Момат А спрей 50 мкг + 140мкг/доза

1 г препараттың құрамында (1 доза) белсенді заттар: микрондалған мометазон фуроаты, 0.714 (0.050) мг, азеластин гидрохлориді, 2.000 (0.140) мг, қосымша заттар: авицел RC-591 (микрокристалды целлюлоза, натрий кармеллозасы), натрий кармеллозасы, сусыз глюкоза, лимон қышқылы моногидраты, натрий цитраты, полисорбат 80 (жақсы тазартылған твин 80), бензалконий хлориді, динатрий эдетаты, неотам, тазартылған су. Сыртқы түрінің, иісінің, дәмінің сипаттамасы Ақ немесе ақ дерлік суспензия.

Препарат симптомдарды жеңілдетуге арналған: - маусымдық аллергиялық ринитте - жыл бойғы аллергиялық ринитте

ATХ коды R01AD59 Момат А, мұрынға арналған спрей құрамында екі белсенді зат бар, олардың әсер ету тәсілдері әртүрлі және маусымдық және көп жылдық аллергиялық риниттің симптомдарын жақсарту тұрғысынан жеке компоненттерге қарағанда көбірек тиімділікті қамтамасыз етеді. Аллергиялық ринит симптомдарының жеңілдеуі қабылдағаннан кейін 15 минут өткен соң байқалады және 12 сағатқа дейін және одан ұзаққа созылады. Азеластин гидрохлориді Азеластин, фталазинон туындысы, аллергияға қарсы ұзақ әсер ететін агент болып табылады. H1-гистаминнің іріктелген блокаторы болғандықтан, ол антигистаминдік, аллергияға қарсы және жарғақшаны тұрақтандыратын әсерге ие, капиллярлардың өткізгіштігі мен экссудациясын төмендетеді, жуан жасушалардың жарғақшасын тұрақтандырады және бронх түйілуін туғызатын және ерте және кеш аллергиялық реакциялардың, және қабынулардың дамуына жағдай жасайтын биологиялық белсенді заттардың (гистамин, серотонин, лейкотриендер, тромбоциттердің белсенділену факторы және т.б.) лықсып шығуының алдын алады. Жергілікті қолданған кездегі жүйелі әсері мардымсыз. Мұрын ішіне енгізген кезде мұрынның қышынуы және бітелуі, түшкіру және ринорея азаяды. Мометазон фуроаты Мометазон – жергілікті қолдануға арналған синтетикалық кортикостероид. Жүйелі әсерін туғызбайтын дозаларда пайдаланған кезде қабынуға қарсы және аллергияға қарсы әсер береді. Мометазон қабыну медиаторларының босап шығуын басады. Липомодулиннің, фосфолипаза А тежегішінің өндірілуін арттырады, бұл арахидон қышқылының босап шығуының төмендеуін және, сәйкесінше, арахидон қышқылының метаболизмі өнімдерінің – циклдық эндопероксидтердің, простагландиндердің синтезінің басылуын туғызады. Мометазон нейтрофилдердің маргиналдық кластеризациясының алдын алып, сол арқылы қабыну экссудатын және лимфокиндердің өндірілуін азайтады; макрофагтардың миграциясын тежейді, инфильтрация және грануляция үдерістерін азайтады. Мометазон хемотаксистік заттың түзілуін бәсеңдетіп, қабынуды азайтады (кеш фазадағы аллергиялық реакцияларға ықпал етеді), дереу болатын аллергиялық реакциялардың дамуын тежейді (арахидон қышқылы метаболиттерінің өндірілуін тежейді және жуан жасушалардың қабыну медиаторларының босап шығуын азайтады). Назальді антигеннің стимуляциясын пайдаланып (мұрынның шырышты қабығындағы антигендерді қолдану) зерттеулер мометазонның аллергиялық реакциялардың ерте, сондай-ақ кеш фазаларында да қабынуға қарсы жоғары белсенділігін көрсетті. Бұл было гистаминнің және эозинофилдердің белсенділігі төмендеуімен (плацебомен салыстырғанда) және эозинофилдердің, нейтрофилдердің және эпителий жасушаларының адгезия ақуздарының төмендеуімен (бастапқы деңгеймен салыстырғанда) көрсетілді. Клиникалық зерттеулер дозаланған мұрын спрейі түрінде енгізілген мометазон фуроаты маусымдық және көп жылдық аллергиялық риниттің мұрындағы симптомдарының (мұрынның бітелуі, ринорея, қышыну және түшкіру) айқындығын азайтатынын көрсетті. Маусымдық аллергиялық ринит симптомдарының айқындығы азаюы препаратты алғашқы қабылдаудан кейін 11 сағаттың ішінде байқалды. Ең жоғары оң әсері әдетте емдеу басталғаннан кейін 1-2 апта өткенде байқалады. Дозаланған мұрын спрейі түрінде қолданылатын мометазонмен емдеу маусымдық аллергиялық риниті бар пациенттерде мұрынның бітелуін едәуір азайтты. Клиникалық тиімділігі және қауіпсіздігі Клиникалық зерттеулер Маусымдық аллергиялық ринит Емдеу ұзақтығы 14 күндік ашық рандомизацияланған салыстырмалы зерттеуде маусымдық аллергиялық ринитті емдеуде екі дозалану сызбасы Мометазон фуроаты мен Азеластин гидрохлоридінің (140 мкг/50 мкг) мұрын спрейі және 50 мкг Мометазон фуроаты мұрын спрейі мен 140 мкг Азеластин гидрохлориді мұрын спрейі монотерапиясы салыстырылды. Мометазон фуроаты мен Азеластин гидрохлориді (140 мкг/50 мкг) мұрын спрейінің режимдері әрбір танауға бір рет басудан күніне екі рет немесе әрбір танауға екі рет басудан күніне бір рет болды. Зерттеуге барлығы 560 пациент қатысты. Мұрын симптомдарына баға берудің жалпы шкаласындағы (TNSS) [ринореяның, мұрын бітелуінің, мұрынның қышынуы мен түшкірудің жиынтық көрсеткіші] орташа өзгерістерде әрбір танауға 1 рет басу түрінде күніне екі рет енгізілген Мометазон фуроаты мен Азеластин гидрохлориді (140 мкг/50 мкг) мұрын спрейінің және монотерапиялық агенттердің әрқайсысының, 140 мкг Азеластин гидрохлоридімен монотерапия, күніне екі рет танауға 1 рет бүрку және 50 мкг Мометазон фуроаты мұрын спрейімен монотерапия, күніне бір рет танауға 2 рет бүрку арасында бастапқы ақырғы нүкте үшін хабарланған, біріктірілімнің пайдасына статистикалық маңызды айырмашылық болды. Емдеу ұзақтығы 14 күндік ашық рандомизацияланған салыстырмалы басқа бір зерттеуде маусымдық аллергиялық риниті бар пациенттерде Момат A мұрын спрейі (140 мкг Азеластин гидрохлориді + 50 мкг Мометазон фуроаты бекітілген дозасының біріктірілімі, Glenmark Pharmaceuticals Ltd., Үндістан) Азеластин гидрохлориді мұрын спрейімен және Мометазон фуроаты мұрын спрейімен біріктірілген еммен салыстырылды. Зерттеуге барлығы 220 пациент қатысты. TNSS, TNNSS, RQLQ және дәрігер мен пациент баға берген емдеудің тиімділік көрсеткіштерінің салыстырмалы талдауы топтар арасындағы келу барысының ешқайсысында статистикалық маңызды айырмашылықтарды анықтаған жоқ. Барлық зерттеу топтарында аллергиялық риниттің назальді симптомдары орташа алғанда 89,6 %-ға, ал назальді емес симптомдары - 92,8 %-ға азайды. Зерттеу Момат A мұрын спрейі Азеластин гидрохлориді мұрын спрейі мен Мометазон фуроаты мұрын спрейі біріктірілген емімен салыстырғанда тиімділігі мен қауіпсіздігі жағынан кем түспейтінін көрсетті. Жыл бойғы аллергиялық ринит Емдеу ұзақтығы 28 күндік ашық рандомизацияланған салыстырмалы зерттеуде көп жылдық аллергиялық риниті бар пациенттерде Момат Рино Адванс, дозаланған мұрын спрейі (Glenmark Pharmaceuticals Ltd., Үндістан) Азеластин гидрохлоридімен, дозаланған мұрын спрейімен және Мометазон фуроаты, дозаланған мұрын спрейімен біріктірілген еммен салыстырылды. Момат Рино Адванс біріктірілген препаратының бір дозасында 140 мкг/доза Азеластин, 50 мкг/доза Мометазон бар, бұл Азеластин гидрохлориді мұрын спрейінің (Азеластин 140 мкг/доза) және Мометазон фуроаты мұрын спрейінің (Мометазон фуроаты 50 мкг/доза) белсенді заттарының күшіне сәйкес келеді. Момат Рино Адванс тобы дозаланған мұрын спрейлерін әрбір танауға күніне екі рет (таңертең және кешке) 1 ингаляция түрінде 28 күн бойы алды. 2-ші топтағы пациенттер Азеластин гидрохлориді дозаланған мұрын спрейімен және Метометазон фуроаты дозаланған мұрын спрейімен, мынадай сызба бойынша біріктірілген ем қабылдады: Азеластин гидрохлоридінің әрбір танауға күніне 2 рет (таңертең және кешке) 1 ингаляциясы және Мометазон фуроатының әрбір танауға күніне бір рет (таңертең) 2 ингаляциясы. Зерттеуге 150 пациент қатысты. TNSS және TNNSS бағалау шкалалары бойынша 4 балдық салыстырмалы талдауда бақылау топтарындағы пациенттерде препаратты енгізгенге дейін және препаратты алғаш рет енгізуден соң 15 минут өткенде ешқандай елеулі өзгерістер анықталған жоқ. Көп жылдық аллергиялық риниті бар пациенттерді зерттеу Азеластин гидрохлориді мұрын спрейімен және Мометазон фуроаты мұрын спрейімен біріктірілген емдеумен салыстырғанда Момат Рино Адванс препаратының тиімділігі аз емес екенін көрсетті.

Дозалау режимі Пайдаланар алдында құтыны жоғары және төмен еңкейтіп, 5 секунд бойы абайлап сілку, содан соң қорғаныш қалпақшасын алу керек. Момат А мұрын спрейін алғаш пайдаланар алдында сорғыны 6 рет басып және жіберіп, спрейді дайындаған жөн. Егер Момат А мұрын спрейі 7 күннен астам уақыт бойы пайдаланылмаса, сорғыны басып және жіберіп, оны екі рет немесе аздап бүркілгенге дейін қайталау қажет. Әрбір пайдаланар алдында спрейдің құтысын жақсылап сілку, мұқият сіңбіріп алу, содан соң, басты алға сәл еңкейтіп, мұрын арқылы баяу тыныс алып, спрейді танау ішіне бүрку қажет. Ауыз арқылы дем алады. Ересектер мен 12 жастағы және одан үлкен жасөспірімдер: Әрбір танауға 1 бүркуден күніне 2 рет. Егер 14 күн емдеуден кейін жақсару болмаса, симптомдары нашарласа немесе жаңа симптомдар пайда болса, пациент дәрігерге көрінуге тиіс. Момат А дәрігердің кеңесінсіз 3 айдан астам уақыт бойы пайдалануға болмайды. Емдеудің қайталау курсын тағайындау және емдеу ұзақтығы туралы шешімді емдеуші дәрігер әрі қарай әр пациентке жекелей қабылдайды. Момат А, мұрын спрейі, жасөспірімдер мен 12 жасқа дейінгі балаларға қолдануға ұсынылмайды, өйткені аталған жас тобында қауіпсіздігі мен тиімділігі зерттелмеген. Енгізу әдісі және жолы Мұрын ішіне қолдануға арналған. Мұрын спрейін пайдалану жөніндегі нұсқаулық: • Құтыны сілкіңіз және қорғаныш қалпақшасын шешіңіз (1-сурет) (1-сурет) 2. Момат А мұрын спрейін алғаш рет пайдаланар алдында мұрын аппликаторын сұқ және ортаңғы саусақтармен басып, құтының түбін бас бармақпен демеп тұрып, сорғымен сорыңыз (2-сурет). Мұрын аппликаторын тесуге болмайды. Сорғыны 6 рет немесе аздап бүрку пайда болғанға дейін басып және жіберіңіз. Көзге бүрікпеңіз. Енді сорғы пайдалануға дайын. Сорғыны пайдаланылмаған күйінде қайта толтырусыз 1 аптаға дейін сақтауға болады. Егер спрей 1 аптадан астам пайдаланылмаса, 2 рет немесе аздап бүрку пайда болғанға дейін бүрку арқылы калибрлеуді қайталау керек. (2-сурет) 3. Танауды тазалау үшін абайлап сіңбіріп алыңыз. Бір танауды жабыңыз. Басты алға сәл еңкейтіп, құтыны тігінен ұстаңыз, мұрын аппликаторын екінші танауға абайлап қойыңыз (3-сурет). Мұрын қалқанына (екі танаудың арасындағы қабырғаға) тікелей бүрікпеңіз. (3-сурет) 4. Содан соң ауызбен дем шығарыңыз. 5. Басқа танаумен қайталаңыз. 6. Мұрын аппликаторын таза сүрткімен сүртіп, қорғаныш қалпақшасын кигізіңіз. Мұрын спрейін тазалау • Мұрынға арналған спрейді ұдайы тазалап тұру маңызды; әйтпесе ол дұрыс жұмыс істемеуі мүмкін. • Шаңнан қорғайтын қалпақшасын шешіңіз және абайлап ұштығын алыңыз. • Ұштық пен шаңнан қорғайтын қалпақшасын жылы сумен жуыңыз, содан соң ағын сумен шайыңыз. • Мұрын аппликаторын түйреуішті немесе басқа үшкір затты сұғып алып тастауға тырыспаңыз, өйткені бұл аппликаторды зақымдайды және сіздің қажетті дәрі дозасын алмауыңызға әкеліп соғады. • Қалпақша мен ұштықты жылы жерге кептіріп қойыңыз. • Ұштықты құтыға қайтадан кигізіп, шаңнан қорғайтын қалпақшасын жабыңыз. • Бірінші пайдалану кезінде тазалаудан кейін калибрлеу үшін 2 дозасын тағы да бүрку керек.

- әсер етуші заттарына немесе қосымша заттарының кез келгеніне аса жоғары сезімталдық - мұрын қуысына жақында жасалған хирургиялық операция немесе мұрын жарақаты (кортикостероидтар жараның жазылуын баяулатады, сондықтан жара толық жазылғанша мұрын ішіне арналған кортикостероидарды тағайындамау керек) - 12 жасқа дейінгі балаларға

Өте жиі (≥1/10)) - мұрыннан қан кету Жиі (≥ 1/100, < 1/10) - енгізу тәсілі дұрыс болмауы нәтижесінде, бас артқа шалқайған кезде, ауызда жүрек айнуын туғызуы мүмкін ащы дәм пайда болуы ықтимал - фарингит, жоғарғы тыныс алу жолдарының инфекциясы - бас ауыруы - мұрын ішінің күйдіру сезімі, мұрынның шырышты қабығының тітіркенуі, мұрынның шырышты қабығының ойық жаралануы - тамақтың тітіркенуі (тамақтың шырышты қабығының тітіркену сезімі) Жиі емес (≥ 1/1 000, < 1/100) - мұрынның қабынған шырышты қабығының әлсіз, өтпелі тітіркенуі, күйдірумен, қышынумен, түшкірумен, мұрыннан сирек қан кетумен білінеді Өте сирек (< 1/10 000) - аллергиялық реакциялар (бөртпе, қышыну, есекжем), әлсіздік, бас айналуы (негізгі аурудан туындауы мүмкін) Белгісіз - анафилаксиялық реакцияларды, ангионевроздық ісінуді, бронхтың түйілуін және ентігуді қоса, аса жоғары сезімталдық реакциялары - көзішілік қысымның жоғарылауы, глаукома, катаракта, көру өткірлігінің төмендеуі (көрудің бұзылуы), анық көрмеу - мұрын қалқасының тесілуі - дәм және иіс сезудің бұзылуы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Момат А препаратының жүйелі биожетімділігінің аздығы (≤ 0.1%) салдарынан артық дозалану ықтималдығы аз (сезімталдық шегі 0.25 пг/мл болатын сезімтал әдісті пайдаланғанда). Артық дозаланған жағдайда, артынша пациентті препаратты ұсынылған дозада қолдана отырып қадағалау қажет. Ингаляция немесе кортикостероидтардың жоғары дозаларын ішке қабылдау гипоталамус-гипофиздік-бүйрек үсті безі жүйесі функциясының бәсеңдеуіне әкелуі мүмкін.

Кез келген ұзақ емдеу кезіндегідей, Момат А мұрын спрейін бірнеше ай бойы немесе одан ұзақ пайдаланатын пациенттер мұрынның шырышты қабығының ықтимал өзгерістерін анықтау үшін мезгіл-мезгіл медициналық тексеруден өтіп тұруға тиіс. Азеластин гидрохлориді Кейбір жағдайларда мұрын спрейін пайдалану ауырлығы әртүрлі дәрежедегі шаршауды және әлсіздікті туғызады, ол негізгі аурудан да туындауы мүмкін. Алкогольді тұтыну бұл құбылыстарды күшейтуі мүмкін. Мометазон фуроаты Момат А препаратын бірнеше ай немесе одан ұзағырақ қолданып жүрген пациенттер мұрынның шырышты қабығында ықтимал өзгерістерді анықтау үшін мезгіл-мезгіл тексеруден өтуге тиіс. Мұрында немесе жұтқыншақта жергілікті зеңдік инфекциялар дамыған жағдайда препаратпен емдеуді тоқтату немесе тиісті ем жүргізу қажет болуы мүмкін. Мұрынның және жұтқыншақтың шырышты қабықтарының ұзақ уақыт бойы сақталатын тітіркенуі де Момат А препаратымен емдеуді тоқтатуға көрсетілім болуы мүмкін. Мұрынға арналған кортикостероидтармен ұзақ ем қабылдайтын балалар өсудің кідіру қаупіне ұшырайды. Қандай да бір өзгерістер болған жағдайда, ол туралы дәрігерге хабарлаңыз. Көрудің бұзылуы Кортикостероидтарды жүйелі және жергілікті қолданғанда көру бұзылғаны туралы хабарланған. Егер пациентте анық көрмеу сияқты симптомдар немесе көрудің басқа да бұзылулары байқалса, катарактаны, глаукоманы немесе орталықтық сероздық хориоретинопатия сияқты сирек ауруды қамтуы мүмкін ықтимал себептерін бағалау үшін, оны офтальмологқа жолдау керек. Жүйелі әсер ететін кортикостероидтармен ұзақ емдеуден кейін Момат А мұрын спрейімен емдеуге көшетін пациенттерге мұқият дәрігерлік бақылау қажет. Мұндай пациенттерде жүйелі әсер ететін кортикостероидтарды тоқтату бірнеше ай бойы бүйрекүсті бездері қыртысы функциясының жеткіліксіздігіне әкелуі мүмкін, бұл жүйелі кортикостероидтармен емдеуді жаңғыртуды және басқа да тиісті ем қолдануды қажет етуі мүмкін. Мұрынға арналған кортикостероидтардың жүйелі әсері, әдетте, ұзақ кезең бойы жоғары дозаларды тағайындаған кезде көрініс береді. Осындай әсері, пероральді кортикостероидтарды қолданған кездегіге қарағанда, азырақ білінеді және әртүрлі пациенттерде әртүрлі дәрілік препараттарды қолданған кезде өзгереді. Кортикостероидтардың жүйелі әсері Кушинг синдромы, кушингоидтық симптомдар, бүйрекүсті бездері функциясының басылуы, балалар мен жасөспірімдерде бой өсудің кідіруі, катаракта, глаукома түрінде және сирек, психомоторлы аса жоғары белсенділікті, ұйқының бұзылуын, мазасыздықты, депрессияны немесе агрессияны (әсіресе балаларда) қоса, психологиялық немесе мінез-құлықтың өзгерулері түрінде көрініс береді. Жүйелі әсер ететін кортикостероидтармен емдеуден Момат А препаратымен емдеуге көшу кезінде кейбір пациенттерде мұрын симптомдарының жеңілдеуімен қатар, кортикостероидтарды тоқтату симптомдары туындауы мүмкін (мысалы, буынның және/немесе бұлшықеттің ауыруы, шаршау сезімі және депрессия). Емді ауыстыру бұрын дамыған және жүйелі әсер ететін кортикостероидтар емімен бүркемеленетін аллергиялық ауруларды (аллергиялық конъюнктивит, экзема және т.б.) айқындауы да ықтимал. Кортикостероидтармен ем алып жүрген пациенттерде әлеуетті түрде төмен иммундық реактивтілік болуы мүмкін және белгілі бір инфекциялық аурулармен инфекцияланған (мысалы, желшешек, қызылша) тұлғалармен қарым-қатынаста болған жағдайда жұқтырудың жоғары қаупі туралы, сондай-ақ егер мұндай қарым-қатынас орын алған болса, медициналық кеңестің қажеттілігі туралы оларға ескертілуге тиіс. Ауыр бактериялық инфекциялардың белгілері (мысалы, қызба, беттің бір жағының ұдайы әрі қатты ауыруы немесе тіс ауыруы, орбитальді немесе периорбитальді аймақтың ісінуі) пайда болуы шұғыл медициналық көмекті қажет етеді. Мометазон фуроатын 12 ай бойы қабылдаған пациенттерде мұрынның шырышты қабығы атрофиясының белгілері байқалған жоқ. Момат А мұрын спрейінің құрамында бензалконий хлориді бар, ол шырышты қабықтың тітіркенуін және бронх түйілуін туғызуы мүмкін. Арнайы ескертулер Иммуносупрессия Момат А препаратын респираторлық жолда белсенді немесе жасырын туберкулез инфекциясы бар пациенттерде, сондай-ақ емделмеген зеңдік, бактериялық инфекцияда, жүйелі вирус инфекциясында немесе көзді зақымдайтын herpes simplex инфекцияларында сақтықпен қолдану керек немесе тіпті қолданбау керек. Кортикостероидтармен ем алып жүрген пациенттерде әлеуетті түрде төмен иммундық реактивтілік болады және белгілі бір инфекциялық аурулармен инфекцияланған (мысалы, желшешек, қызылша) тұлғалармен қарым-қатынаста болған жағдайда жұқтырудың жоғары қаупі туралы, сондай-ақ егер мұндай қарым-қатынас орын алған болса, медициналық кеңестің қажеттілігі туралы оларға ескертілуге тиіс. Ауыр бактериялық инфекциялардың белгілері (мысалы, қызба, беттің бір жағының ұдайы әрі қатты ауыруы немесе тіс ауыруы, орбитальді немесе периорбитальді аймақтың ісінуі) пайда болуы шұғыл медициналық көмекті қажет етеді. Кортикостероидтардың жүйелі әсерлері Мұрынға арналған кортикостероидтардың жүйелі әсері, әдетте, ұзақ кезең бойы жоғары дозаларды тағайындаған кезде көрініс береді. Осындай әсері, пероральді кортикостероидтарды қолданған кездегіге қарағанда, азырақ білінеді және әртүрлі пациенттерде әртүрлі дәрілік препараттарды қолданған кезде өзгереді. Кортикостероидтардың жүйелі әсері Кушинг синдромы, кушингоидтық симптомдар, бүйрекүсті бездері функциясының басылуы, балалар мен жасөспірімдерде бой өсудің кідіруі, катаракта, глаукома түрінде және сирек, психомоторлы аса жоғары белсенділікті, ұйқының бұзылуын, мазасыздықты, депрессияны немесе агрессияны (әсіресе балаларда) қоса, психологиялық немесе мінез-құлықтың өзгерулері түрінде көрініс береді. Мұрынішілік кортикостероидтарды пайдаланғаннан кейін көзішілік қысымның жоғарылағаны туралы жекелеген мәлімдемелер бар. Жүйелі әсер ететін кортикостероидтармен ұзақ уақыт емделуден кейін Момат А мұрынға арналған спрейімен емделуге көшетін пациенттерге дәрігердің мұқият бақылауы қажет. Мұндай пациенттерде жүйелі әсер ететін кортикостероидтарды қабылдауды тоқтату бірнеше ай бойы бүйрекүсті бездері функциясының жеткіліксіздігіне әкелуі мүмкін, ол жүйелі кортикостероидтармен емдеуді қайта жаңғыртуды және тиісті басқа ем қолдануды қажет етуі мүмкін. Жүйелік әсер ететін кортикостероидтармен емделуден Момат А препаратымен емделуге ауысу кезінде кейбір пациенттерде мұрын симптомдарының жеңілдеуімен қатар, кортикостероидтар қабылдауды тоқтату симптомдары (мысалы, буындардың және/немесе бұлшықеттердің ауыруы, шаршау сезімі және депрессия) туындауы мүмкін. Емді ауыстыру сондай-ақ бұрынырақ дамыған әрі жүйелі әсер ететін кортикостероидтармен бүркемеленген аллергиялық ауруларды (аллергиялық конъюнктивит, экзема және т.б.) анықтауы мүмкін. Жоғары дозаларды қолданып емдеу бүйрекүсті бездері функциясының клиникалық тұрғыдан айқын басылуына әкелуі мүмкін. Өте жоғары дозаларды қолдануға көрсетілімдер бар болған кезде, әсіресе күйзеліс кезеңінде немесе жоспарлы хирургиялық араласымда басқа жүйелі кортикостероидтармен біріктіру мүмкіндігін қарастыру керек. Педиатрияда қолданылуы Баланың өсуіне әсері Мұрынға арналған кортикостероидтармен ұзақ ем қабылдап жүрген балаларда бойының өсуін ұдайы тексеріп отыру ұсынылады. Мұрынға арналған кортикостероидтармен ұзақ ем қабылдайтын балалар өсудің кідіру қаупіне ұшырайды. Қандай да бір өзгерістер болған жағдайда, ол туралы дәрігерге хабарлаңыз. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бас айналу, ұйқышылдық, реакцияның баяулауы мүмкін болғандықтан сақтық танытқан жөн.

Жүкті әйелдерде препараттың әсеріне арнайы зерттеулер жүргізілген жоқ. Алайда, интраназальді қолдануға арналған басқа да кортикостероидтар сияқты, Момат А жүкті әйелдерге және бала емізетін әйелдерге, егер оны қолданудың, ана, шарана немесе нәресте үшін әлеуетті қаупіне қарағанда, күтілетін пайдасы ақталса ғана қолданылады. Жүктілік кезінде анасы кортикостероидтарды қолданған сәбиді бүйрекүсті бездерінің ықтимал гипофункциясы тұрғысында мұқият тексеру керек.

Мометазон фуроаты және азеластин гидрохлоридінің бекітілген біріктірілген дозасымен мұрын спрейінің дәрілік өзара әрекеттесуіне нақты зерттеулер жүргізілмеген. Деректер бекітілген дозалар біріктірілімінің жеке компоненттері үшін қолда бар ақпаратқа сәйкес келеді. Мометазон және азеластин әртүрлі рецепторлармен метаболизденеді, сондықтан бекітілген дозалардың осы біріктірілімін пайдаланған кезде дәрілік заттардың арасында өзара әрекеттесулер күтілмейді. Азеластин гидрохлориді Азеластинді мұрын ішіне қолдану кезінде дәрілік заттар арасында клиникалық маңызы бар өзара әрекеттесулер анықталған жоқ. Мометазон фуроаты Мометазон фуроатын лоратадинмен бір мезгілде қолданған кезде лоратадин немесе оның негізгі метаболиті плазмалық концентрациясының өзгерістері байқалмаған. Мометазон фуроаты төменгі сезімталдық шегі 50 пг/мл асатын сезімтал әдісті пайдаланумен қан плазмасында анықталмаған. Бұл препараттармен біріктірілген емді пациенттер жақсы көтерген. Құрамында кобицистат бар препараттарды қоса, CYP3A4 күшті тежегіштерімен (мысалы, кетоконазол, итраконазол, кларитромицин, ритонавир) бірге қолдану кортикостероидтар экспозициясының артуына және, демек, кортикостероидтардың жүйелі жағымсыз әсерлері қаупінің әлеуетті артуына әкелуі мүмкін. Препараттарды бір мезгілде қолданудың артықшылықтары және кортикостероидтардың жүйелі жағымсыз әсерлерінің дамуының әлеуетті қаупі туралы мәселені қарастыру керек.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 30 °С-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!