МИЛЕНОН® гель 15 %

1 грамм гельдің құрамында белсенді зат – микрондалған азелаин қышқылы 150.0 мг, қосымша заттар: пропиленгликоль, бензой қышқылы, соя лецитині, полисорбат 80, ұзындығы орташа тізбекті триглицеридтер, тазартылған су, динатрий эдетаты, карбомер 980, натрий гидроксиді Сыртқы түрінің, иісінің, дәмінің сипаттамасы Ақтан ақ дерлік түске дейінгі мөлдір емес, тұтқыр гель.

- бет терісіндегі безеу ауруының (acne vulgaris) жеңіл және орташа дәрежедегі папуло-пустулезді түрінде; - папула-пустулезді розацеаны жергілікті емдеуде

Акне: МИЛЕНОН гелінің акнені емдеген кездегі емдік тиімділігі оның микробқа қарсы әсеріне және фолликулярлы гиперкератозға тікелей әсеріне негізделген. Азелаин қышқылы кератиноциттердің пролиферациясын in vitro және in vivo тежейді және акне пайда болғанда эпидермистің ақырғы дифференциялау үдерістерінің бұзылуын қалыпқа келтіреді. Клиникалық тұрғыдан Propionibacterium acnes колонизация тығыздығының айтарлықтай төмендеуі және терінің беткейлік липидтеріндегі бос май қышқылдары фракциясының елеулі түрде азаюы байқалады. Екі салыстырмалы жасырын рандомизацияланған клиникалық зерттеулерде МИЛЕНОН гельдің тиімділігі папулалардың, пустулалардың жалпы санының азаюына қатысты азелаин қышқылы жоқ негіздің («плацебо») тиімділігінен едәуір басым болды, және 5% бензоил пероксидке (р=0.056) қарағанда 6%-ға аз болды. Бұл зерттеулерде МИЛЕНОН гельдің тиімділігі комедондарға қатысты екіншілік параметр ретінде бағаланды. МИЛЕНОН гель азелаин қышқылы жоқ негізге («плацебо») қарағанда комедондар санының азаюына қатысты анағұрлым тиімді болды, бірақ 5% бензоил пероксидке қарағанда аздау болған. Розацеа: Розацеа кезінде азелаин қышқылының патогенді құбылыстарға әсер етуіне көмектесетін механизм толық түсіндірілмеген болса да, калликреин-5 және кателицидин, сондай-ақ оттегінің белсенді түрлері (ОБТ) сияқты бірнеше қабынуға әсер ететін молекулалар санын ұлғайтуды қамтитын қабыну осы аурудың негізгі үдерісі болып табылады деген пікірді мамандар көбірек қолдап отыр. Азелаин қышқылы адамның қалыпты кератиноциттерінде қабыну жауабын мыналар есебінен модульдейтіні көрсетілді: a) пероксисомды пролифераторлармен белсендірілетін гамма-рецепторды (PPARγ) белсендіру; b) ядролық фактор-kB (NF-kB) трансактивациясын тежеу; c) қабынуға ықпал ететін цитокиндер өндірілуін тежеу және d) нейтрофилдерден ОБТ босап шығуын тежеу, сондай-ақ бұрыннан болған ОБТ-ға тікелей фагоцитарлық әсер ету. Бұдан бөлек, азелаин қышқылы үш үлгідегі калликреин-5 және кателицидиннің экспрессиясын тікелей тежейтіні көрсетілді: in vitro (адам кератиноциттері), тышқандар терісінде және розацеа бар пациенттердің бет терісінде. Бұл азелаин қышқылының қабынуға қарсы қасиеттері розацеаны емдеуде белгілі бір рөл атқаруы мүмкін. Клиникалық тиімділігі және қауіпсіздігі Калликреин-5 және кателицидинге қатысты осы мәліметтердің клиникалық маңыздылығы, сондай-ақ олардың розацеа патофизиологиясына әсері ірі клиникалық зерттеу аясында толық көлемде көрсетілмегенімен, адамның бет терісінде жүргізілетін алғашқы зерттеулердің нәтижелері in vitro зерттеулерінде және тышқандарға жүргізілген зерттеулерде алынған нәтижелерді растайды. 12 аптаға созылған екі плацебо-бақыланатын клиникалық зерттеулерде папула-пустулезді розацеаны емдеу кезінде 0.75% метронидазол гелімен салыстырғанда азелаин қышқылы, зерттеушінің тиімділікті ауқымды бағалауына (Investigators Global Assessment, IGA) сәйкес, азелаин қышқылы жоқ негізден («плацебо») қабыну көріністерін азайтуға, оның ішінде эритеманы жақсартуға да қатысты статистикалық тұрғыда елеулі басымдық танытты. Папула-пустулезді розацеаны емдеу кезіндегі клиникалық зерттеулерде азелаин қышқылы қабыну элементтерін азайтуда 0.75% метронидазол гельмен салыстырғанда (72.7% 55.8%-ға), жағдай жақсаруын жалпы бағалауда, оның ішінде эритеманы емдегенде (56% 42%-ға) елеулі тиімділігін көрсеткен. Жергілікті жағымсыз әсерлерінің деңгейі негізінен жеңілден орташаға дейін, азелаин қышқылы гелін қолданғанда 25.8% және 0.75% метронидазол гельді қолданғанда 7.1% болған. Үш клиникалық зерттеуде телеангиоэктазияға айқын әсер етуі байқалмаған.

Дозалау режимі Гельді терінің зақымданған жерлеріне тәулігіне 2 рет (таңертең және кешке) жағады және сәл ысқылайды. Шамамен 0,5 г (2,5 см) гель бүкіл бетке қолдану үшін жеткілікті. МИЛЕНОН® препаратын қолданар алдында теріні таза сумен немесе жұмсақ тазартқыш косметикалық затпен тазалап, содан кейін құрғату керек. Окклюзиялық таңғыштарды пайдаланбаған дұрыс, және гельді жаққаннан кейін қолды жуу керек. Тері шамадан тыс тітіркенген жағдайда (4.8 бөлімін қараңыз) МИЛЕНОН® гельдің жағатын мөлшерін немесе препаратты қолдану жиілігін тітіркену симптомдары жойылғанша тәулігіне 1 ретке дейін азайту керек. Қажет болған жағдайда емдеуді уақытша бірнеше күнге тоқтата тұруға болады. МИЛЕНОН® гельдің бүкіл емдеу кезеңі ішінде жүйелі түрде қолданылғаны маңызды. Емдеу курсының ұзақтығы аурудың жеке көрінісіне байланысты өзгеруі мүмкін және оның ауырлық дәрежесіне қарай анықталады. Акне: айқын жақсару, әдетте, 4 аптадан кейін байқалады. Жақсы нәтижелерге қол жеткізу үшін МИЛЕНОН® гельді клиникалық әсеріне байланысты бірнеше ай бойы үздіксіз қолданған жөн. Егер МИЛЕНОН® гельді 1 ай қолданғаннан кейін жақсару басталмаса немесе безеу ауруының өршуі туындаса, препаратты қолдануды тоқтатып, емдеудің басқа тәсілдерін қарастыру керек. Розацеа: айқын жақсару, әдетте, 4 аптадан кейін байқалады. Жақсы нәтижелерге қол жеткізу үшін МИЛЕНОН® гельді клиникалық әсеріне байланысты бірнеше ай бойы үздіксіз қолданған жөн. Егер МИЛЕНОН® гельді 2 ай қолданғаннан кейін жақсару басталмаса немесе розацеаның өршуі туындаса, препаратты қолдануды тоқтатып, емдеудің басқа тәсілдерін қарастыру керек. Пациенттердің ерекше топтары Балалар 12-18 жастағы жасөспірімдерде безеу ауруын емдегенде пайдалану. 12-18 жастағы жасөспірімдерде препарат дозасын түзету қажет етілмейді. 12 жастан кіші балаларда безеу ауруын емдеген кезде МИЛЕНОН® гелін қолданудың қауіпсіздігі мен тиімділігі анықталмаған. 18 жастан кіші балаларда папула-пустулезді розацеаны емдеген кезде МИЛЕНОН® гелінің қауіпсіздігі мен тиімділігі анықталмаған. Егде жастағы пациенттер 65 жастағы және одан үлкен пациенттерде арнайы зерттеулер жүргізілген жоқ. Бауыр функциясы бұзылған пациенттер Бауыр функциясы бұзылған пациенттерде арнайы зерттеулер жүргізілген жоқ. Бүйрек функциясы бұзылған пациенттер Бүйрек функциясы бұзылған пациенттерде арнайы зерттеулер жүргізілген жоқ. Енгізу әдісі және жолы МИЛЕНОН® гель теріге сыртқа қолдануға ғана арналған.

- әсер етуші затқа немесе қосымша заттардың кез келгеніне аса жоғары сезімталдық

Клиникалық зерттеу мен постмаркетингтік бақылау деректері бойынша анағұрлым жиі жағымсыз әсерлері препарат жағылған орындағы қышыну, ашыту және гиперемия болды. Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥1/10), жиі (≥1/100-ден <1/10 дейін), жиі емес (≥1/1000-нан <1/100 дейін), сирек (≥1/10000-нан <1/1000 дейін), өте сирек (<1/10000), белгісіз: қолда бар деректердің негізінде баға беру мүмкін емес) Өте жиі - препаратты жаққан жердегі ашыту, қышу және ауыру Жиі - препаратты жаққан жердегі құрғақтық, бөртпе және парестезиялар, препаратты жаққан жердегі ісіну* Жиі емес - жанаспалы дерматит, бөртпе* - эритема, терінің қабыршықтануы**, препаратты жаққан жерде жылуды сезіну**, тері түсінің өзгеруі**, жайсыздық*, есекжем* Сирек1 - аса жоғары сезімталдық (төменде көрсетілген жағымсыз реакциялардың біреуімен немесе бірнешеуімен бірге байқалуы мүмкін: ангионевроздық ісіну, көздің ісінуі, беттің ісінуі, ентігу), бронх демікпесінің өршуі - терінің тітіркенуі, есекжем Негізінен, терінің тітіркенуі МИЛЕНОН® гелімен емдеу аясында азаяды. * розацеаны емдегенде ** акнені емдегенде 1 Көрсетілген жағымсыз реакциялар МИЛЕНОН® гель препаратын тіркеуден кейін қолдану барысында байқалды. 12–18 жастағы жасөспірімдерде безеу ауруын емдеу: 12-17 жастағы (120/383; 31 %) жасөспірімдер қатысқан II және II/III фазалардың 4 клиникалық зерттеуінде Азелаин қышқылы гелін қолданған жағдайда жағымсыз құбылыстардың жалпы даму жиілігі 12-17 жастағы (40 %) пациенттер тобында, ≥ 18 жастағы пациенттер тобында (37 %) және пациенттердің барлық популяциясында (38 %) ұқсас болған. Осындай жиілік 12-20 жастағы (40 %) пациенттер тобына да тән болды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Азелаин қышқылының жергілікті және жалпы уыттылығының өте төмендігіне байланысты, уыттанудың даму ықтималдығы тым аз.

МИЛЕНОН® гелін пайдаланғанда препаратты көзге, ауызға және шырышты қабықтарға тигізіп алмау керек екенін пациенттерге хабарлау керек. Егер кездейсоқ тигізіп алса, көзді, ауызды және шырышты қабықтарды судың көп мөлшерімен мұқият жуу керек. Көздің тітіркенуі сақталған жағдайда дәрігермен кеңесу қажет. Препаратты әрбір жаққаннан кейін қолды жуу керек. Препаратты папула-пустулезді розацеаны емдеу үшін пайдаланғанда спиртті тазалағыш заттарды, тұнбаларды, тұтқыр дәрілерді, абразивті заттар мен пилингке арналған құралдарды қолданудан аулақ болу ұсынылады. Азелаин қышқылымен ем қабылдаған пациенттерде постмаркетингтік бақылау барысында бронх демікпесі ағымының нашарлауының сирек жағдайлары туралы хабарланған. Арнайы сақтандырулар Қосымша заттар МИЛЕНОН® гель дәрілік препаратының құрамында теріге, көзге және шырышты қабықтарға орташа тітіркендіргіш әсер беретін бензой қышқылы, сондай-ақ терінің тітіркенуін туғызуы мүмкін пропиленгликоль бар. Жүктілік Әйелдерде жүктілік кезеңінде азелаин қышқылын жергілікті қолдану кезінде талапқа сай және бақыланатын зерттеулер жүргізілген жоқ. Жануарларға жүргізілген зерттеулер буаздыққа, эмбрион/шарана дамуына және постнаталдық дамуға қатысты қауіпті анықтады. Алайда, жануарларға жүргізілген зерттеулер барысында дене беткейінің ауданына шаққанда ұсынылған ең жоғары дозаны 3-32 есеге арттырғанда жағымсыз әсерлер байқалған жоқ. Азелаин қышқылын жүкті әйелдерге тағайындағанда сақтық таныту қажет. Бала емізу Азелаин қышқылы in vivo зерттеулерде емшек сүтімен шығарылатыны немесе шығарылмайтыны белгісіз. Дегенмен, тепе-тең диализбен in vitro бақылау препараттың емшек сүтіне енуі мүмкін екенін көрсетті. Алайда, азелаин қышқылының енуі емшек сүтінде оның бастапқы деңгейінің елеулі өзгеруін туғызады деп күтілмейді. Азелаин қышқылы емшек сүтінде концентрацияланбайды және сыртқа жағылған азелаин қышқылының 4 %-дан азы оның эндогендік мөлшерін физиологиялық деңгейден асырмай, жүйелі сіңіріледі. Дегенмен, препаратты бала емізетін әйелдерге тағайындаған кезде сақ болу керек. Бала осы препаратпен өңделген теріге және/немесе кеудеге жанаспауы тиіс. Фертильділік МИЛЕНОН® гельдің адамның фертильділігіне ықпалы туралы деректер жоқ. Жануарларға жүргізілген зерттеулердің деректері егеуқұйрықтардың еркектері мен ұрғашыларының фертильділігіне ықпалы жоқ екенін көрсетеді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері МИЛЕНОН® көлік құралдарын басқару және механизмдермен жұмыс істеу қабілетіне ықпал етпейді.

Нұсқаулықта көрсетілмеген.

МИЛЕНОН® гель препаратының құрамы препарат қауіпсіздігіне теріс әсер етуі мүмкін жекелеген компоненттердің қандай да бір жағымсыз өзара әрекеттесуінің бар екені туралы пайымдауға негіз бермейді. Бақыланатын клиникалық зерттеулердің ешқайсысында нақты препараттармен байланысты өзара әрекеттесудің қандай да бір жағдайлары анықталған жоқ.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында 25ºС-ден аспайтын температурада сақтау керек. Балалардың қолы жетпейтін жерде сақтау керек!