Моксонидин Ксантис таблетки 0.4 мг

Бір таблетканың құрамында белсенді зат - моксонидин 0.2 мг немесе 0.4 мг, қосымша заттар: лактоза моногидраты, лактоза моногидраты (бүрку арқылы кептірілген), кросповидон, повидон, магний стеараты үлбірлі қабық: Опадрай ақ 03В28796: (гипромеллоза 2910, титанның қостотығы, макрогол), Опадрай қоңыр 02F23883: гипромеллоза 2910, титанның қостотығы, макрогол, темірдің қызыл тотығы, темірдің сары тотығы). Сыртқы түрінің, иісінің, дәмінің сипаттамасы Дөңгелек, екі жақ беті дөңес, қызғылт түсті, үлбірлі қабықпен қапталған таблеткалар (0,2 мг дозасы үшін). Дөңгелек, екі жақ беті дөңес, қызғылт түсті, бір жағында бөлуге арналған сызығы бар, үлбірлі қабықпен қапталған таблеткалар (0,4 мг доза).

- артериялық гипертензияны емдеуде

Гипертензияға қарсы препараттар. Орталықтан әсер ететін антиадренергиялық препараттар. Имидазолин рецепторларының агонистері. Моксонидин. АТХ коды С02АС05 Моксонидин орталықтан әсер ету механизмі бар гипотензиялық дәрі болып табылады. Мидың дің құрылымдарында (бүйірлік қарыншалардың ростральді қабаты) моксонидин симпатикалық жүйке жүйесінің тонустық және рефлекторлық реттелуіне қатысатын имидазолинге сезімтал рецепторларды іріктеп стимуляциялайды. Имидазолин рецепторларын стимуляциялау шеткері симпатикалық белсенділікті және артериялық қысымды (АҚ) төмендетеді. Моксонидин басқа симпатолитикалық гипотензиялық дәрілерден α2-адренорецепторларға төмен жақындығымен ерекшеленеді, бұл тыныштандыратын әсердің және ауыз құрғақтығының даму ықтималдығын түсіндіреді. Моксонидин қабылдау жүйелі қантамырлар кедергісі мен АҚ төмендеуіне әкеледі. Моксонидин семіздік, инсулинге төзімділік және артериялық гипертензияның орташа дәрежесі бар пациенттерде инсулинге сезімталдық индексін 21% - ға жақсартады (плацебомен салыстырғанда).

Дозалау режимі Таблеткаларды тамақтанар алдында, тамақтану кезінде немесе одан кейін жеткілікті мөлшерде сұйықтықпен қабылдау керек. Моксонидиннің әдеттегі бастапқы дозасы тәулігіне 0.2 мг құрайды; 2 қабылдауға бөлуге болатын ең жоғары тәуліктік доза 0.6 мг құрайды. Емдеуді таңертең 0,2 мг дозасын қабылдаудан бастау керек. Дозаны үш аптадан кейін 0.4 мг-ға дейін бір реттік қабылдау түрінде немесе бірнеше қабылдауға (таңертең және кешке) бөлуге болады. Ең жоғары бір реттік доза 0.4 мг құрайды. Тәуліктік доза жеке таңдалады. Орташа бүйрек жеткіліксіздігі бар пациенттерде моксонидиннің бастапқы дозасы тәулігіне 0.2 мг құрайды. Орташа бүйрек жеткіліксіздігі бар пациенттерде қажет болғанда және жақсы жағымдылық кезінде моксонидин дозасы тәулігіне 0.4 мг дейін ұлғайтылуы мүмкін. Енгізу әдісі және жолы Ішке қабылдауға арналған Тоқтату симптомдары қаупінің болуын көрсету Моксонидин қабылдауды тоқтатқан кезде тоқтату синдромы байқалмайды. Алайда емдеуді күрт үзбеу керек; дозаны біртіндеп, екі апта ішінде төмендету ұсынылады.

- белсенді затқа немесе қосымша заттардың кез келгеніне жоғары сезімталдық - синус түйінінің әлсіздік синдромы - брадикардия (жүректің жиырылу жиілігі минутына 50-ден аз) - II немесе III дәрежелі атриовентрикулярлық блокада - жүрек жеткіліксіздігі - балалар мен 18 жасқа дейінгі жасөспірімдер - жүктілік және лактация кезеңі - бүйрек функциясының ауыр бұзылулары (ШСЖ < 30 мл/мин, қан сарысуындағы креатинин концентрациясы әйелдер үшін > 160 мкмоль/л және ерлер үшін > 200 мкмоль/л). -тұқым қуалайтын галактоза жақпаушлығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға

Моксонидинді қабылдаған кезде жиі кездесетін жағымсыз әсерлерге ауыздың құрғауы, бас айналу, астения және ұйқышылдық жатады. Бұл симптомдар жиі емдеудің алғашқы бірнеше аптасынан кейін төмендейді. Өте жиі • ауыздың құрғауы Жиі • бас айналу, вертиго, бас ауыру*, ұйқышылдық, ұйқысыздық, астения • диарея, жүрек айнуы, құсу, диспепсия • бөртпе, қышыну • арқаның ауыруы Жиі емес • брадикардия, гипотензия * (ортостаздықты қоса) • ангионевроздық ісіну, шеткері ісінулер • мойын аймағының ауыруы • құлақтағы шуыл • күйгелектік, естен тану* * жиілік плацебомен салыстырылды Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

19.6 мг дозасын қолдану кезінде өліммен аяқталмай артық дозаланудың бірнеше жағдайлары туралы хабарламалар бар. Симптомдары: Бас ауыруы, седативті әсер, ұйқышылдық, гипотензия, бас айналу, астения, брадикардия, ауыздың құрғауы, құсу, шаршау және асқазанның ауыруы. Ауыр артық дозалану жағдайында сананың бұзылысы мен тыныстың тарылуы болған кезде мұқият мониторинг ұсынылады. АҚ қысқа мерзімді жоғарылауы, тахикардия, гипергликемия да болуы мүмкін. Емі: спецификалық антидоттар жоқ. Гипотензия кезінде ерітінділердің инфузиясын және допаминді енгізуді қоса, айналымды ұстап тұру жөніндегі шаралар талап етілуі мүмкін. Брадикардияны жою үшін атропинді қолдануға болады. Альфа-адренорецепторлардың антагонистері моксонидиннің артық дозалануының парадоксальді гипертензиялық әсерін азайтуы немесе жоюы мүмкін.

Моксонидинмен ем қабылдайтын пациенттерде AV блокада дәрежесінің өзгеру жағдайлары туралы хабарланды. AV блокадасының дамуына ықтимал бейімділігі бар пациенттерді емдеу кезінде сақ болу керек. Моксонидинді ауыр жүректің ишемиялық ауруы немесе тұрақсыз стенокардиясы бар пациенттерде қолданғанда ерекше сақ болу керек. Бүйрек жеткіліксіздігі бар науқастарға моксонидин тағайындау кезінде сақтық шараларын сақтау ұсынылады. Моксонидиннің бастапқы дозасы тәулігіне 0.2 мг құрауы тиіс және клиникалық көрсетілімдер мен жақсы жағымдылық жағдайында орташа бүйрек жеткіліксіздігі (ШСЖ > 30 мл/мин, бірақ < 60 мл/мин) бар пациенттерде тәулігіне ең көбі 0.4 мг дейін ұлғайтылуы мүмкін. Егер моксонидинді бета-адреноблокаторлар тобындағы препаратпен біріктіріп қабылдаса, онда екі препаратты да тоқтату қажет болған жағдайда, алдымен бета-адреноблокатор және бірнеше күннен кейін ғана - моксонидин тоқтатылады. Туа біткен галактоза жақпаушылығы, Лапп лактаза тапшылығы немесе глюкоза-галактоза сіңуі бұзылған пациенттер моксонидин қабылдамауы тиіс. Арнайы ескертулер Педиатрияда қолдану Моксонидинді балалар мен 18 жасқа дейінгі жасөспірімдерде қолдану қауіпсіздік пен тиімділік туралы деректердің болмауына байланысты ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралын немесе механизмдерді басқару қабілетіне әсерін зерттеу жүргізілген жоқ. Ұйқышылдық және бас айналу туралы хабарланды. Мұндай тапсырмаларды орындау кезінде мұны ескеру қажет.

Моксонидинді жүкті әйелдерде қолдану туралы деректер жоқ. Потенциалды қауіп белгісіз. Моксонидин емшек сүтіне шығарылады, сондықтан оны лактация кезінде қолдануға болмайды. Егер моксонидинді қолданумен ем абсолютті қажет деп есептелсе, лактацияны тоқтату керек.

Моксонидинді басқа гипотензиялық дәрілермен бірге қолданғанда әсер етудің өзара күшеюі жүреді. Трициклді антидепрессанттар орталық әсер ететін гипертензияға қарсы дәрілердің тиімділігін төмендетуі мүмкін болғандықтан, моксонидинді осы топтың препараттарымен бір мезгілде қабылдау ұсынылмайды. Моксонидин трициклді антидепрессанттардың (оларды бірге тағайындаудан аулақ болу керек), транквилизаторлардың, алкогольдің, седативті және ұйықтайтын дәрілердің седативті әсерін күшейте алады. Моксонидин лоразепам қабылдайтын пациенттерде төмендетілген когнитивті қабілетін біршама жақсартады. Моксонидин бірге қабылдаған кезде бензодиазепиндердің седативті әсерін күшейтеді. Моксонидин тубулярлы экскреция арқылы шығарылады. Осындай шығарылу жолы бар препараттармен өзара әрекеттесу жоққа шығарылмайды.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 30°С-ден аспайтын температурада сақтау керек. Балалардың қолы жетпейтін жерде сақтау керек!