттерде бауыр тарапынан жағымсыз реакциялардың жалпы жиілігі 8,6% (260/3028) құрады. Бауыр тарапынан жағымсыз реакциялардың көпшілігі жеңіл немесе орташа сипатта болды. Ең жиі реакциялар сілтілік фосфатаза (2,7%), аспартатаминотрансфераза (2,3%), аланинаминотрансфераза (2,0%), қан билирубинінің (1,6%) жоғарылауы және бауыр функциясы көрсеткіштерінің нормадан ауытқуы (1,5%) болды. Аздаған пациенттер (күрделі реакциялары бар 1,1%, 0,4%) бауыр тарапынан асқынудың дамуына байланысты емдеуді тоқтатты. Бауыр функциясының ауыр бұзылу жағдайлары сирек байқалды. Инъекция орнындағы реакциялар: инъекция орнындағы жағымсыз реакциялардың ешқайсысы емдеуді шектемеді. Педиатриялық пациенттер Төменде көрсетілген кейбір жағымсыз реакциялардың жиілігі ересектерге қарағанда балаларда жоғары болды. Одан өзге, 1 жасқа дейінгі балаларда үлкен балаларға қарағанда екі есе жиі аланинаминотрансфераза, аспартатаминотрансфераза және сілтілік фосфатаза белсенділігінің жоғарылауы анықталды. Клиникалық зерттеулерде бұл ересектер мен үлкенірек балалармен салыстырғанда фондық аурулардың айырмашылығына байланысты болуы мүмкін. Зерттеуге енгізілген сәтте нейтропениясы бар (40,2% балалар және 7,3% ересектер), гемопоэздік дің жасушаларын аллогенді трансплантациялаумен (29,4% балалар және 13,4% ересектер) және гематологиялық қатерлі ісіктермен (29,1% балалар және 8,7% ересектер) балалардың саны ересектерге қарағанда бірнеше есе жоғары болды. Қан және лимфа жүйесі тарапынан бұзылулар жиі: тромбоцитопения. Жүрек тарапынан бұзылулар жиі: тахикардия. Қантамыр тарапынан бұзылулар жиі: артериялық гипертензия, артериялық гипотензия. Бауыр мен өт шығару жолдары тарапынан бұзылулар жиі: гипербилирубинемия, гепатомегалия. Бүйрек және несеп шығару жолының тарапынан бұзылулар жиі: жедел бүйрек жеткіліксіздігі, қан сарысуындағы мочевина концентрациясының жоғарылауы. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті "Дәрілік заттар мен медициналық бұйымдарды сараптау ұлттық орталығы" ШЖҚ РМК http://www.ndda.kz

Микафунгиннің артық дозалануы туралы деректер жоқ. Артық дозалануы мүмкін жағдайда симптоматикалық емде жалпы демеуші шараларды қолдану керек. Микафунгин ақуыздармен байланысудың жоғары дәрежесімен сипатталады және диализ кезінде шығарылмайды.

Арнайы ескертулер Микафунгинді енгізген кезде шокты қоса, анафилаксиялық/анафилактоидты реакциялар болуы мүмкін. Олар туындаған жағдайда микафунгин инфузиясын тоқтатып, қажетті ем тағайындау қажет. Микафунгинді қолданған кезде Стивенс-Джонсон синдромы және уытты эпидермалық некролиз сияқты эксфолиативті тері реакциялары пайда болуы мүмкін. Егер пациенттерде бөртпе дамыса, оларды мұқият бақылап, микафунгин үдеген жағдайда оны қабылдауды тоқтату керек. Сирек жағдайларда пациенттерде микафунгинмен емдеу аясында гемолиз және гемолиздік анемия байқалған. Гемолиздің клиникалық немесе зертханалық белгілері пайда болған кезде пациенттің жағдайына мұқият мониторинг жүргізуді қамтамасыз ету және емді жалғастырудың қаупі мен пайдасының арақатынасын бағалау керек. Микафунгинді қолданған кезде бүйрек функциясының өзгеруі, оның ішінде бүйрек жеткіліксіздігінің дамуы байқалды, сондықтан емдеу кезінде бүйрек функциясының мұқият мониторингін қамтамасыз ету қажет. Бауырға әсері Микафунгинді қолдану дені сау еріктілерде де, пациенттерде де бауыр функциясының едәуір нашарлауымен (аланинаминотрансфераза, аспартатаминотрансфераза немесе жалпы билирубин белсенділігінің қалыптың жоғары шегінен 3 есе ұлғаюы) қатар жүруі мүмкін. Кейбір жағдайларда бауырдың ауыр дисфункциясы (гепатит немесе өлімге әкелетін бауыр жеткіліксіздігі) байқалды. Микафунгин қолдану туралы шешім қабылдау кезінде бауыр ісіктерінің дамуының ықтимал қаупін назарға алу керек. Микафунгинді басқа да зеңге қарсы препараттар тағайындалмаған жағдайларда ғана қолдану керек. Микафунгинмен емдеу процесінде бауыр функциясының мұқият мониторингін қамтамасыз ету қажет. Адаптивті регенерация қаупін және салдарынан бауыр ісіктерінің ықтимал түзілуін барынша азайту үшін, аланинаминотрансфераза, аспартатаминотрансфераза белсенділігінің едәуір немесе персистенциялық жоғарылауы кезінде препарат қолдануды тоқтату ұсынылады. Микафунгинмен емдеуді, әсіресе бауыр функциясының ауыр бұзылуы немесе бауырдың айқын фиброзы, цирроз, вирустық гепатит, жаңа туған нәрестелердегі бауыр аурулары немесе туа біткен ферментопатиялар сияқты бауырдың ісік алды жағдайы түрінде келетін созылмалы бауыр аурулары бар пациенттерде, сондай-ақ гепатоуытты және/немесе геноуытты әсер ететін препараттарды бір мезгілде қолданған жағдайда, қауіп пен пайда арақатынасын мұқият таразылап жүргізген жөн. Балалар 2 жасқа дейінгі пациенттерде гепатоуыттылық қаупі артты. Кейбір жағымсыз реакциялардың жиілігі ересек пациенттерге қарағанда балаларда жоғары болды. 1 жасқа дейінгі балаларда 1 жастан асқан балаларға қарағанда аланинаминотрансфераза, аспартатаминотрансфераза және сілтілік фосфатаза белсенділігінің ұлғаюы шамамен екі есе байқалды. Бұл айырмашылықтардың ең ықтимал себебі үлкенірек балалармен және ересек пациенттермен салыстырғанда клиникалық зерттеулердегі 1 жасқа дейінгі балалардың бастапқы жағдайы болды. Зерттеуге қосу сәтінде сүйек кемігінің аллогенді трансплантациясынан кейін нейтропениясы, сондай-ақ балалар (тиісінше 40,2%, 29,4% және 29,1%) арасында қатерлі гематологиялық түзілімдері бар пациенттердің үлесі ересектерге (тиісінше 7,3%, 13,4% және 8,7%) қарағанда бірнеше есе жоғары болды. Микафунгин препаратындағы натрийдің мөлшері бір дозаға 1 ммоль натрийден (23 мг) аз болады. Осылайша, оның «құрамында натрий жоқ». Жүктілік Жүкті әйелдерде препаратты қолданудың клиникалық тәжірибесі жоқ. Клиникаға дейінгі зерттеулерде микафунгиннің плаценталық бөгет арқылы енуі, сондай-ақ репродуктивті уыттылығы байқалды. Сондықтан Микафунгинді жүктілік кезінде, қауіп/пайда арақатынасын мұқият бағалағаннан кейін ғана қолдану керек. Бала емізу кезеңі Микафунгиннің емшек сүтіне енетіні белгісіз. Бала емізуді жалғастыру/тоқтату немесе Микафунгин препаратымен емдеуді жалғастыру/тоқтату туралы шешімді бала үшін емшек емізудің пайдасын және ана үшін Микафунгин препаратымен емдеудің пайдасын ескере отырып қабылдаған жөн. Фертильділік Клиникаға дейінгі зерттеулерде тестикулаларға қатысты уытты әсерлер байқалған. Микафунгин еркектердің репродуктивті функциясын бұзуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Микафунгиннің көлік құралдарын басқару және механизмдермен жұмыс істеу қабілетіне әсерін бағалау бойынша зерттеулер жүргізілген жоқ. Алайда, көлік құралдарын басқару қабілетіне және механизмдермен жұмыс істеуге теріс әсер етуі мүмкін жағымсыз реакциялар туындауы мүмкін.

Нұсқаулықта көрсетілмеген.

Микафунгин CYP3A изоферменттерінің қатысуымен метаболизденетін дәрілік заттармен өзара әрекеттесудің потенциалы төмен. Микафунгинді микофенолат мофетилі, циклоспорин, такролимус, преднизолон, сиролимус, нифедипин, флуконазол, ритонавир, рифампицин, итраконазол, вориконазол және амфотерицин В сияқты препараттармен бір мезгілде қолданғанда микафунгинді дозалау режимін түзету талап етілмейді. Микафунгин AUC итраконазол, сиролимус және нифедипинді қолданған кезде аздап ұлғайды – тиісінше 22%, 21% және 18%. Микафунгин мен амфотерицин В дезоксихолатын бірге қолдану амфотерицин В дезоксихолаты экспозициясының 30% жоғарылауымен астасқан. Мұның клиникалық маңызы болуы мүмкін болғандықтан, мұндай бірлескен қолдануға, егер пайдасы қауіптен айқын асып кетсе, амфотерицин В дезоксихолатының уыттылығын мұқият бақылай отырып, жүгіну керек. Микафунгин препаратымен біріктіріп сиролимус, нифедипин немесе итраконазол алатын пациенттерге сиролимустың, нифедипиннің немесе итраконазолдың уытты әсерін анықтау және қажет болса көрсетілген препараттардың дозасын төмендету мақсатында мониторинг қажет.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, жарықтан қорғалған жерде 25 °C-ден аспайтын температурада сақтау керек. Балалардың қолы жетпейтін жерде сақтау керек.