Момейд крем

100 г кремнің құрамында белсенді зат - мометазон фуроаты, 0.1 г, қосымша заттар: ақ жұмсақ парафин, стеарил спирті, пропиленгликоль моностеараты, брий 58, араның ақ балауызы, метилпарагидроксибензоат, пропилпарагидроксибензоат, пропиленгликоль, тазартылған су. Сыртқы түрінің, иісінің, дәмінің сипаттамасы Ақ түсті крем.

-псориаздың (кең таралған түйіндақты псориазды қоспағанда) қабынумен және қышынумен жүретін көріністерін емдеуге -атопиялық дерматитті емдеуге арналған.

Фармакодинамикалық әсерлері Мометазон – құрамында галоген бар моноэфир, қабынуға қарсы, қышынуға қарсы және антиэкссудаттық әсері бар синтетикалық кортикостероид болып табылады. Глюкокортикостероид простагландиндер және лейкотриендер сияқты қабыну медиаторларының ортақ ізашары арахидон қышқылының босап шығуын тежеу жолымен, олардың биосинтезін бақылауда ұстайтын фосфолипаза А2 мен жалпылама липокортиндер деп аталатындарды тежейтін ақуыздардың бөлінуін индукциялайды. Кортикостероидтар жасушалардың зақымданған аймаққа жинақталуы мен ары қарай жылжуын бәсеңдетеді, сондай-ақ, зақымданған аймақтағы қантамырлардың кеңеюі мен өткізгіштігінің жоғарылауын жояды, бұл жасушалардың зақымданған тін бөліктеріне өтуін төмендетеді. Қосымша, кортикостероидтар сенсибилизацияланған Т-лимфоциттер мен макрофагтардың тері жасушаларына өтуіне де жол бермейді. Антипролиферациялық әсері псориаз кезінде жасушалардың гиперплазиясын төмендетеді.

Дозалау режимі Егде жастағы пациенттер мен балаларды қоса, ересектерге Момейд кремін терінің зақымданған бөліктеріне күніне бір рет жұқа қабатпен жағу керек. Балалар Момейд кремі 2 жасқа толмаған балаларда қолдану үшін ұсынылмайды. Енгізу әдісі мен жолы Сыртқа қолдануға арналған Емдеу ұзақтығы Момейд кремін бет аймағына қолданғанда емдеу ұзақтығы 5 күннен аспауы тиіс. Препаратты балаларда қолданғанда емдеу ұзақтығы 5 күннен аспауы тиіс.

- әсер етуші затына немесе қосымша заттарының кез келгеніне аса жоғары сезімталдық - беттегі розацеа - кәдімгі безеу - тері атрофиясы - периоральді дерматит - жаялықтық дерматит - перианальді, генитальді қышыну - бактериялық (импетиго, пиодермия), вирустық (Herpes simpleх, Herpes zoster және желшешек, кәдімгі сүйелдер, үшкір кондиломалар, контагиоздық моллюска), паразиттік немесе зеңдік (Candida немесе дерматофития) тері инфекциясы - туберкулез - мерез - вакцинадан кейінгі реакциялар - тері жабыны бүтіндігінің бұзылуы - 2 жасқа дейінгі балаларға

Момейд препаратын қолданғанда сирек немесе өте сирек келесі жергілікті жағымсыз реакциялар хабарланды: күйдіру/шаншу, қышыну, тері атрофиясы белгілері, күйдіру, фолликулит, акне тәрізді реакция, папула, пустула және телеангиэктазиялар. Келесі жағымсыз әсерлердің жиілігі белгісіз: (қолда бар деректер бойынша бағалау мүмкін емес): инфекция, фурункул, парестезия, жанаспалы дерматит, гипопигментация, гипертрихоз, тері стриялары, безеу дерматиті, препаратты қолдану орнындағы ауырсыну және жергілікті реакциялар. Жергілікті дерматологиялық глюкокортикоидтарды қолдану кезінде сирек хабарланған жергілікті жағымсыз реакцияларға мыналар жатады: терінің құрғауы, тітіркену, дерматит, периоральды дерматит, аллергиялық жанаспалы дерматит, терінің мацерациясы, екіншілік инфекция, баздану. Ұзақ уақыт бойы терінің үлкен беткейіне крем жаққанда, әсіресе окклюзиялық таңғышты пайдаланған кезде жүйелі жағымсыз реакциялар туындауы мүмкін («Арнайы ескертулер» бөлімін қараңыз). Жүйелі әсер ететін глюкокортикостероидтарды тағайындау кезінде тіркелген барлық жағымсыз құбылыстар, оның ішінде гипоталамус-гипофиз-бүйрек үсті безі жүйесі функциясының бәсеңдеуі жергілікті глюкокортикостероидтарды, әсіресе нәрестелер мен балаларды тағайындау кезінде дамуы мүмкін («Арнайы ескертулер» бөлімін қараңыз). Жергілікті кортикостероидтарды қолданған кезде жүйелі жағымсыз реакциялардың («Арнайы ескертулер» бөлімін қараңыз), мысалы, анық көрмеудің даму мүмкіндігі (жиілігі белгісіз) туралы хабарланды. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жергілікті кортикостероидтарды шамадан тыс, ұзақ уақыт пайдалану гипоталамус-гипофиз-бүйрекүсті безі функциясын бәсеңдетуі мүмкін, бұл бүйрекүсті бездерінің салдарлы жеткіліксіздігіне алып келуі мүмкін, ол әдетте қайтымды. Егер ГГБ осінің бәсеңдегені білінсе, препаратты тоқтату, немесе қолдану жиілігін азайту немесе әлсіз стероидқа алмастыру керек.

Момейд кремін көзге тигізбеу керек. Егер Момейд кремін пайдаланғанда тітіркену немесе сезімталдық дамыса, емдеу тоқтатылуы және сәйкесінше ем тағайындалуы тиіс. Инфекция дамыған жағдайда, тиісінше зеңге қарсы немесе бактерияға қарсы дәріні пайдалану керек. Терінің ауқымды аймақтарына ұзақ уақыт бойы жаққан жағдайда, әсіресе, окклюзиялық таңғыштар қолданылған кезде, мометазонның жүйелі әсері дамуы мүмкін. Осыны ескере отырып, науқастар гипоталамус-гипофиз-бүйрекүсті безі жүйесі функциясының бәсеңдеуі және Кушинг синдромының дамуы белгілеріне қатысты қадағалануы тиіс. Стеарил спирті терінің жергілікті реакцияларын (мысалы, жанаспалы дерматитті) туғызуы мүмкін. Препараттың құрамына кіретін пропиленгликоль, жаққан жерде тітіркену туғызуы мүмкін, ондай жағдайларда Момейд кремін қолдануды тоқтату және тиісінше ем тағайындау керек. Арнайы ескертулер ГКС жүйелік әсерінің дамуы мүмкіндігін ескере отырып, Момейд препаратын окклюзиялық таңғыш астына қолдануға, терінің ауқымды аймақтарына, бет терісіне және тері қатпарларына ұзақ уақыт қолдануға тыйым салынады. Бет терісі зақымданған науқастарда емдеу курсы 5 күннен аспауы керек. Жасына қарамастан барлық пациенттерді ұзақ уақыт үздіксіз емдеуден аулақ болу керек. Балаларда жергілікті кортикостероидтарды қолдану препараттың ең аз тиімді мөлшерімен шектелуі тиіс. Псориазды емдеу кезінде жергілікті глюкокортикостероидтарды қолдану төзімділіктің дамуына және соның салдарынан процестің қайталануына, терінің бөгеттік функциясының төмендеуіне байланысты жайылған пустулезді псориаздың және жергілікті немесе жүйелік жағымсыз әсерлердің даму қаупін тудыруы мүмкін. Пациенттің жағдайын мұқият бақылау қажет. Емдеуді кенеттен тоқтатудан аулақ болу керек. Ұзақ уақытқа созылған глюкокортикостероидты (ГКС) ем кезінде емді кенеттен тоқтату терінің қарқынды қызаруы және ашытуы сезілетін дерматит түрінде көрінетін рикошет синдромының дамуына әкелуі мүмкін. Сондықтан ұзақ емдеу курсынан кейін препаратты қабылдауды біртіндеп, мысалы, оны қабылдауды толық тоқтатпас бұрын, алма-кезек емдеу әдісіне ауысып тоқтату керек. Екіншілік инфекция түскен кезде микробқа қарсы ем тағайындалуы керек. Әсері болмаған жағдайда препарат қабылдауды тоқтатады. Препаратты көзге және шырышты қабыққа тигізбеу керек. Момейд препараты ашық бұрышты глаукоманың немесе субкапсулалық катарактаның даму қаупіне байланысты офтальмологияда қолдануға арналмаған. ГКС кейбір тері ауруларының көріністерін өзгерте алатындығын есте ұстаған жөн, бұл диагноз қоюды қиындатуы мүмкін. Сонымен қатар, ГКС қолдану жараларды емдеудің кешеуілдеуіне себеп болуы мүмкін. Жүйелік және жергілікті әсер ететін глюкокортикостероидтарды қолданған кезде (интраназальді, ингаляциялық және көзішілік енгізуді қосқанда) көру қабілеті бұзылуы мүмкін. Егер бұлыңғыр көру немесе көру тарапынан басқа бұзылулар сияқты симптомдар пайда болса, пациент глюкокортикостероидтарды жүйелі және жергілікті қолданғанда бірқатар жағдайларда байқалған катаракта, глаукома немесе орталық серозды хориоретинопатия сияқты сирек ауруды қамтитын көру бұзылыстарының ықтимал себептерін анықтау үшін офтальмологтан тексеруден өтуі керек. Педиатрияда қолдану Препаратты 2 жасқа дейінгі балаларға 3 аптадан артық қолданудың қауіпсіздігі мен тиімділігі зерттелмеген. Қауіпсіздік пен тиімділік жөніндегі деректердің болмауының салдарынан Момейд кремін 2 жасқа дейінгі балаларға тағайындау ұсынылмайды. Құрамында күшті глюкокортикостероидтары бар барлық препараттар сияқты, Момейд препаратын окклюзиялық таңғыштар астына, ұзақ уақыт бойы, терінің ауқымды аймақтарына, бетке, тері қатпарларына (қолтық асты мен шап аймағына, жөргек немесе су өткізбейтін шолақ дамбалы астындағы тері аймағына) қолданудан аулақ болу керек. Бет терісі зақымданған балаларда емдеу курсы 5 күннен аспауы керек. Балаларда дене беті мен дене салмағы арақатынасының шамасы ересектерге қарағанда үлкен болғандықтан, кез келген жергілікті әсер ететін ГСК қолдану кезінде гипоталамус-гипофиз-бүйрекүсті безі жүйесінің (ГГБЖ) функциясының басылу қаупіне және Иценко-Кушинг синдромының даму қаупіне көбірек ұшырайды. Глюкокортикостероидтармен ұзақ уақыт емделу өсу мен дамудың бұзылуына әкеп соғуы мүмкін. Осыған байланысты, балаларда жергілікті глюкокортикостероидтарды пайдалану препараттың ең аз тиімді мөлшерімен және қолданудың ең аз кезеңімен шектелуі тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Анықталмаған.

Жүктілік кезінде Момейд кремімен емдеуді тек, дәрігердің тағайындауы бойынша ғана жүргізу керек. Кремді тері беткейінің ауқымды бөліктеріне және ұзақ мерзім бойына қолданбау керек. Мометазон фуроатының жүкті әйелдерге ықпалы жеткілікті бақыланған зерттеулер жоқ, сондықтан, адам шаранасы үшін жағымсыз әсерлердің даму қаупі белгісіз. Алайда, жергілікті қолданылатын барлық глюкокортикоидтардағы сияқты, глюкокортикоидтардың плаценталық бөгет арқылы өтуі мүмкіндігін ескеру керек. Сондықтан адам шаранасының өсуінде аздаған тежеліс қаупі болуы мүмкін. Жергілікті қолданылатын басқа глюкокортикоидтар сияқты, Момейд кремі жүкті әйелдерге тек, егер ықтимал пайдасы ана немесе шарана үшін ықтимал қаупінен асып түсетін болса ғана қолдануға болады. Лактация Кортикостероидтарды жергілікті қолдану олардың емшек сүтіндегі мөлшерін анықтау үшін жеткілікті жүйелі сіңірілуіне алып келу-келмеуі мүмкіндігі белгісіз. Момейд кремін бала емізетін аналарға тек, пайдасы/қаупі арақатынасын мұқият зерттегеннен кейін ғана тағайындау керек. Егер жоғарырақ дозаларымен емдеу немесе ұзақ қолдану көрсетілсе, бала емізуді тоқтату керек.

Момейд кремінің басқа препараттармен өзара дәрілік әрекеттесулерін зерттеулер жүргізілген жоқ.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!