Мирамистин® раствор 50 мл

1 л препараттың құрамында: белсенді зат - бензилдиметил[3 - (миристоиламин)пропил]аммоний хлориді моногидраты (сусыз затқа шаққанда) - 0,1 г. қосымша зат: тазартылған су. Сыртқы түрінің, иісінің, дәмінің сипаттамасы Сілкіген кезде көбіктенетін түссіз, мөлдір сұйықтық.

Әр түрлі инфекцияларға арналған емдік-профилактикалық дәрі ретінде. Оториноларингология: жедел және созылмалы отиттерді, синуситтерді, тонзиллиттерді, ларингиттерді, фарингиттерді кешенді емдеу. 3 жастан 14 жасқа дейінгі балаларда жедел фарингитті және/немесе созылмалы тонзиллиттің өршуін кешенді емдеу үшін қолданылады. Стоматология: ауыз қуысының инфекциялық-қабыну ауруларын емдеу және профилактикасы: стоматит, гингивит, пародонтит, периодонтит. Алмалы-салмалы протездерді гигиеналық өңдеу. Хирургия, травматология: іріңдеудің профилактикасы және іріңді жараларды емдеу. Тірек-қимыл аппаратының іріңді-қабыну процестерін емдеу. Акушерия-гинекология: босанғаннан кейінгі жарақаттардың іріңдеулерін, бұтаралық пен қынаптың жараларының, босанғаннан кейінгі инфекциялардың, қабыну ауруларының (вульвовагинит, эндометрит) профилактикасы және емдеу. Комбустиология: беткейлік және II және IIIA дәрежелі терең күйіктерді емдеу, күйік жараларын дерматопластикаға дайындау. Дерматология, венерология: пиодермия мен дерматомикоздарды, тері мен шырышты қабықтардың кандидоздарын, аяқ микоздарын емдеу және профилактикасы. Жыныстық жолмен берілетін аурулардың (мерез, соз, хламидиоз, трихомониаз, генитальді герпес, генитальді кандидоз және т.б.) жеке профилактикасы. Урология: жедел және созылмалы уретриттер мен спецификалы (хламидиоз, трихомониаз, соз) және спецификалы емес сипаттағы уретропростатиттерді кешенді емдеу.

Мирамистин антибиотиктерге төзімді ауруханалық штаммдарды қоса алғанда, микробқа қарсы әсердің кең спектріне ие. Препарат грамоң (Staphylococcus spp., Streptococcus spp., Streptococcus pneumoniae және б.), грамтеріс (Pseudomonas aeruginosa, Escherichia coli, Klebsiella spp. және б.), антибиотиктерге полирезистенттілігі бар ауруханалық штаммдарды қоса алғанда, моноөсірінділер мен микробтық ассоциациялар түрінде анықталған аэробты және анаэробты бактерияларға қатысты айқын бактерицидтік әсер көрсетеді. Aspergillus текті және Penicillium текті аскомицеттерге, ашытқы (Rhodotorula rubra, Torulopsis gabrata және т. б.) және ашытқы тәрізді зеңдерге (Candida albicans, Candida tropicalis, Candida krusei, Pityrosporum orbiculare (Malassezia furfur) және т. б.), дерматофиттерге (Trichophyton rubrum, Trichophyton mentagrophytes, Trichophyton verrucosum, Trichophyton schoenleini, Trichophyton violacent, Epidermophyton Kaufman- Wolf, Epidermophyton floccosum, Microsporum gypseum, Microsporum canis т. б.), сондай- ақ химиотерапиялық препараттарға төзімділігі бар зең микрофлорасын қоса алғанда, моноөсірінділер мен микробтық ассоциациялар түріндегі б. патогенді зеңдерге зеңге қарсы әсер етеді. Вирусқа қарсы әсері бар, күрделі вирустарға (герпес вирустары, адамның иммун тапшылығы вирусы және т.б.) қатысты белсенді. Мирамистин жыныстық жолмен берілетін аурулардың қоздырғыштарына әсер етеді (Chlamydia spp., Treponema spp., Trichomonas vaginalis, Neisseria gonorrhoeae және б.). Жаралар мен күйіктердің инфекциялануының тиімді алдын алады. Регенерация процестерін белсендіреді. Фагоциттердің жұту және қорыту функциясының белсенуі есебінен қолдану орнында қорғаныс реакциясын стимуляциялайды, моноциттік- макрофагтық жүйенің белсенділігін күшейтеді. Айқын гиперосмолярлы белсенділікке ие, нәтижесінде жарақаттық және перифокальды қабынуды тоқтатады, құрғақ қабыршақтың пайда болуына ықпал етіп, іріңді экссудатты сіңіреді. Терінің түйіршіктері мен тіршілікке икемді жасушаларына зақым келтірмейді, шеткі эпителизацияны тежемейді. Оның жергілікті тітіркендіргіш әсерге және аллергиялаушы қасиеттері жоқ.

Дозалау режимі Жергілікті немесе сыртқа. Оториноларингология Іріңді гайморит кезінде - пункция кезінде жоғарғы жақсүйек қойнауы препараттың жеткілікті мөлшерімен жуылады. Тонзиллиттерді, фарингиттерді және ларингиттерді тамақты шаю және/немесе бүріккіш саптаманың көмегімен тәулігіне 3-4 рет, 3-4 рет басып сулау арқылы емдейді. Бір шаюға арналған препараттың мөлшері 10-15 мл. 3 жастан асқан балаларда: жедел фарингит және/немесе созылмалы тонзиллиттің өршуі кезінде жұтқыншақты сулауды бүріккіш-саптаманың көмегімен жүзеге асырады. 3-6 жастағы балаларға: бүріккіш-саптаманың басын бір рет басу арқылы (бір сулауға 3-5 мл), тәулігіне 3-4 рет; 7-14 жастағы балаларға екі рет басу арқылы (бір сулауға 5-7 мл), тәулігіне 3-4 рет; 14 жастан асқан балаларға 3-4 рет басу арқылы (бір сулауға 10-15 мл), тәулігіне 3-4 рет. Емнің ұзақтығы ремиссияның басталу мерзіміне байланысты 4-тен 10 күнге дейін құрайды. Стоматология Стоматиттер, гингивиттер, пародонтиттер кезінде ауыз қуысын тәулігіне 3-4 рет препараттың 10- 15 мл шаю ұсынылады. Хирургия, травматология, комбустиология Профилактикалық және емдік мақсатта жаралар мен күйіктердің бетін сулайды, жаралар мен жыланкөз жолдарын жай тампондайды, препаратқа малынған дәке тампондарын бекітеді. Емдеу шарасы 3-5 күн ішінде тәулігіне 2-3 рет қайталанады. Препаратты тәулігіне 1 литрге дейін шығындап жаралар мен қуыстарды белсенді дренаждау әдісі аса тиімді болып табылады. Акушерия, гинекология Босанғаннан кейінгі инфекцияның профилактикасы мақсатында босанғанға дейін (5-7 күн) қынаптық сулау түрінде, әрбір қынаптық зерттеуден кейін босану кезінде және босанғаннан кейінгі кезеңде 2 сағат экспозициямен тампон түрінде 50 мл препараттан 5 күн бойы қолданылады. Қынаптық сулау ыңғайлы болу үшін гинекологиялық саптаманы қолдану ұсынылады. Құтының ішіндегісін гинекологиялық саптаманың көмегімен қынапқа енгізу және сулау керек. Әйелдерді кесарь тілігі арқылы босандыру кезінде операция алдында тікелей қынап, операция кезінде - жатыр қуысы мен оның тілігі өңделеді, ал операциядан кейінгі кезеңде препаратпен суланған тампондар 7 күн ішінде 2 сағат экспозициямен қынапқа енгізіледі. Қабыну ауруларын емдеу курспен 2 апта бойы препарат жағылған тампондарды қынап ішіне енгізу жолымен, сондай-ақ дәрілік электрофорез әдісімен жүргізіледі. Венерология Жыныстық қатынастан жұғатын аурулардың профилактикасы үшін препарат жыныстық қатынастан кейін 2 сағаттан кешіктірмей қолданылса тиімді болады. Құтының ішіндегісін урологиялық аппликатордың көмегімен несеп шығару өзегіне 2-3 мин: ерлерге (2-3 мл), әйелдерге (1-2 мл) және қынапқа (5-10 мл) енгізу керек. Ыңғайлы болу үшін гинекологиялық саптаманы пайдалану ұсынылады. Санның, қасағаның, жыныстық мүшелердің ішкі беткейлерінің терісін өңдеу керек. Емшарадан кейін 2 сағат бойы кіші дәретке шықпау ұсынылады. Урология Уретрит пен уретропростатитті кешенді емдеуде уретраға 2-3 мл препаратты күніне 1-2 рет бүркеді, курс - 10 күн. Пациенттердің ерекше топтары Балалар Препаратты 3 жасқа дейінгі балаларда қолданудың қауіпсіздігі мен тиімділігі анықталмаған. Егде жастағы пациенттер (65 жастан асқан). Шектеусіз. Бауыр және бүйрек функциясы бұзылған пациенттер. Шектеусіз. Енгізу әдісі мен жолы Дәрілік зат сулау, шаю және аппликация түрінде қолданылады Жалпы нұсқаулар Препарат қолдануға дайын. Бүріккіш саптамасы бар қаптаманы пайдалану жөніндегі нұсқаулар: • Құтыдан қалпақшаны алып тастау, 50 мл құтыдан сондай-ақ урологиялық аппликаторды алып тастау керек. • Берілген бүріккіш-саптаманы қорғаныс қаптамасынан алыңыз. • Бүріккіш-саптаманы құтыға жалғаңыз. • Бүріккіш-саптаманы қайта басу арқылы іске қосыңыз. Гинекологиялық саптамасы бар 50 мл қаптаманы пайдалану бойынша нұсқаулар: • Құтыдан қалпақшаны алып тастаңыз. . • Берілген гинекологиялық саптаманы қорғаныс қаптамасынан алыңыз. • Гинекологиялық саптаманы құтыға урологиялық аппликаторды алып тастамай жалғаңыз Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Егер препаратты қолдану туралы сұрақтар туындаса, емдеуші дәрігеріңізге хабарласыңыз.

- әсер етуші затқа аса жоғары сезімталдық - 3 жасқа дейінгі балалар, реактивті ларингоспазм қаупіне байланысты 3 жасқа дейінгі балаларға тамақты мен бадамша бездерді шаю үшін спрей түрінде препаратты қолдану ұсынылмайды.

Жағымсыз реакциялар жиілігінің параметрлері былайша анықталады: өте жиі (≥ 1/10); жиі (≥ 1/100, бірақ <1/10); сирек (≥ 1/1000, бірақ < 1/100); сирек (≥ 1/10000, бірақ < 1/1000); өте сирек (< 1/10000); жиілігі белгісіз (қолда бар деректер бойынша бағалау мүмкін емес). Өте сирек - кейбір жағдайларда қолдану жерінде шамалы күю сезімі пайда болуы мүмкін, ол 15-20 сек кейін өздігінен кетеді және препаратты тоқтатуды талап етпейді; - аллергиялық реакциялар. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Сыртқа қолданған кезде артық дозалану бойынша деректер жоқ.

Арнайы сақтандырулар Дәрілік препарат теріні және шырышты қабықтарды тітіркендірмейді, сондықтан тыныс алу ағзаларын, көзді және қолды қорғаудың қажеті жоқ. Педиатрияда қолдану 3 жасқа дейінгі балаларға қауіпсіздігі анықталмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дәрілік препарат көлікті немесе қауіптілігі зор механизмдерді басқару қабілетіне әсер етпейді.

Жүктілік және бала емізу кезеңінде препаратты қолдану қауіпсіздігі бойынша деректер жоқ, сондықтан препаратты қолдану ана үшін болжамды пайдасы шарана мен бала үшін қаупінен жоғары болған жағдайда ғана мүмкін болады.

Антибиотиктермен бір мезгілде қолданған кезде олардың бактерияға қарсы және зеңге қарсы қасиеттерінің күшеюі байқалды.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек.