МИКОЗИСФРИ крем 1%

Бір грамм препараттың құрамында белсенді зат - 10.00 мг тербинафин гидрохлориді қосымша заттар: бензил спирті, натрий гидроксиді, сорбитан стеараты, цетил пальмитат, цетил спирті, стеарил спирті, полисорбат 60, изопропилмиристат, тазартылған су. Сыртқы түрінің, иісінің, дәмінің сипаттамасы Ақтан ақ дерлік түске дейінгі біртекті крем.

- терінің зең инфекциялары: табан микоздарында (tinea pedis), шап эпидермофитиясында (tinea cruris), Trichophyton spp. дерматофиттерінен, оның ішінде Trichophyton rubrum, Trichophyton mentagrophytes, Trichophyton verrucosum, Trichophyton violaceum, Microsporum canis және Epidermophyton floccosum туындаған дененің тегіс терісінің (tinea corporis) зеңдік зақымдануларында; - ашытқылық, негізінен Candida тектес (мысалы, C. albicans) зеңдерден туындаған тері инфекцияларында; - Pityrosporum orbiculare (Malassezia furfur ретінде де белгілі) туындаған түрлі-түсті теміреткіде.

ATХ коды D01AE15 Әсер ету механизмі және фармакодинамикалық әсерлері Тербинафин, құрамында зеңге қарсы белсенділіктің кең спектрі бар аллиламиннен тұрады. Төмен концентрацияларда тербинафин дерматофиттерге, зеңдік және кейбір диморфты зеңдерге қатысты фунгицидтік әсер етеді. Ашытқылық зеңдерге қатысты белсенділігі олардың түріне қарай фунгицидтік немесе фунгистатикалық болуы мүмкін. Тербинафин ерте сатысында зеңдердегі стеролдардың биосинтезін басады. Бұл эргостеролдың тапшылығына және скваленнің жасушаішінде жиналуына әкеледі, ол зеңді жасушалардың қырылуына алып келеді. Тербинафин зеңнің жасушалық жарғақшасында скваленэпоксидазаны тежейді. Скваленэпоксидаза адамның P450 цитохромы жүйесіне жатпайды. Демек, тербинафин Р450 цитохромы жүйесіне және сәйкесінше, гормондардың немесе басқа дәрілік препараттардың метаболизміне әсер етпейді.

Дозалану режимі Ересектерге қолданылуына қарай тәулігіне 1 немесе 2 рет тағайындайды. Ұсынылатын дозалану режимі және емдеудің ұзақтығы: - табанның дерматомикозы (саусақаралық аймақ) – күніне 1 рет 1 апта; - өкшелік типті табан дерматомикозы: күніне 2 рет 2 апта; - шап дерматомикозы, дененің тегіс терісінің микозы: күніне 1 рет 1 апта; - Candida (тері кандидозы) тектес зеңдерден туындаған зеңдік тері инфекциялары: күніне 1-2 рет 1-2 апта; - кебек тәрізді теміреткі – күніне 1-2 рет 2 апта. Енгізу әдісі және жолы Тек сыртқа қолдануға арналған. Препаратты жағар алдында зақымданған жерлерді тазалау және құрғату қажет. Кремді зақымдалған тері мен айналасындағы бөліктерге жұқа қабатпен жағады және аздап ысқылап сіңдіреді. Базданумен қатар жүретін инфекциялар кезінде (сүт бездері астында, саусақ аралықтарында, бөкселер арасында, шап аймағында) крем жағылатын орындарды, әсіресе түнде, дәкемен жабуға болады. Дәрілік препаратты қолдану тәсілін түсіну үшін медицина қызметкерінің кеңесіне жүгіну жөніндегі нұсқаулар Сізде осы дәрілік препаратты қолдану жөнінде қандай-да бір қосымша сұрақтар туындаған жағдайда, өз дәрігеріңізге жүгініңіз.

- тербинафинге немесе қосымша заттардың кез келгеніне аса жоғары сезімталдық; - балалар және 18 жасқа дейінгі жасөспірімдер.

Жиі - терінің қабыршақтануы, қышыну Жиі емес - терінің зақымдануы, қабыршақтардың түзілуі (қабыршақтар), тері аурулары, пигментацияның бұзылуы, эритема, терінің күю сезімі - ауырсыну немесе жаққан жердің тітіркенуі Сирек - көздің тітіркенуі - терінің құрғауы, жанаспалы дерматит, экзема - ауру симптомдарының өршуі Белгісіз (қолда бар деректердің негізінде бағалау мүмкін емес) - аса жоғары сезімталдық - бөртпе Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Сыртқа қолдануға арналған крем түріндегі тербинафиннің жүйелі сіңуінің төмендігіне байланысты, артық дозалану ықтималдылығы аз. Құрамында 300 мг тербинафин гидрохлориді бар препараттың бір сықпасының (30 г) ішіндегісін байқаусызда жұтып қою, 250 мг дозадағы бір тербинафин таблеткасын (ересектерге арналған бір реттік пероральді доза) қабылдаумен салыстырымды. Препараттың көп мөлшерін байқаусызда жұтып қойған жағдайда, тербинафин таблеткаларының артық дозалану симптомдарына ұқсас жағымсыз реакциялар байқалады. Симптомдары: бас ауыруы, жүрек айнуы, эпигастрий аймағының ауыруы және бас айналуы. Емі: белсендірілген көмір, қажет болған жағдайда - симптоматикалық демеуші ем.

Препараттың көзге тиюіне жол бермеу керек, өйткені ол тітіркенуді тудыруы мүмкін. Препарат байқаусызда көзге тиіп кеткен жағдайда, оларды дереу ағынды сумен жуып жіберу керек. Қосымша заттар Препараттың құрамында цетил спирті мен стеарил спирті бар, ол жергілікті тері реакцияларын (мысалы, жанаспалы дерматит) тудыруы мүмкін. Препараттың құрамында 1 г кремде 10.0 мг бензил спирті бар. Бензил спирті жергілікті жеңіл тітіркенуді және аллергиялық реакцияларды тудыруы мүмкін. Арнайы сақтандырулар Педиатрияда қолданылуы Балалар мен 18 жасқа дейінгі жасөспірімдерде тербинафинді қолдану тәжірибесінің шектеулілігіне байланысты, препарат аталған жас тобында қолдануға ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлікті жүргізу және механизмдерді басқару қабілетіне әсерін тигізбейді.

Жүкті әйелдерде крем түріндегі тербинафинді клиникалық қолдану тәжірибесі жоқ, сондықтан препаратты жүктілік кезінде ықтимал пайдасы болуы мүмкін қаупінен асып түсетін жағдайда ғана қолдану керек. Тербинафин емшек сүтіне енеді. Препаратты лактация кезінде қолданбаған дұрыс. Препаратпен өңделген терімен нәрестелердің жанасуына жол бермеу керек.

Тербинафин үшін қандай-да бір дәрілік заттармен өзара әрекеттесуі белгісіз.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!