Микосист® капсулы 150 мг

Бір капсуланың құрамында белсенді зат – флуконазол 50 мг немесе 150 мг, қосымша заттар: сусыз коллоидты кремнийдің қостотығы, магний стеараты, тальк, повидон, жүгері крахмалы, сусыз лактоза желатин капсуланың құрамы: корпусы: титанның қостотығы (Е 171), желатин қақпақшасы: индигокармин (E 132), титанның қостотығы (Е 171), желатин. Сыртқы түрінің, иісінің, дәмінің сипаттамасы Ақ түсті корпусы және ашық-көк түсті қақпақшасы бар, мөлдір емес қатты желатин капсулалар, өлшемі № 4 (50 мг доза үшін). Ақ түсті корпусы және көк түсті қақпақшасы бар, мөлдір емес қатты желатин капсулалар, өлшемі № 1 (150 мг доза үшін). Капсуланың ішінде – ақ немесе ақ дерлік түсті ұнтақ немесе ұнтақ тәрізді тығыз масса.

Микосист® препараты зең инфекцияларын емдеуге арналған. Микосист® ересектерде келесі ауруларды емдеу үшін қолданылады: •криптококктық менингит; •кокцидиоидомикоз; •инвазивтік кандидоз; •шырышты қабықтардың кандидозы, соның ішінде, орофарингеальді кандидоз, өңеш кандидозы, кандидурия және тері-шырышты қабықтың созылмалы кандидозы; •ауыз қуысының созылмалы атрофиялық кандидозы (тіс протездерін киюмен байланысты), ауыз қуысы гигиенасын сақтау және жергілікті емдеу жеткіліксіз болған жағдайда; •жедел немесе қайталанатын қынап кандидозы, жергілікті емді қолдануға болмайтын жағдайда; •кандидоздық баланитте, жергілікті емді қолдануға болмайтын жағдайда; •дерматомикоздар, соның ішінде, табан дерматофитиясында, дене дерматофитиясында, шап дерматофитиясында, түрлі-түсті теміреткіде және тері кандидозында, жүйелі емдеу көрсетілген жағдайда; •тырнақ дерматофитиясы (онихомикоз), егер емдеуде басқа препараттар жарамсыз деп танылса. Микосист® препараты ересектерде келесі аурулардың алдын алу үшін қолданылады: •қайталану қаупі жоғары пациенттердегі криптококтық менингиттің қайталануында; • қайталану қаупі жоғары АИТВ жұқтырған пациенттерде орофарингеальді кандидоз және өңеш кандидозының қайталануында; • қынап кандидозының қайталану (жылына 4 рет немесе одан көп эпизодтар) жиілігін азайту үшін; • ұзаққа созылған нейтропениясы бар пациенттерде кандидозды инфекциялардың алдын алу үшін (мысалы, химиотерапия алатын гемобластозбен ауыратын пациенттер немесе гемопоэздік дің жасушаларын трансплантациялаған пациенттер). Емді сеппе және басқа зертханалық зерттеулер нәтижелері алынғанға дейін бастауға болады; нәтижелер алынғаннан кейін емді тиісті түрде түзету қажет. Басқа зеңге қарсы препараттарды қолдану бойынша ресми бекітілген ұсыныстарды ескеру қажет.

Әсер ету механизмі Флуконазол триазолды зеңге қарсы препарат болып табылады. Оның негізгі әсер ету механизмі Р450 зең цитохромымен жанама 14альфа-ланостеролдың деметилдену - зең жасушаларында эргостерол биосинтезінің маңызды кезеңін тежеу болып табылады. 14альф-метилстеролдардың жинақталуы кейіннен зең жасушаларының жасуша қабықтарында эргостеролды жоғалтумен арақатынас орнатып, флуконазолдың зеңге қарсы белсенділігін түсіндіре алады. Флуконазолдың әртүрлі сүтқоректілердегі Р450 цитохромының ферменттер жүйесіне қарағанда Р450 зең цитохромының изоферменттеріне селективті әсер ететіні анықталды. Флуконазолды тәулігіне 50 мг дозада 28 күнге дейін қабылдау ерлердің қан плазмасындағы тестостерон концентрациясына және бала туу жасындағы әйелдерде стероидты гормондардың концентрациясына әсер етпейтіні көрсетілген. Тәулігіне 200-400 мг дозадағы флуконазол эндогендік стероидтердің деңгейіне немесе дені сау ер еріктілердегі адренокортикотропты гормонға реакцияға клиникалық маңызды әсер етпейді. Антипиринмен өзара әрекеттесуге жүргізілген зерттеу флуконазолды 50 мг дозада бір немесе бірнеше рет қабылдау оның метаболизмін бұзбайтынын көрсетеді. Іn vitro сезімталдығы: Флуконазол Сandida тектес зеңдердің клиникалық маңызды түрлеріне қатысты in vitro зеңге қарсы белсенділікке ие (соның ішінде C. albicans, C. parapsilosis, C. tropicalis). C. glabrata түрі флуконазолға сезімталдығы төмен екенін көрсетті, ал C. krusei және C. auris штаммдары флуконазолға төзімді. Жабайы типтегі C. glabrata популяциясының флуконазолға аралық сезімталдығы (I) бар. C. guilliermondii үшін флуконазолды кесудің эпидемиологиялық мәні (ECOFF) ең аз тежеуші концентрациясы (ЕТК) және эпидемиологиялық мәні C. Albicans-ға қарағанда жоғары. Жақында пайда болған C. auris түрі, әдетте флуконазолға төзімді. Флуконазол Cryptococcus neoformans және Cryptococcus.gattii, сондай-ақ Blastomyces dermatiditis, Coccidioides immitis, Histoplasma capsulatum және Paracoccidioides brasiliensis эндемиялық өңезді зеңдерге қатысты in vitro белсенді. Фармакокинетикалық және фармакодинамикалық қасиеттері арасындағы өзара байланыс Жануарларға жүргізілген зерттеулерде Сandida тектес зеңдерден туындаған тәжірибелік микоздарға қатысты ең төменгі тежегіш концентрацияның (ЕТТК) мәндері мен тиімділігі арасындағы корреляция байқалды. Клиникалық зерттеулерде AUC және флуконазол дозасы арасындағы іс жүзінде 1:1 сызықтық қатынасы байқалды. Сондай-ақ, AUC немесе доза мен ауыз қуысының кандидозын және аз дәрежеде кандидемияны сәтті клиникалық емдеу арасындағы тікелей, бірақ нақты байланыс жоқ. Емнің ұқсас деңгейінің неғұрлым жоғары ЕТТК флуконазолы бар штаммдардан туындаған инфекциялар кезінде ықтималдығы аз. Резистенттіліктің даму механизмдері Candida тектес зеңдер азол қатарындағы зеңге қарсы препараттарға резистенттіліктің бірнеше механизмдерін әзірледі. Резистенттіліктің бір және бірнеше механизмдері бар зеңдердің штаммдары флуконазолдың жоғары ең төмен тежегіш концентрациясымен (ЕТТК) сипатталады, бұл оның in vivo тиімділігіне және клиникалық тәжірибеге теріс әсер етеді. Әдетте сезімтал Candida түрлерінде төзімділіктің жиі кездесетін механизмі эргостерол биосинтезіне қатысатын азолдардың мақсатты ферменттерін қамтиды. Резистенттілік ферменттің жоғары өндірілуімен, дәрілік заттарды шығару механизмдерінің өзгеруімен немесе компенсаторлық жолдардың дамуымен байланысты болуы мүмкін. Candida тектес зең түрлерімен суперинфекциялау жағдайлары байқалды, C. albicans-тан басқа, олар көбінесе сезімталдығы төмендеген (C. glabrata) немесе флуконазолға төзімділікті (мысалы, C. krusei, C. Auris) көрсетеді. Мұндай инфекциялар зеңге қарсы балама препараттармен емдеуді қажет етеді. Кейбір табиғатқа төзімді (C. krusei) немесе пайда болатын (C. auris) сияқты Candida түрлерінің резистенттілік механизмдері толық анықталмаған. Шекаралас мәндер (EUCAST бойынша) Фармакокинетикалық/фармакодинамикалық (ФК/ФД) деректерді талдау, in vitro сезімталдығы және EUCAST-AFST клиникалық тиімділігі негізінде (зеңге қарсы препараттарға сезімталдықты айқындау жөніндегі Еуропалық комитеттің зеңге қарсы препараттарына сезімталдықты айқындау жөніндегі кіші комитеті) Candida тектес зеңдерге қатысты флуконазол үшін шекаралық мәндерді анықтады. (EUCAST Fluconazole rational document (2020 г.)» — редакция 3; Еуропалық комитеттің микробтарға қарсы препараттарына сезімталдықты айқындау жөніндегі комитеті «ЕТТК-тің сезімталдық мәніне сипаттама берудің шекаралық мәндерінің кестесі (2020-02-04)» - редакция 10.0). Олар түрлерге қарамастан, негізінен ФК/ФД деректері негізінде анықталған және жеке түрлер бойынша ЕТТК-нің бөлінуіне тәуелді емес шекаралық мәндерге және адамдарда жиі инфекцияны тудыратын түрлер үшін түрлерге тән шекаралық мәндерге бөлінді. Бұл шекаралық мәндер келесі кестеде келтірілген: Зеңге қарсы препарат — Түрлерге тән шекаралық мәндер (С</Р>) — Тән емес шекаралық мәндерA С≤/Р> Candida albicans — Candida dubliniensis — Candida glabrata — Candida krusei — Candida parapsilosis — Candida tropicalis Флуконазол — 2/4 — 2/4 — 0.001*/16 — -- — 2/4 — 2/4 — 2/4 С — сезімтал; Р — резистентті А — Тән емес шекаралық мәндер негізінен ФК/ФД деректері негізінде анықталды және жекеше түрлер бойынша ЕТТК-нің бөлінуіне байланысты болмады. Олар тек түрлерге тән шекаралық мәндер белгіленбеген микроорганизмдер үшін қолданылады. -- — Сезімталдықты зерттеу ұсынылмайды, өйткені түр осы дәрілік препаратпен емдеу үшін әлсіз нысана болып табылады. * = Барлық түрі I санатқа жатады. C. glabrata ЕТК-сы олар 16 мг/л асқанда тұрақты деп түсіндіру керек. Сезімталдық санаты (< 0,001 мг/л) «I» штаммдарының «Ч» штаммдары ретінде дұрыс жіктелмеуіне жол бермеуге арналған. I - Сезімтал, жоғары әсер: Микроорганизмдер терапиялық табыстың жоғары ықтималдығы болған кезде, дозалау режимін немесе оның инфекция орнында шоғырлануын түзету арқылы әсерді ұлғайту есебінен сезімтал, жоғары әсер ретінде жіктеледі.

Дозалау режимі Тәуліктік доза зең инфекциясының сипаты мен ауырлығына байланысты. Ересектердегі дозалары Қолданылуы — Дозалары — Емдеу ұзақтығы Криптококкоз — Криптококкты менингитті емдеу. — Жүктеме дозасы: бірінші күні 400 мг; артынан тәулігіне бір рет 200–400 мг — Әдетте 6-8 аптадан кем емес. Өмірге қатерлі инфекция жағдайларында тәуліктік дозаны 800 мг дейін арттыруға болады Қайталану қаупі жоғары пациенттерде криптококкты менингиттің қайталануын болдырмау үшін демеуші ем. — Тәулігіне 1 рет 200 мг — Препаратты 200 мг тәуліктік дозада қолдануды белгісіз ұзақ мерзім бойы жалғастыруға болады Кокцидиоидомикоз — Тәулігіне 1 рет 200–400 мг — Пациенттің жағдайына қарай 11-ден 24 айға және одан ұзақ уақытқа дейін. Кейбір жағдайларда, әсіресе, ми қабықтары зақымданған кезде 800 мг тәуліктік дозаны пайдалануға болады Инвазивтік кандидоз — Жүктеме дозасы: бірінші күні 400 мг; одан кейін тәулігіне бір рет 400 мг — Әдетте кандидемияны емдеудің ұсынылатын ұзақтығы қан сеппесінің алғашқы теріс нәтижесін алғаннан кейін және кандидемияның белгілері мен симптомдары басылғаннан кейін 2 аптаны құрайды Шырышты қабықтардың кандидозын емдеу — Орофарингеальді кандидоз — Жүктеме дозасы: бірінші күні 200‒400 мг; одан кейін тәулігіне бір рет 100‒200 мг — 7-ден 21 күнге дейін (орофарингеальді кандидоз ремиссиясының басталуына дейін). Иммундық жүйе функциясының айқын бәсеңдеуі бар пациенттерде неғұрлым ұзақ ем тағайындалуы мүмкін Өңеш кандидозы — Жүктеме дозасы: бірінші күні 200‒400 мг; одан кейін тәулігіне бір рет 100‒200 мг — 14-тен 30 күнге дейін (өңеш кандидозы ремиссиясының басталуына дейін). Иммундық жүйе функциясының айқын бәсеңдеуі бар пациенттерде неғұрлым ұзақ ем тағайындалуы мүмкін Кандидурия — Тәулігіне бір рет 200–400 мг — 7-ден 21 күнге дейін. Иммундық жүйе функциясының айқын бәсеңдеуі бар пациенттерде неғұрлым ұзақ ем тағайындалуы мүмкін. Созылмалы атрофиялық кандидоз — Тәулігіне бір рет 50 мг — 14 күн Тері-шырышты қабықтардың созылмалы кандидозы — Тәулігіне бір рет 50‒100 мг — 28 күнге дейін. Көпке созылатын емдеу ұзақтығы инфекцияның ауырлығына және иммундық жүйе функциясының қатарлас бұзылуына байланысты АИТВ инфекциясына шалдыққан пациенттерде даму қаупі жоғары шырышты қабықтар кандидозы Қайталануының профилактикасы — Орофарингеальді кандидоз — Тәулігіне 1 рет 100-200 мг немесе аптасына 3 рет 200 мг — Созылмалы иммун тапшылығы бар пациенттерде препаратты белгісіз ұзақ уақыт бойы қолдануға болады Өңеш кандидозы — Тәулігіне 1 рет 100-200 мг немесе аптасына 3 рет 200 мг — Созылмалы иммун тапшылығы бар пациенттерде препаратты белгісіз ұзақ уақыт бойы қолдануға болады Жыныстық мүшелердің кандидозы — Жедел қынаптық кандидоз Кандидоздық баланит — 150 мг — Бір реттік доза Қынаптық кандидоздың қайталануын емдеу және профилактикасы (жылына 4 немесе одан да көп эпизод). — 3 күнде 1 рет 150 мг (барлығы 150 мг дозаны үш рет қабылдау - 1-ші, 4-ші, 7-ші күні), кейіннен аптасына бір рет 150 мг демеуші дозамен — Демеуші дозада емдеу ұзақтығы – 6 ай. Дерматомикоз — табан дерматофитиясы, дене дерматофитиясы, шап дерматофитиясы, кандидоздық инфекциялар — Аптасына 1 рет 150 мг немесе тәулігіне бір рет 50 мг — 2‒4 апта, табан дерматофитиясын 6 аптаға дейін емдеу қажет болуы мүмкін түрлі түсті теміреткі — Аптасына 1 рет 300‒400 мг — 1‒3 апта Аптасына 1 рет 50 мг — 2‒4 апта тырнақ дерматофитиясы (онихомикоз) — Аптасына бір рет 150 мг — Емдеуді тырнақты ң зақымданған бөлігі толығымен сау күйге ауысқанға дейін (сау тырнақтың толық өсуі) жалғастыру керек. Қол мен аяқтың саусақтарында тырнақтың өсуіне сәйкесінше 3-6 және 6-12 ай қажет. Алайда өсу қарқыны әр түрлі адамдарда, сондай-ақ жасына байланысты өзгеруі мүмкін. Ұзақ созылмалы инфекцияларды сәтті емдегеннен кейін кейбір жағдайларда тырнақтың деформациясы сақталуы мүмкін. Ұзаққа созылатын нейтропениясы бар пациенттердегі кандидоздық инфекциялардың профилактикасы — Тәулігіне 1 рет 200–400 мг — Емдеуді нейтропенияның күтілетін дамуына дейін бірнеше күн бұрын бастау және нейтрофилдердің саны 1 мм3-те 1000-нан астам жасушадан артқаннан кейін 7 күн бойы жалғастыру қажет. Пациенттердің ерекше топтары Егде жастағы пациенттер Дозаны бүйрек функциясының жай-күйіне қарай таңдау керек. Бүйрек функциясы бұзылған пациенттер Флуконазол негізінен бүйрекпен өзгеріссіз түрде шығарылады. Дозаны бір реттік қабылдау кезінде түзету қажет емес. Флуконазолды бірнеше рет қабылдауды қажет ететін бүйрек функциясы бұзылған пациенттерге осы көрсетілімде қолдануға ұсынылатын тәуліктік дозаға байланысты 50-400 мг бірінші жүктеме дозасын тағайындайды. Жүктеме дозасын қабылдағаннан кейін тәуліктік дозаны (қолдану көрсеткішіне сәйкес) келесі кесте бойынша белгілейді: Креатинин клиренсі (мл/мин) — Ұсынылатын дозадан пайызы > 50 — 100 % ≤ 50 (гемодиализсіз) — 50 % Гемодиализ — Гемодализдің әр сеансынан кейін 100 % Гемодиализдегі пациенттер гемодиализдің әрбір сеансынан кейін ұсынылған дозаның 100% қабылдауы тиіс; диализ жүргізілмеген күндері пациенттер креатинин клиренсіне сәйкес төмендетілген дозадағы препаратты қабылдауы тиіс. Бауыр функциясы бұзылған пациенттер Бауыр функциясы бұзылған пациенттерде флуконазолды қолдану туралы деректер жеткіліксіз, сондықтан бауыр функциясы бұзылған пациенттерге препаратты сақтықпен тағайындау керек. Емдеу ұзақтығы Препаратты бірнеше рет қабылдауды талап ететін инфекциялар кезінде емдеуді белсенді зең инфекциясының клиникалық немесе зертханалық белгілері жойылғанша жалғастыру керек. Емдеудің жеткіліксіз ұзақтығы белсенді инфекцияның қайталануына әкелуі мүмкін. Енгізу әдісі және жолы Ішке қолдануға арналған. Капсулаларды тұтасымен жұтып, оларды тамақтану уақытына қарамастан қабылдау қажет. Флуконазолды ішке қабылдауға немесе вена ішіне енгізуге болады. Қолдану әдісі пациенттің клиникалық жағдайына байланысты. Вена ішіне енгізуден ішке қабылдауға немесе керісінше ауысқан кезде тәуліктік дозаны өзгерту қажет етілмейді. Дәрігер пациенттің жасына, дене салмағына және ұсынылған дозаға сәйкес ең қолайлы дәрілік түрді және дозаны тағайындауы керек. Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну бойынша ұсынымдар Препаратты қолдану тәсіліне қатысты күмән туындаған жағдайда емдеуші дәрігермен кеңесіңіз.

• әсер етуші затқа, құрылымы ұқсас азолды қосылыстарға немесе қосымша заттардың кез келгеніне аса жоғары сезімталдық; • терфенадинмен бір мезгілде қабылдау (400 мг және одан асатын флуконазолдың бірнеше реттік дозаларын қолдану кезінде); • флуконазолды QT аралығын ұзартатын, P450 цитохромы (CYP) 3A4 арқылы метаболизденетін, цизаприд, астемизол, пимозид, хинидин және эритромицин сияқты препараттармен бірге қабылдау; • 18 жасқа дейінгі балаларға (капсула құрамында бояғыш – индигокармин (E 132) болуына байланысты); • лактозаның, галактозаның тұқым қуалайтын көтере алмаушылығы, глюкоза-галактоза мальабсорбциясы синдромы.

Жиі • бас ауыруы • іш ауыруы, құсу, диарея, жүрек айнуы • аланинаминотрансфераза, аспартатаминотрансфераза, қанның сілтілі фосфатаза белсенділігінің жоғарылауы • бөртпе Жиі емес • анемия • тәбеттің төмендеуі • ұйқышылдық, ұйқысыздық • құрысулар, парестезия, бас айналуы, дәм сезудің бұрмалануы • вертиго • іш қатуы, диспепсия, іштің кебуі, ауыздың құрғауы • холестаз, сарғаю, билирубин концентрациясының жоғарылауы • дәрілік бөртпе *, есекжем, қышыну, қатты терлеу • миалгия • қажу, жалпы дімкәстік, астения, қызба * тұрақты дәрілік эритеманы қоса Сирек • агранулоцитоз, лейкопения, тромбоцитопения, нейтропения • анафилаксиялық реакциялар • гиперхолестеринемия, гипертриглицеридмия, гипокалиемия • тремор • «пируэт» типті полиморфты қарыншалық тахикардия, QT аралығының ұзаруы • бауыр жеткіліксіздігі, бауыр-жасушалық некроз, гепатит, бауыр жасушаларының зақымдануы • уытты эпидермалық некролиз, Стивенс-Джонсон синдромы, жедел жайылған экзантематоздық пустулез, эксфолиативтік дерматит, ангионевроздық ісіну, беттің ісінуі, алопеция Жиілігі белгісіз - эозинофилиямен және жүйелік көріністермен дәрілік бөртпе (DRESS-синдромы) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Флуконазолдың артық дозалануы туралы хабарламалар бар. Мұнда елестеулер және параноидтық мінез-құлық байқалды. Артық дозаланған жағдайда симптоматикалық ем (демеуші шаралар және қажет болған жағдайда асқазанды шаю) жеткілікті болуы мүмкін. Флуконазол негізінен несеппен шығарылады; шығару жылдамдығын қарқынды диурез көмегімен арттыруға болады. Ұзақтығы 3 сағат гемодиализ сеансы қан плазмасындағы флуконазол концентрациясын шамамен 50%-ға төмендетеді.

Арнайы сақтандырулар Құрғақ теміреткі Құрғақ теміреткіні емдеу үшін флуконазол тиімділігі жағынан гризеофульвиннен аспайтынды, ал сәтті емдеудің жалпы көрсеткіші 20%-дан аспайды. Сонымен, Микосист® препаратын құрғақ теміреткіні емдеу үшін қолдануға болмайды. Кандидоз Зерттеулер Candida штаммдары инфекцияларының C. albicans-тан өзгеше басым екенін көрсетті. Олар (мысалы, C. krusei және C. auris) жиі флуконазолға төзімділік көрсетеді немесе (C. glabrata) сезімталдығы төмен болады. Мұндай инфекциялар флуконазолмен емдеу тиімсіз болған жағдайда зеңге қарсы баламалы терапияны талап етуі мүмкін. Дәрігерлерге Candida түрлерінің флуконазолға резистенттілігінің кең таралуын ескеру ұсынылады. Криптококкоз Флуконазолдың басқа жердегі криптококкозды (мысалы, өкпе және тері криптококкозы) емдеудегі тиімділігінің дәлелі шектеулі, бұл дозалау бойынша ұсынымдар беруге мүмкіндік бермейді. Терең эндемиялық микоздар Эндемиялық микоздардың басқа түрлерін, мысалы паракокцидиомикозды, лимфа-тері споротрихозы мен гистоплазмозды емдеудегі флуконазолдың тиімділігіне дәлелдер шектеулі, сондықтан, дозалау бойынша нақты ұсынымдар беруге мүмкіндік бермейді. Бүйрек функцияларының бұзылуы Микосист® препаратын бүйрек функциясы бұзылған пациенттерге сақтықпен тағайындау керек. Бүйрек үсті безінің жеткіліксіздігі Кетоконазол бүйрек үсті безінің жеткіліксіздігін тудыратыны белгілі. Өте сирек болса да, бұл флуконазолды қолдану кезінде мүмкін. Преднизолонды бір мезгілде қабылдаумен байланысты бүйрек үсті безінің жеткіліксіздігі жағдайы сипатталған. Гепатобилиарлық жүйе Микосист® препаратын бауыр функциясы бұзылған пациенттерге сақтықпен тағайындау керек. Флуконазолмен емдеу аясында, оның ішінде өліммен аяқталған, негізінен ауыр астасқан аурулары бар пациенттерде ауыр гепатоуыттылықтың сирек жағдайлары сипатталған. Флуконазолды қабылдау аясында гепатоуыттылық жағдайларында жалпы тәуліктік дозамен, емдеу ұзақтығымен, пациенттің жынысымен немесе жасымен нақты байланыс байқалған жоқ. Флуконазолды қабылдау аясындағы гепатоуыттылық, әдетте, ем тоқтатылғаннан кейін қайтымды болады. Флуконазолмен емдеу аясында бауырдың функционалдық сынамаларында ауытқулар пайда болатын пациенттер бауырдың неғұрлым ауыр зақымдануының дамуын болдырмау үшін қатаң бақылауда болуы тиіс. Пациентке бауырдың ауыр зақымдануын көрсететін симптомдар туралы ескерту қажет (астения, тәбеттің болмауы, жүректің тұрақты айнуы, құсу және сарғаю). Флуконазолмен емдеуді дереу тоқтатып, дәрігермен кеңесу керек. Жүрек-қантамыр жүйесі Кейбір азолдар, соның ішінде флуконазол, электрокардиограммада QT аралығының ұзаруына әкеледі. Флуконазол түзеткіш калий тогын (Ikr) тежеу арқылы QT аралығының ұзаруын тудырады. Басқа дәрілік препараттарды (амиодарон сияқты) қабылдау кезінде QT аралығының ұзаруы P450 (CYP)3A4 цитохромының изоферментін тежеу кезінде күшеюі мүмкін. Флуконазол қабылдайтын пациенттерде QT аралығының ұзаруының және «пируэт» типті полиморфты қарыншалық тахикардияның өте сирек жағдайлары байқалды. Бұл хабарламаларда ауыр аурулары бар пациенттер және органикалық жүрек аурулары, электролиттердің бұзылуы және осы жағымсыз құбылыстың дамуына ықпал ететін препараттарды бір уақытта қабылдау сияқты көптеген қауіп факторлары сипатталған. Гипокалиемиясы және үдемелі жүрек жеткіліксіздігі бар пациенттер өмірге қауіп төндіретін қарыншалық аритмиялардың, оның ішінде «пируэт» типті полиморфты қарыншалық тахикардияның дамуының жоғары қаупіне ұшыраған. Микосист® препаратын аритмияның дамуына ықпал ететін жай-күйдегі пациенттерге сақтықпен тағайындау керек. QT аралығын ұзартатын және P450 (CYP) 3A4 цитохромымен метаболизденетін басқа дәрілік препараттарды бір мезгілде қолдануға болмайды. Галофантрин Галофантрин ұсынылған емдік дозада қолданған кезде QTc аралығын ұзартатыны және CYP3A4 изоферментінің субстраты болып табылатыны анықталды. Осылайша, флуконазол мен галофантринді бір мезгілде қолдану ұсынылмайды. Тері реакциялары Флуконазолмен емдеу кезінде пациенттерде сирек жағдайларда Стивенс-Джонсон синдромы және уытты эпидермалық некролиз сияқты эксфолиативті тері реакциялары дамыды. ЖИТС-пен ауыратын пациенттер көптеген препараттарды қолданғанда ауыр тері реакцияларының дамуына бейім. Егер пациентте флуконазолды қолданумен байланысты бөртпе пайда болса, беткейлік зең инфекциясын емдеу кезінде осы препаратпен одан әрі емдеуді тоқтату керек. Инвазивтік / жүйелі зең инфекциялары бар пациенттерде бөртпе дамыса, мұқият бақылау жүргізу және буллездік зақымданулар немесе мультиформалық эритема дамыған кезде флуконазолбен емдеу курсын тоқтату қажет. Флуконазолды қолданғанда эозинофилиямен және жүйелік көріністермен жүретін дәрілік реакциялар (DRESS) туралы хабарламалар алынды. Аса жоғары сезімталдық реакциялары Анафилаксиялық реакциялардың дамуы туралы бірлі-жарым хабарламалар алынды. P450 цитохромы Флуконазол CYP2C9 және CYP3A4 изоферменттерінің орташа тежегіші болып табылады. Флуконазол сонымен қатар CYP2C19 изоферментінің қуатты тежегіші болып табылады. Микосист® препаратын және CYP2C9, CYP2C19 және CYP3A4 изоферменттерімен метаболизденетін тар емдік ауқымы бар дәрілік препараттарды бір мезгілде қабылдаған кезде пациенттер мұқият қадағалауда болуы тиіс. Терфенадин Флуконазолды тәулігіне 400 мг аз дозада және терфенадинді бір мезгілде қолдануды қатаң бақылаумен жүргізу қажет. Қосымша заттар Капсуланың құрамында сусыз лактоза бар. 50 мг Микосист® капсулалары - бір капсулада 49,5 мг, 150 мг Микосист® капсулалары - бір капсулада 148,5 мг. Лактозаның, галактозаның тұқым қуалайтын көтере алмаушылығы, глюкоза-галактоза мальабсорбциясы синдромы бар пациенттерге препаратты қолдануға болмайды.

Жүктілік Жүктілікті жоспарлаған кезде флуконазолды бір рет қабылдағаннан кейін бір апта күту ұсынылады. Флуконазолмен ұзағырақ емдеу курстары кезінде емдеуші дәрігермен емдеу кезінде және соңғы дозаны қабылдағаннан кейін бір апта бойы ұрықтануға қарсы сенімді дәрілерді қолдану қажеттілігін талқылау керек. Флуконазолды жүктіліктің бірінші немесе екінші триместірінде қабылдау жүктіліктің өздігінен тоқтап қалу қаупін арттыруы мүмкін. Флуконазолды жүктіліктің бірінші триместірінде қабылдау нәрестенің жүректің, сүйектердің және (немесе) бұлшықеттің туа біткен ақауларымен туылу қаупін арттыруы мүмкін. Кокцидиоидомикозды емдеу үшін үш ай және одан көп ай бойы флуконазолды жоғары дозаларда (тәулігіне 400-800 мг) қабылдаған әйелдерде балалардың бассүйек, құлақ қалқаны, ортан жілік және шынтақ жіліктің даму ақауларымен туылу жағдайлары байқалды. Фликоназол қабылдау мен осы жағдайлардың арасындағы байланыс белгісіз. Стандартты дозаларда және қысқа курстармен флуконазолды жүктілік кезінде қатаң қажеттілік болмаса қолдануға болмайды. Өмірге қауіп төндіретін инфекциялар жағдайларын қоспағанда, флуконазолды жоғары дозаларда және (немесе) ұзақ курстармен жүктілік кезінде қолдануға болмайды Бала емізу Флуконазол емшек сүтіне еніп, қан плазмасына жақын концентрацияға жетеді. Флуконазолды 150 мг дозада бір рет қабылдағаннан кейін бала емізуді жалғастыруға болады. Флуконазолдың көп реттік немесе жоғары дозаларын қолданғанда бала емізу ұсынылмайды. Бала емізудің баланың дамуы мен жалпы денсаулығы үшін артықшылықтарын, Микосист® препаратын анаға тағайындау қажеттілігін, сондай-ақ Микосист® препаратын қолданумен немесе ананың ауруымен байланысты бала үшін барлық жағымсыз салдарларды ескеру қажет. Көлік құралын немесе қауіптілігі зор механизмдерді басқару қабілетіне әсер ету ерекшеліктері Пациенттерге Микосист® препаратын қабылдау аясында бас айналудың немесе құрысудың ықтимал дамуы туралы ескерту және осындай симптомдар пайда болған кезде көлік құралдарын жүргізбеу және механизмдермен жұмыс істемеу ұсынылады.

Келесі дәрілік заттаремн бір мезгілде қолдануға болмайды. Цизаприд: Флуконазол мен цизапридті бір мезгілде қолданған кезде жүрек тарапынан жағымсыз құбылыстар, соның ішінде «пируэт» типті полиморфты қарыншалық тахикардия байқалды. Флуконазолды тәулігіне 1 рет 200 мг дозада және цизапридті тәулігіне 4 рет 20 мг дозада бір мезгілде қабылдау қан плазмасындағы цизаприд концентрациясының елеулі ұлғаюына және QTc аралығының ұзаруына әкелетіні анықталды. Флуконазол мен цизапридті бір мезгілде қабылдауға болмайды. Терфенадин: 200 мг тәуліктік дозада флуконазолды қолданған кезде QTc аралығының ұзаруын анықтау мүмкін болмады. Флуконазолды 400 және 800 мг тәуліктік дозада қолданған кезде тәулігіне 400 мг және одан жоғары дозалардағы флуконазол онымен бір мезгілде қолданған кезде қан плазмасындағы терфенадин концентрациясын едәуір арттыратыны көрсетілген. Флуконазолды 400 мг және одан да көп дозаларда терфенадинмен бір мезгілде қолдануға болмайды. Флуконазолды тәулігіне 400 мг аз дозада және терфенадинді бір мезгілде қолдануды қатаң бақылаумен жүргізу қажет. Астемизол: Флуконазолды астемизолмен бір мезгілде қолдану астемизол клиренсін төмендетуі мүмкін. Бұл қан плазмасындағы астемизол концентрациясының жоғарылауымен бірге жүреді, бұл QT аралығының ұзаруына және сирек жағдайларда – «пируэт» типіндегі полиморфты қарыншалық тахикардияның дамуына әкелуі мүмкін. Флуконазол мен астемизолды бір мезгілде қолдануға болмайды. Пимозид: Флуконазол мен пимозидті бір мезгілде қолдану пимозид метаболизмінің бәсеңдеуіне әкелуі мүмкін. Қан плазмасындағы пимозид концентрациясының жоғарылауы, өз кезегінде, QT аралығының ұзаруына және сирек жағдайларда — «пируэт» типті полиморфты қарыншалық тахикардияның дамуына әкелуі мүмкін. Флуконазол мен пимозидті бір мезгілде қолдануға болмайды. Хинидин: Флуконазол мен хинидинді бір мезгілде қолдану хинидин метаболизмінің бәсеңдеуіне әкелуі мүмкін. Хинидинді қолдану QT аралығының ұзаруымен және сирек жағдайларда — «пируэт» типті полиморфты қарыншалық тахикардияның дамуымен қатар жүреді. Флуконазол мен хинидинді бір мезгілде қолдануға болмайды. Эритромицин: Флуконазол мен эритромицинді бір мезгілде қолдану кардиоуыттылық әсерлердің (QT аралығының ұзаруы, «пируэт» типті полиморфты қарыншалық тахикардия) және соның салдарынан кенеттен жүректен болатын өлім қаупін арттыруы мүмкін. Флуконазол мен эритромицинді бір мезгілде қолдануға болмайды. Келесі дәрілік заттармен бірге қолдану ұсынылмайды. Галофантрин: Флуконазол CYP3A4 изоферментіне тежегіш әсеріне байланысты қан плазмасындағы галофантрин концентрациясын арттыруы мүмкін. Флуконазол мен галофантринді бір мезгілде қолдану кардиоуыттылық әсерлердің (QT аралығының ұзаруы, «пируэт» типті полиморфты қарыншалық тахикардия) және соның салдарынан кенеттен жүректен болатын өлім қаупін арттыруы мүмкін. Бұл біріктірілімнен аулақ болу керек. Бір мезгілде қолданған кезде сақтық таныту керек. Амиодарон: Флуконазолды амиодаронмен бір мезгілде қолдану QT аралығының ұзаруына әкелуі мүмкін. Флуконазол мен амиодаронды бір мезгілде қолдану қажет болған кезде, әсіресе флуконазолды жоғары дозада (800 мг) тағайындаған кезде сақтық таныту керек. Келесі дәрілік заттармен бірге қолдану сақтық танытуды және дозасын түзетуді қажет етеді Басқа дәрілік заттардың флуконазолға әсері Рифампицин: Флуконазол мен рифампицинді бір мезгілде қолдану флуконазолдың концентрация-уақыт қисығы (AUC) бойынша ауданының 25%-ға азаюына және оның жартылай шығарылу кезеңінің 20%-ға қысқаруына әкеледі. Рифампицинді бір мезгілде қабылдайтын пациенттерде флуконазол дозасын арттырудың орындылығын қарау қажет. Флуконазолды тағаммен, циметидинмен, антацидтермен бір мезгілде қабылдаған кезде немесе сүйек кемігін трансплантациялауға дайындау кезінде денені толық сәулелендіргеннен кейін флуконазолдың сіңуінің клиникалық маңызды бұзылмайтынын көрсетті. Гидрохлоротиазид: Гидрохлоротиазид пен флуконазолды бір мезгілде бірнеше рет қабылдау қан плазмасындағы флуконазол концентрациясының 40%-ға артуына әкелді. Мұндай әсер ету дәрежесі бір мезгілде диуретиктерді қабылдайтын пациенттерде флуконазолды дозалау режимін өзгертуді қажет етпейді. Флуконазолдың басқа дәрілік заттарға әсері Флуконазол Р450 (CYP) 2C9 және 3A4 цитохромы изоферменттерінің орташа тежегіші болып табылады. Флуконазол сонымен қатар CYP2C19 изоферментінің қуатты тежегіші болып табылады. Төменде көрсетілген бақыланатын/дәлелденген өзара әрекеттесулерден басқа, флуконазолмен бір мезгілде қолданған кезде CYP2C9, CYP2C19 және CYP3A4 изоферменттерімен метаболизденетін басқа қосылыстардың қан плазмасындағы концентрациясының жоғарылау қаупі бар. Осылайша, осы біріктірілімдерді қолданған кезде сақтық таныту қажет, ал пациенттер мұқият бақылауда болуы керек. Флуконазолдың ферменттерге тежегіш әсері ұзақ жартылай шығарылу кезеңіне байланысты оны қабылдауды тоқтатқаннан кейін 4-5 күн бойы сақталады. Аброцитиниб: флуконазол (CYP2C19, CYP2C9, CYP3A4 изоферменттерінің тежегіші) аброцитинибтің белсенді затының әсер ету деңгейін 155%-ға арттырады. Аброцитинибті флуконазолмен бір мезгілде қолданғанда аброцитиниб дозасын дәрілік заттың медициналық қолдану жөніндегі нұсқаулықта көрсетілгендей түзету керек. Алфентанил: Флуконазолды (400 мг) бір мезгілде қабылдағанда және алфентанилді вена ішіне енгізгенде (20 мкг/кг) алфентанил AUC10 CYP3A4 тежелуіне байланысты 2 есе өсті. Алфентанил дозасын түзету қажет болуы мүмкін. Амитриптилин, нортриптилин: Флуконазол амитриптилин мен нортриптилиннің әсерін күшейтеді. Біріктірілген емнің басында және бір аптадан кейін 5-нортриптилин және/немесе S-амитриптилин концентрациясын анықтауға болады. Қажет болса, амитриптилин/нортриптилин дозасын түзету керек. Амфотерицин В: Флуконазол мен В амфотерицинді бір мезгілде қолданған кезде C. albicans тудырған жүйелік инфекцияларға аддитивті зеңге қарсы шамалы әсер байқалды, Cryptococcus neoformans тудырған бассүйек ішіндегі инфекция кезінде өзара әрекеттесудің болмауы және Aspergillus fumigatus тудырған жүйелік инфекция кезінде екі препараттың антагонизмі байқалды. Осы зерттеулер нәтижелерінің клиникалық маңызы анық емес. Антикоагулянттар: Азол қатарындағы басқа да зеңге қарсы препараттарды қолданған кездегідей, тіркеуден кейінгі кезеңде бір мезгілде флуконазол мен варфарин алатын пациенттерде протромбин уақытының ұзаруына байланысты қан кетулер (қанталаулар, мұрыннан, асқазан-ішектен қан кетулер, гематурия және мелена) байқалды. Флуконазол мен варфаринді бір мезгілде қолданған кезде протромбин уақыты варфаринді метаболиздейтін CYP2C9 изоферментінің тежелуіне байланысты 2 есеге артты. Флуконазолмен бір мезгілде кумарин немесе индандион қатарының антикоагулянттарын алатын пациенттерде протромбин уақытын мұқият бақылау қажет. Антикоагулянттардың дозасын түзету қажет болуы мүмкін. Бензодиазепиндер (әсер ету уақыты қысқа), мысалы, мидазолам, триазолам: Мидазоламды ішке қабылдағаннан кейін флуконазол мидазолам концентрациясын және оның психомоторлық әсерін едәуір арттырады. Флуконазолды 200 мг дозада және мидазоламды ішке 7,5 мг дозада бір мезгілде қабылдағанда мидазоламның AUC және жартылай шығарылу кезеңі тиісінше 3,7 және 2,2 есе ұлғаяды. Флуконазолды тәулігіне 200 мг дозада және триазоламды ішке 0,25 мг дозада бір мезгілде қабылдағанда триазоламның AUC және жартылай шығарылу кезеңі тиісінше 4,4 және 2,3 есе ұлғаяды. Флуконазолмен бір мезгілде қолданғанда триазоламның шамалануы және әсер ету ұзақтығының артуы байқалады. Флуконазол қабылдайтын пациенттерде бензодиазепиндермен емдеу қажеттілігі кезінде бензодиазепиндердің дозасын төмендетудің орындылығын қарастыру қажет. Пациенттер мұқият бақылауда болуы тиіс. Карбамазепин: Флуконазол карбамазепиннің метаболизмін тежейді және оның қан сарысуындағы концентрациясын 30%-ға арттырады. Карбамазепиннің уытты әсерінің даму қаупі бар. Карбамазепин дозасын оның концентрациясының/әсерінің шамасына қарай түзету қажет болуы мүмкін. Кальций өзекшелерінің блокаторлары: Кальций өзекшелерінің кейбір антагонистері (нифедипин, израдипин, амлодипин, верапамил және фелодипин) CYP3A4 изоферментімен метаболизденеді. Флуконазол кальций өзекшелері антагонистерінің жүйелік концентрациясын арттыруы мүмкін. Жағымсыз құбылыстарды уақтылы айқындау үшін тұрақты бақылау ұсынылады. Целекоксиб: Флуконазолды (тәулігіне 200 мг) және целекоксибті (200 мг) бір мезгілде қабылдаған кезде қан плазмасындағы целекоксибтің ең жоғары концентрациясы (Cmax) және AUC тиісінше 68% және 134%-ға артты. Флуконазолмен бір мезгілде қолданғанда целекоксиб дозасын екі есе төмендету қажет болуы мүмкін. Циклофосфамид: Циклофосфамидпен және флуконазолмен біріктірілген ем қан сарысуындағы билирубин мен креатинин концентрациясының жоғарылауына әкеледі. Бұл біріктірілімді қан сарысуындағы билирубин мен креатинин концентрациясының жоғарылау қаупін ескере отырып қолдануға болады. Фентанил: Фентанилдің флуконазолмен ықтимал өзара әрекеттесуі салдарынан фентанилмен улануына байланысты бір өлім тіркелген. Сонымен қатар, флуконазолдың фентанилдің шығарылуын едәуір баяулататыны көрсетілді. Фентанил концентрациясының жоғарылауы тыныс алудың бәсеңдеуіне әкелуі мүмкін. Тыныс алу функциясын бәсеңдетудің ықтимал қаупіне байланысты пациенттер мұқият бақылауда болуы тиіс. Фентанил дозасын түзету қажет болуы мүмкін. ГМГ-КоА-редуктаза тежегіштері: Флуконазолды CYP3A4 (аторвастатин және симвастатин) немесе CYP2C9 (флувастатин) изоферментімен метаболизденетін ГМГ-КоА-редуктаза тежегіштерімен бір мезгілде қолданғанда миопатия мен рабдомиолиздің даму қаупі артады. Біріктірілген ем қажет болған жағдайда пациенттер миопатия және рабдомиолиз симптомдарын анықтау мақсатында бақылауда болуы тиіс; сондай-ақ креатинфосфокиназа белсенділігін бақылау қажет. Креатинфосфокиназа белсенділігінің айқын жоғарылауы немесе миопатия/рабдомиолиз расталған/болжамды диагнозы кезінде ГМГ-КоА-редуктаза тежегіштерімен емдеуді тоқтату қажет. Ибрутиниб: Флуконазол сияқты CYP3A4 изоферментінің орташа тежегіштері қан плазмасындағы ибрутиниб концентрациясын арттырады және уытты әсерлердің даму қаупін арттыруы мүмкін. Егер осы препараттарды біріктіріп қолдану қатаң қажет болса, тежегішті қабылдау кезеңінде ибрутиниб дозасын тәулігіне 1 рет 280 мг-ға дейін (2 капсула) төмендету және пациенттің клиникалық жағдайын қатаң бақылауды қамтамасыз ету керек. Ивакафтор: Муковисцидоз (CFTR) кезінде трансжарғақшалық өткізгіштік реттегішінің стимуляторы ивакафтормен бір мезгілде қолдану ивакафтордың жүйелік концентрациясын 3 есе, ал гидроксиметиливакафторды (М1) - 1,9 есе арттырады. Флуконазол және эритромицин сияқты CYP3A изоферментінің орташа тежегіштерін бір мезгілде қабылдайтын пациенттерге ивакафтор дозасын тәулігіне 1 рет 150 мг-ға дейін төмендету ұсынылады. Олапариб: Флуконазол сияқты CYP3A4 изоферментінің орташа тежегіштері қан плазмасындағы олапариб концентрациясын арттырады; бір мезгілде қолдану ұсынылмайды. Егер біріктірілген қолдану аса қажет болса, олапариб дозасын тәулігіне 2 рет 200 мг дейін төмендету керек. Иммунодепрессанттар (яғни циклоспорин, эверолимус, сиролимус және такролимус): Циклоспорин: Флуконазол циклоспориннің концентрациясын және AUC-ны едәуір арттырады. Флуконазолды тәулігіне 200 мг дозада және циклоспоринді (тәулігіне 2,7 мг/кг) бір мезгілде қолдану кезеңінде циклоспориннің AUC 1,8 есе өсті. Егер циклоспорин дозасын оның концентрациясына байланысты төмендетсе, мұндай біріктірілімді қолдануға болады. Эверолимус: Флуконазол CYP3A4 изоферментін тежеу есебінен қан сарысуындағы эверолимус концентрациясын арттыруы мүмкін. Сиролимус: Флуконазол CYP3A4 изоферменті мен Р-гликопротеиннің тежелуіне байланысты сиролимустың метаболизмін тежеп, болжам бойынша қан плазмасындағы сиролимус концентрациясын арттырады. Бұл біріктірілімді оның әсеріне/концентрациясына байланысты сиролимус дозасын түзеткеннен кейін қолдануға болады. Такролимус: Флуконазол ішекте такролимустың метаболизмін қамтамасыз ететін CYP3A4 изоферментін басуға байланысты ішке қабылдау үшін такролимустың сарысулық концентрациясын 5 есеге арттыруы мүмкін. Такролимусты вена ішіне енгізген кезде маңызды фармакокинетикалық өзгерістер байқалмады. Такролимус концентрациясының жоғарылауы нефороуыттылық әсерге әкелуі мүмкін. Ішке қабылдау үшін такролимустың дозасын оның концентрациясына байланысты төмендету қажет. Лозартан: Флуконазол лозартанның оның белсенді метаболитіне (E-31 74) айналуын басады, ол II ангиотензин рецепторларына антагонизммен байланысты әсерлердің басым бөлігінің дамуын негіздейді. Пациенттердегі артериялық қысымды үнемі бақылап отыру қажет. Луразидон: флуконазол сияқты орташа CYP3A4 тежегіштері луразидонның қан плазмасындағы концентрациясын арттыруы мүмкін. Бір мезгілде қолданбау мүмкін болмаса, луразидонның дозасын дәрілік заттың медициналық қолдану жөніндегі нұсқаулығында көрсетілгендей азайту керек. Метадон: Флуконазол қан сарысуындағы метадон концентрациясын арттыруы мүмкін. Метадон дозасын түзету қажет болуы мүмкін. Қабынуға қарсы стероидты емес препараттар: Флуконазолмен бір мезгілде қабылдағанда флурбипрофен Cmax және AUC, тиісінше, 23% және 81% жоғарылаған. Осыған ұқсас сипатта флуконазол рацемиялық ибупрофенмен (400 мг) бір мезгілде тағайындалған тұста фармакологиялық белсенді изомер [S-(+)-ибупрофен] Cmax және AUC, тиісінше, 15% және 82% ұлғайған. Флуконазол CYP 2C9 қатысуымен метаболизденетін басқа ҚҚСП (мысалы, напроксен, лорноксикам, мелоксикам, диклофенак) жүйелі әсерлерін арттыра алады. ҚҚСП жағымсыз құбылыстары мен уыттылығына тұрақты бақылау жасау ұсынылады. ҚҚСП дозасын түзету қажет болуы мүмкін. Фенитоин: Флуконазол бауырдағы фенитоин метаболизмін тежейді. Флуконазолды 200 мг дозада және фенитоинді вена ішіне 250 мг дозада бір мезгілде көп рет қолдану фенитоиннің AUC24 75%-ға, ал ең төменгі концентрацияның 128%-ға артуына алып келді. Бір мезгілде қолданған кезде фенитоиннің уытты әсерін болдырмау үшін қан сарысуындағы фенитоин концентрациясын бақылау қажет. Преднизолон: Флуконазолмен үш айлық емдеуді тоқтатқаннан кейін преднизолон қабылдаған бауыр трансплантациясынан кейін пациентте бүйрек үсті безі қыртысының жедел жеткіліксіздігі жағдайы сипатталған. Флуконазолды тоқтату CYP3A4 изоферментінің белсенділігін арттырды, бұл преднизолон метаболизмінің күшеюіне әкелді. Флуконазолмен және преднизолонмен ұзақ ем алатын пациенттер флуконазолды тоқтатқан кезде бүйрек үсті безі қыртысы жеткіліксіздігінің белгілерін анықтау мақсатында мұқият бақылауда болуы тиіс. Рифабутин: Флуконазол қан сарысуындағы рифабутин концентрациясын арттырады, бұл рифабутиннің AUC 80% өсуіне әкеледі. Флуконазол мен рифабутинді бір мезгілде қабылдаған пациенттерде увеиттің дамуы туралы хабарламалар бар. Біріктірілген ем жүргізген кезде рифабутиннің уыттылық симптомдарын қадағалау қажет. Саквинавир: Флуконазол CYP3A4 изоферментімен жүзеге асырылатын бауырдағы саквинавирдің метаболизмінің бәсеңдеуіне және Р-гликопротеиннің тежелуіне байланысты саквинавирдің AUC және Cmax шамамен 50% және 55%-ға арттырады. Саквинавирмен/ритонавирмен өзара әрекеттесу сипатталмаған және айқын болуы мүмкін. Саквинавирдің дозасын түзету қажет болуы мүмкін. Сульфонилмочевина препараттары: Флуконазол ішке қабылдауға арналған сульфонилмочевина препараттарының жартылай шығарылу кезеңін ұзартады (мысалы, хлорпропамид, глибенкламид, глипизид, толубутамид). Флуконазолмен бір мезгілде қолданған кезде қан глюкозасының деңгейін тұрақты бақылау және сульфонилмочевина препараттарының дозасын тиісінше төмендету ұсынылады. Теофиллин: Флуконазолды 14 күн ішінде 200 мг дозада қабылдау теофиллин плазмалық клиренсінің орташа жылдамдығының 18%-ға төмендеуіне әкелді. Теофиллинді жоғары дозаларда алатын немесе теофиллиннің уытты әсерінің даму қаупі жоғары пациенттер флуконазолды қабылдау аясында теофиллиннің уыттылық белгілерін анықтау үшін бақылауда болуы тиіс. Уытты әсер ету белгілерінің дамуымен емді түзету қажет. Тофацитиниб: Тофацитинибтің жүйелік концентрациясы тофацитинибті CYP3A4 изоферментінің орташа тежегіштері және CYP2C19 изоферментінің қуатты тежегіштері болып табылатын препараттармен бір мезгілде қолданғанда артады (мысалы, флуконазол). Осылайша, егер ол осындай препараттармен бір мезгілде қолданылса, тофацитиниб дозасын тәулігіне 1 рет 5 мг-ға дейін төмендету ұсынылады. Толваптан: Толваптанның экспозициясы (AUC - 200%; Cmax -80%) толваптанды CYP3A4 субстратымен, және флуконазолмен, CYP3A4 орташа тежегіштерімен бір мезгілде қолданғанда анағұрлым артады. Осы кезде жанама әсерлердің даму жиілігі біршама арту қаупі бар, әсіресе, диурез жоғарылауы, дегидратация және жедел бүйрек жеткіліксіздігі. Бір мезгілде қолданғанда толваптанның дозасын қолдану жөніндегі нұсқаулыққа сәйкес төмендету қажет және пациенттің жағдайын толваптанды қабылдаумен байланысты жағымсыз реакциялардың дамуына мұқият бақылау қажет. Қабіршөп алкалоидтары: Флуконазол қабіршөп алкалоидтарының концентрациясын арттыруы мүмкін (мысалы, винкристин және винбластин) және CYP3A4 изоферментінің тежелуіне байланысты болуы мүмкін нейроуыттылық белгілердің дамуына әкелуі мүмкін. А дәрумені: Толық трансретиноидты қышқылмен (А дәруменінің қышқыл түрі) және флуконазолмен біріктірілген ем қабылдаған пациентте мидың жалған ми ісігі түрінде орталық жүйке жүйесі (ОЖЖ) тарапынан жағымсыз құбылыстың дамуының бір жағдайының сипаттамасы бар. Флуконазолды тоқтатқаннан кейін құбылыс жойылды. Бұл препараттарды біріктірілімде қолдануға болады, бірақ ОЖЖ тарапынан жағымсыз құбылыстардың туындауы мүмкін екенін есте ұстау қажет. Вориконазол (CYP2C9, CYP2C19 және CYP3A4 изоферменттерінің тежегіші): Вориконазолды (бірінші күні тәулігіне 2 рет 400 мг, содан кейін 2,5 күн ішінде тәулігіне 2 рет 200 мг) және флуконазолды (бірінші күні 400 мг, содан кейін 4 күн ішінде тәулігіне 1 рет 200 мг) бір мезгілде қабылдау вориконазолдың Cmax және AUC орта есеппен тиісінше 57%-ға (90% СА 20-107 %) және 79%-ға (90% СА 40-128%) арттыруға әкелді. Вориконазол мен флуконазолдың дозасын және/немесе қабылдау жиілігін төмендету сипатталған әсерді жоюға әкелмеді. Вориконазолды флуконазолдан кейін бірден қолданған кезде вориконазолды қабылдаумен байланысты жағымсыз құбылыстарды бақылау ұсынылады. Зидовудин: Флуконазол ішу арқылы қабылданған зидовудин клиренсін шамамен 45% төмендету нәтижесінде зидовудин Cmax және AUC мәндерін, тиісінше, 84% және 74% арттырады. Флуконазолмен біріктірілген емдеу кезінде зидовудиннің жартылай шығарылу кезеңі шамамен 128%-ға ұзарды. Осындай біріктірілім алатын пациенттер зидовудинді қабылдаумен байланысты жағымсыз реакцияларды анықтау мақсатында қадағалауда болуы тиіс. Зидовудин дозаcын азайтудың орындылығын қарауға болады. Азитромицин: Флуконазол мен азитромицин арасында елеулі фармакокинетикалық өзара әрекеттесу байқалған жоқ. Пероральді контрацепциялық дәрілер: Флуконазолды 50 мг дозада қолданған кезде гормондар деңгейіне айтарлықтай әсер еткен жоқ, ал флуконазолды тәулігіне 200 мг дозада қабылдаған кезде этинилэстрадиол мен левоноргестрел AUC тиісінше 40% және 24%-ға артты. Осылайша, осы дозаларда флуконазолды бірнеше рет қабылдау біріктірілген пероральді контрацепциялық дәрілер тиімділігінің әсеріне ықпал етпейді.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары 15 °С-ден 30 °C-ге дейінгі температурада сақтау керек. Балалардың қолы жетпейтін жерде сақтау керек!